ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:15 - Siloṭi Asmani Kitab (Nagri lipi)

¹⁵ ꠔꠥꠝꠤ ꠔ ꠢꠥꠞꠥꠝꠣꠘ ꠕꠘꠦꠃ ꠀꠟ꠆ꠟꠣꠞ ꠇꠣꠟꠣꠝꠞ ꠔꠣꠟꠤꠝ ꠙꠣꠁꠍ, ꠀꠞ ꠅꠃ ꠇꠣꠟꠣꠝꠦꠃ ꠔꠥꠝꠣꠞꠦ ꠁꠍꠣ ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠣꠞ ꠃꠍꠤꠟ꠆ꠟꠣꠄ, ꠘꠣꠎꠣꠔ ꠢꠣꠍꠤꠟꠞ ꠙꠕ ꠛꠣꠔꠣꠁ ꠖꠤꠛ।

ছিলটি আছমানি কিতাব (বাংলা লিপি)

¹⁵ তুমি তো হুরুমান থনেউ আল্লার কালামর তালিম পাইছো, আর অউ কালামেউ তুমারে ইছা আল-মসীর উপরে ইমান আনার উছিলায়, নাজাত হাছিলর পথ বাতাই দিবো।

Siloṭi Asmani Kitab (Latin lipi)

¹⁵ Tumi to huruman tone-u Allar kalamor talim faiso, ar ou kalame-u tumare Isa al-Mosir ufre iman anar usillae, nazat hasilor fot batai dibo.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:15 Iomraidhean Croise

ꠎꠛꠥꠞ ꠡꠞꠤꠚ 19:7

ꠀꠟ꠆ꠟꠣꠞ ꠖꠦꠅꠀ ꠢꠦꠖꠣꠄꠅꠔ ꠙꠥꠞꠣꠙꠥꠞ ꠘꠤꠈꠥꠔ, ꠛꠘ꠆ꠖꠣꠞ ꠎꠣꠘꠞꠦ ꠇꠞꠦ ꠁꠈꠣꠘ ꠔꠞꠔꠣꠎꠣ ꠝꠎꠛꠥꠔ। ꠀꠟ꠆ꠟꠣꠞ ꠚꠞꠝꠣꠘ ꠢꠇ ꠀꠞ ꠡꠑꠤꠇ ꠌꠤꠞꠇꠣꠟ ꠛꠅꠀꠁꠟ, ꠛꠦꠀꠈꠟ ꠎꠘꠞꠦ ꠛꠣꠘꠣꠄ ꠙꠥꠞꠣꠙꠥꠞ ꠀꠈꠟꠖꠣꠞ।

ꠁꠘ꠆ꠎꠤꠟ ১: ꠝꠕꠤ 22:29

ꠔꠣꠁꠘ ꠎꠥꠀꠙ ꠖꠤꠟꠣ, “ꠀꠙꠘꠣꠞꠣ ꠔ ꠀꠟ꠆ꠟꠣꠞ ꠇꠣꠟꠣꠝ ꠎꠣꠘꠂꠘ ꠘꠣ, ꠀꠟ꠆ꠟꠣꠞ ꠇꠥꠖꠞꠔꠤ ꠛꠦꠙꠣꠞꠅ ꠛꠥꠎꠂꠘ ꠘꠣ। ꠄꠞꠖꠣꠄ ꠀꠙꠘꠣꠞꠣ ꠁ ꠜꠥꠟ ꠇꠞꠞꠣ।

Injil 3: Luk 1:15

ꠄꠁꠘ ꠔ ꠝꠣꠛꠥꠖꠞ ꠘꠎꠞꠅ ꠛꠃꠔ ꠛꠠ ꠁꠎ꠆ꠎꠔꠤ ꠅꠁꠛꠣ। ꠎꠤꠘ꠆ꠖꠦꠉꠤꠄ ꠇꠥꠘꠥꠖꠤꠘꠃ ꠀꠋꠉꠥꠞꠞ ꠡꠞꠣꠛ ꠛꠣ ꠇꠥꠘꠥꠎꠣꠔ ꠘꠤꠡꠣ ꠈꠣꠁꠔꠣ ꠘꠣꠄ। ꠔꠣꠘ ꠝꠣʼꠞ ꠙꠦꠐꠅ ꠕꠣꠇꠔꠦꠃ ꠙꠣꠇ ꠞꠥꠢꠦ ꠇꠣꠝꠤꠟ ꠅꠁꠛꠣ।

