ꠔꠃꠞꠣꠔ ২: ꠢꠤꠎꠞꠔ 24:3 - Siloṭi Asmani Kitab (Nagri lipi)

³ ꠝꠥꠍꠣꠄ ꠝꠣꠘꠡꠞ ꠉꠦꠍꠦ ꠀꠁꠀ ꠝꠣꠛꠥꠖꠞ ꠢꠇ꠆ꠇꠟ ꠇꠣꠟꠣꠝ ꠀꠞ ꠀꠁꠘ-ꠇꠣꠘꠥꠘ ꠢꠥꠘꠣꠁꠟꠣ, ꠁꠔꠣ ꠢꠥꠘꠤꠀ ꠢꠇꠟ ꠝꠣꠘꠡꠦ ꠄꠇꠟꠉꠦ ꠇꠁꠟꠣ, “ꠝꠣꠛꠥꠖꠦ ꠎꠔꠔꠣ ꠛꠣꠔꠣꠁꠍꠂꠘ ꠁꠔꠣ ꠢꠇ꠆ꠇꠟꠔꠣ ꠀꠝꠞꠣ ꠝꠣꠘꠝꠥ।”

ছিলটি আছমানি কিতাব (বাংলা লিপি)

³ মুছায় মানষর গেছে আইয়া মাবুদর হক্কল কালাম আর আইন-কানুন হুনাইলা, ইতা হুনিয়া হকল মানষে একলগে কইলা, “মাবুদে যততা বাতাইছইন ইতা হক্কলতা আমরা মানমু।”

Siloṭi Asmani Kitab (Latin lipi)

³ Musae manshor gese aia Mabudor hokkol kalam ar ain-ḳanun hunaila, ita hunia hoḳol manshe eḳloge ḳoila, “Mabude zotota bataisoin ita hokkolta amra manmu.”

ꠔꠃꠞꠣꠔ ২: ꠢꠤꠎꠞꠔ 24:3 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 19:8

ꠔꠦꠃ ꠢꠇꠟ ꠝꠣꠘꠡꠦ ꠄꠇꠟꠉꠦ ꠇꠁꠟꠣ, “ꠝꠣꠛꠥꠖꠦ ꠎꠦꠟꠣ ꠛꠣꠔꠣꠁꠍꠂꠘ, ꠀꠝꠞꠣ ꠅꠟꠣ ꠢꠇ꠆ꠇꠟꠔꠣ ꠇꠞꠝꠥ।” ꠝꠣꠘꠡꠦ ꠎꠦꠝꠘꠦ ꠎꠥꠀꠙ ꠖꠤꠟꠣ, ꠝꠥꠍꠣꠄ ꠉꠤꠀ ꠝꠣꠛꠥꠖꠞ ꠖꠞꠛꠣꠞꠅ ꠅꠟꠣ ꠎꠣꠘꠣꠁꠟꠣ।

ꠔꠃꠞꠣꠔ ২: ꠢꠤꠎꠞꠔ 24:2

ꠅꠁꠟꠦ ꠈꠣꠟꠤ ꠔꠥꠝꠤ ꠄꠇꠟꠣ ꠀꠝꠣꠞ ꠇꠣꠍꠣꠔ ꠃꠙꠞꠦ ꠀꠁꠛꠣꠄ, ꠀꠞ ꠇꠦꠃ ꠘꠣꠄ। ꠄꠞꠣꠞ ꠟꠉꠦ ꠀꠞ ꠇꠥꠘꠥ ꠛꠘꠤ ꠁꠍꠞꠣꠁꠟ ꠎꠣꠘꠥ ꠘꠣ ꠃꠑꠦ।”

ꠔꠃꠞꠣꠔ ২: ꠢꠤꠎꠞꠔ 24:7

ꠛꠣꠖꠦ ꠔꠣꠁꠘ ꠀꠟ꠆ꠟꠣꠞ ꠟꠉꠦ ꠝꠤꠟꠘꠞ ꠃꠍꠤꠟ꠆ꠟꠣꠞ ꠘꠤꠅꠝ-ꠇꠣꠘꠥꠘ ꠟꠦꠈꠣ ꠇꠤꠔꠣꠛꠈꠣꠘ ꠔꠤꠟꠣꠅꠔ ꠇꠞꠤ ꠝꠣꠘꠡꠞꠦ ꠢꠥꠘꠣꠁꠟꠣ। ꠁꠔꠣ ꠢꠥꠘꠤꠀ ꠝꠣꠘꠡꠦ ꠎꠥꠀꠙ ꠖꠤꠟꠣ, “ꠀꠝꠞꠣ ꠝꠣꠛꠥꠖꠞ ꠢꠇꠟ ꠢꠥꠇꠥꠝ ꠢꠥꠘꠝꠥ, ꠔꠣꠁꠘ ꠎꠔꠔꠣ ꠇꠁꠍꠂꠘ ꠢꠇꠟꠔꠣ ꠝꠣꠘꠝꠥ।”

