ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:18 - Siloṭi Asmani Kitab (Nagri lipi)

¹⁸ ꠁꠉꠥꠁꠘ ꠔ ꠀꠟ꠆ꠟꠣꠁ ꠢꠇ ꠕꠣꠇꠤ ꠇꠥ-ꠙꠕꠦ ꠉꠦꠍꠂꠘꠉꠤ। ꠁꠔꠣꠄ ꠇꠂꠘ, ꠝꠥꠝꠤꠘ ꠅꠇꠟ ꠛꠥꠟꠦ ꠝꠥꠞ꠆ꠖꠣ ꠕꠣꠇꠤ ꠎꠤꠘ꠆ꠖꠣ ꠅꠁꠀ ꠢꠣꠞꠍꠂꠘ। ꠅꠟꠣ ꠀꠎꠦ-ꠛꠣꠎꠦ ꠝꠣꠔꠤꠀ ꠔꠣꠞꠣ ꠇꠥꠘꠥ ꠇꠥꠘꠥ ꠎꠘꠞ ꠁꠝꠣꠘ ꠘꠡ꠆ꠐ ꠇꠞꠤꠟꠤꠍꠦ।

ছিলটি আছমানি কিতাব (বাংলা লিপি)

¹⁸ ইগুইন তো আল্লাই হক থাকি কু-পথে গেছইনগি। ইতায় কইন, মুমিন অকল বুলে মুর্দা থাকি জিন্দা অইয়া হারছইন। অলা আজে-বাজে মাতিয়া তারা কুনু কুনু জনর ইমান নষ্ট করিলিছে।

Siloṭi Asmani Kitab (Latin lipi)

¹⁸ Iguin to Allai hok taki ku-fote gesoingi. Itae ḳoin, mumin oḳol bule murda taki zinda oia harsoin. Ola aze-baze matia tara kunu kunu zonor iman nosṭo ḳorilise.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:18 Iomraidhean Croise

ꠁꠘ꠆ꠎꠤꠟ ১: ꠝꠕꠤ 15:13

ꠔꠣꠁꠘ ꠇꠁꠟꠣ, “ꠁꠔꠣꠞ ꠝꠣꠔ ꠚꠣꠟꠣꠅ। ꠀꠝꠣꠞ ꠛꠦꠢꠦꠡ꠆ꠔꠤ ꠛꠣꠚ ꠀꠟ꠆ꠟꠣꠄ ꠎꠦ ꠉꠣꠍ ꠟꠣꠉꠣꠁꠍꠂꠘ ꠘꠣ, ꠁ ꠉꠣꠍ ꠔꠣꠘ ꠛꠣꠉꠣꠘ ꠕꠣꠇꠤ ꠢꠥꠞꠤꠀ ꠚꠣꠟꠣꠁꠟ ꠅꠁꠛ। ꠔꠣꠞꠣꠞ ꠖꠣꠄꠁꠔ꠆ꠔ ꠀꠍꠤꠟ ꠀꠘ꠆ꠖꠣ ꠝꠣꠘꠡꠞꠦ ꠙꠕ ꠖꠦꠈꠣꠁꠔ, ꠅꠁꠟꠦ ꠔꠣꠞꠣ ꠘꠤꠎꠦꠃ ꠀꠘ꠆ꠖꠣ ꠛꠘꠤꠉꠦꠍꠦ। ꠇꠥꠘꠥ ꠀꠘ꠆ꠖꠣꠄ ꠀꠞꠇ ꠀꠘ꠆ꠖꠣꠞꠦ ꠙꠕ ꠖꠦꠈꠣꠘꠤꠔ ꠉꠦꠟꠦ, ꠖꠥꠁꠅ ꠀꠘ꠆ꠖꠣꠃ ꠉꠣꠔꠅ ꠙꠠꠤ ꠝꠞꠛ।”

ꠁꠘ꠆ꠎꠤꠟ ১: ꠝꠕꠤ 22:29

ꠔꠣꠁꠘ ꠎꠥꠀꠙ ꠖꠤꠟꠣ, “ꠀꠙꠘꠣꠞꠣ ꠔ ꠀꠟ꠆ꠟꠣꠞ ꠇꠣꠟꠣꠝ ꠎꠣꠘꠂꠘ ꠘꠣ, ꠀꠟ꠆ꠟꠣꠞ ꠇꠥꠖꠞꠔꠤ ꠛꠦꠙꠣꠞꠅ ꠛꠥꠎꠂꠘ ꠘꠣ। ꠄꠞꠖꠣꠄ ꠀꠙꠘꠣꠞꠣ ꠁ ꠜꠥꠟ ꠇꠞꠞꠣ।

