ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:2 - Siloṭi Asmani Kitab (Nagri lipi)

² ꠝꠣꠘꠥꠡ ꠡ꠆ꠛꠣꠞꠕꠙꠞ ꠅꠁꠎꠤꠛ, ꠐꠦꠇꠣ-ꠙꠄꠡꠣꠞ ꠟꠣꠟꠌꠤ, ꠛꠠꠣꠁ-ꠛꠦꠐꠣꠉꠤꠞꠤ ꠖꠦꠈꠣꠘꠤ, ꠝꠣꠘꠡꠞꠦ ꠄꠟꠣꠝꠤ ꠇꠞꠣ, ꠖꠥꠞꠘꠣꠝ ꠉꠣꠅꠀ, ꠝꠣ-ꠛꠣꠚꠞ ꠅꠛꠣꠁꠖ꠆ꠖ, ꠘꠤꠝꠇ-ꠢꠣꠞꠣꠝꠤ ꠇꠞꠛ ꠀꠞ ꠀꠟ꠆ꠟꠣꠞ ꠘꠣꠚꠞꠝꠣꠘꠤ ꠇꠞꠛ।

ছিলটি আছমানি কিতাব (বাংলা লিপি)

² মানুষ স্বার্থপর অইযিবো, টেকা-পয়সার লালচি, বড়াই-বেটাগিরি দেখানি, মানষরে এলামি করা, দুর্নাম গাওয়া, মা-বাফর অবাইধ্য, নিমক-হারামি করবো আর আল্লার নাফরমানি করবো।

Siloṭi Asmani Kitab (Latin lipi)

² Manush shartofor oizibo, ṭeḳa-foyshar lalosi, boṛai-beṭagiri deḳani, manshore elami kora, durnam gaoa, ma-bafor obaiddo, nimoḳ-harami korbo ar Allar naformani korbo.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:2 Iomraidhean Croise

ꠎꠛꠥꠞ ꠡꠞꠤꠚ 10:3

ꠝꠘ꠆ꠖ ꠎꠘꠦ ꠔꠣꠞ ꠝꠘꠞ ꠛꠎ꠆ꠎꠣꠔꠤꠞ ꠛꠣꠢꠣꠖꠥꠞꠤ ꠖꠦꠈꠣꠄ, ꠟꠥꠜꠤ ꠝꠣꠘꠡꠦ ꠝꠣꠛꠥꠖꠞꠦ ꠔꠥꠌ꠆ꠍ ꠝꠘꠅ ꠇꠞꠤꠀ ꠉꠣꠟꠤꠀꠄ।

ꠁꠘ꠆ꠎꠤꠟ ১: ꠝꠕꠤ 15:6

ꠔꠦ ꠔꠣꠞ ꠝꠣ-ꠛꠣꠚꠞꠦ ꠀꠞ ꠇꠥꠘ꠆ꠔꠣ ꠇꠞꠣ ꠟꠣꠉꠦ ꠘꠣ। ꠅꠃ ꠟꠣꠈꠣꠘ ꠀꠙꠘꠣꠞꠣꠞ ꠛꠣꠚ-ꠖꠣꠖꠣꠞ ꠝꠘꠉꠠꠣ ꠘꠤꠅꠝ ꠖꠤꠀ ꠀꠟ꠆ꠟꠣꠞ ꠇꠣꠟꠣꠝ ꠛꠣꠔꠤꠟ ꠇꠞꠤꠟꠤꠍꠂꠘ।

Injil 3: Luk 12:15

ꠔꠣꠁꠘ ꠝꠣꠘꠡꠞꠦ ꠇꠁꠟꠣ, “ꠈꠛꠞꠖꠣꠞ! ꠢꠇ꠆ꠇꠟ ꠘꠝꠥꠘꠣꠞ ꠟꠥꠜ-ꠟꠣꠟꠌ ꠕꠘꠦ ꠘꠤꠎꠞꠦ ꠛꠣꠌꠣꠅ। ꠇꠣꠞꠘ ꠗꠘ-ꠍꠣꠝꠣꠘꠣ ꠛꠣꠁꠀ ꠉꠦꠟꠦꠅ ꠁꠔꠣꠄ ꠝꠣꠘꠡꠞ ꠎꠣꠘ ꠛꠣꠌꠣꠄ ꠘꠣ।”

