ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:7 - Siloṭi Asmani Kitab (Nagri lipi)

⁷ ꠔꠦ ꠀꠝꠤ ꠎꠦꠔꠣ ꠛꠥꠎꠣꠁꠔꠣꠝ ꠌꠣꠁꠞꠣꠝ, ꠁꠔꠣ ꠌꠤꠘ꠆ꠔꠣ ꠇꠞꠤ ꠖꠦꠈꠅ, ꠝꠣꠟꠤꠇ ꠁꠍꠣꠄ ꠔꠥꠝꠣꠞꠦ ꠁꠔꠣ ꠢꠇꠟꠔꠣ ꠛꠥꠎꠣꠞ ꠀꠈꠟ ꠖꠤꠛꠣ।

ছিলটি আছমানি কিতাব (বাংলা লিপি)

⁷ তে আমি যেতা বুজাইতাম চাইরাম, ইতা চিন্তা করি দেখো, মালিক ইছায় তুমারে ইতা হকলতা বুজার আখল দিবা।

Siloṭi Asmani Kitab (Latin lipi)

⁷ Te ami zeta buzaitam sairam, ita sinta ḳori deḳo, Malik Isae tumare ita hoḳolta buzar aḳol diba.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:7 Iomraidhean Croise

Injil 3: Luk 21:15

ꠇꠣꠞꠘ ꠀꠝꠤ ꠔꠥꠝꠞꠣꠞꠦ ꠅꠃꠟꠣ ꠎꠛꠣꠘ ꠀꠞ ꠢꠦꠇꠝꠔ ꠎꠥꠉꠣꠁꠀ ꠖꠤꠝꠥ, ꠔꠥꠝꠞꠣꠞ ꠛꠤꠙꠇ꠆ꠇ ꠅꠇꠟꠦ ꠁꠔꠣ ꠚꠤꠞꠣꠁꠔ ꠙꠣꠞꠔ ꠘꠣꠄ, ꠄꠞ ꠎꠥꠀꠙ ꠖꠤꠛꠣꠞꠅ ꠔꠣꠇ꠆ꠇꠔ ꠅꠁꠔ ꠘꠣꠄ।

Injil 3: Luk 24:45

ꠅꠈꠣꠘ ꠇꠁꠀ ꠢꠣꠞꠤ, ꠔꠣꠁꠘ ꠍꠣꠢꠣꠛꠤ ꠅꠇꠟꠞ ꠖꠤꠟꠞ ꠖꠥꠀꠞ ꠈꠥꠟꠤ ꠖꠤꠟꠣ, ꠎꠣꠔꠦ ꠀꠟ꠆ꠟꠣꠞ ꠇꠣꠟꠣꠝꠞ ꠝꠣꠘꠤ ꠄꠞꠣ ꠛꠥꠎꠔꠣ ꠙꠣꠞꠂꠘ।

Injil 3: Luk 9:44

“ꠀꠝꠣꠞ ꠇꠕꠣ ꠈꠣꠘꠣꠁꠘ ꠔꠥꠝꠞꠣ ꠝꠘ ꠖꠤꠀ ꠢꠥꠘꠅ, ꠀꠝꠤ ꠛꠤꠘ-ꠀꠖꠝꠞꠦ ꠔ ꠝꠣꠘꠡꠞ ꠀꠔꠅ ꠗꠞꠣꠁ ꠖꠦꠅꠀ ꠅꠁꠛ।”

Injil 4: Hannan 14:26

ꠅꠃ ꠡꠣꠁꠎ꠆ꠎꠉꠤꠞ ꠙꠣꠇ ꠞꠥꠢꠥ, ꠎꠣꠘꠞꠦ ꠀꠝꠣꠞ ꠛꠣꠚꠦ ꠀꠝꠣꠞ ꠘꠣꠝꠦ ꠙꠣꠑꠣꠁꠛꠣ, ꠔꠣꠁꠘꠃ ꠢꠇꠟ ꠛꠦꠙꠣꠞꠦ ꠔꠥꠝꠞꠣꠞꠦ ꠔꠣꠟꠤꠝ ꠖꠤꠛꠣ, ꠀꠞ ꠀꠝꠤ ꠔꠥꠝꠞꠣꠞꠦ ꠎꠦꠔꠣ ꠇꠁꠍꠤ ꠅꠔꠣ ꠁꠀꠖ ꠇꠞꠣꠁ ꠖꠤꠛꠣ।