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 11:1

“ꠄꠞꠟꠣꠉꠤ, ꠅ ꠛꠘꠤ ꠁꠍꠞꠣꠁꠟ, ꠔꠥꠝꠞꠣ ꠘꠤꠎꠞ ꠝꠣꠛꠥꠖ ꠀꠟ꠆ꠟꠣꠞꠦ ꠝꠢꠛ꠆ꠛꠔ ꠇꠞꠤꠅ, ꠀꠞ ꠔꠣꠘ ꠝꠞ꠆ꠎꠤ ꠎꠥꠉꠣꠁꠀ ꠌꠟꠤꠅ, ꠔꠣꠘ ꠖꠦꠅꠀ ꠡꠞꠤꠅꠔ, ꠢꠇꠟ ꠘꠤꠅꠝ-ꠇꠣꠘꠥꠘ, ꠢꠥꠇꠥꠝ-ꠀꠢꠇꠣꠝ ꠢꠞ-ꠢꠣꠝꠦꠡꠣ ꠝꠣꠘꠤꠅ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:1

ꠢꠎꠞꠔ ꠝꠥꠍꠣꠄ ꠔꠣꠞꠣꠞꠦ ꠇꠁꠟꠣ, “ꠅ ꠛꠘꠤ ꠁꠍꠞꠣꠁꠟ, ꠀꠝꠤ ꠅꠈꠘ ꠎꠦ ꠡꠞꠤꠅꠔ ꠀꠞ ꠢꠥꠇꠥꠝ-ꠀꠢꠇꠣꠝ ꠇꠁꠝꠥ, ꠁꠔꠣ ꠔꠥꠝꠞꠣ ꠈꠤꠀꠟ ꠇꠞꠤ ꠢꠥꠘꠅ। ꠔꠦꠃ ꠔꠥꠝꠞꠣ ꠎꠣꠘꠦ ꠛꠣꠌꠛꠣꠄ ꠀꠞ ꠔꠥꠝꠞꠣꠞ ꠛꠣꠚ-ꠖꠣꠖꠣꠞ ꠝꠣꠛꠥꠖ ꠀꠟ꠆ꠟꠣꠄ ꠔꠥꠝꠞꠣꠞꠦ ꠎꠦ ꠖꠦꠡ ꠖꠣꠘ ꠇꠞꠞꠣ, ꠢꠃ ꠖꠦꠡꠅ ꠉꠤꠀ ꠖꠈꠟ ꠇꠞꠔꠣꠄ ꠙꠣꠞꠛꠣꠄ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:45

ꠝꠤꠡꠞ ꠖꠦꠡ ꠕꠣꠇꠤ ꠛꠣꠞ ꠅꠁꠀ ꠀꠅꠀꠞ ꠛꠣꠖꠦ, ꠢꠇꠟ ꠢꠥꠡꠤꠀꠞꠤꠞ ꠇꠕꠣ, ꠡꠞꠤꠅꠔꠞ ꠘꠤꠅꠝ-ꠇꠣꠘꠥꠘ ꠀꠞ ꠢꠥꠇꠥꠝ-ꠀꠢꠇꠣꠝ ꠛꠘꠤ ꠁꠍꠞꠣꠁꠟꠞꠦ ꠎꠣꠘꠣꠁꠟꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:5

“ꠅꠈꠘ ꠢꠥꠘꠅ, ꠀꠝꠣꠞ ꠝꠣꠛꠥꠖ ꠀꠟ꠆ꠟꠣꠄ ꠀꠝꠣꠞꠦ ꠎꠦꠟꠣꠈꠣꠘ ꠢꠥꠇꠥꠝ-ꠀꠢꠇꠣꠝ ꠖꠤꠍꠟꠣ, ꠀꠝꠤ ꠔꠥꠝꠞꠣꠞꠦ ꠑꠤꠇ ꠅꠃ ꠢꠥꠇꠥꠝ-ꠀꠢꠇꠣꠝ ꠀꠞ ꠘꠤꠅꠝ-ꠇꠣꠘꠥꠘ ꠢꠤꠇꠣꠁꠍꠤ। ꠎꠣꠔꠦ ꠔꠥꠝꠞꠣ ꠅꠈꠘ ꠎꠦ ꠖꠦꠡ ꠖꠈꠟ ꠇꠞꠣꠔ ꠎꠣꠁꠞꠣꠄ, ꠢꠃ ꠖꠦꠡꠅ ꠁꠔꠣ ꠇꠣꠝꠅ ꠟꠣꠉꠣꠅ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 5:1

