ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:8 - Siloṭi Asmani Kitab (Nagri lipi)

⁸ ꠝꠤꠡꠞꠞ ꠚꠦꠞꠣꠃꠘꠞ ꠎꠣꠖꠥꠉꠤꠞ-ꠉꠥꠘꠤꠘ ꠎꠣꠘ꠆ꠘꠤ ꠀꠞ ꠎꠣꠝ꠆ꠛꠞꠤꠄ ꠎꠦꠟꠣ ꠝꠥꠍꠣ ꠘꠛꠤꠞ ꠛꠤꠞꠥꠗꠤꠔꠣ ꠇꠞꠍꠤꠟꠣ, ꠑꠤꠇ ꠅꠃ ꠟꠣꠈꠣꠘ ꠅꠉꠥꠁꠘ꠆ꠔꠦꠅ ꠀꠟ꠆ꠟꠣꠁ ꠢꠇꠞ ꠛꠤꠞꠥꠗꠤꠔꠣ ꠇꠞꠦ। ꠁꠔꠣꠞ ꠛꠤꠛꠦꠇ ꠙꠌꠤ ꠉꠦꠍꠦ, ꠔꠣꠞꠣꠞ ꠜꠤꠔꠞꠦ ꠁꠝꠣꠘꠞ ꠜꠣꠟꠣꠁ ꠘꠣꠁ।

ছিলটি আছমানি কিতাব (বাংলা লিপি)

⁸ মিসরর ফেরাউনর যাদুগির-গুনিন যান্নি আর যাম্বরিয়ে যেলা মুছা নবীর বিরুধিতা করছিলা, ঠিক অউ লাখান অগুইন্তেও আল্লাই হকর বিরুধিতা করে। ইতার বিবেক পচি গেছে, তারার ভিতরে ইমানর ভালাই নাই।

Siloṭi Asmani Kitab (Latin lipi)

⁸ Mishoror Feraunor zadugir-gunin Zanni ar Zamborie zela Musa nobir birudita ḳorsila, ṭik ou laḳan oguinte-o Allai hokor birudita ḳore. Itar bibeḳ fosi gese, tarar bitre imanor balai nai.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:8 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 7:11

ꠅꠃ ꠚꠦꠞꠣꠃꠘꠦꠅ ꠔꠣꠞ ꠉꠥꠘꠤꠘ ꠀꠞ ꠎꠣꠖꠥꠉꠤꠞ ꠅꠇꠟꠞꠦ ꠀꠘꠣꠁꠟ, ꠔꠣꠞꠣꠅ ꠔꠣꠞꠣꠞ ꠎꠣꠖꠥ-ꠝꠘꠔ꠆ꠞ ꠖꠤꠀ ꠅꠃꠟꠣ ꠖꠦꠈꠣꠁꠟꠣ।

ꠔꠃꠞꠣꠔ ২: ꠢꠤꠎꠞꠔ 7:22

ꠝꠤꠡꠞꠤ ꠎꠣꠖꠥꠉꠤꠞ ꠅꠇꠟꠦꠅ ꠔꠣꠞꠣꠞ ꠎꠣꠖꠥ-ꠝꠘꠔ꠆ꠞ ꠍꠣꠠꠤꠀ ꠅꠃꠟꠣ ꠇꠞꠟ, ꠄꠔꠦ ꠚꠦꠞꠣꠃꠘꠞ ꠖꠤꠟ ꠙꠣꠡꠣꠘ ꠞꠁꠟ। ꠢꠦ ꠄꠞꠣꠞ ꠝꠣꠔꠅ ꠇꠣꠘ ꠖꠤꠟ ꠘꠣ, ꠎꠦꠟꠣ ꠝꠣꠛꠥꠖꠦ ꠀꠉꠦ ꠇꠁꠍꠟꠣ।

