ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:13 - Siloṭi Asmani Kitab (Nagri lipi)

¹³ ꠅꠁꠟꠦ ꠜꠘ꠆ꠒ ꠀꠞ ꠈꠛꠤꠍ ꠅꠇꠟ ꠖꠤꠘ ꠖꠤꠘ ꠀꠞꠅ ꠈꠣꠞꠣꠙ ꠅꠁꠛ। ꠔꠣꠞꠣ ꠘꠤꠎꠦꠅ ꠛꠦ-ꠙꠕꠦ ꠌꠟꠛ, ꠀꠞ ꠀꠞꠇ ꠎꠘꠞꠦꠅ ꠛꠦ-ꠙꠕꠤ ꠛꠣꠘꠣꠁꠛ।

ছিলটি আছমানি কিতাব (বাংলা লিপি)

¹³ অইলে ভন্ড আর খবিছ অকল দিন দিন আরো খারাপ অইবো। তারা নিজেও বে-পথে চলবো, আর আরক জনরেও বে-পথি বানাইবো।

Siloṭi Asmani Kitab (Latin lipi)

¹³ Oile bonḍo ar ḳobis oḳol din din aro ḳaraf oibo. Tara nize-o be-fote solbo, ar aroḳzonre-o be-foti banaibo.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:13 Iomraidhean Croise

Injil 8: 2-Korintia 6:8

ꠝꠣꠘꠡꠦ ꠀꠝꠞꠣꠞꠦ ꠖꠣꠝ ꠖꠦꠃꠇ ꠛꠣ ꠘꠣ ꠖꠦꠃꠇ, ꠀꠝꠞꠣꠞ ꠡꠥꠘꠣꠝ ꠉꠣꠃꠇ ꠛꠣ ꠛꠖꠘꠣꠝ ꠉꠣꠃꠇ, ꠁꠔꠣꠄ ꠀꠝꠞꠣꠞ ꠎꠣꠄ ꠀꠄ ꠘꠣ। ꠝꠣꠘꠡꠦ ꠇꠁꠞꠣ, ꠀꠝꠞꠣ ꠛꠥꠟꠦ ꠐꠉ, ꠀꠍꠟꠦ ꠔ ꠀꠝꠞꠣ ꠢꠇ ꠙꠕꠦ ꠌꠟꠤ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:1

ꠅ ꠔꠤꠝꠕꠤ, ꠀꠟ꠆ꠟꠣꠁ ꠙꠣꠇ ꠞꠥꠢꠦ ꠙꠞꠤꠡ꠆ꠇꠣꠞ ꠇꠞꠤ ꠇꠁꠞꠣ, ꠀꠈꠦꠞꠤ ꠎꠝꠣꠘꠣꠔ ꠇꠤꠍꠥ ꠝꠣꠘꠥꠡ ꠁꠍꠣꠄꠁ ꠁꠝꠣꠘ ꠕꠣꠇꠤ ꠢꠞꠤꠎꠤꠛ, ꠔꠣꠞꠣ ꠘꠣ-ꠢꠇ ꠞꠥꠢꠥ ꠀꠞ ꠎꠤꠘ-ꠜꠥꠔꠞ ꠔꠣꠟꠤꠝꠞ ꠀꠡꠤꠇ ꠅꠁꠛ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:8

ꠝꠤꠡꠞꠞ ꠚꠦꠞꠣꠃꠘꠞ ꠎꠣꠖꠥꠉꠤꠞ-ꠉꠥꠘꠤꠘ ꠎꠣꠘ꠆ꠘꠤ ꠀꠞ ꠎꠣꠝ꠆ꠛꠞꠤꠄ ꠎꠦꠟꠣ ꠝꠥꠍꠣ ꠘꠛꠤꠞ ꠛꠤꠞꠥꠗꠤꠔꠣ ꠇꠞꠍꠤꠟꠣ, ꠑꠤꠇ ꠅꠃ ꠟꠣꠈꠣꠘ ꠅꠉꠥꠁꠘ꠆ꠔꠦꠅ ꠀꠟ꠆ꠟꠣꠁ ꠢꠇꠞ ꠛꠤꠞꠥꠗꠤꠔꠣ ꠇꠞꠦ। ꠁꠔꠣꠞ ꠛꠤꠛꠦꠇ ꠙꠌꠤ ꠉꠦꠍꠦ, ꠔꠣꠞꠣꠞ ꠜꠤꠔꠞꠦ ꠁꠝꠣꠘꠞ ꠜꠣꠟꠣꠁ ꠘꠣꠁ।

