ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:5 - Siloṭi Asmani Kitab (Nagri lipi)

⁵ ꠅꠁꠟꠦ ꠔꠥꠝꠤ ꠢꠇꠟ ꠛꠦꠙꠣꠞꠦ ꠘꠤꠎꠞꠦ ꠡꠣꠝꠟꠣꠁꠀ ꠞꠣꠈꠅ, ꠖꠥꠈ-ꠇꠡ꠆ꠐ ꠡꠁꠎ꠆ꠎ ꠇꠞꠅ, ꠀꠟ-ꠝꠍꠤꠞ ꠛꠦꠙꠣꠞꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣꠔ ꠞꠅ, ꠀꠟ꠆ꠟꠣꠞ ꠖꠦꠅꠀ ꠖꠣꠄꠁꠔ꠆ꠔ ꠀꠖꠣꠄ ꠇꠞꠅ।

ছিলটি আছমানি কিতাব (বাংলা লিপি)

⁵ অইলে তুমি হকল বেয়াপারে নিজরে সামলাইয়া রাখো, দুখ-কষ্ট সইয্য করো, আল-মসীর বেয়াপারে খুশ-খবরি তবলিগ করাত রও, আল্লার দেওয়া দায়িত্ব আদায় করো।

Siloṭi Asmani Kitab (Latin lipi)

⁵ Oile tumi hoḳol befare nizore shamlaia raḳo, duk-koshṭo shoijjo ḳoro, al-Mosir befare kush-ḳobri toblig korat ro, Allar deoa dayitto adae ḳoro.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:5 Iomraidhean Croise

ꠁꠘ꠆ꠎꠤꠟ ১: ꠝꠕꠤ 25:16

ꠙꠣꠌ ꠀꠎꠣꠞ ꠐꠦꠇꠣ ꠎꠦ ꠙꠣꠁꠍꠤꠟ, ꠢꠦ ꠅꠃ ꠐꠦꠇꠣꠖꠤ ꠇꠣꠞꠛꠣꠞ ꠇꠞꠤꠀ ꠀꠞꠅ ꠙꠣꠌ ꠀꠎꠣꠞ ꠟꠣꠜ ꠇꠞꠟ।

Injil 2: Markus 13:34

ꠅꠟꠣ ꠄꠇ ꠝꠣꠘꠡꠞ ꠟꠣꠈꠣꠘ ꠢꠤ ꠖꠤꠘ ꠀꠁꠛ, ꠎꠦꠁꠘ ꠛꠤꠖꠦꠡ ꠎꠣꠅꠀꠞ ꠡꠝꠄ ꠔꠣꠘ ꠉꠥꠟꠣꠝ ꠅꠇꠟꠞ ꠀꠔꠅ ꠢꠇꠟꠔꠣ ꠡꠝꠎꠣꠁ ꠖꠤꠀ ꠎꠣꠞꠎꠤꠞ ꠇꠣꠝ ꠛꠥꠎꠣꠁ ꠖꠤꠟꠣ। ꠀꠞ ꠌꠇꠤꠖꠣꠞꠞꠦ ꠇꠁꠟꠣ ꠢꠎꠣꠉ ꠞꠁꠔ।

Injil 2: Markus 13:37

ꠀꠝꠤ ꠔꠥꠝꠞꠣꠞꠦ ꠎꠦꠟꠣ ꠇꠁꠟꠣꠝ, ꠢꠇꠟꠞꠦꠃ ꠅꠃꠟꠣ ꠇꠁꠞꠣꠝ, ꠢꠎꠣꠉ ꠞꠅ।”

