ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:14 - Siloṭi Asmani Kitab (Nagri lipi)

¹⁴ ꠅ ꠔꠤꠝꠕꠤ, ꠔꠥꠝꠤ ꠝꠥꠝꠤꠘ ꠅꠇꠟꠞꠦ ꠀꠝꠣꠞ ꠅꠃ ꠔꠣꠟꠤꠝꠈꠣꠘ ꠝꠘꠅ ꠇꠞꠣꠁ ꠖꠦꠅ। ꠀꠟ꠆ꠟꠣꠞ ꠍꠣꠝꠘꠦ ꠔꠣꠞꠣꠞꠦ ꠢꠥꠡꠤꠀꠞ ꠇꠞꠅ, ꠎꠣꠔꠦ ꠀꠎꠦ-ꠛꠣꠎꠦ ꠝꠣꠔ ꠟꠁꠀ ꠔꠞ꠆ꠇꠣ-ꠔꠞ꠆ꠇꠤ ꠘꠣ ꠇꠞꠂꠘ, ꠁꠔꠣ ꠝꠣꠔꠞ ꠔ ꠇꠥꠘꠥ ꠖꠣꠝ ꠘꠣꠁ, ꠁꠔꠣ ꠎꠦꠞꠣ ꠢꠥꠘꠦ, ꠔꠣꠞꠣꠞ ꠡꠞ꠆ꠛꠘꠣꠡ ꠅꠄ।

ছিলটি আছমানি কিতাব (বাংলা লিপি)

¹⁴ ও তিমথি, তুমি মুমিন অকলরে আমার অউ তালিম খান মনো করাই দেও। আল্লার ছামনে তারারে হুশিয়ার করো, যাতে আজে-বাজে মাত লইয়া তর্কা-তর্কি না করইন, ইতা মাতর তো কুনু দাম নাই, ইতা যেরা হুনে, তারার সর্বনাশ অয়।

Siloṭi Asmani Kitab (Latin lipi)

¹⁴ O Timoti, tumi mumin oḳolre amar ou talimḳan mono ḳorai deo. Allar samne tarare hushiar ḳoro, zate aze-baze mat loia torka-torki na ḳoroin, ita mator to kunu dam nai, ita zera hune, tarar shorbonash oy.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:14 Iomraidhean Croise

ꠁꠘ꠆ꠎꠤꠟ ১: ꠝꠕꠤ 16:26

ꠇꠥꠘꠥ ꠝꠣꠘꠡꠦ ꠀꠡ꠆ꠔꠣ ꠖꠥꠘꠤꠀ ꠙꠣꠁꠀꠅ ꠎꠥꠖꠤ ꠔꠣꠞ ꠀꠍꠟ ꠎꠤꠘ꠆ꠖꠦꠉꠤ ꠈꠥꠀꠁꠟꠣꠄ, ꠔꠦ ꠔꠣꠞ ꠇꠥꠘꠥ ꠚꠣꠄꠖꠣ ꠅꠁꠟ ꠘꠤ? ꠢꠦꠡꠦ ꠀꠍꠟ ꠎꠤꠘ꠆ꠖꠦꠉꠤ ꠙꠣꠅꠀꠞ ꠟꠣꠉꠤ ꠢꠦ ꠇꠥꠘ ꠗꠘ ꠛꠤꠟꠣꠁꠛ?

Injil 5: Sahabi Nama 13:10

“ꠅ ꠁꠛꠟꠤꠍꠞ ꠛꠣꠁꠌ꠆ꠌꠣ, ꠢꠇꠟ ꠝꠥꠝꠤꠘꠤ ꠇꠣꠝꠞ ꠖꠥꠡꠝꠘ, ꠔꠞ ꠜꠤꠔꠞꠦ ꠢꠇꠟ ꠟꠣꠈꠣꠘ ꠍꠟ-ꠌꠔꠥꠞꠤ ꠀꠞ ꠘꠣꠚꠞꠝꠣꠘꠤꠄ ꠜꠞꠣ, ꠔꠥꠁ ꠝꠣꠛꠥꠖꠞ ꠍꠢꠤ ꠙꠕꠞꠦ ꠔꠦꠠꠣ ꠇꠞꠣꠞ ꠚꠤꠇꠤꠞ ꠛꠣꠖ ꠖꠤꠔꠦ ꠘꠣꠄ ꠘꠤ?

