ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:14 - Siloṭi Asmani Kitab (Nagri lipi)

¹⁴ ꠢꠥꠘꠅ, ꠔꠣꠝꠣ-ꠙꠤꠔꠟꠞ ꠇꠣꠝ ꠇꠞꠦ ꠎꠦ ꠍꠤꠇꠘ꠆ꠖꠞ, ꠅꠉꠤꠄ ꠀꠝꠣꠞ ꠛꠃꠔ ꠈꠦꠔꠤ ꠇꠞꠍꠦ, ꠅꠁꠟꠦ ꠝꠣꠟꠤꠇ ꠁꠍꠣꠄ ꠔꠣꠞꠦ ꠃꠙꠎꠥꠇ꠆ꠔ ꠛꠖꠟꠣ ꠖꠤꠛꠣ।

ছিলটি আছমানি কিতাব (বাংলা লিপি)

¹⁴ হুনো, তামা-পিতলর কাম করে যে ছিকন্দর, অগিয়ে আমার বউত খেতি করছে, অইলে মালিক ইছায় তারে উপযুক্ত বদলা দিবা।

Siloṭi Asmani Kitab (Latin lipi)

¹⁴ Huno, tama-fitolor ḳam ḳore ze Sikondor, ogie amar bout ḳeti korse, oile Malik Isae tare ufozukto bodla diba.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:14 Iomraidhean Croise

ꠎꠛꠥꠞ ꠡꠞꠤꠚ 28:4

ꠔꠣꠞꠣꠞ ꠇꠣꠝ ꠝꠣꠚꠤꠇ ꠚꠟ ꠔꠣꠞꠣꠞꠦ ꠖꠦꠅ, ꠔꠣꠞꠣꠞ ꠈꠣꠞꠣꠙ ꠇꠣꠝꠞ ꠚꠟ ꠔꠣꠞꠣꠞꠦ ꠖꠦꠅ, ꠔꠣꠞꠣꠞ ꠀꠔꠞ ꠛꠖ ꠇꠣꠝꠞ ꠛꠖꠟꠣꠁ ꠔꠣꠞꠣꠞꠦ ꠖꠦꠅ, ꠔꠣꠞꠣꠞ ꠙꠣꠅꠘꠣ ꠡꠑꠤꠇ ꠡꠣꠎꠣ ꠔꠣꠞꠣꠞꠦ ꠖꠤꠟꠣꠅ।

Injil 6: Ruman 12:19

ꠅ ꠝꠣꠄꠀꠞ ꠜꠣꠁ ꠅꠇꠟ, ꠔꠥꠝꠞꠣ ꠇꠦꠃꠞꠞ ꠛꠖꠟꠣ ꠟꠁꠅ ꠘꠣ, ꠁꠔꠣ ꠀꠟ꠆ꠟꠣꠞ ꠀꠔꠅ ꠍꠣꠠꠤ ꠖꠦꠅ, ꠛꠖꠟꠣ ꠖꠦꠅꠀ ꠔꠣꠘ ꠇꠣꠝ। ꠀꠟ꠆ꠟꠣꠞ ꠇꠣꠟꠣꠝꠅ ꠀꠍꠦ, “ꠘꠣꠚꠞꠝꠣꠘꠤꠞ ꠡꠣꠎꠣ ꠖꠤꠛꠣꠞ ꠄꠈꠔꠤꠀꠞ ꠈꠣꠟꠤ ꠀꠝꠣꠞꠃ ꠀꠍꠦ, ꠎꠣꠞ ꠎꠦꠟꠣ ꠙꠣꠅꠘꠣ ꠀꠝꠤ ꠔꠣꠞꠦ ꠅꠟꠣ ꠛꠖꠟꠣ ꠖꠤꠝꠥ, ꠁꠈꠣꠘ ꠀꠝꠤ ꠝꠣꠛꠥꠖꠦ ꠇꠁꠞꠣꠝ।”

