ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:18 - Siloṭi Asmani Kitab (Nagri lipi)

¹⁸ ꠅꠃ ꠝꠣꠟꠤꠇ ꠁꠍꠣꠄ ꠢꠇꠟ ꠘꠝꠥꠘꠣꠞ ꠛꠖ ꠇꠣꠝ ꠕꠣꠇꠤꠅ ꠀꠝꠣꠞꠦ ꠢꠦꠚꠣꠎꠔꠦ ꠞꠣꠈꠛꠣ ꠀꠞ ꠍꠢꠤ-ꠍꠣꠟꠣꠝꠔꠦ ꠛꠦꠢꠦꠡ꠆ꠔꠤ ꠛꠣꠖꠡꠣꠁꠔ ꠙꠣꠞ ꠇꠞꠛꠣ। ꠎꠥꠉꠦ ꠎꠥꠉꠦ ꠌꠤꠞꠇꠣꠟ ꠔꠣꠘ ꠔꠣꠞꠤꠚ ꠅꠃꠇ। ꠀꠝꠤꠘ।

ছিলটি আছমানি কিতাব (বাংলা লিপি)

¹⁸ অউ মালিক ইছায় হকল নমুনার বদ কাম থাকিও আমারে হেফাজতে রাখবা আর ছহি-ছালামতে বেহেস্তি বাদশাইত পার করবা। যুগে যুগে চিরকাল তান তারিফ অউক। আমিন।

Siloṭi Asmani Kitab (Latin lipi)

¹⁸ Ou Malik Isae hoḳol nomunar bod ḳam taki-o amare hefazote raḳba ar sohi-salamote behesti bashshait far ḳorba. Zuge zuge siroḳal tan tarif ouk. Amin.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:18 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 48:16

ꠢꠃ ꠚꠤꠞꠤꠡ꠆ꠔꠣ, ꠎꠦꠁꠘ ꠀꠝꠣꠞꠦ ꠢꠇꠟ ꠝꠍꠤꠛꠔ ꠕꠣꠇꠤ ꠛꠣꠌꠣꠁꠍꠂꠘ, ꠔꠣꠁꠘꠃ ꠅꠃ ꠖꠥꠁꠅ ꠙꠥꠀꠞꠦ ꠛꠞꠇꠔ ꠘꠣꠎꠤꠟ ꠇꠞꠃꠇ꠆ꠇꠣ। ꠄꠞꠣꠞꠦ ꠖꠤꠀꠃ ꠁꠛ꠆ꠞꠣꠢꠤꠝ ꠀꠞ ꠁꠍꠢꠣꠇ ꠀꠞ ꠀꠝꠣꠞ ꠘꠣꠝ ꠎꠤꠘ꠆ꠖꠣ ꠕꠣꠇꠃꠇ। ꠖꠥꠘꠤꠀꠁꠞ ꠝꠣꠎꠦ ꠔꠣꠞꠣꠞ ꠛꠃꠔ ꠉꠥꠡ꠆ꠐꠤ ꠅꠃꠇ।”

ꠎꠛꠥꠞ ꠡꠞꠤꠚ 121:7

ꠢꠇ꠆ꠇꠟ ꠘꠝꠥꠘꠣꠞ ꠛꠤꠙꠖ ꠕꠣꠇꠤ ꠝꠣꠛꠥꠖꠦꠃ ꠛꠣꠌꠣꠁꠛꠣ, ꠔꠣꠁꠘꠃ ꠔꠥꠝꠣꠞ ꠎꠣꠘꠞ ꠢꠦꠚꠣꠎꠔ ꠇꠞꠛꠣ।

ꠎꠛꠥꠞ ꠡꠞꠤꠚ 37:28

ꠝꠣꠛꠥꠖꠦ ꠔ ꠜꠣꠟꠣ ꠙꠣꠁꠘ ꠢꠇ ꠁꠘꠍꠣꠚ, ꠔꠣꠁꠘ ꠘꠤꠎꠞ ꠀꠡꠤꠇꠣꠘꠞꠦ ꠇꠞꠂꠘ ꠘꠣ ꠔ ꠔꠤꠀꠉ। ꠘꠣꠚꠞꠝꠣꠘꠞ ꠛꠤꠘꠣꠡ ꠅꠁꠛ ꠌꠤꠞꠇꠣꠟꠞ ꠟꠣꠉꠤ, ꠔꠣꠞꠣꠞ ꠛꠋꠡ-ꠛꠥꠘꠤꠀꠖ ꠝꠤꠐꠤꠎꠤꠛ ꠖꠥꠘꠤꠀ ꠕꠣꠇꠤ।