Injil 4: Hannan 16:13

ꠢꠃ ꠢꠇ ꠞꠥꠢꠥ ꠀꠁꠀ ꠢꠣꠞꠤ ꠙꠕ ꠖꠦꠈꠣꠁꠀ ꠔꠥꠝꠞꠣꠞꠦ ꠙꠥꠞꠣꠙꠥꠞ ꠢꠇꠈꠣꠘ ꠎꠣꠘꠣꠁꠛꠣ। ꠔꠣꠁꠘ ꠔ ꠘꠤꠎ ꠕꠣꠇꠤ ꠇꠥꠘ꠆ꠔꠣ ꠇꠁꠔꠣ ꠘꠣꠄ, ꠈꠣꠟꠤ ꠎꠦꠔꠣ ꠢꠥꠘꠂꠘ, ꠅꠔꠣꠃ ꠇꠁꠛꠣ। ꠀꠞ ꠎꠦꠔꠣ ꠊꠐꠛ, ꠅꠔꠣꠃ ꠎꠣꠘꠣꠁꠛꠣ।

Injil 5: Sahabi Nama 7:10

ꠔꠣꠁꠘ ꠁꠃꠍꠥꠚꠞꠦ ꠢꠇꠟ ꠔꠇꠟꠤꠚ ꠕꠣꠇꠤ ꠢꠦꠚꠣꠎꠔ ꠇꠞꠟꠣ, ꠝꠤꠡꠞꠞ ꠛꠣꠖꠡꠣ ꠚꠦꠞꠣꠃꠘꠞ ꠘꠎꠞꠅ ꠖꠄꠀ ꠀꠞ ꠇꠣꠝꠤꠀꠛꠤ ꠖꠣꠘ ꠇꠞꠟꠣ; ꠔꠦꠃ ꠚꠦꠞꠣꠃꠘꠦ ꠔꠣꠘꠞꠦ ꠝꠤꠡꠞꠞ ꠢꠣꠇꠤꠝ ꠀꠞ ꠀꠡ꠆ꠔꠣ ꠞꠣꠎꠛꠣꠠꠤꠞ ꠖꠦꠈꠣ-ꠢꠥꠘꠣꠞ ꠜꠣꠞ ꠖꠤꠟꠣ।

Injil 7: 1-Korintia 12:8

ꠅꠃ ꠙꠣꠇ ꠞꠥꠢꠥꠞ ꠛꠟꠦ ꠇꠥꠘꠥ ꠇꠥꠘꠥ ꠎꠘꠞꠦ ꠉꠤꠀꠘ-ꠛꠥꠖ꠆ꠖꠤꠞ ꠝꠣꠔ ꠝꠣꠔꠣ, ꠀꠞ ꠇꠦꠃꠞꠞꠦ ꠀꠈꠟꠖꠣꠞꠤ ꠝꠣꠔ ꠝꠣꠔꠣꠞ ꠘꠤꠀꠝꠔ ꠖꠦꠅꠀ ꠅꠄ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 32:29

ꠀꠈꠟ ꠕꠣꠇꠟꠦ ꠛꠥꠎꠔ ꠔꠣꠞꠣꠞ ꠘꠤꠎꠞ ꠖꠥꠞ꠆ꠖꠡꠣ, ꠛꠤꠛꠦꠇ ꠈꠣꠐꠣꠁ ꠎꠣꠘ ꠛꠣꠌꠣꠁꠀ ꠞꠁꠔ ꠢꠣꠝꠦꠡꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:39

“ꠔꠦ ꠅꠈꠘꠇꠥꠞ ꠅꠃ ꠔꠣꠟꠤꠝ ꠝꠘꠅ ꠞꠣꠈꠤꠅ, ꠖꠤꠟꠞ ꠝꠣꠎꠦ ꠉꠣꠕꠤꠀ ꠕꠁꠅ, ꠢꠥꠘꠅ, ꠈꠣꠟꠤ ꠅꠃ ꠀꠟ꠆ꠟꠣꠃ ꠃꠙꠞꠦ ꠀꠍꠝꠣꠘ ꠀꠞ ꠔꠟꠦ ꠎꠝꠤꠘꠞ ꠝꠣꠟꠤꠇ, ꠔꠣꠁꠘ ꠍꠣꠠꠣ ꠖꠥꠍꠞꠣ ꠇꠥꠘꠥ ꠝꠣꠛꠥꠖ ꠘꠣꠁ।

