ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:24 - Siloṭi Asmani Kitab (Nagri lipi)

²⁴ ꠝꠣꠟꠤꠇ ꠁꠍꠣꠞ ꠉꠥꠟꠣꠝꠦ ꠇꠣꠁꠎ꠆ꠎꠣ-ꠚꠍꠣꠖ ꠇꠞꠣ ꠑꠤꠇ ꠘꠣꠄ, ꠄꠁꠘ ꠛꠞꠋ ꠢꠇꠟꠞ ꠛꠣꠄ ꠖꠄꠀꠟ ꠅꠁꠔꠦ ꠅꠁꠛ, ꠄꠁꠘ ꠝꠣꠘꠡꠞꠦ ꠔꠣꠟꠤꠝ ꠖꠦꠅꠀꠞ ꠈꠦꠝꠔꠣ ꠀꠞ ꠍꠛꠞ-ꠡꠇ꠆ꠔꠤ ꠕꠣꠇꠔꠦ ꠅꠁꠛ।

ছিলটি আছমানি কিতাব (বাংলা লিপি)

²⁴ মালিক ইছার গুলামে কাইজ্জা-ফসাদ করা ঠিক নায়, এইন বরং হকলর বায় দয়াল অইতে অইবো, এইন মানষরে তালিম দেওয়ার খেমতা আর ছবর-শক্তি থাকতে অইবো।

Siloṭi Asmani Kitab (Latin lipi)

²⁴ Malik Isar gulame ḳaijja-fosad ḳora ṭik nae, ein borong hoḳlor bae doyal oite oibo, ein manshore talim deoar ḳemota ar sobor-shokti taḳte oibo.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:24 Iomraidhean Croise

ꠁꠘ꠆ꠎꠤꠟ ১: ꠝꠕꠤ 12:19

ꠔꠣꠁꠘ ꠇꠥꠘꠥ ꠔꠞ꠆ꠇꠣ-ꠔꠞ꠆ꠇꠤ ꠛꠣ ꠌꠤꠟ꠆ꠟꠣ-ꠌꠤꠟ꠆ꠟꠤ ꠇꠞꠔꠣ ꠘꠣꠄ, ꠙꠕꠦ-ꠊꠣꠐꠦ ꠇꠥꠘꠥ ꠝꠣꠘꠡꠦ ꠔꠣꠘ ꠀꠅꠀꠎ ꠢꠥꠘꠔ ꠘꠣꠄ।

Injil 4: Hannan 6:52

ꠁꠈꠣꠘ ꠢꠥꠘꠤꠀ ꠁꠢꠥꠖꠤ ꠘꠦꠔꠣ ꠅꠇꠟꠞ ꠝꠣꠎꠦ ꠔꠞ꠆ꠇꠣ-ꠔꠞ꠆ꠇꠤ ꠟꠣꠉꠤꠉꠦꠟ। ꠔꠣꠞꠣ ꠄꠇꠦ-ꠅꠁꠘ꠆ꠘꠦ ꠇꠁꠟ, “ꠁ ꠛꠦꠐꠣꠄ ꠇꠦꠝꠘꠦ ꠔꠣꠞ ꠡꠞꠤꠟꠞ ꠉꠥꠡ꠆ꠔ ꠀꠝꠞꠣꠞꠦ ꠈꠣꠅꠀꠁꠛ?”