Injil 5: Sahabi Nama 15:24

ꠀꠝꠞꠣ ꠢꠥꠘꠟꠣꠝ ꠎꠦꠘ, ꠀꠝꠞꠣꠞ ꠝꠣꠎ ꠕꠣꠇꠤ ꠇꠄꠎꠘ ꠝꠣꠘꠥꠡ ꠉꠤꠀ ꠔꠣꠞꠣꠞ ꠎꠛꠣꠘꠖꠤ ꠀꠙꠘꠣꠞꠣꠞꠦ ꠅꠡ꠆ꠕꠤꠞ ꠛꠣꠘꠣꠁꠀ ꠙꠦꠞꠦꠡꠣꠘꠤ ꠇꠞꠣꠞ; ꠅꠁꠟꠦ ꠀꠝꠞꠣ ꠔ ꠔꠣꠞꠣꠞꠦ ꠁꠟꠣ ꠇꠣꠝꠞ ꠇꠥꠘꠥ ꠢꠥꠇꠥꠝ ꠖꠤꠍꠤ ꠘꠣ।

Injil 6: Ruman 14:1

ꠔꠥꠝꠞꠣꠞ ꠝꠣꠎꠞ ꠎꠦ ꠜꠣꠁ ꠁꠝꠣꠘꠦ ꠇꠝꠎꠥꠞ, ꠔꠣꠞꠦꠅ ꠀꠙꠘ ꠢꠤꠡꠣꠛꠦ ꠡꠝꠎꠅ, ꠔꠣꠞ ꠙꠍꠘ꠆ꠖ-ꠅꠙꠍꠘ꠆ꠖ ꠟꠁꠀ ꠔꠞ꠆ꠇꠣ-ꠔꠞ꠆ꠇꠤ ꠇꠞꠤꠅ ꠘꠣ।

Injil 9: Galatia 1:7

ꠀꠍꠟꠦ ꠔ ꠁꠐꠣ ꠇꠥꠘꠥ ꠈꠥꠡ-ꠈꠛꠞꠤꠃ ꠘꠣꠄ। ꠅꠁꠟꠦ ꠇꠄꠎꠘ ꠝꠣꠘꠥꠡ ꠀꠍꠦ, ꠎꠦꠔꠣꠄ ꠔꠥꠝꠞꠣꠞ ꠁꠝꠣꠘ ꠟꠁꠀ ꠈꠦꠁꠠ ꠈꠦꠟꠣꠁꠞꠣ, ꠔꠣꠞꠣ ꠀꠟ-ꠝꠍꠤꠞ ꠈꠥꠡ-ꠈꠛꠞꠤꠞꠦ ꠃꠟ꠆ꠐꠣ-ꠙꠣꠟ꠆ꠐꠣ ꠇꠞꠤꠟꠔꠣ ꠌꠣꠁꠞꠣ।

Injil 10: Ifisia 4:17

ꠄꠞꠟꠣꠉꠤ ꠀꠝꠤ ꠀꠝꠣꠞ ꠝꠣꠟꠤꠇꠞ ꠘꠣꠝꠦ ꠔꠥꠝꠞꠣꠞꠦ ꠢꠥꠡꠤꠀꠞ ꠇꠞꠤ ꠖꠤꠀꠞ, ꠜꠤꠘ ꠗꠞ꠆ꠝꠞ ꠝꠣꠘꠡꠦ ꠎꠦꠟꠣ ꠛꠣꠎꠦ ꠌꠤꠘ꠆ꠔꠣ ꠇꠞꠤꠀ ꠎꠤꠘ꠆ꠖꠦꠉꠤ ꠇꠣꠐꠣꠁꠘ, ꠔꠥꠝꠞꠣ ꠀꠞ ꠁꠟꠣ ꠎꠤꠘ꠆ꠖꠦꠉꠤ ꠇꠣꠐꠣꠁꠅ ꠘꠣ।

