ꠔꠃꠞꠣꠔ ২: ꠢꠤꠎꠞꠔ 16:3 - Siloṭi Asmani Kitab (Nagri lipi)

³ ꠄꠞꠣ ꠖꠥꠁꠅꠎꠘꠞ ꠛꠤꠞꠥꠖ꠆ꠖꠦ ꠛꠘꠤ ꠁꠍꠞꠣꠁꠟꠦ ꠇꠁꠟꠣ, “ꠢꠣꠄꠞꠦ ꠢꠣꠄ, ꠁꠔꠣꠞ ꠇꠕꠣꠄ ꠀꠝꠞꠣ ꠇꠦꠘꠦ ꠀꠁꠟꠣꠝ, ꠝꠣꠛꠥꠖꠦ ꠇꠦꠘꠦ ꠘꠤꠎꠞ ꠀꠔꠦ ꠀꠝꠞꠣꠞꠦ ꠝꠤꠡꠞ ꠖꠦꠡꠅ ꠝꠣꠞꠟꠣ ꠘꠣ? ꠢꠤ ꠡꠝꠄ ꠀꠝꠞꠣ ꠉꠥꠡ꠆ꠔꠞ ꠒꠦꠉꠞ ꠇꠣꠘ꠆ꠖꠣꠔ ꠛꠁꠔꠣꠝ, ꠙꠦꠐ ꠜꠞꠤꠀ ꠉꠥꠡ꠆ꠔ-ꠞꠥꠐꠤ ꠈꠣꠁꠔꠣꠝ, ꠅꠁꠟꠦ ꠁꠔꠣꠄ ꠀꠝꠞꠣꠞꠦ ꠃꠙꠣꠡꠦ ꠀꠞ ꠙꠦꠐꠞ ꠜꠥꠇꠦ ꠝꠣꠞꠔꠣ ꠇꠞꠤ ꠅꠘꠅ ꠀꠘꠍꠂꠘ।”

ছিলটি আছমানি কিতাব (বাংলা লিপি)

³ এরা দুইও জনর বিরুদ্ধে বনি ইছরাইলে কইলা, “হায়রে হায়, ইতার কথায় আমরা কেনে আইলাম, মাবুদে কেনে নিজর আতে আমরারে মিসর দেশো মারলা না? হি সময় আমরা গোস্তর ডেগর কান্দাত বইতাম, পেট ভরিয়া গোস্ত-রুটি খাইতাম, অইলে ইতায় আমরারে উপাসে আর পেটর ভুকে মারতা করি অনো আনছইন।”

Siloṭi Asmani Kitab (Latin lipi)

³ Era duio zonor birudde Boni Israile ḳoila, “Haere hae, itar ḳotae amra ḳene ailam, Mabude ḳene nizor ate amrare Mishor desho marla na? Hi shomoy amra gustor ḍegor ḳandat boitam, feṭ boria gust-ruṭi kaitam, oile itae amrare ufashe ar feṭor buke marta ḳori ono anchoin.”

ꠔꠃꠞꠣꠔ ২: ꠢꠤꠎꠞꠔ 16:3 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 14:11

ꠔꠣꠞꠣ ꠝꠥꠍꠣꠞꠦ ꠇꠁꠟꠣ, “ꠝꠤꠡꠞꠅ ꠇꠄꠛꠞ ꠖꠤꠛꠣꠞ ꠎꠣꠉꠣ ꠘꠣꠁ ꠖꠦꠈꠤꠀ, ꠀꠝꠞꠣꠞꠦ ꠝꠣꠞꠔꠣꠄ ꠇꠞꠤ ꠅꠃ ꠝꠞꠥꠜꠥꠝꠤꠔ ꠟꠁꠀ ꠀꠁꠍ ꠘꠤ? ꠔꠥꠝꠤ ꠁꠔꠣ ꠇꠤꠔꠣ ꠇꠞꠟꠣꠄ? ꠇꠦꠘꠦ ꠀꠝꠞꠣꠞꠦ ꠝꠤꠡꠞ ꠕꠣꠇꠤ ꠛꠣꠞ ꠇꠞꠟꠣꠄ?

