ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:10 - Siloṭi Asmani Kitab (Nagri lipi)

¹⁰ ꠅ ꠔꠤꠝꠕꠤ, ꠔꠥꠝꠤ ꠀꠝꠣꠞ ꠔꠣꠟꠤꠝ, ꠀꠝꠣꠞ ꠌꠣꠟ-ꠌꠟꠘ, ꠀꠝꠣꠞ ꠃꠖ꠆ꠖꠦꠡ꠆ꠡ, ꠁꠝꠣꠘ, ꠍꠛꠞꠉꠣꠞꠤ, ꠝꠢꠛ꠆ꠛꠔ, ꠀꠞ ꠀꠝꠣꠞ ꠗꠂꠎ꠆ꠎꠞ ꠇꠕꠣ ꠙꠥꠞꠣꠙꠥꠞ ꠈꠤꠀꠟ ꠇꠞꠍ।

ছিলটি আছমানি কিতাব (বাংলা লিপি)

¹⁰ ও তিমথি, তুমি আমার তালিম, আমার চাল-চলন, আমার উদ্দেশ্য, ইমান, ছবরগারি, মহব্বত, আর আমার ধৈর্যর কথা পুরাপুর খিয়াল করছো।

Siloṭi Asmani Kitab (Latin lipi)

¹⁰ O Timoti, tumi amar talim, amar sal-cholon, amar uddesho, iman, soborgari, mohobbot, ar amar doijjor ḳota furafur kial ḳorso.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:10 Iomraidhean Croise

Injil 3: Luk 1:3

ꠄꠞꠟꠣꠉꠤ ꠅꠈꠘ ꠀꠝꠤꠅ ꠀꠖꠤ-ꠅꠘ꠆ꠔ ꠢꠇ꠆ꠇꠟꠔꠣ ꠔꠣꠟ꠆ꠟꠣꠡ ꠇꠞꠤꠀ, ꠄꠇ ꠄꠇ ꠇꠞꠤ ꠟꠦꠈꠤꠀ ꠀꠙꠘꠣꠞꠦ ꠎꠣꠘꠣꠘꠤ ꠈꠣꠘ ꠜꠣꠟꠣ ꠝꠘꠅ ꠇꠞꠟꠣꠝ।

Injil 5: Sahabi Nama 11:23

ꠔꠣꠁꠘ ꠢꠘꠅ ꠙꠃꠍꠤꠀ ꠀꠘ꠆ꠔꠤꠅꠈꠤꠀꠔ ꠀꠟ꠆ꠟꠣꠞ ꠝꠦꠢꠦꠞꠛꠣꠘꠤ ꠖꠦꠈꠤꠀ ꠈꠥꠛ ꠈꠥꠡꠤ ꠅꠁꠟꠣ, ꠀꠞ ꠝꠣꠘꠡꠞꠦ ꠀꠡꠣ ꠖꠤꠔꠣ ꠕꠣꠇꠟꠣ, ꠎꠣꠔꠦ ꠔꠣꠞꠣ ꠖꠤꠟꠦ-ꠎꠣꠘꠦ ꠝꠣꠟꠤꠇꠞ ꠘꠣꠝꠦ ꠁꠝꠣꠘꠦ ꠝꠎꠛꠥꠔ ꠞꠂꠘ।

Injil 5: Sahabi Nama 2:42

ꠔꠣꠞꠣ ꠍꠣꠢꠣꠛꠤ ꠅꠇꠟꠞ ꠔꠣꠟꠤꠝ ꠢꠥꠘꠣ, ꠔꠣꠞꠣꠞ ꠟꠉꠦ ꠡꠞꠤꠇ ꠅꠁꠀ ꠀꠟ-ꠝꠍꠤꠞ ꠝꠦꠎꠛꠣꠘꠤ ꠈꠣꠅꠀ, ꠀꠞ ꠖꠥꠀ ꠇꠞꠣꠔ ꠢꠣꠝꠦꠡꠣ ꠇꠣꠁꠝ ꠞꠁꠔꠣ।

Injil 5: Sahabi Nama 20:18

ꠔꠣꠞꠣ ꠀꠁꠀ ꠙꠃꠍꠣꠞ ꠛꠣꠖꠦ ꠙꠣꠃꠟꠥꠍꠦ ꠇꠁꠟꠣ, “ꠀꠙꠘꠣꠞꠣ ꠔ ꠎꠣꠘꠂꠘ, ꠀꠍꠤꠀ ꠖꠦꠡꠅ ꠀꠁꠀ ꠢꠣꠞꠟꠦ ꠀꠝꠤ ꠙꠄꠟꠣ ꠖꠤꠘ ꠕꠣꠇꠤꠃ ꠇꠤꠟꠣ ꠀꠙꠘꠣꠁꠘ꠆ꠔꠞ ꠟꠉꠦ ꠡꠝꠄ ꠇꠣꠐꠣꠁꠍꠤ।