ꠁꠘ꠆ꠎꠤꠟ ১: ꠝꠕꠤ 13:43

ꠢꠤ ꠡꠝꠄ ꠀꠟ꠆ꠟꠣꠞꠣꠁꠀ ꠝꠣꠘꠡꠦ ꠔꠣꠞꠣꠞ ꠛꠦꠢꠦꠡ꠆ꠔꠤ ꠛꠣꠚ ꠀꠟ꠆ꠟꠣ ꠙꠣꠇꠞ ꠛꠣꠖꠡꠣꠁꠔ ꠘꠥꠞꠣꠘꠤ ꠍꠥꠞꠔꠦ ꠡꠥꠞꠥꠎꠞ ꠟꠣꠈꠣꠘ ꠏꠤꠟꠝꠤꠟ ꠇꠞꠛꠣ। ꠢꠥꠘꠣꠞ ꠟꠣꠈ ꠇꠣꠘ ꠎꠣꠞ ꠀꠍꠦ, ꠢꠦ ꠢꠥꠘꠃꠇ।

ꠁꠘ꠆ꠎꠤꠟ ১: ꠝꠕꠤ 25:34

“ꠄꠞꠛꠣꠖꠦ ꠛꠣꠖꠡꠣꠄ ꠔꠣꠘ ꠒꠣꠁꠘ ꠉꠣꠟꠣꠞ ꠝꠣꠘꠡꠞꠦ ꠇꠁꠛꠣ, ‘ꠔꠥꠝꠞꠣ ꠎꠣꠞꠣ ꠀꠝꠣꠞ ꠛꠣꠔꠥꠘꠤ ꠛꠣꠚꠞ ꠞꠢꠝ ꠙꠣꠁꠍ, ꠔꠥꠝꠞꠣ ꠀꠅ। ꠀꠞ ꠖꠥꠘꠤꠀꠞ ꠙꠄꠟꠣ ꠕꠣꠇꠤ ꠔꠥꠝꠞꠣꠞ ꠟꠣꠉꠤ ꠎꠦ ꠛꠣꠖꠡꠣꠁ ꠔꠤꠀꠞ ꠇꠞꠤ ꠞꠣꠈꠣ ꠅꠁꠍꠦ, ꠅꠃ ꠛꠣꠖꠡꠣꠁꠞ ꠖꠈꠟ ꠡꠝꠎꠤꠀ ꠘꠦꠅ।

ꠁꠘ꠆ꠎꠤꠟ ১: ꠝꠕꠤ 6:13

ꠚꠣꠟꠣꠁꠅ ꠘꠣ ꠀꠝꠞꠣꠞꠦ ꠙꠞꠤꠇ꠆ꠇꠣꠔ, ꠡꠄꠔꠣꠘꠞ ꠇꠛꠎꠣ ꠕꠣꠇꠤ ꠇꠞꠅ ꠈꠣꠟꠣꠍ॥

Injil 3: Luk 11:4

ꠛꠣꠛꠣ, ꠀꠝꠞꠣꠞ ꠔꠣꠝꠣꠝ ꠉꠥꠘꠣꠞꠦ ꠝꠣꠚ ꠇꠞꠤꠀ ꠖꠤꠟꠣꠅ, ꠎꠦꠟꠣ ꠀꠝꠞꠣꠅ ꠝꠣꠚꠤ ꠖꠤꠟꠣꠁꠍꠤ ꠀꠝꠞꠣꠞ ꠅꠙꠞꠣꠗꠤ ꠅꠇꠟꠞꠦ; ꠀꠞ ꠙꠞꠤꠇ꠆ꠇꠣ ꠕꠣꠇꠤ ꠢꠦꠚꠣꠎꠔ ꠇꠞꠅ ꠀꠝꠞꠣꠞꠦ।”