Injil 3: Luk 16:14

ꠁꠈꠣꠘ ꠢꠥꠘꠤꠀ ꠚꠞꠤꠡꠤ ꠝꠎꠛꠞ ꠝꠣꠘꠡꠦ ꠁꠍꠣꠞꠦ ꠟꠁꠀ ꠓꠋ-ꠔꠣꠝꠣꠡꠣ ꠟꠣꠉꠣꠁꠟꠣ, ꠔꠣꠞꠣ ꠔ ꠐꠦꠇꠣ-ꠙꠄꠡꠣꠞꠦ ꠈꠥꠛ ꠝꠣꠄꠀ ꠇꠞꠔꠣ।

Injil 3: Luk 6:35

ꠔꠦ ꠀꠝꠤ ꠔꠥꠝꠞꠣꠞꠦ ꠇꠁꠞꠣꠝ, ꠔꠥꠝꠞꠣ ꠎꠣꠞꠎꠤꠞ ꠖꠥꠡꠝꠘꠞꠦꠅ ꠝꠣꠄꠀ ꠇꠞꠤꠅ, ꠔꠣꠞꠣꠞ ꠜꠣꠟꠣꠁ ꠇꠞꠤꠅ। ꠛꠖꠟꠣ ꠙꠣꠅꠀꠞ ꠀꠡꠣ ꠘꠣ ꠇꠞꠤꠀ ꠇꠞꠎ ꠖꠤꠅ, ꠔꠦꠃ ꠔꠥꠝꠞꠣꠞ ꠟꠣꠉꠤ ꠛꠠ ꠛꠈꠡꠤꠡ ꠀꠍꠦ। ꠔꠥꠝꠞꠣ ꠀꠟ꠆ꠟꠣ ꠙꠣꠇꠞ ꠀꠅꠟꠣꠖ ꠛꠘꠛꠣꠄ। ꠔꠣꠁꠘ ꠔ ꠘꠤꠝꠇ-ꠢꠣꠞꠣꠝ ꠀꠞ ꠈꠣꠞꠣꠙ ꠝꠣꠘꠡꠞꠦꠅ ꠖꠄꠀ ꠇꠞꠂꠘ।

Injil 5: Sahabi Nama 5:36

ꠢꠥꠘꠅ, ꠅꠃ ꠇꠄꠖꠤꠘ ꠀꠉꠦ ꠕꠥꠖꠣ ꠘꠣꠝꠦ ꠄꠇꠎꠘ ꠝꠣꠘꠥꠡ ꠀꠁꠀ ꠈꠥꠛ ꠛꠠ-ꠝꠣꠘꠡꠤ ꠖꠦꠈꠣꠁꠍꠤꠟ, ꠀꠞ ꠅꠘꠥꠝꠣꠘ ꠌꠣꠁꠞ-ꠡ ꠝꠣꠘꠥꠡ ꠔꠣꠞ ꠖꠟꠅ ꠢꠣꠝꠣꠁꠍꠤꠟ। ꠔꠣꠞꠦ ꠈꠥꠘ ꠇꠞꠣ ꠅꠁꠟ, ꠀꠞ ꠔꠣꠞ ꠖꠟꠞ ꠢꠇꠟ ꠝꠣꠘꠥꠡ ꠌꠣꠁꠞꠅꠛꠣꠄ ꠍꠤꠔ꠆ꠞꠤꠉꠦꠍꠦ, ꠇꠦꠃ ꠖꠟꠅ ꠞꠁꠍꠦ ꠘꠣ।