Injil 3: Luk 2:40

ꠘꠣꠛꠣꠟꠤꠇ ꠁꠍꠣꠞ ꠛꠄꠅꠡ ꠛꠣꠠꠤꠟ, ꠄꠞꠟꠉꠦ ꠔꠣꠁꠘ ꠡꠞꠤꠟꠞ ꠛꠟ ꠀꠞ ꠁꠟꠤꠝ-ꠀꠈꠟꠦꠅ ꠝꠎꠛꠥꠔ ꠅꠁꠟꠣ। ꠀꠟ꠆ꠟꠣꠞ ꠞꠢꠝꠔ ꠔ ꠔꠣꠘ ꠟꠉꠦ ꠀꠍꠤꠟ।

Injil 3: Luk 24:27

ꠛꠣꠖꠦ ꠔꠣꠁꠘ ꠝꠥꠍꠣ ꠘꠛꠤꠞ ꠔꠃꠞꠣꠔ ꠇꠤꠔꠣꠛ ꠕꠣꠇꠤ ꠡꠥꠞꠥ ꠇꠞꠤꠀ, ꠢꠇ꠆ꠇꠟ ꠘꠛꠤꠞ ꠇꠤꠔꠣꠛꠞ ꠝꠣꠎꠦ ꠔꠣꠘ ꠛꠦꠙꠣꠞꠦ ꠎꠔꠔꠣ ꠟꠦꠈꠣ ꠀꠍꠦ, ꠅꠔꠣ ꠔꠣꠞꠣꠞꠦ ꠛꠥꠎꠣꠁꠟꠣ।

Injil 3: Luk 24:32

ꠛꠣꠖꠦ ꠔꠣꠞꠣ ꠄꠇꠦ-ꠅꠁꠘ꠆ꠘꠞꠦ ꠇꠁꠟꠣ, “ꠙꠕꠅ ꠎꠦꠛꠟꠣ ꠔꠣꠁꠘ ꠀꠝꠞꠣꠞ ꠟꠉꠦ ꠛꠣꠔꠌꠤꠔ ꠇꠞꠍꠟꠣ, ꠀꠝꠞꠣꠞꠦ ꠀꠟ꠆ꠟꠣꠞ ꠇꠣꠟꠣꠝ ꠛꠥꠎꠣꠁꠀ ꠖꠤꠍꠟꠣ, ꠢꠃ ꠡꠝꠄ ꠀꠝꠞꠣꠞ ꠖꠤꠟꠞ ꠝꠣꠎꠦ ꠄꠇ ꠄꠡꠇꠤ ꠙꠄꠖꠣ ꠅꠁꠍꠤꠟ ꠘꠣ ꠘꠤ?”

Injil 3: Luk 24:45

ꠅꠈꠣꠘ ꠇꠁꠀ ꠢꠣꠞꠤ, ꠔꠣꠁꠘ ꠍꠣꠢꠣꠛꠤ ꠅꠇꠟꠞ ꠖꠤꠟꠞ ꠖꠥꠀꠞ ꠈꠥꠟꠤ ꠖꠤꠟꠣ, ꠎꠣꠔꠦ ꠀꠟ꠆ꠟꠣꠞ ꠇꠣꠟꠣꠝꠞ ꠝꠣꠘꠤ ꠄꠞꠣ ꠛꠥꠎꠔꠣ ꠙꠣꠞꠂꠘ।

Injil 4: Hannan 5:47

ꠅꠁꠟꠦ ꠀꠙꠘꠣꠞꠣ ꠎꠦꠛꠟꠣ ꠔꠣꠘ ꠟꠦꠈꠣꠞꠦꠃ ꠄꠇꠤꠘ ꠇꠞꠂꠘ ꠘꠣ, ꠔꠦ ꠀꠝꠣꠞ ꠝꠥꠈꠞ ꠇꠕꠣꠞꠦ ꠇꠤꠟꠣ ꠄꠇꠤꠘ ꠇꠞꠛꠣ?”

