ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:5 - Siloṭi Asmani Kitab (Nagri lipi)

⁵ ꠛꠣꠁꠞꠞ ꠜꠣꠛ-ꠍꠥꠞꠔꠦ ꠛꠥꠎꠣ ꠎꠣꠁꠛ ꠈꠥꠛ ꠀꠟ꠆ꠟꠣꠅꠀꠟꠣ ꠙꠣꠇ-ꠝꠥꠍꠟ꠆ꠟꠤ, ꠅꠁꠟꠦ ꠝꠥꠟꠔ ꠟꠦꠛꠣꠍꠗꠣꠞꠤ ꠜꠘ꠆ꠒ। ꠔꠦ ꠔꠥꠝꠤ ꠁꠔꠣꠞ ꠉꠦꠍ ꠕꠣꠇꠤ ꠢꠞꠤꠀ ꠞꠁꠅ।

ছিলটি আছমানি কিতাব (বাংলা লিপি)

⁵ বাইরর ভাব-ছুরতে বুজা যাইবো খুব আল্লাওয়ালা পাক-মুছল্লি, অইলে মুলত লেবাছধারী ভন্ড। তে তুমি ইতার গেছ থাকি হরিয়া রইও।

Siloṭi Asmani Kitab (Latin lipi)

⁵ Bairor bab-surote buza zaibo kub allaoala pak-musolli, oile muloto lebasdari bonḍo. Te tumi itar ges taki horia roio.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:5 Iomraidhean Croise

ꠁꠘ꠆ꠎꠤꠟ ১: ꠝꠕꠤ 7:15

“ꠜꠘ꠆ꠒ ꠘꠛꠤ ꠅꠇꠟ ꠕꠣꠇꠤ ꠢꠥꠡꠤꠀꠞ ꠞꠁꠅ। ꠔꠣꠞꠣ ꠔꠥꠝꠞꠣꠞ ꠉꠦꠍꠦ ꠝꠦꠠꠣꠞ ꠍꠥꠞꠔꠦ ꠀꠄ, ꠅꠁꠟꠦ ꠜꠤꠔꠞꠦ ꠜꠤꠔꠞꠦ ꠔꠣꠞꠣ ꠞꠣꠁꠇ꠆ꠇꠡ ꠛꠣꠊꠞ ꠟꠣꠈꠣꠘ।

Injil 10: Ifisia 4:14

ꠔꠦꠃ ꠀꠝꠞꠣ ꠀꠞ ꠢꠥꠞꠥꠔ꠆ꠔꠣꠞ ꠟꠣꠈꠣꠘ ꠞꠁꠔꠣꠝ ꠘꠣꠄ। ꠝꠣꠘꠡꠦ ꠡꠄꠔꠣꠘꠤ ꠀꠈꠟ ꠈꠣꠐꠣꠁꠀ ꠛꠦ-ꠙꠕꠦ ꠘꠤꠛꠣꠞ ꠟꠣꠉꠤ ꠝꠣꠘꠡꠞꠦ ꠎꠦ ꠜꠥꠟ ꠔꠣꠟꠤꠝ ꠖꠦꠄ, ꠅꠃ ꠜꠥꠟ ꠔꠣꠟꠤꠝꠦ ꠎꠣꠘꠥ ꠀꠝꠞꠣꠞꠦ ꠙꠣꠘꠤꠞ ꠀꠃꠟꠣ-ꠎꠣꠃꠟꠣ ꠓꠦꠃꠞ ꠟꠣꠈꠣꠘ ꠖꠥ-ꠖꠤꠟꠣ ꠘꠣ ꠛꠣꠘꠣꠄ।

ইঞ্জিল ১৪: ২-থিষল: 3:14

ꠅꠃ ꠌꠤꠑꠤꠞ ꠜꠣꠡꠣꠄ ꠟꠦꠈꠣ ꠀꠝꠞꠣꠞ ꠙꠞꠣꠝꠤꠡ ꠎꠥꠖꠤ ꠇꠦꠃ ꠘꠣ ꠝꠣꠘꠦ, ꠔꠦ ꠔꠣꠞꠦ ꠌꠤꠘꠤꠀ ꠞꠣꠈꠅ, ꠔꠣꠞ ꠟꠉꠦ ꠌꠟꠣ-ꠚꠤꠞꠣ ꠛꠣꠖ ꠖꠤꠟꠣꠅ, ꠔꠦꠃ ꠢꠦ ꠡꠞꠝꠤꠘ꠆ꠖꠣ ꠅꠁꠛ।

