ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:8 - Siloṭi Asmani Kitab (Nagri lipi)

⁸ ꠔꠦ ꠀꠝꠣꠞ ꠙꠞꠦꠎꠉꠣꠞꠤꠞ ꠙꠥꠞꠥꠡ꠆ꠇꠣꠞ ꠔ ꠎꠝꠣ ꠀꠍꠦ, ꠢꠃ ꠢꠇ-ꠁꠘꠍꠣꠚꠇꠣꠞꠤ ꠝꠣꠟꠤꠇꠦ ꠞꠥꠎ ꠢꠣꠡꠞꠞ ꠖꠤꠘ ꠀꠝꠣꠞꠦ ꠎꠄꠅꠞ ꠝꠣꠟꠣ ꠙꠥꠞꠥꠡ꠆ꠇꠣꠞ ꠖꠤꠛꠣ। ꠁꠔꠣ ꠈꠣꠟꠤ ꠀꠝꠣꠞꠦ ꠘꠣꠄ, ꠎꠔ ꠝꠣꠘꠥꠡ ꠀꠡꠤꠇ ꠅꠁꠀ ꠔꠣꠘ ꠟꠣꠉꠤ ꠛꠣꠞ ꠌꠣꠁꠞꠣ, ꠔꠣꠞꠣ ꠢꠇꠟꠞꠦꠃ ꠖꠤꠛꠣ।

ছিলটি আছমানি কিতাব (বাংলা লিপি)

⁸ তে আমার পরেজগারির পুরুস্কার তো জমা আছে, হউ হক-ইনছাফ কারি মালিকে রোজ হাশরর দিন আমারে জয়র মালা পুরুস্কার দিবা। ইতা খালি আমারে নায়, যত মানুষ আশিক অইয়া তান লাগি বার চাইরা, তারা হকলরেউ দিবা।

Siloṭi Asmani Kitab (Latin lipi)

⁸ Te amar forezgarir furuskar to zoma ase, hou hok-insafḳari malike Ruz Hashoror din amare joyor mala furuskar diba. Ita ḳali amare nae, zoto manush ashik oia tan lagi bar saira, tara hoḳolre-u diba.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:8 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 18:25

ꠔꠦ ꠀꠙꠘꠣꠞ ꠇꠣꠝ ꠔ ꠅꠃꠟꠣ ꠘꠣꠄ, ꠢꠇ ꠀꠞ ꠉꠥꠘꠣꠉꠣꠞꠞꠦ ꠄꠇꠟꠉꠦ ꠝꠣꠞꠤꠟꠣꠅꠀ, ꠄꠇ ꠢꠝꠣꠘ ꠡꠣꠎꠣ ꠖꠦꠅꠀ, ꠀꠙꠘꠣꠞ ꠟꠣꠉꠤ ꠔ ꠑꠤꠇ ꠘꠣꠄ। ꠎꠦꠁꠘ ꠢꠣꠞꠣ ꠖꠥꠘꠤꠀꠞ ꠛꠤꠌꠣꠞ ꠇꠞꠂꠘ, ꠔꠣꠁꠘ ꠇꠥꠘꠥ ꠢꠇ ꠁꠘꠍꠣꠚ ꠇꠞꠔꠣ ꠘꠣꠄ ꠘꠤ?”

ꠎꠛꠥꠞ ꠡꠞꠤꠚ 31:19

ꠔꠥꠝꠣꠞ ꠀꠡꠤꠇ ꠛꠘ꠆ꠖꠣꠞ ꠟꠣꠉꠤ ꠎꠝꠣ ꠀꠍꠦ ꠇꠔ ꠖꠄꠀ, ꠀꠡꠞꠄ ꠟꠁꠍꠦ ꠎꠣꠞꠣ ꠔꠥꠝꠣꠞ ꠍꠣꠄꠀꠔ ꠀꠁꠀ, ꠢꠇꠟꠞ ꠍꠣꠝꠘꠦ ꠔꠣꠞꠣꠞꠦ ꠖꠦꠈꠣꠁꠍ ꠔꠥꠝꠣꠞ ꠅꠔ ꠝꠣꠄꠀ।

ꠎꠛꠥꠞ ꠡꠞꠤꠚ 7:11

ꠀꠟ꠆ꠟꠣ ꠙꠣꠇꠦ ꠇꠞꠂꠘ ꠢꠇ ꠛꠤꠌꠣꠞ, ꠘꠣꠚꠞꠝꠣꠘꠞ ꠃꠙꠞꠦ ꠉꠥꠍꠣ ꠇꠞꠂꠘ ꠛꠞꠣꠛꠞ,

ꠁꠘ꠆ꠎꠤꠟ ১: ꠝꠕꠤ 24:36

“ꠢꠃ ꠖꠤꠘ ꠀꠞ ꠢꠤ ꠡꠝꠄꠅꠞ ꠛꠦꠙꠣꠞꠦ ꠈꠣꠟꠤ ꠀꠝꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠍꠣꠠꠣ ꠀꠞ ꠇꠦꠃ ꠎꠣꠘꠂꠘ ꠘꠣ। ꠀꠍꠝꠣꠘꠤ ꠚꠤꠞꠤꠡ꠆ꠔꠣ ꠛꠣ ꠁꠛꠘꠥꠟ꠆ꠟꠣꠄꠅ ꠎꠣꠘꠂꠘ ꠘꠣ।

