ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:2 - Siloṭi Asmani Kitab (Nagri lipi)

² ꠀꠞ ꠛꠃꠔ ꠡꠣꠇ꠆ꠇꠤꠞ ꠍꠣꠝꠘꠦ ꠀꠝꠣꠞ ꠝꠥꠈꠞ ꠎꠦꠔꠣ ꠔꠣꠟꠤꠝ ꠢꠥꠘꠍ, ꠅꠃ ꠔꠣꠟꠤꠝꠞꠦ ꠅꠟꠣꠈꠣꠘ ꠢꠇ-ꠢꠣꠟꠣꠟ ꠝꠣꠘꠡꠞ ꠀꠔꠅ ꠖꠦꠅ, ꠎꠦꠞꠣ ꠅꠁꠘ꠆ꠘ ꠝꠣꠘꠡꠞꠦꠅ ꠔꠣꠟꠤꠝ ꠖꠦꠅꠀꠞ ꠃꠙꠎꠥꠇ꠆ꠔ।

ছিলটি আছমানি কিতাব (বাংলা লিপি)

² আর বউত সাক্ষির ছামনে আমার মুখর যেতা তালিম হুনছো, অউ তালিমরে অলাখান হক-হালাল মানষর আতো দেও, যেরা অইন্য মানষরেও তালিম দেওয়ার উপযুক্ত।

Siloṭi Asmani Kitab (Latin lipi)

² Ar bout shakkir samne amar mukor zeta talim huncho, ou talimre olaḳan hok-halal manshor ato deo, zera oinno manshore-o talim deoar ufozukto.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:2 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 14:42

ꠀꠞ ꠅꠀꠟꠞ ꠎꠦ ꠎꠣꠉꠣ ꠕꠣꠇꠤ ꠙꠣꠔ꠆ꠔꠞ ꠛꠣ ꠁꠐ ꠈꠥꠟꠣ ꠅꠁꠍꠦ, ꠢꠘꠅ ꠘꠄꠀ ꠙꠣꠔ꠆ꠔꠞ ꠟꠣꠉꠣꠁꠛꠣ, ꠟꠣꠉꠣꠁꠀ ꠀꠡ꠆ꠔꠣ ꠊꠞ ꠢꠤꠞꠛꠣꠞ ꠘꠄꠀ ꠀꠡ꠆ꠔꠞ ꠇꠞꠔꠣ।

ꠔꠃꠞꠣꠔ ৪: ꠡꠥꠝꠣꠞꠤ 12:7

ꠅꠁꠟꠦ ꠀꠝꠣꠞ ꠉꠥꠟꠣꠝ ꠝꠥꠍꠣꠞ ꠟꠉꠦ ꠁꠟꠣ ꠇꠞꠤ ꠘꠣ। ꠢꠦ ꠀꠝꠣꠞ ꠀꠡ꠆ꠔꠣ ꠡꠋꠡꠣꠞꠞ ꠢꠇꠟ ꠕꠣꠇꠤ ꠛꠤꠡ꠆ꠛꠣꠡꠤ ꠎꠘ।

ꠁꠘ꠆ꠎꠤꠟ ১: ꠝꠕꠤ 13:52

ꠔꠦꠃ ꠁꠍꠣꠄ ꠔꠣꠞꠣꠞꠦ ꠇꠁꠟꠣ, “ꠎꠦ ꠝꠃꠟꠣꠘꠣ ꠅꠇꠟꠦ ꠛꠦꠢꠦꠡ꠆ꠔꠤ ꠛꠣꠖꠡꠣꠁꠞ ꠔꠣꠟꠤꠝ ꠙꠣꠁꠍꠂꠘ, ꠔꠣꠞꠣ ꠅꠟꠣ ꠄꠇ ꠉꠤꠞꠡ꠆ꠔꠞ ꠟꠣꠈꠣꠘ, ꠎꠦ ꠉꠤꠞꠡ꠆ꠔꠦ ꠔꠣꠘ ꠡꠘ꠆ꠖꠥꠇ ꠕꠣꠇꠤ ꠘꠄꠀ ꠀꠞ ꠙꠥꠞꠣꠘꠣ ꠝꠣꠟ ꠛꠣꠞ ꠇꠞꠂꠘ।”

