ꠔꠃꠞꠣꠔ ২: ꠢꠤꠎꠞꠔ 21:1 - Siloṭi Asmani Kitab (Nagri lipi)

¹ ꠝꠣꠛꠥꠖꠦ ꠝꠥꠍꠣꠞꠦ ꠀꠞꠅ ꠇꠁꠟꠣ, “ꠔꠥꠝꠤ ꠛꠘꠤ ꠁꠍꠞꠣꠁꠟꠞꠦ ꠀꠝꠣꠞ ꠅꠃ ꠘꠤꠅꠝ-ꠇꠣꠘꠥꠘ ꠅꠇꠟ ꠎꠣꠘꠣꠅ।

ছিলটি আছমানি কিতাব (বাংলা লিপি)

¹ মাবুদে মুছারে আরো কইলা, “তুমি বনি ইছরাইলরে আমার অউ নিয়ম-কানুন অকল জানাও।

Siloṭi Asmani Kitab (Latin lipi)

¹ Mabude Musare aro ḳoila, “Tumi Boni Israilre amar ou niom-ḳanun oḳol zanao.

ꠔꠃꠞꠣꠔ ২: ꠢꠤꠎꠞꠔ 21:1 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 19:7

ꠅꠃ ꠝꠥꠍꠣꠄ ꠀꠁꠀ ꠛꠘꠤ ꠁꠍꠞꠣꠁꠟꠞ ꠝꠥꠞꠛ꠆ꠛꠤ ꠅꠇꠟꠞꠦ ꠖꠟꠣ ꠇꠞꠣꠁꠟꠣ। ꠖꠟꠣ ꠇꠞꠣꠁꠀ ꠇꠁꠟꠣ, ꠝꠣꠛꠥꠖꠦ ꠔꠣꠘꠞꠦ ꠇꠤꠔꠣ ꠇꠤꠔꠣ ꠢꠥꠇꠥꠝ ꠖꠤꠍꠂꠘ।

ꠔꠃꠞꠣꠔ ৩: ꠟꠦꠛꠤꠀꠘ 18:26

ꠅꠁꠟꠦ ꠔꠥꠝꠞꠣ ꠈꠣꠟꠤ ꠀꠝꠣꠞ ꠖꠦꠅꠀ ꠡꠞꠤꠅꠔ ꠀꠞ ꠢꠥꠇꠥꠝ-ꠀꠢꠇꠣꠝ ꠝꠣꠘꠤꠀ ꠌꠟꠤꠅ। ꠔꠥꠝꠞꠣꠞ ꠘꠤꠎꠞ ꠎꠣꠔꠤꠞ ꠛꠣ ꠔꠥꠝꠞꠣꠞ ꠝꠣꠎꠦ ꠛꠡꠔ ꠇꠞꠞꠣ ꠜꠤꠘ-ꠖꠦꠡꠤ ꠇꠦꠃ ꠎꠣꠘꠥ ꠅꠟꠣ ꠈꠛꠤꠍꠤ ꠛꠦꠁꠎ꠆ꠎꠔꠤꠞ ꠇꠥꠘꠥꠎꠣꠔ ꠇꠣꠝ ꠘꠣ ꠇꠞꠦ।

ꠔꠃꠞꠣꠔ ৩: ꠟꠦꠛꠤꠀꠘ 18:5

ꠀꠝꠣꠞ ꠛꠣꠔꠣꠁꠟ ꠘꠤꠅꠝ-ꠇꠣꠘꠥꠘ ꠀꠞ ꠡꠞꠤꠅꠔꠞ ꠢꠥꠇꠥꠝ-ꠀꠢꠇꠣꠝ ꠔꠥꠝꠞꠣ ꠀꠝꠟ ꠇꠞꠛꠣꠄ, ꠎꠦ ꠎꠘꠦ ꠁꠔꠣ ꠀꠝꠟ ꠇꠞꠦ ꠢꠦ ꠄꠞ ꠃꠍꠤꠟ꠆ꠟꠣꠄ ꠔꠣꠞ ꠎꠣꠘ ꠛꠣꠌꠣꠁꠛ। ꠀꠝꠤꠃ ꠔ ꠝꠣꠛꠥꠖ।