Injil 5: Sahabi Nama 15:2

ꠁꠔꠣ ꠟꠁꠀ ꠢꠎꠞꠔ ꠙꠣꠃꠟꠥꠍ ꠀꠞ ꠛꠣꠞ꠆ꠘꠣꠛꠣꠍꠞ ꠟꠉꠦ ꠅꠃ ꠝꠣꠘꠥꠡ ꠅꠇꠟꠞ ꠈꠥꠛ ꠇꠕꠣ ꠇꠣꠐꠣꠇꠣꠐꠤ ꠅꠁꠟ। ꠛꠣꠖꠦ ꠑꠤꠇ ꠅꠁꠟ, ꠙꠣꠃꠟꠥꠍ ꠀꠞ ꠛꠣꠞ꠆ꠘꠣꠛꠣꠍ ꠀꠘ꠆ꠔꠤꠅꠈꠤꠀꠞ ꠇꠄꠎꠘ ꠁꠝꠣꠘꠖꠣꠞꠞꠦ ꠟꠉꠦ ꠟꠁꠀ ꠎꠦꠞꠥꠎꠣꠟꠦꠝꠅ ꠎꠣꠁꠛꠣ, ꠉꠤꠀ ꠔꠣꠞꠣ ꠍꠣꠢꠣꠛꠤ ꠀꠞ ꠎꠝꠣꠔꠞ ꠝꠥꠞꠛ꠆ꠛꠤ ꠅꠇꠟꠞ ꠟꠉꠦ ꠁ ꠛꠤꠡꠄꠄ ꠛꠣꠔꠌꠤꠔ ꠇꠞꠛꠣ।

Injil 5: Sahabi Nama 23:9

ꠁ ꠉꠘ꠆ꠒꠉꠥꠟ ꠛꠃꠔ ꠛꠠ ꠅꠁꠉꠦꠟ, ꠔꠦꠃ ꠚꠞꠤꠡꠤ ꠖꠟꠞ ꠇꠄꠎꠘ ꠝꠃꠟꠣꠘꠣꠄ ꠃꠛꠣꠁꠀ ꠔꠞ꠆ꠇꠣ-ꠔꠞ꠆ꠇꠤ ꠇꠞꠤ ꠇꠁꠟꠣ, “ꠀꠝꠞꠣ ꠔ ꠁ ꠝꠣꠘꠡꠞ ꠇꠥꠘꠥ ꠖꠥꠡ ꠖꠦꠈꠞꠣꠝ ꠘꠣ। ꠇꠥꠘꠥ ꠞꠥꠢꠥ ꠛꠣ ꠚꠤꠞꠤꠡ꠆ꠔꠣꠄ ꠔ ꠔꠣꠞ ꠟꠉꠦ ꠁꠟꠣ ꠛꠣꠔꠌꠤꠔ ꠇꠞꠔꠣ ꠙꠣꠞꠂꠘ।”

Injil 5: Sahabi Nama 7:26

ꠛꠣꠖꠞ ꠖꠤꠘ ꠝꠥꠍꠣꠄ ꠖꠥꠁꠎꠘ ꠁꠍꠞꠣꠁꠟꠤꠞꠦ ꠝꠣꠁꠞ ꠇꠞꠣꠔ ꠖꠦꠈꠤꠀ, ꠔꠣꠞꠣꠞꠦ ꠝꠤꠟ-ꠝꠤꠡ ꠇꠞꠣꠞ ꠘꠤꠅꠔꠦ ꠇꠁꠟꠣ, ‘ꠅꠂ ꠔꠥꠝꠞꠣ ꠔ ꠜꠣꠁ ꠜꠣꠁ, ꠔꠦ ꠔꠥꠝꠞꠣ ꠇꠦꠘꠦ ꠄꠇꠎꠘꠦ ꠀꠞꠇ ꠎꠘꠞ ꠟꠉꠦ ꠝꠣꠞꠣ-ꠝꠣꠞꠤ ꠇꠞꠞꠣꠄ?’

