ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:10 - Siloṭi Asmani Kitab (Nagri lipi)

¹⁰ ꠀꠟ꠆ꠟꠣꠄ ꠎꠦꠞꠣꠞꠦ ꠙꠍꠘ꠆ꠖ ꠇꠞꠤꠀ ꠀꠟꠉ ꠇꠞꠍꠂꠘ, ꠔꠣꠞꠣꠞ ꠟꠣꠉꠤ ꠀꠝꠤ ꠢꠇ꠆ꠇꠟꠔꠣ ꠡꠁꠎ꠆ꠎ ꠇꠞꠤꠀꠞ, ꠎꠣꠔꠦ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠔꠣꠞꠣ ꠘꠣꠎꠣꠔ ꠙꠣꠁꠘ, ꠟꠉꠦ ꠌꠤꠞꠇꠣꠟꠤꠘ ꠉꠃꠞꠛ-ꠝꠢꠤꠝꠣꠅ ꠙꠣꠁꠘ।

ছিলটি আছমানি কিতাব (বাংলা লিপি)

¹⁰ আল্লায় যেরারে পছন্দ করিয়া আলগ করছইন, তারার লাগি আমি হক্কলতা সইয্য করিয়ার, যাতে আল-মসীর উছিলায় তারা নাজাত পাইন, লগে চিরকালিন গৌরব-মহিমাও পাইন।

Siloṭi Asmani Kitab (Latin lipi)

¹⁰ Allae zerare fosond ḳoria alog korsoin, tarar lagi ami hokkolta shoijjo ḳoriar, zate al-Mosir usillae tara nazat fain, loge siroḳalin gourob-mohima-o fain.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:10 Iomraidhean Croise

ꠁꠘ꠆ꠎꠤꠟ ১: ꠝꠕꠤ 24:22

ꠝꠣꠛꠥꠖꠦ ꠎꠥꠖꠤ ꠁ ꠡꠝꠄꠞꠦ ꠇꠝꠣꠁꠀ ꠘꠣ ꠖꠤꠔꠣ, ꠔꠦ ꠇꠦꠃ ꠎꠤꠘ꠆ꠖꠣ ꠞꠁꠟ ꠘꠣ ꠅꠘꠦ। ꠅꠁꠟꠦ ꠀꠟ꠆ꠟꠣꠄ ꠔꠣꠘ ꠙꠍꠘ꠆ꠖ ꠇꠞꠣ ꠛꠘ꠆ꠖꠣ ꠅꠇꠟꠞ ꠟꠣꠉꠤ ꠁ ꠡꠝꠄ ꠇꠝꠣꠁꠀ ꠖꠤꠛꠣ।

ꠁꠘ꠆ꠎꠤꠟ ১: ꠝꠕꠤ 24:24

ꠇꠣꠞꠘ ꠀꠟ-ꠝꠍꠤ ꠘꠣꠝ ꠟꠁꠀ ꠛꠃꠔ ꠜꠘ꠆ꠒ ꠀꠁꠛꠣ, ꠘꠛꠤ ꠢꠣꠎꠤꠀꠅ ꠛꠃꠔ ꠜꠘ꠆ꠒ ꠀꠁꠛꠣ। ꠁꠔꠣꠄ ꠛꠃꠔ ꠛꠠ ꠛꠠ ꠀꠌꠣꠘꠇ ꠇꠦꠞꠣꠝꠔꠤ ꠇꠣꠝ ꠖꠦꠈꠣꠁꠛꠣ। ꠔꠣꠞꠣ ꠌꠣꠁꠛꠣ, ꠡꠥꠎꠥꠉ ꠙꠣꠁꠟꠦ ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣꠞꠦ ꠗꠥꠇꠣ ꠖꠤꠀ ꠛꠦ-ꠙꠕꠦ ꠘꠤꠔꠣꠉꠤ।