ꠔꠃꠞꠣꠔ ২: ꠢꠤꠎꠞꠔ 8:18

ꠀꠞ ꠎꠣꠖꠥꠉꠤꠞ ꠅꠇꠟꠦꠅ ꠔꠣꠞꠣꠞ ꠎꠣꠖꠥ-ꠝꠘꠔ꠆ꠞ ꠖꠤꠀ ꠅꠃꠟꠣ ꠝꠡꠣ ꠛꠣꠘꠣꠁꠔ ꠌꠣꠁꠟ, ꠅꠁꠟꠦ ꠙꠣꠞꠟ ꠘꠣ। ꠝꠣꠘꠥꠡ ꠀꠞ ꠎꠣꠘꠥꠀꠞꠞ ꠝꠣꠎꠦ ꠝꠡꠣ ꠞꠁꠟ।

ꠔꠃꠞꠣꠔ ২: ꠢꠤꠎꠞꠔ 8:7

ꠅꠁꠟꠦ ꠎꠣꠖꠥꠉꠤꠞ ꠅꠇꠟꠦꠅ ꠔꠣꠞꠣꠞ ꠎꠣꠖꠥ-ꠝꠘꠔ꠆ꠞ ꠖꠤꠀ ꠝꠤꠡꠞꠅ ꠅꠃꠟꠣ ꠛꠦꠋ ꠀꠘꠟ।

Injil 5: Sahabi Nama 15:24

ꠀꠝꠞꠣ ꠢꠥꠘꠟꠣꠝ ꠎꠦꠘ, ꠀꠝꠞꠣꠞ ꠝꠣꠎ ꠕꠣꠇꠤ ꠇꠄꠎꠘ ꠝꠣꠘꠥꠡ ꠉꠤꠀ ꠔꠣꠞꠣꠞ ꠎꠛꠣꠘꠖꠤ ꠀꠙꠘꠣꠞꠣꠞꠦ ꠅꠡ꠆ꠕꠤꠞ ꠛꠣꠘꠣꠁꠀ ꠙꠦꠞꠦꠡꠣꠘꠤ ꠇꠞꠣꠞ; ꠅꠁꠟꠦ ꠀꠝꠞꠣ ꠔ ꠔꠣꠞꠣꠞꠦ ꠁꠟꠣ ꠇꠣꠝꠞ ꠇꠥꠘꠥ ꠢꠥꠇꠥꠝ ꠖꠤꠍꠤ ꠘꠣ।

Injil 6: Ruman 1:28

ꠝꠣꠘꠡꠦ ꠔꠣꠞ ꠖꠤꠟ ꠕꠣꠇꠤ ꠀꠟ꠆ꠟꠣ ꠙꠣꠇꠞꠦ ꠝꠣꠘꠦꠞ ꠘꠣ ꠖꠦꠈꠤꠀ, ꠀꠟ꠆ꠟꠣꠄꠅ ꠔꠣꠞꠣꠞꠦ ꠅꠟꠣ ꠛꠖ ꠈꠣꠁꠡꠞ ꠈꠛꠤꠍꠤ ꠖꠤꠟꠞ ꠀꠔꠅ ꠍꠣꠠꠤ ꠖꠤꠍꠂꠘ, ꠄꠞꠟꠣꠉꠤ ꠔꠣꠞꠣ ꠅꠔꠣ ꠇꠞꠣꠔ ꠞꠄ।

Injil 6: Ruman 16:18

ꠇꠣꠞꠘ ꠁꠔꠣꠄ ꠀꠝꠞꠣꠞ ꠝꠣꠟꠤꠇ ꠀꠟ-ꠝꠍꠤꠞ ꠉꠥꠟꠣꠝꠤ ꠘꠣ ꠇꠞꠤꠀ, ꠔꠣꠞꠣꠞ ꠙꠦꠐꠞ ꠉꠥꠟꠣꠝꠤ ꠇꠞꠦ। ꠝꠤꠑꠣ ꠝꠤꠑꠣ ꠝꠣꠔ ꠝꠣꠔꠤꠀ ꠀꠞ ꠔꠦꠟ ꠝꠣꠟꠤꠡ ꠇꠞꠤꠀ ꠡꠞꠟ-ꠡꠥꠎꠣ ꠝꠣꠘꠡꠞꠦ ꠛꠦ-ꠙꠕꠤ ꠛꠣꠘꠣꠄ।