Injil 8: 2-Korintia 10:1

ꠅ ꠝꠥꠝꠤꠘ ꠜꠣꠁꠀꠁꠘ, ꠀꠟ-ꠝꠍꠤꠞ ꠘꠞꠝ ꠀꠞ ꠖꠄꠀꠟꠥ ꠜꠣꠛꠞ ꠇꠕꠣ ꠁꠀꠖ ꠇꠞꠤꠀ, ꠀꠝꠤ ꠙꠣꠃꠟꠥꠍꠦ ꠔꠥꠝꠞꠣꠞꠦ ꠝꠤꠘꠔ ꠇꠞꠤꠀꠞ, ꠝꠣꠘꠡꠦ ꠇꠂꠘ, ꠀꠝꠤ ꠎꠦꠛꠟꠣ ꠔꠥꠝꠞꠣꠞ ꠟꠉꠦ ꠞꠁ, ꠅꠃ ꠡꠝꠄ ꠀꠝꠤ ꠛꠥꠟꠦ ꠒꠞꠣꠁ ꠒꠞꠣꠁ ꠕꠣꠇꠤ, ꠀꠞ ꠢꠞꠤꠀ ꠉꠤꠀ ꠢꠣꠞꠟꠦ ꠡꠣꠅꠡꠤ ꠅꠁꠎꠣꠁ।

Injil 8: 2-Korintia 10:4

ꠖꠥꠘꠤꠀꠛꠤ ꠍꠤꠙꠣꠁꠄ ꠎꠦꠔꠣ ꠅꠡꠔ꠆ꠞ-ꠡꠡꠔ꠆ꠞ ꠖꠤꠀ ꠟꠣꠠꠣꠁ ꠇꠞꠂꠘ, ꠀꠝꠞꠣ ꠔ ꠁꠔꠣ ꠖꠤꠀ ꠟꠣꠠꠣꠁ ꠇꠞꠤ ꠘꠣ, ꠀꠟ꠆ꠟꠣꠁ ꠛꠟꠦ ꠀꠝꠞꠣꠞ ꠅꠡꠔ꠆ꠞ-ꠡꠡꠔ꠆ꠞꠄ ꠙꠣꠠꠞ ꠃꠙꠞꠞ ꠛꠣꠋꠇꠣꠞꠅ ꠜꠣꠋꠉꠤꠟꠔ ꠙꠣꠞꠦ।

Injil 8: 2-Korintia 6:4

ꠛꠞꠋ ꠢꠇꠟ ꠛꠦꠙꠣꠞꠦ ꠀꠝꠞꠣ ꠙꠞꠝꠣꠘ ꠖꠦꠈꠣꠁꠞꠣꠝ, ꠀꠝꠞꠣ ꠀꠟ꠆ꠟꠣꠞ ꠈꠦꠎꠝꠔꠇꠣꠞꠤ। ꠛꠃꠔ ꠖꠥꠈ-ꠇꠡ꠆ꠐ, ꠎꠥꠟꠥꠝ-ꠝꠍꠤꠛꠔ, ꠀꠞ ꠛꠤꠙꠖ-ꠀꠙꠖ ꠡꠁꠎ꠆ꠎ ꠇꠞꠤꠀ ꠁꠔꠣꠞ ꠙꠞꠝꠣꠘ ꠖꠤꠞꠣꠝ।

Injil 9: Galatia 5:22

ꠅꠁꠟꠦ ꠙꠣꠇ ꠞꠥꠢꠦ ꠌꠟꠣ ꠎꠤꠘ꠆ꠖꠦꠉꠤꠞ ꠚꠟ ꠅꠁꠟ ꠝꠢꠛ꠆ꠛꠔ, ꠈꠥꠡꠤ-ꠛꠣꠡꠤ, ꠡꠣꠘ꠆ꠔꠤ, ꠍꠛꠞ ꠇꠞꠣ, ꠖꠄꠀꠟꠥ ꠜꠣꠛ, ꠜꠣꠟꠣ-ꠝꠣꠘꠡꠤ ꠇꠞꠣ, ꠢꠇ-ꠢꠣꠟꠣꠟꠤ ꠞꠅꠀ,

