ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:6 - Siloṭi Asmani Kitab (Nagri lipi)

⁶ ꠅꠔꠣꠞ ꠝꠣꠎꠞ ꠇꠦꠃ ꠇꠦꠃ ꠗꠥꠇꠣ ꠖꠤꠀ ꠝꠣꠘꠡꠞ ꠊꠞꠅ ꠢꠣꠝꠣꠁꠀ ꠇꠝ ꠁꠝꠣꠘꠤ ꠛꠦꠐꠤꠘ꠆ꠔꠞꠦ ꠇꠥ-ꠙꠕꠦ ꠐꠣꠘꠦ। ꠁꠔꠣ ꠛꠦꠐꠤꠘ꠆ꠔꠞ ꠝꠉꠎ ꠅꠁꠟ ꠉꠥꠘꠣꠞ ꠜꠣꠘ꠆ꠒꠣꠞ। ꠔꠣꠞꠣ ꠘꠣꠘꠣꠘ ꠘꠝꠥꠘꠣꠞ ꠚꠥꠞ꠆ꠔꠤ-ꠀꠝꠥꠖꠞ ꠛꠡꠦ ꠌꠟꠦ।

ছিলটি আছমানি কিতাব (বাংলা লিপি)

⁶ অতার মাজর কেউ কেউ ধুকা দিয়া মানষর ঘরো হামাইয়া কম ইমানি বেটিন্তরে কু-পথে টানে। ইতা বেটিন্তর মগজ অইলো গুনার ভান্ডার। তারা নানান নমুনার ফুর্তি-আমোদর বশে চলে।

Siloṭi Asmani Kitab (Latin lipi)

⁶ Otar mazor ḳeu ḳeu duka dia manshor goro hamaia ḳom imani beṭintore ku-fote ṭane. Ita beṭintor mogoz oilo gunar banḍar. Tara nanan nomunar furti-amudor boshe sole.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:6 Iomraidhean Croise

ꠎꠛꠥꠞ ꠡꠞꠤꠚ 38:4

ꠀꠝꠣꠞ ꠘꠤꠎꠞ ꠛꠖ ꠇꠣꠝꠅ ꠀꠝꠤ ꠢꠣꠛꠥꠒꠥꠛꠥ ꠈꠣꠁꠀꠞ, ꠁꠔꠣ ꠛꠠ ꠇꠑꠤꠘ ꠛꠥꠏꠣ-ꠜꠣꠞ ꠟꠣꠉꠦꠞ ꠀꠝꠣꠞ।

ꠁꠘ꠆ꠎꠤꠟ ১: ꠝꠕꠤ 11:28

“ꠜꠣꠞ-ꠛꠥꠏꠣ ꠛꠁꠔꠦ ꠛꠁꠔꠦ ꠔꠥꠝꠞꠣ ꠎꠦꠞꠣ ꠢꠦꠞꠣꠘ ꠅꠁꠉꠦꠍ, ꠔꠥꠝꠞꠣ ꠢꠇꠟ ꠀꠝꠣꠞ ꠉꠦꠍꠦ ꠀꠅ, ꠀꠝꠤ ꠔꠥꠝꠞꠣꠞꠦ ꠀꠞꠣꠝ ꠖꠤꠝꠥ।

ꠁꠘ꠆ꠎꠤꠟ ১: ꠝꠕꠤ 23:13

“ꠢꠣꠄꠞꠦ ꠝꠃꠟꠣꠘꠣ ꠀꠞ ꠚꠞꠤꠡꠤꠞ ꠖꠟ, ꠀꠚꠍꠥꠍ ꠔꠥꠝꠞꠣꠞ ꠟꠣꠉꠤ, ꠔꠥꠝꠞꠣ ꠜꠘ꠆ꠒ! ꠔꠥꠝꠞꠣ ꠝꠣꠘꠡꠞ ꠍꠣꠝꠘꠦ ꠛꠦꠢꠦꠡ꠆ꠔꠤ ꠛꠣꠖꠡꠣꠁꠞ ꠖꠥꠀꠞ ꠛꠘ꠆ꠖ ꠇꠞꠤ ꠕꠁꠍ। ꠔꠥꠝꠞꠣ ꠘꠤꠎꠦꠅ ꠅꠘꠅ ꠢꠣꠝꠣꠁꠞꠣꠄ ꠘꠣ, ꠝꠣꠘꠡꠞꠦꠅ ꠢꠣꠝꠣꠁꠔꠦ ꠖꠤꠞꠣꠄ ꠘꠣ।

