ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:13 - Siloṭi Asmani Kitab (Nagri lipi)

¹³ ꠀꠝꠞꠣ ꠛꠦꠁꠝꠣꠘ ꠅꠁꠉꠦꠟꠦꠅ, ꠔꠣꠁꠘ ꠢꠣꠝꠦꠡꠣ ꠢꠇ-ꠢꠣꠟꠣꠟꠤ ꠞꠂꠘ। ꠔꠣꠁꠘ ꠇꠥꠘꠥꠝꠘ꠆ꠔꠦꠃ ꠘꠤꠎꠞꠦ ꠅꠡ꠆ꠛꠤꠇꠣꠞ ꠇꠞꠔꠣ ꠙꠣꠞꠂꠘ ꠘꠣ।

ছিলটি আছমানি কিতাব (বাংলা লিপি)

¹³ আমরা বেইমান অইগেলেও, তাইন হামেশা হক-হালালি রইন। তাইন কুনুমন্তেউ নিজরে অস্বীকার করতা পারইন না।

Siloṭi Asmani Kitab (Latin lipi)

¹³ Amra beiman oigele-o, tain hamesha hok-halali roin. Tain kunumonte-u nizore oshikar ḳorta faroin na.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:13 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 23:19

ꠀꠟ꠆ꠟꠣ ꠙꠣꠇ ꠔ ꠝꠣꠘꠥꠡ ꠘꠣꠄ ꠎꠦꠘ ꠝꠤꠍꠣ ꠝꠣꠔꠤꠛꠣ, ꠔꠣꠁꠘ ꠇꠥꠘꠥ ꠀꠖꠝ ꠡꠘ꠆ꠔꠣꠘ ꠘꠣꠄ ꠎꠦꠘ ꠖꠤꠟ ꠛꠖꠟꠣꠁꠛꠣ। ꠔꠣꠁꠘ ꠎꠦꠟꠣ ꠇꠕꠣ ꠇꠂꠘ ꠑꠤꠇ ꠅꠟꠣꠃ ꠇꠞꠂꠘ, ꠔꠣꠘ ꠅꠀꠖꠣ ꠅꠇꠟꠃ ꠘꠤꠌ꠆ꠌꠤꠔ ꠙꠥꠞꠣ ꠇꠞꠂꠘ।

ꠁꠘ꠆ꠎꠤꠟ ১: ꠝꠕꠤ 24:35

ꠀꠍꠝꠣꠘ-ꠎꠝꠤꠘ ꠢꠇꠟꠔꠣ ꠛꠤꠘꠣꠡ ꠅꠁꠎꠤꠛ, ꠅꠁꠟꠦ ꠀꠝꠣꠞ ꠇꠣꠟꠣꠝ ꠢꠣꠝꠦꠡꠣ ꠎꠣꠞꠤ ꠞꠁꠛ।

Injil 6: Ruman 3:3

ꠅꠛꠁꠡ꠆ꠡ ꠔꠣꠞꠣꠞ ꠇꠥꠘꠥ ꠇꠥꠘꠥ ꠎꠘꠦ ꠛꠦꠁꠝꠣꠘꠤ ꠇꠞꠍꠦ, ꠄꠔꠦ ꠇꠤꠔꠣ ꠅꠁꠍꠦ? ꠔꠣꠞꠣ ꠛꠦꠁꠝꠣꠘꠤ ꠇꠞꠟꠦꠅ ꠀꠟ꠆ꠟꠣ ꠙꠣꠇꠦ ꠇꠥꠘꠥ ꠔꠣꠞꠣꠞ ꠟꠣꠈꠣꠘ ꠛꠦꠁꠝꠣꠘꠤ ꠇꠞꠛꠣ ꠘꠤ?

Injil 6: Ruman 9:6

ꠢꠥꠘꠅ, ꠀꠟ꠆ꠟꠣꠞ ꠅꠀꠖꠣ ꠅꠇꠟ ꠅꠈꠘ ꠎꠦꠘ ꠛꠦꠇꠣꠝꠣ ꠅꠁꠉꠦꠍꠦ, ꠁꠟꠣ ꠇꠥꠘ꠆ꠔꠣ ꠘꠣꠄ। ꠇꠣꠞꠘ ꠛꠘꠤ ꠁꠍꠞꠣꠁꠟꠞ ꠝꠣꠎꠦ ꠎꠘꠝ ꠅꠁꠟ ꠇꠞꠤꠃ, ꠄꠞꠣ ꠢꠇꠟ ꠔ ꠀꠍꠟ ꠛꠘꠤ ꠁꠍꠞꠣꠁꠟ ꠘꠣꠄ।

Injil 7: 1-Korintia 1:9

ꠀꠟ꠆ꠟꠣ ꠙꠣꠇ ꠔ ꠢꠇ ꠀꠞ ꠈꠣꠐꠤ, ꠔꠣꠁꠘ ꠎꠦꠟꠣ ꠇꠂꠘ ꠅꠟꠣ ꠅꠄ। ꠔꠣꠁꠘ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ, ꠔꠥꠝꠞꠣ ꠎꠣꠘꠥ ꠔꠣꠘ ꠈꠣꠍ ꠝꠣꠄꠀꠞ ꠎꠘ ꠁꠍꠣ ꠁꠛꠘꠥꠟ꠆ꠟꠣꠞ ꠟꠉꠦ ꠈꠣꠔꠤꠞ-ꠡꠝ꠆ꠙꠞ꠆ꠇ ꠞꠣꠈꠅ, ꠄꠁꠘꠃ ꠀꠟ-ꠝꠍꠤ, ꠀꠝꠞꠣꠞ ꠝꠣꠟꠤꠇ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 7:9