Injil 10: Ifisia 4:2

ꠔꠥꠝꠞꠣꠞ ꠀꠌꠣꠞ-ꠛꠦꠛꠢꠣꠞ ꠎꠣꠘꠥ ꠙꠥꠞꠣꠙꠥꠞ ꠝꠤꠑꠣ ꠀꠞ ꠘꠞꠝ ꠅꠄ। ꠙꠞꠔꠦꠇꠦ ꠍꠛꠞ ꠇꠞꠅ ꠀꠞ ꠖꠤꠟꠅ ꠝꠢꠛ꠆ꠛꠔ ꠞꠣꠈꠤꠀ ꠄꠇꠦ-ꠅꠁꠘ꠆ꠘꠞꠦ ꠡꠁꠎ꠆ꠎ ꠇꠞꠅ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 34:5

ꠝꠣꠛꠥꠖꠞ ꠎꠛꠣꠘ ꠝꠣꠚꠤꠇ, ꠔꠣꠘ ꠉꠥꠟꠣꠝ ꠝꠥꠍꠣ ꠘꠛꠤꠞ ꠃꠚꠣꠔ ꠅꠃ ꠝꠥꠀꠛ ꠖꠦꠡꠅꠃ ꠅꠁꠟ।

Injil 11: Filifia 2:14

ꠔꠥꠝꠞꠣ ꠇꠥꠘꠥꠎꠣꠔ ꠔꠞ꠆ꠇꠣ-ꠔꠞ꠆ꠇꠤ ꠛꠣ ꠇꠣꠁꠎ꠆ꠎꠣ-ꠚꠍꠣꠖ ꠘꠣ ꠇꠞꠤꠀ ꠢꠇꠟ ꠇꠣꠝ ꠇꠞꠅ।

Injil 11: Filifia 2:3

ꠘꠤꠎꠞ ꠟꠣꠜꠞ ꠀꠡꠣ ꠛꠣ ꠛꠦꠐꠣꠉꠤꠞꠤ ꠖꠦꠈꠣꠘꠤꠞ ꠟꠣꠉꠤ ꠇꠥꠘ꠆ꠔꠣ ꠇꠞꠤꠅ ꠘꠣ, ꠛꠞꠋ ꠘꠔ ꠅꠁꠀ ꠘꠤꠎꠞ ꠌꠣꠁꠔꠦ ꠅꠁꠘ꠆ꠘꠞꠦ ꠛꠦꠡꠤ ꠖꠣꠝ ꠖꠦꠅ।

Injil 12: Kolosia 3:13

ꠄꠇꠦ-ꠅꠁꠘ꠆ꠘꠞꠦ ꠡꠁꠎ꠆ꠎ ꠇꠞꠅ, ꠇꠦꠃꠞꠞ ꠛꠤꠞꠥꠖ꠆ꠖꠦ ꠔꠥꠝꠞꠣꠞ ꠇꠥꠘꠥ ꠘꠣꠟꠤꠡ ꠕꠣꠇꠟꠦ ꠔꠣꠞꠦ ꠝꠣꠚ ꠇꠞꠤ ꠖꠦꠅ। ꠝꠣꠟꠤꠇꠦ ꠎꠦꠟꠣ ꠔꠥꠝꠞꠣꠞꠦ ꠝꠣꠚ ꠇꠞꠍꠂꠘ, ꠔꠥꠝꠞꠣꠅ ꠅꠃꠟꠣ ꠄꠇꠦ-ꠅꠁꠘ꠆ꠘꠦ ꠝꠣꠚ ꠇꠞꠣ ꠎꠞꠥꠞ।

ইঞ্জিল ১৩: ১-থিষল: 2:7

ꠀꠝꠞꠣ ꠁꠌ꠆ꠍꠣ ꠇꠞꠟꠦ ꠔ ꠀꠟ-ꠝꠍꠤꠞ ꠍꠣꠢꠣꠛꠤ ꠢꠤꠡꠣꠛꠦ ꠔꠥꠝꠞꠣꠞ ꠃꠙꠞꠦ ꠖꠣꠛꠤ ꠈꠣꠐꠣꠁꠔꠣꠝ ꠙꠣꠞꠟꠣꠝ ꠅꠘꠦ। ꠅꠁꠟꠦ ꠄꠞ ꠛꠖꠟꠣ, ꠝꠣʼꠄ ꠎꠦꠟꠣ ꠘꠤꠎꠞ ꠢꠥꠞꠥꠔ꠆ꠔꠣꠁꠘꠞꠦ ꠎꠄ-ꠎꠔꠘ ꠇꠞꠂꠘ, ꠔꠥꠝꠞꠣꠞ ꠟꠉꠦ ꠕꠣꠇꠣꠞ ꠡꠝꠄ ꠀꠝꠞꠣꠅ ꠅꠟꠣ ꠘꠞꠝ ꠛꠦꠛꠢꠣꠞ ꠇꠞꠍꠤ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:11