Injil 3: Luk 12:37

ꠢꠃ ꠉꠥꠟꠣꠝ ꠅꠇꠟꠃ ꠇꠙꠣꠟꠤ, ꠎꠦꠞꠣꠞꠦ ꠔꠣꠞꠣꠞ ꠝꠥꠘꠤꠛꠦ ꠀꠁꠀ ꠢꠎꠣꠉ ꠙꠣꠁꠛꠣ। ꠀꠝꠤ ꠢꠣꠍꠣ ꠇꠕꠣ ꠇꠁꠞꠣꠝ, ꠝꠥꠘꠤꠛꠦ ꠀꠁꠀ ꠢꠣꠞꠤ ꠔꠣꠘ ꠘꠤꠎꠞ ꠇꠝꠞꠅ ꠉꠣꠝꠍꠣ ꠛꠣꠘ꠆ꠖꠤꠀ ꠔꠣꠞꠣꠞꠦ ꠈꠣꠘꠤꠔ ꠛꠅꠀꠁꠛꠣ, ꠀꠞ ꠘꠤꠎꠞ ꠀꠔꠦ ꠛꠣꠠꠤꠀ ꠈꠣꠅꠀꠁꠛꠣ।

Injil 5: Sahabi Nama 21:8

ꠛꠣꠖꠞ ꠖꠤꠘ ꠀꠝꠞꠣ ꠛꠤꠖꠣꠄ ꠟꠁꠀ ꠇꠂꠍꠞꠤꠀꠔ ꠀꠁꠟꠣꠝ, ꠀꠞ ꠔꠛꠟꠤꠉ ꠇꠣꠝꠞ ꠛꠥꠎꠥꠞ꠆ꠉ ꠚꠤꠟꠤꠚꠞ ꠛꠣꠠꠤꠔ ꠉꠦꠟꠣꠝ। ꠄꠁꠘ ꠔ ꠎꠦꠞꠥꠎꠣꠟꠦꠝꠞ ꠢꠃ ꠡꠣꠔ ꠈꠣꠖꠤꠝꠖꠣꠞꠞ ꠄꠇꠎꠘ।

Injil 6: Ruman 15:19

ꠇꠦꠞꠣꠝꠔꠤ-ꠝꠥꠎꠦꠎꠣ ꠀꠞ ꠀꠟ꠆ꠟꠣꠁ ꠙꠣꠇ ꠞꠥꠢꠥꠞ ꠇꠥꠖꠞꠔꠤ ꠛꠟꠦ ꠜꠤꠘ ꠎꠣꠔꠤ ꠅꠇꠟꠞꠦꠖꠤ ꠀꠟ꠆ꠟꠣꠞ ꠉꠥꠟꠣꠝꠤ ꠇꠞꠣꠁꠍꠂꠘ। ꠄꠞꠟꠣꠉꠤꠃ ꠀꠝꠤ ꠀꠟ-ꠝꠍꠤꠞ ꠈꠥꠡ-ꠈꠛꠞꠤꠞꠦ ꠎꠦꠞꠥꠎꠣꠟꠦꠝ ꠕꠣꠇꠤ ꠁꠟꠥꠞꠤꠇꠣ ꠙꠞ꠆ꠎꠘ꠆ꠔ ꠢꠇꠟ ꠎꠣꠉꠣꠞ ꠝꠣꠎꠦ ꠙꠥꠞꠣꠙꠥꠞ ꠔꠛꠟꠤꠉ ꠇꠞꠍꠤ।

Injil 10: Ifisia 4:11

ꠔꠣꠁꠘ ꠝꠣꠘꠡꠞꠦ ꠅꠃ ꠖꠣꠘ ꠖꠤꠍꠂꠘ, ꠇꠄꠎꠘꠞꠦ ꠍꠣꠢꠣꠛꠤ, ꠇꠄꠎꠘꠞꠦ ꠘꠛꠤ, ꠇꠄꠎꠘꠞꠦ ꠈꠥꠡ-ꠈꠛꠞꠤꠞ ꠔꠛꠟꠤꠉ, ꠇꠄꠎꠘꠞꠦ ꠎꠝꠣꠔꠞ ꠁꠝꠣꠝ ꠀꠞ ꠃꠡ꠆ꠔꠣꠖ ꠢꠤꠡꠣꠛꠦ ꠛꠅꠀꠁꠟ ꠇꠞꠍꠂꠘ।