ꠁꠘ꠆ꠎꠤꠟ ১: ꠝꠕꠤ 24:31

ꠅꠃ ꠡꠝꠄ ꠎꠥꠞꠦ ꠎꠥꠞꠦ ꠡꠤꠋꠉꠣꠞ ꠀꠅꠀꠎ ꠅꠁꠛ, ꠄꠞ ꠟꠉꠦ ꠟꠉꠦꠃ ꠖꠥꠘꠤꠀꠞ ꠄꠇ ꠝꠣꠕꠣ ꠕꠣꠇꠤ ꠀꠞꠇ ꠝꠣꠕꠣꠔ ꠔꠣꠁꠘ ꠚꠤꠞꠤꠡ꠆ꠔꠣ ꠅꠇꠟꠞꠦ ꠙꠣꠑꠣꠁꠛꠣ, ꠄꠞꠣ ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣ ꠅꠇꠟꠞꠦ ꠌꠣꠁꠞꠅꠛꠣꠄ ꠕꠘꠦ ꠖꠟꠣ ꠇꠞꠛꠣ।

Injil 3: Luk 18:7

ꠔꠦ ꠎꠦꠞꠣ ꠢꠣꠝꠦꠡꠣ ꠖꠤꠘꠦ-ꠞꠣꠁꠔꠦ ꠀꠟ꠆ꠟꠣꠞ ꠉꠦꠍꠦ ꠇꠣꠘ꠆ꠖꠦ, ꠀꠟ꠆ꠟꠣꠄ ꠇꠤꠔꠣ ꠔꠣꠘ ꠁ ꠝꠣꠄꠀꠞ ꠛꠘ꠆ꠖꠣ ꠅꠇꠟꠞ ꠢꠇ ꠚꠞꠤꠀꠖ ꠢꠥꠘꠔꠣ ꠘꠣꠄ ꠘꠤ? ꠔꠣꠁꠘ ꠢꠥꠘꠔꠦ ꠇꠥꠘꠥ ꠀꠞ ꠖꠦꠞꠤ ꠇꠞꠛꠣ ꠘꠤ?

Injil 3: Luk 22:57

ꠙꠤꠔꠞꠦ ꠇꠁꠟꠣ, “ꠘꠣ ꠛꠦꠐꠤ, ꠀꠝꠤ ꠄꠞꠦ ꠌꠤꠘꠤꠃ ꠘꠣ।”

Injil 4: Hannan 11:52

ꠈꠣꠟꠤ ꠁꠢꠥꠖꠤ ꠎꠣꠔꠤꠞ ꠟꠣꠉꠤ ꠘꠣꠄ, ꠀꠟ꠆ꠟꠣꠞ ꠎꠔ ꠛꠘ꠆ꠖꠣꠁꠘ ꠌꠣꠁꠞꠅꠛꠣꠄ ꠍꠤꠔ꠆ꠞꠤꠀ ꠀꠍꠂꠘ, ꠔꠣꠞꠣꠞꠦ ꠖꠟꠣ ꠇꠞꠤꠀ ꠄꠇꠈꠣꠘꠅ ꠇꠞꠣꠞ ꠟꠣꠉꠤꠅ ꠔꠣꠁꠘ ꠎꠣꠘ ꠛꠤꠟꠣꠁ ꠖꠤꠛꠣ।

Injil 4: Hannan 17:24

ꠛꠣꠛꠣ, ꠀꠝꠤ ꠌꠣꠁꠞꠣꠝ, ꠔꠥꠝꠤ ꠎꠦꠞꠣꠞꠦ ꠀꠝꠣꠞ ꠀꠔꠅ ꠡꠙꠤꠍ, ꠀꠝꠤ ꠎꠦꠈꠣꠘꠅ ꠀꠍꠤ, ꠔꠣꠞꠣꠅ ꠎꠣꠘꠥ ꠀꠝꠣꠞ ꠟꠉꠦ ꠢꠘꠅ ꠞꠂꠘ ꠀꠞ ꠀꠝꠣꠞ ꠝꠢꠤꠝꠣ ꠖꠦꠈꠂꠘ। ꠁ ꠝꠢꠤꠝꠣ ꠔ ꠔꠥꠝꠤꠃ ꠀꠝꠣꠞꠦ ꠖꠣꠘ ꠇꠞꠍ, ꠇꠣꠞꠘ ꠖꠥꠘꠤꠀ ꠙꠄꠖꠣ ꠇꠞꠣꠞ ꠀꠉ ꠕꠣꠇꠤꠃ ꠔꠥꠝꠤ ꠀꠝꠣꠞꠦ ꠝꠣꠄꠀ ꠇꠞꠍ।

