ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:15 - Siloṭi Asmani Kitab (Nagri lipi)

¹⁵ ꠔꠥꠝꠤ ꠀꠟ꠆ꠟꠣꠞ ꠈꠥꠡꠤ ꠝꠣꠚꠤꠇ ꠘꠤꠎꠞꠦ ꠙꠞꠦꠎꠉꠣꠞ ꠢꠣꠟꠔꠦ ꠔꠣꠘ ꠍꠣꠝꠘꠦ ꠀꠎꠤꠞ ꠇꠞꠅ, ꠅꠃ ꠟꠣꠈꠣꠘ ꠇꠣꠝꠟꠣ ꠛꠘꠅ, ꠎꠦ ꠇꠣꠝꠟꠣꠄ ꠀꠟ꠆ꠟꠣꠞ ꠖꠞꠛꠣꠞꠅ ꠡꠞꠝ ꠙꠣꠅꠀꠞ ꠇꠥꠘꠥ ꠇꠣꠞꠘ ꠘꠣꠁ। ꠎꠦ ꠇꠣꠝꠟꠣꠄ ꠡꠑꠤꠇ ꠜꠣꠛꠦ ꠢꠇ ꠇꠣꠟꠣꠝ ꠔꠣꠟꠤꠝ ꠖꠦꠁꠘ, ꠅꠃ ꠟꠣꠈꠣꠘ ꠅꠅ।

ছিলটি আছমানি কিতাব (বাংলা লিপি)

¹⁵ তুমি আল্লার খুশি মাফিক নিজরে পরেজগার হালতে তান ছামনে আজির করো, অউ লাখান কামলা বনো, যে কামলায় আল্লার দরবারো শরম পাওয়ার কুনু কারন নাই। যে কামলায় সঠিক ভাবে হক কালাম তালিম দেইন, অউ লাখান অও।

Siloṭi Asmani Kitab (Latin lipi)

¹⁵ Tumi Allar kushi mafik nizore forezgar halote tan samne azir ḳoro, ou laḳan ḳamla bono, ze ḳamlae Allar dorbaro shorom faoar kunu ḳaron nai. Ze ḳamlae shoṭik babe hok kalam talim dein, ou laḳan o.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:15 Iomraidhean Croise

ꠁꠘ꠆ꠎꠤꠟ ১: ꠝꠕꠤ 13:52

ꠔꠦꠃ ꠁꠍꠣꠄ ꠔꠣꠞꠣꠞꠦ ꠇꠁꠟꠣ, “ꠎꠦ ꠝꠃꠟꠣꠘꠣ ꠅꠇꠟꠦ ꠛꠦꠢꠦꠡ꠆ꠔꠤ ꠛꠣꠖꠡꠣꠁꠞ ꠔꠣꠟꠤꠝ ꠙꠣꠁꠍꠂꠘ, ꠔꠣꠞꠣ ꠅꠟꠣ ꠄꠇ ꠉꠤꠞꠡ꠆ꠔꠞ ꠟꠣꠈꠣꠘ, ꠎꠦ ꠉꠤꠞꠡ꠆ꠔꠦ ꠔꠣꠘ ꠡꠘ꠆ꠖꠥꠇ ꠕꠣꠇꠤ ꠘꠄꠀ ꠀꠞ ꠙꠥꠞꠣꠘꠣ ꠝꠣꠟ ꠛꠣꠞ ꠇꠞꠂꠘ।”

Injil 2: Markus 4:33

ꠅꠃ ꠟꠣꠈꠣꠘ ꠛꠃꠔ ꠘꠝꠥꠘꠣꠞ ꠇꠤꠌ꠆ꠍꠣ ꠇꠁꠔꠣ, ꠀꠞ ꠎꠦ ꠎꠦꠟꠣ ꠛꠥꠎꠔ ꠙꠣꠞꠦ, ꠔꠣꠞ ꠛꠥꠎ ꠝꠣꠚꠤꠇ ꠔꠣꠞꠦ ꠀꠟ꠆ꠟꠣꠞ ꠇꠣꠟꠣꠝ ꠢꠥꠘꠣꠁꠔꠣ।