Injil 5: Sahabi Nama 26:4

“ꠢꠥꠞꠥꠝꠣꠘ ꠕꠘꠦꠃ ꠘꠤꠎꠞ ꠄꠟꠣꠇꠣꠔ ꠀꠝꠣꠞ ꠌꠣꠟ-ꠌꠟꠘ ꠇꠤꠟꠣ ꠀꠍꠤꠟ, ꠛꠣꠖꠦ ꠎꠦꠞꠥꠎꠣꠟꠦꠝꠅ ꠀꠁꠀ ꠇꠤꠟꠣꠈꠣꠘ ꠌꠟꠍꠤ, ꠁꠔꠣ ꠔ ꠔꠣꠝꠣꠝ ꠁꠢꠥꠖꠤ ꠅꠇꠟꠦ ꠎꠣꠘꠂꠘ।

Injil 6: Ruman 16:17

ꠅ ꠜꠣꠁ ꠅꠇꠟ, ꠔꠥꠝꠞꠣꠞꠦ ꠝꠤꠘꠔ ꠇꠞꠤ ꠇꠁꠞꠣꠝ, ꠀꠉꠦ ꠎꠦꠔꠣ ꠔꠣꠟꠤꠝ ꠙꠣꠁꠍ, ꠅꠃ ꠔꠣꠟꠤꠝꠞ ꠃꠟꠐꠣ ꠔꠣꠟꠤꠝ ꠖꠤꠀ ꠎꠦꠉꠥꠁꠘ꠆ꠔꠦ ꠖꠟꠣꠖꠟꠤ ꠀꠞ ꠛꠣꠗꠣ-ꠛꠤꠊꠘꠞ ꠎꠘꠝ ꠖꠦꠁꠘ, ꠅꠔꠣꠞ ꠛꠣꠄ ꠘꠎꠞ ꠞꠣꠈꠤꠅ, ꠔꠥꠝꠞꠣ ꠁꠔꠣꠞ ꠉꠦꠍ ꠕꠣꠇꠤ ꠢꠞꠤꠀ ꠞꠁꠅ।

Injil 8: 2-Korintia 1:17

ꠅꠁꠟꠦ ꠀꠝꠤ ꠘꠣ ꠀꠅꠀꠄ ꠔꠥꠝꠞꠣ ꠝꠘꠅ ꠇꠞꠞꠣꠄ ꠘꠤ, ꠀꠝꠤ ꠁꠔꠣ ꠓꠋ ꠇꠞꠍꠟꠣꠝ? ꠎꠉꠔꠞ ꠝꠣꠘꠡꠦ ꠎꠦꠟꠣ ꠄꠇꠛꠣꠞ ꠇꠄ “ꠅꠄ, ꠅꠄ” ꠀꠞꠇꠛꠣꠞ ꠇꠄ “ꠘꠣ, ꠘꠣ”, ꠀꠝꠤꠅ ꠅꠟꠣ ꠘꠤ?

Injil 10: Ifisia 4:14

ꠔꠦꠃ ꠀꠝꠞꠣ ꠀꠞ ꠢꠥꠞꠥꠔ꠆ꠔꠣꠞ ꠟꠣꠈꠣꠘ ꠞꠁꠔꠣꠝ ꠘꠣꠄ। ꠝꠣꠘꠡꠦ ꠡꠄꠔꠣꠘꠤ ꠀꠈꠟ ꠈꠣꠐꠣꠁꠀ ꠛꠦ-ꠙꠕꠦ ꠘꠤꠛꠣꠞ ꠟꠣꠉꠤ ꠝꠣꠘꠡꠞꠦ ꠎꠦ ꠜꠥꠟ ꠔꠣꠟꠤꠝ ꠖꠦꠄ, ꠅꠃ ꠜꠥꠟ ꠔꠣꠟꠤꠝꠦ ꠎꠣꠘꠥ ꠀꠝꠞꠣꠞꠦ ꠙꠣꠘꠤꠞ ꠀꠃꠟꠣ-ꠎꠣꠃꠟꠣ ꠓꠦꠃꠞ ꠟꠣꠈꠣꠘ ꠖꠥ-ꠖꠤꠟꠣ ꠘꠣ ꠛꠣꠘꠣꠄ।

