ꠔꠃꠞꠣꠔ ২: ꠢꠤꠎꠞꠔ 1:12 - Siloṭi Asmani Kitab (Nagri lipi)

¹² ꠅꠁꠟꠦ ꠄꠞꠣꠞ ꠃꠙꠞꠦ ꠎꠔ ꠛꠦꠡꠤ ꠎꠥꠞ-ꠎꠥꠟꠥꠝ ꠇꠞꠣ ꠅꠁꠟ, ꠄꠞꠣꠅ ꠅꠔ ꠛꠦꠡꠤ ꠛꠣꠠꠤꠟꠣ ꠀꠞ ꠍꠤꠔ꠆ꠞꠤꠟꠣ। ꠄꠞꠟꠣꠉꠤ ꠝꠤꠡꠞꠤ ꠅꠇꠟꠦ ꠛꠘꠤ ꠁꠍꠞꠣꠁꠟꠞꠦ ꠈꠥꠛ ꠒꠞꠣꠁꠉꠦꠟꠣ।

ছিলটি আছমানি কিতাব (বাংলা লিপি)

¹² অইলে এরার উপরে যত বেশি জুর-জুলুম করা অইলো, এরাও অতো বেশি বাড়িলা আর ছিতরিলা। এরলাগি মিসরী অকলে বনি ইছরাইলরে খুব ডরাইগেলা।

Siloṭi Asmani Kitab (Latin lipi)

¹² Oile erar ufre zoto beshi zur-zulum ḳora oilo, era-o oto beshi baṛila ar sitrila. Erlagi Mishori oḳole Boni Israilre kub ḍoraigela.

ꠔꠃꠞꠣꠔ ২: ꠢꠤꠎꠞꠔ 1:12 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 46:3

ꠀꠟ꠆ꠟꠣꠄ ꠚꠞꠝꠣꠁꠟꠣ, “ꠀꠝꠤ ꠀꠟ꠆ꠟꠣ, ꠔꠥꠝꠣꠞ ꠛꠣꠚꠞ ꠝꠣꠛꠥꠖ। ꠔꠥꠝꠤ ꠝꠤꠡꠞꠅ ꠎꠣꠁꠔꠦ ꠒꠞꠣꠁꠅ ꠘꠣ, ꠢꠘꠅ ꠀꠝꠤ ꠔꠥꠝꠣꠞ ꠄꠇ ꠛꠤꠞꠣꠐ ꠎꠣꠔꠤ ꠙꠄꠖꠣ ꠇꠞꠝꠥ।

ꠔꠃꠞꠣꠔ ২: ꠢꠤꠎꠞꠔ 1:20

ꠅꠃ ꠖꠥꠁꠅ ꠛꠦꠐꠤꠄ ꠀꠟ꠆ꠟꠣꠞꠦ ꠒꠞꠣꠁꠔꠣ ꠇꠞꠤ, ꠀꠟ꠆ꠟꠣꠄ ꠞꠢꠝꠔ ꠇꠞꠤꠀ ꠔꠣꠞꠣꠞꠦꠅ ꠀꠅꠟꠣꠖ ꠖꠤꠟꠣ। ꠀꠞ ꠛꠘꠤ ꠁꠍꠞꠣꠁꠟꠅ ꠀꠞꠅ ꠛꠦꠡꠤ ꠇꠞꠤ ꠛꠣꠠꠤꠀ ꠈꠥꠛ ꠡꠇ꠆ꠔꠤꠝꠣꠘ ꠅꠁꠟꠣ।

ꠔꠃꠞꠣꠔ ২: ꠢꠤꠎꠞꠔ 1:7

ꠅꠁꠟꠦ ꠔꠣꠞꠣꠞ ꠛꠣꠖꠞ ꠛꠋꠡꠗꠞ ꠛꠣꠠꠤꠀ ꠈꠥꠛ ꠛꠟꠀꠟꠣ ꠅꠁꠟꠣ। ꠄꠞꠣ ꠌꠣꠁꠞꠅꠛꠣꠄ ꠍꠤꠔ꠆ꠞꠤꠀ ꠀꠡ꠆ꠔꠣ ꠝꠤꠡꠞ ꠖꠦꠡ ꠜꠞꠤꠉꠦꠟꠣ।