Injil 10: Ifisia 4:14

ꠔꠦꠃ ꠀꠝꠞꠣ ꠀꠞ ꠢꠥꠞꠥꠔ꠆ꠔꠣꠞ ꠟꠣꠈꠣꠘ ꠞꠁꠔꠣꠝ ꠘꠣꠄ। ꠝꠣꠘꠡꠦ ꠡꠄꠔꠣꠘꠤ ꠀꠈꠟ ꠈꠣꠐꠣꠁꠀ ꠛꠦ-ꠙꠕꠦ ꠘꠤꠛꠣꠞ ꠟꠣꠉꠤ ꠝꠣꠘꠡꠞꠦ ꠎꠦ ꠜꠥꠟ ꠔꠣꠟꠤꠝ ꠖꠦꠄ, ꠅꠃ ꠜꠥꠟ ꠔꠣꠟꠤꠝꠦ ꠎꠣꠘꠥ ꠀꠝꠞꠣꠞꠦ ꠙꠣꠘꠤꠞ ꠀꠃꠟꠣ-ꠎꠣꠃꠟꠣ ꠓꠦꠃꠞ ꠟꠣꠈꠣꠘ ꠖꠥ-ꠖꠤꠟꠣ ꠘꠣ ꠛꠣꠘꠣꠄ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:19

ꠄꠞꠟꠉꠦ ꠘꠤꠎꠞ ꠁꠝꠣꠘ ꠀꠞ ꠙꠞꠤꠡ꠆ꠇꠣꠞ ꠛꠤꠛꠦꠇꠞꠦ ꠛꠣꠌꠣꠁꠅ। ꠇꠥꠘꠥ ꠇꠥꠘꠥ ꠝꠣꠘꠡꠦ ꠛꠤꠛꠦꠇꠞ ꠛꠥꠟꠤ ꠘꠣ ꠝꠣꠘꠤꠀ, ꠘꠤꠎꠞ ꠁꠝꠣꠘꠞꠦ ꠘꠡ꠆ꠐ ꠇꠞꠤꠟꠤꠍꠦ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:2

ꠎꠦꠔꠣ ꠛꠦꠁꠝꠣꠘ ꠅꠇꠟꠞ ꠛꠤꠛꠦꠇ-ꠛꠥꠖ꠆ꠖꠤ ꠅꠡꠣꠠ ꠅꠁꠉꠦꠍꠦ, ꠅꠔꠣꠞ ꠜꠘ꠆ꠒꠣꠝꠤꠞ ꠖꠣꠄ ꠅꠟꠣ ꠅꠁꠛ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:5

ꠀꠞ ꠅꠡꠣꠠ ꠛꠤꠛꠦꠇꠀꠟꠣ ꠝꠣꠘꠡꠞ ꠝꠣꠎꠦ ꠢꠣꠝꠦꠡꠣ ꠉꠥꠟꠝꠣꠟ ꠟꠣꠉꠣꠁꠟꠃ ꠕꠣꠇꠦ। ꠁꠔꠣ ꠝꠣꠘꠡꠞ ꠝꠣꠎꠦ ꠀꠟ꠆ꠟꠣꠁ ꠢꠇ ꠘꠣꠁ। ꠔꠣꠞꠣ ꠁꠍꠣꠄꠁ ꠁꠝꠣꠘꠞꠦ ꠖꠥꠘꠤꠀꠛꠤ ꠟꠣꠜꠞ ꠃꠙꠣꠄ ꠝꠘꠅ ꠇꠞꠦ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:15