Injil 6: Ruman 11:18

ꠅꠈꠘ ꠔꠥꠝꠤꠅ ꠘꠤꠎꠞꠦ ꠢꠃ ꠇꠣꠐꠤꠀ ꠚꠣꠟꠣꠁꠟ ꠒꠣꠟ ꠕꠣꠇꠤ ꠛꠠ ꠝꠘꠅ ꠇꠞꠤꠅ ꠘꠣ, ꠁꠀꠖ ꠞꠣꠈꠤꠅ, ꠔꠥꠝꠤ ꠝꠥꠟ ꠉꠣꠍꠞꠦ ꠐꠤꠇꠣꠁ ꠞꠣꠈꠍ ꠘꠣ, ꠛꠞꠋ ꠝꠥꠟ ꠉꠣꠍꠦꠃ ꠔꠥꠝꠣꠞꠦ ꠐꠤꠇꠣꠁꠀ ꠞꠣꠈꠍꠦ।

Injil 8: 2-Korintia 5:15

ꠔꠣꠁꠘ ꠢꠇꠟꠞ ꠟꠣꠉꠤ ꠝꠣꠞꠣ ꠉꠦꠍꠟꠣ, ꠎꠣꠔꠦ ꠎꠦꠞꠣ ꠎꠤꠘ꠆ꠖꠣ ꠀꠍꠂꠘ, ꠔꠣꠞꠣ ꠎꠣꠘꠥ ꠀꠞ ꠘꠤꠎꠞ ꠟꠣꠉꠤ ꠘꠣ ꠛꠣꠌꠂꠘ। ꠛꠞꠋ ꠔꠣꠞꠣꠞ ꠟꠣꠉꠤ ꠎꠦꠁꠘ ꠝꠣꠞꠣ ꠉꠦꠍꠟꠣ ꠀꠞ ꠢꠤꠞꠛꠣꠞ ꠎꠤꠘ꠆ꠖꠣ ꠅꠁꠍꠟꠣ, ꠔꠣꠘ ꠟꠣꠉꠤꠃ ꠔꠣꠞꠣ ꠛꠣꠌꠂꠘ।

Injil 11: Filifia 2:21

ꠛꠣꠇꠤ ꠢꠇꠟꠦꠃ ꠁꠍꠣ ꠀꠟ-ꠝꠍꠤꠞ ꠛꠦꠙꠣꠞꠦ ꠌꠤꠘ꠆ꠔꠣ ꠘꠣ ꠇꠞꠤꠀ, ꠔꠣꠞꠣ ꠎꠣꠞꠎꠤꠞ ꠗꠣꠘ꠆ꠖꠣꠄ ꠀꠍꠂꠘ।

Injil 12: Kolosia 3:5

ꠄꠞꠟꠣꠉꠤ ꠉꠥꠘꠣꠞ ꠎꠦꠔꠣ ꠞꠤꠙꠥ ꠅꠇꠟ ꠔꠥꠝꠞꠣꠞ ꠎꠤꠘ꠆ꠖꠦꠉꠤꠔ ꠀꠍꠦ, ꠁꠔꠣꠞꠦ ꠄꠇꠖꠝ ꠛꠤꠘꠣꠡ ꠇꠞꠤꠟꠣꠅ। ꠁꠔꠣ ꠅꠁꠟ ꠢꠇ꠆ꠇꠟ ꠘꠝꠥꠘꠣꠞ ꠎꠤꠘꠣ, ꠘꠣꠙꠣꠇꠤ, ꠛꠖ ꠈꠣꠁꠡ, ꠇꠥ-ꠌꠤꠘ꠆ꠔꠣ, ꠀꠞ ꠟꠥꠜ-ꠟꠣꠟꠌ, ꠁ ꠟꠥꠜ-ꠟꠣꠟꠌ ꠅꠁꠟ ꠄꠇꠟꠣꠈꠣꠘ ꠝꠥꠞ꠆ꠔꠤꠙꠥꠎꠣ।