ꠁꠘ꠆ꠎꠤꠟ ১: ꠝꠕꠤ 7:22

ꠢꠃ ꠖꠤꠘ ꠀꠁꠟꠦ ꠛꠃꠔꠦ ꠇꠁꠛꠣ, ‘ꠝꠥꠘꠤꠛ, ꠝꠥꠘꠤꠛ, ꠀꠝꠞꠣ ꠔꠥꠝꠣꠞ ꠘꠣꠝꠦ ꠉꠣꠁꠛꠤ ꠈꠛꠞ ꠇꠁꠍꠤ ꠘꠣ ꠘꠤ? ꠔꠥꠝꠣꠞ ꠘꠣꠝꠦ ꠎꠤꠘ-ꠜꠥꠔ ꠍꠣꠠꠣꠁꠍꠤ ꠘꠣ ꠘꠤ? ꠔꠥꠝꠣꠞ ꠘꠣꠝꠦ ꠛꠃꠔ ꠇꠦꠞꠣꠝꠔꠤ ꠖꠦꠈꠣꠁꠍꠤ ꠘꠣ ꠘꠤ?’

Injil 3: Luk 10:12

ꠀꠝꠤ ꠔꠥꠝꠞꠣꠞꠦ ꠇꠁꠞꠣꠝ, ꠇꠤꠀꠝꠔꠞ ꠖꠤꠘ ꠟꠣꠘ꠆ꠘꠔꠤ ꠍꠣꠖꠥꠝ ꠐꠣꠃꠘꠞ ꠖꠡꠣ ꠕꠣꠇꠤ, ꠢꠤ ꠉꠣꠃꠞ ꠖꠡꠣ ꠀꠞꠅ ꠇꠑꠤꠘ ꠅꠁꠛ।

Injil 6: Ruman 2:5

ꠅꠁꠟꠦ ꠔꠥꠝꠣꠞ ꠙꠣꠡꠣꠘ ꠖꠤꠟ ꠀꠞ ꠔꠃꠛꠣ ꠘꠣ ꠇꠞꠣꠞ ꠝꠘꠜꠣꠛꠞ ꠟꠣꠉꠤ, ꠔꠥꠝꠣꠞ ꠃꠙꠞꠦ ꠀꠟ꠆ꠟꠣꠞ ꠉꠎꠛ ꠖꠟꠣ ꠇꠞꠤ ꠕꠁꠞꠣꠄ, ꠀꠟ꠆ꠟꠣꠄ ꠎꠦꠖꠤꠘ ꠉꠎꠛ ꠎꠣꠁꠞ ꠇꠞꠛꠣ, ꠢꠇ ꠛꠤꠌꠣꠞ ꠇꠞꠛꠣ, ꠢꠃ ꠖꠤꠘꠞ ꠟꠣꠉꠤ ꠡꠣꠎꠣ ꠖꠟꠣ ꠇꠞꠞꠣꠄ।

Injil 6: Ruman 8:23

ꠈꠣꠟꠤ ꠁꠈꠣꠘ ꠘꠣꠄ, ꠀꠝꠞꠣꠅ ꠢꠃ ꠎꠦ ꠝꠢꠤꠝꠣ ꠛꠣꠖꠦ ꠙꠣꠁꠝꠥ, ꠄꠞ ꠙꠄꠟꠣ ꠇꠤꠡ꠆ꠔꠤ ꠢꠤꠡꠣꠛꠦ ꠀꠟ꠆ꠟꠣꠁ ꠙꠣꠇ ꠞꠥꠢꠥꠞꠦ ꠅꠈꠘ ꠙꠣꠁꠍꠤ, ꠙꠣꠁꠀ ꠛꠣꠇꠤ ꠇꠤꠡ꠆ꠔꠤꠞ ꠟꠣꠉꠤ ꠀꠝꠞꠣꠅ ꠅꠟꠣ ꠌꠤꠟ꠆ꠟꠣꠁꠀꠞ। ꠀꠞ ꠢꠃ ꠇꠤꠡ꠆ꠔꠤ ꠙꠣꠅꠀꠞ ꠖꠤꠘꠞ ꠟꠣꠉꠤ ꠛꠣꠞ ꠌꠣꠁꠀꠞ, ꠎꠦ ꠖꠤꠘ ꠀꠝꠞꠣꠞꠦ ꠀꠟ꠆ꠟꠣꠞ ꠀꠅꠟꠣꠖ ꠢꠤꠡꠣꠛꠦ ꠎꠣꠁꠞ ꠇꠞꠣ ꠅꠁꠛ, ꠝꠣꠘꠤ ꠎꠦ ꠖꠤꠘ ꠀꠝꠞꠣꠞ ꠡꠞꠤꠟꠞꠦ ꠛꠤꠘꠣꠡꠞ ꠀꠔ ꠕꠣꠇꠤ ꠈꠣꠟꠣꠍ ꠇꠞꠣ ꠅꠁꠛ।