ꠔꠦ ꠔꠣꠞ ꠛꠦꠙꠣꠞꠦ ꠔꠥꠝꠤ ꠢꠥꠡꠤꠀꠞ ꠞꠁꠅ, ꠢꠦ ꠇꠝꠞ ꠛꠣꠘ꠆ꠖꠤꠀ ꠀꠝꠞꠣꠞ ꠔꠛꠟꠤꠉ ꠇꠣꠝꠞ ꠛꠤꠞꠥꠗꠤꠔꠣ ꠇꠞꠍꠤꠟ।

Injil 17: Titas 1:10

ꠇꠣꠞꠘ ꠛꠃꠔ ꠛꠦꠡꠣꠝꠣꠟ ꠝꠣꠘꠥꠡ ꠀꠍꠂꠘ, ꠎꠦꠔꠣꠄ ꠇꠦꠃꠞꠞꠦ ꠝꠣꠘꠂꠘ ꠘꠣ, ꠛꠦꠇꠣꠝꠣ ꠝꠣꠔ ꠝꠣꠔꠂꠘ, ꠍꠟ-ꠌꠔꠥꠞꠤ ꠇꠞꠂꠘ। ꠎꠦꠔꠣꠄ ꠝꠍꠟꠝꠣꠘꠤ ꠇꠣꠝ ꠇꠞꠣꠘꠤꠞ ꠟꠣꠉꠤ ꠎꠥꠞꠣ-ꠎꠥꠞꠤ ꠇꠞꠂꠘ, ꠀꠝꠤ ꠈꠣꠍ ꠇꠞꠤ ꠅꠔꠣꠞ ꠇꠕꠣꠃ ꠇꠁꠞꠣꠝ।

Injil 17: Titas 1:16

ꠔꠣꠞꠣ ꠝꠥꠈꠖꠤ ꠖꠣꠛꠤ ꠇꠞꠂꠘ ꠀꠟ꠆ꠟꠣꠞꠦ ꠝꠣꠘꠂꠘ, ꠅꠁꠟꠦ ꠔꠣꠞꠣꠞ ꠇꠣꠝꠞ ꠝꠣꠎꠖꠤ ꠔꠣꠘꠞꠦ ꠅꠡ꠆ꠛꠤꠇꠣꠞ ꠇꠞꠂꠘ। ꠁꠉꠥꠁꠘ ꠔ ꠘꠚꠞꠔꠤ ꠀꠞ ꠅꠛꠣꠁꠖ꠆ꠖ। ꠁꠔꠣꠞꠦ ꠇꠥꠘꠥ ꠜꠣꠟꠣ ꠇꠣꠝꠅ ꠟꠣꠉꠣꠁꠟ ꠎꠣꠄ ꠘꠣ।

ꠁꠘ꠆ꠎꠤꠟ ২২: ২-ꠙꠤꠔꠞ 2:14

ꠔꠣꠞꠣꠞ ꠌꠃꠈ ꠎꠤꠘꠣꠄ ꠜꠞꠣ, ꠉꠥꠘꠣꠞ ꠇꠣꠝ ꠇꠥꠘꠥ ꠡꠝꠄ ꠛꠘ꠆ꠖ ꠇꠞꠦ ꠘꠣ। ꠅꠡ꠆ꠕꠤꠞ ꠝꠣꠘꠡꠞꠦ ꠛꠦ-ꠙꠕꠦ ꠐꠣꠘꠤꠀ ꠘꠦꠄ। ꠔꠣꠞꠣꠞ ꠝꠘ ꠟꠥꠜ-ꠟꠣꠟꠌꠞ ꠃꠡ꠆ꠔꠣꠖ। ꠁꠉꠥꠁꠘ ꠔ ꠟꠣꠘ꠆ꠘꠔꠤ!

Injil 23: 1-Hannan 2:18

ꠛꠣꠛꠣ ꠅꠇꠟꠞꠦ, ꠇꠤꠀꠝꠔ ꠗꠣꠞꠅ ꠀꠁꠌ꠆ꠍꠦ। ꠔꠦ ꠔꠥꠝꠞꠣ ꠘꠤꠌ꠆ꠌꠄ ꠢꠥꠘꠍ, ꠈꠣꠘꠦ-ꠖꠞ꠆ꠎꠣꠟ ꠀꠅꠀꠞ ꠡꠝꠄ ꠅꠁꠉꠦꠍꠦ। ꠀꠞ ꠀꠍꠟ ꠇꠕꠣ ꠅꠁꠟ, ꠄꠞꠝꠣꠎꠦ ꠛꠃꠔ ꠖꠞ꠆ꠎꠣꠟ ꠀꠁꠀ ꠢꠣꠞꠍꠂꠘ। ꠅꠔꠣ ꠖꠦꠈꠤꠀ ꠀꠝꠞꠣ ꠛꠥꠎꠤꠀꠞ, ꠢꠣꠍꠣꠃ ꠇꠤꠀꠝꠔ ꠗꠣꠞꠅ ꠀꠁꠌ꠆ꠍꠦ।