Injil 3: Luk 12:42

ꠢꠥꠎꠥꠞꠦ ꠎꠥꠀꠙ ꠖꠤꠟꠣ, “ꠀꠈꠟꠖꠣꠞ ꠀꠞ ꠢꠇ-ꠢꠣꠟꠣꠟꠤ ꠅꠃ ꠎꠘ ꠇꠦ, ꠎꠣꠞ ꠀꠔꠅ ꠝꠣꠟꠤꠇꠦ ꠔꠣꠘ ꠉꠥꠟꠣꠝ-ꠛꠣꠘ꠆ꠖꠤꠞꠦ ꠖꠦꠈꠣ-ꠢꠥꠘꠣꠞ ꠜꠣꠞ ꠖꠤꠛꠣ, ꠢꠦ ꠅꠇ꠆ꠔꠞ ꠇꠣꠟꠅ ꠔꠣꠞꠣꠞ ꠈꠣꠘꠤ ꠛꠣꠐꠤꠀ ꠖꠤꠛ?

Injil 5: Sahabi Nama 2:22

ꠅ ꠛꠘꠤ ꠁꠍꠞꠣꠁꠟ ꠅꠇꠟ, ꠢꠥꠘꠃꠇ꠆ꠇꠣ, ꠘꠣꠍꠣꠞꠔꠞ ꠁꠍꠣꠞ ꠝꠣꠎꠖꠤꠀ ꠀꠟ꠆ꠟꠣꠄ ꠔꠣꠘ ꠇꠥꠖꠞꠔꠤ ꠀꠞ ꠇꠦꠞꠣꠝꠔꠤ ꠇꠣꠝ ꠇꠞꠣꠁꠀ, ꠀꠙꠘꠣꠁꠘ꠆ꠔꠞ ꠉꠦꠍꠦ ꠙꠞꠝꠣꠘ ꠇꠞꠍꠂꠘ, ꠔꠣꠁꠘꠃ ꠁꠍꠣꠞꠦ ꠙꠣꠑꠣꠁꠍꠟꠣ, ꠀꠞ ꠁꠔꠣ ꠔ ꠀꠙꠘꠣꠞꠣꠅ ꠎꠣꠘꠂꠘ।

Injil 5: Sahabi Nama 20:27

ꠀꠝꠤ ꠀꠟ꠆ꠟꠣ ꠙꠣꠇꠞ ꠢꠇꠟ ꠟꠣꠈꠣꠘ ꠝꠞ꠆ꠎꠤꠞ ꠇꠕꠣ ꠀꠙꠘꠣꠁꠘ꠆ꠔꠞ ꠉꠦꠍꠦ ꠛꠄꠀꠘ ꠇꠞꠔꠦ ꠈꠞꠦꠖꠤ ꠉꠦꠍꠤ ꠘꠣ।

Injil 6: Ruman 14:18

ꠅꠃ ꠘꠝꠥꠘꠣꠄ ꠎꠦꠞꠣ ꠀꠟ-ꠝꠍꠤꠞ ꠈꠦꠎꠝꠔ ꠇꠞꠦ, ꠄꠞꠣꠞ ꠃꠙꠞꠦ ꠀꠟ꠆ꠟꠣ ꠈꠥꠡꠤ ꠕꠣꠇꠂꠘ, ꠀꠞ ꠝꠣꠘꠡꠦꠅ ꠜꠣꠟꠣ ꠙꠣꠁꠘ।