ইঞ্জিল ১৩: ১-থিষল: 4:1

ꠅ ꠜꠣꠁꠀꠁꠘ ꠢꠥꠘꠅ, ꠀꠟ꠆ꠟꠣꠞꠦ ꠈꠥꠡꠤ ꠇꠞꠣꠞ ꠟꠣꠉꠤ ꠇꠦꠝꠘꠦ ꠎꠤꠘ꠆ꠖꠦꠉꠤ ꠇꠣꠐꠣꠘꠤ ꠟꠣꠉꠦ, ꠁ ꠔꠣꠟꠤꠝ ꠔ ꠔꠥꠝꠞꠣ ꠀꠝꠞꠣꠞ ꠉꠦꠍ ꠕꠣꠇꠤ ꠀꠉꠦꠃ ꠙꠣꠁꠍ ꠀꠞ ꠔꠥꠝꠞꠣ ꠅꠟꠣ ꠌꠟꠞꠣꠄꠅ। ꠄꠞꠛꠣꠖꠦꠅ ꠢꠎꠞꠔ ꠁꠍꠣꠞ ꠅꠁꠀ ꠔꠥꠝꠞꠣꠞꠦ ꠝꠤꠘꠔ ꠇꠞꠤꠀꠞ ꠀꠞ ꠢꠥꠡꠤꠀꠞ ꠇꠞꠤꠀꠞ, ꠔꠥꠝꠞꠣ ꠎꠦꠟꠣ ꠌꠟꠞꠣꠄ, ꠅꠃꠟꠣ ꠀꠞꠅ ꠛꠦꠡ ꠇꠞꠤ ꠌꠟꠅ।

ইঞ্জিল ১৪: ২-থিষল: 3:6

ꠜꠣꠁ ꠅꠇꠟ, ꠀꠝꠞꠣꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠘꠣꠝꠦ ꠅꠃ ꠢꠥꠇꠥꠝ ꠖꠤꠞꠣꠝ, ꠔꠥꠝꠞꠣꠞ ꠎꠝꠣꠔꠞ ꠇꠥꠘꠥ ꠁꠝꠣꠘꠖꠣꠞ ꠜꠣꠁꠄ ꠎꠥꠖꠤ ꠇꠥꠠꠤꠀꠝꠤ ꠇꠞꠦ ꠀꠞ ꠀꠝꠞꠣ ꠎꠦꠔꠣ ꠔꠣꠟꠤꠝ ꠖꠤꠍꠤ, ꠁꠔꠣ ꠘꠣ ꠝꠣꠘꠦ, ꠔꠦ ꠔꠣꠞ ꠟꠉꠦ ꠌꠟꠣ-ꠚꠤꠞꠣ ꠛꠣꠖ ꠖꠤꠟꠣꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:4

ꠔꠣꠞꠣꠞꠦ ꠇꠁꠅ, ꠔꠣꠞꠣ ꠎꠣꠔꠦ ꠛꠣꠘꠥꠀꠐ ꠇꠤꠌ꠆ꠍꠣ ꠀꠞ ꠟꠣꠝ꠆ꠛꠣ ꠟꠣꠝ꠆ꠛꠣ ꠈꠣꠘ꠆ꠖꠣꠘꠞ ꠟꠤꠡ꠆ꠐꠞ ꠛꠣꠄ ꠈꠤꠀꠟꠤ ꠘꠣ ꠅꠁꠘ। ꠁꠔꠣꠄ ꠔ ꠘꠣꠘꠣꠘ ꠘꠝꠥꠘꠣꠞ ꠖꠟꠣꠖꠟꠤꠞ ꠎꠘꠝ ꠖꠦꠄ, ꠀꠟ꠆ꠟꠣꠞ ꠇꠣꠝꠞ ꠇꠥꠘꠥ ꠚꠣꠄꠖꠣ ꠅꠄ ꠘꠣ, ꠀꠟ꠆ꠟꠣꠁ ꠚꠣꠄꠖꠣ ꠝꠤꠟꠦ ꠈꠣꠟꠤ ꠁꠝꠣꠘꠞ ꠝꠣꠎꠖꠤ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:6

ꠅꠁꠟꠦ ꠇꠤꠍꠥ ꠝꠣꠘꠡꠦ ꠁꠔꠣ ꠛꠣꠖ ꠖꠤꠀ ꠛꠣꠘꠥꠀꠐ ꠝꠣꠔ-ꠇꠕꠣꠞ ꠛꠣꠄ ꠝꠘ ꠖꠤꠟꠣꠁꠍꠦ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:8

ꠡꠞꠤꠟꠞ ꠛꠦꠀꠝ ꠇꠞꠟꠦ ꠇꠤꠍꠥ ꠚꠣꠄꠖꠣ ꠅꠄ, ꠅꠁꠟꠦ ꠖꠤꠟꠞ ꠁꠝꠣꠘꠤ ꠛꠦꠀꠝꠦ ꠢꠇ꠆ꠇꠟ ꠛꠣꠄ ꠕꠣꠇꠤ ꠚꠣꠄꠖꠣ ꠅꠄ। ꠄꠞꠝꠣꠎꠦ ꠔ ꠈꠣꠟꠤ ꠁ ꠖꠥꠘꠤꠀ ꠘꠣꠄ, ꠀꠈꠦꠞꠣꠔꠞ ꠀꠡꠣꠅ ꠀꠍꠦ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:21

