ꠔꠃꠞꠣꠔ ২: ꠢꠤꠎꠞꠔ 2:3 - Siloṭi Asmani Kitab (Nagri lipi)

³ ꠢꠦꠡꠦ ꠀꠞ ꠟꠥꠇꠣꠁꠔꠣ ꠘꠣ ꠙꠣꠞꠤꠀ, ꠔꠣꠁꠘ ꠘꠟ-ꠈꠣꠉꠠꠣꠞ ꠄꠇ ꠐꠥꠇꠞꠤ ꠟꠁꠟꠣ। ꠅꠃ ꠐꠥꠇꠞꠤꠔ ꠝꠣꠐꠤꠀ ꠔꠦꠟ ꠀꠞ ꠀꠟꠇꠣꠔꠞꠣ ꠟꠦꠙꠤꠀ ꠅꠉꠥꠞ ꠜꠤꠔꠞꠦ ꠢꠥꠞꠥꠔ꠆ꠔꠣꠞꠦ ꠢꠣꠞꠣꠁꠀ, ꠉꠣꠋꠉꠞ ꠌꠞꠞ ꠘꠟ ꠛꠘꠞ ꠝꠣꠎꠦ ꠕꠁꠀ ꠀꠁꠟꠣ।

ছিলটি আছমানি কিতাব (বাংলা লিপি)

³ হেশে আর লুকাইতা না পারিয়া, তাইন নল-খাগড়ার এক টুকরি লইলা। অউ টুকরিত মাটিয়া তেল আর আলকাতরা লেপিয়া অগুর ভিতরে হুরুতারে হারাইয়া, গাংগর চরর নল বনর মাজে থইয়া আইলা।

Siloṭi Asmani Kitab (Latin lipi)

³ Heshe ar lukaita na faria, tain nol-ḳagṛar eḳ ṭukri loila. Ou ṭukrit maṭia tel ar alḳatra lefia ogur bitre huruttare haraia, gangor soror nol bonor maze toia aila.

ꠔꠃꠞꠣꠔ ২: ꠢꠤꠎꠞꠔ 2:3 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 11:3

ꠔꠣꠞꠣ ꠄꠇꠦ-ꠅꠁꠘ꠆ꠘꠞꠦ ꠇꠁꠟ, “ꠀꠅ, ꠀꠝꠞꠣ ꠁꠐ ꠛꠣꠘꠣꠁꠀ ꠀꠉꠥꠁꠘꠖꠤ ꠎꠣꠟꠣꠁ।” ꠇꠁꠀꠃ ꠔꠣꠞꠣ ꠙꠣꠔ꠆ꠔꠞꠞ ꠛꠖꠟꠣ ꠁꠐ ꠀꠞ ꠌꠥꠘ-ꠡꠥꠞꠇꠤꠞ ꠛꠖꠟꠣ ꠔꠣꠞꠔꠦꠟ ꠟꠣꠉꠣꠁꠟ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 14:10

ꠍꠤꠖ꠆ꠖꠤꠝꠞ ꠔꠟ ꠎꠣꠉꠣꠔ ꠔꠣꠞꠔꠦꠟꠞ ꠛꠃꠔ ꠉꠣꠔ-ꠉꠣꠠꠣ ꠀꠍꠤꠟ। ꠍꠣꠖꠥꠝ ꠀꠞ ꠀꠝꠥꠞꠣꠞ ꠛꠣꠖꠡꠣꠁꠘ ꠎꠦꠛꠟꠣ ꠜꠣꠉꠤꠀ ꠎꠣꠁꠞꠣ, ꠁ ꠡꠝꠄ ꠔꠣꠞꠣꠞ ꠟꠉꠞ ꠇꠦꠃ ꠇꠦꠃ ꠅꠃ ꠔꠣꠞꠔꠦꠟꠞ ꠉꠣꠔꠅ ꠙꠠꠤ ꠉꠦꠟꠣ, ꠀꠞ ꠛꠣꠇꠤ ꠅꠇꠟꠦ ꠜꠣꠉꠤꠀ ꠙꠣꠠꠅ ꠉꠦꠟꠣ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 6:14

ꠔꠥꠝꠤ ꠉꠚꠞꠞ ꠔꠇ꠆ꠔꠣ ꠖꠤꠀ ꠔꠥꠝꠣꠞ ꠟꠣꠉꠤ ꠄꠇꠈꠣꠘ ꠎꠣꠎ ꠛꠣꠘꠣꠅ। ꠄꠞ ꠜꠤꠔꠞꠦ ꠀꠟꠉꠣ ꠀꠟꠉꠣ ꠇꠥꠑꠣ ꠕꠣꠇꠛ। ꠀꠞ ꠎꠣꠎꠞ ꠛꠣꠞꠦ-ꠜꠤꠔꠞꠦ ꠀꠟꠇꠣꠔꠞꠣ ꠟꠣꠉꠣꠁꠅ।