ইঞ্জিল ১৪: ২-থিষল: 2:4

ꠛꠣꠞ ꠅꠁꠀ “ꠀꠟ꠆ꠟꠣꠞ ꠘꠣꠝꠦ” ꠎꠔꠔꠣ ꠀꠍꠦ, ꠁꠔꠣ ꠢꠇ꠆ꠇꠟꠔꠣꠞ ꠛꠤꠙꠇ꠆ꠇꠦ ꠀꠞ ꠄꠛꠣꠖꠔꠤ ꠇꠞꠣꠞ ꠎꠥꠇꠣ ꠢꠇ꠆ꠇꠟꠔꠣꠞ ꠛꠤꠙꠇ꠆ꠇꠦ ꠉꠤꠀ, ꠢꠦ ꠘꠤꠎꠞꠦ ꠛꠠ ꠝꠘꠅ ꠇꠞꠛ। ꠢꠦ ꠅꠟꠣꠅ ꠇꠞꠛ, ꠀꠟ꠆ꠟꠣꠞ ꠄꠛꠣꠖꠔ ꠈꠣꠘꠣꠔ ꠛꠁꠀ ꠘꠤꠎꠞꠦ ꠀꠟ꠆ꠟꠣ ꠇꠁꠀ ꠖꠣꠛꠤ ꠇꠞꠛ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:20

ꠁ ꠖꠟꠅ ꠀꠍꠂꠘ, ꠢꠥꠝꠤꠘꠣꠍ ꠀꠞ ꠍꠤꠇꠘ꠆ꠖꠞ। ꠄꠞꠟꠣꠉꠤ ꠀꠝꠤ ꠁꠔꠣꠞꠦ ꠁꠛꠟꠤꠍꠞ ꠀꠔꠅ ꠡꠙꠤ ꠖꠤꠍꠤ, ꠎꠣꠔꠦ ꠔꠣꠞꠣ ꠛꠥꠎꠔꠣ ꠙꠣꠞꠂꠘ, ꠇꠥꠚꠥꠞꠤ ꠝꠣꠔ ꠝꠣꠔꠣ ꠑꠤꠇ ꠘꠣꠄ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:9

ꠀꠝꠞꠣ ꠔ ꠎꠣꠘꠤ, ꠁ ꠡꠞꠤꠅꠔ ꠇꠥꠘꠥ ꠙꠞꠦꠎꠉꠣꠞ ꠝꠣꠘꠡꠞ ꠟꠣꠉꠤ ꠖꠦꠅꠀ ꠅꠁꠍꠦ ꠘꠣ। ꠁꠈꠣꠘ ꠖꠦꠅꠀ ꠅꠁꠍꠦ, ꠎꠦꠔꠣꠄ ꠀꠟ꠆ꠟꠣꠞ ꠀꠁꠘ ꠝꠣꠘꠂꠘ ꠘꠣ, ꠀꠟ꠆ꠟꠣꠞꠦ ꠒꠞꠣꠁꠘ ꠘꠣ, ꠘꠣꠚꠞꠝꠣꠘꠤ ꠇꠞꠂꠘ, ꠉꠥꠘꠣꠉꠣꠞ, ꠈꠥꠘꠤ, ꠘꠣꠙꠣꠇ ꠀꠞ ꠛꠦ-ꠖꠤꠘ, ꠝꠣ-ꠛꠣꠚꠞ ꠈꠥꠘꠤ,

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:3

ꠔꠣꠁꠘ ꠎꠣꠘꠥ ꠝꠖꠈꠥꠞ ꠀꠞ ꠛꠖ-ꠝꠤꠎꠣꠎꠤ ꠘꠣ ꠅꠁꠘ, ꠛꠞꠋ ꠔꠣꠘ ꠡ꠆ꠛꠜꠣꠛ ꠅꠁꠛ ꠘꠞꠝ, ꠔꠣꠁꠘ ꠎꠣꠘꠥ ꠝꠣꠁꠞ-ꠖꠣꠋꠉꠣ ꠇꠞꠞꠣ ꠛꠣ ꠐꠦꠇꠣ-ꠙꠄꠡꠣꠞ ꠟꠣꠟꠌꠤ ꠘꠣ ꠅꠁꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:10