Injil 10: Ifisia 4:12

ꠔꠣꠁꠘ ꠁꠟꠣ ꠇꠞꠣꠞ ꠇꠣꠞꠘ ꠅꠁꠟ, ꠀꠟ꠆ꠟꠣꠞ ꠙꠣꠇ ꠛꠘ꠆ꠖꠣ ꠅꠇꠟꠦ ꠎꠣꠘꠥ ꠔꠣꠘ ꠄꠛꠣꠖꠔ-ꠛꠘ꠆ꠖꠦꠉꠤ ꠇꠞꠣꠞ ꠟꠣꠉꠤ ꠎꠥꠁꠔ ꠅꠄ, ꠀꠞ ꠅꠃ ꠘꠝꠥꠘꠣꠄ ꠀꠟ-ꠝꠍꠤꠞ ꠡꠞꠤꠟ, ꠎꠝꠣꠔ ꠢꠤꠡꠣꠛꠦ ꠉꠠꠤꠀ ꠃꠑꠦ।

Injil 12: Kolosia 1:25

ꠀꠟ꠆ꠟꠣ ꠙꠣꠇꠦ ꠔꠣꠘ ꠙꠛꠤꠔ꠆ꠞ ꠇꠣꠟꠣꠝ ꠔꠥꠝꠞꠣꠞ ꠉꠦꠍꠦ ꠙꠥꠞꠣꠙꠥꠞ ꠔꠛꠟꠤꠉ ꠇꠞꠣꠞ ꠜꠣꠞ ꠀꠝꠣꠞꠦ ꠖꠤꠍꠂꠘ, ꠉꠔꠤꠇꠦꠃ ꠀꠝꠤ ꠎꠝꠣꠔꠞ ꠄꠇꠎꠘ ꠈꠦꠎꠝꠔꠇꠣꠞꠤ ꠅꠁꠍꠤ।

Injil 12: Kolosia 4:17

ꠀꠞ꠆ꠈꠤꠙꠣꠍꠞꠦ ꠅꠈꠣꠘ ꠇꠁꠅ, “ꠝꠣꠟꠤꠇꠞ ꠈꠦꠎꠝꠔꠅ ꠔꠥꠝꠣꠞꠦ ꠎꠦ ꠇꠣꠝ ꠖꠦꠅꠀ ꠅꠁꠍꠦ, ꠅꠃ ꠇꠣꠝ ꠡꠦꠡ ꠇꠞꠣꠞ ꠘꠤꠅꠔꠦ ꠝꠘ ꠖꠤꠀ ꠇꠣꠝ ꠇꠞꠅ।”

ইঞ্জিল ১৩: ১-থিষল: 5:6

ꠄꠞꠟꠣꠉꠤ ꠀꠅ, ꠅꠁꠘ꠆ꠘ ꠝꠣꠘꠡꠞ ꠟꠣꠈꠣꠘ ꠀꠝꠞꠣ ꠘꠣ ꠊꠥꠝꠣꠁꠀ ꠛꠞꠋ ꠢꠎꠣꠉ ꠞꠁ ꠀꠞ ꠘꠤꠎꠞꠦ ꠡꠣꠝꠟꠣꠁꠀ ꠞꠣꠈꠤ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:12

ꠔꠥꠝꠤ ꠎꠥꠀꠘ ꠛꠦꠐꠣ ꠝꠘꠅ ꠇꠞꠤꠀ ꠇꠦꠃ ꠎꠣꠘꠥ ꠔꠥꠝꠣꠞꠦ ꠄꠟꠣ ꠘꠣ ꠇꠞꠦ, ꠄꠞꠟꠣꠉꠤ ꠝꠣꠔ-ꠇꠕꠣꠄ, ꠌꠣꠟ-ꠌꠟꠘꠦ, ꠝꠢꠛ꠆ꠛꠔꠦ, ꠁꠝꠣꠘꠦ ꠀꠞ ꠙꠣꠇ-ꠙꠛꠤꠔ꠆ꠞꠔꠣꠄ ꠔꠥꠝꠤ ꠝꠥꠝꠤꠘ ꠅꠇꠟꠞ ꠉꠦꠍꠦ ꠄꠇꠐꠣ ꠘꠤꠡꠣꠘꠣ ꠛꠘꠤꠎꠣꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:15

