ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:17 - Siloṭi Asmani Kitab (Nagri lipi)

¹⁷ ꠎꠣꠔꠦ ꠀꠟ꠆ꠟꠣꠞ ꠛꠘ꠆ꠖꠣ ꠅꠇꠟ ꠃꠙꠎꠥꠇ꠆ꠔ ꠛꠘꠤꠀ ꠢꠇꠟ ꠘꠦꠇ ꠇꠣꠝꠞ ꠟꠣꠉꠤ ꠎꠥꠁꠔ ꠅꠁꠘ।

ছিলটি আছমানি কিতাব (বাংলা লিপি)

¹⁷ যাতে আল্লার বন্দা অকল উপযুক্ত বনিয়া হকল নেক কামর লাগি জুইত অইন।

Siloṭi Asmani Kitab (Latin lipi)

¹⁷ zate Allar bonda oḳol ufozukto bonia hoḳol nek kamor lagi zuit oin.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:17 Iomraidhean Croise

Injil 5: Sahabi Nama 9:36

ꠎꠣꠚꠣ ꠡꠢꠞꠅ ꠐꠣꠛꠤꠕꠣ ꠘꠣꠝꠦ ꠄꠇꠎꠘ ꠝꠥꠝꠤꠘ ꠛꠦꠐꠤ ꠀꠍꠟꠣ, ꠁꠃꠘꠣꠘꠤ ꠜꠣꠡꠣꠄ ꠐꠣꠛꠤꠕꠣ ꠘꠣꠝꠞ ꠅꠞ꠆ꠕ ꠖꠞ꠆ꠇꠣ, ꠝꠣꠘꠤ ꠢꠞꠤꠘꠤ, ꠔꠣꠁꠘ ꠢꠇꠟ ꠡꠝꠄ ꠜꠣꠟꠣ ꠇꠣꠝ ꠇꠞꠔꠣ ꠀꠞ ꠉꠞꠤꠛꠞꠦ ꠡꠣꠁꠎ꠆ꠎ ꠇꠞꠔꠣ।

Injil 8: 2-Korintia 9:8

ꠀꠟ꠆ꠟꠣꠄ ꠔꠥꠝꠞꠣꠞꠦ ꠢꠇꠟ ꠟꠣꠈꠣꠘ ꠞꠢꠝ-ꠛꠞꠇꠔ ꠖꠤꠔꠣ ꠙꠣꠞꠂꠘ। ꠁ ꠈꠦꠝꠔꠣ ꠔꠣꠘ ꠀꠍꠦ, ꠎꠣꠔꠦ ꠔꠥꠝꠞꠣꠞ ꠖꠞꠇꠣꠞꠤ ꠢꠇꠟꠔꠣ ꠢꠣꠝꠦꠡꠣ ꠔꠥꠝꠞꠣꠞ ꠉꠦꠍꠦ ꠕꠣꠇꠦ, ꠀꠞ ꠘꠦꠇ ꠇꠣꠝꠞ ꠟꠣꠉꠤ ꠈꠥꠟꠣ ꠀꠔꠦ ꠁꠔꠣ ꠛꠤꠟꠣꠁꠔꠣꠄ ꠙꠣꠞ।

Injil 10: Ifisia 2:10

ꠀꠝꠞꠣ ꠔ ꠀꠟ꠆ꠟꠣ ꠙꠣꠇꠞ ꠀꠔꠞ ꠙꠄꠖꠣ। ꠔꠣꠁꠘ ꠀꠟ-ꠝꠍꠤꠞ ꠃꠝ꠆ꠝꠔ ꠢꠤꠡꠣꠛꠦ ꠀꠝꠞꠣꠞꠦ ꠢꠤꠞꠛꠣꠞ ꠘꠄꠀ ꠇꠞꠤ ꠙꠄꠖꠣ ꠇꠞꠍꠂꠘ, ꠎꠣꠔꠦ ꠀꠝꠞꠣ ꠘꠦꠇ ꠇꠣꠝ ꠇꠞꠤ। ꠅꠃ ꠘꠦꠇ ꠇꠣꠝ ꠔꠣꠁꠘ ꠀꠉꠦ ꠕꠣꠇꠤꠃ ꠑꠤꠇ ꠇꠞꠤꠀ ꠞꠣꠈꠍꠤꠟꠣ ꠎꠣꠔꠦ ꠀꠝꠞꠣ ꠅꠟꠣ ꠎꠤꠘ꠆ꠖꠦꠉꠤ ꠇꠣꠐꠣꠁ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:11

