ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:19 - Siloṭi Asmani Kitab (Nagri lipi)

¹⁹ ꠔꠦꠛꠃ ꠀꠟ꠆ꠟꠣꠞ ꠛꠣꠘꠣꠁꠟ ꠝꠎꠛꠥꠔ ꠜꠤꠔ ꠃꠛꠣ ꠞꠁꠍꠦ, ꠄꠞ ꠃꠙꠞꠦ ꠡꠤꠟ-ꠌꠣꠙ꠆ꠙꠠꠞ ꠟꠣꠈꠣꠘ ꠅꠃ ꠇꠕꠣ ꠟꠦꠈꠣ ꠀꠍꠦ, “ꠝꠣꠟꠤꠇꠦ ꠎꠣꠘꠂꠘ, ꠇꠦ ꠇꠦ ꠔꠣꠘ,” ꠀꠞ “ꠎꠦ ꠎꠘꠦ ꠀꠟ-ꠝꠍꠤꠞꠦ ꠝꠣꠟꠤꠇ ꠇꠁꠀ ꠡ꠆ꠛꠤꠇꠣꠞ ꠇꠞꠦ, ꠢꠦ ꠢꠇꠟ ꠎꠣꠔꠞ ꠉꠥꠘꠣ ꠕꠣꠇꠤ ꠢꠞꠣꠁꠟ ꠞꠃꠇ।”

ছিলটি আছমানি কিতাব (বাংলা লিপি)

¹⁹ তেবউ আল্লার বানাইল মজবুত ভীত উবা রইছে, এর উপরে সীল-চাপ্পড়র লাখান অউ কথা লেখা আছে, “মালিকে জানইন, কে কে তান,” আর “যে জনে আল-মসীরে মালিক কইয়া স্বীকার করে, হে হকল জাতর গুনা থাকি হরাইল রউক।”

Siloṭi Asmani Kitab (Latin lipi)

¹⁹ Tebou Allar banail mozbut bit uba roise, er ufre sil-sappoṛor laḳan ou ḳota leḳa ase, “Malike zanoin, ḳe ḳe tan,” ar “Ze zone al-Mosire malik koia shikar ḳore, he hoḳol zator guna taki horail rouk.”

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:19 Iomraidhean Croise

ꠎꠛꠥꠞ ꠡꠞꠤꠚ 1:6

ꠙꠞꠦꠎꠉꠣꠞ ꠛꠘ꠆ꠖꠣꠞ ꠌꠟꠣ-ꠚꠤꠞꠣꠞ ꠙꠕꠅ ꠝꠣꠛꠥꠖꠦ ꠘꠎꠞ ꠞꠣꠈꠂꠘ, ꠅꠁꠟꠦ ꠈꠛꠤꠍ-ꠛꠎ꠆ꠎꠣꠔꠞ ꠙꠕꠅ ꠀꠍꠦ ꠡꠞ꠆ꠛꠘꠣꠡ॥

ꠎꠛꠥꠞ ꠡꠞꠤꠚ 34:14

ꠛꠣꠖ ꠇꠣꠝ ꠕꠣꠇꠤ ꠚꠤꠞꠤꠀ ꠜꠣꠟꠣ ꠇꠣꠝ ꠇꠞꠃꠇ, ꠡꠣꠘ꠆ꠔꠤꠞ ꠀꠡꠤꠇ ꠅꠁꠀ ꠄꠞ ꠈꠞꠦ ꠈꠞꠦ ꠞꠃꠇ।

ꠎꠛꠥꠞ ꠡꠞꠤꠚ 37:18

ꠝꠣꠛꠥꠖꠦ ꠖꠦꠈꠂꠘ ꠖꠤꠘꠖꠣꠞꠞ ꠎꠤꠘ꠆ꠖꠦꠉꠤꠞ ꠢꠣꠟꠔ, ꠌꠤꠞꠇꠣꠟ ꠎꠣꠞꠤ ꠞꠁꠛ ꠔꠣꠞꠣꠞ ꠝꠃꠞꠡꠤ ꠖꠃꠟꠔ।

ꠎꠛꠥꠞ ꠡꠞꠤꠚ 97:10

ꠘꠣꠚꠞꠝꠣꠘꠤꠞꠦ ꠊꠤꠘ꠆ꠘꠣꠅ ꠔꠥꠝꠞꠣ ꠝꠣꠛꠥꠖꠞ ꠀꠡꠤꠇ ꠎꠣꠞꠣ, ꠀꠟ꠆ꠟꠣꠅꠀꠟꠣꠞ ꠎꠣꠘ ꠛꠣꠌꠣꠁꠘ ꠘꠣꠚꠞꠝꠣꠘꠞ ꠀꠔ ꠕꠣꠇꠤꠀ।

ꠔꠃꠞꠣꠔ ৪: ꠡꠥꠝꠣꠞꠤ 16:5

ꠛꠣꠖꠦ ꠔꠣꠁꠘ ꠇꠥꠞꠣꠢ ꠀꠞ ꠔꠣꠞ ꠖꠟꠞ ꠝꠣꠘꠡꠞꠦ ꠇꠁꠟꠣ, “ꠇꠣꠁꠟ ꠛꠤꠀꠘꠦꠃ ꠝꠣꠛꠥꠖꠦ ꠖꠦꠈꠣꠁꠛꠣ, ꠇꠦ ꠔꠣꠘ ꠛꠘ꠆ꠖꠣ, ꠀꠞ ꠇꠦ ꠙꠣꠇ-ꠙꠛꠤꠔ꠆ꠞ। ꠔꠣꠁꠘ ꠎꠣꠞꠦ ꠙꠍꠘ꠆ꠖ ꠇꠞꠂꠘ, ꠈꠣꠟꠤ ꠔꠣꠞꠣꠞꠦꠃ ꠔꠣꠘ ꠇꠣꠍꠣꠔ ꠀꠁꠔꠦ ꠖꠤꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 6:27