Injil 6: Ruman 16:10

ꠀꠟ-ꠝꠍꠤꠞ ꠙꠞꠤꠇ꠆ꠇꠣꠔ ꠙꠣꠡ ꠇꠞꠣ ꠍꠤꠙꠣꠁ ꠀꠚꠤꠟꠤꠍ ꠜꠣꠁꠞꠦꠅ ꠍꠣꠟꠣꠝ ꠖꠤꠅ। ꠜꠣꠁ ꠀꠞꠤꠡ꠆ꠔꠣꠛꠥꠟꠞ ꠛꠣꠠꠤꠞ ꠢꠇ꠆ꠇꠟꠞꠦ ꠍꠣꠟꠣꠝ ꠎꠣꠘꠣꠁꠅ।

Injil 6: Ruman 6:13

ꠡꠞꠤꠟꠞ ꠇꠥꠘꠥ ꠅꠋꠉꠞꠦ ꠛꠖ ꠇꠣꠝꠞ ꠀꠔꠤꠀꠞ ꠛꠣꠘꠣꠁꠅ ꠘꠣ। ꠛꠞꠋ ꠘꠤꠎꠞꠦ ꠝꠥꠞ꠆ꠖꠣ ꠕꠣꠇꠤ ꠎꠤꠘ꠆ꠖꠣ ꠅꠀ ꠎꠘ ꠝꠘꠅ ꠇꠞꠤꠀ ꠙꠥꠞꠣꠙꠥꠞꠤ ꠀꠟ꠆ꠟꠣꠞ ꠀꠔꠅ ꠡꠙꠤ ꠖꠦꠅ, ꠡꠞꠤꠟꠞ ꠢꠇꠟ ꠅꠋꠉꠞꠦ ꠘꠦꠇ ꠇꠣꠝꠞ ꠀꠔꠤꠀꠞ ꠢꠤꠡꠣꠛꠦ ꠀꠟ꠆ꠟꠣꠞ ꠘꠣꠝꠦ ꠛꠤꠟꠣꠁ ꠖꠦꠅ।

Injil 7: 1-Korintia 2:6

ꠔꠣ-ꠅ ꠎꠦꠞꠣ ꠁꠝꠣꠘꠦ ꠇꠣꠝꠤꠟ, ꠔꠣꠞꠣꠞ ꠉꠦꠍꠦ ꠀꠝꠞꠣ ꠀꠈꠟꠞ ꠝꠣꠔ ꠝꠣꠔꠤ। ꠅꠁꠟꠦ ꠅꠃ ꠀꠈꠟ ꠔ ꠁ ꠎꠉꠔꠞ ꠘꠣꠄ ꠛꠣ ꠎꠉꠔꠞ ꠘꠦꠔꠣ ꠅꠇꠟꠞ ꠟꠣꠈꠣꠘꠅ ꠘꠣꠄ, ꠔꠣꠞꠣ ꠔ ꠛꠞꠛꠣꠖ ꠅꠀꠞ ꠙꠕꠤ।

Injil 8: 2-Korintia 10:18

ꠇꠣꠞꠘ ꠘꠤꠎꠞ ꠡꠥꠘꠣꠝ ꠘꠤꠎꠦ ꠉꠣꠁꠟꠦꠃ ꠙꠞꠝꠣꠘ ꠅꠄ ꠘꠣ ꠢꠦ ꠜꠣꠟꠣ ꠝꠣꠘꠥꠡ, ꠛꠞꠋ ꠝꠣꠟꠤꠇ ꠝꠃꠟꠣꠄ ꠎꠣꠞ ꠡꠥꠘꠣꠝ ꠉꠣꠁꠘ, ꠢꠦ-ꠃ ꠜꠣꠟꠣ ꠢꠤꠡꠣꠛꠦ ꠙꠞꠝꠣꠘ ꠅꠄ।