ꠁꠘ꠆ꠎꠤꠟ ১: ꠝꠕꠤ 23:14

ꠢꠣꠄꠞꠦ ꠜꠘ꠆ꠒ ꠝꠃꠟꠣꠘꠣ ꠀꠞ ꠚꠞꠤꠡꠤꠞ ꠖꠟ, ꠝꠣꠘꠡꠞꠦ ꠖꠦꠈꠣꠘꠤꠞ ꠟꠣꠉꠤ ꠔꠥꠝꠞꠣ ꠟꠣꠝ꠆ꠛꠣ ꠟꠣꠝ꠆ꠛꠣ ꠖꠥꠀ ꠇꠞꠅ, ꠢꠤꠞꠛꠣꠞ ꠠꠣꠠꠤ ꠛꠦꠐꠤꠘ꠆ꠔꠞ ꠎꠣꠉꠣ-ꠝꠤꠞꠣꠡꠅ ꠖꠈꠟ ꠇꠞꠅ। ꠄꠞꠟꠣꠉꠤ ꠔꠥꠝꠞꠣꠞ ꠇꠑꠤꠘ ꠡꠣꠎꠣ ꠅꠁꠛ।

ꠁꠘ꠆ꠎꠤꠟ ১: ꠝꠕꠤ 4:24

ꠀꠡ꠆ꠔꠣ ꠡꠤꠞꠤꠀ ꠖꠦꠡꠞ ꠝꠣꠎꠦ ꠔꠣꠘ ꠈꠛꠞ ꠞꠐꠤꠉꠦꠟ। ꠄꠔꠦ ꠘꠣꠘꠣꠘ ꠘꠝꠥꠘꠣꠞ ꠛꠦꠝꠣꠞ-ꠀꠎꠣꠞ ꠀꠞ ꠎꠣꠟꠣ-ꠎꠘꠔ꠆ꠞꠘꠣꠄ ꠎꠦꠔꠣ ꠝꠣꠘꠡꠦ ꠇꠡ꠆ꠐ ꠙꠣꠁꠍꠤꠟ, ꠎꠦꠞꠣꠞꠦ ꠎꠤꠘ-ꠜꠥꠔꠦ ꠗꠞꠍꠤꠟ, ꠝꠤꠞꠉꠤ ꠀꠞ ꠅꠞ꠆ꠖꠋ ꠛꠦꠝꠣꠞꠤ ꠎꠔ ꠝꠣꠘꠥꠡ ꠀꠍꠤꠟ, ꠝꠣꠘꠡꠦ ꠅꠔꠣꠞꠦ ꠁꠍꠣꠞ ꠉꠦꠍꠦ ꠟꠁꠀ ꠀꠁꠟꠣ। ꠔꠣꠁꠘ ꠄꠞꠣ ꠢꠇꠟꠞꠦ ꠜꠣꠟꠣ ꠇꠞꠟꠣ।

Injil 2: Markus 4:19

ꠅꠁꠟꠦ ꠎꠉꠔꠞ ꠌꠤꠘ꠆ꠔꠣ-ꠜꠣꠛꠘꠣ, ꠗꠘ-ꠍꠣꠝꠣꠘꠣꠞ ꠝꠣꠄꠀ ꠀꠞ ꠖꠥꠘꠤꠀꠛꠤ ꠟꠣꠟꠌꠦ ꠁ ꠇꠣꠟꠣꠝꠞꠦ ꠎꠣꠔꠤꠀ ꠗꠞꠤꠟꠣꠄ, ꠄꠞꠖꠣꠄ ꠇꠣꠟꠣꠝꠦ ꠇꠥꠘꠥ ꠀꠝꠟ ꠇꠞꠦ ꠘꠣ।

Injil 7: 1-Korintia 12:2

ꠔꠥꠝꠞꠣꠞ ꠎꠣꠘꠣ ꠀꠍꠦ, ꠀꠉꠦ ꠎꠦꠛꠟꠣ ꠔꠥꠝꠞꠣ ꠀꠟ꠆ꠟꠣꠞ ꠄꠛꠣꠖꠔ ꠇꠞꠔꠣꠄ ꠘꠣ, ꠢꠃ ꠡꠝꠄ ꠔꠥꠝꠞꠣꠞꠦ ꠅꠟꠣꠈꠣꠘ ꠖꠦꠛ-ꠖꠦꠛꠤꠞ ꠛꠣꠄ ꠐꠣꠘꠤꠀ ꠘꠦꠅꠀ ꠅꠁꠔ, ꠎꠦꠔꠣꠄ ꠇꠥꠘ꠆ꠔꠣ ꠝꠣꠔꠤꠔ ꠙꠣꠞꠦ ꠘꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:6

ꠅꠁꠟꠦ ꠎꠦꠔꠣ ꠠꠣꠠꠤ ꠛꠦꠐꠤꠘ꠆ꠔꠦ ꠎꠦꠝꠘꠦ ꠝꠘꠦ ꠌꠣꠄ ꠄꠝꠘꠦ ꠌꠟꠂꠘ, ꠁꠔꠣ ꠔ ꠎꠤꠘ꠆ꠖꠣ ꠢꠣꠟꠔꠦꠃ ꠝꠞꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:9