ইঞ্জিল ১৪: ২-থিষল: 3:6

ꠜꠣꠁ ꠅꠇꠟ, ꠀꠝꠞꠣꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠘꠣꠝꠦ ꠅꠃ ꠢꠥꠇꠥꠝ ꠖꠤꠞꠣꠝ, ꠔꠥꠝꠞꠣꠞ ꠎꠝꠣꠔꠞ ꠇꠥꠘꠥ ꠁꠝꠣꠘꠖꠣꠞ ꠜꠣꠁꠄ ꠎꠥꠖꠤ ꠇꠥꠠꠤꠀꠝꠤ ꠇꠞꠦ ꠀꠞ ꠀꠝꠞꠣ ꠎꠦꠔꠣ ꠔꠣꠟꠤꠝ ꠖꠤꠍꠤ, ꠁꠔꠣ ꠘꠣ ꠝꠣꠘꠦ, ꠔꠦ ꠔꠣꠞ ꠟꠉꠦ ꠌꠟꠣ-ꠚꠤꠞꠣ ꠛꠣꠖ ꠖꠤꠟꠣꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:7

ꠔꠥꠝꠤ ꠀꠎꠦ-ꠛꠣꠎꠦ ꠇꠤꠌ꠆ꠍꠣ-ꠇꠣꠢꠤꠘꠤ ꠕꠣꠇꠤ ꠢꠞꠤꠀ ꠞꠁꠅ, ꠁꠔꠣ ꠔ ꠖꠣꠖꠤ-ꠘꠣꠘꠤꠞ ꠇꠅꠀ ꠛꠣꠘꠣꠁꠟ ꠇꠤꠌ꠆ꠍꠣꠞ ꠟꠣꠈꠣꠘ। ꠄꠞꠟꠣꠉꠤ ꠁꠔꠣ ꠛꠣꠖ ꠖꠤꠀ ꠖꠤꠟꠞ ꠁꠝꠣꠘꠤ ꠛꠦꠀꠝ ꠇꠞꠣꠔ ꠞꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:8

ꠡꠞꠤꠟꠞ ꠛꠦꠀꠝ ꠇꠞꠟꠦ ꠇꠤꠍꠥ ꠚꠣꠄꠖꠣ ꠅꠄ, ꠅꠁꠟꠦ ꠖꠤꠟꠞ ꠁꠝꠣꠘꠤ ꠛꠦꠀꠝꠦ ꠢꠇ꠆ꠇꠟ ꠛꠣꠄ ꠕꠣꠇꠤ ꠚꠣꠄꠖꠣ ꠅꠄ। ꠄꠞꠝꠣꠎꠦ ꠔ ꠈꠣꠟꠤ ꠁ ꠖꠥꠘꠤꠀ ꠘꠣꠄ, ꠀꠈꠦꠞꠣꠔꠞ ꠀꠡꠣꠅ ꠀꠍꠦ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:8

ꠎꠦ ꠎꠘꠦ ꠀꠙꠘ ꠎꠘꠞꠦ, ꠈꠣꠍ ꠇꠞꠤ ꠘꠤꠎꠞ ꠙꠞꠤꠛꠣꠞꠞ ꠝꠣꠘꠡꠞ ꠖꠦꠈꠣ-ꠢꠥꠘꠣ ꠇꠞꠦ ꠘꠣ, ꠢꠦ ꠀꠍꠟꠦ ꠁꠍꠣꠄꠁ ꠁꠝꠣꠘꠞꠦꠃ ꠅꠡ꠆ꠛꠤꠇꠣꠞ ꠇꠞꠟ। ꠁꠉꠥ ꠔ ꠛꠤꠗꠞ꠆ꠝꠤ ꠕꠣꠇꠤꠅ ꠛꠣꠖ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:5