Injil 5: Sahabi Nama 10:43

ꠢꠇꠟ ꠘꠛꠤꠄꠅ ꠔꠣꠘ ꠛꠦꠙꠣꠞꠦ ꠅꠃꠟꠣ ꠡꠣꠇ꠆ꠇꠤ ꠖꠤꠍꠂꠘ ꠎꠦꠘ, ꠎꠦꠞꠣ ꠔꠣꠘ ꠃꠙꠞꠦ ꠁꠝꠣꠘ ꠀꠘꠦ, ꠔꠣꠞꠣ ꠢꠇꠟꠦꠃ ꠔꠣꠘ ꠘꠣꠝꠞ ꠃꠍꠤꠟ꠆ꠟꠣꠄ ꠉꠥꠘꠣꠞ ꠝꠣꠚꠤ ꠙꠣꠄ।”

Injil 5: Sahabi Nama 13:29

ꠔꠣꠘ ꠛꠤꠡꠄꠄ ꠀꠍꠝꠣꠘꠤ ꠇꠤꠔꠣꠛ ꠅꠇꠟꠅ ꠎꠦꠔꠣ ꠟꠦꠈꠣ ꠀꠍꠤꠟ, ꠁꠔꠣ ꠢꠇꠟꠔꠣ ꠙꠥꠞꠣ ꠅꠀꠞ ꠛꠣꠖꠦ ꠔꠣꠞꠣ ꠔꠣꠘꠞꠦ ꠉꠣꠍꠅ ꠟꠐꠇꠣꠁꠟ ꠢꠣꠟꠔ ꠕꠣꠇꠤ, ꠝꠣꠘꠤ ꠍꠟꠤꠛ ꠕꠣꠇꠤ ꠟꠣꠝꠣꠁꠀ ꠖꠣꠚꠘ ꠇꠞꠟ।

Injil 5: Sahabi Nama 16:1

ꠢꠎꠞꠔ ꠙꠣꠃꠟꠥꠍ ꠙꠄꠟꠣ ꠖꠞ꠆ꠛꠤ ꠀꠞ ꠛꠣꠖꠦ ꠟꠥꠡ꠆ꠞꠣ ꠐꠣꠃꠘꠅ ꠉꠤꠀ ꠀꠎꠤꠟꠣ। ꠟꠥꠡ꠆ꠞꠣꠔ ꠔꠤꠝꠕꠤ ꠘꠣꠝꠦ ꠄꠇꠎꠘ ꠃꠝ꠆ꠝꠔ ꠀꠍꠟꠣ, ꠔꠣꠘ ꠝꠣ ꠁꠝꠣꠘꠖꠣꠞ, ꠝꠣ ꠔ ꠁꠢꠥꠖꠤ ꠎꠣꠔꠞ, ꠅꠁꠟꠦ ꠛꠣꠚ ꠁꠃꠘꠣꠘꠤ ꠎꠣꠔꠞ।

Injil 5: Sahabi Nama 17:2

ꠙꠣꠃꠟꠥꠍ ꠔꠣꠘ ꠘꠤꠅꠝ ꠝꠔꠃ ꠢꠤ ꠝꠍꠤꠖꠅ ꠉꠦꠟꠣ, ꠀꠞ ꠟꠣꠉꠣ ꠟꠣꠉꠣ ꠔꠤꠘ ꠎꠥꠝ꠆ꠝꠣꠛꠣꠞꠦ ꠝꠣꠘꠡꠞꠦ ꠙꠣꠇ ꠇꠣꠟꠣꠝ ꠕꠣꠇꠤ ꠛꠥꠎꠣꠁꠟꠣ।

Injil 5: Sahabi Nama 26:24

ꠙꠣꠃꠟꠥꠍꠦ ꠎꠦꠛꠟꠣ ꠅꠃ ꠟꠣꠈꠣꠘ ꠎꠛꠣꠘꠛꠘ꠆ꠖꠤ ꠖꠤꠞꠣ, ꠀꠈꠔꠣꠃ ꠚꠤꠡ꠆ꠔꠍꠦ ꠔꠣꠘꠞꠦ ꠎꠥꠞꠦ ꠗꠣꠝꠇꠤ ꠝꠣꠞꠤ ꠇꠁꠟꠣ, “ꠙꠣꠃꠟꠥꠍ, ꠔꠥꠝꠤ ꠔ ꠙꠣꠉꠟ ꠅꠁꠉꠦꠍ। ꠔꠥꠝꠤ ꠛꠃꠔ ꠟꠦꠈꠣ-ꠙꠠꠣ ꠇꠞꠍ, ꠅꠃ ꠟꠦꠈꠣ-ꠙꠠꠣꠄ ꠔꠥꠝꠣꠞꠦ ꠙꠣꠉꠟ ꠛꠣꠘꠣꠁꠟꠤꠍꠦ।”