Injil 7: 1-Korintia 2:9

ꠅꠁꠟꠦ ꠀꠝꠞꠣ ꠎꠣꠘꠤ, ꠀꠟ꠆ꠟꠣꠞ ꠇꠣꠟꠣꠝꠦ ꠇꠄ, ꠎꠣꠞꠣ ꠀꠟ꠆ꠟꠣꠞꠦ ꠝꠢꠛ꠆ꠛꠔ ꠇꠞꠂꠘ, ꠔꠣꠞꠣꠞ ꠟꠣꠉꠤ ꠔꠣꠁꠘ ꠎꠦꠔꠣ ꠞꠣꠈꠍꠂꠘ, ꠁꠔꠣ ꠇꠦꠃ ꠌꠃꠈꠦ ꠖꠦꠈꠍꠦ ꠘꠣ, ꠇꠣꠘꠦꠅ ꠢꠥꠘꠍꠦ ꠘꠣ, ꠖꠤꠟꠞ ꠝꠣꠎꠦ ꠇꠥꠘꠥꠖꠤꠘ ꠌꠤꠘ꠆ꠔꠣꠅ ꠇꠞꠍꠦ ꠘꠣ।

Injil 7: 1-Korintia 3:13

ꠔꠦ ꠇꠦ ꠇꠤꠟꠣ ꠛꠣꠘꠣꠁꠍꠂꠘ, ꠁꠔꠣ ꠜꠣꠟꠣ ꠇꠞꠤ ꠖꠦꠈꠣ ꠎꠣꠁꠛ। ꠞꠥꠎ ꠢꠣꠡꠞꠞ ꠖꠤꠘ ꠁꠔꠣ ꠎꠣꠁꠞ ꠅꠁꠛ, ꠢꠃ ꠖꠤꠘ ꠅꠉ꠆ꠘꠤ-ꠙꠞꠤꠇ꠆ꠇꠣꠞ ꠝꠣꠎꠖꠤ ꠁꠔꠣ ꠈꠥꠟꠣ-ꠝꠦꠟꠣ ꠅꠁꠛ।

Injil 7: 1-Korintia 9:25

ꠖꠃꠠꠞ ꠈꠦꠟꠣꠔ ꠖꠃꠠꠣꠁꠀ ꠢꠣꠞꠤ ꠝꠣꠘꠡꠦ ꠅꠟꠣ ꠄꠇ ꠝꠣꠟꠣ ꠙꠣꠄ, ꠎꠦ ꠝꠣꠟꠣ ꠛꠣꠖꠦ ꠘꠡ꠆ꠐ ꠅꠁꠎꠣꠄ, ꠀꠞ ꠅꠃ ꠝꠣꠟꠣ ꠙꠣꠅꠀꠞ ꠟꠣꠉꠤ ꠄꠞꠣ ꠛꠃꠔ ꠇꠑꠤꠘ ꠘꠤꠅꠝ-ꠇꠣꠘꠥꠘꠅ ꠝꠣꠘꠦ। ꠅꠁꠟꠦ ꠀꠝꠞꠣ ꠔ ꠀꠍꠟ ꠅꠇ꠆ꠇꠄ ꠝꠣꠟꠣ ꠙꠣꠅꠀꠞ ꠟꠣꠉꠤ ꠁꠔꠣ ꠇꠞꠞꠣꠝ।

Injil 8: 2-Korintia 5:2

ꠅꠃ ꠒꠦꠞꠣ-ꠊꠞꠅ ꠛꠡꠔ ꠇꠞꠣ ꠢꠣꠟꠔꠦ ꠀꠝꠞꠣ ꠟꠣꠝ꠆ꠛꠣ ꠇꠞꠤ ꠖꠝ ꠚꠣꠟꠣꠁꠀꠞ ꠀꠞ ꠖꠤꠟꠦ-ꠎꠣꠘꠦ ꠀꠡꠣ ꠇꠞꠤꠀꠞ, ꠎꠣꠔꠦ ꠛꠦꠢꠦꠡ꠆ꠔꠤ ꠢꠃ ꠘꠄꠀ ꠊꠞꠞ ꠝꠣꠎꠦ ꠀꠝꠞꠣꠞꠦ ꠉꠥꠞꠣ ꠅꠄ।