ꠀꠞ ꠅꠡꠣꠠ ꠛꠤꠛꠦꠇꠀꠟꠣ ꠝꠣꠘꠡꠞ ꠝꠣꠎꠦ ꠢꠣꠝꠦꠡꠣ ꠉꠥꠟꠝꠣꠟ ꠟꠣꠉꠣꠁꠟꠃ ꠕꠣꠇꠦ। ꠁꠔꠣ ꠝꠣꠘꠡꠞ ꠝꠣꠎꠦ ꠀꠟ꠆ꠟꠣꠁ ꠢꠇ ꠘꠣꠁ। ꠔꠣꠞꠣ ꠁꠍꠣꠄꠁ ꠁꠝꠣꠘꠞꠦ ꠖꠥꠘꠤꠀꠛꠤ ꠟꠣꠜꠞ ꠃꠙꠣꠄ ꠝꠘꠅ ꠇꠞꠦ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:16

ꠀꠟ꠆ꠟꠣꠞ ꠛꠤꠞꠥꠗꠤ ꠀꠎꠦ-ꠛꠣꠎꠦ ꠝꠣꠔ ꠕꠣꠇꠤ ꠖꠥꠞꠁ ꠞꠅ। ꠁꠟꠣ ꠝꠣꠔꠦ ꠀꠟ꠆ꠟꠣꠞ ꠛꠣꠄ ꠝꠣꠘꠡꠞ ꠒꠞ-ꠈꠚ ꠇꠝꠣ ꠗꠞꠛ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:23

ꠀꠎꠦ-ꠛꠣꠎꠦ ꠛꠦꠀꠈꠟꠤ ꠔꠞ꠆ꠇꠣ-ꠔꠞ꠆ꠇꠤꠔ ꠡꠣꠝꠤꠟ ꠅꠁꠅ ꠘꠣ, ꠔꠥꠝꠣꠞ ꠎꠣꠘꠣ ꠀꠍꠦ, ꠁꠔꠣꠄ ꠈꠣꠟꠤ ꠇꠣꠁꠎ꠆ꠎꠣ-ꠚꠍꠣꠖ ꠛꠣꠠꠣꠄ।

Injil 17: Titas 1:16

ꠔꠣꠞꠣ ꠝꠥꠈꠖꠤ ꠖꠣꠛꠤ ꠇꠞꠂꠘ ꠀꠟ꠆ꠟꠣꠞꠦ ꠝꠣꠘꠂꠘ, ꠅꠁꠟꠦ ꠔꠣꠞꠣꠞ ꠇꠣꠝꠞ ꠝꠣꠎꠖꠤ ꠔꠣꠘꠞꠦ ꠅꠡ꠆ꠛꠤꠇꠣꠞ ꠇꠞꠂꠘ। ꠁꠉꠥꠁꠘ ꠔ ꠘꠚꠞꠔꠤ ꠀꠞ ꠅꠛꠣꠁꠖ꠆ꠖ। ꠁꠔꠣꠞꠦ ꠇꠥꠘꠥ ꠜꠣꠟꠣ ꠇꠣꠝꠅ ꠟꠣꠉꠣꠁꠟ ꠎꠣꠄ ꠘꠣ।

Injil 17: Titas 3:10

ꠎꠦ ꠝꠣꠘꠡꠦ ꠖꠟꠣꠖꠟꠤ ꠟꠣꠉꠣꠄ, ꠔꠣꠞꠦ ꠙꠄꠟꠣ ꠄꠇꠛꠣꠞ, ꠛꠣꠖꠦ ꠖꠥꠍꠞꠣꠛꠣꠞꠅ ꠢꠥꠡꠤꠀꠞ ꠇꠞꠤꠅ, ꠁꠔꠣꠄ ꠎꠥꠖꠤ ꠢꠦ ꠘꠣ ꠛꠖꠟꠦ, ꠔꠦ ꠔꠣꠞ ꠟꠉꠦ ꠌꠟꠣ-ꠚꠤꠞꠣ ꠄꠇ꠆ꠇꠦꠞꠦ ꠛꠣꠖ ꠖꠤꠟꠣꠁꠅ।