ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:16 - Siloṭi Asmani Kitab (Nagri lipi)

¹⁶ ꠎꠣꠘ ꠘꠤ, ꠀꠝꠣꠞꠦ ꠙꠄꠟꠣ ꠛꠣꠞ ꠎꠦꠛꠟꠣ ꠀꠖꠣꠟꠔꠅ ꠘꠦꠅꠀ ꠅꠁꠟ, ꠅꠃ ꠡꠝꠄ ꠇꠦꠃ ꠀꠝꠣꠞꠦ ꠡꠣꠁꠎ꠆ꠎ ꠇꠞꠍꠦ ꠘꠣ, ꠢꠇꠟꠦꠃ ꠀꠝꠣꠞꠦ ꠍꠣꠠꠤꠀ ꠜꠣꠉꠤꠍꠦ। ꠔꠣ-ꠅ ꠀꠟ꠆ꠟꠣꠄ ꠎꠣꠘꠥ ꠔꠣꠞꠣꠞ ꠁ ꠛꠤꠡꠄꠈꠣꠘ ꠢꠤꠡꠣꠛꠅ ꠘꠣ ꠗꠞꠂꠘ।

ছিলটি আছমানি কিতাব (বাংলা লিপি)

¹⁶ জানো নি, আমারে পয়লা বার যেবলা আদালতো নেওয়া অইলো, অউ সময় কেউ আমারে সাইয্য করছে না, হকলেউ আমারে ছাড়িয়া বাগিছে। তা-ও আল্লায় যানু তারার ই বিষয় খান হিসাবো না ধরইন।

Siloṭi Asmani Kitab (Latin lipi)

¹⁶ Zano ni, amare foyla bar zebla adaloto neoa oilo, ou shomoy ḳeu amare shaijjo ḳorse na, hoḳole-u amare saṛia bagise. Ta-o Allae zanu tarar i bishoyḳan hishabo na doroin.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:16 Iomraidhean Croise

Injil 2: Markus 14:50

ꠔꠣꠘꠞꠦ ꠛꠘ꠆ꠖꠤ ꠇꠞꠔꠦꠃ ꠔꠣꠘ ꠢꠇꠟ ꠍꠣꠢꠣꠛꠤ ꠔꠣꠘꠦ ꠕꠁꠀ ꠜꠣꠉꠤ ꠉꠦꠟꠣ।

Injil 3: Luk 12:11

“ꠝꠣꠘꠡꠦ ꠎꠦꠛꠟꠣ ꠔꠥꠝꠞꠣꠞꠦ ꠝꠍꠤꠖꠞ ꠙꠣꠁꠘ꠆ꠌꠣꠁꠔꠅ, ꠛꠤꠌꠣꠞꠤ ꠅꠇꠟꠞ ꠍꠣꠝꠘꠦ, ꠛꠣ ꠕꠣꠘꠣꠔ ꠘꠤꠛ, ꠅꠃ ꠡꠝꠄ ꠇꠤꠔꠣ ꠎꠥꠀꠙ ꠖꠤꠔꠣꠄ ꠛꠣ ꠇꠤꠔꠣ ꠇꠁꠔꠣꠄ, ꠁꠔꠣ ꠟꠁꠀ ꠇꠥꠘꠥ ꠌꠤꠘ꠆ꠔꠣ ꠇꠞꠤꠅ ꠘꠣ।

Injil 4: Hannan 16:32

ꠢꠥꠘꠅ, ꠅꠟꠣ ꠡꠝꠄ ꠀꠁꠅꠞ, ꠄꠝꠘꠇꠤ ꠀꠁꠌ꠆ꠍꠦ, ꠎꠦꠛꠟꠣ ꠔꠥꠝꠞꠣ ꠖꠟ ꠍꠣꠠꠤꠀ ꠀꠝꠣꠞꠦ ꠕꠁꠀ ꠎꠣꠞꠎꠤꠞ ꠎꠣꠉꠣꠔ ꠜꠣꠉꠤꠛꠣꠄ। ꠅꠁꠟꠦ ꠀꠝꠤ ꠔ ꠄꠇꠟꠣ ꠘꠣꠄ, ꠀꠝꠣꠞ ꠉꠣꠁꠛꠤ ꠛꠣꠚ ꠀꠝꠣꠞ ꠟꠉꠦ ꠟꠉꠦ ꠀꠍꠂꠘ।