Injil 11: Filifia 3:11

ꠀꠞ ꠎꠦꠇꠥꠘꠥ ꠟꠣꠈꠣꠘ ꠝꠞꠘ ꠕꠣꠇꠤ ꠎꠤꠘ꠆ꠖꠣ ꠅꠀꠔꠅ ꠡꠞꠤꠇ ꠞꠁ।

Injil 12: Kolosia 1:5

ꠔꠥꠝꠞꠣ ꠀꠉꠦ ꠎꠦ ꠈꠥꠡ-ꠈꠛꠞꠤ ꠝꠣꠘꠤ ꠀꠟ꠆ꠟꠣꠞ ꠢꠇ ꠇꠣꠟꠣꠝ ꠙꠣꠁꠍ, ꠅꠃ ꠇꠣꠟꠣꠝ ꠢꠥꠘꠤꠀꠃ ꠔꠥꠝꠞꠣꠞ ꠝꠘꠅ ꠄꠇ ꠀꠡꠣ ꠎꠘꠝꠤꠍꠦ। ꠅꠃ ꠀꠡꠣ ꠕꠣꠇꠤꠃ ꠔꠥꠝꠞꠣꠞ ꠁꠝꠣꠘ ꠀꠞ ꠝꠣꠄꠀ ꠙꠄꠖꠣ ꠅꠁꠍꠦ। ꠀꠞ ꠔꠥꠝꠞꠣ ꠀꠡꠣ ꠇꠞꠞꠣꠄ ꠎꠦ ꠍꠣꠝꠣꠘ ꠙꠣꠁꠔꠣꠄ, ꠁꠔꠣ ꠔ ꠛꠦꠢꠦꠡ꠆ꠔꠅ ꠞꠣꠈꠣ ꠀꠍꠦ।

ইঞ্জিল ১৩: ১-থিষল: 1:10

ꠀꠞ ꠝꠥꠞ꠆ꠖꠣ ꠅꠇꠟꠞ ꠝꠣꠎ ꠕꠣꠇꠤ ꠎꠦꠘꠞꠦ ꠎꠤꠘ꠆ꠖꠣ ꠇꠞꠤ ꠔꠥꠟꠣ ꠅꠁꠍꠦ, ꠢꠃ ꠁꠍꠣ ꠖꠥꠘꠤꠀꠔ ꠀꠅꠀꠞ ꠛꠣꠞ ꠌꠣꠁꠔꠣꠄ ꠙꠣꠞ। ꠔꠣꠁꠘ ꠅꠁꠟꠣ ꠀꠟ꠆ꠟꠣꠞ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣ, ꠛꠦꠢꠦꠡ꠆ꠔ ꠕꠣꠇꠤ ꠟꠣꠝꠤꠀ ꠀꠁꠞꠣ, ꠀꠟ꠆ꠟꠣꠞ ꠎꠦ ꠉꠎꠛ ꠀꠁꠀ ꠟꠣꠝꠦꠞ, ꠁ ꠉꠎꠛ ꠕꠣꠇꠤ ꠅꠃ ꠁꠍꠣꠄ ꠀꠝꠞꠣꠞꠦ ꠛꠣꠌꠣꠁꠛꠣ।

ইঞ্জিল ১৩: ১-থিষল: 5:4

ꠜꠣꠁ ꠅꠇꠟ, ꠔꠥꠝꠞꠣ ꠇꠥꠘꠥ ꠀꠘ꠆ꠖꠣꠞꠤꠞ ꠝꠣꠎꠦ ꠛꠡꠔ ꠇꠞꠞꠣꠄ ꠘꠤ ꠎꠦꠘ, ꠢꠃ ꠖꠤꠘ ꠀꠈꠔꠣꠃ ꠌꠥꠞꠞ ꠟꠣꠈꠣꠘ ꠔꠥꠝꠞꠣꠞ ꠃꠙꠞꠦ ꠀꠁꠔ?

ইঞ্জিল ১৪: ২-থিষল: 2:8

ꠔꠣꠁꠘ ꠢꠞꠤ ꠉꠦꠟꠦ ꠢꠃ ꠘꠣꠚꠞꠝꠣꠘ ꠈꠣꠘꠦ-ꠖꠞ꠆ꠎꠣꠟ ꠛꠣꠞ ꠅꠁꠛ। ꠢꠎꠞꠔ ꠁꠍꠣꠄ ꠝꠥꠈꠖꠤ ꠚꠥ ꠖꠤꠀ ꠔꠣꠞꠦ ꠛꠤꠘꠣꠡ ꠇꠞꠛꠣ, ꠀꠞ ꠔꠣꠘ ꠇꠥꠖꠞꠔꠤ ꠝꠢꠤꠝꠣꠄ ꠀꠎꠤꠞ ꠅꠁꠀ ꠔꠣꠞ ꠛꠟ-ꠡꠇ꠆ꠔꠤꠞꠦ ꠈꠔꠝ ꠇꠞꠛꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:19

ꠔꠦꠃ ꠔꠣꠞꠣ ꠘꠤꠎꠞ ꠟꠣꠉꠤ ꠄꠝꠘ ꠗꠘ ꠎꠝꠣ ꠇꠞꠛ, ꠎꠦꠔꠣ ꠜꠛꠤꠡꠔꠦ ꠔꠣꠞꠣꠞ ꠟꠣꠉꠤ ꠄꠇꠈꠣꠘ ꠝꠎꠛꠥꠔ ꠜꠤꠔꠞ ꠟꠣꠈꠣꠘ ꠅꠁꠛ। ꠄꠔꠦ ꠢꠣꠍꠣꠞꠞ ꠎꠤꠘ꠆ꠖꠦꠉꠤꠞꠦ ꠔꠣꠞꠣ ꠡꠇ꠆ꠔ ꠇꠞꠤ ꠗꠞꠤꠀ ꠞꠣꠈꠔ ꠙꠣꠞꠛ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:10