Injil 6: Ruman 1:2

ꠀꠟ꠆ꠟꠣꠄ ꠔꠣꠘ ꠘꠛꠤ ꠅꠇꠟꠞ ꠝꠣꠎꠖꠤ ꠙꠣꠇ ꠇꠤꠔꠣꠛꠞ ꠝꠣꠎꠦ ꠅꠃ ꠈꠥꠡ-ꠈꠛꠞꠤꠞ ꠇꠕꠣ ꠀꠉꠦꠃ ꠅꠀꠖꠣ ꠇꠞꠍꠂꠘ।

Injil 6: Ruman 16:26

ꠅꠁꠟꠦ ꠅꠈꠘ ꠁꠔꠣ ꠖꠥꠘꠤꠀꠞ ꠢꠇꠟ ꠎꠣꠔꠤꠞ ꠉꠦꠍꠦ ꠎꠣꠁꠞ ꠅꠞ। ꠌꠤꠞꠇꠣꠟꠤꠘ ꠎꠤꠘ꠆ꠖꠣ ꠀꠟ꠆ꠟꠣꠞ ꠢꠥꠇꠥꠝꠦ, ꠀꠉꠞ ꠎꠝꠣꠘꠣꠞ ꠘꠛꠤ ꠅꠇꠟꠦ ꠎꠦꠔꠣ ꠟꠦꠈꠤꠀ ꠞꠣꠈꠍꠤꠟꠣ, ꠅꠔꠣ ꠎꠣꠁꠞ ꠅꠞ, ꠎꠣꠔꠦ ꠔꠣꠞꠣ ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠤꠀ ꠀꠟ꠆ꠟꠣ ꠙꠣꠇꠞ ꠛꠣꠁꠖ꠆ꠖ ꠅꠁꠘ। ꠄꠞꠟꠣꠉꠤ ꠅꠃ ꠈꠥꠡ-ꠈꠛꠞꠤ ꠅꠈꠘ ꠔꠛꠟꠤꠉ ꠇꠞꠣ ꠅꠞ।

Injil 6: Ruman 2:27

ꠀꠞ ꠝꠍꠟꠝꠣꠘꠤ ꠘꠣ ꠇꠞꠣꠁꠟ ꠝꠣꠘꠡꠦ ꠎꠦꠛꠟꠣ ꠡꠞꠤꠅꠔ ꠝꠣꠘꠤꠀ ꠌꠟꠦ, ꠔꠦ ꠟꠤꠈꠤꠔ ꠡꠞꠤꠅꠔ ꠙꠣꠁꠀ ꠀꠞ ꠝꠍꠟꠝꠣꠘꠤ ꠇꠞꠣꠁꠀꠅ ꠎꠥꠖꠤ ꠔꠥꠝꠤ ꠄꠞ ꠃꠟꠐꠣ ꠌꠟꠅ, ꠔꠣꠁꠟꠦ ꠢꠃ ꠝꠍꠟꠝꠣꠘꠤ ꠘꠣ ꠇꠞꠣꠁꠟ ꠛꠦꠐꠣꠄ ꠔꠥꠝꠣꠞꠦ ꠖꠥꠡꠤꠔ ꠘꠣꠄ ꠘꠤ?

Injil 7: 1-Korintia 1:21

ꠀꠟ꠆ꠟꠣꠄ ꠔꠣꠘ ꠘꠤꠎꠞ ꠀꠈꠟ ꠖꠤꠀ ꠚꠄꠍꠣꠟꠣ ꠇꠞꠍꠂꠘ, ꠎꠣꠔꠦ ꠖꠥꠘꠤꠀꠄ ꠎꠣꠘꠥ ꠔꠣꠞ ꠀꠈꠟ ꠖꠤꠀ ꠔꠣꠘꠞꠦ ꠌꠤꠘꠔ ꠘꠣ ꠙꠣꠞꠦ। ꠄꠞꠟꠣꠉꠤ ꠛꠦꠀꠈꠟꠤꠞ ꠅꠃ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠝꠣꠎꠖꠤ ꠀꠟ꠆ꠟꠣꠄ ꠝꠥꠝꠤꠘ ꠅꠇꠟꠞ ꠎꠣꠘ ꠛꠣꠌꠣꠁꠔꠣ ꠌꠣꠁꠟꠣ।