ꠅꠁꠟꠦ ꠔꠥꠝꠤ ꠔ ꠀꠟ꠆ꠟꠣꠞ ꠛꠘ꠆ꠖꠣ, ꠔꠥꠝꠤ ꠁꠔꠣ ꠛꠖ ꠇꠣꠝ ꠕꠣꠇꠤ ꠢꠞꠤꠀ ꠞꠅ। ꠔꠥꠝꠤ ꠙꠣꠇ-ꠙꠞꠦꠎꠉꠣꠞ ꠎꠤꠘ꠆ꠖꠦꠉꠤ, ꠀꠟ꠆ꠟꠣꠞ ꠒꠞ-ꠈꠚ, ꠁꠝꠣꠘ, ꠝꠢꠛ꠆ꠛꠔ, ꠍꠛꠞ, ꠀꠞ ꠘꠞꠝ ꠡ꠆ꠛꠜꠣꠛꠞ ꠛꠣꠄ ꠈꠤꠀꠟꠤ ꠅꠅ।

Injil 17: Titas 1:1

ꠀꠝꠤ ꠙꠣꠃꠟꠥꠍ ꠔ ꠀꠟ꠆ꠟꠣ ꠙꠣꠇꠞ ꠉꠥꠟꠣꠝ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠄꠇꠎꠘ ꠍꠣꠢꠣꠛꠤ। ꠀꠝꠣꠞ ꠖꠣꠄꠁꠔ꠆ꠔ ꠅꠁꠟ, ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣ ꠅꠇꠟꠞꠦ ꠁꠝꠣꠘꠞ ꠙꠕꠦ ꠀꠘꠣ, ꠀꠞ ꠀꠟ꠆ꠟꠣꠞꠦ ꠝꠣꠘꠤꠀ ꠌꠟꠣꠞ ꠝꠣꠎꠦ ꠎꠦ ꠢꠇꠤꠇꠔ ꠀꠍꠦ, ꠅꠃ ꠢꠇꠤꠇꠔꠞꠦ ꠌꠤꠘꠣꠁ ꠖꠦꠅꠀ।

Injil 17: Titas 1:7

ꠀꠟ꠆ꠟꠣꠁ ꠇꠣꠝꠞ ꠎꠤꠝ꠆ꠝꠣꠖꠣꠞꠤ ꠙꠣꠅꠀꠄ ꠎꠦꠇꠥꠘꠥ ꠌꠣꠟꠇꠖꠣꠞ ꠎꠣꠘꠥ ꠛꠖꠘꠣꠝ ꠍꠣꠠꠣ ꠘꠤꠈꠥꠔ ꠅꠁꠘ। ꠔꠣꠁꠘ ꠎꠣꠘꠥ ꠡ꠆ꠛꠂꠞꠣꠌꠣꠞ, ꠛꠖꠞꠣꠉꠤ, ꠘꠤꠡꠣꠈꠥꠞ, ꠝꠣꠞꠣ-ꠝꠣꠞꠤ ꠇꠞꠞꠣ ꠛꠣ ꠢꠣꠞꠣꠝ ꠞꠥꠎꠤ-ꠞꠥꠎꠉꠣꠞꠞ ꠟꠣꠟꠌꠤ ꠘꠣ ꠅꠁꠘ।