ꠀꠞ ꠀꠟ꠆ꠟꠣꠄ ꠅꠈꠘ ꠅꠃ ꠞꠢꠝꠔ ꠎꠣꠁꠞ ꠇꠞꠍꠂꠘ, ꠀꠝꠞꠣꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠄ ꠖꠥꠘꠤꠀꠔ ꠔꠡꠞꠤꠚ ꠀꠘꠣꠞ ꠝꠣꠎꠖꠤ। ꠀꠟ-ꠝꠍꠤꠄ ꠔ ꠝꠃꠔꠞ ꠈꠦꠝꠔꠣꠞꠦ ꠌꠥꠞꠝꠣꠞ ꠇꠞꠍꠂꠘ, ꠔꠣꠘ ꠈꠥꠡ-ꠈꠛꠞꠤꠞ ꠝꠣꠎꠖꠤ ꠌꠤꠞꠇꠣꠟꠤꠘ ꠘꠥꠞꠣꠘꠤ ꠎꠤꠘ꠆ꠖꠦꠉꠤꠞ ꠙꠕ ꠈꠥꠟꠣ-ꠝꠦꠟꠣ ꠇꠞꠍꠂꠘ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:12

ꠄꠞꠟꠣꠉꠤꠃ ꠀꠝꠤ ꠅꠟꠣ ꠖꠥꠈ-ꠇꠡ꠆ꠐ ꠙꠣꠁꠀꠞ, ꠔꠣ-ꠅ ꠀꠝꠤ ꠡꠞꠝꠤꠘ꠆ꠖꠣ ꠘꠣꠄ। ꠇꠣꠞꠘ ꠀꠝꠤ ꠎꠣꠘꠤ, ꠀꠝꠤ ꠇꠣꠞ ꠃꠙꠞꠦ ꠜꠞꠡꠣ ꠇꠞꠍꠤ। ꠀꠝꠣꠞ ꠙꠥꠞꠣꠙꠥꠞ ꠄꠇꠤꠘ ꠀꠍꠦ, ꠀꠝꠤ ꠔꠣꠘ ꠖꠞꠛꠣꠞꠅ ꠎꠦꠔꠣ ꠎꠝꠣ ꠇꠞꠍꠤ, ꠁꠔꠣꠞꠦ ꠢꠦꠚꠣꠎꠔꠦ ꠞꠣꠈꠣꠞ ꠈꠦꠝꠔꠣ ꠔꠣꠘ ꠀꠍꠦ, ꠀꠟ-ꠝꠍꠤꠄ ꠖꠥꠍꠞꠣꠛꠣꠞ ꠔꠡꠞꠤꠚ ꠀꠘꠣꠞ ꠖꠤꠘ ꠙꠞ꠆ꠎꠘ꠆ꠔ ꠁꠔꠣ ꠞꠁꠛ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:18

ꠀꠝꠤ ꠁꠚꠤꠍ ꠐꠣꠃꠘꠅ ꠕꠣꠇꠔꠦ ꠔꠣꠁꠘ ꠇꠤꠟꠣ ꠀꠝꠣꠞ ꠈꠦꠎꠝꠔ ꠇꠞꠍꠟꠣ, ꠁꠔꠣ ꠔ ꠔꠥꠝꠤ ꠜꠣꠟꠣꠝꠘ꠆ꠔꠦꠃ ꠎꠣꠘ। ꠝꠣꠟꠤꠇ ꠁꠍꠣꠄ ꠅꠟꠣ ꠇꠞꠃꠇ꠆ꠇꠣ, ꠎꠣꠔꠦ ꠔꠣꠘ ꠔꠡꠞꠤꠚ ꠀꠘꠣꠞ ꠖꠤꠘ ꠄꠁꠘ ꠝꠦꠢꠦꠞꠛꠣꠘꠤ ꠙꠣꠁꠘ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:5

ꠅꠃ ꠟꠣꠈꠣꠘ ꠈꠦꠟꠣꠔ ꠟꠣꠉꠤꠀ ꠇꠦꠃ ꠎꠥꠖꠤ ꠘꠤꠅꠝ ꠝꠔ ꠘꠣ ꠈꠦꠟꠣꠄ, ꠔꠦ ꠎꠄꠅꠞ ꠝꠣꠟꠣ ꠢꠦ ꠙꠣꠄ ꠘꠣ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:1