ꠔꠃꠞꠣꠔ ২: ꠢꠤꠎꠞꠔ 17:3

ꠝꠣꠘꠡꠦ ꠙꠣꠘꠤꠞ ꠙꠤꠀꠍꠦ ꠇꠣꠢꠤꠟ ꠅꠁꠀ ꠝꠥꠍꠣꠞ ꠛꠤꠞꠥꠖ꠆ꠖꠦ ꠉꠣꠟꠤ-ꠉꠣꠟꠣꠎ ꠇꠞꠤ ꠇꠁꠟꠣ, “ꠔꠥꠝꠤ ꠀꠝꠞꠣꠞꠦ ꠝꠣꠞꠔꠣꠄ ꠇꠞꠤ ꠝꠤꠡꠞ ꠖꠦꠡ ꠕꠣꠇꠤ ꠀꠘꠍ ꠘꠤ? ꠀꠝꠞꠣꠞꠦ, ꠀꠝꠞꠣꠞ ꠢꠥꠞꠥꠔ꠆ꠔꠣꠁꠘ꠆ꠔꠞꠦ, ꠀꠝꠞꠣꠞ ꠙꠡꠥꠞ ꠙꠣꠟꠞꠦ ꠀꠘꠣ-ꠙꠣꠘꠤꠄ ꠝꠣꠞꠔꠣꠄ ꠇꠞꠤ ꠅꠘꠅ ꠀꠘꠍ ꠘꠤ?”

ꠔꠃꠞꠣꠔ ২: ꠢꠤꠎꠞꠔ 2:23

ꠛꠃꠔ ꠖꠤꠘ ꠛꠣꠖꠦ ꠝꠤꠡꠞꠞ ꠛꠣꠖꠡꠣ ꠝꠞꠤꠉꠦꠟꠣ। ꠛꠘꠤ ꠁꠍꠞꠣꠁꠟꠦ ꠉꠥꠟꠣꠝꠤꠞ ꠟꠣꠉꠤ ꠇꠣꠔꠞ ꠅꠁꠀ ꠇꠣꠘ꠆ꠖꠣ-ꠇꠣꠐꠤ ꠇꠞꠟ। ꠔꠣꠞꠣꠞ ꠇꠣꠘ꠆ꠖꠘ ꠀꠟ꠆ꠟꠣꠞ ꠉꠦꠍꠦ ꠇꠛꠥꠟ ꠅꠁꠉꠦꠟ।

ꠔꠃꠞꠣꠔ ২: ꠢꠤꠎꠞꠔ 5:21

ꠍꠥꠛꠦꠖꠣꠞ ꠅꠇꠟꠦ ꠇꠁꠟꠣ, “ꠝꠣꠛꠥꠖꠦ ꠀꠙꠘꠣꠞꠣꠞ ꠙꠣꠅꠘꠣ ꠡꠣꠎꠣ ꠖꠤꠛꠣ, ꠀꠙꠘꠣꠞꠣ ꠚꠦꠞꠣꠃꠘ ꠀꠞ ꠔꠣꠞ ꠃꠎꠤꠞ-ꠘꠣꠎꠤꠞꠞ ꠉꠦꠍꠦ ꠀꠝꠞꠣꠞꠦ ꠙꠌꠣ-ꠉꠣꠘ꠆ꠖꠣ ꠛꠣꠘꠣꠁꠀ, ꠀꠝꠞꠣꠞꠦ ꠈꠥꠘ ꠇꠞꠣꠞ ꠟꠣꠉꠤ ꠔꠟꠥꠀꠞ ꠘꠤꠀ ꠔꠣꠞꠣꠞ ꠀꠔꠅ ꠖꠤꠍꠂꠘ।”