Injil 6: Ruman 2:6

ꠔꠣꠁꠘ ꠙꠞꠔꠦꠇ ꠝꠣꠘꠡꠞꠦ ꠎꠣꠞꠎꠤꠞ ꠇꠣꠝꠞ ꠚꠟ ꠖꠤꠛꠣ।

ইঞ্জিল ১৪: ২-থিষল: 1:6

ꠔꠣꠘ ꠢꠇ-ꠁꠘꠍꠣꠚ ꠅꠁꠟ, ꠎꠦꠔꠣꠄ ꠔꠥꠝꠞꠣꠞꠦ ꠇꠡ꠆ꠐ ꠖꠦꠁꠘ, ꠔꠣꠁꠘ ꠁꠔꠣꠞꠦ ꠇꠡ꠆ꠐ ꠖꠤꠛꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:20

ꠁ ꠖꠟꠅ ꠀꠍꠂꠘ, ꠢꠥꠝꠤꠘꠣꠍ ꠀꠞ ꠍꠤꠇꠘ꠆ꠖꠞ। ꠄꠞꠟꠣꠉꠤ ꠀꠝꠤ ꠁꠔꠣꠞꠦ ꠁꠛꠟꠤꠍꠞ ꠀꠔꠅ ꠡꠙꠤ ꠖꠤꠍꠤ, ꠎꠣꠔꠦ ꠔꠣꠞꠣ ꠛꠥꠎꠔꠣ ꠙꠣꠞꠂꠘ, ꠇꠥꠚꠥꠞꠤ ꠝꠣꠔ ꠝꠣꠔꠣ ꠑꠤꠇ ꠘꠣꠄ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:15

ꠔꠦ ꠔꠣꠞ ꠛꠦꠙꠣꠞꠦ ꠔꠥꠝꠤ ꠢꠥꠡꠤꠀꠞ ꠞꠁꠅ, ꠢꠦ ꠇꠝꠞ ꠛꠣꠘ꠆ꠖꠤꠀ ꠀꠝꠞꠣꠞ ꠔꠛꠟꠤꠉ ꠇꠣꠝꠞ ꠛꠤꠞꠥꠗꠤꠔꠣ ꠇꠞꠍꠤꠟ।

Injil 23: 1-Hannan 5:16

ꠇꠦꠃ ꠎꠥꠖꠤ ꠇꠥꠘꠥ ꠝꠥꠝꠤꠘ ꠜꠣꠁꠞꠦ ꠅꠟꠣ ꠄꠇ ꠉꠥꠘꠣ ꠇꠞꠣꠔ ꠖꠦꠈꠦ, ꠎꠦ ꠉꠥꠘꠣ ꠝꠃꠔꠞ ꠙꠕꠤ ꠘꠣꠄ, ꠔꠦ ꠢꠦ ꠀꠞꠎ ꠇꠞꠟꠦ ꠀꠟ꠆ꠟꠣꠄ ꠢꠃ ꠜꠣꠁꠞꠦ ꠢꠦꠚꠣꠎꠔ ꠇꠞꠛꠣ। ꠀꠝꠤ ꠁꠘꠅ ꠅꠃ ꠟꠣꠈꠣꠘ ꠉꠥꠘꠣꠞ ꠇꠕꠣ ꠇꠁꠞꠣꠝ, ꠎꠦꠞꠣꠞ ꠉꠥꠘꠣ ꠝꠃꠔꠞ ꠙꠕꠤ ꠘꠣꠄ। ꠅꠁꠟꠦ ꠝꠘꠅ ꠞꠣꠈꠤꠅ, ꠝꠃꠔꠞ ꠙꠕꠤ ꠉꠥꠘꠣꠅ ꠀꠍꠦ, ꠁꠟꠣ ꠉꠥꠘꠣꠞ ꠛꠦꠙꠣꠞꠦ ꠀꠞꠎ ꠇꠞꠣꠞ ꠟꠣꠉꠤ ꠀꠝꠤ ꠇꠁꠞꠣꠝ ꠘꠣ।

