ꠔꠃꠞꠣꠔ ২: ꠢꠤꠎꠞꠔ 1:10 - Siloṭi Asmani Kitab (Nagri lipi)

¹⁰ ꠔꠦ ꠀꠅ, ꠀꠝꠞꠣ ꠄꠇ ꠚꠘ꠆ꠖꠤ ꠇꠞꠤ, ꠁꠔꠣ ꠎꠦꠘꠥ ꠀꠞ ꠘꠣ ꠛꠣꠠꠂꠘ। ꠀꠞꠘꠣꠄ ꠔꠣꠞꠣ ꠛꠣꠠꠤꠀ ꠢꠦꠡꠦ ꠎꠥꠖ꠆ꠖꠞ ꠇꠣꠟꠅ ꠀꠝꠞꠣꠞ ꠖꠥꠡꠝꠘꠞ ꠟꠉꠦ ꠝꠤꠟꠤꠀ ꠀꠝꠞꠣꠞ ꠛꠤꠞꠥꠖ꠆ꠖꠦ ꠎꠥꠖ꠆ꠖ ꠇꠞꠛ, ꠛꠣꠖꠦ ꠀꠝꠞꠣꠞ ꠖꠦꠡ ꠕꠣꠇꠤ ꠎꠣꠁꠛꠉꠤ।”

ছিলটি আছমানি কিতাব (বাংলা লিপি)

¹⁰ তে আও, আমরা এক ফন্দি করি, ইতা যেনু আর না বাড়ইন। আরনায় তারা বাড়িয়া হেশে যুদ্ধর কালো আমরার দুশমনর লগে মিলিয়া আমরার বিরুদ্ধে যুদ্ধ করবো, বাদে আমরার দেশ থাকি যাইবোগি।”

Siloṭi Asmani Kitab (Latin lipi)

¹⁰ Te ao, amra eḳ fondi kori, ita zenu ar na baṛoin. Arnae tara baṛia heshe zuddor ḳalo amrar dushmonor loge milia amrar birudde zuddo ḳorbo, bade amrar desh taki zaibogi.”

ꠔꠃꠞꠣꠔ ২: ꠢꠤꠎꠞꠔ 1:10 Iomraidhean Croise

ꠎꠛꠥꠞ ꠡꠞꠤꠚ 10:2

ꠎꠣꠟꠤꠝꠞ ꠛꠣꠢꠣꠖꠥꠞꠤꠄ ꠖꠥꠈꠤ-ꠇꠣꠋꠉꠣꠟ ꠜꠥꠉꠦ, ꠢꠦꠡꠦ ꠔꠣꠞꠣꠞ ꠌꠔꠥꠞꠤꠞ ꠚꠣꠘ꠆ꠖꠅ ꠔꠣꠞꠣꠃ ꠗꠞꠣ ꠙꠠꠦ।

ꠔꠃꠞꠣꠔ ৪: ꠡꠥꠝꠣꠞꠤ 22:6

ꠁꠔꠣ ꠔ ꠀꠝꠞꠣ ꠕꠣꠇꠤ ꠛꠦꠡꠤ ꠛꠟꠛꠣꠘ। ꠄꠞꠟꠣꠉꠤ ꠀꠙꠘꠦ ꠀꠃꠇ꠆ꠇꠣ, ꠀꠁꠀ ꠅꠔꠣꠞꠦ ꠟꠣꠘ꠆ꠘꠔ ꠖꠦꠃꠇ꠆ꠇꠣ। ꠔꠦꠃ ꠀꠝꠤ ꠢꠄꠔ ꠔꠣꠞꠣꠞꠦ ꠝꠣꠞꠤꠀ ꠖꠦꠡ ꠕꠣꠇꠤ ꠈꠦꠖꠣꠁꠔꠣꠝ ꠙꠣꠞꠝꠥ। ꠀꠞ ꠀꠝꠤ ꠔ ꠎꠣꠘꠤ, ꠀꠙꠘꠦ ꠎꠣꠞꠦ ꠖꠥꠀ ꠖꠦꠁꠘ ꠢꠦ ꠑꠤꠇꠃ ꠖꠥꠀ ꠙꠣꠄ, ꠀꠞ ꠎꠣꠞꠦ ꠟꠣꠘ꠆ꠘꠔ ꠖꠦꠁꠘ ꠔꠣꠞ ꠃꠙꠞꠦ ꠢꠣꠍꠣꠃ ꠟꠣꠘ꠆ꠘꠔ ꠙꠠꠦ।”

Injil 5: Sahabi Nama 23:12

ꠛꠣꠖꠞ ꠖꠤꠘ ꠚꠎꠞꠞ ꠅꠇ꠆ꠔꠅ ꠁꠢꠥꠖꠤ ꠅꠇꠟꠦ ꠄꠇ ꠖꠣꠉꠣꠛꠣꠎꠤ ꠇꠞꠟꠣ, ꠔꠣꠞꠣ ꠇꠍꠝ ꠈꠣꠁꠀ ꠇꠁꠟꠣ, ꠙꠣꠃꠟꠥꠍꠞꠦ ꠝꠣꠞꠣꠞ ꠀꠉ ꠙꠞ꠆ꠎꠘ꠆ꠔ ꠔꠣꠞꠣ ꠖꠣꠘꠣ-ꠙꠣꠘꠤ ꠇꠥꠘ꠆ꠔꠣ ꠝꠥꠈꠅ ꠖꠤꠔꠣ ꠘꠣꠄ।

Injil 5: Sahabi Nama 7:19

ꠢꠤ ꠛꠣꠖꠡꠣꠄ ꠀꠝꠞꠣꠞ ꠝꠣꠘꠡꠞꠦ ꠐꠉꠣꠁꠔꠣ ꠀꠞ ꠀꠝꠞꠣꠞ ꠛꠣꠚ-ꠖꠣꠖꠣ ꠅꠇꠟꠞ ꠃꠙꠞꠦ ꠈꠥꠛ ꠎꠥꠟꠥꠝ ꠇꠞꠔꠣ, ꠔꠣꠘ ꠘꠤꠅꠔ ꠀꠍꠤꠟ ꠄꠞꠣꠞ ꠢꠥꠞꠥꠔ꠆ꠔꠣꠁꠘ ꠎꠘꠝꠞ ꠛꠣꠖꠦꠃ ꠎꠣꠔꠦ ꠛꠣꠞꠦ ꠚꠣꠟꠣꠁ ꠖꠦꠅꠀ ꠅꠄ, ꠀꠞ ꠔꠣꠞꠣ ꠝꠞꠤ ꠎꠣꠁꠘ।