Injil 8: 2-Korintia 3:6

ꠀꠟ꠆ꠟꠣꠞ ꠟꠉꠦ ꠝꠤꠟꠘꠞ ꠘꠄꠀ ꠃꠍꠤꠟ꠆ꠟꠣꠞ ꠇꠕꠣ ꠎꠣꠘꠣꠘꠤꠞ ꠟꠣꠉꠤ, ꠔꠣꠁꠘꠃ ꠀꠝꠞꠣꠞꠦ ꠁ ꠈꠦꠎꠝꠔꠤ ꠉꠥꠘ ꠖꠣꠘ ꠇꠞꠍꠂꠘ। ꠁ ꠃꠍꠤꠟ꠆ꠟꠣ ꠔ ꠅꠇ꠆ꠇꠞꠦ ꠅꠇ꠆ꠇꠞꠦ ꠡꠞꠤꠅꠔ ꠝꠣꠘꠣꠞ ꠛꠦꠙꠣꠞ ꠘꠣꠄ, ꠛꠞꠋ ꠙꠣꠇ ꠞꠥꠢꠥꠞ ꠙꠞꠤꠌꠣꠟꠘꠣꠄ ꠖꠤꠟꠞ ꠁꠝꠣꠘ-ꠀꠇꠤꠖꠣꠞ ꠛꠦꠙꠣꠞ। ꠇꠣꠞꠘ ꠅꠇ꠆ꠇꠞꠦ ꠝꠃꠔ, ꠀꠞ ꠞꠥꠢꠦ ꠎꠤꠘ꠆ꠖꠦꠉꠤ।

Injil 8: 2-Korintia 4:2

ꠔꠛꠟꠤꠉ ꠇꠣꠝꠅ ꠝꠣꠘꠡꠦ ꠟꠥꠇꠣꠁꠀ ꠎꠦꠔꠣ ꠛꠦꠢꠣꠄꠀꠝꠤ ꠇꠞꠂꠘ, ꠁꠔꠣ ꠀꠝꠞꠣ ꠝꠥꠐꠦꠃ ꠇꠞꠤ ꠘꠣ। ꠀꠝꠞꠣ ꠇꠥꠘꠥ ꠇꠣꠝꠅ ꠍꠟ-ꠌꠔꠥꠞꠤ ꠇꠞꠤ ꠘꠣ, ꠀꠟ꠆ꠟꠣꠞ ꠇꠣꠟꠣꠝꠅ ꠜꠦꠎꠣꠟ ꠝꠤꠡꠣꠁ ꠘꠣ। ꠛꠞꠋ ꠢꠇ ꠇꠕꠣꠞꠦ ꠈꠥꠟꠣ-ꠝꠦꠟꠣ ꠇꠁꠀ ꠢꠇꠟ ꠝꠣꠘꠡꠞ ꠉꠦꠍꠦ ꠀꠞ ꠀꠟ꠆ꠟꠣꠞ ꠖꠞꠛꠣꠞꠅ ꠀꠝꠞꠣꠞꠦ ꠎꠁꠉ꠆ꠉ ꠢꠤꠡꠣꠛꠦ ꠙꠞꠝꠣꠘ ꠇꠞꠤ।