ꠅꠁꠟꠦ ꠔꠥꠝꠤ ꠔ ꠀꠟ꠆ꠟꠣꠞ ꠛꠘ꠆ꠖꠣ, ꠔꠥꠝꠤ ꠁꠔꠣ ꠛꠖ ꠇꠣꠝ ꠕꠣꠇꠤ ꠢꠞꠤꠀ ꠞꠅ। ꠔꠥꠝꠤ ꠙꠣꠇ-ꠙꠞꠦꠎꠉꠣꠞ ꠎꠤꠘ꠆ꠖꠦꠉꠤ, ꠀꠟ꠆ꠟꠣꠞ ꠒꠞ-ꠈꠚ, ꠁꠝꠣꠘ, ꠝꠢꠛ꠆ꠛꠔ, ꠍꠛꠞ, ꠀꠞ ꠘꠞꠝ ꠡ꠆ꠛꠜꠣꠛꠞ ꠛꠣꠄ ꠈꠤꠀꠟꠤ ꠅꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:21

ꠔꠦ ꠎꠦꠔꠣ ꠝꠣꠘꠥꠡ ꠅꠃ ꠘꠤꠌꠣ ꠇꠣꠝꠞ ꠀꠡꠛꠣꠛꠞ ꠟꠣꠈꠣꠘ, ꠁꠔꠣꠞ ꠉꠦꠍ ꠕꠣꠇꠤ ꠢꠞꠤꠀ ꠀꠁꠀ ꠇꠦꠃ ꠎꠥꠖꠤ ꠘꠤꠎꠞꠦ ꠙꠣꠇ-ꠍꠣꠚ ꠇꠞꠤꠟꠣꠄ, ꠔꠦ ꠢꠦ ꠡꠝ꠆ꠝꠣꠘꠤ ꠎꠤꠘꠤꠡ ꠛꠘꠤꠎꠣꠄ। ꠔꠣꠞꠦ ꠙꠛꠤꠔ꠆ꠞ ꠢꠤꠡꠣꠛꠦ ꠀꠟꠣꠖꠣ ꠇꠞꠤ ꠞꠣꠈꠣ ꠅꠁꠛ। ꠢꠦ ꠔꠣꠞ ꠝꠣꠟꠤꠇꠞ ꠇꠣꠝꠅ ꠟꠣꠉꠛ ꠀꠞ ꠢꠇꠟ ꠘꠝꠥꠘꠣꠞ ꠘꠦꠇ ꠇꠣꠝꠞ ꠟꠣꠉꠤ ꠎꠥꠁꠔ ꠅꠁꠛ।

Injil 17: Titas 1:16

ꠔꠣꠞꠣ ꠝꠥꠈꠖꠤ ꠖꠣꠛꠤ ꠇꠞꠂꠘ ꠀꠟ꠆ꠟꠣꠞꠦ ꠝꠣꠘꠂꠘ, ꠅꠁꠟꠦ ꠔꠣꠞꠣꠞ ꠇꠣꠝꠞ ꠝꠣꠎꠖꠤ ꠔꠣꠘꠞꠦ ꠅꠡ꠆ꠛꠤꠇꠣꠞ ꠇꠞꠂꠘ। ꠁꠉꠥꠁꠘ ꠔ ꠘꠚꠞꠔꠤ ꠀꠞ ꠅꠛꠣꠁꠖ꠆ꠖ। ꠁꠔꠣꠞꠦ ꠇꠥꠘꠥ ꠜꠣꠟꠣ ꠇꠣꠝꠅ ꠟꠣꠉꠣꠁꠟ ꠎꠣꠄ ꠘꠣ।

