ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:20 - Siloṭi Asmani Kitab (Nagri lipi)

²⁰ ꠅ ꠔꠤꠝꠕꠤ, ꠎꠝꠤꠖꠣꠞ ꠛꠣꠠꠤꠔ ꠔ ꠈꠣꠟꠤ ꠡꠥꠘꠣ-ꠞꠥꠙꠣꠞ ꠎꠤꠘꠤꠡ ꠕꠣꠇꠦ ꠘꠣ, ꠟꠣꠇꠠꠤꠞ ꠎꠤꠘꠤꠡ ꠀꠞ ꠝꠣꠐꠤꠞ ꠕꠣꠟ-ꠛꠣꠡꠘꠅ ꠕꠣꠇꠦ। ꠄꠞꠝꠣꠎꠦ ꠇꠥꠘꠥꠐꠣ ꠡꠝ꠆ꠝꠣꠘꠤ ꠇꠣꠝꠅ ꠀꠞ ꠇꠥꠘꠥꠐꠣ ꠘꠤꠌꠣ ꠇꠣꠝꠅ ꠛꠦꠛꠢꠣꠞ ꠅꠄ।

ছিলটি আছমানি কিতাব (বাংলা লিপি)

²⁰ ও তিমথি, জমিদার বাড়িত তো খালি সোনা-রুপার জিনিস থাকে না, লাকড়ির জিনিস আর মাটির থাল-বাসনও থাকে। এরমাজে কুনুটা সম্মানি কামো আর কুনুটা নীচা কামো বেবহার অয়।

Siloṭi Asmani Kitab (Latin lipi)

²⁰ O Timoti, zomidar baṛit to ḳali shuna-rufar zinish taḳe na, laḳṛir zinish ar maṭir tal-bashon-o taḳe. Ermaze kunuṭa shommani kamo ar kunuṭa nisa ḳamo bebohar oy.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:20 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 27:3

ꠇꠥꠞꠛꠣꠘꠤ ꠈꠣꠘꠣꠞ ꠍꠣꠟꠤ ꠔꠥꠟꠣꠞ ꠛꠠ ꠌꠣꠝꠌ ꠀꠞ ꠉꠣꠝꠟꠣ, ꠟꠃ ꠕꠅꠀꠞ ꠛꠣꠐꠤ, ꠉꠥꠡ꠆ꠔ ꠔꠥꠟꠣꠞ ꠛꠠ ꠇꠣꠐꠣ-ꠍꠤꠚ, ꠀꠋꠞꠣ ꠕꠅꠀꠞ ꠙꠣꠔꠤꠟ, ꠢꠇꠟꠔꠣ ꠙꠤꠔꠟꠖꠤ ꠛꠣꠘꠣꠁꠅ।

Injil 4: Hannan 8:49

ꠔꠣꠁꠘ ꠇꠁꠟꠣ, “ꠘꠣ, ꠀꠝꠣꠞꠦ ꠜꠥꠔꠦ ꠗꠞꠍꠦ ꠘꠣ। ꠀꠝꠤ ꠀꠝꠣꠞ ꠛꠣꠚꠞꠦ ꠁꠎ꠆ꠎꠔ ꠇꠞꠤ, ꠅꠁꠟꠦ ꠔꠥꠝꠞꠣ ꠀꠝꠣꠞꠦ ꠛꠦꠁꠎ꠆ꠎꠔ ꠇꠞꠞꠣꠄ।

Injil 6: Ruman 9:20

ꠁ ꠍꠅꠀꠟꠞ ꠡꠥꠎꠣ ꠎꠥꠀꠙ ꠅꠁꠟ, ꠀꠟ꠆ꠟꠣꠞ ꠃꠙꠞꠦ ꠝꠣꠔꠣꠞ ꠔꠥꠝꠤ ꠇꠦ? ꠇꠦꠃ ꠎꠥꠖꠤ ꠇꠥꠘꠥ ꠎꠤꠘꠤꠡ ꠛꠣꠘꠣꠄ, ꠔꠦ ꠔꠣꠞ ꠛꠣꠘꠣꠁꠟ ꠎꠤꠘꠤꠡꠦ ꠎꠤꠇꠣꠁꠔ ꠙꠣꠞꠛ ꠘꠤ, ꠀꠝꠣꠞꠦ ꠇꠦꠘꠦ ꠁꠟꠣ ꠛꠣꠘꠣꠁꠟꠣꠄ?