ꠢꠥꠘꠅ, ꠀꠟ꠆ꠟꠣ ꠙꠣꠇ, ꠝꠣꠟꠤꠇ ꠁꠍꠣ ꠀꠟ-ꠝꠍꠤ, ꠀꠞ ꠀꠟ꠆ꠟꠣꠞ ꠝꠣꠄꠀꠞ ꠚꠤꠞꠤꠡ꠆ꠔꠣ ꠅꠇꠟꠞꠦ ꠡꠣꠇ꠆ꠇꠤ ꠞꠣꠈꠤꠀ ꠔꠥꠝꠣꠞꠦ ꠅꠃ ꠢꠥꠇꠥꠝ ꠖꠤꠞꠣꠝ, ꠔꠥꠝꠤ ꠘꠤꠞꠙꠇ꠆ꠇ ꠞꠁꠀ ꠁꠔꠣ ꠇꠣꠝ ꠇꠞꠤꠅ, ꠇꠦꠃꠞꠞꠦ ꠙꠞ ꠛꠣ ꠀꠙꠘ ꠝꠘꠅ ꠇꠞꠤꠅ ꠘꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:13

ꠅꠈꠘ ꠀꠟ꠆ꠟꠣ ꠙꠣꠇꠞ ꠘꠣꠝꠦ, ꠎꠦꠁꠘ ꠢꠇ꠆ꠇꠟꠔꠣꠞ ꠎꠣꠘ ꠖꠦꠁꠘ, ꠀꠞ ꠎꠦꠁꠘ ꠢꠣꠇꠤꠝ ꠙꠘ꠆ꠔꠤꠅ ꠙꠤꠟꠣꠔꠞ ꠍꠣꠝꠘꠦ ꠘꠤꠎꠞ ꠛꠦꠙꠣꠞꠦ ꠢꠇ ꠡꠣꠇ꠆ꠇꠤ ꠖꠤꠍꠟꠣ, ꠢꠃ ꠁꠍꠣ ꠀꠟ-ꠝꠍꠤꠞ ꠘꠣꠝꠦꠅ ꠔꠥꠝꠣꠞꠦ ꠅꠃ ꠝꠤꠘꠔꠤ ꠇꠞꠞꠣꠝ,

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:6

ꠄꠞꠟꠣꠉꠤ ꠅꠈꠘ ꠔꠥꠝꠣꠞꠦ ꠝꠘꠅ ꠇꠞꠣꠁ ꠖꠤꠞꠣꠝ, ꠀꠝꠤ ꠔꠥꠝꠣꠞ ꠡꠞꠤꠟꠅ ꠀꠔ ꠞꠣꠈꠤꠀ ꠈꠦꠟꠣꠚꠔꠤ ꠖꠦꠅꠀꠄ, ꠀꠟ꠆ꠟꠣꠄ ꠔꠥꠝꠣꠞꠦ ꠎꠦ ꠈꠣꠍ ꠘꠤꠀꠝꠔ ꠖꠣꠘ ꠇꠞꠍꠂꠘ, ꠁ ꠀꠉꠥꠁꠘ ꠎꠣꠟꠣꠁꠀ ꠔꠥꠟꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:16

ꠀꠟ꠆ꠟꠣꠞ ꠛꠤꠞꠥꠗꠤ ꠀꠎꠦ-ꠛꠣꠎꠦ ꠝꠣꠔ ꠕꠣꠇꠤ ꠖꠥꠞꠁ ꠞꠅ। ꠁꠟꠣ ꠝꠣꠔꠦ ꠀꠟ꠆ꠟꠣꠞ ꠛꠣꠄ ꠝꠣꠘꠡꠞ ꠒꠞ-ꠈꠚ ꠇꠝꠣ ꠗꠞꠛ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:23

ꠀꠎꠦ-ꠛꠣꠎꠦ ꠛꠦꠀꠈꠟꠤ ꠔꠞ꠆ꠇꠣ-ꠔꠞ꠆ꠇꠤꠔ ꠡꠣꠝꠤꠟ ꠅꠁꠅ ꠘꠣ, ꠔꠥꠝꠣꠞ ꠎꠣꠘꠣ ꠀꠍꠦ, ꠁꠔꠣꠄ ꠈꠣꠟꠤ ꠇꠣꠁꠎ꠆ꠎꠣ-ꠚꠍꠣꠖ ꠛꠣꠠꠣꠄ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:1