ꠔꠃꠞꠣꠔ ৩: ꠟꠦꠛꠤꠀꠘ 19:37

ꠀꠝꠣꠞ ꠛꠣꠔꠣꠁꠟ ꠢꠇꠟ ꠘꠤꠅꠝ-ꠇꠣꠘꠥꠘ ꠀꠞ ꠙꠥꠞꠣꠙꠥꠞ ꠡꠞꠤꠅꠔ ꠔꠥꠝꠞꠣ ꠝꠣꠘꠤꠀ ꠌꠟꠤꠅ। ꠀꠝꠤꠃ ꠔ ꠝꠣꠛꠥꠖ।”

ꠔꠃꠞꠣꠔ ৩: ꠟꠦꠛꠤꠀꠘ 20:22

“ꠔꠥꠝꠞꠣ ꠛꠡꠔ ꠇꠞꠣꠞ ꠟꠣꠉꠤ ꠀꠝꠤ ꠔꠥꠝꠞꠣꠞꠦ ꠎꠦ ꠖꠦꠡꠅ ꠘꠤꠀꠞ, ꠢꠃ ꠖꠦꠡꠞ ꠝꠣꠐꠤꠄ ꠎꠣꠘꠥ ꠔꠥꠝꠞꠣꠞꠦ ꠛꠝꠤ ꠇꠞꠤꠀ ꠘꠣ ꠚꠣꠟꠣꠄ। ꠄꠞꠟꠣꠉꠤ ꠔꠥꠝꠞꠣ ꠀꠝꠣꠞ ꠛꠣꠔꠣꠁꠟ ꠢꠇꠟ ꠡꠞꠤꠅꠔ ꠀꠞ ꠘꠤꠅꠝ-ꠇꠣꠘꠥꠘ ꠅꠇꠟ ꠀꠝꠟ ꠇꠞꠤꠅ।

ꠔꠃꠞꠣꠔ ৪: ꠡꠥꠝꠣꠞꠤ 35:24

ꠛꠘꠤ ꠁꠍꠞꠣꠁꠟꠞ ꠀꠖꠣꠟꠔꠞ ꠝꠣꠘꠡꠦ, ꠅꠃ ꠈꠥꠘꠤꠞ ꠀꠞ ꠈꠥꠘꠞ ꠛꠖꠟꠣ ꠟꠅꠞꠣ ꠎꠘꠞ ꠛꠦꠙꠣꠞꠦ ꠅꠃ ꠘꠤꠅꠝ ꠝꠣꠘꠤꠀ ꠛꠤꠌꠣꠞ ꠇꠞꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 36:13

ꠀꠞ ꠢꠥꠘꠅ, ꠎꠤꠞꠤꠢꠅ ꠄꠟꠣꠇꠣꠞ ꠎꠞ꠆ꠖꠣꠘ ꠉꠣꠋꠉꠞ ꠗꠣꠞꠅ ꠝꠥꠀꠛ ꠖꠦꠡꠞ ꠔꠟ ꠎꠣꠉꠣꠔ, ꠝꠣꠛꠥꠖꠦ ꠝꠥꠍꠣ ꠘꠛꠤꠞ ꠝꠣꠎꠖꠤ ꠛꠘꠤ ꠁꠍꠞꠣꠁꠟꠞꠦ ꠅꠃ ꠢꠥꠇꠥꠝ-ꠀꠢꠇꠣꠝ ꠀꠞ ꠘꠤꠅꠝ-ꠇꠣꠘꠥꠘ ꠅꠇꠟ ꠖꠤꠍꠟꠣ॥