ꠅꠃ ꠟꠣꠈꠣꠘ ꠔꠣꠞꠣ ꠛꠘꠤ ꠁꠍꠞꠣꠁꠟꠞ ꠃꠙꠞꠦ ꠀꠝꠣꠞ ꠘꠣꠝ ꠟꠁꠛꠣ, ꠔꠦꠃ ꠀꠝꠤ ꠔꠣꠞꠣꠞꠦ ꠞꠢꠝ-ꠛꠞꠇꠔ ꠖꠤꠝꠥ।”

ꠁꠘ꠆ꠎꠤꠟ ১: ꠝꠕꠤ 24:24

ꠇꠣꠞꠘ ꠀꠟ-ꠝꠍꠤ ꠘꠣꠝ ꠟꠁꠀ ꠛꠃꠔ ꠜꠘ꠆ꠒ ꠀꠁꠛꠣ, ꠘꠛꠤ ꠢꠣꠎꠤꠀꠅ ꠛꠃꠔ ꠜꠘ꠆ꠒ ꠀꠁꠛꠣ। ꠁꠔꠣꠄ ꠛꠃꠔ ꠛꠠ ꠛꠠ ꠀꠌꠣꠘꠇ ꠇꠦꠞꠣꠝꠔꠤ ꠇꠣꠝ ꠖꠦꠈꠣꠁꠛꠣ। ꠔꠣꠞꠣ ꠌꠣꠁꠛꠣ, ꠡꠥꠎꠥꠉ ꠙꠣꠁꠟꠦ ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣꠞꠦ ꠗꠥꠇꠣ ꠖꠤꠀ ꠛꠦ-ꠙꠕꠦ ꠘꠤꠔꠣꠉꠤ।

ꠁꠘ꠆ꠎꠤꠟ ১: ꠝꠕꠤ 28:19

ꠄꠞꠟꠣꠉꠤ ꠔꠥꠝꠞꠣ ꠉꠤꠀ ꠔꠣꠝꠣꠝ ꠎꠣꠔꠤꠞ ꠝꠣꠘꠡꠞꠦ ꠀꠝꠣꠞ ꠃꠝ꠆ꠝꠔ ꠛꠣꠘꠣꠅ। ꠛꠦꠢꠦꠡ꠆ꠔꠤ ꠛꠣꠛꠣ ꠀꠟ꠆ꠟꠣ ꠙꠣꠇ, ꠔꠣꠘ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣ, ꠀꠞ ꠙꠣꠇ ꠞꠥꠢꠥꠞ ꠘꠣꠝꠦ ꠝꠣꠘꠡꠞꠦ ꠔꠞꠤꠇꠣꠞ ꠉꠥꠍꠟ ꠇꠞꠣꠅ।

ꠁꠘ꠆ꠎꠤꠟ ১: ꠝꠕꠤ 7:23

ꠅꠁꠟꠦ ꠀꠝꠤ ꠔꠣꠞꠣꠞꠦ ꠎꠥꠀꠙ ꠖꠤꠝꠥ, ‘ꠗꠥꠞ, ꠁꠛꠟꠤꠍꠞ ꠖꠟ! ꠀꠝꠤ ꠔ ꠔꠥꠝꠞꠣꠞꠦ ꠌꠤꠘꠤꠃ ꠘꠣ, ꠀꠝꠣꠞ ꠉꠦꠍ ꠕꠣꠇꠤ ꠜꠣꠉꠅ।’

ꠁꠘ꠆ꠎꠤꠟ ১: ꠝꠕꠤ 7:25

ꠛꠣꠖꠦ ꠝꠦꠊ-ꠔꠥꠚꠣꠘ ꠀꠞ ꠎꠥꠀꠞ ꠀꠁꠀ ꠅꠃ ꠊꠞꠞꠦ ꠑꠦꠟꠣ ꠖꠤꠟꠦꠅ ꠚꠣꠟꠣꠁꠔ ꠙꠣꠞꠦ ꠘꠣ, ꠇꠣꠞꠘ ꠁꠈꠣꠘ ꠔ ꠝꠎꠛꠥꠔ ꠈꠥꠐꠤꠞ ꠃꠙꠞꠦ ꠛꠣꠘꠣꠁꠟ ꠅꠁꠍꠦ।

Injil 2: Markus 12:16

ꠔꠣꠞꠣ ꠖꠤꠘꠣꠞ ꠟꠁꠀ ꠔꠣꠘ ꠉꠦꠍꠦ ꠀꠁꠟꠦ, ꠔꠣꠁꠘ ꠎꠤꠇꠣꠁꠟꠣ, “ꠁ ꠙꠄꠡꠣꠞ ꠃꠙꠞꠦ ꠇꠣꠞ ꠘꠣꠝ ꠀꠞ ꠍꠛꠤ?” ꠔꠣꠞꠣ ꠇꠁꠟꠣ, “ꠞꠥꠝꠣꠘ ꠛꠣꠖꠡꠣꠞ।”

Injil 2: Markus 13:22

ꠇꠣꠞꠘ ꠛꠃꠔ ꠜꠘ꠆ꠒꠄ ꠀꠁꠀ ꠇꠁꠛ, ꠀꠝꠤꠃ ꠀꠟ-ꠝꠍꠤ, ꠀꠞ ꠛꠃꠔ ꠜꠘ꠆ꠒ ꠘꠛꠤꠅ ꠀꠁꠛꠣ। ꠡꠝ꠆ꠛꠛ ꠅꠁꠟꠦ ꠔꠣꠞꠣ ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣ ꠅꠇꠟꠞꠦꠅ ꠗꠥꠇꠣ ꠖꠤꠀ ꠛꠦ-ꠙꠕꠦ ꠘꠤꠔꠣ ꠇꠞꠤ ꠛꠃꠔ ꠇꠦꠞꠣꠝꠔꠤ-ꠝꠥꠎꠦꠎꠣ ꠖꠦꠈꠣꠁꠛꠣ।

