ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:12 - Siloṭi Asmani Kitab (Nagri lipi)

¹² ꠀꠍꠟꠦ ꠀꠟ꠆ꠟꠣꠞ ꠒꠞ-ꠈꠚ ꠜꠤꠔꠞꠦ ꠞꠣꠈꠤꠀ, ꠁꠍꠣꠄꠁ ꠁꠝꠣꠘꠖꠣꠞ ꠛꠘꠤꠀ ꠎꠦꠞꠣ ꠎꠤꠘ꠆ꠖꠦꠉꠤ ꠇꠣꠐꠣꠁꠔ ꠌꠣꠄ, ꠔꠣꠞꠣ ꠔ ꠎꠥꠟꠥꠝ-ꠝꠍꠤꠛꠔꠅ ꠙꠠꠛꠃ।

ছিলটি আছমানি কিতাব (বাংলা লিপি)

¹² আসলে আল্লার ডর-খফ ভিতরে রাখিয়া, ইছায়ী ইমানদার বনিয়া যেরা জিন্দেগি কাটাইতো চায়, তারা তো জুলুম-মছিবতো পড়বোউ।

Siloṭi Asmani Kitab (Latin lipi)

¹² Ashole Allar ḍor-ḳof bitre rakia, Isayi imandar bonia zera zindegi kaṭaito sae, tara to zulum-mosiboto foṛbo-u.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:12 Iomraidhean Croise

ꠁꠘ꠆ꠎꠤꠟ ১: ꠝꠕꠤ 16:24

ꠛꠣꠖꠦ ꠔꠣꠁꠘ ꠄꠞꠣꠞꠦ ꠇꠁꠟꠣ, “ꠇꠦꠃ ꠎꠥꠖꠤ ꠀꠝꠣꠞ ꠔꠞꠤꠇꠣꠔ ꠀꠁꠔ ꠌꠣꠄ, ꠔꠦ ꠢꠦ ꠔꠣꠞ ꠘꠤꠎꠞ ꠈꠥꠡꠤꠄ ꠌꠟꠣ ꠛꠣꠖ ꠖꠦꠃꠇ, ꠔꠣꠞ ꠀꠙꠘ ꠖꠥꠈ-ꠇꠡ꠆ꠐꠞ ꠍꠟꠤꠛ ꠛꠁꠀ ꠟꠁꠀ ꠀꠝꠣꠞ ꠈꠞꠦ ꠀꠃꠇ।

ꠁꠘ꠆ꠎꠤꠟ ১: ꠝꠕꠤ 23:34

ꠄꠞꠟꠣꠉꠤ ꠀꠝꠤ ꠔꠥꠝꠞꠣꠞ ꠉꠦꠍꠦ ꠘꠛꠤ-ꠞꠍꠥꠟ, ꠀꠞ ꠀꠟꠤꠝ-ꠃꠟꠣꠝꠣ ꠙꠣꠑꠣꠁꠀꠞ। ꠄꠞꠣꠞ ꠝꠣꠎꠞ ꠇꠄꠎꠘꠞꠦ ꠔꠥꠝꠞꠣ ꠎꠣꠘꠦ ꠝꠣꠞꠤꠟꠤꠛꠣꠄ, ꠇꠄꠎꠘꠞꠦ ꠖꠥꠈ-ꠇꠡ꠆ꠐꠞ ꠍꠟꠤꠛꠅ ꠟꠐꠇꠣꠁꠀ ꠝꠣꠞꠛꠣꠄ। ꠀꠞ ꠇꠄꠎꠘꠞꠦ ꠔꠥꠝꠞꠣꠞ ꠝꠍꠤꠖꠅ ꠢꠣꠞꠣꠁꠀ ꠌꠣꠛꠥꠇ ꠝꠣꠞꠤꠀ, ꠄꠇ ꠉꠣꠃ ꠕꠣꠇꠤ ꠀꠞꠇ ꠉꠣꠃꠔ ꠈꠦꠖꠣꠁꠀ ꠘꠤꠛꠣꠄ।