Injil 8: 2-Korintia 5:9

ꠄꠞꠟꠣꠉꠤ ꠀꠝꠞꠣ ꠡꠞꠤꠟꠞ ꠝꠣꠎꠦ ꠕꠣꠇꠤ ꠛꠣ ꠘꠣ ꠕꠣꠇꠤ, ꠀꠝꠞꠣꠞ ꠘꠤꠅꠔ ꠅꠁꠟ ꠝꠣꠟꠤꠇꠞꠦ ꠈꠥꠡꠤ ꠇꠞꠣ।

Injil 9: Galatia 1:10

ꠁꠔꠣ ꠇꠞꠤꠀ ꠀꠝꠤ ꠇꠣꠞ ꠉꠦꠍ ꠕꠣꠇꠤ ꠔꠣꠞꠤꠚ ꠙꠣꠁꠔꠣꠝ ꠌꠣꠁꠀꠞ, ꠇꠥꠘꠥ ꠝꠣꠘꠡꠞ ꠉꠦꠍ ꠕꠣꠇꠤ ꠘꠣ ꠀꠟ꠆ꠟꠣꠞ ꠉꠦꠍ ꠕꠣꠇꠤ? ꠀꠝꠤ ꠇꠥꠘꠥ ꠝꠣꠘꠡꠞꠦ ꠈꠥꠡ ꠇꠞꠣꠞ ꠌꠦꠡ꠆ꠐꠣ ꠇꠞꠤꠀꠞ ꠘꠤ? ꠀꠝꠤ ꠎꠥꠖꠤ ꠅꠈꠘꠅ ꠝꠣꠘꠡꠞꠦ ꠈꠥꠡ ꠇꠞꠣꠞ ꠌꠦꠡ꠆ꠐꠣ ꠇꠞꠔꠣꠝ, ꠔꠦ ꠀꠝꠤ ꠀꠟ-ꠝꠍꠤꠞ ꠈꠣꠖꠤꠝ ꠅꠁꠟꠣꠝ ꠘꠣ ꠅꠘꠦ।

Injil 10: Ifisia 1:13

ꠀꠞ ꠀꠙꠘꠣꠞꠣꠅ ꠀꠟ꠆ꠟꠣꠞ ꠢꠇ ꠇꠣꠟꠣꠝ, ꠝꠣꠘꠤ ꠘꠣꠎꠣꠔꠞ ꠈꠥꠡ-ꠈꠛꠞꠤ ꠙꠣꠁꠀ ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠍꠂꠘ। ꠀꠟ-ꠝꠍꠤꠞ ꠃꠝ꠆ꠝꠔ ꠅꠀꠄ ꠀꠟ꠆ꠟꠣ ꠙꠣꠇꠦ ꠔꠣꠘ ꠅꠀꠖꠣ ꠇꠞꠣ ꠙꠣꠇ ꠞꠥꠢꠥ ꠖꠤꠀ ꠀꠙꠘꠣꠁꠘ꠆ꠔꠞꠦ ꠡꠤꠟ-ꠌꠣꠙ꠆ꠙꠠ ꠝꠣꠞꠍꠂꠘ।

ইঞ্জিল ১৩: ১-থিষল: 2:4

ꠈꠣꠟꠤ ꠀꠟ꠆ꠟꠣꠄ ꠀꠝꠞꠣꠞꠦ ꠎꠁꠉ꠆ꠉ ꠝꠘꠅ ꠇꠞꠤꠀ ꠎꠦꠟꠣ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠖꠣꠄꠁꠔ꠆ꠔ ꠖꠤꠍꠂꠘ, ꠀꠝꠞꠣ ꠅꠟꠣꠃ ꠔꠛꠟꠤꠉ ꠇꠞꠞꠣꠝ। ꠇꠥꠘꠥ ꠝꠣꠘꠡꠞꠦ ꠈꠥꠡ ꠇꠞꠣꠞ ꠘꠤꠅꠔꠦ ꠀꠝꠞꠣ ꠁꠔꠣ ꠇꠁꠞꠣꠝ ꠘꠣ, ꠈꠣꠟꠤ ꠎꠦꠁꠘ ꠀꠝꠞꠣꠞ ꠖꠤꠟꠞꠦ ꠎꠣꠌꠣꠁ ꠇꠞꠤꠀ ꠖꠦꠈꠂꠘ, ꠢꠃ ꠀꠟ꠆ꠟꠣꠞꠦ ꠈꠥꠡ ꠇꠞꠣꠞ ꠟꠣꠉꠤꠃ ꠔꠛꠟꠤꠉ ꠇꠞꠞꠣꠝ।