Injil 3: Luk 8:13

ꠀꠞ ꠢꠥꠇꠘꠣ-ꠡꠇ꠆ꠔ ꠝꠣꠐꠤꠞ ꠃꠙꠞꠦ ꠙꠠꠣ ꠎꠣꠟꠣꠖꠤ ꠛꠥꠎꠣꠁꠟ ꠅꠁꠍꠦ, ꠎꠣꠞꠣ ꠁ ꠇꠣꠟꠣꠝ ꠛꠦꠡ ꠈꠥꠡꠤ ꠅꠁꠀ ꠢꠥꠘꠦ, ꠅꠁꠟꠦ ꠇꠣꠟꠣꠝꠦ ꠔꠣꠞꠣꠞ ꠖꠤꠟꠅ ꠜꠣꠟꠣꠝꠘ꠆ꠔꠦ ꠎꠠ ꠇꠞꠦ ꠘꠣ। ꠄꠞꠖꠣꠄ ꠁ ꠁꠝꠣꠘ ꠕꠥꠠꠣ ꠇꠄꠖꠤꠘ ꠐꠤꠇꠦ, ꠇꠥꠘꠥ ꠙꠞꠤꠇ꠆ꠇꠣꠔ ꠙꠠꠟꠦꠃ ꠔꠣꠞꠣꠞ ꠁꠝꠣꠘ ꠈꠥꠀꠁꠟꠣꠄ।

Injil 5: Sahabi Nama 5:39

ꠀꠞ ꠎꠥꠖꠤ ꠀꠟ꠆ꠟꠣ ꠕꠣꠇꠤ ꠅꠄ, ꠔꠦ ꠔꠥꠝꠞꠣ ꠔꠣꠞꠣꠞꠦ ꠕꠣꠝꠣꠁꠔꠣꠄ ꠙꠣꠞꠔꠣꠄ ꠘꠣꠄ, ꠇꠤ ꠎꠣꠘꠤ ꠢꠦꠡꠦ ꠖꠦꠈꠣ ꠎꠣꠁꠛ ꠎꠦꠘ, ꠔꠥꠝꠞꠣꠃ ꠀꠟ꠆ꠟꠣꠞ ꠛꠤꠞꠥꠖ꠆ꠖꠦ ꠎꠤꠢꠣꠖ ꠇꠞꠞꠣꠄ।” ꠉꠝꠟꠤꠄꠟꠞ ꠝꠣꠔꠦ ꠘꠦꠔꠣ ꠅꠇꠟ ꠞꠣꠎꠤ ꠅꠁꠟꠣ,

Injil 7: 1-Korintia 11:19

ꠀꠍꠟꠦ ꠔ ꠔꠥꠝꠞꠣꠞ ꠝꠣꠎꠦ ꠝꠔꠞ ꠅꠝꠤꠟ ꠕꠣꠇꠛꠃ, ꠎꠣꠔꠦ ꠔꠥꠝꠞꠣꠞ ꠝꠣꠎꠞ ꠈꠣꠐꠤ ꠘꠤꠈꠥꠔ ꠝꠣꠘꠡꠞ ꠙꠞꠤꠌꠄ ꠝꠤꠟꠦ।

Injil 7: 1-Korintia 15:12

ꠔꠦ ꠀꠟ-ꠝꠍꠤꠞꠦ ꠝꠥꠞ꠆ꠖꠣ ꠕꠣꠇꠤ ꠎꠤꠘ꠆ꠖꠣ ꠇꠞꠣ ꠅꠁꠍꠦ ꠇꠁꠀ ꠎꠦꠛꠟꠣ ꠔꠛꠟꠤꠉ ꠇꠞꠣ ꠅꠄ, ꠔꠣꠁꠟꠦ ꠔꠥꠝꠞꠣꠞ ꠝꠣꠎꠞ ꠇꠦꠃ ꠇꠦꠃ ꠇꠦꠝꠘꠦ ꠇꠄ, ꠝꠣꠘꠥꠡ ꠝꠞꠤꠉꠦꠟꠦ ꠀꠞ ꠎꠤꠘ꠆ꠖꠣ ꠅꠁꠔꠣ ꠘꠣꠄ?