Injil 2: Markus 10:30

ꠢꠦ ꠅꠃ ꠖꠥꠘꠤꠀꠔ ꠁꠔꠣꠞ ꠄꠇ-ꠡ ꠉꠥꠘ ꠛꠦꠡꠤ ꠛꠣꠠꠤ-ꠊꠞ, ꠝꠣ-ꠛꠣꠚ, ꠜꠣꠁ-ꠛꠁꠘ, ꠙꠥꠀ-ꠙꠥꠠꠤ, ꠎꠝꠤ-ꠝꠤꠞꠣꠡ ꠙꠣꠁꠛ। ꠁꠔꠣꠞ ꠟꠉꠦ ꠢꠦ ꠎꠥꠟꠥꠝ-ꠔꠇꠟꠤꠚꠅ ꠙꠣꠁꠛ। ꠛꠣꠖꠞ ꠎꠤꠘ꠆ꠖꠦꠉꠤꠔ ꠢꠦ ꠀꠈꠦꠞꠅ ꠙꠣꠁꠛ।

Injil 4: Hannan 16:2

ꠝꠣꠘꠡꠦ ꠔꠥꠝꠞꠣꠞꠦ ꠡꠝꠣꠎ ꠕꠣꠇꠤ ꠛꠣꠞ ꠇꠞꠤ ꠖꠤꠛꠣ। ꠅꠟꠣ ꠡꠝꠄ ꠀꠁꠛ, ꠎꠣꠞꠣ ꠔꠥꠝꠞꠣꠞꠦ ꠈꠥꠘ ꠇꠞꠛ, ꠔꠣꠞꠣ ꠝꠘꠅ ꠇꠞꠛ ꠁꠔꠣ ꠀꠟ꠆ꠟꠣꠞ ꠄꠛꠣꠖꠔ ꠇꠞꠦꠞ।

Injil 4: Hannan 16:33

ꠀꠝꠤ ꠔꠥꠝꠞꠣꠞꠦ ꠁꠔꠣ ꠇꠁꠟꠣꠝ, ꠎꠣꠔꠦ ꠔꠥꠝꠞꠣ ꠀꠝꠣꠞ ꠟꠉꠦ ꠝꠤꠡꠤꠀ ꠀꠍ ꠉꠔꠤꠇꠦ ꠝꠘꠅ ꠡꠣꠘ꠆ꠔꠤ ꠙꠣꠅ। ꠁ ꠖꠥꠘꠤꠀꠔ ꠔꠥꠝꠞꠣ ꠖꠥꠈ-ꠝꠍꠤꠛꠔꠅ ꠀꠍ, ꠔꠣ-ꠅ ꠝꠘꠅꠛꠟ ꠞꠣꠈꠤꠅ, ꠀꠝꠤꠃ ꠖꠥꠘꠤꠀꠞꠦ ꠎꠄ ꠇꠞꠍꠤ।”

Injil 4: Hannan 17:14

ꠔꠥꠝꠤ ꠀꠝꠣꠞꠦ ꠎꠦꠔꠣ ꠎꠣꠘꠣꠁꠍ, ꠀꠝꠤꠅ ꠔꠣꠞꠣꠞꠦ ꠅꠔꠣ ꠎꠣꠘꠣꠁꠍꠤ। ꠀꠝꠤ ꠎꠦꠟꠣ ꠁ ꠖꠥꠘꠤꠀꠞ ꠘꠣꠄ, ꠔꠣꠞꠣꠅ ꠅꠟꠣ ꠁ ꠖꠥꠘꠤꠀꠞ ꠘꠣꠄ, ꠄꠞꠟꠣꠉꠤ ꠖꠥꠘꠤꠀꠞ ꠝꠣꠘꠡꠦ ꠔꠣꠞꠣꠞꠦ ꠊꠤꠘ꠆ꠘꠣꠁꠍꠦ।

Injil 5: Sahabi Nama 14:22

ꠢꠘꠅ ꠉꠤꠀ ꠔꠣꠞꠣ ꠝꠥꠝꠤꠘ ꠅꠇꠟꠞ ꠁꠝꠣꠘꠤ ꠛꠟ ꠛꠣꠠꠣꠁꠀ ꠔꠣꠞꠣꠞꠦ ꠁꠝꠣꠘꠦ ꠝꠎꠛꠥꠔ ꠞꠅꠀꠞ ꠟꠣꠉꠤ ꠔꠣꠉꠤꠖ ꠖꠤꠟꠣ, ꠔꠣꠞꠣ ꠇꠁꠟꠣ, ꠛꠃꠔ ꠖꠥꠈ-ꠔꠇꠟꠤꠚꠞ ꠙꠕ ꠙꠣꠞ ꠅꠁꠀ ꠀꠝꠞꠣ ꠀꠟ꠆ꠟꠣꠞ ꠛꠣꠖꠡꠣꠁꠔ ꠢꠣꠝꠣꠘꠤ ꠟꠣꠉꠛ।