ꠇꠣꠞꠘ ꠢꠇꠟ ꠘꠝꠥꠘꠣꠞ ꠛꠖ ꠇꠣꠝꠞ ꠎꠘꠝ ꠅꠁꠟ ꠐꠦꠇꠣ-ꠙꠄꠡꠣꠞ ꠝꠣꠄꠀ। ꠇꠥꠘꠥ ꠇꠥꠘꠥ ꠎꠘ ꠐꠦꠇꠣ-ꠙꠄꠡꠣꠞ ꠟꠣꠟꠌꠦ ꠁꠍꠣꠄꠁ ꠁꠝꠣꠘ ꠕꠣꠇꠤ ꠢꠞꠤꠀ ꠉꠤꠀ, ꠘꠤꠎꠞ ꠃꠙꠞꠦ ꠛꠠ ꠖꠥꠈ-ꠝꠍꠤꠛꠔ ꠒꠣꠇꠤꠀ ꠀꠘꠍꠦ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:4

ꠢꠦ ꠔ ꠝꠤꠍꠣ ꠅꠢꠋꠇꠣꠞꠤ, ꠢꠦ ꠇꠥꠘ꠆ꠔꠣꠃ ꠛꠥꠎꠦ ꠘꠣ, ꠝꠔꠜꠦꠖ ꠇꠞꠣ, ꠛꠦꠢꠥꠖꠣ ꠃꠚꠔꠣꠝꠤ ꠇꠞꠣ ꠔꠣꠞ ꠄꠇꠐꠣ ꠛꠦꠝꠣꠞ। ꠅꠔꠣꠞ ꠇꠣꠞꠘꠦ ꠁꠋꠡꠣ-ꠘꠤꠘ꠆ꠖꠣ, ꠇꠣꠁꠎ꠆ꠎꠣ-ꠚꠍꠣꠖ, ꠇꠥ-ꠡꠘ꠆ꠖꠄ ꠙꠄꠖꠣ ꠅꠄ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:4

ꠝꠣꠘꠡꠦ ꠛꠦꠁꠝꠣꠘꠤ, ꠚꠥꠐꠣꠘꠤ ꠀꠞ ꠛꠦꠙꠞꠥꠀ ꠜꠣꠛ ꠖꠦꠈꠣꠁꠛ, ꠀꠟ꠆ꠟꠣꠞ ꠀꠡꠤꠇ ꠘꠣ ꠅꠁꠀ ꠖꠥꠘꠤꠀꠛꠤ ꠀꠞꠣꠝ-ꠀꠄꠄꠡꠞ ꠀꠡꠤꠇ ꠅꠁꠛ।

Injil 20: Iakub 2:8

ꠙꠣꠇ ꠇꠤꠔꠣꠛꠅ ꠟꠦꠈꠣ ꠀꠍꠦ, “ꠔꠥꠝꠣꠞ ꠀꠞꠤ-ꠚꠞꠤꠞꠦ ꠘꠤꠎꠞ ꠟꠣꠈꠣꠘ ꠝꠣꠄꠀ ꠇꠞꠤꠅ,” ꠔꠥꠝꠞꠣ ꠎꠥꠖꠤ ꠢꠣꠍꠣꠃ ꠀꠟ꠆ꠟꠣꠞ ꠛꠣꠖꠡꠣꠁꠞ ꠅꠃ ꠢꠥꠇꠥꠝ ꠀꠝꠟ ꠇꠞ, ꠔꠦ ꠔ ꠜꠣꠟꠣꠃ ꠇꠞꠞꠣꠄ।