ꠝꠥꠍꠣ ꠘꠛꠤꠄ ꠔꠣꠝꠣꠝ ꠛꠘꠤ ꠁꠍꠞꠣꠁꠟꠞꠦ ꠖꠟꠣ ꠇꠞꠣꠁꠟꠣ, ꠔꠣꠞꠣꠞꠦ ꠇꠁꠟꠣ, “ꠅ ꠛꠘꠤ ꠁꠍꠞꠣꠁꠟ, ꠀꠝꠤ ꠅꠈꠘ ꠎꠦꠔꠣ ꠢꠥꠇꠥꠝ-ꠀꠢꠇꠣꠝ ꠀꠞ ꠀꠁꠘ-ꠇꠣꠘꠥꠘ ꠔꠥꠝꠞꠣꠞꠦ ꠎꠣꠘꠣꠁꠝꠥ, ꠁꠔꠣ ꠔꠥꠝꠞꠣ ꠈꠤꠀꠟ ꠇꠞꠤ ꠢꠥꠘꠤꠅ, ꠢꠥꠘꠤꠀ ꠖꠤꠟꠅ ꠉꠣꠕꠤꠀ ꠞꠣꠈꠤꠅ ꠀꠞ ꠀꠝꠟ ꠇꠞꠤꠅ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 5:31

ꠅꠁꠟꠦ ꠔꠥꠝꠤ ꠅꠘꠅ ꠀꠝꠣꠞ ꠇꠣꠘ꠆ꠖꠣꠔ ꠞꠁꠅ। ꠀꠝꠤ ꠔꠥꠝꠣꠞꠦ ꠀꠝꠣꠞ ꠢꠇꠟ ꠢꠥꠇꠥꠝ-ꠀꠢꠇꠣꠝ, ꠀꠁꠘ-ꠇꠣꠘꠥꠘ ꠀꠞ ꠡꠞꠤꠅꠔ ꠛꠣꠔꠣꠁꠝꠥ, ꠔꠥꠝꠤ ꠉꠤꠀ ꠔꠣꠞꠣꠞꠦ ꠅꠔꠣ ꠢꠤꠇꠣꠁꠛꠣꠄ। ꠔꠦꠃ ꠀꠝꠤ ꠔꠣꠞꠣꠞꠦ ꠎꠦ ꠖꠦꠡꠞ ꠖꠈꠟꠖꠣꠞꠤ ꠖꠤꠀꠞ, ꠢꠃ ꠖꠦꠡꠅ ꠉꠤꠀ ꠢꠣꠞꠤ ꠔꠣꠞꠣ ꠅꠔꠣ ꠀꠝꠟ ꠇꠞꠛꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 6:1

“ꠔꠥꠝꠞꠣꠞꠦ ꠢꠤꠇꠣꠘꠤꠞ ꠘꠤꠅꠔꠦ ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠀꠝꠣꠞꠦ ꠅꠃ ꠢꠥꠇꠥꠝ-ꠀꠢꠇꠣꠝ, ꠡꠞꠤꠅꠔ ꠀꠞ ꠀꠁꠘ-ꠇꠣꠘꠥꠘ ꠖꠤꠍꠂꠘ, ꠎꠣꠔꠦ ꠢꠃ ꠎꠦ ꠖꠦꠡ ꠖꠈꠟ ꠇꠞꠣꠞ ꠘꠤꠅꠔꠦ ꠔꠥꠝꠞꠣ ꠎꠞ꠆ꠖꠣꠘ ꠉꠣꠋ ꠙꠣꠞ ꠅꠁꠀ ꠎꠣꠁꠞꠣꠄ, ꠢꠘꠅ ꠉꠤꠀ ꠢꠣꠞꠤ ꠔꠥꠝꠞꠣ ꠁꠔꠣ ꠀꠝꠟ ꠇꠞꠅ।