Injil 7: 1-Korintia 15:19

ꠀꠟ-ꠝꠍꠤꠞ ꠃꠙꠞꠦ ꠀꠝꠞꠣꠞ ꠎꠦ ꠀꠡꠣ, ꠁ ꠀꠡꠣ ꠎꠥꠖꠤ ꠈꠣꠟꠤ ꠅꠃ ꠖꠥꠘꠤꠀꠛꠤ ꠎꠤꠘ꠆ꠖꠦꠉꠤꠞ ꠟꠣꠉꠤ ꠅꠄ, ꠔꠦ ꠔ ꠢꠇꠟ ꠕꠣꠇꠤ ꠀꠝꠞꠣꠞꠃ ꠛꠦꠡꠤ ꠛꠖ ꠘꠍꠤꠛ।

Injil 8: 2-Korintia 1:12

ꠀꠝꠞꠣ ꠎꠦꠔꠣ ꠟꠁꠀ ꠉꠃꠞꠛ ꠇꠞꠤꠀꠞ, ꠀꠝꠞꠣꠞ ꠛꠤꠛꠦꠇꠦꠅ ꠅꠟꠣ ꠇꠄ, ꠀꠟ꠆ꠟꠣꠞ ꠖꠦꠅꠀ ꠙꠛꠤꠔ꠆ꠞ ꠀꠞ ꠡꠞꠟ ꠝꠘ ꠟꠁꠀ ꠢꠇꠟ ꠝꠣꠘꠡꠞ ꠝꠣꠎꠦ ꠎꠤꠘ꠆ꠖꠦꠉꠤ ꠇꠣꠐꠣꠁꠍꠤ, ꠈꠣꠍ ꠇꠞꠤ ꠔꠥꠝꠞꠣꠞ ꠝꠣꠎꠦꠃ ꠇꠣꠐꠣꠁꠍꠤ। ꠁ ꠎꠤꠘ꠆ꠖꠦꠉꠤ ꠀꠝꠞꠣ ꠖꠥꠘꠤꠀꠛꠤ ꠀꠈꠟ-ꠢꠦꠇꠝꠔꠦ ꠘꠣꠄ, ꠈꠣꠟꠤ ꠀꠟ꠆ꠟꠣꠞ ꠞꠢꠝꠔꠞ ꠛꠟꠦ ꠇꠣꠐꠣꠁꠍꠤ।

Injil 8: 2-Korintia 4:9

ꠀꠝꠞꠣꠞ ꠃꠙꠞꠦ ꠎꠥꠟꠥꠝ ꠇꠞꠣ ꠅꠁꠟꠦꠅ ꠀꠟ꠆ꠟꠣꠄ ꠔ ꠀꠝꠞꠣꠞ ꠟꠉ ꠍꠣꠠꠍꠂꠘ ꠘꠣ। ꠝꠣꠐꠤꠔ ꠚꠣꠟꠣꠁꠀ ꠀꠍꠣꠠꠟꠦꠅ ꠀꠝꠞꠣ ꠛꠤꠘꠣꠡ ꠅꠁꠍꠤ ꠘꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:2

ꠅꠟꠣꠈꠣꠘ ꠞꠣꠎꠣ-ꠛꠣꠖꠡꠣ ꠅꠇꠟ ꠀꠞ ꠃꠌꠣ ꠙꠖꠞ ꠢꠇꠟ ꠅꠚꠤꠡꠣꠞꠞ ꠟꠣꠉꠤ ꠝꠥꠘꠣꠎꠣꠔ ꠇꠞꠣ ꠎꠞꠥꠞ, ꠎꠣꠔꠦ ꠀꠝꠞꠣ ꠀꠟ꠆ꠟꠣꠞ ꠒꠞ-ꠈꠚ ꠝꠘꠅ ꠞꠣꠈꠤꠀ, ꠢꠇ-ꠢꠣꠟꠣꠟ ꠙꠕꠦ ꠞꠁꠀ, ꠘꠤꠞꠣꠙꠖꠦ ꠡꠣꠘ꠆ꠔꠤꠄ ꠎꠤꠘ꠆ꠖꠦꠉꠤ ꠇꠣꠐꠣꠁꠔꠣꠝ ꠙꠣꠞꠤ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:16