Injil 20: Iakub 4:16

ꠅꠁꠟꠦ ꠔꠥꠝꠞꠣ ꠔ ꠛꠠꠣꠁ ꠇꠞꠤꠀ ꠚꠥꠐꠣꠘꠤ ꠖꠦꠈꠣꠁꠞꠣꠄ। ꠁꠟꠣꠈꠣꠘ ꠚꠥꠐꠣꠘꠤ ꠜꠣꠟꠣ ꠘꠣꠄ।

Injil 20: Iakub 4:6

ꠅꠁꠟꠦ ꠁꠔꠣ ꠕꠣꠇꠤ ꠀꠝꠞꠣꠞ ꠃꠙꠞꠦ ꠀꠟ꠆ꠟꠣꠞ ꠞꠢꠝꠔ ꠀꠞꠅ ꠛꠦꠡꠤ। ꠄꠞꠟꠣꠉꠤ ꠇꠤꠔꠣꠛꠞ ꠝꠣꠎꠦ ꠟꠦꠈꠣ ꠀꠍꠦ, “ꠛꠠꠣꠁ ꠇꠞꠞꠣꠞ ꠃꠙꠞꠦ ꠀꠟ꠆ꠟꠣꠄ ꠀꠔ ꠔꠥꠟꠂꠘ, ꠅꠁꠟꠦ ꠘꠞꠝ ꠝꠣꠘꠡꠞꠦ ꠞꠢꠝ ꠇꠞꠂꠘ।”

ꠁꠘ꠆ꠎꠤꠟ ২১: ১-ꠙꠤꠔꠞ 5:5

ꠅꠃ ꠟꠣꠈꠣꠘ ꠎꠥꠀꠘ ꠅꠇꠟꠦꠅ ꠔꠥꠝꠞꠣꠞ ꠝꠥꠞꠛ꠆ꠛꠤꠞꠦ ꠝꠣꠘꠤꠀ ꠌꠟꠅ। ꠉꠥꠟꠣꠝꠤꠞ ꠛꠦꠡꠦ ꠢꠇꠟꠦꠃ ꠄꠇꠦ-ꠅꠁꠘ꠆ꠘꠞ ꠈꠦꠎꠝꠔ ꠇꠞꠅ, ꠎꠦꠟꠣ ꠀꠟ꠆ꠟꠣꠞ ꠇꠣꠟꠣꠝꠅ ꠀꠍꠦ, ꠀꠟ꠆ꠟꠣꠄ ꠅꠢꠋꠇꠣꠞꠤꠞ ꠛꠤꠞꠥꠖ꠆ꠖꠦ ꠕꠣꠇꠂꠘ, ꠘꠞꠝ ꠖꠤꠟꠞ ꠝꠣꠘꠡꠞꠦ ꠞꠢꠝ ꠇꠞꠂꠘ।

ꠁꠘ꠆ꠎꠤꠟ ২২: ২-ꠙꠤꠔꠞ 2:12

ꠛꠦꠀꠈꠟ ꠎꠋꠟꠤ ꠎꠣꠘꠥꠀꠞ ꠅꠇꠟꠦ ꠘꠣ ꠛꠥꠎꠤꠀ ꠎꠦꠟꠣ ꠘꠤꠎꠞ ꠈꠥꠡꠤꠄ ꠌꠟꠦ ꠀꠞ ꠗꠞꠣ ꠈꠣꠁꠀ ꠝꠞꠦ, ꠅꠃ ꠜꠘ꠆ꠒ ꠃꠡ꠆ꠔꠣꠖ ꠅꠇꠟꠅ ꠅꠔꠣꠞ ꠟꠣꠈꠣꠘ। ꠔꠣꠞꠣ ꠎꠦꠔꠣ ꠛꠥꠎꠦ ꠘꠣ, ꠅꠔꠣꠞꠅ ꠛꠖꠘꠣꠝ ꠉꠣꠄ। ꠄꠞꠟꠣꠉꠤ ꠅꠃ ꠎꠋꠟꠤ ꠎꠣꠘꠥꠀꠞꠞ ꠟꠣꠈꠣꠘ ꠔꠣꠞꠣꠞ ꠛꠤꠘꠣꠡ ꠀꠍꠦ,