ꠀꠝꠤ ꠀꠟ꠆ꠟꠣ ꠙꠣꠇꠞꠦ ꠡꠣꠇ꠆ꠇꠤ ꠞꠣꠈꠤꠀ, ꠀꠞ ꠎꠦꠁꠘ ꠔꠣꠝꠣꠝ ꠎꠤꠘ꠆ꠖꠣ-ꠝꠥꠞ꠆ꠖꠣꠞ ꠛꠤꠌꠣꠞ ꠇꠞꠛꠣ, ꠢꠃ ꠁꠍꠣ ꠀꠟ-ꠝꠍꠤꠞꠦ ꠡꠣꠇ꠆ꠇꠤ ꠞꠣꠈꠤꠀ, ꠖꠥꠘꠤꠀꠔ ꠔꠣꠘ ꠖꠥꠍꠞꠣꠛꠣꠞꠞ ꠔꠡꠞꠤꠚ ꠀꠘꠣ ꠀꠞ ꠔꠣꠘ ꠛꠣꠖꠡꠣꠁꠞ ꠖꠥꠀꠁ ꠖꠤꠀ ꠔꠥꠝꠣꠞꠦ ꠅꠃ ꠇꠠꠣ ꠢꠥꠇꠥꠝ ꠖꠤꠀꠞ।

Injil 17: Titas 2:13

ꠄꠞꠟꠉꠦ ꠀꠝꠞꠣꠞ ꠖꠤꠟꠞ ꠙꠞꠝ ꠀꠡꠣ ꠙꠥꠞꠘꠞ ꠟꠣꠉꠤ ꠛꠣꠞ ꠌꠣꠁ, ꠀꠟ꠆ꠟꠣꠔꠣꠟꠣ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠡꠣꠘ-ꠝꠢꠤꠝꠣ ꠎꠣꠁꠞ ꠅꠀꠞ ꠈꠥꠡꠤ-ꠛꠣꠡꠤ ꠙꠥꠞꠘꠞ ꠟꠣꠉꠤ ꠛꠣꠞ ꠌꠣꠁ।

Injil 19: Ibrani 12:11

ꠇꠥꠘꠥ ꠡꠣꠡꠘꠞꠦꠃ ꠈꠥꠡꠤꠞ ꠛꠦꠙꠣꠞ ꠝꠘꠅ ꠇꠞꠣ ꠅꠄ ꠘꠣ, ꠖꠥꠈꠞ ꠛꠦꠙꠣꠞꠃ ꠝꠘꠅ ꠅꠄ, ꠅꠁꠟꠦ ꠎꠦꠞꠣ ꠡꠣꠡꠘ ꠝꠣꠘꠤꠀ ꠌꠟꠦ, ꠔꠣꠞꠣ ꠛꠣꠖꠦ ꠖꠤꠘꠖꠣꠞꠤꠞ ꠡꠣꠘ꠆ꠔꠤꠀꠟꠣ ꠎꠤꠘ꠆ꠖꠦꠉꠤ ꠙꠣꠄ।

Injil 19: Ibrani 9:28

ꠑꠤꠇ ꠅꠃ ꠟꠣꠈꠣꠘ, ꠛꠃꠔ ꠝꠣꠘꠡꠞ ꠉꠥꠘꠣꠞ ꠛꠥꠏꠣ ꠛꠁꠛꠣꠞ ꠟꠣꠉꠤ ꠀꠟ-ꠝꠍꠤꠞꠦꠅ ꠈꠣꠟꠤ ꠄꠇꠛꠣꠞꠃ ꠇꠥꠞꠛꠣꠘꠤ ꠖꠦꠅꠀ ꠅꠁꠍꠦ। ꠔꠣꠁꠘ ꠖꠥꠍꠞꠣꠛꠣꠞ ꠔꠡꠞꠤꠚ ꠀꠘꠛꠣ, ꠅꠁꠟꠦ ꠉꠥꠘꠣꠞ ꠇꠚꠞꠣ ꠛꠘꠣꠞ ꠟꠣꠉꠤ ꠀꠁꠔꠣ ꠘꠣꠄ। ꠈꠣꠟꠤ ꠎꠦꠞꠣ ꠀꠡꠤꠇ ꠅꠁꠀ ꠔꠣꠘ ꠟꠣꠉꠤ ꠛꠣꠞ ꠌꠣꠞ, ꠔꠣꠞꠣꠞꠦ ꠙꠥꠞꠣꠙꠥꠞ ꠘꠣꠎꠣꠔ ꠇꠞꠣꠞ ꠟꠣꠉꠤ ꠖꠥꠍꠞꠣꠛꠣꠞ ꠀꠁꠛꠣ।

Injil 20: Iakub 1:12

ꠝꠥꠛꠣꠞꠇ ꠢꠃ ꠎꠘ, ꠎꠦ ꠎꠘ ꠙꠞꠤꠇ꠆ꠇꠣꠞ ꠡꠝꠄ ꠝꠎꠛꠥꠔ ꠞꠄ। ꠙꠞꠤꠇ꠆ꠇꠣꠔ ꠇꠣꠝꠤꠀꠛ ꠅꠁꠟꠦ ꠎꠄꠅꠞ ꠝꠣꠟꠣ ꠢꠤꠡꠣꠛꠦ ꠢꠦ ꠀꠈꠦꠞ ꠙꠣꠁꠛ। ꠅꠃ ꠝꠣꠟꠣ ꠔꠣꠘ ꠀꠡꠤꠇ ꠅꠇꠟꠞꠦ ꠖꠤꠛꠣ ꠇꠞꠤ ꠡ꠆ꠛꠄꠅꠋ ꠀꠟ꠆ꠟꠣ ꠙꠣꠇꠦ ꠅꠀꠖꠣ ꠇꠞꠍꠂꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 1:4