ইঞ্জিল ১৩: ১-থিষল: 5:14

ꠅ ꠜꠣꠁ ꠅꠇꠟ, ꠔꠥꠝꠞꠣꠞꠦ ꠅꠃ ꠘꠍꠤꠅꠔꠈꠣꠘ ꠇꠞꠤꠀꠞ, ꠎꠦꠔꠣ ꠝꠣꠘꠥꠡ ꠇꠥꠠꠤꠀ, ꠔꠥꠝꠞꠣ ꠁꠔꠣꠞꠦ ꠢꠥꠡꠤꠀꠞ ꠇꠞꠤ ꠖꠦꠅ, ꠒꠞꠣꠟꠥꠇ ꠎꠘꠞꠦ ꠡꠣꠅꠡ ꠖꠦꠅ, ꠇꠝꠎꠥꠞ ꠅꠇꠟꠞꠦ ꠡꠣꠁꠎ꠆ꠎ ꠇꠞꠅ, ꠀꠞ ꠗꠂꠎ꠆ꠎ ꠗꠞꠤꠀ ꠢꠇ꠆ꠇꠟꠞꠦ ꠡꠁꠎ꠆ꠎ ꠇꠞꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:6

ꠅ ꠔꠤꠝꠕꠤ, ꠔꠥꠝꠤ ꠎꠥꠖꠤ ꠅꠃ ꠔꠣꠟꠤꠝ ꠅꠇꠟ ꠝꠥꠝꠤꠘ ꠜꠣꠁꠀꠁꠘꠞꠦ ꠛꠥꠎꠣꠁꠀ ꠖꠦꠅ, ꠔꠦ ꠁꠍꠣꠄꠁ ꠁꠝꠣꠘꠞ ꠎꠦ ꠢꠇ ꠀꠞ ꠘꠤꠞꠜꠥꠟ ꠔꠣꠟꠤꠝ ꠝꠣꠘꠤꠀ ꠌꠟꠞꠣꠄ, ꠁ ꠛꠦꠙꠣꠞꠦ ꠔꠥꠝꠤ ꠙꠣꠇꠣ-ꠙꠥꠇ꠆ꠔ ꠅꠁꠀ ꠀꠟ-ꠝꠍꠤꠞ ꠄꠇꠎꠘ ꠃꠙꠎꠥꠇ꠆ꠔ ꠈꠣꠖꠤꠝ ꠅꠁꠛꠣꠄ।

Injil 19: Ibrani 4:11

ꠔꠦ ꠀꠅ, ꠀꠝꠞꠣꠅ ꠢꠤ ꠀꠞꠣꠝꠞ ꠝꠣꠎꠦ ꠢꠣꠝꠣꠘꠤꠞ ꠟꠣꠉꠤ ꠈꠣꠍ ꠖꠤꠟꠦ ꠀꠉꠥꠀꠁ, ꠎꠣꠔꠦ ꠢꠃ ꠘꠣꠚꠞꠝꠣꠘ ꠛꠘꠤ ꠁꠍꠞꠣꠁꠟꠞ ꠟꠣꠈꠣꠘ ꠀꠟ꠆ꠟꠣꠞ ꠢꠥꠇꠥꠝꠞ ꠛꠤꠞꠥꠖ꠆ꠖꠦ ꠉꠤꠀ, ꠁ ꠀꠞꠣꠝ ꠕꠣꠇꠤ ꠛꠣꠖ ꠘꠣ ꠙꠠꠤ।

Injil 20: Iakub 1:12

ꠝꠥꠛꠣꠞꠇ ꠢꠃ ꠎꠘ, ꠎꠦ ꠎꠘ ꠙꠞꠤꠇ꠆ꠇꠣꠞ ꠡꠝꠄ ꠝꠎꠛꠥꠔ ꠞꠄ। ꠙꠞꠤꠇ꠆ꠇꠣꠔ ꠇꠣꠝꠤꠀꠛ ꠅꠁꠟꠦ ꠎꠄꠅꠞ ꠝꠣꠟꠣ ꠢꠤꠡꠣꠛꠦ ꠢꠦ ꠀꠈꠦꠞ ꠙꠣꠁꠛ। ꠅꠃ ꠝꠣꠟꠣ ꠔꠣꠘ ꠀꠡꠤꠇ ꠅꠇꠟꠞꠦ ꠖꠤꠛꠣ ꠇꠞꠤ ꠡ꠆ꠛꠄꠅꠋ ꠀꠟ꠆ꠟꠣ ꠙꠣꠇꠦ ꠅꠀꠖꠣ ꠇꠞꠍꠂꠘ।