Injil 3: Luk 13:27

ꠅꠁꠟꠦ ꠔꠣꠁꠘ ꠇꠁꠛꠣ, ‘ꠢꠣꠄꠞꠦ ꠘꠣꠚꠞꠝꠣꠘ ꠅꠇꠟ, ꠀꠝꠣꠞ ꠉꠦꠍ ꠕꠣꠇꠤ ꠜꠣꠉꠅ। ꠔꠥꠝꠞꠣ ꠇꠥꠀꠁ ꠕꠣꠇꠤ ꠀꠁꠍ, ꠀꠝꠤ ꠔ ꠌꠤꠘꠤꠃ ꠘꠣ।’

Injil 3: Luk 6:48

ꠢꠦ ꠅꠃ ꠝꠣꠘꠡꠞ ꠟꠣꠈꠣꠘ, ꠎꠦ ꠊꠞ ꠛꠣꠘꠣꠘꠤꠞ ꠘꠤꠅꠔꠦ ꠉꠁꠘ ꠇꠞꠤ ꠝꠣꠐꠤ ꠈꠥꠖꠤꠀ ꠝꠎꠛꠥꠔ ꠇꠞꠤ ꠊꠞꠞ ꠈꠥꠐꠤ ꠛꠣꠘꠣꠁꠟ, ꠛꠣꠖꠦ ꠛꠁꠘ꠆ꠘꠣ ꠀꠁꠟ ꠀꠞ ꠙꠣꠘꠤꠞ ꠚꠥꠔꠦ ꠅꠃ ꠊꠞꠞꠦ ꠑꠦꠟꠤꠟ, ꠅꠁꠟꠦ ꠁꠈꠣꠘ ꠟꠠꠣꠁꠔ ꠙꠣꠞꠟ ꠘꠣ, ꠁꠈꠣꠘ ꠔ ꠝꠎꠛꠥꠔ ꠇꠞꠤ ꠛꠣꠘꠣꠁꠟ।

Injil 4: Hannan 10:14

ꠔꠦ ꠀꠝꠤꠃ ꠜꠣꠟꠣ ꠞꠣꠈꠣꠟ। ꠀꠝꠣꠞ ꠉꠣꠁꠛꠤ ꠛꠣꠚꠦ ꠀꠝꠣꠞꠦ ꠌꠤꠘꠂꠘ, ꠀꠞ ꠀꠝꠤꠅ ꠀꠝꠣꠞ ꠛꠣꠚꠞꠦ ꠌꠤꠘꠤ। ꠑꠤꠇ ꠅꠃꠟꠣ, ꠀꠝꠤ ꠀꠝꠣꠞ ꠝꠦꠠꠣꠁꠘ꠆ꠔꠞꠦꠅ ꠌꠤꠘꠤ, ꠀꠞ ꠀꠝꠣꠞ ꠝꠦꠠꠣꠁꠘ꠆ꠔꠦꠅ ꠀꠝꠣꠞꠦ ꠌꠤꠘꠂꠘ। ꠀꠝꠤ ꠀꠝꠣꠞ ꠝꠦꠠꠣ ꠙꠣꠟꠞ ꠟꠣꠉꠤ ꠘꠤꠎꠞ ꠎꠣꠘ ꠖꠤꠟꠣꠁꠞꠣꠝ।

Injil 4: Hannan 13:18

“ꠀꠝꠤ ꠔꠥꠝꠞꠣ ꠢꠇꠟꠞ ꠛꠦꠙꠣꠞꠦ ꠇꠁꠞꠣꠝ ꠘꠣ। ꠀꠝꠤ ꠎꠦꠞꠣꠞꠦ ꠙꠍꠘ꠆ꠖ ꠇꠞꠍꠤ ꠔꠣꠞꠣꠞꠦ ꠔ ꠌꠤꠘꠤ। ꠢꠥꠘꠅ, ꠀꠟ꠆ꠟꠣꠞ ꠇꠣꠟꠣꠝꠞ ꠀꠄꠀꠔ ꠔ ꠚꠟꠤꠔꠦ ꠅꠁꠛ, ꠟꠦꠈꠣ ꠀꠍꠦ, ‘ꠀꠝꠣꠞ ꠟꠉꠦ ꠛꠁꠀ ꠎꠦꠉꠥꠄ ꠈꠣꠅꠀ-ꠖꠣꠅꠀ ꠇꠞꠦ, ꠢꠉꠥꠄ ꠀꠝꠣꠞ ꠃꠙꠞꠦ ꠙꠣꠅ ꠔꠥꠟꠍꠦ।’