ꠝꠣꠘꠤ ꠀꠝꠞꠣ ꠅꠟꠣ ꠄꠇ ꠗꠘꠞ ꠀꠡꠣ ꠙꠣꠁꠍꠤ, ꠎꠦ ꠗꠘ ꠇꠥꠘꠥꠖꠤꠘ ꠘꠡ꠆ꠐ ꠅꠁꠔ ꠘꠣꠄ, ꠢꠣꠞꠣ ꠎꠤꠛꠘ ꠘꠄꠀ ꠕꠣꠇꠛ, ꠄꠞ ꠝꠣꠎꠦ ꠈꠣꠞꠣꠙ ꠇꠥꠘ꠆ꠔꠣ ꠕꠣꠇꠔ ꠘꠣꠄ। ꠘꠣꠎꠣꠔꠞ ꠁ ꠗꠘ ꠔꠥꠝꠞꠣꠞ ꠟꠣꠉꠤ ꠛꠦꠢꠦꠡ꠆ꠔꠅ ꠞꠣꠈꠣ ꠅꠁꠍꠦ।

ꠁꠘ꠆ꠎꠤꠟ ২১: ১-ꠙꠤꠔꠞ 5:4

ꠔꠦꠃ ꠢꠃ ꠙꠞꠗꠣꠘ ꠞꠣꠈꠣꠟ ꠁꠍꠣꠄ ꠎꠦꠛꠟꠣ ꠖꠥꠘꠤꠀꠔ ꠢꠤꠞꠛꠣꠞ ꠔꠡꠞꠤꠚ ꠀꠘꠛꠣ, ꠅꠃ ꠡꠝꠄ ꠔꠥꠝꠞꠣ ꠙꠥꠞꠥꠡ꠆ꠇꠣꠞ ꠢꠤꠡꠣꠛꠦ ꠅꠟꠣ ꠄꠇ ꠎꠄꠅꠞ ꠝꠣꠟꠣ ꠙꠣꠁꠛꠣꠄ ꠎꠦꠔꠣ ꠇꠥꠘꠥꠖꠤꠘ ꠛꠤꠘꠣꠡ ꠅꠁꠔ ꠘꠣꠄ।

Injil 27: Zaira Kalam 1:7

ꠢꠥꠘꠅ, ꠔꠣꠁꠘ ꠝꠦꠊꠞ ꠌꠣꠇꠣꠔ ꠅꠁꠀ ꠔꠡꠞꠤꠚ ꠀꠘꠞꠣ, ꠙꠞꠔꠦꠇꠦ ꠔꠣꠘꠞꠦ ꠌꠃꠈꠖꠤ ꠖꠦꠈꠛ, ꠎꠣꠞꠣ ꠟꠣꠇꠠꠤꠖꠤ ꠛꠣꠘꠣꠁꠟ ꠍꠟꠤꠛꠅ ꠉꠣꠕꠤꠀ ꠔꠣꠘꠞꠦ ꠎꠣꠘꠦ ꠝꠣꠞꠤꠟꠤꠍꠤꠟ ꠔꠣꠞꠣꠅ ꠖꠦꠈꠛ, ꠀꠞ ꠔꠣꠘ ꠟꠣꠉꠤ ꠖꠥꠘꠤꠀꠞ ꠢꠇꠟ ꠎꠣꠔꠤꠄ ꠎꠥꠞꠦ ꠎꠥꠞꠦ ꠇꠣꠘ꠆ꠖꠤꠛꠣ। ꠅꠃꠟꠣꠃ ꠅꠃꠇ, ꠀꠝꠤꠘ।

Injil 27: Zaira Kalam 19:11

ꠛꠣꠖꠦ ꠀꠝꠤ ꠖꠦꠈꠟꠣꠝ, ꠛꠦꠢꠦꠡ꠆ꠔꠞ ꠖꠥꠀꠞ ꠈꠥꠟꠣ, ꠀꠞ ꠢꠘꠅ ꠗꠟꠣ ꠄꠇꠐꠣ ꠊꠥꠠꠣ ꠀꠍꠦ। ꠢꠃ ꠊꠥꠠꠣꠞ ꠃꠙꠞꠦ ꠎꠦꠁꠘ ꠔꠡꠞꠤꠚ ꠞꠣꠈꠍꠂꠘ, ꠔꠣꠘ ꠘꠣꠝ ꠅꠁꠟ, ꠢꠇ ꠀꠞ ꠢꠇ-ꠢꠣꠟꠣꠟꠤ। ꠔꠣꠁꠘ ꠙꠣꠇ-ꠙꠞꠦꠎꠉꠣꠞꠤꠄ ꠛꠤꠌꠣꠞ-ꠁꠘꠍꠣꠚ ꠀꠞ ꠎꠥꠖ꠆ꠖ ꠇꠞꠂꠘ।