Injil 7: 1-Korintia 3:9

ꠅꠁꠟꠦ ꠀꠝꠞꠣ ꠖꠥꠁꠅꠎꠘꠦꠃ ꠀꠟ꠆ꠟꠣꠞ ꠇꠣꠝ ꠇꠞꠤꠀꠞ। ꠔꠥꠝꠞꠣ ꠀꠟ꠆ꠟꠣꠞꠃ ꠈꠦꠔ, ꠔꠣꠘ ꠛꠣꠘꠣꠁꠟ ꠛꠤꠟꠒꠤꠋ।

Injil 8: 2-Korintia 4:7

ꠀꠟ꠆ꠟꠣꠁ ꠅꠃ ꠘꠥꠞꠞ ꠗꠘ ꠔ ꠝꠣꠐꠤꠞ ꠛꠣꠡꠘꠅ ꠞꠣꠈꠣ ꠅꠁꠍꠦ, ꠅꠃ ꠛꠣꠡꠘ ꠅꠁꠟꠣꠝ ꠀꠝꠞꠣꠃ। ꠝꠣꠐꠤꠞ ꠛꠣꠡꠘꠅ ꠞꠣꠈꠣ ꠅꠁꠍꠦ, ꠎꠣꠔꠦ ꠝꠣꠘꠡꠦ ꠛꠥꠎꠔ ꠙꠣꠞꠦ ꠅꠃ ꠇꠥꠖꠞꠔꠤ ꠝꠢꠣꠡꠇ꠆ꠔꠤ ꠀꠝꠞꠣꠞ ꠘꠤꠎꠞ ꠉꠦꠍ ꠕꠣꠇꠤ ꠀꠁꠍꠦ ꠘꠣ, ꠛꠞꠋ ꠀꠟ꠆ꠟꠣꠞ ꠉꠦꠍ ꠕꠣꠇꠤꠃ ꠀꠁꠍꠦ।

Injil 10: Ifisia 2:22

ꠔꠥꠝꠞꠣꠅ ꠀꠁꠀ ꠔꠣꠘ ꠟꠉꠦ ꠎꠥꠠꠣ ꠟꠣꠉꠍ, ꠝꠣꠘꠤ ꠔꠣꠘ ꠃꠝ꠆ꠝꠔ ꠅꠁꠍ, ꠄꠞꠟꠣꠉꠤ ꠔꠥꠝꠞꠣꠞꠦꠅ ꠄꠇꠟꠉꠦ ꠉꠠꠤꠀ ꠔꠥꠟꠣ ꠅꠞ, ꠎꠣꠔꠦ ꠙꠣꠇ ꠞꠥꠢꠥꠞ ꠝꠣꠎꠖꠤ ꠁ ꠊꠞꠞ ꠝꠣꠎꠦ ꠀꠟ꠆ꠟꠣꠞ ꠛꠡꠔ ꠈꠣꠘꠣ ꠅꠄ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:15

ꠎꠥꠖꠤ ꠇꠥꠘꠥ ꠇꠣꠞꠘꠦ ꠀꠝꠣꠞ ꠀꠁꠔꠦ ꠖꠦꠞꠤ ꠅꠁꠎꠣꠄ, ꠔꠦ ꠁ ꠟꠦꠈꠣ ꠙꠠꠟꠦ ꠔꠥꠝꠤ ꠛꠥꠎꠛꠣꠄ, ꠀꠟ꠆ꠟꠣꠞ ꠙꠞꠤꠛꠣꠞꠞ ꠝꠣꠘꠡꠞ ꠌꠣꠟ-ꠌꠟꠘ ꠇꠤꠟꠣ ꠅꠁꠔ। ꠁ ꠙꠞꠤꠛꠣꠞ ꠔ ꠎꠤꠘ꠆ꠖꠣ ꠀꠟ꠆ꠟꠣꠞ ꠎꠝꠣꠔ, ꠀꠟ꠆ꠟꠣꠁ ꠢꠇꠤꠇꠔꠞ ꠜꠤꠔ ꠀꠞ ꠁꠀꠘ ꠈꠥꠐꠤ।

ꠁꠘ꠆ꠎꠤꠟ ২১: ১-ꠙꠤꠔꠞ 2:5

ꠀꠞ ꠔꠥꠝꠞꠣ ꠔꠣꠘ ꠔꠞꠤꠇꠣ ꠇꠛꠥꠟ ꠇꠞꠣꠄ, ꠔꠥꠝꠞꠣꠞꠦꠅ ꠎꠤꠘ꠆ꠖꠣ ꠙꠣꠔ꠆ꠔꠞꠞ ꠟꠣꠈꠣꠘ ꠀꠟ꠆ꠟꠣ ꠙꠣꠇ ꠞꠁꠛꠣꠞ ꠙꠛꠤꠔ꠆ꠞ ꠇꠣꠛꠣ ꠊꠞ ꠛꠣꠘꠣꠘꠤ ꠅꠞ। ꠄꠞꠟꠣꠉꠤ ꠀꠟ꠆ꠟꠣꠁ ꠁꠝꠣꠝ ꠍꠣꠛ ꠢꠤꠡꠣꠛꠦ ꠔꠥꠝꠞꠣꠞꠦ ꠀꠟꠣꠖꠣ ꠇꠞꠤ ꠞꠣꠈꠣ ꠅꠁꠍꠦ, ꠎꠣꠔꠦ ꠔꠥꠝꠞꠣ ꠅꠃꠟꠣ ꠞꠥꠢꠣꠘꠤ ꠇꠥꠞꠛꠣꠘꠤ ꠖꠦꠅ, ꠎꠦꠔꠣ ꠁꠍꠣ ꠀꠟ-ꠝꠍꠤꠞ ꠈꠣꠔꠤꠞꠦ ꠀꠟ꠆ꠟꠣꠄ ꠇꠛꠥꠟ ꠇꠞꠂꠘ।