Injil 4: Hannan 3:33

ꠅꠁꠟꠦ ꠎꠦ ꠎꠘꠦ ꠔꠣꠘ ꠡꠣꠇ꠆ꠇꠤ ꠇꠛꠥꠟ ꠇꠞꠍꠦ, ꠢꠦ ꠅꠈꠣꠘ ꠖꠤꠀꠃ ꠙꠞꠝꠣꠘ ꠇꠞꠦ, ꠀꠟ꠆ꠟꠣꠞ ꠇꠣꠟꠣꠝꠃ ꠢꠣꠍꠣ।

Injil 5: Sahabi Nama 11:26

ꠀꠞ ꠔꠣꠘꠞꠦ ꠙꠣꠁꠀ ꠀꠘ꠆ꠔꠤꠅꠈꠤꠀꠔ ꠟꠁꠀ ꠀꠁꠟꠣ। ꠛꠣꠞ꠆ꠘꠣꠛꠣꠍ ꠀꠞ ꠡꠃꠟ ꠙꠥꠞꠣ ꠄꠇ ꠛꠞꠍ ꠢꠘꠅ ꠎꠝꠣꠔꠞ ꠟꠉꠦ ꠝꠤꠟꠤꠀ ꠛꠃꠔ ꠝꠣꠘꠡꠞꠦ ꠔꠣꠟꠤꠝ ꠖꠤꠟꠣ। ꠅꠃ ꠀꠘ꠆ꠔꠤꠅꠈꠤꠀꠔꠃ ꠀꠟ-ꠝꠍꠤꠞ ꠃꠝ꠆ꠝꠔ ꠅꠇꠟꠞꠦ ꠙꠄꠟꠣ ꠁꠍꠣꠄꠁ ꠘꠣꠝꠦ ꠒꠣꠇꠣ ꠅꠁꠟ।

Injil 5: Sahabi Nama 15:17

ꠎꠣꠔꠦ ꠛꠣꠇꠤ ꠢꠇꠟ ꠝꠣꠘꠡꠦ ꠝꠣꠛꠥꠖꠞ ꠔꠣꠟ꠆ꠟꠣꠡ ꠇꠞꠂꠘ, ꠀꠞ ꠎꠔ ꠅ-ꠁꠢꠥꠖꠤꠞ ꠘꠣꠝ ꠀꠝꠣꠞ ꠛꠘ꠆ꠖꠣꠞ ꠈꠣꠔꠣꠔ ꠟꠦꠈꠣ ꠀꠍꠦ, ꠔꠣꠞꠣꠅ ꠔꠣꠟ꠆ꠟꠣꠡ ꠇꠞꠂꠘ। ꠝꠣꠛꠥꠖꠦꠃ ꠅꠃ ꠇꠣꠟꠣꠝ ꠇꠁꠞꠣ,

Injil 5: Sahabi Nama 9:14

ꠀꠞ ꠅꠃ ꠎꠣꠉꠣꠔꠅ ꠎꠔ ꠝꠣꠘꠡꠦ ꠔꠥꠝꠣꠞ ꠙꠕꠦ ꠌꠟꠦ, ꠄꠞꠣꠞꠦ ꠛꠣꠘ꠆ꠖꠤꠀ ꠘꠦꠅꠀꠞ ꠈꠦꠝꠔꠣ ꠢꠦ ꠛꠠ ꠁꠝꠣꠝ ꠅꠇꠟꠞ ꠉꠦꠍ ꠕꠣꠇꠤ ꠙꠣꠁꠍꠦ।”

Injil 6: Ruman 11:2

ꠀꠟ꠆ꠟꠣꠄ ꠙꠄꠟꠣ ꠕꠣꠇꠤ ꠔꠣꠘ ꠎꠦ ꠙ꠆ꠞꠎꠣꠞꠦ ꠙꠍꠘ꠆ꠖ ꠇꠞꠤꠀ ꠀꠟꠉ ꠇꠞꠍꠤꠟꠣ, ꠔꠣꠁꠘ ꠔ ꠄꠞꠣꠞ ꠟꠉ ꠍꠣꠠꠍꠂꠘ ꠘꠣ। ꠢꠎꠞꠔ ꠁꠟꠤꠀꠍ ꠘꠛꠤꠞ ꠛꠦꠙꠣꠞꠦ ꠀꠟ꠆ꠟꠣꠞ ꠇꠣꠟꠣꠝꠅ ꠇꠤꠔꠣ ꠀꠍꠦ, ꠁꠔꠣ ꠔꠥꠝꠞꠣ ꠎꠣꠘ ꠘꠣ ꠘꠤ? ꠔꠣꠁꠘ ꠔ ꠛꠘꠤ ꠁꠍꠞꠣꠁꠟꠞ ꠛꠤꠞꠥꠖ꠆ꠖꠦ ꠀꠟ꠆ꠟꠣꠞ ꠖꠞꠛꠣꠞꠅ ꠅꠃ ꠘꠣꠟꠤꠡ ꠖꠤꠍꠟꠣ,

Injil 6: Ruman 12:9

ꠝꠣꠄꠀ-ꠝꠢꠛ꠆ꠛꠔꠞ ꠝꠣꠎꠦ ꠇꠥꠘꠥ ꠈꠣꠖ ꠝꠤꠡꠣꠁꠅ ꠘꠣ। ꠈꠣꠞꠣꠙꠤꠞꠦ ꠊꠤꠘ꠆ꠘꠣꠅ, ꠜꠣꠟꠣꠁꠞ ꠀꠡꠤꠇ ꠅꠅ।

Injil 6: Ruman 15:20

ꠔꠦ ꠎꠦ ꠎꠣꠉꠣꠔ ꠇꠥꠘꠥꠖꠤꠘ ꠀꠟ-ꠝꠍꠤꠞ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣ ꠅꠁꠍꠦ ꠘꠣ, ꠢꠃ ꠎꠣꠉꠣꠔ ꠔꠛꠟꠤꠉ ꠇꠞꠣꠃ ꠀꠝꠣꠞ ꠎꠤꠘ꠆ꠖꠦꠉꠤꠞ ꠝꠥꠟ ꠇꠣꠝ ꠝꠘꠅ ꠇꠞꠤ। ꠀꠝꠤ ꠌꠣꠁ ꠘꠣ ꠀꠞꠇ ꠎꠘꠞ ꠉꠣꠠꠣ ꠈꠥꠐꠤꠞ ꠃꠙꠞꠦ ꠜꠞ ꠇꠞꠤꠀ ꠊꠞ ꠛꠣꠘꠣꠁꠔꠣꠝ।