ꠁꠔꠣ ꠛꠦꠙꠣꠞꠦ ꠈꠤꠀꠟꠤ ꠅꠅ, ꠘꠤꠎꠞꠦ ꠅꠔꠣꠞ ꠝꠣꠎꠦ ꠙꠥꠞꠣꠙꠥꠞ ꠒꠥꠛꠣꠁꠀ ꠞꠣꠈꠅ, ꠔꠦꠃ ꠢꠇꠟꠞ ꠌꠈꠥꠔ ꠙꠠꠛ ꠔꠥꠝꠤ ꠀꠉꠦꠖꠤ ꠀꠉꠥꠀꠁꠞꠣꠄ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:8

ꠄꠞꠟꠣꠉꠤ ꠀꠝꠞꠣꠞ ꠝꠣꠟꠤꠇ ꠁꠍꠣꠞ ꠛꠦꠙꠣꠞꠦ ꠡꠣꠇ꠆ꠇꠤ ꠖꠤꠔꠦ ꠡꠞꠝꠣꠁꠅ ꠘꠣ, ꠀꠞ ꠔꠣꠘ ꠘꠣꠝꠞ ꠟꠣꠉꠤ ꠀꠝꠤ ꠎꠦꠘ ꠎꠦꠟꠅ ꠛꠘ꠆ꠖꠤ ꠀꠍꠤ, ꠀꠝꠣꠞꠦ ꠟꠁꠀꠅ ꠡꠞꠝꠣꠁꠅ ꠘꠣ। ꠛꠞꠋ ꠀꠟ꠆ꠟꠣꠞ ꠖꠦꠅꠀ ꠛꠟꠦ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠇꠣꠝꠅ ꠀꠝꠣꠞ ꠟꠉꠦ ꠞꠁꠀ ꠖꠥꠈ-ꠇꠡ꠆ꠐ ꠡꠁꠎ꠆ꠎ ꠇꠞꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:10

ꠀꠟ꠆ꠟꠣꠄ ꠎꠦꠞꠣꠞꠦ ꠙꠍꠘ꠆ꠖ ꠇꠞꠤꠀ ꠀꠟꠉ ꠇꠞꠍꠂꠘ, ꠔꠣꠞꠣꠞ ꠟꠣꠉꠤ ꠀꠝꠤ ꠢꠇ꠆ꠇꠟꠔꠣ ꠡꠁꠎ꠆ꠎ ꠇꠞꠤꠀꠞ, ꠎꠣꠔꠦ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠔꠣꠞꠣ ꠘꠣꠎꠣꠔ ꠙꠣꠁꠘ, ꠟꠉꠦ ꠌꠤꠞꠇꠣꠟꠤꠘ ꠉꠃꠞꠛ-ꠝꠢꠤꠝꠣꠅ ꠙꠣꠁꠘ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:3

ꠔꠥꠝꠤ ꠁꠍꠣ ꠀꠟ-ꠝꠍꠤꠞ ꠈꠣꠐꠤ ꠍꠤꠙꠣꠁ ꠅꠁꠀ ꠖꠥꠈ-ꠇꠡ꠆ꠐꠔ ꠡꠞꠤꠇ ꠅꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:17

ꠈꠣꠟꠤ ꠝꠣꠟꠤꠇ ꠁꠍꠣ ꠀꠝꠣꠞ ꠙꠇ꠆ꠇꠦ ꠃꠛꠣꠁꠟꠣ, ꠔꠣꠁꠘ ꠀꠝꠣꠞꠦ ꠛꠟ ꠎꠥꠉꠣꠁꠟꠣ। ꠄꠞꠟꠣꠉꠤ ꠀꠝꠤ ꠜꠤꠘ ꠎꠣꠔꠤꠞ ꠍꠣꠝꠘꠦ ꠡꠥꠟ꠆ꠟꠀꠘꠣ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣꠞ ꠡꠥꠎꠥꠉ ꠙꠣꠁꠍꠤ, ꠔꠣꠞꠣ ꠢꠇꠟꠦ ꠁꠔꠣ ꠢꠥꠘꠍꠦ। ꠅꠃ ꠛꠤꠌꠣꠞꠅ ꠔꠣꠞꠣꠞ ꠡꠤꠋꠢꠞ ꠝꠥꠈꠞ ꠈꠥꠞꠣꠇ ꠅꠀ ꠕꠣꠇꠤ ꠀꠟ꠆ꠟꠣꠄ ꠀꠝꠣꠞꠦ ꠛꠣꠌꠣꠁꠍꠂꠘ।