Injil 4: Hannan 17:9

ꠔꠦ ꠀꠝꠤ ꠔ ꠢꠇꠟꠞ ꠟꠣꠉꠤ ꠝꠤꠘꠔ ꠇꠞꠤꠀꠞ ꠘꠣ, ꠈꠣꠟꠤ ꠔꠥꠝꠤ ꠎꠣꠞꠣꠞꠦ ꠀꠝꠣꠞ ꠀꠔꠅ ꠖꠤꠍ, ꠄꠞꠣꠞ ꠟꠣꠉꠤꠃ ꠝꠤꠘꠔ ꠇꠞꠞꠣꠝ, ꠔꠣꠞꠣ ꠔ ꠔꠥꠝꠣꠞꠃ।

Injil 6: Ruman 2:7

ꠎꠦꠞꠣ ꠗꠂꠎ꠆ꠎ ꠗꠞꠤꠀ ꠘꠦꠇ ꠇꠣꠝꠞ ꠝꠣꠎꠖꠤ ꠀꠟ꠆ꠟꠣꠁ ꠔꠣꠞꠤꠚ, ꠁꠎ꠆ꠎꠔ, ꠀꠞ ꠇ꠆ꠇꠄꠢꠤꠘ ꠎꠤꠘ꠆ꠖꠦꠉꠤ ꠔꠣꠟ꠆ꠟꠣꠡ ꠇꠞꠦ, ꠀꠟ꠆ꠟꠣꠄ ꠔꠣꠞꠣꠞꠦꠃ ꠀꠈꠦꠞꠤ ꠎꠤꠘ꠆ꠖꠦꠉꠤ ꠖꠣꠘ ꠇꠞꠛꠣ।

Injil 6: Ruman 9:23

ꠔꠣꠁꠘ ꠁꠔꠣ ꠡꠁꠎ꠆ꠎ ꠇꠞꠟꠣ, ꠇꠣꠞꠘ ꠀꠞꠇꠛꠣꠞ ꠘꠤꠎꠞ ꠇꠥꠖꠞꠔꠤ ꠡꠣꠘ-ꠔꠎꠟ꠆ꠟꠤꠞ ꠇꠕꠣ ꠎꠣꠘꠣꠁꠔꠣ ꠌꠣꠁꠟꠣ। ꠀꠞ ꠎꠦꠞꠣꠞꠦ ꠖꠄꠀ ꠇꠞꠍꠂꠘ, ꠄꠞꠣꠞꠦ ꠔꠣꠁꠘ ꠀꠉꠦ ꠕꠣꠇꠤꠃ ꠎꠥꠁꠔ ꠇꠞꠤꠀ ꠞꠣꠈꠍꠤꠟꠣ, ꠔꠣꠘ ꠡꠣꠘ-ꠔꠎꠟ꠆ꠟꠤ ꠖꠦꠈꠣꠘꠤꠞ ꠈꠤꠀꠟꠦ।

Injil 7: 1-Korintia 1:21

ꠀꠟ꠆ꠟꠣꠄ ꠔꠣꠘ ꠘꠤꠎꠞ ꠀꠈꠟ ꠖꠤꠀ ꠚꠄꠍꠣꠟꠣ ꠇꠞꠍꠂꠘ, ꠎꠣꠔꠦ ꠖꠥꠘꠤꠀꠄ ꠎꠣꠘꠥ ꠔꠣꠞ ꠀꠈꠟ ꠖꠤꠀ ꠔꠣꠘꠞꠦ ꠌꠤꠘꠔ ꠘꠣ ꠙꠣꠞꠦ। ꠄꠞꠟꠣꠉꠤ ꠛꠦꠀꠈꠟꠤꠞ ꠅꠃ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠝꠣꠎꠖꠤ ꠀꠟ꠆ꠟꠣꠄ ꠝꠥꠝꠤꠘ ꠅꠇꠟꠞ ꠎꠣꠘ ꠛꠣꠌꠣꠁꠔꠣ ꠌꠣꠁꠟꠣ।