ꠔꠃꠞꠣꠔ ২: ꠢꠤꠎꠞꠔ 1:9

ꠄꠁꠘ ꠘꠤꠎꠞ ꠙ꠆ꠞꠎꠣ ꠅꠇꠟꠞꠦ ꠇꠁꠟꠣ, “ꠌꠣꠁꠀ ꠖꠦꠈꠅ, ꠛꠘꠤ ꠁꠍꠞꠣꠁꠟ ꠀꠝꠞꠣ ꠕꠣꠇꠤ ꠛꠦꠡꠤꠅ ꠀꠞ ꠛꠟꠀꠟꠣꠅ।

ꠔꠃꠞꠣꠔ ৪: ꠡꠥꠝꠣꠞꠤ 22:3

ꠛꠘꠤ ꠁꠍꠞꠣꠁꠟꠞ ꠅꠔ ꠝꠣꠘꠥꠡ ꠖꠦꠈꠤꠀ ꠝꠥꠀꠛꠤ ꠅꠇꠟ ꠒꠞꠣꠁꠉꠦꠟꠣ। ꠀꠍꠟꠦꠃ ꠔꠣꠞꠣ ꠈꠥꠛ ꠛꠦꠡꠤ ꠊꠣꠛꠠꠤ ꠉꠦꠟꠣ।

Injil 4: Hannan 12:19

ꠁꠔꠣ ꠖꠦꠈꠤꠀ ꠚꠞꠤꠡꠤ ꠅꠇꠟꠦ ꠄꠇꠦ-ꠅꠁꠘ꠆ꠘꠦ ꠇꠁꠟ, “ꠀꠝꠞꠣꠞ ꠔ ꠇꠥꠘꠥ ꠟꠣꠜ ꠅꠞ ꠘꠣ। ꠖꠦꠈꠞꠣꠄ ꠘꠤ, ꠀꠡ꠆ꠔꠣ ꠖꠥꠘꠤꠀꠃ ꠔꠣꠞ ꠈꠞꠦ ꠉꠦꠍꠦꠉꠤ।”

Injil 6: Ruman 8:28

ꠀꠝꠞꠣ ꠎꠣꠘꠤ, ꠀꠟ꠆ꠟꠣꠞꠦ ꠎꠦꠞꠣ ꠝꠢꠛ꠆ꠛꠔ ꠇꠞꠂꠘ, ꠝꠣꠘꠤ ꠀꠟ꠆ꠟꠣꠄ ꠔꠣꠘ ꠘꠤꠎꠞ ꠝꠞ꠆ꠎꠤ ꠝꠣꠚꠤꠇ ꠎꠦꠞꠣꠞꠦ ꠖꠣꠅꠔ ꠖꠤꠍꠂꠘ, ꠔꠣꠞꠣꠞ ꠜꠣꠟꠣꠁꠞ ꠟꠣꠉꠤ ꠢꠇꠟꠔꠣꠄ ꠄꠇꠟꠉꠦ ꠇꠣꠝ ꠇꠞꠦꠞ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 26:5

ꠛꠣꠖꠦ ꠔꠥꠝꠞꠣ ꠙꠞꠔꠦꠇꠦ ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠞ ꠍꠣꠝꠘꠦ ꠃꠛꠣꠁꠀ ꠇꠁꠅ, ꠀꠝꠞꠣꠞ ꠈꠣꠘ꠆ꠖꠣꠘꠞ ꠝꠥꠟ ꠝꠥꠞꠛ꠆ꠛꠤ ꠢꠎꠞꠔ ꠁꠀꠇꠥꠛ ꠀꠍꠟꠣ ꠄꠇꠎꠘ ꠅꠞꠣꠝꠤ ꠝꠥꠍꠣꠚꠤꠞ, ꠔꠣꠁꠘ ꠕꠥꠠꠣ ꠇꠄꠎꠘ ꠝꠣꠘꠡꠞꠦ ꠟꠉꠦ ꠟꠁꠀ ꠝꠤꠡꠞ ꠖꠦꠡꠅ ꠉꠦꠍꠟꠣꠉꠤ। ꠉꠤꠀ ꠝꠤꠡꠞ ꠖꠦꠡꠅ ꠝꠥꠍꠣꠚꠤꠞ ꠢꠣꠟꠔꠦ ꠛꠡꠔ ꠇꠞꠣꠞ ꠇꠣꠟꠅ ꠔꠣꠘ ꠃꠍꠤꠟ꠆ꠟꠣꠄ ꠔꠣꠞꠣ ꠄꠇ ꠝꠢꠣꠘ ꠎꠣꠔꠤ, ꠀꠞ ꠛꠃꠔ ꠛꠠ ꠛꠟꠀꠟꠣ ꠎꠣꠔꠤ ꠛꠘꠟꠣ।