Injil 3: Luk 12:32

“ꠔꠥꠝꠞꠣꠃ ꠀꠝꠣꠞ ꠝꠦꠠꠣꠞ ꠙꠣꠟ, ꠔꠥꠝꠞꠣꠞ ꠖꠟ ꠢꠥꠞꠥ-ꠝꠥꠞꠥ ꠅꠁꠟꠦꠅ ꠒꠞꠣꠁꠅ ꠘꠣ, ꠔꠥꠝꠞꠣꠞ ꠛꠣꠔꠥꠘꠤ ꠛꠣꠚꠞ ꠝꠞ꠆ꠎꠤ ꠅꠁꠟ, ꠔꠥꠝꠞꠣ ꠔꠣꠘ ꠛꠣꠖꠡꠣꠁꠞ ꠜꠤꠔꠞꠅ ꠢꠣꠝꠣꠅ।

Injil 3: Luk 22:29

ꠀꠞ ꠀꠝꠣꠞ ꠛꠣꠔꠥꠘꠤ ꠛꠣꠚꠦ ꠀꠝꠣꠞꠦ ꠎꠦꠟꠣ ꠉꠖꠤ ꠀꠞ ꠈꠦꠝꠔꠣ ꠖꠣꠘ ꠇꠞꠍꠂꠘ, ꠀꠝꠤꠅ ꠅꠃꠟꠣ ꠔꠥꠝꠞꠣꠞꠦ ꠈꠦꠝꠔꠣ ꠖꠣꠘ ꠇꠞꠞꠣꠝ।

Injil 4: Hannan 17:15

ꠀꠝꠤ ꠔꠥꠝꠣꠞ ꠉꠦꠍꠦ ꠀꠛꠖꠣꠞ ꠇꠞꠞꠣꠝ ꠘꠣ, ꠔꠥꠝꠤ ꠔꠣꠞꠣꠞꠦ ꠖꠥꠘꠤꠀ ꠕꠣꠇꠤ ꠘꠤꠔꠣꠄꠉꠤ, ꠛꠞꠋ ꠅꠃ ꠀꠛꠖꠣꠞ ꠇꠞꠞꠣꠝ, ꠔꠥꠝꠤ ꠔꠣꠞꠣꠞꠦ ꠁꠛꠟꠤꠍꠞ ꠀꠔ ꠕꠣꠇꠤ ꠢꠦꠚꠣꠎꠔ ꠇꠞꠅ।

Injil 6: Ruman 11:36

ꠀꠍꠟꠦ ꠢꠇꠟꠔꠣꠃ ꠔ ꠔꠣꠘ ꠉꠦꠍ ꠕꠣꠇꠤ, ꠔꠣꠘ ꠝꠣꠎꠖꠤꠃ ꠀꠄ, ꠔꠣꠘ ꠘꠤꠎꠞ ꠟꠣꠉꠤ ꠙꠄꠖꠣ ꠇꠞꠍꠂꠘ। ꠎꠥꠉꠦ ꠎꠥꠉꠦ ꠌꠤꠞꠇꠣꠟ ꠔꠣꠘ ꠔꠣꠞꠤꠚ ꠅꠃꠇ। ꠀꠝꠤꠘ।

Injil 6: Ruman 16:27

ꠔꠣꠁꠘꠃ ꠄꠇꠝꠣꠔ꠆ꠞ ꠀꠟ꠆ꠟꠣ, ꠔꠣꠁꠘꠃ ꠀꠈꠟꠖꠣꠞ, ꠎꠥꠉꠦ ꠎꠥꠉꠦ ꠌꠤꠞꠇꠣꠟ ꠁꠍꠣ ꠀꠟ-ꠝꠍꠤꠞ ꠝꠣꠎꠖꠤ ꠔꠣꠘ ꠔꠣꠞꠤꠚ ꠅꠃꠇ। ꠀꠝꠤꠘ॥