ꠁꠘ꠆ꠎꠤꠟ ১: ꠝꠕꠤ 28:20

ꠀꠝꠤ ꠔꠥꠝꠞꠣꠞꠦ ꠎꠦꠔꠣ ꠢꠥꠇꠥꠝ ꠖꠤꠍꠤ, ꠅꠔꠣ ꠀꠝꠟ ꠇꠞꠣꠞ ꠟꠣꠉꠤ ꠔꠣꠞꠣꠞꠦ ꠔꠣꠟꠤꠝ ꠖꠦꠅ। ꠝꠘꠅ ꠞꠣꠈꠤꠅ, ꠇꠤꠀꠝꠔꠞ ꠀꠉ ꠙꠞ꠆ꠎꠘ꠆ꠔ ꠡꠛ ꠡꠝꠄ ꠀꠝꠤ ꠔꠥꠝꠞꠣꠞ ꠟꠉꠦ ꠟꠉꠦ ꠀꠍꠤ।” ꠀꠝꠤꠘ॥

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 15:12

“ꠔꠥꠝꠞꠣꠞ ꠡꠝꠣꠎꠞ ꠇꠥꠘꠥ ꠁꠛꠞꠣꠘꠤ ꠛꠦꠐꠣ ꠛꠣ ꠛꠦꠐꠤꠄ ꠎꠥꠖꠤ ꠘꠤꠎꠞꠦ ꠔꠥꠝꠞꠣꠞ ꠉꠦꠍꠦ ꠛꠦꠌꠤꠟꠣꠄ, ꠔꠦ ꠍꠄ ꠛꠞꠍ ꠇꠣꠝ ꠇꠞꠣꠘꠤꠞ ꠛꠣꠖꠦ ꠡꠣꠔ ꠘꠝ꠆ꠛꠞ ꠛꠞꠍ ꠀꠞꠝ꠆ꠛ ꠅꠀꠞ ꠇꠣꠟꠅ ꠔꠣꠞꠦ ꠀꠎꠣꠖ ꠇꠞꠤ ꠖꠤꠅ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:14

ꠢꠃ ꠡꠝꠄ ꠝꠣꠛꠥꠖꠦ ꠀꠝꠣꠞꠦ ꠢꠥꠇꠥꠝ ꠖꠤꠟꠣ, ꠀꠝꠤ ꠔꠥꠝꠞꠣꠞꠦ ꠔꠣꠘ ꠡꠞꠤꠅꠔꠞ ꠢꠥꠇꠥꠝ-ꠀꠢꠇꠣꠝ ꠢꠤꠇꠣꠁꠔꠣꠝ, ꠎꠣꠔꠦ ꠎꠞ꠆ꠖꠣꠘ ꠉꠣꠋꠉꠞ ꠢꠙꠣꠞꠅ ꠔꠥꠝꠞꠣ ꠎꠦ ꠖꠦꠡ ꠖꠈꠟꠅ ꠎꠣꠁꠞꠣꠄ, ꠢꠘꠅ ꠉꠤꠀ ꠢꠣꠞꠟꠦ ꠅꠔꠣ ꠝꠣꠘꠤꠀ ꠌꠟꠅ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:45

ꠝꠤꠡꠞ ꠖꠦꠡ ꠕꠣꠇꠤ ꠛꠣꠞ ꠅꠁꠀ ꠀꠅꠀꠞ ꠛꠣꠖꠦ, ꠢꠇꠟ ꠢꠥꠡꠤꠀꠞꠤꠞ ꠇꠕꠣ, ꠡꠞꠤꠅꠔꠞ ꠘꠤꠅꠝ-ꠇꠣꠘꠥꠘ ꠀꠞ ꠢꠥꠇꠥꠝ-ꠀꠢꠇꠣꠝ ꠛꠘꠤ ꠁꠍꠞꠣꠁꠟꠞꠦ ꠎꠣꠘꠣꠁꠟꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:5