ꠁꠍꠣꠄꠁ ꠁꠝꠣꠘꠞ ꠝꠣꠞꠤꠚꠔꠤ ꠇꠔ ꠝꠢꠣꠘ, ꠁꠔꠣ ꠔ ꠅꠡ꠆ꠛꠤꠇꠣꠞ ꠇꠞꠣ ꠎꠣꠄ ꠘꠣ। ꠅꠃ ꠝꠣꠞꠤꠚꠔꠤ ꠅꠃꠟꠣ ꠎꠣꠁꠞ ꠅꠁꠟ, ꠔꠣꠁꠘ ꠝꠣꠘꠥꠡ ꠍꠥꠞꠔꠦ ꠎꠣꠁꠞ ꠅꠁꠟꠣ, ꠙꠣꠇ ꠞꠥꠢꠦ ꠙꠞꠝꠣꠘ ꠅꠁꠟꠣ ꠛꠦ-ꠇꠍꠥꠞ, ꠚꠤꠞꠤꠡ꠆ꠔꠣ ꠅꠇꠟꠦ ꠔꠣꠘ ꠖꠞꠡꠘ ꠙꠣꠁꠟꠣ। ꠔꠣꠘ ꠛꠦꠙꠣꠞꠦ ꠢꠇ꠆ꠇꠟ ꠎꠣꠔꠤꠞ ꠉꠦꠍꠦ ꠔꠛꠟꠤꠉ ꠇꠞꠣ ꠅꠁꠟ, ꠀꠡ꠆ꠔꠣ ꠖꠥꠘꠤꠀꠞ ꠝꠣꠘꠡꠦ ꠔꠣꠘ ꠃꠙꠞꠦ ꠁꠝꠣꠘ ꠀꠘꠟꠣ, ꠉꠃꠞꠛ-ꠝꠢꠤꠝꠣꠄ ꠔꠣꠘꠞꠦ ꠃꠙꠞꠦ ꠔꠥꠟꠤ ꠘꠦꠅꠀ ꠅꠁꠟ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:3

ꠇꠦꠃ ꠎꠥꠖꠤ ꠁꠔꠣ ꠛꠣꠖ ꠖꠤꠀ ꠖꠥꠍꠞꠣ ꠇꠥꠘꠥ ꠔꠣꠟꠤꠝ ꠖꠦꠄ, ꠀꠞ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠈꠣꠐꠤ ꠔꠣꠟꠤꠝ ꠀꠞ ꠀꠟ꠆ꠟꠣꠞ ꠒꠞ-ꠈꠚꠞ ꠔꠣꠟꠤꠝꠞꠦ ꠘꠣ ꠝꠣꠘꠦ,

Injil 17: Titas 1:1

ꠀꠝꠤ ꠙꠣꠃꠟꠥꠍ ꠔ ꠀꠟ꠆ꠟꠣ ꠙꠣꠇꠞ ꠉꠥꠟꠣꠝ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠄꠇꠎꠘ ꠍꠣꠢꠣꠛꠤ। ꠀꠝꠣꠞ ꠖꠣꠄꠁꠔ꠆ꠔ ꠅꠁꠟ, ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣ ꠅꠇꠟꠞꠦ ꠁꠝꠣꠘꠞ ꠙꠕꠦ ꠀꠘꠣ, ꠀꠞ ꠀꠟ꠆ꠟꠣꠞꠦ ꠝꠣꠘꠤꠀ ꠌꠟꠣꠞ ꠝꠣꠎꠦ ꠎꠦ ꠢꠇꠤꠇꠔ ꠀꠍꠦ, ꠅꠃ ꠢꠇꠤꠇꠔꠞꠦ ꠌꠤꠘꠣꠁ ꠖꠦꠅꠀ।

Injil 17: Titas 2:12

ꠅꠃ ꠞꠢꠝꠔꠦꠃ ꠀꠝꠞꠣꠞꠦ ꠔꠣꠟꠤꠝ ꠖꠤꠞꠣ, ꠎꠣꠔꠦ ꠀꠝꠞꠣ ꠛꠦ-ꠖꠤꠘꠤ ꠇꠣꠝ-ꠇꠣꠎ ꠕꠣꠇꠤ ꠀꠞ ꠖꠥꠘꠤꠀꠞ ꠢꠇꠟ ꠛꠖ ꠈꠣꠁꠡ ꠕꠣꠇꠤ ꠖꠥꠞꠁ ꠞꠁꠀ, ꠁ ꠎꠉꠔꠅ ꠘꠤꠎꠞꠦ ꠡꠣꠝꠟꠣꠁꠀ ꠞꠣꠈꠤ, ꠀꠞ ꠘꠦꠇ ꠙꠕꠦ ꠞꠁꠀ ꠙꠞꠦꠎꠉꠣꠞ ꠎꠤꠘ꠆ꠖꠦꠉꠤ ꠇꠣꠐꠣꠁ।