Injil 23: 1-Hannan 4:1

ꠅ ꠡꠥꠘꠣ ꠅꠇꠟ, ꠖꠥꠘꠤꠀꠔ ꠛꠃꠔ ꠜꠘ꠆ꠒ ꠘꠛꠤ ꠛꠣꠞ ꠅꠁꠍꠂꠘ। ꠄꠞꠟꠣꠉꠤ ꠇꠦꠃ ꠎꠥꠖꠤ ꠀꠁꠀ ꠇꠄ, ꠀꠝꠤ ꠞꠥꠢꠥꠞ ꠛꠟꠦ ꠝꠣꠔꠤꠞꠣꠝ, ꠔꠦ ꠔꠥꠝꠞꠣ ꠎꠟꠖꠤ ꠛꠤꠡ꠆ꠛꠣꠡ ꠇꠞꠤꠅ ꠘꠣ, ꠛꠞꠋ ꠎꠣꠌꠣꠁ ꠇꠞꠤꠀ ꠖꠦꠈꠅ, ꠁ ꠞꠥꠢꠥ ꠀꠟ꠆ꠟꠣꠞ ꠉꠦꠍ ꠕꠣꠇꠤ ꠀꠁꠍꠦ ꠇꠤ ꠘꠣ।

Injil 27: Zaira Kalam 2:20

“ꠅꠁꠟꠦ ꠔꠥꠝꠞꠣ ꠔ ꠁꠎꠣꠛꠦꠟ ꠘꠣꠝꠞ ꠅꠃ ꠛꠦꠐꠤꠞꠦ ꠀꠡꠞꠄ ꠖꠤꠞꠣꠄ, ꠄꠞꠟꠣꠉꠤ ꠔꠥꠝꠞꠣꠞ ꠛꠤꠞꠥꠖ꠆ꠖꠦ ꠀꠝꠣꠞ ꠄꠇꠈꠣꠘ ꠇꠕꠣ ꠀꠍꠦ, ꠔꠣꠁ ꠘꠤꠎꠞꠦ ꠘꠛꠤ ꠇꠁꠀ ꠙꠞꠤꠌꠄ ꠖꠦꠄ। ꠀꠝꠣꠞ ꠛꠘ꠆ꠖꠣ ꠅꠇꠟꠞꠦ ꠔꠣꠁ ꠎꠤꠘꠣ ꠇꠞꠣ ꠀꠞ ꠖꠦꠛꠔꠣꠞ ꠍꠣꠝꠘꠞ ꠙꠡꠣꠖ ꠈꠣꠅꠀ ꠢꠤꠇꠣꠁꠀ ꠛꠦ-ꠙꠕꠦ ꠘꠦꠞꠉꠤ।

Injil 27: Zaira Kalam 2:6

ꠔꠥꠝꠞꠣꠞ ꠔ ꠄꠇꠐꠣ ꠉꠥꠘ ꠀꠍꠦ, ꠘꠤꠇꠥꠟꠣꠄꠔꠤ ꠅꠇꠟꠦ ꠎꠦꠔꠣ ꠇꠣꠝ ꠇꠞꠂꠘ ꠔꠥꠝꠞꠣ ꠁꠔꠣꠞꠦ ꠊꠤꠘ꠆ꠘꠣ ꠇꠞ, ꠀꠞ ꠀꠝꠤꠅ ꠁꠔꠣꠞꠦ ꠊꠤꠘ ꠇꠞꠤ।