Injil 17: Titas 3:3

ꠀꠝꠞꠣꠅ ꠀꠉꠦ ꠛꠦꠀꠈꠟ ꠀꠞ ꠘꠣꠚꠞꠝꠣꠘ ꠀꠍꠟꠣꠝ, ꠛꠦ-ꠙꠕꠦ ꠌꠟꠔꠣꠝ, ꠖꠥꠘꠤꠀꠛꠤ ꠀꠞꠣꠝ-ꠀꠄꠄꠡ ꠀꠞ ꠘꠣꠘꠣꠘ ꠘꠝꠥꠘꠣꠞ ꠛꠖ ꠈꠣꠁꠡꠞ ꠉꠥꠟꠣꠝ ꠀꠍꠟꠣꠝ। ꠅꠁꠘ꠆ꠘ ꠝꠣꠘꠡꠞꠦ ꠁꠋꠡꠣ ꠇꠞꠔꠣꠝ, ꠔꠣꠞꠣꠞ ꠈꠦꠔꠤ ꠇꠞꠣꠞ ꠗꠣꠘ꠆ꠖꠣꠄ ꠖꠤꠘ ꠇꠣꠐꠣꠁꠔꠣꠝ। ꠀꠞ ꠘꠤꠎꠦ ꠊꠤꠘ꠆ꠘꠣꠞ ꠎꠁꠉ꠆ꠉ ꠅꠁꠟꠦꠅ ꠄꠇꠦ-ꠅꠁꠘ꠆ꠘꠞꠦ ꠊꠤꠘ꠆ꠘꠣꠁꠔꠣꠝ।

ꠁꠘ꠆ꠎꠤꠟ ২২: ২-ꠙꠤꠔꠞ 2:20

ꠔꠦ ꠀꠝꠞꠣꠞ ꠝꠣꠟꠤꠇ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞꠦ ꠌꠤꠘꠤꠀ ꠢꠣꠞꠤ ꠎꠉꠔꠞ ꠈꠣꠞꠣꠙꠤ ꠕꠣꠇꠤ ꠢꠞꠤꠀ ꠀꠁꠀꠅ, ꠇꠦꠃ ꠎꠥꠖꠤ ꠢꠤꠞꠛꠣꠞ ꠉꠤꠀ ꠅꠃ ꠈꠣꠞꠣꠙꠤꠞ ꠎꠣꠟꠅ ꠀꠐꠇꠣꠄ, ꠔꠦ ꠔꠣꠞꠣꠞ ꠙꠄꠟꠣ ꠖꠡꠣ ꠕꠣꠇꠤ ꠢꠦꠡ ꠖꠡꠣ ꠀꠞꠅ ꠝꠘ꠆ꠖ।

ꠁꠘ꠆ꠎꠤꠟ ২২: ২-ꠙꠤꠔꠞ 3:3

ꠈꠥꠛ ꠈꠤꠀꠟ ꠇꠞꠤ ꠛꠥꠎꠤꠅ, ꠀꠈꠦꠞꠤ ꠎꠝꠣꠘꠣꠔ ꠞꠋ-ꠔꠣꠝꠡꠣ ꠇꠞꠞꠣ ꠅꠇꠟꠦ ꠞꠋ-ꠔꠣꠝꠡꠣ ꠟꠁꠀ ꠀꠎꠤꠛꠣ, ꠔꠣꠞꠣ ꠎꠣꠞꠎꠤꠞ ꠈꠣꠁꠡꠦ ꠌꠟꠛꠣ।