Injil 11: Filifia 2:20

ꠔꠤꠝꠕꠤꠞ ꠟꠣꠈꠣꠘ ꠁꠟꠣ ꠀꠞ ꠇꠦꠃ ꠀꠝꠣꠞ ꠉꠦꠍꠦ ꠘꠣꠁ, ꠎꠦꠁꠘ ꠔꠥꠝꠞꠣꠞ ꠟꠣꠉꠤ ꠌꠤꠘ꠆ꠔꠣ ꠇꠞꠂꠘ।

Injil 11: Filifia 2:22

ꠅꠁꠟꠦ ꠔꠤꠝꠕꠤꠞ ꠛꠦꠙꠣꠞ ꠔ ꠔꠥꠝꠞꠣ ꠎꠣꠘ, ꠙꠥꠔꠦ ꠎꠦꠟꠣ ꠘꠤꠎꠞ ꠛꠣꠚꠞ ꠟꠉꠦ ꠇꠣꠝ ꠇꠞꠦ, ꠔꠣꠁꠘꠅ ꠅꠟꠣ ꠀꠟ-ꠝꠍꠤꠞ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠟꠣꠉꠤ ꠀꠝꠣꠞ ꠟꠉꠦ ꠝꠦꠘꠔ ꠇꠞꠍꠂꠘ।

ইঞ্জিল ১৩: ১-থিষল: 1:5

ꠀꠝꠞꠣꠞ ꠈꠥꠡ-ꠈꠛꠞꠤꠞ ꠔꠛꠟꠤꠉ ꠇꠣꠝ ꠔ ꠔꠥꠝꠞꠣꠞ ꠉꠦꠍꠦ ꠈꠣꠟꠤ ꠝꠥꠈꠞ ꠇꠕꠣꠃ ꠞꠁꠍꠦ ꠘꠣ, ꠛꠞꠋ ꠀꠟ꠆ꠟꠣꠁ ꠛꠟ, ꠙꠣꠇ ꠞꠥꠢꠥ, ꠀꠞ ꠘꠤꠌ꠆ꠌꠤꠔ ꠜꠞꠡꠣꠞ ꠃꠙꠞꠦ ꠌꠣꠟꠥ ꠅꠁꠍꠦ। ꠔꠥꠝꠞꠣꠞ ꠜꠣꠟꠣꠁꠞ ꠟꠣꠉꠤ ꠀꠝꠞꠣ ꠎꠦꠛꠟꠣ ꠔꠥꠝꠞꠣꠞ ꠟꠉꠦ ꠞꠁꠔꠣꠝ, ꠅꠃ ꠡꠝꠄ ꠇꠤꠟꠣꠘ ꠌꠟꠍꠤ, ꠁꠔꠣ ꠔ ꠔꠥꠝꠞꠣ ꠎꠣꠘꠃ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:3

ꠅ ꠔꠤꠝꠕꠤ, ꠀꠝꠤ ꠝꠣꠇꠤꠖꠘꠤꠀ ꠖꠦꠡꠅ ꠎꠣꠅꠀꠞ ꠛꠣꠟꠣ ꠔꠥꠝꠣꠞꠦ ꠇꠁꠍꠟꠣꠝ, ꠅꠈꠘ ꠢꠤꠞꠛꠣꠞ ꠝꠤꠘꠔꠤ ꠇꠞꠤ ꠇꠁꠞꠣꠝ, ꠢꠥꠘꠅ, ꠔꠥꠝꠤ ꠁꠚꠤꠍ ꠐꠣꠃꠘꠅꠃ ꠞꠅ, ꠞꠁꠀ ꠅꠘꠞ ꠅꠟꠣ ꠇꠤꠍꠥ ꠝꠥꠟ꠆ꠟꠣꠁꠘ꠆ꠔꠞꠦ ꠢꠥꠇꠥꠝ ꠖꠦꠅ, ꠔꠣꠞꠣ ꠎꠣꠘꠥ ꠝꠣꠘꠡꠞꠦ ꠀꠞ ꠜꠥꠟ ꠔꠣꠟꠤꠝ ꠘꠣ ꠖꠦꠄ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:6