ꠔꠃꠞꠣꠔ ৪: ꠡꠥꠝꠣꠞꠤ 11:15

ꠔꠥꠝꠤ ꠎꠥꠖꠤ ꠀꠝꠣꠞꠦ ꠁ ꠝꠥꠡꠇꠤꠟꠅ ꠚꠣꠟꠣꠅ, ꠔꠦ ꠔꠥꠝꠣꠞ ꠖꠥꠀꠁ ꠖꠤꠀ ꠇꠁꠀꠞ, ꠅꠈꠘꠃ ꠀꠝꠣꠞꠦ ꠎꠣꠘꠦ ꠝꠣꠞꠤꠟꠣꠅ। ꠀꠞ ꠇꠁꠞꠣꠝ, ꠀꠝꠤ ꠎꠥꠖꠤ ꠔꠥꠝꠣꠞ ꠞꠢꠝꠔꠞ ꠔꠟꠦ ꠕꠣꠇꠤ, ꠔꠦ ꠘꠤꠎꠞ ꠌꠃꠈꠦ ꠘꠤꠎꠞ ꠛꠦꠢꠣꠟ꠆ꠟꠔꠤ ꠖꠡꠣ ꠀꠝꠣꠞꠦ ꠖꠦꠈꠣꠁꠅ ꠘꠣ।”

ꠔꠃꠞꠣꠔ ৪: ꠡꠥꠝꠣꠞꠤ 11:20

ꠙꠥꠞꠣ ꠄꠇ ꠝꠣꠡ ꠜꠞꠤ ꠈꠣꠁꠛꠣ। ꠈꠣꠁꠔꠦ ꠈꠣꠁꠔꠦ ꠔꠣꠞꠣꠞ ꠘꠣꠇꠦꠖꠤ ꠛꠣꠞ ꠅꠁꠛ, ꠛꠣꠖꠦ ꠀꠞ ꠎꠣꠘꠦ ꠇꠥꠟꠣꠁꠔ ꠘꠣꠄ। ꠀꠝꠤ ꠁꠟꠣ ꠊꠐꠣꠁꠝꠥ, ꠇꠣꠞꠘ ꠔꠥꠝꠞꠣꠞ ꠟꠉꠦ ꠎꠦ ꠝꠣꠛꠥꠖ ꠛꠡꠔ ꠇꠞꠂꠘ, ꠅꠃ ꠝꠣꠛꠥꠖꠞꠦ ꠔꠥꠝꠞꠣ ꠝꠣꠘꠍ ꠘꠣ। ꠔꠣꠘ ꠍꠣꠝꠘꠦ ꠇꠣꠘ꠆ꠖꠣ-ꠇꠣꠐꠤ ꠇꠞꠤꠀ ꠇꠁꠍ, ꠝꠤꠡꠞ ꠕꠣꠇꠤ ꠢꠞꠤꠀ ꠀꠅꠀ ꠛꠥꠟꠦ ꠔꠥꠝꠞꠣꠞ ꠟꠣꠉꠤ ꠑꠤꠇ ꠅꠁꠍꠦ ꠘꠣ।”

ꠔꠃꠞꠣꠔ ৪: ꠡꠥꠝꠣꠞꠤ 14:2

ꠢꠎꠞꠔ ꠝꠥꠍꠣ ꠀꠞ ꠢꠣꠞꠥꠘꠞ ꠛꠤꠞꠥꠖ꠆ꠖꠦ ꠛꠃꠔ ꠇꠕꠣꠛꠣꠞ꠆ꠔꠣ ꠝꠣꠔꠤꠟ। ꠔꠣꠞꠣ ꠢꠇꠟꠦ ꠝꠤꠟꠤꠀ ꠝꠥꠍꠣ ꠀꠞ ꠢꠣꠞꠥꠘꠞꠦ ꠇꠁꠟ, “ꠢꠣꠄꠞꠦ ꠢꠣꠄ! ꠀꠝꠞꠣ ꠇꠦꠘꠦ ꠢꠃ ꠝꠤꠡꠞ ꠖꠦꠡꠅ ꠛꠣ ꠝꠞꠥꠜꠥꠝꠤꠔ ꠝꠞꠟꠣꠝ ꠘꠣ? ꠢꠘꠅ ꠝꠞꠣꠃ ꠔ ꠜꠣꠟꠣ ꠀꠍꠤꠟ।