“ꠅꠈꠘ ꠢꠥꠘꠅ, ꠀꠝꠣꠞ ꠝꠣꠛꠥꠖ ꠀꠟ꠆ꠟꠣꠄ ꠀꠝꠣꠞꠦ ꠎꠦꠟꠣꠈꠣꠘ ꠢꠥꠇꠥꠝ-ꠀꠢꠇꠣꠝ ꠖꠤꠍꠟꠣ, ꠀꠝꠤ ꠔꠥꠝꠞꠣꠞꠦ ꠑꠤꠇ ꠅꠃ ꠢꠥꠇꠥꠝ-ꠀꠢꠇꠣꠝ ꠀꠞ ꠘꠤꠅꠝ-ꠇꠣꠘꠥꠘ ꠢꠤꠇꠣꠁꠍꠤ। ꠎꠣꠔꠦ ꠔꠥꠝꠞꠣ ꠅꠈꠘ ꠎꠦ ꠖꠦꠡ ꠖꠈꠟ ꠇꠞꠣꠔ ꠎꠣꠁꠞꠣꠄ, ꠢꠃ ꠖꠦꠡꠅ ꠁꠔꠣ ꠇꠣꠝꠅ ꠟꠣꠉꠣꠅ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:8

ꠛꠣ ꠀꠝꠤ ꠅꠈꠘ ꠎꠦ ꠡꠞꠤꠅꠔꠞ ꠇꠕꠣ ꠇꠁꠞꠣꠝ, ꠁꠔꠣ ꠖꠥꠍꠞꠣ ꠇꠥꠘꠥ ꠛꠠ ꠎꠣꠔꠤꠞ ꠀꠍꠦ ꠘꠤ? ꠁꠟꠣ ꠘꠤꠅꠝ-ꠇꠣꠘꠥꠘ ꠀꠞ ꠘꠤꠈꠥꠔ ꠢꠥꠇꠥꠝ-ꠀꠢꠇꠣꠝ ꠔꠣꠞꠣꠞ ꠀꠍꠦ ꠘꠤ?

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 5:1

ꠝꠥꠍꠣ ꠘꠛꠤꠄ ꠔꠣꠝꠣꠝ ꠛꠘꠤ ꠁꠍꠞꠣꠁꠟꠞꠦ ꠖꠟꠣ ꠇꠞꠣꠁꠟꠣ, ꠔꠣꠞꠣꠞꠦ ꠇꠁꠟꠣ, “ꠅ ꠛꠘꠤ ꠁꠍꠞꠣꠁꠟ, ꠀꠝꠤ ꠅꠈꠘ ꠎꠦꠔꠣ ꠢꠥꠇꠥꠝ-ꠀꠢꠇꠣꠝ ꠀꠞ ꠀꠁꠘ-ꠇꠣꠘꠥꠘ ꠔꠥꠝꠞꠣꠞꠦ ꠎꠣꠘꠣꠁꠝꠥ, ꠁꠔꠣ ꠔꠥꠝꠞꠣ ꠈꠤꠀꠟ ꠇꠞꠤ ꠢꠥꠘꠤꠅ, ꠢꠥꠘꠤꠀ ꠖꠤꠟꠅ ꠉꠣꠕꠤꠀ ꠞꠣꠈꠤꠅ ꠀꠞ ꠀꠝꠟ ꠇꠞꠤꠅ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 5:31

ꠅꠁꠟꠦ ꠔꠥꠝꠤ ꠅꠘꠅ ꠀꠝꠣꠞ ꠇꠣꠘ꠆ꠖꠣꠔ ꠞꠁꠅ। ꠀꠝꠤ ꠔꠥꠝꠣꠞꠦ ꠀꠝꠣꠞ ꠢꠇꠟ ꠢꠥꠇꠥꠝ-ꠀꠢꠇꠣꠝ, ꠀꠁꠘ-ꠇꠣꠘꠥꠘ ꠀꠞ ꠡꠞꠤꠅꠔ ꠛꠣꠔꠣꠁꠝꠥ, ꠔꠥꠝꠤ ꠉꠤꠀ ꠔꠣꠞꠣꠞꠦ ꠅꠔꠣ ꠢꠤꠇꠣꠁꠛꠣꠄ। ꠔꠦꠃ ꠀꠝꠤ ꠔꠣꠞꠣꠞꠦ ꠎꠦ ꠖꠦꠡꠞ ꠖꠈꠟꠖꠣꠞꠤ ꠖꠤꠀꠞ, ꠢꠃ ꠖꠦꠡꠅ ꠉꠤꠀ ꠢꠣꠞꠤ ꠔꠣꠞꠣ ꠅꠔꠣ ꠀꠝꠟ ꠇꠞꠛꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 6:1

