ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:23 - Siloṭi Asmani Kitab (Nagri lipi)

²³ ꠀꠎꠦ-ꠛꠣꠎꠦ ꠛꠦꠀꠈꠟꠤ ꠔꠞ꠆ꠇꠣ-ꠔꠞ꠆ꠇꠤꠔ ꠡꠣꠝꠤꠟ ꠅꠁꠅ ꠘꠣ, ꠔꠥꠝꠣꠞ ꠎꠣꠘꠣ ꠀꠍꠦ, ꠁꠔꠣꠄ ꠈꠣꠟꠤ ꠇꠣꠁꠎ꠆ꠎꠣ-ꠚꠍꠣꠖ ꠛꠣꠠꠣꠄ।

ছিলটি আছমানি কিতাব (বাংলা লিপি)

²³ আজে-বাজে বেআখলি তর্কা-তর্কিত সামিল অইও না, তুমার জানা আছে, ইতায় খালি কাইজ্জা-ফসাদ বাড়ায়।

Siloṭi Asmani Kitab (Latin lipi)

²³ Aze-baze be-aḳoli torka-torkit shamil oio na, tumar zana ase, itae ḳali kaijja-fosad baṛae.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:23 Iomraidhean Croise

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:4

ꠔꠣꠞꠣꠞꠦ ꠇꠁꠅ, ꠔꠣꠞꠣ ꠎꠣꠔꠦ ꠛꠣꠘꠥꠀꠐ ꠇꠤꠌ꠆ꠍꠣ ꠀꠞ ꠟꠣꠝ꠆ꠛꠣ ꠟꠣꠝ꠆ꠛꠣ ꠈꠣꠘ꠆ꠖꠣꠘꠞ ꠟꠤꠡ꠆ꠐꠞ ꠛꠣꠄ ꠈꠤꠀꠟꠤ ꠘꠣ ꠅꠁꠘ। ꠁꠔꠣꠄ ꠔ ꠘꠣꠘꠣꠘ ꠘꠝꠥꠘꠣꠞ ꠖꠟꠣꠖꠟꠤꠞ ꠎꠘꠝ ꠖꠦꠄ, ꠀꠟ꠆ꠟꠣꠞ ꠇꠣꠝꠞ ꠇꠥꠘꠥ ꠚꠣꠄꠖꠣ ꠅꠄ ꠘꠣ, ꠀꠟ꠆ꠟꠣꠁ ꠚꠣꠄꠖꠣ ꠝꠤꠟꠦ ꠈꠣꠟꠤ ꠁꠝꠣꠘꠞ ꠝꠣꠎꠖꠤ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:7

ꠔꠥꠝꠤ ꠀꠎꠦ-ꠛꠣꠎꠦ ꠇꠤꠌ꠆ꠍꠣ-ꠇꠣꠢꠤꠘꠤ ꠕꠣꠇꠤ ꠢꠞꠤꠀ ꠞꠁꠅ, ꠁꠔꠣ ꠔ ꠖꠣꠖꠤ-ꠘꠣꠘꠤꠞ ꠇꠅꠀ ꠛꠣꠘꠣꠁꠟ ꠇꠤꠌ꠆ꠍꠣꠞ ꠟꠣꠈꠣꠘ। ꠄꠞꠟꠣꠉꠤ ꠁꠔꠣ ꠛꠣꠖ ꠖꠤꠀ ꠖꠤꠟꠞ ꠁꠝꠣꠘꠤ ꠛꠦꠀꠝ ꠇꠞꠣꠔ ꠞꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:14

ꠅ ꠔꠤꠝꠕꠤ, ꠔꠥꠝꠤ ꠝꠥꠝꠤꠘ ꠅꠇꠟꠞꠦ ꠀꠝꠣꠞ ꠅꠃ ꠔꠣꠟꠤꠝꠈꠣꠘ ꠝꠘꠅ ꠇꠞꠣꠁ ꠖꠦꠅ। ꠀꠟ꠆ꠟꠣꠞ ꠍꠣꠝꠘꠦ ꠔꠣꠞꠣꠞꠦ ꠢꠥꠡꠤꠀꠞ ꠇꠞꠅ, ꠎꠣꠔꠦ ꠀꠎꠦ-ꠛꠣꠎꠦ ꠝꠣꠔ ꠟꠁꠀ ꠔꠞ꠆ꠇꠣ-ꠔꠞ꠆ꠇꠤ ꠘꠣ ꠇꠞꠂꠘ, ꠁꠔꠣ ꠝꠣꠔꠞ ꠔ ꠇꠥꠘꠥ ꠖꠣꠝ ꠘꠣꠁ, ꠁꠔꠣ ꠎꠦꠞꠣ ꠢꠥꠘꠦ, ꠔꠣꠞꠣꠞ ꠡꠞ꠆ꠛꠘꠣꠡ ꠅꠄ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:16

ꠀꠟ꠆ꠟꠣꠞ ꠛꠤꠞꠥꠗꠤ ꠀꠎꠦ-ꠛꠣꠎꠦ ꠝꠣꠔ ꠕꠣꠇꠤ ꠖꠥꠞꠁ ꠞꠅ। ꠁꠟꠣ ꠝꠣꠔꠦ ꠀꠟ꠆ꠟꠣꠞ ꠛꠣꠄ ꠝꠣꠘꠡꠞ ꠒꠞ-ꠈꠚ ꠇꠝꠣ ꠗꠞꠛ।

Injil 17: Titas 3:9

ꠔꠣ-ꠅ ꠛꠦꠅꠇꠥꠚꠞ ꠟꠣꠈꠣꠘ ꠔꠞ꠆ꠇꠣ-ꠔꠞ꠆ꠇꠤ, ꠎꠣꠔ-ꠛꠋꠡ ꠟꠁꠀ ꠝꠣꠔꠣ, ꠇꠣꠁꠎ꠆ꠎꠣ-ꠚꠍꠣꠖ, ꠀꠞ ꠡꠞꠤꠅꠔ ꠟꠁꠀ ꠇꠕꠣ ꠇꠣꠐꠣꠇꠣꠐꠤ ꠇꠞꠤꠅ ꠘꠣ। ꠁꠔꠣꠄ ꠔ ꠇꠥꠘꠥ ꠚꠣꠄꠖꠣ ꠅꠄ ꠘꠣ, ꠁꠔꠣ ꠄꠇ꠆ꠇꠦꠞꠦ ꠛꠦꠇꠣꠝꠣ।

Injil 20: Iakub 4:1

ꠔꠥꠝꠞꠣꠞ ꠝꠣꠎꠦ ꠇꠥꠀꠁ ꠕꠘꠦ ꠝꠣꠁꠞ-ꠖꠞꠛꠣꠞ ꠀꠞ ꠇꠣꠁꠎ꠆ꠎꠣ ꠙꠄꠖꠣ ꠅꠄ? ꠔꠥꠝꠞꠣꠞ ꠡꠥꠈꠞ ꠈꠣꠁꠡꠦ ꠡꠞꠤꠟꠞ ꠎꠦ ꠞꠤꠙꠥꠄ ꠟꠣꠠꠣꠁ ꠇꠞꠦ, ꠅꠉꠥ ꠕꠣꠇꠤꠃ ꠀꠄ।