ꠁꠘ꠆ꠎꠤꠟ ১: ꠝꠕꠤ 24:25

ꠖꠦꠈꠤꠅ, ꠀꠝꠤ ꠁꠔꠣ ꠢꠇ꠆ꠇꠟꠔꠣ ꠔꠥꠝꠞꠣꠞꠦ ꠀꠉꠦꠃ ꠎꠣꠘꠣꠁ ꠖꠤꠟꠣꠝ।

Injil 3: Luk 12:42

ꠢꠥꠎꠥꠞꠦ ꠎꠥꠀꠙ ꠖꠤꠟꠣ, “ꠀꠈꠟꠖꠣꠞ ꠀꠞ ꠢꠇ-ꠢꠣꠟꠣꠟꠤ ꠅꠃ ꠎꠘ ꠇꠦ, ꠎꠣꠞ ꠀꠔꠅ ꠝꠣꠟꠤꠇꠦ ꠔꠣꠘ ꠉꠥꠟꠣꠝ-ꠛꠣꠘ꠆ꠖꠤꠞꠦ ꠖꠦꠈꠣ-ꠢꠥꠘꠣꠞ ꠜꠣꠞ ꠖꠤꠛꠣ, ꠢꠦ ꠅꠇ꠆ꠔꠞ ꠇꠣꠟꠅ ꠔꠣꠞꠣꠞ ꠈꠣꠘꠤ ꠛꠣꠐꠤꠀ ꠖꠤꠛ?

Injil 7: 1-Korintia 4:2

ꠀꠞ ꠎꠦꠞꠣꠞ ꠃꠙꠞꠦ ꠜꠣꠘ꠆ꠒꠣꠞꠞ ꠈꠣꠎꠣꠘ꠆ꠌꠤꠞ ꠜꠣꠞ ꠖꠦꠅꠀ ꠅꠄ, ꠔꠣꠞꠣ ꠔ ꠙꠞꠝꠣꠘ ꠖꠦꠈꠣꠘꠤ ꠟꠣꠉꠛ, ꠔꠣꠞꠣ ꠢꠇ-ꠢꠣꠟꠣꠟ।

Injil 8: 2-Korintia 2:14

ꠅꠁꠟꠦ ꠀꠝꠞꠣ ꠀꠟ꠆ꠟꠣꠞ ꠡꠥꠇꠞꠤꠀ ꠎꠣꠘꠣꠁ, ꠔꠣꠁꠘ ꠀꠝꠞꠣꠞꠦ ꠢꠣꠝꠦꠡꠣ ꠀꠟ-ꠝꠍꠤꠞ ꠛꠤꠎꠄꠅꠞ ꠝꠢꠣ ꠚꠥꠞ꠆ꠔꠤꠞ ꠝꠤꠍꠤꠟꠞ ꠟꠉꠦ ꠌꠣꠟꠣꠁꠞꠣ। ꠀꠟ-ꠝꠍꠤꠞꠦ ꠌꠤꠘꠣ ꠔ ꠄꠇ ꠊꠦꠞꠣꠘꠞ ꠟꠣꠈꠣꠘ। ꠀꠟ꠆ꠟꠣꠄ ꠔꠣꠘ ꠎꠄ-ꠎꠣꠔ꠆ꠞꠣꠄ ꠅꠃ ꠊꠦꠞꠣꠘ ꠀꠝꠞꠣꠞ ꠝꠣꠎꠖꠤ ꠢꠇꠟ ꠎꠣꠉꠣꠔ ꠍꠤꠔ꠆ꠞꠣꠁ ꠖꠦꠁꠘ।

Injil 8: 2-Korintia 3:5

ꠔꠣ-ꠅ ꠀꠝꠞꠣ ꠎꠦ ꠘꠤꠎꠞ ꠉꠥꠘꠦ ꠢꠇꠟꠔꠣ ꠇꠞꠤꠟꠔꠣꠝ ꠙꠣꠞꠝꠥ, ꠁꠟꠣ ꠇꠥꠘꠥ ꠇꠕꠣ ꠘꠣꠄ। ꠁ ꠈꠦꠎꠝꠔꠤ ꠉꠥꠘ ꠔ ꠈꠣꠟꠤ ꠀꠟ꠆ꠟꠣꠞ ꠉꠦꠍ ꠕꠣꠇꠤꠃ ꠙꠣꠁ।

Injil 12: Kolosia 1:7

ꠅꠃ ꠈꠥꠡ-ꠈꠛꠞꠤꠞ ꠇꠕꠣ ꠔꠥꠝꠞꠣ ꠀꠝꠣꠞ ꠟꠉꠞ ꠝꠣꠄꠀꠞ ꠜꠣꠁ ꠀꠛꠥ-ꠚꠣꠞꠣꠍꠞ ꠉꠦꠍꠦ ꠢꠥꠘꠍ। ꠔꠣꠁꠘ ꠔꠥꠝꠞꠣꠞ ꠔꠞꠚ ꠕꠣꠇꠤ ꠀꠟ-ꠝꠍꠤꠞ ꠄꠇꠎꠘ ꠢꠇ ꠈꠦꠎꠝꠔꠇꠣꠞꠤ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:12