Injil 10: Ifisia 6:4

ꠔꠦ ꠔꠥꠝꠞꠣ ꠎꠦꠞꠣ ꠢꠥꠞꠥꠔ꠆ꠔꠣꠞ ꠛꠣꠚ ꠅꠁꠍ, ꠔꠥꠝꠞꠣꠅ ꠘꠤꠎꠞ ꠀꠅꠟꠣꠖꠞꠦ ꠍꠣꠔꠣꠁꠅ ꠘꠣ, ꠛꠞꠋ ꠝꠣꠟꠤꠇꠞ ꠔꠣꠟꠤꠝ ꠀꠞ ꠡ꠆ꠞꠤꠋꠈꠟꠣꠞ ꠝꠣꠎꠖꠤ ꠔꠣꠞꠣꠞꠦ ꠝꠣꠘꠥꠡ ꠛꠣꠘꠣꠅ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:6

ꠄꠞꠟꠣꠉꠤ ꠔꠥꠝꠞꠣ ꠈꠥꠛ ꠢꠥꠡꠤꠀꠞ ꠅꠁꠀ ꠁꠔꠣ ꠝꠣꠘꠤꠅ, ꠀꠞ ꠇꠣꠝꠅ ꠟꠣꠉꠣꠁꠅ। ꠔꠦꠃ ꠛꠣꠖ-ꠛꠣꠇꠤ ꠔꠣꠝꠣꠝ ꠎꠣꠔꠤꠞ ꠉꠦꠍꠦꠃ ꠁꠔꠣ ꠔꠥꠝꠞꠣꠞ ꠀꠈꠟ-ꠛꠥꠖ꠆ꠖꠤ ꠢꠤꠡꠣꠛꠦ ꠎꠣꠁꠞ ꠅꠁꠛ। ꠅꠃ ꠢꠥꠇꠥꠝ-ꠀꠢꠇꠣꠝꠞ ꠇꠕꠣ ꠢꠥꠘꠟꠦ ꠔꠣꠞꠣ ꠇꠁꠛꠣ, ꠢꠣꠍꠣꠃ ꠄꠞꠣ ꠈꠥꠛ ꠛꠠ ꠎꠣꠔꠤ ꠀꠞ ꠀꠈꠟ-ꠛꠥꠖ꠆ꠖꠤ ꠀꠟꠣ ꠎꠣꠔꠤ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:13

ꠀꠞ ꠀꠝꠤ ꠀꠁꠛꠣꠞ ꠀꠉ ꠙꠞ꠆ꠎꠘ꠆ꠔ ꠔꠥꠝꠤ ꠝꠥꠝꠤꠘ ꠅꠇꠟꠞꠦ ꠙꠣꠇ ꠇꠣꠟꠣꠝ ꠔꠤꠟꠣꠅꠔ ꠇꠞꠣ, ꠡꠥ-ꠙꠞꠣꠝꠤꠡ ꠖꠦꠅꠀ, ꠀꠞ ꠔꠣꠟꠤꠝ ꠖꠦꠅꠀꠔ ꠟꠣꠉꠣꠁꠟ ꠞꠁꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:1

ꠀꠝꠤ ꠙꠣꠃꠟꠥꠍ ꠔ ꠀꠟ꠆ꠟꠣ ꠙꠣꠇꠞ ꠝꠞ꠆ꠎꠤꠄ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠍꠣꠢꠣꠛꠤ। ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠀꠟ꠆ꠟꠣꠞ ꠅꠀꠖꠣ ꠇꠞꠣ ꠀꠈꠦꠞꠤ ꠎꠤꠘ꠆ꠖꠦꠉꠤꠞ ꠇꠕꠣ ꠔꠛꠟꠤꠉꠞ ꠟꠣꠉꠤ ꠍꠣꠢꠣꠛꠤ ꠙꠖ ꠙꠣꠁꠍꠤ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:5