ꠔꠃꠞꠣꠔ ৪: ꠡꠥꠝꠣꠞꠤ 14:3

ꠝꠣꠛꠥꠖꠦ ꠇꠦꠘꠦ ꠀꠝꠞꠣꠞꠦ ꠎꠥꠖ꠆ꠖꠞ ꠝꠄꠖꠣꠘꠅ ꠝꠣꠞꠣꠞ ꠘꠤꠅꠔꠦ ꠅꠃ ꠖꠦꠡꠅ ꠘꠤꠞꠣ? ꠢꠘꠞ ꠖꠥꠡꠝꠘ ꠅꠇꠟꠦ ꠀꠝꠞꠣꠞ ꠛꠃ-ꠛꠣꠁꠌ꠆ꠌꠣꠁꠘꠞꠦ ꠇꠣꠠꠤꠀ ꠘꠤꠛꠣ। ꠄꠞ ꠕꠣꠇꠤ ꠝꠤꠡꠞꠅ ꠚꠤꠞꠤꠀ ꠎꠣꠅꠀꠃ ꠀꠝꠞꠣꠞ ꠟꠣꠉꠤ ꠜꠣꠟꠣ ꠘꠣꠄ ꠘꠤ?”

ꠔꠃꠞꠣꠔ ৪: ꠡꠥꠝꠣꠞꠤ 16:13

ꠔꠥꠝꠤ ꠅꠃ ꠝꠞꠥꠜꠥꠝꠤꠔ ꠀꠘꠤꠀ ꠝꠣꠞꠔꠣꠄ ꠇꠞꠤ, ꠖꠥꠗ ꠀꠞ ꠝꠃꠞ ꠜꠣꠘ꠆ꠒꠣꠞ ꠀꠟꠣ ꠢꠃ ꠝꠤꠡꠞ ꠖꠦꠡ ꠕꠣꠇꠤ ꠀꠝꠞꠣꠞꠦ ꠛꠣꠞ ꠇꠞꠤ ꠀꠘꠍ, ꠢꠤ ꠖꠦꠡꠅ ꠔ ꠇꠥꠘ꠆ꠔꠣꠞꠃ ꠅꠜꠣꠛ ꠀꠍꠤꠟ ꠘꠣ। ꠄꠞ ꠛꠣꠖꠦꠅ ꠀꠝꠞꠣꠞ ꠃꠙꠞꠦ ꠛꠦꠐꠣꠉꠤꠞꠤ ꠖꠦꠈꠣꠘꠤꠔ ꠟꠣꠉꠍ।

ꠔꠃꠞꠣꠔ ৪: ꠡꠥꠝꠣꠞꠤ 16:41

ꠅꠁꠟꠦ ꠛꠣꠖꠞ ꠖꠤꠘꠃ ꠛꠘꠤ ꠁꠍꠞꠣꠁꠟꠞ ꠝꠣꠘꠡꠦ ꠢꠎꠞꠔ ꠝꠥꠍꠣ ꠀꠞ ꠢꠣꠞꠥꠘꠞ ꠛꠤꠞꠥꠖ꠆ꠖꠦ ꠛꠦꠞ-ꠛꠦꠞꠤ ꠟꠣꠉꠣꠁꠟ, ꠔꠣꠞꠣ ꠇꠁꠟ, “ꠝꠣꠛꠥꠖꠞ ꠛꠘ꠆ꠖꠣ ꠅꠇꠟꠞꠦ ꠔꠥꠝꠞꠣꠃ ꠝꠣꠞꠍ।”