Injil 27: Zaira Kalam 18:20

ꠅꠃ ꠡꠝꠄ ꠢꠃ ꠚꠤꠞꠤꠡ꠆ꠔꠣꠄ ꠇꠁꠟꠣ, “ꠅ ꠛꠦꠢꠦꠡ꠆ꠔ, ꠔꠥꠝꠤ ꠚꠥꠞ꠆ꠔꠤ ꠇꠞꠅ, ꠅꠃ ꠐꠣꠃꠘꠞꠦ ꠛꠤꠘꠣꠡ ꠇꠞꠣꠄ ꠈꠥꠡꠤ ꠇꠞꠅ। ꠅ ꠀꠟ꠆ꠟꠣꠞ ꠙꠣꠇ ꠛꠘ꠆ꠖꠣ ꠅꠇꠟ, ꠘꠛꠤ-ꠞꠍꠥꠟ ꠅꠇꠟ ꠀꠞ ꠍꠣꠢꠣꠛꠤ ꠅꠇꠟ, ꠚꠥꠞ꠆ꠔꠤ ꠇꠞꠅ। ꠅꠉꠤꠄ ꠔꠥꠝꠞꠣꠞ ꠛꠤꠞꠥꠖ꠆ꠖꠦ ꠎꠔꠔꠣ ꠇꠞꠍꠤꠟ, ꠅꠈꠘ ꠀꠟ꠆ꠟꠣꠄ ꠔꠣꠁꠞ ꠛꠤꠌꠣꠞ ꠇꠞꠍꠂꠘ।”

Injil 27: Zaira Kalam 18:6

ꠅꠁꠘ꠆ꠘ ꠎꠘꠞ ꠟꠉꠦ ꠔꠣꠁ ꠎꠦꠟꠣ ꠇꠞꠍꠦ, ꠔꠥꠝꠞꠣꠅ ꠔꠣꠁꠞ ꠟꠉꠦ ꠅꠟꠣ ꠇꠞꠅ, ꠔꠣꠁꠞ ꠇꠣꠝꠞ ꠙꠥꠞꠣꠙꠥꠞ ꠙꠣꠅꠘꠣ ꠔꠣꠁꠞꠦ ꠖꠦꠅ। ꠎꠦ ꠙꠤꠀꠟꠣꠞ ꠝꠣꠎꠦ ꠔꠣꠁ ꠅꠁꠘ꠆ꠘꠞ ꠟꠣꠉꠤ ꠘꠣꠚꠞꠝꠣꠘꠤ ꠉꠥꠟꠣꠁꠔ, ꠅꠃ ꠙꠤꠀꠟꠣꠔ ꠔꠣꠁꠞ ꠙꠥꠞꠣꠙꠥꠞ ꠡꠣꠎꠣ, ꠡꠥꠟ꠆ꠟꠀꠘꠣ ꠡꠣꠎꠣ ꠉꠥꠟꠤꠀ ꠔꠣꠁꠞꠦ ꠈꠣꠛꠣꠅ।

Injil 27: Zaira Kalam 6:10

ꠄꠞꠣ ꠎꠥꠞꠦ ꠎꠥꠞꠦ ꠇꠁꠟꠣ, “ꠅ ꠙꠣꠇ-ꠙꠛꠤꠔ꠆ꠞ ꠢꠇ꠆ꠇꠣꠘꠤ ꠝꠃꠟꠣ, ꠀꠝꠞꠣꠞꠦ ꠈꠥꠘ ꠇꠞꠣꠞ ꠛꠤꠌꠣꠞ ꠇꠞꠔꠦ ꠀꠞ ꠛꠖꠟꠣ ꠟꠁꠔꠦ, ꠔꠥꠝꠤ ꠖꠥꠘꠤꠀꠞ ꠝꠣꠘꠡꠞꠦ ꠀꠞ ꠇꠔꠖꠤꠘ ꠡꠝꠄ ꠖꠤꠔꠣꠄ?”