“ꠔꠥꠝꠞꠣꠞꠦ ꠢꠤꠇꠣꠘꠤꠞ ꠘꠤꠅꠔꠦ ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠀꠝꠣꠞꠦ ꠅꠃ ꠢꠥꠇꠥꠝ-ꠀꠢꠇꠣꠝ, ꠡꠞꠤꠅꠔ ꠀꠞ ꠀꠁꠘ-ꠇꠣꠘꠥꠘ ꠖꠤꠍꠂꠘ, ꠎꠣꠔꠦ ꠢꠃ ꠎꠦ ꠖꠦꠡ ꠖꠈꠟ ꠇꠞꠣꠞ ꠘꠤꠅꠔꠦ ꠔꠥꠝꠞꠣ ꠎꠞ꠆ꠖꠣꠘ ꠉꠣꠋ ꠙꠣꠞ ꠅꠁꠀ ꠎꠣꠁꠞꠣꠄ, ꠢꠘꠅ ꠉꠤꠀ ꠢꠣꠞꠤ ꠔꠥꠝꠞꠣ ꠁꠔꠣ ꠀꠝꠟ ꠇꠞꠅ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 6:20

“ꠜꠛꠤꠡꠔꠦ ꠎꠦꠛꠟꠣ ꠔꠥꠝꠞꠣꠞ ꠀꠅꠟꠣꠖ ꠅꠇꠟꠦ ꠔꠥꠝꠞꠣꠞꠦ ꠎꠤꠇꠣꠁꠛꠣ, ꠀꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠅꠃ ꠎꠦꠔꠣ ꠢꠥꠇꠥꠝ-ꠀꠢꠇꠣꠝ, ꠘꠤꠅꠝ-ꠇꠣꠘꠥꠘ, ꠀꠞ ꠢꠥꠡꠤꠀꠞꠤ ꠖꠤꠍꠂꠘ ꠁꠔꠣꠞ ꠝꠣꠘꠤ ꠇꠤꠔꠣ?

ইঞ্জিল ১৩: ১-থিষল: 4:1

ꠅ ꠜꠣꠁꠀꠁꠘ ꠢꠥꠘꠅ, ꠀꠟ꠆ꠟꠣꠞꠦ ꠈꠥꠡꠤ ꠇꠞꠣꠞ ꠟꠣꠉꠤ ꠇꠦꠝꠘꠦ ꠎꠤꠘ꠆ꠖꠦꠉꠤ ꠇꠣꠐꠣꠘꠤ ꠟꠣꠉꠦ, ꠁ ꠔꠣꠟꠤꠝ ꠔ ꠔꠥꠝꠞꠣ ꠀꠝꠞꠣꠞ ꠉꠦꠍ ꠕꠣꠇꠤ ꠀꠉꠦꠃ ꠙꠣꠁꠍ ꠀꠞ ꠔꠥꠝꠞꠣ ꠅꠟꠣ ꠌꠟꠞꠣꠄꠅ। ꠄꠞꠛꠣꠖꠦꠅ ꠢꠎꠞꠔ ꠁꠍꠣꠞ ꠅꠁꠀ ꠔꠥꠝꠞꠣꠞꠦ ꠝꠤꠘꠔ ꠇꠞꠤꠀꠞ ꠀꠞ ꠢꠥꠡꠤꠀꠞ ꠇꠞꠤꠀꠞ, ꠔꠥꠝꠞꠣ ꠎꠦꠟꠣ ꠌꠟꠞꠣꠄ, ꠅꠃꠟꠣ ꠀꠞꠅ ꠛꠦꠡ ꠇꠞꠤ ꠌꠟꠅ।