Injil 5: Sahabi Nama 22:1

ꠙꠣꠃꠟꠥꠍꠦ ꠇꠁꠟꠣ, “ꠅ ꠛꠣꠛꠣ ꠅꠇꠟ, ꠜꠣꠁ ꠅꠇꠟ, ꠀꠝꠤ ꠅꠈꠘ ꠀꠝꠣꠞ ꠘꠤꠎꠞ ꠎꠛꠣꠘꠛꠘ꠆ꠖꠤ ꠖꠤꠞꠣꠝ, ꠀꠙꠘꠣꠞꠣ ꠢꠥꠘꠃꠇ꠆ꠇꠣ।”

Injil 5: Sahabi Nama 25:16

ꠀꠝꠤ ꠔꠣꠞꠣꠞꠦ ꠇꠁꠍꠟꠣꠝ, ꠎꠣꠞ ꠛꠤꠞꠥꠖ꠆ꠖꠦ ꠘꠣꠟꠤꠡ ꠖꠦꠅꠀ ꠅꠄ, ꠀꠞ ꠎꠦꠞꠣ ꠁ ꠘꠣꠟꠤꠡ ꠖꠦꠁꠘ, ꠢꠤ ꠛꠣꠖꠤ-ꠛꠤꠛꠣꠖꠤꠞ ꠝꠥꠈꠣꠝꠥꠈꠤ ꠎꠛꠣꠘꠛꠘ꠆ꠖꠤ ꠀꠞ ꠎꠦꠞꠣ ꠘꠣ ꠅꠁꠟꠦ, ꠀꠡꠣꠝꠤꠞꠦ ꠇꠥꠘꠥ ꠡꠣꠎꠣ ꠖꠦꠅꠀꠞ ꠄꠈꠔꠤꠀꠞ ꠞꠥꠝꠣꠘ ꠀꠁꠘꠅ ꠘꠣꠁ।

Injil 5: Sahabi Nama 7:60

ꠇꠁꠀꠃ ꠔꠣꠁꠘ ꠀꠐꠥ ꠉꠣꠟꠣ ꠖꠤꠀ ꠎꠥꠞꠦ ꠌꠤꠟ꠆ꠟꠣꠁꠀ ꠇꠁꠟꠣ, “ꠝꠣꠟꠤꠇ, ꠄꠞꠣꠞ ꠁ ꠉꠥꠘꠣꠞꠦ ꠀꠝꠟꠅ ꠗꠞꠤꠅ ꠘꠣ।” ꠅꠈꠣꠘ ꠇꠁꠀꠃ ꠔꠣꠁꠘ ꠀꠈꠦꠞꠤ ꠖꠝ ꠍꠣꠠꠤ ꠖꠤꠟꠣ। ꠀꠞ ꠡꠃꠟꠦ ꠢꠘꠅ ꠡ꠆ꠔꠤꠚꠣꠘꠞ ꠈꠥꠘꠞ ꠢꠥꠇꠥꠝꠞ ꠟꠉꠦ ꠡꠣꠄ ꠖꠤꠟꠣ।

Injil 7: 1-Korintia 13:5

ꠛꠣꠖ ꠛꠦꠛꠢꠣꠞ ꠇꠞꠦ ꠘꠣ, ꠘꠤꠎꠞ ꠡ꠆ꠛꠣꠞꠕꠞ ꠌꠦꠡ꠆ꠐꠣ ꠇꠞꠦ ꠘꠣ, ꠞꠣꠉ-ꠉꠥꠍꠣ ꠇꠞꠦ ꠘꠣ, ꠇꠦꠃ ꠇꠥꠘꠥ ꠈꠦꠔꠤ ꠇꠞꠟꠦ ꠝꠘꠅ ꠞꠣꠈꠦ ꠘꠣ,