Injil 19: Ibrani 13:17

ꠔꠥꠝꠞꠣꠞ ꠝꠥꠞꠛ꠆ꠛꠤ ꠅꠇꠟꠞ ꠢꠥꠇꠥꠝ ꠝꠣꠘꠤꠀ ꠔꠣꠞꠣꠞ ꠉꠦꠍꠦ ꠝꠣꠕꠣ ꠘꠥꠀꠁꠀ ꠞꠁꠅ, ꠀꠟ꠆ꠟꠣꠞ ꠖꠞꠛꠣꠞꠅ ꠢꠤꠡꠣꠛ ꠖꠦꠅꠀ ꠟꠣꠉꠛ ꠇꠞꠤ ꠔꠣꠞꠣ ꠢꠣꠝꠦꠡꠣ ꠔꠥꠝꠞꠣꠞ ꠎꠣꠘꠞ ꠙꠣꠞꠣꠖꠣꠞ ꠅꠁꠀ ꠇꠣꠝ ꠇꠞꠞꠣ। ꠅꠈꠘ ꠔꠣꠞꠣ ꠎꠣꠔꠦ ꠈꠥꠡꠤ ꠝꠘꠦ ꠁꠔꠣ ꠇꠞꠂꠘ, ꠄꠞꠟꠣꠉꠤ ꠔꠥꠝꠞꠣ ꠛꠣꠁꠖ꠆ꠖ ꠞꠁꠅ। ꠔꠣꠞꠣ ꠎꠥꠖꠤ ꠝꠘꠅ ꠖꠥꠈ ꠙꠣꠁꠀ ꠔꠥꠝꠞꠣꠞ ꠟꠣꠉꠤ ꠇꠣꠝ ꠇꠞꠂꠘ, ꠔꠦ ꠔꠥꠝꠞꠣꠞ ꠜꠣꠟꠣꠁ ꠅꠁꠔ ꠘꠣꠄ।

ꠁꠘ꠆ꠎꠤꠟ ২১: ১-ꠙꠤꠔꠞ 1:13

ꠄꠞꠟꠣꠉꠤ ꠔꠥꠝꠞꠣꠞ ꠝꠘꠞꠦ ꠢꠎꠣꠉ ꠇꠞꠅ ꠀꠞ ꠘꠤꠎꠞꠦ ꠡꠣꠝꠟꠣꠁꠀ ꠞꠣꠈꠅ। ꠀꠟ-ꠝꠍꠤ ꠎꠣꠁꠞ ꠅꠀꠞ ꠛꠣꠖꠦ ꠎꠦ ꠞꠢꠝꠔ ꠔꠥꠝꠞꠣ ꠙꠣꠁꠛꠣꠄ, ꠅꠃ ꠞꠢꠝꠔꠤ ꠘꠣꠎꠣꠔ ꠙꠣꠅꠀꠞ ꠟꠣꠉꠤ ꠙꠥꠞꠣꠙꠥꠞ ꠀꠡꠣ ꠟꠁꠀ ꠔꠥꠝꠞꠣ ꠛꠣꠞ ꠌꠣꠅ।

Injil 27: Zaira Kalam 3:2

ꠔꠥꠝꠞꠣ ꠢꠎꠣꠉ ꠅꠁꠀ ꠃꠑꠅ, ꠀꠞ ꠛꠣꠖ-ꠛꠣꠇꠤ ꠎꠔꠔꠣ ꠝꠞꠣꠞ ꠙꠕꠤ ꠅꠁꠉꠦꠍꠦ, ꠁꠔꠣꠞꠦ ꠛꠟ ꠎꠥꠉꠣꠅ। ꠢꠥꠘꠅ, ꠀꠝꠣꠞ ꠀꠟ꠆ꠟꠣꠞ ꠍꠣꠝꠘꠦ ꠔꠥꠝꠞꠣꠞ ꠄꠇꠈꠣꠘ ꠇꠣꠝꠅ ꠀꠝꠤ ꠡꠑꠤꠇ ꠖꠦꠈꠍꠤ ꠘꠣ।