ꠔꠃꠞꠣꠔ ৪: ꠡꠥꠝꠣꠞꠤ 21:5

ꠝꠥꠍꠣ ꠘꠛꠤ ꠀꠞ ꠀꠟ꠆ꠟꠣ ꠙꠣꠇꠞ ꠛꠤꠞꠥꠖ꠆ꠖꠦ ꠝꠣꠔꠣ-ꠝꠣꠔꠤ ꠟꠣꠉꠣꠁꠟꠣ, ꠔꠣꠞꠣ ꠇꠁꠟꠣ, “ꠀꠝꠞꠣꠞꠦ ꠝꠤꠡꠞ ꠖꠦꠡ ꠕꠣꠇꠤ ꠇꠦꠘꠦ ꠛꠣꠞ ꠇꠞꠤ ꠀꠘꠟꠣꠄ, ꠅꠃ ꠝꠞꠥꠜꠥꠝꠤꠔ ꠀꠘꠤꠀ ꠝꠣꠞꠣꠞ ꠟꠣꠉꠤ ꠘꠤ? ꠁꠘꠅ ꠔ ꠈꠣꠘꠤꠅ ꠘꠣꠁ, ꠙꠣꠘꠤꠅ ꠘꠣꠁ। ꠀꠞ ꠅꠟꠣ ꠛꠣꠎꠦ ꠈꠣꠘꠤ ꠀꠝꠞꠣ ꠖꠥꠁ ꠌꠃꠈꠦ ꠖꠦꠈꠔꠣꠝ ꠙꠣꠞꠤ ꠘꠣ।”

Injil 5: Sahabi Nama 26:29

ꠙꠣꠃꠟꠥꠍꠦ ꠇꠁꠟꠣ, “ꠀꠝꠤ ꠀꠟ꠆ꠟꠣꠞ ꠉꠦꠍꠦ ꠅꠃ ꠖꠥꠀ ꠇꠞꠞꠣꠝ, ꠎꠟꠖꠤ ꠅꠃꠇ ꠛꠣ ꠖꠦꠞꠤꠄ ꠅꠃꠇ, ꠈꠣꠟꠤ ꠀꠙꠘꠦ ꠘꠣꠄ, ꠎꠔ ꠝꠣꠘꠡꠦ ꠀꠝꠣꠞ ꠀꠁꠎꠇꠥꠞ ꠁ ꠎꠛꠣꠘꠛꠘ꠆ꠖꠤ ꠢꠥꠘꠞꠣ, ꠄꠞꠣ ꠢꠇ꠆ꠇꠟꠃ ꠀꠝꠣꠞ ꠟꠣꠈꠣꠘ ꠛꠘꠤꠎꠣꠃꠇ꠆ꠇꠣ। ꠈꠣꠟꠤ ꠅꠃ ꠡꠤꠇꠟ ꠛꠣꠖ ꠖꠤꠀ।”

Injil 7: 1-Korintia 4:8

ꠔꠥꠝꠞꠣꠞꠦ ꠖꠦꠈꠤꠀ ꠔ ꠝꠘꠅ ꠅꠞ, ꠔꠥꠝꠞꠣ ꠀꠉꠦꠃ ꠢꠇ꠆ꠇꠟꠔꠣ ꠙꠣꠁꠀ ꠗꠘꠤ ꠅꠁꠉꠦꠍ, ꠀꠝꠞꠣꠞꠦ ꠛꠣꠖ ꠖꠤꠀꠃ ꠔꠥꠝꠞꠣ ꠛꠣꠖꠡꠣ ꠛꠘꠤꠉꠦꠍ! ꠔꠥꠝꠞꠣ ꠢꠣꠍꠣꠞꠞ ꠛꠣꠖꠡꠣ ꠅꠁꠟꠦ ꠜꠣꠟꠣꠃ ꠅꠁꠔ, ꠀꠝꠞꠣꠅ ꠔꠥꠝꠞꠣꠞ ꠟꠉꠦ ꠛꠣꠖꠡꠣ ꠅꠁꠔꠣꠝ ꠙꠣꠞꠔꠣꠝ।