ꠅꠁꠟꠦ ꠖꠥꠘꠤꠀꠔ ꠎꠦꠞꠣ ꠗꠘꠤ ꠅꠁꠔ ꠌꠣꠄ, ꠔꠣꠞꠣ ꠘꠣꠘꠣꠘ ꠘꠝꠥꠘꠣꠞ ꠙꠞꠤꠇ꠆ꠇꠣꠔ ꠀꠞ ꠚꠣꠘ꠆ꠖꠅ ꠙꠠꠦ, ꠔꠣꠞꠣꠞ ꠝꠘꠅ ꠈꠥꠛ ꠛꠖ ꠈꠣꠁꠡ ꠙꠄꠖꠣ ꠅꠄ, ꠎꠦꠔꠣꠄ ꠔꠣꠞꠣꠞ ꠎꠤꠘ꠆ꠖꠦꠉꠤꠞꠦ ꠡꠞ꠆ꠛꠘꠣꠡꠞ ꠉꠣꠔꠅ ꠚꠣꠟꠣꠄ।

Injil 17: Titas 1:11

ꠁꠔꠣꠞ ꠝꠥꠈ ꠛꠘ꠆ꠖ ꠇꠞꠣ ꠎꠞꠥꠞ। ꠁꠔꠣꠄ ꠇꠥ-ꠙꠕꠦ ꠐꠦꠇꠣ ꠇꠣꠝꠣꠘꠤꠞ ꠀꠡꠣꠄ ꠅꠟꠣ ꠔꠣꠟꠤꠝ ꠖꠦꠁꠘ, ꠎꠦ ꠔꠣꠟꠤꠝ ꠖꠦꠅꠀ ꠔꠣꠞꠣꠞ ꠟꠣꠉꠤ ꠑꠤꠇ ꠘꠣꠄ। ꠁ ꠔꠣꠟꠤꠝ ꠖꠤꠀ ꠇꠥꠘꠥ ꠇꠥꠘꠥ ꠙꠞꠤꠛꠣꠞꠞꠦ ꠛꠤꠉꠠꠣꠁꠟꠤꠞꠣ।

Injil 17: Titas 3:3

ꠀꠝꠞꠣꠅ ꠀꠉꠦ ꠛꠦꠀꠈꠟ ꠀꠞ ꠘꠣꠚꠞꠝꠣꠘ ꠀꠍꠟꠣꠝ, ꠛꠦ-ꠙꠕꠦ ꠌꠟꠔꠣꠝ, ꠖꠥꠘꠤꠀꠛꠤ ꠀꠞꠣꠝ-ꠀꠄꠄꠡ ꠀꠞ ꠘꠣꠘꠣꠘ ꠘꠝꠥꠘꠣꠞ ꠛꠖ ꠈꠣꠁꠡꠞ ꠉꠥꠟꠣꠝ ꠀꠍꠟꠣꠝ। ꠅꠁꠘ꠆ꠘ ꠝꠣꠘꠡꠞꠦ ꠁꠋꠡꠣ ꠇꠞꠔꠣꠝ, ꠔꠣꠞꠣꠞ ꠈꠦꠔꠤ ꠇꠞꠣꠞ ꠗꠣꠘ꠆ꠖꠣꠄ ꠖꠤꠘ ꠇꠣꠐꠣꠁꠔꠣꠝ। ꠀꠞ ꠘꠤꠎꠦ ꠊꠤꠘ꠆ꠘꠣꠞ ꠎꠁꠉ꠆ꠉ ꠅꠁꠟꠦꠅ ꠄꠇꠦ-ꠅꠁꠘ꠆ꠘꠞꠦ ꠊꠤꠘ꠆ꠘꠣꠁꠔꠣꠝ।

ꠁꠘ꠆ꠎꠤꠟ ২২: ২-ꠙꠤꠔꠞ 2:18

ꠔꠣꠞꠣ ꠛꠠ ꠛꠠ ꠛꠦꠇꠣꠝꠣ ꠝꠣꠔ ꠝꠣꠔꠦ। ꠀꠞ ꠎꠦꠞꠣ ꠕꠥꠠꠣ ꠀꠉꠦ ꠇꠥ-ꠙꠕ ꠍꠣꠠꠤꠀ ꠎꠣꠘ ꠛꠣꠌꠣꠘꠤꠞ ꠟꠣꠉꠤ ꠜꠣꠉꠤꠍꠂꠘ, ꠅꠔꠣ ꠝꠣꠘꠡꠞꠦ ꠡꠞꠤꠟꠞ ꠈꠣꠁꠡꠦ ꠌꠟꠤꠀ ꠛꠖꠝꠣꠁꠡꠤ ꠇꠞꠣꠞ ꠁꠘ꠆ꠗꠘ ꠖꠦꠄ।