ꠁꠘ꠆ꠎꠤꠟ ২২: ২-ꠙꠤꠔꠞ 2:18

ꠔꠣꠞꠣ ꠛꠠ ꠛꠠ ꠛꠦꠇꠣꠝꠣ ꠝꠣꠔ ꠝꠣꠔꠦ। ꠀꠞ ꠎꠦꠞꠣ ꠕꠥꠠꠣ ꠀꠉꠦ ꠇꠥ-ꠙꠕ ꠍꠣꠠꠤꠀ ꠎꠣꠘ ꠛꠣꠌꠣꠘꠤꠞ ꠟꠣꠉꠤ ꠜꠣꠉꠤꠍꠂꠘ, ꠅꠔꠣ ꠝꠣꠘꠡꠞꠦ ꠡꠞꠤꠟꠞ ꠈꠣꠁꠡꠦ ꠌꠟꠤꠀ ꠛꠖꠝꠣꠁꠡꠤ ꠇꠞꠣꠞ ꠁꠘ꠆ꠗꠘ ꠖꠦꠄ।

ꠁꠘ꠆ꠎꠤꠟ ২২: ২-ꠙꠤꠔꠞ 2:3

ꠟꠥꠜ-ꠟꠣꠟꠌ ꠇꠞꠤꠀ ꠍꠟ-ꠌꠔꠥꠞꠤꠞ ꠝꠣꠔ ꠝꠣꠔꠤꠀ, ꠘꠤꠎꠞ ꠟꠣꠜꠞ ꠀꠡꠣꠄ ꠔꠣꠞꠣ ꠔꠥꠝꠞꠣꠞꠦ ꠇꠣꠝꠅ ꠟꠣꠉꠣꠁꠛ। ꠔꠣꠞꠣꠞ ꠙꠣꠅꠘꠣ ꠡꠣꠎꠣ ꠔ ꠛꠃꠔ ꠖꠤꠘ ꠕꠣꠇꠤ ꠛꠣꠞ ꠌꠣꠞ, ꠔꠣꠞꠣꠞ ꠛꠤꠘꠣꠡꠅ ꠛꠦꠡꠤ ꠖꠦꠞꠤ ꠘꠣꠄ।

Injil 26: Ehuda 1:16

ꠁꠔꠣꠄ ꠔ ꠢꠣꠝꠦꠡꠣꠃ ꠘꠣ-ꠍꠛꠞꠤ ꠇꠞꠂꠘ, ꠘꠤꠎꠞ ꠇꠙꠣꠟꠞꠦ ꠖꠥꠡꠂꠘ ꠀꠞ ꠔꠣꠞꠣꠞ ꠛꠖ ꠈꠣꠁꠡꠞ ꠛꠡꠦ ꠌꠟꠂꠘ। ꠔꠣꠞꠣꠞ ꠢꠇꠟ ꠝꠣꠔꠅ ꠘꠤꠎꠞ ꠛꠠꠣꠁ-ꠛꠦꠐꠣꠉꠤꠞꠤ ꠖꠦꠈꠣꠁꠘ, ꠡ꠆ꠛꠣꠞꠕ ꠢꠣꠍꠤꠟꠞ ꠟꠣꠉꠤ ꠝꠣꠘꠡꠞ ꠜꠎꠘꠣ ꠇꠞꠂꠘ।

Injil 27: Zaira Kalam 13:1

ꠛꠣꠖꠦ ꠀꠝꠤ ꠖꠦꠈꠟꠣꠝ, ꠖꠞꠤꠀ ꠕꠣꠇꠤ ꠄꠇ ꠎꠣꠘꠥꠀꠞ ꠃꠑꠦꠞ, ꠔꠣꠞ ꠖꠡꠉꠥ ꠢꠤꠋ, ꠡꠣꠔꠉꠥ ꠇꠟ꠆ꠟꠣ, ꠙꠞꠔꠦꠇ ꠢꠤꠋꠉꠞ ꠝꠣꠕꠣꠔ ꠄꠇꠐꠣ ꠇꠞꠤ ꠔꠣꠎ, ꠀꠞ ꠙꠞꠔꠦꠇ ꠇꠟ꠆ꠟꠣꠞ ꠃꠙꠞꠦ ꠘꠣꠘꠣꠘ ꠇꠥꠚꠥꠞꠤ ꠘꠣꠝ ꠟꠦꠈꠣ।