ꠢꠎꠞꠔ ꠁꠍꠣ ꠀꠟ-ꠝꠍꠤ, ꠎꠦꠁꠘ ꠀꠝꠞꠣꠞ ꠝꠣꠟꠤꠇ, ꠔꠣꠁꠘ ꠀꠝꠣꠞꠦ ꠛꠟ ꠎꠥꠉꠣꠁꠍꠂꠘ, ꠀꠝꠣꠞꠦ ꠢꠇ-ꠢꠣꠟꠣꠟ ꠝꠘꠅ ꠇꠞꠤꠀ ꠔꠣꠘ ꠇꠣꠝꠅ ꠛꠅꠀꠁꠟ ꠇꠞꠍꠂꠘ, ꠄꠞꠟꠣꠉꠤ ꠀꠝꠤ ꠔꠣꠘ ꠖꠞꠛꠣꠞꠅ ꠡꠥꠇꠞꠤꠀ ꠎꠣꠘꠣꠁꠞꠣꠝ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:18

ꠅ ꠝꠣꠄꠀꠞ ꠙꠥꠔ ꠔꠤꠝꠕꠤ, ꠔꠥꠝꠣꠞ ꠛꠦꠙꠣꠞꠦ ꠀꠉꠦ ꠎꠦꠔꠣ ꠛꠣꠔꠥꠘꠤ ꠝꠣꠔ ꠝꠣꠔꠣ ꠅꠁꠍꠤꠟ, ꠅꠃ ꠝꠣꠚꠤꠇ ꠀꠝꠤ ꠔꠥꠝꠣꠞꠦ ꠝꠤꠘꠔ ꠇꠞꠤ ꠇꠁꠞꠣꠝ, ꠔꠥꠝꠤ ꠁꠔꠣ ꠝꠘꠅ ꠞꠣꠈꠤꠀ ꠀꠟ-ꠝꠍꠤꠞ ꠟꠣꠉꠤ ꠖꠤꠟꠦ-ꠎꠣꠘꠦ ꠟꠣꠠꠣꠁ ꠇꠞꠣꠔ ꠞꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:14

ꠝꠘꠅ ꠞꠣꠈꠤꠅ, ꠎꠝꠣꠔꠞ ꠝꠥꠞꠛ꠆ꠛꠤ ꠅꠇꠟꠦ ꠔꠥꠝꠣꠞ ꠃꠙꠞꠦ ꠀꠔ ꠞꠣꠈꠤꠀ, ꠘꠛꠤꠞ ꠟꠣꠈꠣꠘ ꠉꠣꠁꠛꠤ ꠛꠥꠟꠤ ꠝꠣꠔꠤꠀ ꠔꠥꠝꠣꠞꠦ ꠈꠦꠟꠣꠚꠔꠤ ꠖꠤꠍꠂꠘ, ꠔꠦ ꠔꠥꠝꠤ ꠁ ꠘꠤꠀꠝꠔꠞꠦ ꠄꠟꠣꠝꠤ ꠇꠞꠤꠅ ꠘꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:6

ꠅ ꠔꠤꠝꠕꠤ, ꠔꠥꠝꠤ ꠎꠥꠖꠤ ꠅꠃ ꠔꠣꠟꠤꠝ ꠅꠇꠟ ꠝꠥꠝꠤꠘ ꠜꠣꠁꠀꠁꠘꠞꠦ ꠛꠥꠎꠣꠁꠀ ꠖꠦꠅ, ꠔꠦ ꠁꠍꠣꠄꠁ ꠁꠝꠣꠘꠞ ꠎꠦ ꠢꠇ ꠀꠞ ꠘꠤꠞꠜꠥꠟ ꠔꠣꠟꠤꠝ ꠝꠣꠘꠤꠀ ꠌꠟꠞꠣꠄ, ꠁ ꠛꠦꠙꠣꠞꠦ ꠔꠥꠝꠤ ꠙꠣꠇꠣ-ꠙꠥꠇ꠆ꠔ ꠅꠁꠀ ꠀꠟ-ꠝꠍꠤꠞ ꠄꠇꠎꠘ ꠃꠙꠎꠥꠇ꠆ꠔ ꠈꠣꠖꠤꠝ ꠅꠁꠛꠣꠄ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:22

ꠌꠐ ꠇꠞꠤ ꠇꠦꠃꠞꠞꠦ ꠈꠦꠟꠣꠚꠔꠤ ꠖꠤꠀ, ꠇꠥꠘꠥ ꠙꠖꠅ ꠛꠅꠀꠁꠟ ꠇꠞꠤꠅ ꠘꠣ। ꠅꠁꠘ꠆ꠘ ꠝꠣꠘꠡꠦ ꠎꠦꠛꠟꠣ ꠉꠥꠘꠣꠞ ꠇꠣꠝ ꠇꠞꠦ, ꠔꠥꠝꠤ ꠔꠣꠞꠣꠞ ꠟꠉꠦ ꠡꠞꠤꠇ ꠅꠁꠅ ꠘꠣ, ꠘꠤꠎꠞꠦ ꠘꠤꠈꠥꠔ ꠞꠣꠈꠤꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:12