Injil 27: Zaira Kalam 12:9

ꠢꠃ ꠖꠣꠘꠛꠞꠦ ꠀꠞ ꠔꠣꠞ ꠌꠦꠟꠣ-ꠌꠣꠝꠌꠣ ꠅꠇꠟꠞꠦ ꠖꠥꠘꠤꠀꠔ ꠚꠣꠟꠣꠁ ꠖꠦꠅꠀ ꠅꠁꠟ। ꠅꠃ ꠖꠣꠘꠛ ꠅꠁꠟ ꠢꠃ ꠙꠥꠞꠣꠘꠣ ꠢꠣꠚ, ꠎꠦꠉꠥꠞ ꠘꠣꠝ ꠁꠛꠟꠤꠍ-ꠡꠄꠔꠣꠘ, ꠢꠦ ꠖꠥꠘꠤꠀꠞ ꠢꠇꠟ ꠝꠣꠘꠡꠞꠦ ꠛꠦ-ꠙꠕꠤ ꠛꠣꠘꠣꠄ।

Injil 27: Zaira Kalam 13:14

ꠢꠃ ꠙꠄꠟꠣ ꠎꠣꠘꠥꠀꠞꠞ ꠟꠣꠉꠤ ꠎꠔ ꠟꠣꠈꠣꠘ ꠇꠦꠞꠣꠝꠔꠤ ꠖꠦꠈꠣꠘꠤꠞ ꠈꠦꠝꠔꠣ ꠔꠣꠞꠦ ꠖꠦꠅꠀ ꠅꠁꠍꠤꠟ, ꠅꠔꠣ ꠖꠦꠈꠣꠁꠀ ꠢꠦ ꠝꠣꠘꠡꠞꠦ ꠛꠦ-ꠙꠕꠤ ꠛꠣꠘꠣꠁꠟ। ꠙꠄꠟꠣ ꠎꠦ ꠎꠣꠘꠥꠀꠞ ꠔꠟꠥꠀꠞꠞ ꠍꠦꠖ ꠈꠣꠁꠀꠅ ꠛꠣꠌꠤ ꠉꠦꠍꠤꠟ, ꠔꠣꠞ ꠄꠇꠐꠣ ꠝꠥꠞ꠆ꠔꠤ ꠛꠣꠘꠣꠘꠤꠞ ꠟꠣꠉꠤ ꠖꠥꠍꠞꠣ ꠎꠣꠘꠥꠀꠞꠦ ꠝꠣꠘꠡꠞꠦ ꠙꠞꠣꠝꠤꠡ ꠖꠤꠟ।

Injil 27: Zaira Kalam 18:23

ꠔꠥꠝꠣꠞ ꠝꠣꠎꠦ ꠇꠥꠘꠥꠖꠤꠘ ꠇꠥꠘꠥ ꠛꠣꠔ꠆ꠔꠤꠞ ꠚꠞ ꠎꠟꠔ ꠘꠣꠄ। ꠖꠣꠝꠣꠘ꠆ꠖ-ꠇꠁꠘꠣꠞ ꠉꠟꠣꠞ ꠀꠅꠀꠎ ꠀꠞ ꠇꠥꠘꠥꠖꠤꠘ ꠔꠥꠝꠣꠞ ꠝꠣꠎꠦ ꠢꠥꠘꠣ ꠎꠣꠁꠔ ꠘꠣꠄ। ꠇꠣꠞꠘ ꠀꠡ꠆ꠔꠣ ꠎꠉꠔꠞ ꠝꠣꠎꠦ ꠔꠥꠝꠣꠞ ꠡꠖꠣꠉꠞ ꠅꠇꠟ ꠘꠣꠝꠇꠞꠣ ꠀꠍꠤꠟ, ꠎꠉꠔꠞ ꠢꠇꠟ ꠎꠣꠔꠤ ꠔꠥꠝꠣꠞ ꠍꠟ-ꠌꠔꠥꠞꠤꠞ ꠎꠣꠖꠥꠄ ꠙꠣꠉꠟ ꠅꠁꠎꠤꠔ।