Injil 17: Titas 1:9

ꠀꠟ꠆ꠟꠣ ꠙꠣꠇꠞ ꠎꠦ ꠢꠇ ꠇꠣꠟꠣꠝ ꠔꠣꠟꠤꠝ ꠙꠣꠁꠍꠂꠘ, ꠔꠣꠁꠘ ꠁꠔꠣꠞꠦ ꠝꠎꠛꠥꠔ ꠇꠞꠤ ꠗꠞꠤꠀ ꠞꠣꠈꠂꠘ, ꠀꠞ ꠑꠤꠇ ꠅꠃ ꠟꠣꠈꠣꠘ ꠈꠣꠐꠤ ꠔꠣꠟꠤꠝ ꠔꠛꠟꠤꠉ ꠇꠞꠔꠣ ꠙꠣꠞꠂꠘ। ꠄꠞꠟꠉꠦ ꠎꠦꠞꠣ ꠔꠣꠘ ꠛꠤꠙꠇ꠆ꠇꠦ ꠀꠍꠦ, ꠔꠣꠞꠣꠞ ꠜꠥꠟ-ꠛꠦꠀꠈꠟꠤꠅ ꠗꠞꠣꠁ ꠖꠦꠁꠘ।

Injil 17: Titas 3:2

ꠔꠣꠞꠣ ꠎꠣꠘꠥ ꠇꠦꠃꠞꠞ ꠛꠖꠘꠣꠝ ꠘꠣ ꠉꠣꠁꠘ, ꠇꠣꠁꠎ꠆ꠎꠣ-ꠚꠍꠣꠖ ꠘꠣ ꠇꠞꠂꠘ, ꠛꠞꠋ ꠡꠣꠘ꠆ꠔ-ꠡꠤꠡ꠆ꠐ ꠞꠁꠀ ꠢꠇꠟꠞ ꠟꠉꠦ ꠘꠞꠝ ꠛꠦꠛꠢꠣꠞ ꠇꠞꠂꠘ।

Injil 20: Iakub 1:1

ꠀꠝꠤ ꠁꠀꠇꠥꠛ, ꠀꠟ꠆ꠟꠣ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠉꠥꠟꠣꠝ, ꠖꠥꠘꠤꠀꠞ ꠘꠣꠘꠣꠘ ꠖꠦꠡꠅ ꠍꠤꠔ꠆ꠞꠣꠁꠟ ꠛꠘꠤ ꠁꠍꠞꠣꠁꠟꠞ ꠛꠣꠞꠅ ꠉꠥꠡ꠆ꠐꠤꠞ ꠝꠣꠘꠡꠞꠦ ꠍꠣꠟꠣꠝ ꠎꠣꠘꠣꠁꠞꠣꠝ।

Injil 20: Iakub 3:17

ꠅꠁꠟꠦ ꠛꠦꠢꠦꠡ꠆ꠔ ꠕꠣꠇꠤ ꠎꠦ ꠢꠦꠇꠝꠔ ꠀꠄ, ꠁꠇꠐꠣ ꠅꠁꠟ ꠈꠣꠐꠤ। ꠁꠇꠐꠣ ꠡꠣꠘ꠆ꠔꠤꠄ ꠜꠞꠣ, ꠍꠛꠞꠀꠟꠣ ꠀꠞ ꠘꠞꠝ ꠝꠤꠎꠣꠎꠤ, ꠖꠄꠀ ꠀꠞ ꠢꠇ ꠇꠣꠝꠦ ꠜꠞꠣ, ꠔꠣꠞ ꠝꠣꠎꠦ ꠇꠥꠘꠥ ꠢꠣꠞ-ꠙꠞ ꠛꠣ ꠜꠘ꠆ꠒꠣꠝꠤ ꠘꠣꠁ।