Injil 11: Filifia 4:8

ꠅ ꠜꠣꠁ ꠅꠇꠟ, ꠀꠝꠤ ꠢꠦꠡ-ꠝꠦꠡ ꠇꠁꠞꠣꠝ, ꠎꠦꠔꠣ ꠢꠣꠍꠣ, ꠎꠦꠔꠣ ꠃꠙꠎꠥꠇ꠆ꠔ, ꠢꠇ, ꠈꠣꠐꠤ, ꠡꠥꠘ꠆ꠖꠞ, ꠀꠞ ꠁꠎ꠆ꠎꠔ ꠙꠣꠅꠀꠞ ꠎꠥꠇꠣ, ꠝꠣꠘꠤ ꠎꠦꠔꠣ ꠜꠣꠟꠣ ꠀꠞ ꠎꠦꠔꠣꠄ ꠔꠣꠞꠤꠚ ꠅꠄ, ꠅꠃ ꠟꠣꠈꠣꠘ ꠛꠦꠙꠣꠞꠦ ꠔꠥꠝꠞꠣ ꠈꠤꠀꠟꠤ ꠅꠅ।

Injil 12: Kolosia 1:9

ꠄꠞꠟꠣꠉꠤ ꠔꠥꠝꠞꠣꠞ ꠛꠦꠙꠣꠞꠦ ꠢꠥꠘꠣꠞ ꠛꠣꠖ ꠕꠣꠇꠤꠃ ꠀꠝꠞꠣ ꠢꠣꠝꠦꠡꠣ ꠔꠥꠝꠞꠣꠞ ꠟꠣꠉꠤ ꠖꠥꠀ ꠇꠞꠤ। ꠞꠥꠢꠣꠘꠤ ꠁꠟꠤꠝ ꠀꠞ ꠛꠥꠖ꠆ꠖꠤ ꠖꠤꠀ ꠔꠥꠝꠞꠣ ꠎꠣꠘꠥ ꠀꠟ꠆ꠟꠣꠞ ꠝꠥꠘꠡꠣ ꠙꠥꠞꠣꠙꠥꠞ ꠛꠥꠎꠔꠣꠄ ꠙꠣꠞ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:15

ꠁꠔꠣ ꠛꠦꠙꠣꠞꠦ ꠈꠤꠀꠟꠤ ꠅꠅ, ꠘꠤꠎꠞꠦ ꠅꠔꠣꠞ ꠝꠣꠎꠦ ꠙꠥꠞꠣꠙꠥꠞ ꠒꠥꠛꠣꠁꠀ ꠞꠣꠈꠅ, ꠔꠦꠃ ꠢꠇꠟꠞ ꠌꠈꠥꠔ ꠙꠠꠛ ꠔꠥꠝꠤ ꠀꠉꠦꠖꠤ ꠀꠉꠥꠀꠁꠞꠣꠄ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:6

ꠀꠞ ꠎꠦ ꠉꠤꠞꠡ꠆ꠔꠦ ꠝꠦꠘꠔ ꠇꠞꠦ, ꠚꠡꠟꠞ ꠙꠄꠟꠣ ꠛꠣꠐ ꠔ ꠢꠦ-ꠃ ꠙꠣꠄ, ꠁꠐꠣꠃ ꠘꠤꠅꠝ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:8

ꠁꠍꠣ ꠀꠟ-ꠝꠍꠤꠞ ꠛꠦꠙꠣꠞꠦ ꠔꠥꠝꠤ ꠅꠈꠣꠘ ꠝꠘꠅ ꠞꠣꠈꠤꠅ, ꠔꠣꠘꠞꠦ ꠝꠥꠞ꠆ꠖꠣ ꠕꠣꠇꠤ ꠎꠤꠘ꠆ꠖꠣ ꠇꠞꠣ ꠅꠁꠍꠤꠟ, ꠔꠣꠁꠘ ꠅꠁꠟꠣ ꠛꠣꠖꠡꠣ ꠖꠣꠃꠖ ꠘꠛꠤꠞ ꠛꠋꠡꠗꠞ, ꠀꠝꠣꠞ ꠇꠅꠀ ꠈꠥꠡ-ꠈꠛꠞꠤꠞ ꠝꠣꠎꠦꠅ ꠁꠈꠣꠘ ꠀꠍꠦ।