Injil 6: Ruman 15:9

ꠀꠞ ꠜꠤꠘ ꠎꠣꠔꠤꠞ ꠉꠦꠍꠦꠅ ꠀꠁꠟꠣ, ꠎꠣꠔꠦ ꠄꠞꠣꠅ ꠀꠟ꠆ꠟꠣꠞ ꠞꠢꠝꠔ ꠖꠦꠈꠤꠀ ꠔꠣꠘ ꠔꠣꠞꠤꠚ ꠇꠞꠦ। ꠁ ꠛꠦꠙꠣꠞꠦ ꠎꠛꠥꠞ ꠡꠞꠤꠚꠅ ꠀꠉꠦꠃ ꠇꠅꠀ ꠅꠁꠍꠦ, ꠄꠞꠟꠣꠉꠤꠃ ꠀꠝꠤ ꠜꠤꠘ ꠎꠣꠔꠤ ꠅꠇꠟꠞ ꠝꠣꠎꠦ ꠔꠥꠝꠣꠞ ꠔꠣꠞꠤꠚ ꠇꠞꠝꠥ ꠔꠣꠞꠣꠞ ꠝꠣꠎꠦ ꠔꠥꠝꠣꠞ ꠉꠥꠘꠉꠣꠘ ꠉꠣꠁꠝꠥ।

Injil 6: Ruman 8:28

ꠀꠝꠞꠣ ꠎꠣꠘꠤ, ꠀꠟ꠆ꠟꠣꠞꠦ ꠎꠦꠞꠣ ꠝꠢꠛ꠆ꠛꠔ ꠇꠞꠂꠘ, ꠝꠣꠘꠤ ꠀꠟ꠆ꠟꠣꠄ ꠔꠣꠘ ꠘꠤꠎꠞ ꠝꠞ꠆ꠎꠤ ꠝꠣꠚꠤꠇ ꠎꠦꠞꠣꠞꠦ ꠖꠣꠅꠔ ꠖꠤꠍꠂꠘ, ꠔꠣꠞꠣꠞ ꠜꠣꠟꠣꠁꠞ ꠟꠣꠉꠤ ꠢꠇꠟꠔꠣꠄ ꠄꠇꠟꠉꠦ ꠇꠣꠝ ꠇꠞꠦꠞ।

Injil 6: Ruman 9:11

ꠄꠞꠣ ꠝꠣʼꠞ ꠙꠦꠐꠅ ꠕꠣꠇꠣ ꠢꠣꠟꠔꠦ ꠎꠦꠛꠟꠣ ꠜꠣꠟꠣ-ꠛꠥꠞꠣ ꠇꠤꠌ꠆ꠍꠥ ꠇꠞꠍꠂꠘ ꠘꠣ, ꠢꠃ ꠡꠝꠄ ꠀꠟ꠆ꠟꠣꠄ ꠞꠦꠛꠦꠇꠣꠞꠦ ꠇꠁꠍꠟꠣ, “ꠔꠥꠝꠣꠞ ꠛꠠ ꠙꠥꠀ ꠔ ꠢꠥꠞꠥ ꠙꠥꠀꠞ ꠉꠥꠟꠣꠝ ꠅꠁꠛ।” ꠅꠘ ꠕꠣꠇꠤ ꠛꠥꠎꠣ ꠎꠣꠄ, ꠀꠟ꠆ꠟꠣꠄ ꠔꠣꠘ ꠝꠥꠘꠡꠣ ꠙꠥꠞꠣ ꠇꠞꠣꠞ ꠈꠤꠀꠟꠦ ꠝꠣꠘꠡꠞꠦ ꠙꠍꠘ꠆ꠖ ꠇꠞꠂꠘ, ꠇꠦꠃꠞꠞ ꠀꠝꠟꠞ ꠛꠣꠄ ꠘꠣ ꠌꠣꠁꠀ, ꠔꠣꠘ ꠘꠤꠎꠞ ꠙꠍꠘ꠆ꠖ ꠝꠣꠚꠤꠇ ꠛꠣꠍꠤꠀ ꠘꠦꠁꠘ।

Injil 7: 1-Korintia 1:2

ꠇꠞꠤꠘ꠆ꠔ ꠐꠣꠃꠘꠞ ꠀꠟ꠆ꠟꠣꠞ ꠎꠝꠣꠔꠞ ꠝꠣꠘꠡꠞ ꠉꠦꠍꠦ, ꠝꠣꠘꠤ ꠔꠥꠝꠞꠣꠞ ꠉꠦꠍꠦ ꠟꠦꠈꠞꠣꠝ। ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠔꠞꠤꠇꠣ ꠇꠛꠥꠟ ꠇꠞꠣꠄ ꠀꠟ꠆ꠟꠣꠄ ꠔꠥꠝꠞꠣꠞꠦ ꠙꠣꠇ-ꠙꠛꠤꠔ꠆ꠞ ꠇꠞꠍꠂꠘ ꠀꠞ ꠔꠣꠘ ꠀꠙꠘ ꠛꠘ꠆ꠖꠣ ꠅꠁꠛꠣꠞ ꠟꠣꠉꠤ ꠖꠣꠅꠔ ꠖꠤꠍꠂꠘ। ꠔꠥꠝꠞꠣꠞ ꠉꠦꠍꠦ ꠀꠞ ꠅꠁꠘ꠆ꠘꠣꠁꠘ꠆ꠘ ꠎꠣꠉꠣꠞ ꠎꠔ ꠝꠣꠘꠡꠦ ꠀꠝꠞꠣꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞꠦ ꠝꠣꠟꠤꠇ ꠇꠁꠀ ꠝꠣꠘꠂꠘ, ꠔꠣꠞꠣ ꠢꠇꠟꠞ ꠉꠦꠍꠦ ꠀꠝꠞꠣ ꠅꠃ ꠌꠤꠑꠤꠈꠣꠘ ꠟꠦꠈꠞꠣꠝ। ꠔꠣꠁꠘ ꠔꠣꠞꠣꠞꠅ ꠝꠣꠟꠤꠇ, ꠀꠝꠞꠣꠞꠅ ꠝꠣꠟꠤꠇ।