Injil 7: 1-Korintia 1:21

ꠀꠟ꠆ꠟꠣꠄ ꠔꠣꠘ ꠘꠤꠎꠞ ꠀꠈꠟ ꠖꠤꠀ ꠚꠄꠍꠣꠟꠣ ꠇꠞꠍꠂꠘ, ꠎꠣꠔꠦ ꠖꠥꠘꠤꠀꠄ ꠎꠣꠘꠥ ꠔꠣꠞ ꠀꠈꠟ ꠖꠤꠀ ꠔꠣꠘꠞꠦ ꠌꠤꠘꠔ ꠘꠣ ꠙꠣꠞꠦ। ꠄꠞꠟꠣꠉꠤ ꠛꠦꠀꠈꠟꠤꠞ ꠅꠃ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠝꠣꠎꠖꠤ ꠀꠟ꠆ꠟꠣꠄ ꠝꠥꠝꠤꠘ ꠅꠇꠟꠞ ꠎꠣꠘ ꠛꠣꠌꠣꠁꠔꠣ ꠌꠣꠁꠟꠣ।

Injil 7: 1-Korintia 10:13

ꠝꠣꠘꠡꠞ ꠎꠤꠘ꠆ꠖꠦꠉꠤꠔ ꠎꠦꠟꠣꠈꠣꠘ ꠙꠞꠤꠇ꠆ꠇꠣ ꠀꠄ, ꠅꠔꠣꠞ ꠛꠣꠁꠞꠣ ꠘꠄꠀ ꠇꠥꠘꠥ ꠙꠞꠤꠇ꠆ꠇꠣ ꠔ ꠔꠥꠝꠞꠣꠞ ꠃꠙꠞꠦ ꠅꠞ ꠘꠣ। ꠀꠟ꠆ꠟꠣ ꠙꠣꠇ ꠔ ꠢꠇ-ꠢꠣꠟꠣꠟ, ꠔꠣꠁꠘ ꠔꠥꠝꠞꠣꠞꠦ ꠡꠁꠎ꠆ꠎꠞ ꠅꠔꠤꠞꠤꠇ꠆ꠔ ꠇꠥꠘꠥ ꠙꠞꠤꠇ꠆ꠇꠣꠔ ꠚꠣꠟꠣꠁꠔꠣ ꠘꠣꠄ, ꠛꠞꠋ ꠙꠞꠤꠇ꠆ꠇꠣ ꠕꠣꠇꠤ ꠛꠣꠌꠤꠛꠣꠞ ꠙꠕꠅ ꠛꠣꠔꠣꠁ ꠖꠤꠛꠣ, ꠎꠣꠔꠦ ꠔꠥꠝꠞꠣ ꠁꠔꠣ ꠡꠁꠎ꠆ꠎ ꠇꠞꠔꠣꠄ ꠙꠣꠞ।

Injil 7: 1-Korintia 15:50

ꠜꠣꠁꠀꠁꠘꠞꠦ ꠀꠝꠤ ꠔꠥꠝꠞꠣꠞꠦ ꠇꠁꠞꠣꠝ, ꠞꠇ꠆ꠔ-ꠝꠣꠋꠡꠞ ꠇꠥꠘꠥ ꠡꠞꠤꠟ ꠀꠟ꠆ꠟꠣꠞ ꠛꠣꠖꠡꠣꠁꠞ ꠅꠗꠤꠇꠣꠞ ꠙꠣꠄ ꠘꠣ। ꠎꠦꠔꠣꠞ ꠛꠤꠘꠣꠡ ꠀꠍꠦ, ꠁꠔꠣ ꠇꠥꠘꠥꠝꠘ꠆ꠔꠦꠃ ꠌꠤꠞꠡ꠆ꠕꠣꠄꠁ ꠛꠘꠦ ꠘꠣ।

Injil 8: 2-Korintia 1:10

ꠄꠇ ꠛꠦꠎꠥꠁꠔꠣ ꠝꠃꠔꠞ ꠀꠔ ꠕꠣꠇꠤ ꠔꠣꠁꠘ ꠀꠝꠞꠣꠞꠦ ꠛꠣꠌꠣꠁꠍꠂꠘ, ꠀꠞ ꠅꠈꠘꠅ ꠛꠣꠌꠣꠁꠞꠣ। ꠀꠝꠞꠣ ꠔꠣꠘ ꠃꠙꠞꠦ ꠜꠞꠡꠣ ꠇꠞꠔꠣꠝ ꠙꠣꠞꠤ, ꠔꠣꠁꠘ ꠢꠣꠝꠦꠡꠣꠃ ꠀꠝꠞꠣꠞꠦ ꠅꠟꠣꠈꠣꠘ ꠛꠣꠌꠣꠁꠛꠣ।