ꠁꠘ꠆ꠎꠤꠟ ২১: ১-ꠙꠤꠔꠞ 3:14

ꠙꠞꠦꠎꠉꠣꠞꠤꠞ ꠙꠕꠦ ꠌꠟꠣꠞ ꠟꠣꠉꠤ ꠎꠥꠖꠤꠅ ꠔꠥꠝꠞꠣꠞ ꠇꠡ꠆ꠐ ꠅꠄ, ꠔꠣ-ꠅ ꠔꠥꠝꠞꠣ ꠝꠥꠛꠣꠞꠇ। ꠀꠞ ꠔꠥꠝꠞꠣꠞꠦ ꠎꠦꠔꠣꠄ ꠒꠞ ꠖꠦꠈꠣꠁꠘ ꠁꠔꠣꠞꠦ ꠒꠞꠣꠁꠅ ꠘꠣ, ꠅꠡ꠆ꠕꠤꠞ ꠅꠁꠅ ꠘꠣ,

ꠁꠘ꠆ꠎꠤꠟ ২২: ২-ꠙꠤꠔꠞ 3:11

ꠅꠟꠣꠈꠣꠘ ꠢꠇ꠆ꠇꠟꠔꠣ ꠛꠤꠘꠣꠡ ꠅꠁꠛ ꠎꠣꠘꠤꠀ, ꠔꠥꠝꠞꠣ ꠇꠤꠟꠣꠈꠣꠘ ꠞꠅꠀ ꠎꠞꠥꠞ? ꠔꠥꠝꠞꠣ ꠙꠣꠇ-ꠙꠛꠤꠔ꠆ꠞ ꠞꠁꠀ ꠙꠞꠦꠎꠉꠣꠞ ꠎꠤꠘ꠆ꠖꠦꠉꠤ ꠇꠣꠐꠣꠁꠀ,

Injil 27: Zaira Kalam 12:4

ꠔꠣꠞ ꠟꠦꠁꠘ꠆ꠎꠥꠠꠖꠤ ꠛꠣꠠꠤꠀꠁꠀ ꠀꠍꠝꠣꠘꠞ ꠔꠤꠘ ꠛꠣꠐꠞ ꠄꠇ ꠛꠣꠐ ꠔꠦꠞꠣꠞꠦ ꠖꠥꠘꠤꠀꠔ ꠚꠣꠟꠣꠁ ꠖꠤꠟ। ꠀꠞ ꠎꠦ ꠛꠦꠐꠤꠞ ꠊꠞꠅ ꠢꠥꠞꠥꠔ꠆ꠔꠣ ꠅꠁꠔꠣ, ꠅꠃ ꠖꠣꠘꠛ ꠀꠁꠀ ꠛꠦꠐꠤꠞ ꠍꠣꠝꠘꠦ ꠅꠃ ꠘꠝꠥꠘꠣꠄ ꠃꠛꠣꠔ ꠀꠍꠤꠟ ꠎꠦꠘ, ꠛꠦꠐꠤꠞ ꠊꠞꠅ ꠢꠥꠞꠥꠔ꠆ꠔꠣ ꠅꠁꠔꠦꠃ ꠢꠦ ꠈꠣꠁꠟꠤꠔ।

Injil 27: Zaira Kalam 7:14

ꠀꠝꠤ ꠔꠣꠘꠞꠦ ꠇꠁꠟꠣꠝ, “ꠅ ꠝꠣꠟꠤꠇ, ꠁꠔꠣ ꠔ ꠀꠙꠘꠦꠃ ꠎꠣꠘꠂꠘ।” ꠔꠦꠃ ꠔꠣꠁꠘ ꠇꠁꠟꠣ, “ꠄꠞꠣ ꠅꠁꠟꠣ ꠢꠃ ꠎꠘ ꠅꠇꠟ, ꠎꠦꠞꠣ ꠢꠃ ꠝꠢꠣ ꠝꠍꠤꠛꠔꠞ ꠝꠣꠎ ꠕꠣꠇꠤ ꠀꠁꠍꠦ। ꠔꠣꠞꠣꠞ ꠟꠦꠛꠣꠍꠞꠦ ꠝꠦꠠꠣ-ꠛꠣꠁꠌ꠆ꠌꠣꠞ ꠟꠃꠖꠤ ꠗꠁꠀ ꠗꠟꠣ ꠛꠣꠘꠣꠁꠍꠦ।