Injil 17: Titas 2:14

ꠁꠍꠣ ꠀꠟ-ꠝꠍꠤꠄ ꠔ ꠀꠝꠞꠣꠞꠦ ꠛꠣꠌꠣꠘꠤꠞ ꠟꠣꠉꠤ ꠔꠣꠘ ꠘꠤꠎꠞ ꠎꠣꠘ ꠇꠥꠞꠛꠣꠘꠤ ꠖꠤꠟꠣꠁꠍꠂꠘ, ꠎꠣꠔꠦ ꠢꠇꠟ ꠉꠥꠘꠣ ꠕꠣꠇꠤ ꠀꠝꠞꠣꠞꠦ ꠈꠣꠟꠣꠍ ꠇꠞꠤ ꠀꠘꠔꠣ ꠙꠣꠞꠂꠘ, ꠀꠞ ꠅꠃ ꠟꠣꠈꠣꠘ ꠄꠇꠖꠟ ꠝꠣꠘꠡꠞꠦ ꠙꠣꠇ-ꠙꠛꠤꠔ꠆ꠞ ꠇꠞꠂꠘ, ꠎꠦꠞꠣ ꠈꠣꠟꠤ ꠔꠣꠘ ꠘꠤꠎꠞ ꠅꠁꠛꠣ, ꠎꠦꠞꠣ ꠘꠦꠇ ꠇꠣꠝꠞ ꠀꠡꠤꠇ ꠅꠁꠛꠣ।

Injil 17: Titas 3:1

ꠀꠟ꠆ꠟꠣꠞ ꠛꠘ꠆ꠖꠣ ꠅꠇꠟꠞꠦ ꠝꠘꠅ ꠇꠞꠣꠁ ꠖꠦꠅ, ꠔꠣꠞꠣ ꠎꠣꠘꠥ ꠖꠦꠡꠞ ꠞꠣꠎꠣ ꠀꠞ ꠡꠞꠇꠣꠞꠤ ꠘꠤꠅꠝꠞ ꠅꠗꠤꠘꠦ ꠞꠂꠘ, ꠔꠣꠞꠣ ꠅꠛꠣꠁꠖ꠆ꠖ ꠘꠣ ꠅꠁꠘ, ꠝꠣꠘꠡꠞ ꠢꠇꠟ ꠘꠝꠥꠘꠣꠞ ꠃꠙꠇꠣꠞ ꠇꠞꠣꠞ ꠟꠣꠉꠤ ꠎꠥꠁꠔ ꠕꠣꠇꠂꠘ।

Injil 19: Ibrani 10:24

ꠀꠝꠞꠣ ꠄꠇꠦ-ꠅꠁꠘ꠆ꠘꠞ ꠟꠣꠉꠤ ꠈꠤꠀꠟ ꠇꠞꠤ, ꠝꠢꠛ꠆ꠛꠔ ꠀꠞ ꠘꠦꠇ ꠇꠣꠝ ꠇꠞꠣꠞ ꠟꠣꠉꠤ ꠄꠇꠦ-ꠅꠁꠘ꠆ꠘꠞꠦ ꠡꠣꠅꠡ-ꠙꠞꠣꠝꠤꠡ ꠖꠦꠁ।

Injil 19: Ibrani 13:21

ꠢꠇꠟ ꠘꠦꠇ ꠇꠣꠝꠞ ꠔꠚꠤꠇ ꠖꠦꠃꠇ꠆ꠇꠣ, ꠔꠣꠘ ꠝꠞ꠆ꠎꠤ ꠎꠥꠉꠣꠁꠀ ꠌꠟꠣꠞ, ꠀꠞ ꠔꠣꠁꠘ ꠎꠦꠔꠣ ꠙꠍꠘ꠆ꠖ ꠇꠞꠂꠘ, ꠖꠤꠟꠅ ꠅꠔꠣꠞ ꠄꠡꠇꠤ ꠖꠦꠃꠇ꠆ꠇꠣ, ꠁꠍꠣ ꠀꠟ-ꠝꠍꠤꠞ ꠎꠞꠤꠀꠄ, ꠄꠘ ꠝꠢꠤꠝꠣ ꠢꠞ-ꠢꠣꠝꠦꠡꠣ ꠞꠃꠇ, ꠀꠝꠤꠘ।