ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:4 - Siloṭi Asmani Kitab (Nagri lipi)

⁴ ꠇꠣꠝꠣꠘ꠆ꠒꠣꠞꠞꠦ ꠈꠥꠡꠤ ꠞꠣꠈꠣꠞ ꠟꠣꠉꠤ ꠎꠥꠖ꠆ꠖꠞ ꠇꠣꠟꠅ ꠇꠥꠘꠥ ꠍꠤꠙꠣꠁ ꠡꠋꠡꠣꠞꠞ ꠝꠣꠄꠀ-ꠎꠣꠟꠅ ꠢꠣꠝꠣꠄ ꠘꠣ।

ছিলটি আছমানি কিতাব (বাংলা লিপি)

⁴ কামান্ডাররে খুশি রাখার লাগি যুদ্ধর কালো কুনু সিপাই সংসারর মায়া-জালো হামায় না।

Siloṭi Asmani Kitab (Latin lipi)

⁴ Kamanḍarre kushi raḳar lagi zuddor ḳalo kunu sifai shongsharor maya-zalo hamae na.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:4 Iomraidhean Croise

Injil 3: Luk 8:14

ꠛꠘ-ꠎꠋꠟꠣꠔ ꠙꠠꠣ ꠎꠣꠟꠣꠖꠤ ꠛꠥꠎꠣꠁꠟ ꠅꠁꠍꠦ, ꠎꠦꠞꠣ ꠁꠝꠣꠘꠞ ꠖꠣꠅꠔ ꠢꠥꠘꠦ, ꠅꠁꠟꠦ ꠖꠥꠘꠤꠀꠛꠤ ꠗꠣꠘ꠆ꠖꠣꠔ ꠙꠠꠤꠀ ꠗꠘ-ꠍꠣꠝꠣꠘꠣꠞ ꠟꠣꠟꠌ, ꠀꠞ ꠀꠞꠣꠝ-ꠀꠄꠄꠡꠞ ꠛꠣꠄ ꠌꠣꠁꠀ ꠁꠔꠣ ꠚꠣꠃꠞꠤꠟꠣꠄ। ꠄꠞꠖꠣꠄ ꠔꠣꠞꠣꠞ ꠎꠤꠘ꠆ꠖꠦꠉꠤꠔ ꠇꠥꠘꠥ ꠜꠣꠟꠣ ꠚꠟ ꠗꠞꠦ ꠘꠣ।

Injil 8: 2-Korintia 5:9

ꠄꠞꠟꠣꠉꠤ ꠀꠝꠞꠣ ꠡꠞꠤꠟꠞ ꠝꠣꠎꠦ ꠕꠣꠇꠤ ꠛꠣ ꠘꠣ ꠕꠣꠇꠤ, ꠀꠝꠞꠣꠞ ꠘꠤꠅꠔ ꠅꠁꠟ ꠝꠣꠟꠤꠇꠞꠦ ꠈꠥꠡꠤ ꠇꠞꠣ।

Injil 9: Galatia 5:1

ꠅ ꠝꠥꠝꠤꠘ ꠅꠇꠟ, ꠀꠟ-ꠝꠍꠤꠄ ꠀꠝꠞꠣꠞꠦ ꠡ꠆ꠛꠣꠗꠤꠘ ꠇꠞꠍꠂꠘ, ꠡ꠆ꠛꠣꠗꠤꠘ ꠢꠣꠟꠔꠦ ꠞꠅꠀꠞ ꠟꠣꠉꠤ। ꠄꠞꠖꠣꠄ ꠔꠥꠝꠞꠣꠞ ꠡ꠆ꠛꠣꠗꠤꠘꠔꠣꠞꠦ ꠗꠞꠤꠀ ꠞꠣꠈꠅ, ꠉꠥꠟꠣꠝꠤꠞ ꠟꠣꠉꠣꠝ ꠀꠞ ꠚꠤꠘ꠆ꠖꠤꠅ ꠘꠣ।

ইঞ্জিল ১৩: ১-থিষল: 2:4

ꠈꠣꠟꠤ ꠀꠟ꠆ꠟꠣꠄ ꠀꠝꠞꠣꠞꠦ ꠎꠁꠉ꠆ꠉ ꠝꠘꠅ ꠇꠞꠤꠀ ꠎꠦꠟꠣ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠖꠣꠄꠁꠔ꠆ꠔ ꠖꠤꠍꠂꠘ, ꠀꠝꠞꠣ ꠅꠟꠣꠃ ꠔꠛꠟꠤꠉ ꠇꠞꠞꠣꠝ। ꠇꠥꠘꠥ ꠝꠣꠘꠡꠞꠦ ꠈꠥꠡ ꠇꠞꠣꠞ ꠘꠤꠅꠔꠦ ꠀꠝꠞꠣ ꠁꠔꠣ ꠇꠁꠞꠣꠝ ꠘꠣ, ꠈꠣꠟꠤ ꠎꠦꠁꠘ ꠀꠝꠞꠣꠞ ꠖꠤꠟꠞꠦ ꠎꠣꠌꠣꠁ ꠇꠞꠤꠀ ꠖꠦꠈꠂꠘ, ꠢꠃ ꠀꠟ꠆ꠟꠣꠞꠦ ꠈꠥꠡ ꠇꠞꠣꠞ ꠟꠣꠉꠤꠃ ꠔꠛꠟꠤꠉ ꠇꠞꠞꠣꠝ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:10

ꠇꠣꠞꠘ ꠇꠤꠞꠤꠍꠇꠦꠘ ꠜꠣꠁ ꠉꠣꠟꠣꠔꠤꠀ ꠖꠦꠡꠅ, ꠔꠤꠔꠣꠍ ꠜꠣꠁ ꠖꠣꠟꠝꠣꠔꠤꠀ ꠖꠦꠡꠅ ꠉꠦꠍꠂꠘ। ꠀꠞ ꠖꠤꠝꠣꠍ ꠜꠣꠁ ꠖꠥꠘꠤꠀꠛꠤ ꠝꠣꠄꠀꠞ ꠗꠣꠘ꠆ꠖꠣꠔ ꠙꠠꠤꠀ, ꠀꠝꠣꠞꠦ ꠍꠣꠠꠤꠀ ꠕꠤꠡꠟꠘꠤꠇꠤ ꠐꠣꠃꠘꠅ ꠉꠦꠍꠂꠘꠉꠤ।

ꠁꠘ꠆ꠎꠤꠟ ২২: ২-ꠙꠤꠔꠞ 2:20

ꠔꠦ ꠀꠝꠞꠣꠞ ꠝꠣꠟꠤꠇ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞꠦ ꠌꠤꠘꠤꠀ ꠢꠣꠞꠤ ꠎꠉꠔꠞ ꠈꠣꠞꠣꠙꠤ ꠕꠣꠇꠤ ꠢꠞꠤꠀ ꠀꠁꠀꠅ, ꠇꠦꠃ ꠎꠥꠖꠤ ꠢꠤꠞꠛꠣꠞ ꠉꠤꠀ ꠅꠃ ꠈꠣꠞꠣꠙꠤꠞ ꠎꠣꠟꠅ ꠀꠐꠇꠣꠄ, ꠔꠦ ꠔꠣꠞꠣꠞ ꠙꠄꠟꠣ ꠖꠡꠣ ꠕꠣꠇꠤ ꠢꠦꠡ ꠖꠡꠣ ꠀꠞꠅ ꠝꠘ꠆ꠖ।