ꠀꠝꠤ ꠀꠟ꠆ꠟꠣ ꠙꠣꠇꠞꠦ ꠡꠣꠇ꠆ꠇꠤ ꠞꠣꠈꠤꠀ, ꠀꠞ ꠎꠦꠁꠘ ꠔꠣꠝꠣꠝ ꠎꠤꠘ꠆ꠖꠣ-ꠝꠥꠞ꠆ꠖꠣꠞ ꠛꠤꠌꠣꠞ ꠇꠞꠛꠣ, ꠢꠃ ꠁꠍꠣ ꠀꠟ-ꠝꠍꠤꠞꠦ ꠡꠣꠇ꠆ꠇꠤ ꠞꠣꠈꠤꠀ, ꠖꠥꠘꠤꠀꠔ ꠔꠣꠘ ꠖꠥꠍꠞꠣꠛꠣꠞꠞ ꠔꠡꠞꠤꠚ ꠀꠘꠣ ꠀꠞ ꠔꠣꠘ ꠛꠣꠖꠡꠣꠁꠞ ꠖꠥꠀꠁ ꠖꠤꠀ ꠔꠥꠝꠣꠞꠦ ꠅꠃ ꠇꠠꠣ ꠢꠥꠇꠥꠝ ꠖꠤꠀꠞ।

Injil 17: Titas 3:1

ꠀꠟ꠆ꠟꠣꠞ ꠛꠘ꠆ꠖꠣ ꠅꠇꠟꠞꠦ ꠝꠘꠅ ꠇꠞꠣꠁ ꠖꠦꠅ, ꠔꠣꠞꠣ ꠎꠣꠘꠥ ꠖꠦꠡꠞ ꠞꠣꠎꠣ ꠀꠞ ꠡꠞꠇꠣꠞꠤ ꠘꠤꠅꠝꠞ ꠅꠗꠤꠘꠦ ꠞꠂꠘ, ꠔꠣꠞꠣ ꠅꠛꠣꠁꠖ꠆ꠖ ꠘꠣ ꠅꠁꠘ, ꠝꠣꠘꠡꠞ ꠢꠇꠟ ꠘꠝꠥꠘꠣꠞ ꠃꠙꠇꠣꠞ ꠇꠞꠣꠞ ꠟꠣꠉꠤ ꠎꠥꠁꠔ ꠕꠣꠇꠂꠘ।

Injil 19: Ibrani 13:9

ꠘꠣꠘꠣꠘ ꠘꠝꠥꠘꠣꠞ ꠘꠄꠀ ꠘꠄꠀ ꠔꠣꠟꠤꠝꠦ ꠎꠣꠘꠥ ꠔꠥꠝꠞꠣꠞꠦ ꠛꠦ-ꠙꠕꠦ ꠘꠣ ꠘꠦꠄ, ꠈꠣꠘꠣ-ꠙꠤꠘꠣꠞ ꠈꠥꠐꠤꠘꠣꠐꠤ ꠛꠤꠡꠄ ꠘꠣ ꠔꠥꠇꠣꠁꠀ, ꠛꠞꠋ ꠀꠟ꠆ꠟꠣꠞ ꠞꠢꠝꠔꠞ ꠃꠙꠞꠦ ꠇꠣꠁꠝ ꠞꠅ। ꠁꠟꠣ ꠈꠥꠐꠤꠘꠣꠐꠤ ꠘꠤꠅꠝꠞ ꠃꠙꠞꠦ ꠎꠦꠞꠣ ꠜꠞꠡꠣ ꠇꠞꠔ, ꠁꠔꠣꠄ ꠔ ꠔꠣꠞꠣꠞ ꠇꠥꠘꠥ ꠟꠣꠜ ꠅꠁꠍꠦ ꠘꠣ।

ꠁꠘ꠆ꠎꠤꠟ ২২: ২-ꠙꠤꠔꠞ 1:13

ꠀꠍꠟꠦ ꠀꠝꠤ ꠝꠘꠅ ꠇꠞꠞꠣꠝ, ꠀꠝꠤ ꠎꠔꠖꠤꠘ ꠔꠣꠝ꠆ꠛꠥꠞ ꠟꠣꠈꠣꠘ ꠅꠃ ꠡꠞꠤꠟꠦ ꠛꠣꠌꠤꠀ ꠞꠁꠝꠥ, ꠅꠔꠖꠤꠘ ꠔꠥꠝꠞꠣꠞꠦ ꠅꠔꠣ ꠝꠘꠅ ꠇꠞꠣꠁ ꠖꠤꠀ ꠢꠎꠣꠉ ꠞꠣꠈꠣ ꠃꠌꠤꠔ।