Injil 7: 1-Korintia 9:3

ꠔꠦ ꠀꠝꠣꠞ ꠍꠣꠢꠣꠛꠤ ꠙꠖ ꠟꠁꠀ ꠎꠦꠞꠣ ꠡꠘ꠆ꠖꠄ ꠇꠞꠂꠘ, ꠔꠣꠞꠣ ꠀꠝꠣꠞ ꠅꠃ ꠎꠥꠀꠙ ꠢꠥꠘꠃꠇ꠆ꠇꠣ।

Injil 8: 2-Korintia 7:11

ꠔꠥꠝꠞꠣ ꠛꠥꠎꠞꠣꠄ ꠘꠤ, ꠀꠟ꠆ꠟꠣꠞ ꠖꠦꠅꠀ ꠝꠘꠞ ꠇꠡ꠆ꠐꠄ ꠔꠥꠝꠞꠣꠞ ꠇꠔ ꠜꠣꠟꠣꠁ ꠇꠞꠍꠦ, ꠔꠥꠝꠞꠣꠞꠦ ꠘꠣꠚꠞꠝꠣꠘꠤ ꠕꠣꠇꠤ ꠛꠣꠌꠣꠁꠍꠦ, ꠉꠥꠘꠣꠞ ꠛꠣꠄ ꠔꠥꠝꠞꠣꠞ ꠊꠤꠘ꠆ꠘꠣ ꠎꠘꠝꠣꠁꠍꠦ, ꠝꠘꠦ ꠝꠘꠦ ꠇꠔ ꠒꠞ ꠒꠞꠣꠁꠍ, ꠀꠟ꠆ꠟꠣꠞ ꠛꠣꠄ ꠇꠔ ꠀꠉꠥꠀꠁꠍ, ꠘꠣꠚꠞꠝꠣꠘꠤ ꠇꠣꠝꠞ ꠛꠤꠌꠣꠞ ꠇꠞꠍ। ꠅꠃ ꠛꠦꠙꠣꠞꠦ ꠔꠥꠝꠞꠣ ꠢꠇꠟ ꠝꠘ꠆ꠔꠦꠃ ꠙꠞꠝꠣꠘ ꠖꠤꠍ, ꠔꠥꠝꠞꠣ ꠘꠤꠈꠥꠔ।

Injil 11: Filifia 1:17

ꠅꠁꠟꠦ ꠎꠦꠞꠣ ꠘꠤꠎꠞ ꠚꠣꠄꠖꠣ ꠇꠣꠝꠣꠘꠤꠞ ꠟꠣꠉꠤ ꠀꠟ-ꠝꠍꠤꠞ ꠔꠛꠟꠤꠉ ꠇꠞꠦ, ꠄꠞꠣ ꠔ ꠜꠣꠟꠣ ꠘꠤꠅꠔꠦ ꠇꠣꠝ ꠇꠞꠦ ꠘꠣ। ꠔꠣꠞꠣ ꠌꠣꠄ, ꠀꠝꠤ ꠎꠦꠟꠅ ꠛꠘ꠆ꠖꠤ ꠞꠁ ꠀꠞ ꠀꠝꠣꠞ ꠇꠡ꠆ꠐ ꠛꠣꠠꠃꠇ।