Injil 9: Galatia 1:5

ꠀꠟ꠆ꠟꠣ ꠙꠣꠇꠞ ꠔꠣꠞꠤꠚ ꠢꠞ-ꠢꠣꠝꠦꠡꠣ ꠎꠣꠞꠤ ꠞꠃꠇ। ꠀꠝꠤꠘ।

ইঞ্জিল ১৩: ১-থিষল: 5:23

ꠡꠣꠘ꠆ꠔꠤ ꠖꠦꠅꠞꠣ ꠀꠟ꠆ꠟꠣꠄ ꠘꠤꠎꠦ ꠔꠥꠝꠞꠣꠞꠦ ꠙꠥꠞꠣꠙꠥꠞ ꠙꠣꠇ-ꠙꠛꠤꠔ꠆ꠞ ꠇꠞꠃꠇ꠆ꠇꠣ, ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠄ ꠔꠡꠞꠤꠚ ꠀꠘꠣꠞ ꠇꠣꠟꠅ ꠔꠥꠝꠞꠣꠞ ꠀꠡ꠆ꠔꠣ ꠡꠞꠤꠟ, ꠞꠥꠢꠥ ꠀꠞ ꠖꠤꠟꠞꠦ ꠙꠥꠞꠣꠙꠥꠞ ꠘꠤꠈꠥꠔ ꠞꠣꠈꠃꠇ꠆ꠇꠣ।

ইঞ্জিল ১৪: ২-থিষল: 3:3

ꠅꠁꠟꠦ ꠝꠣꠟꠤꠇ ꠁꠍꠣ ꠔ ꠢꠇ ꠀꠞ ꠈꠣꠐꠤ, ꠔꠣꠁꠘꠃ ꠔꠥꠝꠞꠣꠞꠦ ꠁꠝꠣꠘꠦ ꠕꠤꠞ ꠞꠣꠈꠛꠣ ꠀꠞ ꠡꠄꠔꠣꠘꠞ ꠀꠔ ꠕꠣꠇꠤ ꠢꠣꠝꠦꠡꠣ ꠢꠦꠚꠣꠎꠔ ꠇꠞꠛꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:17

ꠎꠦꠁꠘ ꠌꠤꠞꠇꠣꠟꠤꠘ ꠛꠣꠖꠡꠣ, ꠎꠦꠁꠘ ꠘꠤꠞꠣꠇꠣꠞ, ꠄꠇꠝꠣꠔ꠆ꠞ ꠀꠟ꠆ꠟꠣ, ꠎꠣꠘ ꠇꠥꠘꠥ ꠇ꠆ꠇꠄ ꠘꠣꠁ, ꠔꠣꠘ ꠁꠎ꠆ꠎꠔ ꠀꠞ ꠉꠃꠞꠛ ꠢꠞ-ꠢꠣꠝꠦꠡꠣ ꠎꠣꠞꠤ ꠞꠃꠇ। ꠀꠝꠤꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:16

ꠈꠣꠟꠤ ꠀꠟ꠆ꠟꠣ ꠙꠣꠇꠞꠦꠃ ꠝꠃꠔꠦ ꠇꠛꠎꠣ ꠇꠞꠔ ꠙꠣꠞꠦ ꠘꠣ। ꠔꠣꠁꠘ ꠅꠟꠣ ꠄꠇ ꠘꠥꠞꠞ ꠚꠞꠅ ꠛꠡꠔ ꠇꠞꠂꠘ, ꠢꠤꠘꠅ ꠇꠥꠘꠥ ꠀꠖꠝ ꠎꠣꠔ ꠎꠣꠁꠔ ꠙꠣꠞꠦ ꠘꠣ। ꠇꠥꠘꠥ ꠀꠖꠝꠦ ꠇꠥꠘꠥꠖꠤꠘ ꠔꠣꠘꠞꠦ ꠖꠦꠈꠍꠦꠅ ꠘꠣ, ꠖꠦꠈꠣꠞ ꠔꠣꠇ꠆ꠇꠔꠅ ꠘꠣꠁ। ꠁꠎ꠆ꠎꠔ ꠀꠞ ꠈꠦꠝꠔꠣ ꠌꠤꠞꠇꠣꠟ ꠈꠣꠟꠤ ꠔꠣꠘꠃ। ꠀꠝꠤꠘ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:12