ꠅ ꠔꠤꠝꠕꠤ, ꠔꠥꠝꠤ ꠎꠥꠖꠤ ꠅꠃ ꠔꠣꠟꠤꠝ ꠅꠇꠟ ꠝꠥꠝꠤꠘ ꠜꠣꠁꠀꠁꠘꠞꠦ ꠛꠥꠎꠣꠁꠀ ꠖꠦꠅ, ꠔꠦ ꠁꠍꠣꠄꠁ ꠁꠝꠣꠘꠞ ꠎꠦ ꠢꠇ ꠀꠞ ꠘꠤꠞꠜꠥꠟ ꠔꠣꠟꠤꠝ ꠝꠣꠘꠤꠀ ꠌꠟꠞꠣꠄ, ꠁ ꠛꠦꠙꠣꠞꠦ ꠔꠥꠝꠤ ꠙꠣꠇꠣ-ꠙꠥꠇ꠆ꠔ ꠅꠁꠀ ꠀꠟ-ꠝꠍꠤꠞ ꠄꠇꠎꠘ ꠃꠙꠎꠥꠇ꠆ꠔ ꠈꠣꠖꠤꠝ ꠅꠁꠛꠣꠄ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:11

ꠅꠁꠟꠦ ꠔꠥꠝꠤ ꠔ ꠀꠟ꠆ꠟꠣꠞ ꠛꠘ꠆ꠖꠣ, ꠔꠥꠝꠤ ꠁꠔꠣ ꠛꠖ ꠇꠣꠝ ꠕꠣꠇꠤ ꠢꠞꠤꠀ ꠞꠅ। ꠔꠥꠝꠤ ꠙꠣꠇ-ꠙꠞꠦꠎꠉꠣꠞ ꠎꠤꠘ꠆ꠖꠦꠉꠤ, ꠀꠟ꠆ꠟꠣꠞ ꠒꠞ-ꠈꠚ, ꠁꠝꠣꠘ, ꠝꠢꠛ꠆ꠛꠔ, ꠍꠛꠞ, ꠀꠞ ꠘꠞꠝ ꠡ꠆ꠛꠜꠣꠛꠞ ꠛꠣꠄ ꠈꠤꠀꠟꠤ ꠅꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:22

ꠔꠤꠝꠕꠤ ꠢꠥꠡꠤꠀꠞ ꠅꠅ, ꠎꠃꠛꠘꠞ ꠛꠖ ꠈꠣꠁꠡ ꠕꠣꠇꠤ ꠔꠥꠝꠣꠞ ꠎꠣꠘ ꠛꠣꠌꠣꠅ, ꠀꠞ ꠎꠦꠞꠣ ꠈꠣꠍ ꠖꠤꠟꠦ ꠝꠣꠟꠤꠇꠞ ꠘꠣꠝ ꠟꠄ, ꠔꠣꠞꠣꠞ ꠟꠉꠦ ꠡꠞꠤꠇ ꠅꠁꠀ ꠙꠞꠦꠎꠉꠣꠞꠤ, ꠁꠝꠣꠘ, ꠝꠢꠛ꠆ꠛꠔ ꠀꠞ ꠡꠣꠘ꠆ꠔꠤꠞ ꠟꠣꠉꠤ ꠈꠤꠀꠟꠤ ꠅꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:2

ꠔꠥꠝꠤ ꠀꠟ꠆ꠟꠣꠞ ꠇꠣꠟꠣꠝ ꠔꠛꠟꠤꠉ ꠇꠞꠅ, ꠡꠝꠄ-ꠅꠡꠝꠄ ꠇꠥꠘ꠆ꠔꠣ ꠘꠣꠁ, ꠢꠣꠝꠦꠡꠣ ꠔꠛꠟꠤꠉ ꠇꠞꠅ, ꠈꠥꠛ ꠛꠦꠡꠤ ꠗꠂꠎ꠆ꠎ ꠗꠞꠤꠀ ꠔꠣꠟꠤꠝ ꠖꠦꠅ ꠀꠞ ꠝꠣꠘꠡꠞ ꠅꠙꠞꠣꠗ ꠖꠦꠈꠣꠁ ꠖꠦꠅ, ꠔꠣꠞꠣꠞꠦ ꠢꠥꠡꠤꠀꠞ ꠇꠞꠅ ꠀꠞ ꠛꠥꠎꠣꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:3