Injil 20: Iakub 1:18

ꠔꠣꠁꠘ ꠘꠤꠎꠞ ꠈꠥꠡꠤꠄ ꠀꠝꠞꠣꠞꠦ ꠢꠇ ꠇꠣꠟꠣꠝ ꠖꠤꠀ ꠔꠣꠘ ꠛꠘ꠆ꠖꠣ ꠛꠣꠘꠣꠁꠍꠂꠘ, ꠀꠝꠞꠣ ꠎꠣꠘꠥ ꠀꠡꠞꠣꠚꠥꠟ ꠝꠈꠟꠥꠇꠣꠔ, ꠡ꠆ꠞꠤꠡ꠆ꠐꠤꠞ ꠡꠦꠞꠣ ꠝꠣꠘꠥꠡ ꠅꠁ।

ꠁꠘ꠆ꠎꠤꠟ ২২: ২-ꠙꠤꠔꠞ 1:10

ꠄꠞꠟꠣꠉꠤ ꠜꠣꠁ ꠅꠇꠟ ꠢꠥꠘꠅ, ꠀꠟ꠆ꠟꠣꠄ ꠎꠦꠘ ꠢꠣꠍꠣꠃ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ ꠀꠞ ꠙꠍꠘ꠆ꠖ ꠇꠞꠍꠂꠘ, ꠁꠔꠣ ꠘꠤꠌ꠆ꠌꠤꠔ ꠇꠞꠣꠞ ꠟꠣꠉꠤ ꠀꠞꠅ ꠛꠦꠡꠤ ꠈꠤꠀꠟꠤ ꠅꠅ। ꠁꠟꠣ ꠇꠞꠟꠦ ꠔꠥꠝꠞꠣ ꠇꠥꠘꠥ ꠡꠝꠄ ꠃꠡ꠆ꠐꠣ ꠈꠣꠁꠔꠣꠄ ꠘꠣꠄ।

ꠁꠘ꠆ꠎꠤꠟ ২২: ২-ꠙꠤꠔꠞ 1:15

ꠔꠦ ꠀꠝꠣꠞ ꠝꠃꠔꠞ ꠛꠣꠖꠦꠅ ꠢꠣꠝꠦꠡꠣ ꠎꠣꠔꠦ ꠅꠔꠣ ꠝꠘꠅ ꠞꠣꠈꠔꠣꠄ ꠙꠣꠞ, ꠀꠝꠤ ꠅꠃ ꠝꠦꠘꠔꠅ ꠇꠞꠝꠥ।

ꠁꠘ꠆ꠎꠤꠟ ২২: ২-ꠙꠤꠔꠞ 3:14

ꠄꠞꠟꠣꠉꠤ ꠜꠣꠁ ꠅꠇꠟ, ꠔꠥꠝꠞꠣ ꠎꠦꠛꠟꠣ ꠅꠃ ꠖꠤꠘꠞ ꠟꠣꠉꠤ ꠛꠣꠞ ꠌꠣꠅꠀꠔ ꠀꠍ, ꠔꠦ ꠈꠥꠛ ꠈꠤꠀꠟ ꠇꠞꠅ, ꠅꠃ ꠖꠤꠘ ꠔꠣꠁꠘ ꠎꠣꠘꠥ ꠔꠥꠝꠞꠣꠞꠦ ꠘꠤꠈꠥꠔ-ꠘꠤꠡ꠆ꠇꠟꠋꠇ ꠢꠣꠟꠔꠦ ꠡꠣꠘ꠆ꠔꠤꠞ ꠝꠣꠎꠦ ꠖꠦꠈꠂꠘ।