Injil 7: 1-Korintia 8:3

ꠅꠁꠟꠦ ꠎꠦ ꠎꠘꠦ ꠀꠟ꠆ꠟꠣꠞꠦ ꠝꠢꠛ꠆ꠛꠔ ꠇꠞꠦ, ꠀꠟ꠆ꠟꠣ ꠙꠣꠇꠦ ꠔ ꠔꠣꠞꠦ ꠌꠤꠘꠂꠘ।

Injil 8: 2-Korintia 7:1

ꠅ ꠝꠣꠄꠀꠞ ꠜꠣꠁ ꠅꠇꠟ, ꠅꠃ ꠅꠀꠖꠣ ꠅꠇꠟ ꠔ ꠀꠝꠞꠣꠞ ꠟꠣꠉꠤꠃ ꠇꠞꠣ ꠅꠁꠍꠦ, ꠔꠦ ꠀꠅ ꠀꠝꠞꠣ ꠡꠞꠤꠟꠞ ꠀꠞ ꠖꠤꠟꠞ ꠘꠣꠙꠣꠇꠤ ꠖꠥꠞ ꠇꠞꠤꠀ ꠘꠤꠎꠞꠦ ꠙꠣꠇ-ꠍꠣꠚ ꠇꠞꠤ, ꠀꠞ ꠀꠟ꠆ꠟꠣꠞ ꠒꠞ-ꠈꠚꠦ ꠙꠥꠞꠣꠙꠥꠞ ꠙꠣꠇ-ꠙꠛꠤꠔ꠆ꠞ ꠎꠤꠘ꠆ꠖꠦꠉꠤꠞ ꠙꠕꠦ ꠌꠟꠤ।

Injil 9: Galatia 4:9

ꠅꠁꠟꠦ ꠅꠈꠘ ꠔ ꠀꠟ꠆ꠟꠣꠞꠦ ꠌꠤꠘꠍ; ꠀꠍꠟꠦ ꠀꠟ꠆ꠟꠣꠄꠃ ꠔꠣꠘ ꠘꠤꠎꠞ ꠙꠞꠤꠌꠄ ꠖꠤꠍꠂꠘ। ꠔꠦ ꠔꠥꠝꠞꠣ ꠇꠤꠟꠣ ꠢꠤꠞꠛꠣꠞ ꠖꠥꠘꠤꠀꠛꠤ ꠢꠃ ꠇꠝꠎꠥꠞ ꠀꠞ ꠛꠣꠔꠤꠟ ꠌꠣꠟ-ꠌꠟꠘꠞ ꠛꠣꠄ ꠚꠤꠞꠤꠎꠤꠞꠣꠄ? ꠀꠞꠇꠛꠣꠞ ꠅꠔꠣꠞ ꠉꠥꠟꠣꠝ ꠛꠘꠔꠣꠄ ꠌꠣꠁꠞꠣꠄ ꠘꠤ?

Injil 10: Ifisia 2:20

ꠍꠣꠢꠣꠛꠤ ꠀꠞ ꠘꠛꠤ ꠅꠇꠟ ꠅꠁꠟꠣ ꠔꠣꠘ ꠊꠞꠞ ꠈꠥꠐꠤ, ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤ ꠅꠁꠟꠣ ꠝꠥꠟ ꠁꠀꠘ ꠈꠥꠐꠤ। ꠅꠃ ꠈꠥꠐꠤꠞ ꠃꠙꠞꠦꠃ ꠔꠥꠝꠞꠣꠞꠦ ꠉꠠꠣ ꠅꠁꠍꠦ।

Injil 10: Ifisia 4:30

ꠔꠥꠝꠞꠣ ꠀꠟ꠆ꠟꠣꠞ ꠙꠣꠇ ꠞꠥꠢꠥꠞꠦ ꠖꠥꠈ ꠖꠤꠅ ꠘꠣ, ꠀꠈꠦꠞꠤ ꠘꠣꠎꠣꠔꠞ ꠀꠉ ꠙꠞ꠆ꠎꠘ꠆ꠔ ꠅꠃ ꠞꠥꠢꠥ ꠖꠤꠀꠃ ꠀꠟ꠆ꠟꠣꠄ ꠔꠥꠝꠞꠣꠞꠦ ꠡꠤꠟ-ꠌꠣꠙ꠆ꠙꠠ ꠝꠣꠞꠤꠀ ꠕꠁꠍꠂꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:15

ꠎꠥꠖꠤ ꠇꠥꠘꠥ ꠇꠣꠞꠘꠦ ꠀꠝꠣꠞ ꠀꠁꠔꠦ ꠖꠦꠞꠤ ꠅꠁꠎꠣꠄ, ꠔꠦ ꠁ ꠟꠦꠈꠣ ꠙꠠꠟꠦ ꠔꠥꠝꠤ ꠛꠥꠎꠛꠣꠄ, ꠀꠟ꠆ꠟꠣꠞ ꠙꠞꠤꠛꠣꠞꠞ ꠝꠣꠘꠡꠞ ꠌꠣꠟ-ꠌꠟꠘ ꠇꠤꠟꠣ ꠅꠁꠔ। ꠁ ꠙꠞꠤꠛꠣꠞ ꠔ ꠎꠤꠘ꠆ꠖꠣ ꠀꠟ꠆ꠟꠣꠞ ꠎꠝꠣꠔ, ꠀꠟ꠆ꠟꠣꠁ ꠢꠇꠤꠇꠔꠞ ꠜꠤꠔ ꠀꠞ ꠁꠀꠘ ꠈꠥꠐꠤ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:19

