ꠔꠃꠞꠣꠔ ২: ꠢꠤꠎꠞꠔ 1:8 - Siloṭi Asmani Kitab (Nagri lipi)

⁸ ꠄꠞꠝꠣꠎꠦ ꠝꠤꠡꠞꠅ ꠄꠇꠎꠘ ꠘꠄꠀ ꠛꠣꠖꠡꠣ ꠅꠁꠟꠣ, ꠄꠁꠘ ꠁꠃꠍꠥꠚꠞꠦ ꠌꠤꠘꠂꠘ ꠘꠣ।

ছিলটি আছমানি কিতাব (বাংলা লিপি)

⁸ এরমাজে মিসরো একজন নয়া বাদশা অইলা, এইন ইউছুফরে চিনইন না।

Siloṭi Asmani Kitab (Latin lipi)

⁸ Ermaze Mishoro eḳzon noya bashsha oila, ein Iusufre sinoin na.

ꠔꠃꠞꠣꠔ ২: ꠢꠤꠎꠞꠔ 1:8 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 3:16

ꠔꠥꠝꠤ ꠎꠣꠅ, ꠉꠤꠀ ꠛꠘꠤ ꠁꠍꠞꠣꠁꠟꠞ ꠝꠥꠞꠛ꠆ꠛꠤ ꠅꠇꠟꠞꠦ ꠄꠇꠈꠣꠘꠅ ꠖꠟꠣ ꠇꠞꠤꠀ ꠇꠅ, ꠢꠃ ꠀꠟ꠆ꠟꠣ, ꠎꠦꠁꠘ ꠔꠥꠝꠞꠣꠞ ꠛꠣꠚ-ꠖꠣꠖꠣꠞ ꠝꠣꠛꠥꠖ, ꠁꠛ꠆ꠞꠣꠢꠤꠝ, ꠁꠍꠢꠣꠇ ꠀꠞ ꠁꠀꠇꠥꠛꠞ ꠝꠣꠛꠥꠖ, ꠔꠣꠁꠘ ꠀꠝꠣꠞꠦ ꠖꠤꠖꠣꠞ ꠖꠤꠀ ꠇꠁꠍꠂꠘ, ꠔꠣꠁꠘ ꠔꠥꠝꠞꠣꠞ ꠛꠣꠄ ꠈꠤꠀꠟ ꠇꠞꠍꠂꠘ, ꠔꠥꠝꠞꠣꠞ ꠃꠙꠞꠞ ꠎꠥꠟꠥꠝ-ꠝꠍꠤꠛꠔ ꠖꠦꠈꠍꠂꠘ, ꠝꠤꠡꠞ ꠖꠦꠡꠅ ꠔꠥꠝꠞꠣꠞ ꠛꠣꠄ ꠎꠦꠔꠣ ꠇꠞꠣ ꠅꠞ ꠄꠅꠔꠣ ꠔꠣꠁꠘ ꠈꠤꠀꠟ ꠇꠞꠍꠂꠘ।

ꠔꠃꠞꠣꠔ ২: ꠢꠤꠎꠞꠔ 3:7

ꠝꠣꠛꠥꠖꠦ ꠇꠁꠟꠣ, “ꠀꠝꠤ ꠝꠤꠡꠞ ꠖꠦꠡꠅ ꠀꠝꠣꠞ ꠛꠘ꠆ꠖꠣ ꠅꠇꠟꠞ ꠖꠥꠈ-ꠝꠍꠤꠛꠔ ꠖꠦꠈꠤꠀꠞ। ꠝꠤꠡꠞꠤ ꠡꠞ꠆ꠖꠣꠞ ꠅꠇꠟꠞ ꠎꠥꠟꠥꠝꠞ ꠟꠣꠉꠤ ꠔꠣꠞꠣꠞ ꠇꠣꠘ꠆ꠖꠘ ꠢꠥꠘꠤꠀꠞ। ꠔꠣꠞꠣꠞ ꠖꠥꠈ-ꠇꠡ꠆ꠐ ꠢꠇꠟꠔꠣ ꠀꠝꠤ ꠖꠦꠈꠍꠤ।

ꠔꠃꠞꠣꠔ ২: ꠢꠤꠎꠞꠔ 3:9

ꠛꠘꠤ ꠁꠍꠞꠣꠁꠟꠞ ꠚꠞꠤꠀꠖ ꠀꠝꠣꠞ ꠖꠞꠛꠣꠞꠅ ꠀꠁꠍꠦ, ꠝꠤꠡꠞꠤ ꠅꠇꠟꠦ ꠔꠣꠞꠣꠞꠦ ꠎꠦꠟꠣ ꠍꠣꠔꠣꠁꠞꠣ, ꠁꠔꠣ ꠀꠝꠤ ꠖꠦꠈꠤꠀꠞ।

Injil 5: Sahabi Nama 7:18

ꠢꠦꠡꠦ ꠝꠤꠡꠞꠅ ꠄꠇ ꠘꠄꠀ ꠛꠣꠖꠡꠣ ꠅꠁꠟꠣ, ꠄꠁꠘ ꠁꠃꠍꠥꠚꠞ ꠛꠦꠙꠣꠞꠦ ꠇꠥꠘ꠆ꠔꠣ ꠎꠣꠘꠔꠣ ꠘꠣ।

Injil 5: Sahabi Nama 7:19

ꠢꠤ ꠛꠣꠖꠡꠣꠄ ꠀꠝꠞꠣꠞ ꠝꠣꠘꠡꠞꠦ ꠐꠉꠣꠁꠔꠣ ꠀꠞ ꠀꠝꠞꠣꠞ ꠛꠣꠚ-ꠖꠣꠖꠣ ꠅꠇꠟꠞ ꠃꠙꠞꠦ ꠈꠥꠛ ꠎꠥꠟꠥꠝ ꠇꠞꠔꠣ, ꠔꠣꠘ ꠘꠤꠅꠔ ꠀꠍꠤꠟ ꠄꠞꠣꠞ ꠢꠥꠞꠥꠔ꠆ꠔꠣꠁꠘ ꠎꠘꠝꠞ ꠛꠣꠖꠦꠃ ꠎꠣꠔꠦ ꠛꠣꠞꠦ ꠚꠣꠟꠣꠁ ꠖꠦꠅꠀ ꠅꠄ, ꠀꠞ ꠔꠣꠞꠣ ꠝꠞꠤ ꠎꠣꠁꠘ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 26:6

ꠛꠣꠖꠦ ꠝꠤꠡꠞꠞ ꠝꠣꠘꠡꠦ ꠀꠝꠞꠣꠞ ꠟꠉꠦ ꠛꠎ꠆ꠎꠣꠔꠤ ꠇꠞꠟꠣ, ꠀꠝꠞꠣꠞꠦ ꠖꠥꠈ-ꠇꠡ꠆ꠐ ꠖꠤꠀ, ꠀꠝꠞꠣꠞꠦꠖꠤ ꠇꠑꠤꠘ ꠉꠥꠟꠣꠝꠤ ꠇꠞꠣꠁꠟ।