ꠁꠝꠣꠘꠤ ꠟꠣꠠꠣꠁ ꠇꠞꠣꠔ ꠞꠅ। ꠀꠈꠦꠞꠣꠔꠞ ꠎꠦ ꠎꠤꠘ꠆ꠖꠦꠉꠤꠞ ꠟꠣꠉꠤ ꠀꠟ꠆ꠟꠣ ꠙꠣꠇꠦ ꠔꠥꠝꠣꠞꠦ ꠖꠣꠅꠔ ꠖꠤꠍꠂꠘ, ꠢꠃ ꠎꠤꠘ꠆ꠖꠦꠉꠤꠞꠦ ꠔꠥꠝꠤ ꠝꠎꠛꠥꠔ ꠇꠞꠤ ꠗꠞꠅ। ꠔꠥꠝꠤ ꠔ ꠁꠝꠣꠘꠤ ꠡꠣꠇ꠆ꠇꠤ ꠖꠤꠍꠟꠣꠄ ꠛꠃꠔ ꠝꠣꠘꠡꠞ ꠍꠣꠝꠘꠦ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:10

ꠅ ꠔꠤꠝꠕꠤ, ꠔꠥꠝꠤ ꠀꠝꠣꠞ ꠔꠣꠟꠤꠝ, ꠀꠝꠣꠞ ꠌꠣꠟ-ꠌꠟꠘ, ꠀꠝꠣꠞ ꠃꠖ꠆ꠖꠦꠡ꠆ꠡ, ꠁꠝꠣꠘ, ꠍꠛꠞꠉꠣꠞꠤ, ꠝꠢꠛ꠆ꠛꠔ, ꠀꠞ ꠀꠝꠣꠞ ꠗꠂꠎ꠆ꠎꠞ ꠇꠕꠣ ꠙꠥꠞꠣꠙꠥꠞ ꠈꠤꠀꠟ ꠇꠞꠍ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:14

ꠔꠦ ꠔꠥꠝꠤ ꠎꠦꠔꠣ ꠔꠣꠟꠤꠝ ꠙꠣꠁꠍ, ꠙꠣꠁꠀ ꠖꠤꠟꠦ-ꠎꠣꠘꠦ ꠄꠇꠤꠘ ꠇꠞꠍ, ꠄꠞ ꠃꠙꠞꠦ ꠕꠤꠞ ꠕꠣꠇꠅ, ꠇꠣꠞꠘ ꠔꠥꠝꠤ ꠘꠤꠎꠦ ꠎꠣꠘ, ꠁ ꠔꠣꠟꠤꠝ ꠇꠣꠞ ꠉꠦꠍ ꠕꠣꠇꠤ ꠙꠣꠁꠍ।

Injil 19: Ibrani 2:17

ꠁ ꠢꠇ꠆ꠇꠟꠔꠣ ꠙꠥꠞꠣꠙꠥꠞ ꠀꠖꠣꠄ ꠇꠞꠣꠞ ꠟꠣꠉꠤ ꠁꠍꠣꠞꠅ ꠎꠞꠥꠞ ꠀꠍꠤꠟ, ꠔꠣꠁꠘ ꠘꠤꠎꠦꠅ ꠅꠃ ꠜꠣꠁꠀꠁꠘ꠆ꠔꠞ ꠟꠉꠦ ꠢꠇꠟ ꠛꠦꠙꠣꠞꠦ ꠢꠝꠣꠘꠤ ꠅꠀ। ꠢꠝꠣꠘꠤ ꠅꠁꠀ ꠀꠟ꠆ꠟꠣꠞ ꠖꠞꠛꠣꠞꠅ ꠘꠤꠞꠜꠞ ꠇꠞꠣꠞ ꠎꠥꠇꠣ, ꠖꠤꠟ-ꠖꠞꠖꠤ ꠙꠞꠗꠣꠘ ꠁꠝꠣꠝ ꠅꠁꠔꠣ ꠙꠣꠞꠂꠘ। ꠁꠝꠣꠝ ꠛꠘꠤꠀ ꠝꠣꠘꠡꠞ ꠉꠥꠘꠣꠞ ꠇꠚꠞꠣꠞ ꠟꠣꠉꠤ ꠘꠤꠎꠞ ꠎꠣꠘ ꠇꠥꠞꠛꠣꠘꠤ ꠖꠦꠁꠘ।