Injil 27: Zaira Kalam 2:10

ꠔꠥꠝꠞꠣ ꠎꠦ ꠝꠍꠤꠛꠔꠞ ꠝꠣꠎꠦ ꠙꠠꠛꠣꠄ, ꠁ ꠝꠍꠤꠛꠔꠞꠦ ꠄꠇꠖꠝ ꠒꠞꠣꠁꠅ ꠘꠣ। ꠎꠣꠘ ꠘꠤ, ꠁꠛꠟꠤꠍꠦ ꠙꠞꠤꠇ꠆ꠇꠣ ꠇꠞꠣꠞ ꠘꠤꠅꠔꠦ ꠔꠥꠝꠞꠣꠞ ꠝꠣꠎꠞ ꠇꠄꠎꠘꠞꠦ ꠎꠦꠟꠅ ꠖꠤꠛ, ꠢꠘꠅ ꠔꠥꠝꠞꠣ ꠖꠡ ꠖꠤꠘ ꠇꠡ꠆ꠐ ꠙꠣꠁꠛꠣꠄ। ꠢꠥꠘꠅ, ꠁꠝꠣꠘꠞ ꠙꠕꠦ ꠔꠥꠝꠞꠣ ꠝꠞꠘ ꠙꠞ꠆ꠎꠘ꠆ꠔ ꠢꠇ-ꠢꠣꠟꠣꠟ ꠞꠁꠅ, ꠔꠦꠃ ꠎꠄꠅꠞ ꠝꠣꠟꠣ ꠢꠤꠡꠣꠛꠦ ꠀꠝꠤ ꠔꠥꠝꠞꠣꠞꠦ ꠀꠈꠦꠞꠞ ꠎꠤꠘ꠆ꠖꠦꠉꠤ ꠖꠤꠝꠥ।

Injil 27: Zaira Kalam 22:20

ꠅꠃ ꠛꠦꠙꠣꠞ ꠅꠇꠟ ꠟꠁꠀ ꠎꠦꠁꠘ ꠎꠛꠣꠘꠛꠘ꠆ꠖꠤ ꠖꠤꠞꠣ, ꠔꠣꠁꠘ ꠇꠁꠞꠣ, “ꠢꠣꠍꠣꠃ, ꠀꠝꠤ ꠈꠥꠛ ꠎꠟꠖꠤ ꠀꠁꠞꠣꠝ।” ꠀꠝꠤꠘ। ꠢꠎꠞꠔ ꠁꠍꠣ, ꠀꠙꠘꠦ ꠔꠡꠞꠤꠚ ꠀꠘꠃꠇ꠆ꠇꠣ।

Injil 27: Zaira Kalam 4:10

ꠅꠃ ꠡꠝꠄ ꠎꠦꠁꠘ ꠔꠈ꠆ꠔꠅ ꠛꠅꠀꠔ ꠀꠍꠂꠘ, ꠎꠦꠁꠘ ꠌꠤꠞꠇꠣꠟꠤꠘ ꠎꠤꠘ꠆ꠖꠣ, ꠄꠘ ꠍꠣꠝꠘꠦ ꠢꠃ ꠌꠛ꠆ꠛꠤꠡꠎꠘ ꠝꠥꠞꠛ꠆ꠛꠤ ꠘꠦꠔꠣ ꠘꠔ ꠅꠁꠀ ꠍꠁꠎꠖꠣ ꠇꠞꠂꠘ। ꠁ ꠘꠦꠔꠣ ꠅꠇꠟꠦ ꠎꠣꠞꠎꠤꠞ ꠝꠣꠕꠣꠞ ꠔꠣꠎ ꠡꠤꠋꠢꠣꠡꠘꠞ ꠍꠣꠝꠘꠦ ꠈꠥꠟꠤꠀ ꠕꠁꠀ ꠇꠂꠘ,

Injil 27: Zaira Kalam 4:4

ꠅꠃ ꠔꠈ꠆ꠔꠞ ꠌꠣꠁꠞꠅ ꠇꠣꠘ꠆ꠖꠣꠛꠣꠄ ꠀꠞꠅ ꠌꠛ꠆ꠛꠤꠡꠈꠣꠘ ꠔꠈ꠆ꠔ ꠀꠍꠤꠟ, ꠢꠃ ꠔꠈ꠆ꠔꠅ ꠛꠅꠀꠔ ꠀꠍꠟꠣ ꠌꠛ꠆ꠛꠤꠡꠎꠘ ꠝꠥꠞꠛ꠆ꠛꠤ ꠘꠦꠔꠣ। ꠄꠞꠣꠞ ꠟꠦꠛꠣꠍ ꠀꠍꠤꠟ ꠗꠟꠣ ꠌꠇꠌꠇꠣ ꠀꠞ ꠝꠣꠕꠣꠔ ꠀꠍꠤꠟ ꠡꠥꠘꠣꠞ ꠔꠣꠎ।