ꠄꠞꠟꠣꠉꠤꠃ ꠀꠝꠤ ꠅꠟꠣ ꠖꠥꠈ-ꠇꠡ꠆ꠐ ꠙꠣꠁꠀꠞ, ꠔꠣ-ꠅ ꠀꠝꠤ ꠡꠞꠝꠤꠘ꠆ꠖꠣ ꠘꠣꠄ। ꠇꠣꠞꠘ ꠀꠝꠤ ꠎꠣꠘꠤ, ꠀꠝꠤ ꠇꠣꠞ ꠃꠙꠞꠦ ꠜꠞꠡꠣ ꠇꠞꠍꠤ। ꠀꠝꠣꠞ ꠙꠥꠞꠣꠙꠥꠞ ꠄꠇꠤꠘ ꠀꠍꠦ, ꠀꠝꠤ ꠔꠣꠘ ꠖꠞꠛꠣꠞꠅ ꠎꠦꠔꠣ ꠎꠝꠣ ꠇꠞꠍꠤ, ꠁꠔꠣꠞꠦ ꠢꠦꠚꠣꠎꠔꠦ ꠞꠣꠈꠣꠞ ꠈꠦꠝꠔꠣ ꠔꠣꠘ ꠀꠍꠦ, ꠀꠟ-ꠝꠍꠤꠄ ꠖꠥꠍꠞꠣꠛꠣꠞ ꠔꠡꠞꠤꠚ ꠀꠘꠣꠞ ꠖꠤꠘ ꠙꠞ꠆ꠎꠘ꠆ꠔ ꠁꠔꠣ ꠞꠁꠛ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:1

ꠀꠝꠤ ꠀꠟ꠆ꠟꠣ ꠙꠣꠇꠞꠦ ꠡꠣꠇ꠆ꠇꠤ ꠞꠣꠈꠤꠀ, ꠀꠞ ꠎꠦꠁꠘ ꠔꠣꠝꠣꠝ ꠎꠤꠘ꠆ꠖꠣ-ꠝꠥꠞ꠆ꠖꠣꠞ ꠛꠤꠌꠣꠞ ꠇꠞꠛꠣ, ꠢꠃ ꠁꠍꠣ ꠀꠟ-ꠝꠍꠤꠞꠦ ꠡꠣꠇ꠆ꠇꠤ ꠞꠣꠈꠤꠀ, ꠖꠥꠘꠤꠀꠔ ꠔꠣꠘ ꠖꠥꠍꠞꠣꠛꠣꠞꠞ ꠔꠡꠞꠤꠚ ꠀꠘꠣ ꠀꠞ ꠔꠣꠘ ꠛꠣꠖꠡꠣꠁꠞ ꠖꠥꠀꠁ ꠖꠤꠀ ꠔꠥꠝꠣꠞꠦ ꠅꠃ ꠇꠠꠣ ꠢꠥꠇꠥꠝ ꠖꠤꠀꠞ।

Injil 19: Ibrani 11:16

ꠅꠁꠟꠦ ꠔꠣꠞꠣ ꠔ ꠀꠞꠅ ꠜꠣꠟꠣ ꠄꠇ ꠖꠦꠡ, ꠝꠣꠘꠤ ꠛꠦꠢꠦꠡ꠆ꠔꠞ ꠔꠣꠟ꠆ꠟꠣꠡ ꠇꠞꠍꠟꠣ। ꠄꠞꠟꠣꠉꠤꠃ ꠀꠟ꠆ꠟꠣ ꠙꠣꠇꠦ ꠘꠤꠎꠞꠦ ꠔꠣꠞꠣꠞ ꠀꠟ꠆ꠟꠣ ꠇꠁꠀ ꠙꠞꠤꠌꠄ ꠖꠤꠔꠦ ꠇꠥꠘꠥ ꠡꠞꠝ ꠙꠣꠁꠘ ꠘꠣ, ꠔꠣꠁꠘꠃ ꠔꠣꠞꠣꠞ ꠟꠣꠉꠤꠀ ꠀꠞꠣꠝꠞ ꠄꠇ ꠐꠣꠃꠘ ꠔꠤꠀꠞ ꠇꠞꠍꠂꠘ।