Injil 20: Iakub 4:2

ꠎꠦꠔꠣ ꠔꠥꠝꠞꠣꠞ ꠘꠣꠄ, ꠅꠔꠣ ꠔꠥꠝꠞꠣ ꠝꠘꠦ ꠝꠘꠦ ꠌꠣꠅ, ꠄꠞꠟꠣꠉꠤ ꠔꠥꠝꠞꠣ ꠈꠥꠘ ꠇꠞ। ꠀꠞ ꠟꠣꠟꠌ ꠇꠞ ꠅꠁꠟꠦ ꠙꠣꠅ ꠘꠣ, ꠄꠞꠖꠣꠄ ꠔꠥꠝꠞꠣ ꠝꠣꠁꠞ-ꠖꠞꠛꠣꠞ ꠀꠞ ꠇꠣꠁꠎ꠆ꠎꠣ ꠇꠞ। ꠔꠥꠝꠞꠣ ꠔ ꠌꠣꠅ ꠘꠣ, ꠄꠞꠖꠣꠄ ꠙꠣꠅ ꠘꠣ।

ꠁꠘ꠆ꠎꠤꠟ ২১: ১-ꠙꠤꠔꠞ 3:8

ꠢꠦꠡꠦ ꠢꠇꠟꠞꠦ ꠇꠁꠞꠣꠝ, ꠔꠥꠝꠞꠣ ꠢꠇꠟ ꠄꠇ-ꠖꠤꠟꠣ ꠅꠅ, ꠄꠇꠦ-ꠅꠁꠘ꠆ꠘꠞ ꠖꠥꠈꠦ ꠖꠥꠈꠤ ꠅꠅ, ꠜꠣꠁꠀꠁꠘ꠆ꠔꠞꠦ ꠝꠣꠄꠀ ꠇꠞꠅ, ꠖꠄꠀꠟꠥ ꠀꠞ ꠘꠞꠝ ꠖꠤꠟꠞ ꠝꠣꠘꠥꠡ ꠅꠅ।

Injil 26: Ehuda 1:3

ꠅ ꠝꠣꠄꠀꠞ ꠖꠥꠡ꠆ꠔ ꠅꠇꠟ, ꠀꠝꠞꠣ ꠢꠇꠟꠦ ꠝꠤꠟꠤ ꠎꠦ ꠘꠣꠎꠣꠔꠞ ꠜꠣꠉꠤ ꠅꠁꠍꠤ, ꠅꠃ ꠘꠣꠎꠣꠔꠞ ꠛꠦꠙꠣꠞꠦ ꠀꠝꠤ ꠈꠥꠛ ꠈꠤꠀꠟꠤ ꠅꠁꠀ ꠔꠥꠝꠞꠣꠞ ꠉꠦꠍꠦ ꠟꠦꠈꠔꠣꠝ ꠌꠣꠁꠍꠤ। ꠄꠞꠝꠣꠎꠦ ꠛꠥꠎꠟꠣꠝ, ꠀꠞꠅ ꠖꠞꠇꠣꠞ ꠀꠍꠦ ꠁꠝꠣꠘꠞ ꠟꠣꠉꠤ ꠟꠣꠠꠣꠁꠞ ꠛꠦꠙꠣꠞꠦ ꠟꠦꠈꠤꠀ ꠔꠥꠝꠞꠣꠞꠦ ꠃꠔꠡꠣꠢ ꠖꠦꠅꠀ। ꠀꠟ꠆ꠟꠣꠄ ꠔꠣꠘ ꠙꠣꠇ ꠛꠘ꠆ꠖꠣ ꠅꠇꠟꠞꠦ ꠌꠤꠞꠇꠣꠟꠞ ꠟꠣꠉꠤ ꠎꠦ ꠁꠝꠣꠘꠤ ꠗꠘ ꠖꠤꠍꠂꠘ, ꠅꠃ ꠁꠍꠣꠄꠁ ꠁꠝꠣꠘꠞ ꠙꠇ꠆ꠇꠦ ꠖꠤꠟꠦ-ꠎꠣꠘꠦ ꠟꠣꠠꠣꠁ ꠇꠞꠣ ꠔ ꠎꠞꠥꠞ।