ꠔꠦꠃ ꠔꠣꠞꠣ ꠘꠤꠎꠞ ꠟꠣꠉꠤ ꠄꠝꠘ ꠗꠘ ꠎꠝꠣ ꠇꠞꠛ, ꠎꠦꠔꠣ ꠜꠛꠤꠡꠔꠦ ꠔꠣꠞꠣꠞ ꠟꠣꠉꠤ ꠄꠇꠈꠣꠘ ꠝꠎꠛꠥꠔ ꠜꠤꠔꠞ ꠟꠣꠈꠣꠘ ꠅꠁꠛ। ꠄꠔꠦ ꠢꠣꠍꠣꠞꠞ ꠎꠤꠘ꠆ꠖꠦꠉꠤꠞꠦ ꠔꠣꠞꠣ ꠡꠇ꠆ꠔ ꠇꠞꠤ ꠗꠞꠤꠀ ꠞꠣꠈꠔ ꠙꠣꠞꠛ।

Injil 19: Ibrani 11:10

ꠀꠍꠟꠦ ꠎꠦ ꠐꠣꠃꠘ ꠢꠞ-ꠢꠣꠝꠦꠡꠣ ꠇꠣꠁꠝ ꠞꠁꠛ, ꠢꠃ ꠛꠦꠢꠦꠡ꠆ꠔꠤ ꠐꠣꠃꠘꠞ ꠟꠣꠉꠤ ꠔꠣꠁꠘ ꠛꠣꠞ ꠌꠣꠅꠀꠔ ꠀꠍꠟꠣ, ꠁ ꠐꠣꠃꠘꠞ ꠘꠇꠡꠣ-ꠘꠝꠥꠘꠣ ꠡꠢ ꠢꠇ꠆ꠇꠟ ꠇꠣꠞꠤꠉꠞꠤ ꠡ꠆ꠛꠄꠅꠋ ꠀꠟ꠆ꠟꠣꠞ ꠇꠣꠝ।

ꠁꠘ꠆ꠎꠤꠟ ২২: ২-ꠙꠤꠔꠞ 3:14

ꠄꠞꠟꠣꠉꠤ ꠜꠣꠁ ꠅꠇꠟ, ꠔꠥꠝꠞꠣ ꠎꠦꠛꠟꠣ ꠅꠃ ꠖꠤꠘꠞ ꠟꠣꠉꠤ ꠛꠣꠞ ꠌꠣꠅꠀꠔ ꠀꠍ, ꠔꠦ ꠈꠥꠛ ꠈꠤꠀꠟ ꠇꠞꠅ, ꠅꠃ ꠖꠤꠘ ꠔꠣꠁꠘ ꠎꠣꠘꠥ ꠔꠥꠝꠞꠣꠞꠦ ꠘꠤꠈꠥꠔ-ꠘꠤꠡ꠆ꠇꠟꠋꠇ ꠢꠣꠟꠔꠦ ꠡꠣꠘ꠆ꠔꠤꠞ ꠝꠣꠎꠦ ꠖꠦꠈꠂꠘ।

Injil 23: 1-Hannan 2:19

ꠅꠃ ꠖꠞ꠆ꠎꠣꠟ ꠅꠇꠟ ꠔ ꠀꠝꠞꠣꠞ ꠝꠣꠎ ꠕꠣꠇꠤꠃ ꠛꠣꠞ ꠅꠁꠍꠂꠘ। ꠔꠣ-ꠅ ꠄꠞꠣ ꠀꠍꠟꠦ ꠀꠝꠞꠣꠞ ꠔꠞꠤꠇꠣꠔ ꠀꠍꠤꠟ ꠘꠣ, ꠀꠝꠞꠣꠞ ꠔꠞꠤꠇꠣꠞ ꠅꠁꠟꠦ ꠔ ꠀꠝꠞꠣꠞ ꠟꠉꠦ ꠞꠁꠟ ꠅꠘꠦ। ꠔꠣꠞꠣ ꠛꠣꠞ ꠅꠁꠀ ꠉꠦꠍꠦꠉꠤ ꠇꠞꠤꠃ ꠛꠥꠎꠣ ꠎꠣꠄ, ꠔꠣꠞꠣ ꠇꠦꠃ ꠀꠝꠞꠣꠞ ꠘꠣꠄ।