ꠁꠘ꠆ꠎꠤꠟ ২২: ২-ꠙꠤꠔꠞ 3:17

ꠜꠣꠁ ꠅꠇꠟ, ꠅꠃ ꠇꠕꠣ ꠅꠇꠟ ꠔꠥꠝꠞꠣ ꠀꠉꠦꠃ ꠎꠣꠘꠍ, ꠄꠞꠟꠣꠉꠤ ꠢꠥꠡꠤꠀꠞ ꠅꠅ ꠎꠣꠔꠦ ꠅꠃ ꠘꠣꠚꠞꠝꠣꠘ ꠝꠣꠘꠡꠞ ꠜꠥꠟꠦ ꠔꠥꠝꠞꠣꠞꠦ ꠜꠥꠟ ꠙꠕꠦ ꠘꠣ ꠘꠦꠄ, ꠀꠞ ꠁꠝꠣꠘꠤ ꠜꠤꠔ ꠕꠣꠇꠤ ꠘꠣ ꠢꠞꠣꠄ।

Injil 26: Ehuda 1:16

ꠁꠔꠣꠄ ꠔ ꠢꠣꠝꠦꠡꠣꠃ ꠘꠣ-ꠍꠛꠞꠤ ꠇꠞꠂꠘ, ꠘꠤꠎꠞ ꠇꠙꠣꠟꠞꠦ ꠖꠥꠡꠂꠘ ꠀꠞ ꠔꠣꠞꠣꠞ ꠛꠖ ꠈꠣꠁꠡꠞ ꠛꠡꠦ ꠌꠟꠂꠘ। ꠔꠣꠞꠣꠞ ꠢꠇꠟ ꠝꠣꠔꠅ ꠘꠤꠎꠞ ꠛꠠꠣꠁ-ꠛꠦꠐꠣꠉꠤꠞꠤ ꠖꠦꠈꠣꠁꠘ, ꠡ꠆ꠛꠣꠞꠕ ꠢꠣꠍꠤꠟꠞ ꠟꠣꠉꠤ ꠝꠣꠘꠡꠞ ꠜꠎꠘꠣ ꠇꠞꠂꠘ।

Injil 26: Ehuda 1:18

ꠄꠞꠣ ꠔꠥꠝꠞꠣꠞꠦ ꠅꠃ ꠢꠥꠡꠤꠀꠞꠤ ꠖꠤꠔꠣ ꠘꠣ ꠘꠤ, “ꠀꠈꠦꠞꠤ ꠎꠝꠣꠘꠣꠔ ꠙꠞꠦꠎꠉꠣꠞꠞꠦ ꠑꠣꠐ꠆ꠐꠣ-ꠝꠡꠇꠞꠣ ꠇꠞꠞꠣ ꠄꠇꠎꠣꠔ ꠝꠣꠘꠥꠡ ꠀꠁꠛꠣ, ꠀꠁꠀ ꠔꠣꠞꠣꠞ ꠛꠦ-ꠖꠤꠘꠤ ꠛꠖ ꠈꠣꠁꠡ ꠝꠣꠚꠤꠇ ꠌꠟꠛꠣ।”

Injil 26: Ehuda 1:4

ꠁꠔꠣꠞ ꠎꠞꠥꠞ ꠅꠁꠍꠦ, ꠇꠣꠞꠘ ꠎꠦꠔꠣ ꠝꠣꠘꠡꠦ ꠛꠦ-ꠖꠤꠘꠤ ꠇꠣꠝꠞ ꠡꠣꠎꠣ ꠙꠣꠁꠛꠣꠞ ꠇꠕꠣ ꠀꠉ ꠕꠣꠇꠤꠃ ꠟꠦꠈꠣ ꠀꠍꠤꠟ, ꠔꠟꠦ ꠔꠟꠦ ꠅꠔꠣ ꠝꠣꠘꠥꠡ ꠀꠁꠀ ꠔꠥꠝꠞꠣꠞ ꠖꠟꠅ ꠢꠣꠝꠣꠁ ꠉꠦꠍꠦ। ꠀꠝꠞꠣꠞ ꠀꠟ꠆ꠟꠣꠞ ꠞꠢꠝꠔꠞꠦ ꠔꠣꠞꠣꠞ ꠛꠖ ꠈꠣꠁꠡ ꠝꠤꠐꠣꠘꠤꠞ ꠀꠔꠤꠀꠞ ꠛꠣꠘꠣꠁꠍꠦ, ꠀꠞ ꠀꠝꠞꠣꠞ ꠄꠇꠝꠣꠔ꠆ꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠃꠟꠐꠣ ꠌꠟꠦ।