Injil 27: Zaira Kalam 16:11

ꠅꠃ ꠎꠣꠟꠣ-ꠎꠘꠔ꠆ꠞꠘꠣ ꠀꠞ ꠡꠞꠤꠟꠞ ꠛꠤꠡ ꠚꠥꠠꠣꠞ ꠇꠣꠞꠘꠦ ꠔꠣꠞꠣ ꠛꠦꠢꠦꠡ꠆ꠔꠤ ꠀꠟ꠆ꠟꠣꠞ ꠛꠤꠞꠥꠖ꠆ꠖꠦ ꠇꠥꠚꠥꠞꠤ ꠝꠣꠔꠅ ꠞꠁꠟ, ꠅꠔꠣꠞ ꠛꠣꠖꠦꠅ ꠔꠣꠞꠣꠞ ꠛꠖ ꠇꠣꠝꠞ ꠟꠣꠉꠤ ꠔꠃꠛꠣ ꠇꠞꠟ ꠘꠣ।

Injil 27: Zaira Kalam 16:21

ꠀꠍꠝꠣꠘ ꠕꠣꠇꠤ ꠛꠠ ꠛꠠ ꠙꠣꠔ꠆ꠔꠞꠞ ꠟꠣꠈꠣꠘ ꠢꠤꠟ ꠅꠇꠟ ꠝꠣꠘꠡꠞ ꠃꠙꠞꠦ ꠙꠠꠣꠔ ꠞꠁꠟ। ꠁꠔꠣ ꠄꠇꠅ ꠙꠣꠔ꠆ꠔꠞꠞ ꠃꠎꠘ ꠅꠁꠟ, ꠅꠘꠥꠝꠣꠘ ꠄꠇ ꠝꠘ। ꠅꠃ ꠢꠤꠟꠞ ꠉꠎꠛꠞ ꠟꠣꠉꠤ ꠝꠣꠘꠡꠦ ꠀꠟ꠆ꠟꠣꠞ ꠛꠤꠞꠥꠖ꠆ꠖꠦ ꠇꠥꠚꠥꠞꠤ ꠝꠣꠔ ꠝꠣꠔꠤꠟ, ꠁꠔꠣ ꠀꠍꠤꠟ ꠈꠥꠛ ꠝꠣꠞꠣꠔ꠆ꠔꠇ ꠉꠎꠛ।

Injil 27: Zaira Kalam 16:9

ꠅꠃ ꠡꠝꠄ ꠈꠥꠛ ꠉꠞꠝꠦ ꠝꠣꠘꠡꠞ ꠡꠞꠤꠟ ꠎꠟꠤ ꠉꠦꠟ, ꠀꠞ ꠅꠃ ꠉꠎꠛ ꠅꠇꠟꠞ ꠃꠙꠞꠦ ꠎꠣꠘ ꠈꠦꠝꠔꠣ ꠀꠍꠦ, ꠢꠃ ꠀꠟ꠆ꠟꠣꠞ ꠛꠤꠞꠥꠖ꠆ꠖꠦ ꠔꠣꠞꠣ ꠇꠥꠚꠥꠞꠤ ꠝꠣꠔ ꠝꠣꠔꠤꠟ। ꠅꠔꠔꠣꠞ ꠛꠣꠖꠦꠅ ꠔꠣꠞꠣ ꠔꠃꠛꠣ ꠇꠞꠟ ꠘꠣ, ꠛꠣ ꠀꠟ꠆ꠟꠣꠞ ꠔꠣꠞꠤꠚꠅ ꠇꠞꠟ ꠘꠣ।