Injil 27: Zaira Kalam 17:8

ꠔꠥꠝꠤ ꠎꠦ ꠎꠣꠘꠥꠀꠞ ꠖꠦꠈꠍꠤꠟꠣꠄ, ꠁꠉꠥ ꠀꠉꠦ ꠀꠍꠤꠟ, ꠅꠈꠘ ꠘꠣꠁ, ꠛꠣꠖꠦ ꠢꠦ ꠢꠣꠛꠤꠀ ꠖꠥꠎꠈ ꠕꠣꠇꠤ ꠃꠑꠤꠀ ꠀꠁꠀ ꠌꠤꠞꠇꠣꠟꠞ ꠟꠣꠉꠤ ꠡꠣꠎꠣ ꠙꠣꠁꠛ। ꠢꠃ ꠎꠦꠞꠣ ꠅꠃ ꠎꠉꠔꠞ ꠝꠣꠘꠥꠡ, ꠎꠦꠔꠣꠞ ꠘꠣꠝ ꠖꠥꠘꠤꠀꠞ ꠙꠄꠟꠣ ꠕꠣꠇꠤꠃ ꠀꠟ꠆ꠟꠣꠞ ꠎꠤꠘ꠆ꠖꠦꠉꠤ ꠈꠣꠔꠣꠔ ꠟꠦꠈꠣ ꠘꠣꠁ, ꠔꠣꠞꠣ ꠅꠃ ꠎꠣꠘꠥꠀꠞꠞꠦ ꠖꠦꠈꠤꠀ ꠔꠣꠁꠎ꠆ꠎꠥꠛ ꠅꠁꠎꠤꠛꠣ, ꠇꠣꠞꠘ ꠁꠉꠥ ꠀꠉꠦ ꠀꠍꠤꠟ, ꠅꠈꠘ ꠘꠣꠁ, ꠅꠕꠌ ꠢꠤꠞꠛꠣꠞ ꠖꠦꠈꠣ ꠖꠤꠛ।

Injil 27: Zaira Kalam 2:13

“ꠔꠥꠝꠞꠣ ꠇꠥꠘ ꠎꠣꠉꠣꠔ ꠛꠡꠔ ꠇꠞꠞꠣꠄ ꠁꠔꠣ ꠔ ꠀꠝꠤ ꠎꠣꠘꠤ, ꠁꠈꠣꠘꠅ ꠁꠛꠟꠤꠍꠞ ꠡꠤꠋꠢꠣꠡꠘ ꠀꠍꠦ। ꠅꠁꠟꠦ ꠀꠝꠣꠞ ꠛꠦꠙꠣꠞꠦ ꠔꠥꠝꠞꠣ ꠢꠇ-ꠢꠣꠟꠣꠟ ꠀꠍ, ꠀꠝꠣꠞ ꠃꠙꠞꠞ ꠁꠝꠣꠘꠞꠦ ꠅꠡ꠆ꠛꠤꠇꠣꠞ ꠇꠞꠍ ꠘꠣ। ꠀꠝꠣꠞ ꠔꠛꠟꠤꠉ ꠇꠞꠞꠣ ꠢꠃ ꠢꠇ-ꠢꠣꠟꠣꠟ ꠎꠘ ꠀꠘ꠆ꠔꠤꠙꠣꠍꠞꠦ ꠎꠦꠛꠟꠣ ꠡꠢꠤꠖ ꠇꠞꠣ ꠅꠁꠍꠤꠟ, ꠁꠛꠟꠤꠍꠞ ꠀꠈꠠꠣꠞ ꠝꠣꠎꠦ, ꠔꠥꠝꠞꠣꠞ ꠐꠣꠃꠘꠅ ꠔꠣꠞꠦ ꠈꠥꠘ ꠇꠞꠣ ꠅꠁꠍꠤꠟ, ꠢꠃ ꠡꠝꠄꠅ ꠔꠥꠝꠞꠣꠞ ꠁꠝꠣꠘꠞꠦ ꠅꠡ꠆ꠛꠤꠇꠣꠞ ꠇꠞꠍ ꠘꠣ।

Injil 27: Zaira Kalam 21:14

ꠁ ꠐꠣꠃꠘꠞ ꠅꠀꠟꠞ ꠛꠣꠞꠅꠐꠣ ꠙꠤꠟꠣꠞ ꠀꠍꠤꠟ, ꠁꠔꠣꠞ ꠃꠙꠞꠦ ꠝꠦꠠꠣ-ꠛꠣꠁꠌ꠆ꠌꠣꠞ ꠛꠣꠞꠅꠎꠘ ꠍꠣꠢꠣꠛꠤꠞ ꠛꠣꠞꠅꠈꠣꠘ ꠘꠣꠝ ꠟꠦꠈꠣ।

Injil 27: Zaira Kalam 22:4

ꠔꠣꠞꠣ ꠔꠣꠘ ꠙꠛꠤꠔ꠆ꠞ ꠝꠥꠈ ꠖꠦꠈꠛꠣ, ꠔꠣꠞꠣꠞ ꠇꠙꠣꠟꠅ ꠔꠣꠘ ꠘꠣꠝ ꠟꠦꠈꠣ ꠕꠣꠇꠛ।

Injil 27: Zaira Kalam 3:8

“ꠀꠝꠤ ꠔ ꠔꠥꠝꠞꠣꠞ ꠇꠣꠝ-ꠇꠣꠎ ꠎꠣꠘꠤ। ꠢꠥꠘꠅ, ꠀꠝꠤ ꠔꠥꠝꠞꠣꠞ ꠍꠣꠝꠘꠦ ꠄꠇꠈꠣꠘ ꠖꠥꠀꠞ ꠈꠥꠟꠣ ꠞꠣꠈꠟꠣꠝ, ꠁꠈꠣꠘ ꠛꠘ꠆ꠖ ꠇꠞꠣꠞ ꠈꠦꠝꠔꠣ ꠇꠦꠃꠞꠞ ꠘꠣꠁ। ꠀꠝꠤ ꠔ ꠎꠣꠘꠤ, ꠔꠥꠝꠞꠣ ꠈꠥꠛ ꠇꠝꠎꠥꠞ, ꠄꠞꠛꠣꠖꠦꠅ ꠔꠥꠝꠞꠣ ꠀꠝꠣꠞ ꠢꠥꠇꠥꠝ ꠀꠝꠟ ꠇꠞꠍ ꠀꠞ ꠀꠝꠣꠞꠦ ꠅꠡ꠆ꠛꠤꠇꠣꠞ ꠇꠞꠍ ꠘꠣ।