ꠀꠝꠣꠞ ꠝꠘꠅ ꠀꠍꠦ, ꠔꠥꠝꠣꠞ ꠖꠤꠟꠈꠣꠘ ꠢꠇ ꠁꠝꠣꠘꠦ ꠜꠞꠣ, ꠔꠥꠝꠣꠞ ꠘꠣꠘꠤ ꠟꠥꠁꠍ ꠀꠞ ꠔꠥꠝꠣꠞ ꠀꠝ꠆ꠝꠣ ꠃꠘꠤꠇꠤꠞ ꠜꠤꠔꠞꠦꠅ ꠅꠟꠣ ꠢꠇ ꠁꠝꠣꠘ ꠀꠍꠤꠟ। ꠀꠝꠤ ꠘꠤꠌ꠆ꠌꠤꠔ ꠎꠣꠘꠤ, ꠔꠥꠝꠣꠞ ꠜꠤꠔꠞꠦꠅ ꠅꠟꠣ ꠁꠝꠣꠘ ꠀꠍꠦ।

ꠁꠘ꠆ꠎꠤꠟ ২২: ২-ꠙꠤꠔꠞ 3:16

ꠔꠣꠘ ꠢꠇ꠆ꠇꠟ ꠌꠤꠑꠤꠔꠃ ꠅꠃ ꠛꠦꠙꠣꠞꠦ ꠟꠦꠈꠂꠘ। ꠄꠞ ꠝꠣꠎꠦ ꠇꠤꠍꠥ ꠛꠦꠙꠣꠞ ꠀꠍꠦ ꠎꠦꠔꠣ ꠛꠥꠎꠣ ꠇꠑꠤꠘ, ꠈꠣꠟꠤ ꠛꠦꠀꠈꠟ ꠀꠞ ꠛꠦꠖꠤꠡꠣ ꠎꠘꠦ ꠅꠁꠘ꠆ꠘꠣꠁꠘ꠆ꠘ ꠇꠤꠔꠣꠛꠞ ꠟꠣꠈꠣꠘ ꠁꠔꠣꠞ ꠝꠣꠘꠤꠅ ꠛꠖꠟꠣꠁꠀ, ꠘꠤꠎꠞ ꠡꠞ꠆ꠛꠘꠣꠡ ꠒꠣꠇꠤꠀ ꠀꠘꠦ।

Injil 27: Zaira Kalam 19:10

ꠔꠦꠃ ꠀꠝꠤ ꠅꠃ ꠚꠤꠞꠤꠡ꠆ꠔꠣꠞꠦ ꠍꠁꠎꠖꠣ ꠇꠞꠣꠞ ꠘꠤꠅꠔꠦ ꠔꠣꠘ ꠙꠣꠅ-ꠅ ꠙꠠꠟꠣꠝ, ꠅꠁꠟꠦ ꠔꠣꠁꠘ ꠀꠝꠣꠞꠦ ꠇꠁꠟꠣ, “ꠢꠣꠄ, ꠢꠣꠄ! ꠁꠔꠣ ꠇꠤꠔꠣ ꠇꠞꠞꠣꠄ, ꠀꠝꠤꠅ ꠔ ꠔꠥꠝꠣꠞ ꠟꠣꠈꠣꠘ ꠉꠥꠟꠣꠝ, ꠀꠞ ꠔꠥꠝꠣꠞ ꠎꠦ ꠝꠥꠝꠤꠘ ꠜꠣꠁ ꠅꠇꠟꠦ ꠢꠎꠞꠔ ꠁꠍꠣꠞ ꠙꠇ꠆ꠇꠦ ꠎꠛꠣꠘꠛꠘ꠆ꠖꠤ ꠖꠦꠅꠀꠔ ꠞꠄ, ꠀꠝꠤ ꠔꠣꠞꠣꠞ ꠟꠣꠈꠣꠘꠅ ꠉꠥꠟꠣꠝ। ꠔꠦ ꠈꠣꠟꠤ ꠀꠟ꠆ꠟꠣꠞꠦ ꠍꠁꠎꠖꠣ ꠇꠞꠅ। ꠅꠃ ꠁꠍꠣꠞ ꠎꠛꠣꠘꠛꠘ꠆ꠖꠤꠃ ꠅꠁꠟ, ꠘꠛꠤ-ꠞꠍꠥꠟ ꠅꠇꠟꠞ ꠎꠛꠣꠘꠛꠘ꠆ꠖꠤꠞ ꠝꠥꠟ ꠈꠥꠐꠤ।”