Injil 11: Filifia 1:7

ꠔꠥꠝꠞꠣ ꠔ ꠀꠝꠣꠞ ꠝꠣꠄꠀꠞ ꠝꠣꠘꠥꠡ, ꠄꠞꠟꠣꠉꠤ ꠔꠥꠝꠞꠣꠞ ꠛꠦꠙꠣꠞꠦ ꠀꠝꠣꠞ ꠝꠘꠞ ꠜꠣꠛ ꠅꠟꠣ ꠅꠀ ꠃꠌꠤꠔ। ꠀꠝꠤ ꠎꠦꠟꠅ ꠛꠘ꠆ꠖꠤ ꠢꠣꠟꠔꠦ ꠛꠣ ꠈꠥꠡ-ꠈꠛꠞꠤꠞ ꠢꠇ ꠇꠕꠣ ꠎꠦꠘꠅꠃ ꠔꠛꠟꠤꠉ ꠇꠞꠤ ꠘꠣ ꠇꠦꠘꠦ, ꠔꠥꠝꠞꠣꠅ ꠀꠝꠣꠞ ꠟꠉꠞ ꠞꠢꠝꠔꠞ ꠜꠣꠉꠤ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:15

ꠔꠥꠝꠤ ꠔ ꠎꠣꠘ, ꠔꠥꠞꠡ꠆ꠇꠞ ꠀꠍꠤꠀ ꠄꠟꠣꠇꠣꠞ ꠢꠇꠟ ꠝꠣꠘꠥꠡ ꠀꠝꠣꠞ ꠉꠦꠍ ꠕꠣꠇꠤ ꠀꠟꠉꠤ ꠉꠦꠍꠂꠘ, ꠚꠥꠉꠤꠟꠣꠍ ꠀꠞ ꠢꠣꠝꠣꠉꠤꠘꠣꠍꠅ ꠔꠣꠞꠣꠞ ꠟꠉꠦ ꠉꠦꠍꠂꠘꠉꠤ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:10

ꠇꠣꠞꠘ ꠇꠤꠞꠤꠍꠇꠦꠘ ꠜꠣꠁ ꠉꠣꠟꠣꠔꠤꠀ ꠖꠦꠡꠅ, ꠔꠤꠔꠣꠍ ꠜꠣꠁ ꠖꠣꠟꠝꠣꠔꠤꠀ ꠖꠦꠡꠅ ꠉꠦꠍꠂꠘ। ꠀꠞ ꠖꠤꠝꠣꠍ ꠜꠣꠁ ꠖꠥꠘꠤꠀꠛꠤ ꠝꠣꠄꠀꠞ ꠗꠣꠘ꠆ꠖꠣꠔ ꠙꠠꠤꠀ, ꠀꠝꠣꠞꠦ ꠍꠣꠠꠤꠀ ꠕꠤꠡꠟꠘꠤꠇꠤ ꠐꠣꠃꠘꠅ ꠉꠦꠍꠂꠘꠉꠤ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:15

ꠔꠦ ꠔꠣꠞ ꠛꠦꠙꠣꠞꠦ ꠔꠥꠝꠤ ꠢꠥꠡꠤꠀꠞ ꠞꠁꠅ, ꠢꠦ ꠇꠝꠞ ꠛꠣꠘ꠆ꠖꠤꠀ ꠀꠝꠞꠣꠞ ꠔꠛꠟꠤꠉ ꠇꠣꠝꠞ ꠛꠤꠞꠥꠗꠤꠔꠣ ꠇꠞꠍꠤꠟ।

ꠁꠘ꠆ꠎꠤꠟ ২১: ১-ꠙꠤꠔꠞ 3:15

ꠛꠞꠋ ꠀꠟ-ꠝꠍꠤꠞꠦ ꠘꠤꠎꠞ ꠖꠤꠟꠅ ꠝꠣꠟꠤꠇ ꠢꠤꠡꠣꠛꠦ ꠇꠛꠥꠟ ꠇꠞꠅ। ꠔꠥꠝꠞꠣꠞ ꠀꠡꠣ-ꠜꠞꠡꠣ ꠎꠥꠖꠤ ꠇꠦꠃ ꠎꠣꠘꠔ ꠌꠣꠄ, ꠔꠦ ꠔꠣꠞ ꠎꠥꠀꠙ ꠖꠤꠛꠣꠞ ꠟꠣꠉꠤ ꠢꠣꠝꠦꠡꠣ ꠎꠥꠁꠔ ꠞꠁꠅ।