ꠅꠈꠘ ꠔꠥꠝꠞꠣ ꠝꠘꠅ ꠞꠣꠈꠤꠅ, ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠃ ꠅꠁꠟꠣ ꠀꠍꠟ ꠝꠣꠛꠥꠖ। ꠔꠣꠁꠘꠃ ꠌꠤꠞꠇꠣꠟꠤꠘ ꠢꠇ-ꠢꠣꠟꠣꠟ। ꠎꠦꠞꠣ ꠀꠡꠤꠇ ꠅꠁꠀ ꠔꠣꠘꠦ ꠝꠢꠛ꠆ꠛꠔ ꠇꠞꠦ ꠀꠞ ꠔꠣꠘ ꠢꠥꠇꠥꠝ-ꠀꠢꠇꠣꠝ ꠝꠣꠘꠦ, ꠔꠣꠁꠘ ꠔꠣꠞꠣꠞ ꠀꠎꠣꠞ ꠀꠎꠣꠞ ꠍꠤꠠꠤ ꠙꠞ꠆ꠎꠘ꠆ꠔ ꠘꠤꠎꠞ ꠅꠀꠖꠣ ꠇꠞꠣ ꠎꠛꠣꠘ ꠀꠞ ꠖꠄꠀ ꠛꠅꠀꠁꠟ ꠞꠣꠈꠂꠘ।

ইঞ্জিল ১৩: ১-থিষল: 5:24

ꠀꠞ ꠔꠣꠁꠘ ꠘꠤꠌ꠆ꠌꠤꠔ ꠅꠟꠣꠃ ꠇꠞꠛꠣ। ꠎꠣꠘ ꠔ, ꠎꠦꠁꠘ ꠔꠥꠝꠞꠣꠞꠦ ꠖꠣꠅꠔ ꠇꠞꠤ ꠀꠘꠍꠂꠘ, ꠔꠣꠘ ꠃꠙꠞꠦ ꠙꠥꠞꠣꠙꠥꠞ ꠜꠞꠡꠣ ꠇꠞꠣ ꠎꠣꠄ।

ইঞ্জিল ১৪: ২-থিষল: 3:3

ꠅꠁꠟꠦ ꠝꠣꠟꠤꠇ ꠁꠍꠣ ꠔ ꠢꠇ ꠀꠞ ꠈꠣꠐꠤ, ꠔꠣꠁꠘꠃ ꠔꠥꠝꠞꠣꠞꠦ ꠁꠝꠣꠘꠦ ꠕꠤꠞ ꠞꠣꠈꠛꠣ ꠀꠞ ꠡꠄꠔꠣꠘꠞ ꠀꠔ ꠕꠣꠇꠤ ꠢꠣꠝꠦꠡꠣ ꠢꠦꠚꠣꠎꠔ ꠇꠞꠛꠣ।

Injil 17: Titas 1:2

ꠀꠝꠤ ꠀꠟ-ꠝꠍꠤꠞ ꠈꠦꠎꠝꠔ ꠇꠞꠤꠀꠞ, ꠀꠈꠦꠞꠤ ꠎꠤꠘ꠆ꠖꠦꠉꠤ ꠙꠣꠅꠀꠞ ꠀꠡꠣꠄ। ꠎꠦ ꠀꠟ꠆ꠟꠣꠄ ꠇꠥꠘꠥ ꠝꠤꠍꠣ ꠝꠣꠔꠂꠘ ꠘꠣ, ꠢꠃ ꠀꠟ꠆ꠟꠣꠄ ꠁ ꠎꠤꠘ꠆ꠖꠦꠉꠤ ꠖꠦꠅꠀꠞ ꠅꠀꠖꠣ ꠇꠞꠍꠂꠘ, ꠖꠥꠘꠤꠀ ꠙꠄꠖꠣ ꠅꠀꠞ ꠀꠉꠦꠃ।

Injil 19: Ibrani 6:18

ꠀꠞ ꠀꠟ꠆ꠟꠣꠄ ꠇꠥꠘꠥ ꠝꠤꠍꠣ ꠝꠣꠔꠣ ꠔ ꠛꠃꠔ ꠖꠥꠞꠞ ꠇꠕꠣ। ꠔꠦ ꠔꠣꠁꠘ ꠎꠦꠛꠟꠣ ꠅꠀꠖꠣꠞ ꠟꠉꠦ ꠇꠍꠝꠅ ꠇꠞꠍꠂꠘ, ꠅꠈꠘ ꠀꠝꠞꠣ ꠀꠞꠅ ꠇꠔ ꠛꠦꠡꠤ ꠜꠞꠡꠣ ꠞꠣꠈꠔꠣꠝ ꠙꠣꠞꠤ। ꠄꠞꠟꠣꠉꠤ ꠀꠅ, ꠀꠝꠞꠣ ꠎꠦꠞꠣ ꠔꠣꠘ ꠖꠞꠛꠣꠞꠅ ꠉꠤꠀ ꠀꠡꠞꠄ ꠙꠣꠁꠍꠤ, ꠙꠣꠁꠀ ꠎꠦ ꠀꠡꠣ ꠙꠄꠖꠣ ꠀꠍꠦ, ꠀꠝꠞꠣꠞ ꠍꠣꠝꠘꠞ ꠢꠃ ꠀꠡꠣꠞꠦ ꠝꠎꠛꠥꠔ ꠇꠞꠤ ꠗꠞꠤꠀ ꠞꠁ।