Injil 19: Ibrani 12:22

ꠅꠁꠟꠦ ꠔꠥꠝꠞꠣ ꠔ ꠙꠛꠤꠔ꠆ꠞ ꠍꠤꠅꠘ ꠙꠣꠠ ꠀꠞ ꠎꠤꠘ꠆ꠖꠣ ꠀꠟ꠆ꠟꠣꠞ ꠐꠣꠃꠘꠞ ꠇꠣꠍꠣꠔ ꠀꠁꠍ, ꠀꠎꠣꠞ ꠀꠎꠣꠞ ꠚꠤꠞꠤꠡ꠆ꠔꠣꠄ ꠎꠦꠈꠣꠘꠅ ꠈꠥꠡꠤ-ꠛꠣꠡꠤꠞ ꠝꠣꠢꠚꠤꠟ ꠇꠞꠞꠣ, ꠢꠘꠅ ꠀꠁꠍ। ꠁ ꠐꠣꠃꠘ ꠅꠁꠟꠉꠤ, ꠛꠦꠢꠦꠡ꠆ꠔꠤ ꠎꠦꠞꠥꠎꠣꠟꠦꠝ।

Injil 19: Ibrani 13:21

ꠢꠇꠟ ꠘꠦꠇ ꠇꠣꠝꠞ ꠔꠚꠤꠇ ꠖꠦꠃꠇ꠆ꠇꠣ, ꠔꠣꠘ ꠝꠞ꠆ꠎꠤ ꠎꠥꠉꠣꠁꠀ ꠌꠟꠣꠞ, ꠀꠞ ꠔꠣꠁꠘ ꠎꠦꠔꠣ ꠙꠍꠘ꠆ꠖ ꠇꠞꠂꠘ, ꠖꠤꠟꠅ ꠅꠔꠣꠞ ꠄꠡꠇꠤ ꠖꠦꠃꠇ꠆ꠇꠣ, ꠁꠍꠣ ꠀꠟ-ꠝꠍꠤꠞ ꠎꠞꠤꠀꠄ, ꠄꠘ ꠝꠢꠤꠝꠣ ꠢꠞ-ꠢꠣꠝꠦꠡꠣ ꠞꠃꠇ, ꠀꠝꠤꠘ।

Injil 20: Iakub 2:5

ꠅ ꠀꠝꠣꠞ ꠝꠣꠄꠀꠞ ꠜꠣꠁ ꠅꠇꠟ, ꠢꠥꠘꠅ। ꠁ ꠖꠥꠘꠤꠀꠞ ꠉꠞꠤꠛ ꠝꠣꠘꠡꠞꠦ ꠀꠟ꠆ꠟꠣꠄ ꠙꠍꠘ꠆ꠖ ꠇꠞꠍꠂꠘ ꠘꠣ ꠘꠤ ꠁꠝꠣꠘꠦ ꠗꠘꠤ ꠛꠣꠘꠣꠘꠤꠞ ꠟꠣꠉꠤ? ꠀꠟ꠆ꠟꠣꠞ ꠀꠡꠤꠇ ꠝꠣꠘꠡꠞꠦ ꠀꠟ꠆ꠟꠣꠄ ꠎꠦ ꠛꠣꠖꠡꠣꠁ ꠖꠦꠅꠀꠞ ꠅꠀꠖꠣ ꠇꠞꠍꠟꠣ, ꠁ ꠛꠣꠖꠡꠣꠁꠞ ꠝꠣꠟꠤꠇ ꠅꠀꠞ ꠟꠣꠉꠤ ꠔꠣꠁꠘ ꠉꠞꠤꠛ ꠅꠇꠟꠞꠦ ꠙꠍꠘ꠆ꠖ ꠇꠞꠍꠂꠘ ꠘꠣ ꠘꠤ?