Injil 12: Kolosia 3:1

ꠢꠥꠘꠅ, ꠔꠥꠝꠞꠣ ꠔ ꠀꠟ-ꠝꠍꠤꠞ ꠟꠉꠦ ꠝꠞꠣ ꠕꠣꠇꠤ ꠎꠤꠘ꠆ꠖꠣ ꠅꠁꠍ, ꠀꠞ ꠀꠟ-ꠝꠍꠤ ꠔ ꠛꠦꠢꠦꠡ꠆ꠔꠅ ꠀꠟ꠆ꠟꠣꠞ ꠒꠣꠁꠘꠞ ꠔꠈ꠆ꠔꠅ ꠛꠅꠀꠔ ꠀꠍꠂꠘ, ꠄꠞꠟꠣꠉꠤ ꠔꠥꠝꠞꠣꠅ ꠅꠃꠟꠣ ꠛꠦꠢꠦꠡ꠆ꠔꠤ ꠛꠦꠙꠣꠞ ꠟꠁꠀ ꠀꠡꠤꠇ ꠅꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:19

ꠄꠞꠟꠉꠦ ꠘꠤꠎꠞ ꠁꠝꠣꠘ ꠀꠞ ꠙꠞꠤꠡ꠆ꠇꠣꠞ ꠛꠤꠛꠦꠇꠞꠦ ꠛꠣꠌꠣꠁꠅ। ꠇꠥꠘꠥ ꠇꠥꠘꠥ ꠝꠣꠘꠡꠦ ꠛꠤꠛꠦꠇꠞ ꠛꠥꠟꠤ ꠘꠣ ꠝꠣꠘꠤꠀ, ꠘꠤꠎꠞ ꠁꠝꠣꠘꠞꠦ ꠘꠡ꠆ꠐ ꠇꠞꠤꠟꠤꠍꠦ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:10

ꠇꠣꠞꠘ ꠢꠇꠟ ꠘꠝꠥꠘꠣꠞ ꠛꠖ ꠇꠣꠝꠞ ꠎꠘꠝ ꠅꠁꠟ ꠐꠦꠇꠣ-ꠙꠄꠡꠣꠞ ꠝꠣꠄꠀ। ꠇꠥꠘꠥ ꠇꠥꠘꠥ ꠎꠘ ꠐꠦꠇꠣ-ꠙꠄꠡꠣꠞ ꠟꠣꠟꠌꠦ ꠁꠍꠣꠄꠁ ꠁꠝꠣꠘ ꠕꠣꠇꠤ ꠢꠞꠤꠀ ꠉꠤꠀ, ꠘꠤꠎꠞ ꠃꠙꠞꠦ ꠛꠠ ꠖꠥꠈ-ꠝꠍꠤꠛꠔ ꠒꠣꠇꠤꠀ ꠀꠘꠍꠦ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:21

ꠇꠥꠘꠥ ꠇꠥꠘꠥ ꠎꠘ ꠅꠔꠣ ꠛꠦꠇꠣꠝꠣ ꠀꠈꠟ ꠖꠦꠈꠣꠘꠤꠔ ꠉꠤꠀ, ꠀꠍꠟ ꠁꠝꠣꠘ ꠕꠣꠇꠤ ꠛꠦ-ꠙꠕꠦ ꠉꠦꠍꠦꠉꠤ। ꠀꠟ꠆ꠟꠣ ꠙꠣꠇꠦ ꠔꠥꠝꠞꠣꠞꠦ ꠞꠢꠝꠔ ꠖꠣꠘ ꠇꠞꠃꠇ꠆ꠇꠣ। ꠀꠝꠤꠘ॥