Injil 19: Ibrani 12:3

ꠔꠦ ꠎꠦꠁꠘ ꠉꠥꠘꠣꠉꠣꠞ ꠝꠣꠘꠡꠞ ꠅꠔ ꠛꠠ ꠖꠥꠡꠝꠘꠤꠞꠦ ꠡꠁꠎ꠆ꠎ ꠇꠞꠟꠣ, ꠔꠣꠘ ꠛꠦꠙꠣꠞꠦ ꠌꠤꠘ꠆ꠔꠣ ꠇꠞꠅ, ꠎꠣꠔꠦ ꠔꠥꠝꠞꠣꠞ ꠖꠤꠟꠅ ꠇꠥꠘꠥ ꠇꠝꠎꠥꠞꠤ ꠛꠣ ꠘꠤꠞꠣꠡꠣ ꠘꠣ ꠀꠄ।

Injil 19: Ibrani 13:7

ꠢꠥꠘꠅ, ꠎꠦ ꠛꠥꠎꠥꠞ꠆ꠉ ꠅꠇꠟꠦ ꠔꠥꠝꠞꠣꠞꠦ ꠀꠟ꠆ꠟꠣꠞ ꠇꠣꠟꠣꠝ ꠔꠣꠟꠤꠝ ꠖꠤꠍꠂꠘ, ꠔꠣꠞꠣꠞ ꠇꠕꠣ ꠁꠀꠖ ꠇꠞꠤꠅ। ꠔꠣꠞꠣꠞ ꠎꠤꠘ꠆ꠖꠦꠉꠤꠞ ꠢꠣꠟꠔꠞ ꠇꠕꠣ ꠜꠣꠟꠣꠝꠘ꠆ꠔꠦ ꠌꠤꠘ꠆ꠔꠣ ꠇꠞꠤꠀ, ꠔꠥꠝꠞꠣꠅ ꠔꠣꠞꠣꠞ ꠟꠣꠈꠣꠘ ꠁꠝꠣꠘꠦ ꠝꠎꠛꠥꠔ ꠅꠅ।

Injil 19: Ibrani 3:1

ꠄꠞꠟꠣꠉꠤ ꠅ ꠀꠝꠣꠞ ꠙꠣꠇ-ꠙꠞꠦꠎꠉꠣꠞ ꠜꠣꠁ ꠅꠇꠟ, ꠔꠥꠝꠞꠣ ꠎꠦꠞꠣ ꠛꠦꠢꠦꠡ꠆ꠔꠤ ꠖꠣꠅꠔꠅ ꠡꠞꠤꠇ ꠅꠁꠍ, ꠔꠥꠝꠞꠣ ꠙꠞꠔꠦꠇꠦꠃ ꠁꠍꠣꠞ ꠛꠣꠄ ꠌꠃꠈ ꠞꠣꠈꠅ। ꠀꠟ꠆ꠟꠣ ꠙꠣꠇꠦ ꠔꠣꠘ ꠁ ꠈꠣꠍ ꠈꠟꠤꠚꠣꠞꠦ ꠛꠦꠎꠤꠍꠂꠘ, ꠔꠣꠁꠘꠃ ꠔ ꠢꠃ ꠙꠞꠗꠣꠘ ꠁꠝꠣꠝ, ꠁꠈꠣꠘ ꠀꠝꠞꠣ ꠝꠣꠘꠍꠤ।

Injil 19: Ibrani 7:4

ꠔꠦ ꠌꠤꠘ꠆ꠔꠣ ꠇꠞꠤ ꠖꠦꠈꠃꠇ꠆ꠇꠣ, ꠄꠁꠘ ꠇꠔ ꠝꠢꠣꠘ, ꠎꠦꠘꠞꠦ ꠀꠝꠞꠣꠞ ꠈꠣꠘ꠆ꠖꠣꠘꠞ ꠝꠥꠟ ꠛꠣꠛꠣ ꠁꠛ꠆ꠞꠣꠢꠤꠝꠦꠅ ꠔꠣꠘ ꠉꠘꠤꠝꠔꠞ ꠝꠣꠟꠞ ꠖꠡ ꠛꠣꠐꠞ ꠄꠇ ꠛꠣꠐ ꠖꠣꠘ ꠇꠞꠤ ꠖꠤꠍꠂꠘ।