Injil 8: 2-Korintia 11:1

ꠅ ꠝꠥꠝꠤꠘ ꠜꠣꠁ ꠅꠇꠟ, ꠀꠝꠤ ꠌꠣꠁꠞꠣꠝ, ꠀꠝꠣꠞ ꠕꠥꠠꠣ ꠛꠦꠀꠈꠟꠤ ꠔꠥꠝꠞꠣ ꠡꠁꠎ꠆ꠎ ꠇꠞ, ꠀꠞ ꠢꠣꠍꠣꠃ ꠔꠥꠝꠞꠣ ꠀꠝꠣꠞꠦ ꠡꠁꠎ꠆ꠎ ꠇꠞꠞꠣꠄꠅ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 28:67

ꠔꠥꠝꠞꠣ ꠝꠘꠞ ꠒꠞꠦ, ꠎꠣꠘꠞ ꠝꠣꠁꠞꠦ, ꠌꠃꠈꠦ ꠇꠥꠘꠥ ꠇꠥꠟ-ꠇꠤꠘꠣꠞ ꠘꠣ ꠖꠦꠈꠤꠀ ꠈꠣꠟꠤ ꠢꠣꠄ ꠢꠣꠄ ꠇꠞꠛꠣꠄ। ꠛꠤꠀꠘ ꠅꠁꠟꠦ ꠇꠁꠛꠣꠄ ꠎꠟꠖꠤ ꠞꠣꠁꠔ ꠅꠃꠇ, ꠀꠞ ꠞꠣꠁꠔ ꠅꠁꠟꠦ ꠇꠁꠛꠣꠄ ꠎꠟꠖꠤ ꠖꠤꠘ ꠅꠃꠇ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 8:3

ꠔꠥꠝꠞꠣꠞ ꠝꠄ-ꠝꠥꠞꠛ꠆ꠛꠤꠞꠦ ꠈꠣꠘꠤ-ꠈꠥꠞꠣꠇꠤ ꠘꠣ ꠖꠤꠀ ꠃꠙꠣꠡ ꠞꠣꠈꠟꠣ, ꠛꠣꠖꠦ ꠎꠦ ꠈꠣꠘꠤ ꠔꠣꠞꠣ ꠌꠤꠘꠔꠣ ꠘꠣ, ꠝꠣꠘ꠆ꠘꠣ ꠘꠣꠝꠞ ꠅꠃ ꠈꠣꠘꠤ ꠈꠣꠅꠀꠁꠀ ꠔꠣꠁꠘ ꠔꠥꠝꠞꠣꠞ ꠛꠠꠣꠁ-ꠛꠦꠐꠣꠉꠤꠞꠤ ꠜꠣꠋꠉꠤꠍꠂꠘ। ꠔꠣꠁꠘ ꠔꠥꠝꠞꠣꠞꠦ ꠢꠤꠇꠣꠁꠔꠣ ꠌꠣꠁꠟꠣ, ꠈꠣꠟꠤ ꠞꠥꠐꠤ ꠈꠣꠁꠟꠦꠃ ꠝꠣꠘꠥꠡ ꠛꠣꠌꠦ ꠘꠣ, ꠛꠞꠋ ꠀꠟ꠆ꠟꠣꠞ ꠙꠞꠔꠦꠇ ꠇꠣꠟꠣꠝꠦꠃ ꠝꠣꠘꠡꠞ ꠎꠣꠘ ꠛꠣꠌꠦ।