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:14

ꠅ ꠔꠤꠝꠕꠤ, ꠔꠥꠝꠤ ꠝꠥꠝꠤꠘ ꠅꠇꠟꠞꠦ ꠀꠝꠣꠞ ꠅꠃ ꠔꠣꠟꠤꠝꠈꠣꠘ ꠝꠘꠅ ꠇꠞꠣꠁ ꠖꠦꠅ। ꠀꠟ꠆ꠟꠣꠞ ꠍꠣꠝꠘꠦ ꠔꠣꠞꠣꠞꠦ ꠢꠥꠡꠤꠀꠞ ꠇꠞꠅ, ꠎꠣꠔꠦ ꠀꠎꠦ-ꠛꠣꠎꠦ ꠝꠣꠔ ꠟꠁꠀ ꠔꠞ꠆ꠇꠣ-ꠔꠞ꠆ꠇꠤ ꠘꠣ ꠇꠞꠂꠘ, ꠁꠔꠣ ꠝꠣꠔꠞ ꠔ ꠇꠥꠘꠥ ꠖꠣꠝ ꠘꠣꠁ, ꠁꠔꠣ ꠎꠦꠞꠣ ꠢꠥꠘꠦ, ꠔꠣꠞꠣꠞ ꠡꠞ꠆ꠛꠘꠣꠡ ꠅꠄ।

Injil 17: Titas 1:11

ꠁꠔꠣꠞ ꠝꠥꠈ ꠛꠘ꠆ꠖ ꠇꠞꠣ ꠎꠞꠥꠞ। ꠁꠔꠣꠄ ꠇꠥ-ꠙꠕꠦ ꠐꠦꠇꠣ ꠇꠣꠝꠣꠘꠤꠞ ꠀꠡꠣꠄ ꠅꠟꠣ ꠔꠣꠟꠤꠝ ꠖꠦꠁꠘ, ꠎꠦ ꠔꠣꠟꠤꠝ ꠖꠦꠅꠀ ꠔꠣꠞꠣꠞ ꠟꠣꠉꠤ ꠑꠤꠇ ꠘꠣꠄ। ꠁ ꠔꠣꠟꠤꠝ ꠖꠤꠀ ꠇꠥꠘꠥ ꠇꠥꠘꠥ ꠙꠞꠤꠛꠣꠞꠞꠦ ꠛꠤꠉꠠꠣꠁꠟꠤꠞꠣ।

Injil 19: Ibrani 3:10

ꠄꠞꠟꠣꠉꠤ ꠀꠝꠤ ꠔꠣꠞꠣꠞ ꠃꠙꠞꠦ ꠈꠥꠛ ꠛꠦꠎꠣꠞ ꠅꠁꠀ ꠇꠁꠟꠣꠝ, ꠄꠞꠣꠞ ꠖꠤꠟ ꠔ ꠢꠣꠝꠦꠡꠣ ꠛꠦ-ꠙꠕꠦ ꠌꠇ꠆ꠇꠞ ꠖꠦꠞ, ꠔꠣꠞꠣ ꠔ ꠀꠝꠣꠞ ꠙꠕ ꠌꠤꠘꠟ ꠘꠣ।

Injil 20: Iakub 5:19

ꠅ ꠀꠝꠣꠞ ꠜꠣꠁ ꠅꠇꠟ, ꠔꠥꠝꠞꠣꠞ ꠝꠣꠎꠦ ꠇꠦꠃ ꠎꠥꠖꠤ ꠛꠦ-ꠙꠕꠤ ꠅꠁꠎꠣꠄ, ꠀꠞ ꠇꠦꠃ ꠔꠣꠞꠦ ꠚꠤꠞꠣꠁꠀ ꠀꠘꠦ,

Injil 23: 1-Hannan 2:19

ꠅꠃ ꠖꠞ꠆ꠎꠣꠟ ꠅꠇꠟ ꠔ ꠀꠝꠞꠣꠞ ꠝꠣꠎ ꠕꠣꠇꠤꠃ ꠛꠣꠞ ꠅꠁꠍꠂꠘ। ꠔꠣ-ꠅ ꠄꠞꠣ ꠀꠍꠟꠦ ꠀꠝꠞꠣꠞ ꠔꠞꠤꠇꠣꠔ ꠀꠍꠤꠟ ꠘꠣ, ꠀꠝꠞꠣꠞ ꠔꠞꠤꠇꠣꠞ ꠅꠁꠟꠦ ꠔ ꠀꠝꠞꠣꠞ ꠟꠉꠦ ꠞꠁꠟ ꠅꠘꠦ। ꠔꠣꠞꠣ ꠛꠣꠞ ꠅꠁꠀ ꠉꠦꠍꠦꠉꠤ ꠇꠞꠤꠃ ꠛꠥꠎꠣ ꠎꠣꠄ, ꠔꠣꠞꠣ ꠇꠦꠃ ꠀꠝꠞꠣꠞ ꠘꠣꠄ।