ꠁꠘ꠆ꠎꠤꠟ ২১: ১-ꠙꠤꠔꠞ 1:5

ꠔꠥꠝꠞꠣ ꠙꠥꠞꠣꠙꠥꠞ ꠘꠣꠎꠣꠔ ꠘꠣ ꠙꠣꠅꠀ ꠙꠞ꠆ꠎꠘ꠆ꠔ, ꠀꠟ꠆ꠟꠣꠁ ꠡꠇ꠆ꠔꠤꠄ ꠁꠝꠣꠘꠞ ꠝꠣꠎꠖꠤ ꠔꠥꠝꠞꠣꠞꠦ ꠢꠦꠚꠣꠎꠔꠦ ꠞꠣꠈꠣ ꠅꠁꠍꠦ। ꠅꠃ ꠘꠣꠎꠣꠔ ꠑꠤꠇ ꠇꠞꠣ ꠅꠁꠍꠦ, ꠀꠈꠦꠞꠣꠔꠞ ꠡꠝꠄ ꠎꠣꠁꠞ ꠅꠀꠞ ꠟꠣꠉꠤ।

ꠁꠘ꠆ꠎꠤꠟ ২১: ১-ꠙꠤꠔꠞ 5:11

ꠔꠣꠘ ꠞꠣꠎ-ꠈꠦꠝꠔꠣ ꠢꠞ-ꠢꠣꠝꠦꠡꠣ ꠎꠣꠞꠤ ꠞꠃꠇ। ꠀꠝꠤꠘ।

ꠁꠘ꠆ꠎꠤꠟ ২২: ২-ꠙꠤꠔꠞ 1:11

ꠀꠞ ꠀꠝꠞꠣꠞ ꠝꠣꠟꠤꠇ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠢꠣꠝꠦꠡꠣꠇꠥꠞ ꠛꠣꠖꠡꠣꠁꠔ ꠔꠥꠝꠞꠣꠞꠦ ꠀꠖꠞ ꠇꠞꠤ ꠢꠣꠞꠣꠁꠟ ꠅꠁꠛ।

ꠁꠘ꠆ꠎꠤꠟ ২২: ২-ꠙꠤꠔꠞ 3:18

ꠔꠥꠝꠞꠣ ꠀꠝꠞꠣꠞ ꠝꠣꠟꠤꠇ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠞꠢꠝꠔꠦ ꠀꠞ ꠔꠣꠘꠞꠦ ꠌꠤꠘꠣꠞ ꠔꠣꠇ꠆ꠇꠔꠦ ꠛꠣꠠꠤꠀ ꠃꠑꠅ। ꠅꠈꠘ ꠀꠞ ꠢꠞ-ꠢꠣꠝꠦꠡꠣ ꠔꠣꠘ ꠝꠢꠤꠝꠣ ꠎꠣꠞꠤ ꠞꠃꠇ। ꠀꠝꠤꠘ॥

Injil 26: Ehuda 1:1

ꠀꠝꠤ ꠄꠢꠥꠖꠣ ꠔ ꠍꠣꠢꠣꠛꠤ ꠁꠀꠇꠥꠛꠞ ꠜꠣꠁ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠉꠥꠟꠣꠝ। ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇꠦ ꠎꠦꠞꠣꠞꠦ ꠝꠢꠛ꠆ꠛꠔ ꠇꠞꠂꠘ, ꠎꠦꠞꠣ ꠀꠟ꠆ꠟꠣꠁ ꠖꠣꠅꠔ ꠙꠣꠁꠍꠂꠘ, ꠀꠞ ꠁꠍꠣ ꠀꠟ-ꠝꠍꠤꠄ ꠎꠦꠞꠣꠞ ꠢꠦꠚꠣꠎꠔ ꠇꠞꠂꠘ, ꠅꠃ ꠍꠢꠤꠚꠣꠈꠣꠘ ꠀꠝꠤ ꠄꠞꠣꠞ ꠉꠦꠍꠦ ꠟꠦꠈꠞꠣꠝ।