ꠀꠉꠦꠖꠤ ꠅꠟꠣ ꠡꠝꠄ ꠀꠁꠛ, ꠎꠦꠛꠟꠣ ꠢꠣꠍꠣ ꠔꠣꠟꠤꠝ ꠝꠣꠘꠡꠞ ꠡꠁꠎ꠆ꠎ ꠅꠁꠔ ꠘꠣꠄ, ꠛꠞꠋ ꠘꠤꠎꠞ ꠝꠘꠞ ꠈꠣꠁꠡ ꠙꠥꠞꠣꠁꠔꠣ ꠇꠞꠤ ꠔꠣꠞꠣ ꠅꠟꠣꠈꠣꠘ ꠃꠡ꠆ꠔꠣꠖ ꠗꠞꠛꠣ, ꠎꠦꠔꠣꠄ ꠔꠣꠞꠣꠞ ꠝꠘ ꠎꠥꠉꠣꠁꠀ ꠝꠘꠉꠠꠣ ꠔꠣꠟꠤꠝ ꠖꠤꠛꠣ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:7

ꠀꠝꠤ ꠔ ꠀꠟ-ꠝꠍꠤꠞ ꠟꠣꠉꠤ ꠎꠣꠘꠦ-ꠙꠞꠣꠘꠦ ꠟꠣꠠꠣꠁ ꠇꠞꠍꠤ, ꠀꠝꠣꠞꠦ ꠛꠣꠔꠣꠁ ꠖꠦꠅꠀ ꠙꠕꠞ ꠢꠦꠡ ꠝꠣꠕꠣ ꠙꠞ꠆ꠎꠘ꠆ꠔ ꠖꠃꠠꠣꠁꠍꠤ, ꠀꠝꠣꠞ ꠁꠝꠣꠘ ꠐꠤꠇꠣꠁꠀ ꠞꠣꠈꠍꠤ।

Injil 17: Titas 2:7

ꠔꠥꠝꠤ ꠔꠣꠞꠣꠞ ꠉꠦꠍꠦ ꠢꠇꠟ ꠘꠝꠥꠘꠣꠞ ꠘꠦꠇ ꠇꠣꠝꠞ ꠘꠤꠡꠣꠘꠣ ꠅꠅ। ꠢꠇ ꠘꠤꠅꠔꠦ ꠀꠞ ꠖꠣꠄ-ꠖꠣꠄꠁꠔ꠆ꠔ ꠟꠁꠀ ꠔꠣꠟꠤꠝ ꠖꠦꠅ।

Injil 19: Ibrani 13:9

ꠘꠣꠘꠣꠘ ꠘꠝꠥꠘꠣꠞ ꠘꠄꠀ ꠘꠄꠀ ꠔꠣꠟꠤꠝꠦ ꠎꠣꠘꠥ ꠔꠥꠝꠞꠣꠞꠦ ꠛꠦ-ꠙꠕꠦ ꠘꠣ ꠘꠦꠄ, ꠈꠣꠘꠣ-ꠙꠤꠘꠣꠞ ꠈꠥꠐꠤꠘꠣꠐꠤ ꠛꠤꠡꠄ ꠘꠣ ꠔꠥꠇꠣꠁꠀ, ꠛꠞꠋ ꠀꠟ꠆ꠟꠣꠞ ꠞꠢꠝꠔꠞ ꠃꠙꠞꠦ ꠇꠣꠁꠝ ꠞꠅ। ꠁꠟꠣ ꠈꠥꠐꠤꠘꠣꠐꠤ ꠘꠤꠅꠝꠞ ꠃꠙꠞꠦ ꠎꠦꠞꠣ ꠜꠞꠡꠣ ꠇꠞꠔ, ꠁꠔꠣꠄ ꠔ ꠔꠣꠞꠣꠞ ꠇꠥꠘꠥ ꠟꠣꠜ ꠅꠁꠍꠦ ꠘꠣ।

ꠁꠘ꠆ꠎꠤꠟ ২২: ২-ꠙꠤꠔꠞ 3:11

ꠅꠟꠣꠈꠣꠘ ꠢꠇ꠆ꠇꠟꠔꠣ ꠛꠤꠘꠣꠡ ꠅꠁꠛ ꠎꠣꠘꠤꠀ, ꠔꠥꠝꠞꠣ ꠇꠤꠟꠣꠈꠣꠘ ꠞꠅꠀ ꠎꠞꠥꠞ? ꠔꠥꠝꠞꠣ ꠙꠣꠇ-ꠙꠛꠤꠔ꠆ꠞ ꠞꠁꠀ ꠙꠞꠦꠎꠉꠣꠞ ꠎꠤꠘ꠆ꠖꠦꠉꠤ ꠇꠣꠐꠣꠁꠀ,