Injil 20: Iakub 1:5

ꠔꠥꠝꠞꠣꠞ ꠝꠣꠎꠦ ꠇꠦꠃꠞꠞ ꠎꠥꠖꠤ ꠀꠈꠟꠞ ꠇꠝꠔꠤ ꠕꠣꠇꠦ, ꠔꠦ ꠢꠦ ꠎꠣꠘꠥ ꠀꠟ꠆ꠟꠣꠞ ꠉꠦꠍꠦ ꠌꠣꠄ, ꠔꠦꠃ ꠙꠣꠁꠛ। ꠔꠣꠁꠘ ꠇꠥꠘꠥ ꠛꠦꠎꠣꠞꠤ ꠜꠣꠛ ꠘꠣ ꠀꠘꠤꠀ ꠢꠇ꠆ꠇꠟꠞꠦꠃ ꠛꠦꠢꠤꠡꠣꠛ ꠖꠣꠘ ꠇꠞꠂꠘ, ꠈꠣꠟꠤ ꠀꠔꠦ ꠚꠤꠞꠣꠁꠘ ꠘꠣ।

Injil 20: Iakub 3:15

ꠁꠟꠣꠈꠣꠘ ꠢꠦꠇꠝꠔ ꠛꠦꠢꠦꠡ꠆ꠔ ꠕꠘꠦ ꠀꠄ ꠘꠣ, ꠁꠔꠣ ꠖꠥꠘꠤꠀ, ꠈꠣꠞꠣꠙ ꠘꠚꠍ, ꠀꠞ ꠁꠛꠟꠤꠍ ꠕꠣꠇꠤꠃ ꠀꠄ।

Injil 20: Iakub 3:17

ꠅꠁꠟꠦ ꠛꠦꠢꠦꠡ꠆ꠔ ꠕꠣꠇꠤ ꠎꠦ ꠢꠦꠇꠝꠔ ꠀꠄ, ꠁꠇꠐꠣ ꠅꠁꠟ ꠈꠣꠐꠤ। ꠁꠇꠐꠣ ꠡꠣꠘ꠆ꠔꠤꠄ ꠜꠞꠣ, ꠍꠛꠞꠀꠟꠣ ꠀꠞ ꠘꠞꠝ ꠝꠤꠎꠣꠎꠤ, ꠖꠄꠀ ꠀꠞ ꠢꠇ ꠇꠣꠝꠦ ꠜꠞꠣ, ꠔꠣꠞ ꠝꠣꠎꠦ ꠇꠥꠘꠥ ꠢꠣꠞ-ꠙꠞ ꠛꠣ ꠜꠘ꠆ꠒꠣꠝꠤ ꠘꠣꠁ।

Injil 23: 1-Hannan 5:20

ꠀꠝꠞꠣ ꠄꠅꠈꠣꠘꠅ ꠎꠣꠘꠤ, ꠀꠟ꠆ꠟꠣꠞ ꠈꠣꠍ ꠝꠣꠄꠀꠞ ꠎꠘ ꠀꠁꠀ ꠢꠣꠞꠤ ꠀꠝꠞꠣꠞꠦ ꠅꠃ ꠀꠈꠟ ꠖꠤꠍꠂꠘ, ꠎꠣꠔꠦ ꠢꠇ ꠀꠟ꠆ꠟꠣꠞꠦ ꠀꠝꠞꠣ ꠌꠤꠘꠤ। ꠔꠦ ꠢꠇ ꠀꠟ꠆ꠟꠣꠞ ꠟꠉꠦ ꠀꠝꠞꠣꠞ ꠝꠤꠟꠘ ꠅꠁꠍꠦ, ꠝꠣꠘꠤ ꠔꠣꠘ ꠈꠣꠍ ꠝꠣꠄꠀꠞ ꠎꠘ ꠁꠍꠣ ꠀꠟ-ꠝꠍꠤꠞ ꠟꠉꠦ ꠀꠝꠞꠣꠞ ꠝꠤꠟꠘ ꠅꠁꠍꠦ। ꠔꠣꠁꠘꠃ ꠔ ꠢꠇ ꠀꠟ꠆ꠟꠣ, ꠔꠣꠁꠘꠃ ꠀꠈꠦꠞꠤ ꠎꠤꠘ꠆ꠖꠦꠉꠤ।