ꠔꠃꠞꠣꠔ ২: ꠢꠤꠎꠞꠔ 1:22

ꠁꠔꠣ ꠖꠦꠈꠤꠀ ꠚꠦꠞꠣꠃꠘꠦ ꠘꠤꠎꠞ ꠙ꠆ꠞꠎꠣ ꠅꠇꠟꠞꠦ ꠢꠥꠇꠥꠝ ꠖꠤꠟꠣ, “ꠁꠛꠞꠣꠘꠤ ꠅꠇꠟꠞ ꠇꠥꠘꠥ ꠙꠥꠀꠂꠘ ꠅꠁꠟꠦꠃ ꠔꠥꠝꠞꠣ ꠘꠤꠟ ꠘꠖꠅ ꠚꠣꠟꠣꠁ ꠖꠤꠅ, ꠈꠣꠟꠤ ꠙꠥꠠꠤꠘ꠆ꠔꠞꠦ ꠎꠤꠔꠣ ꠞꠣꠈꠤꠅ।”

ꠁꠘ꠆ꠎꠤꠟ ১: ꠝꠕꠤ 2:13

ꠉꠘꠇ ꠅꠇꠟ ꠉꠤꠀ ꠢꠣꠞꠟꠦ ꠀꠟ꠆ꠟꠣꠞ ꠄꠇ ꠚꠤꠞꠤꠡ꠆ꠔꠣꠄ ꠈꠥꠀꠛꠞ ꠝꠣꠎꠦ ꠁꠃꠍꠥꠚꠞꠦ ꠖꠞꠡꠘ ꠖꠤꠀ ꠇꠁꠟꠣ, “ꠅ ꠁꠃꠍꠥꠚ ꠃꠑꠅ, ꠙꠥꠀ ꠀꠞ ꠔꠣꠘ ꠝꠣʼꠞꠦ ꠟꠁꠀ ꠝꠤꠡꠞ ꠖꠦꠡꠅ ꠜꠣꠉꠤꠀ ꠎꠣꠅꠉꠤ, ꠛꠣꠖꠦ ꠀꠝꠤ ꠎꠔꠖꠤꠘ ꠘꠣ ꠇꠁ, ꠅꠔꠖꠤꠘ ꠢꠘꠅꠃ ꠞꠁꠅ। ꠁ ꠙꠥꠀꠞꠦ ꠝꠣꠞꠤꠟꠤꠔ ꠇꠞꠤ ꠢꠦꠞꠥꠖꠦ ꠔꠥꠇꠣꠁꠛ।”

ꠁꠘ꠆ꠎꠤꠟ ১: ꠝꠕꠤ 2:16

ꠉꠘꠇ ꠅꠇꠟꠦ ꠞꠣꠎꠣ ꠢꠦꠞꠥꠖꠞꠦ ꠐꠉꠤꠍꠂꠘ ꠇꠞꠤꠀ ꠔꠣꠁꠘ ꠈꠥꠛ ꠉꠥꠍꠣ ꠇꠞꠟꠣ। ꠄꠞꠟꠣꠉꠤ ꠉꠘꠇ ꠅꠇꠟꠞ ꠉꠦꠍ ꠕꠣꠇꠤ ꠔꠣꠁꠘ ꠎꠦ ꠡꠝꠄꠅꠞ ꠇꠕꠣ ꠢꠥꠘꠍꠟꠣ, ꠅꠃ ꠡꠝꠄ ꠝꠣꠚꠤꠇ ꠛꠦꠕꠦꠟꠢꠣꠝ ꠉꠣꠃ ꠀꠞ ꠄꠞ ꠀꠡ-ꠙꠣꠡ ꠄꠟꠣꠇꠣꠔ ꠖꠥꠁ ꠛꠍꠞ ꠛꠣ ꠔꠣꠞ ꠇꠝ ꠛꠄꠅꠡꠤ ꠎꠔ ꠙꠥꠀꠂꠘ ꠀꠍꠟꠣ, ꠁꠔꠣ ꠢꠇꠟꠞꠦ ꠝꠣꠞꠤꠟꠤꠛꠣꠞ ꠢꠥꠇꠥꠝ ꠖꠤꠟꠣ।

Injil 5: Sahabi Nama 7:19

ꠢꠤ ꠛꠣꠖꠡꠣꠄ ꠀꠝꠞꠣꠞ ꠝꠣꠘꠡꠞꠦ ꠐꠉꠣꠁꠔꠣ ꠀꠞ ꠀꠝꠞꠣꠞ ꠛꠣꠚ-ꠖꠣꠖꠣ ꠅꠇꠟꠞ ꠃꠙꠞꠦ ꠈꠥꠛ ꠎꠥꠟꠥꠝ ꠇꠞꠔꠣ, ꠔꠣꠘ ꠘꠤꠅꠔ ꠀꠍꠤꠟ ꠄꠞꠣꠞ ꠢꠥꠞꠥꠔ꠆ꠔꠣꠁꠘ ꠎꠘꠝꠞ ꠛꠣꠖꠦꠃ ꠎꠣꠔꠦ ꠛꠣꠞꠦ ꠚꠣꠟꠣꠁ ꠖꠦꠅꠀ ꠅꠄ, ꠀꠞ ꠔꠣꠞꠣ ꠝꠞꠤ ꠎꠣꠁꠘ।