Injil 7: 1-Korintia 9:22

ꠎꠦꠞꠣ ꠇꠝꠎꠥꠞ, ꠔꠣꠞꠣꠞ ꠉꠦꠍꠦ ꠀꠝꠤ ꠇꠝꠎꠥꠞꠞ ꠟꠣꠈꠣꠘ ꠅꠁꠍꠤ, ꠔꠣꠞꠣꠞꠦꠅ ꠎꠄ ꠇꠞꠣꠞ ꠟꠣꠉꠤ। ꠛꠦꠙꠣꠞ ꠅꠁꠟ, ꠎꠦꠇꠥꠘꠥ ꠝꠘ꠆ꠔꠦ ꠇꠤꠍꠥ ꠝꠣꠘꠡꠞ ꠎꠣꠘ ꠛꠣꠌꠣꠘꠤꠞ ꠟꠣꠉꠤ ꠀꠝꠤ ꠢꠇꠟ ꠡꠝꠣꠎꠞ ꠝꠘ ꠎꠥꠉꠣꠁ ꠌꠟꠤꠀꠞ।

Injil 8: 2-Korintia 1:6

ꠀꠝꠞꠣ ꠎꠦ ꠖꠥꠈ-ꠝꠍꠤꠛꠔ ꠡꠁꠎ꠆ꠎ ꠇꠞꠤ, ꠁꠔꠣ ꠔ ꠔꠥꠝꠞꠣꠞ ꠝꠘꠞ ꠡꠣꠘ꠆ꠔꠘꠣ ꠀꠞ ꠘꠣꠎꠣꠔꠞ ꠟꠣꠉꠤꠃ ꠇꠞꠤ। ꠔꠥꠝꠞꠣꠞꠦ ꠛꠥꠎ ꠖꠦꠅꠀꠞ ꠘꠤꠅꠔꠦꠃ ꠀꠟ꠆ꠟꠣꠄ ꠀꠝꠞꠣꠞꠦ ꠛꠥꠎ ꠖꠦꠁꠘ। ꠔꠥꠝꠞꠣ ꠎꠦꠛꠟꠣ ꠀꠝꠞꠣꠞ ꠟꠣꠈꠣꠘ ꠖꠥꠈ-ꠝꠍꠤꠛꠔꠅ ꠙꠠꠛꠣꠄ, ꠅꠃ ꠡꠝꠄ ꠀꠝꠞꠣꠞ ꠖꠦꠅꠀ ꠛꠥꠎ ꠝꠣꠚꠤꠇ ꠔꠥꠝꠞꠣꠞ ꠇꠡ꠆ꠐꠞꠦ ꠡꠁꠎ꠆ꠎ ꠇꠞꠔꠦ ꠡꠣꠁꠎ꠆ꠎ ꠇꠞꠛ।

Injil 8: 2-Korintia 12:15

ꠔꠦ ꠀꠝꠤ ꠈꠥꠛ ꠈꠥꠡꠤ ꠅꠁꠀꠃ ꠔꠥꠝꠞꠣꠞ ꠟꠣꠉꠤ ꠀꠝꠣꠞ ꠢꠇꠟꠔꠣ ꠈꠞꠌ ꠇꠞꠝꠥ, ꠀꠝꠣꠞ ꠘꠤꠎꠞꠦꠅ ꠛꠤꠟꠣꠁ ꠖꠤꠝꠥ। ꠀꠝꠤ ꠎꠦꠛꠟꠣ ꠔꠥꠝꠞꠣꠞꠦ ꠛꠦꠡ ꠇꠞꠤ ꠝꠣꠄꠀ-ꠝꠢꠛ꠆ꠛꠔ ꠇꠞꠤꠀꠞ, ꠔꠦ ꠔꠥꠝꠞꠣ ꠇꠦꠘꠦ ꠀꠝꠣꠞꠦ ꠇꠝ ꠝꠣꠄꠀ ꠇꠞꠞꠣꠄ?

Injil 8: 2-Korintia 4:15

ꠁꠔꠣ ꠢꠇꠟꠔꠣ ꠔꠥꠝꠞꠣꠞ ꠜꠣꠟꠣꠁꠞ ꠟꠣꠉꠤꠃ ꠅꠁꠍꠦ, ꠎꠣꠔꠦ ꠝꠣꠘꠡꠞ ꠃꠙꠞꠦ ꠀꠟ꠆ꠟꠣꠞ ꠎꠦ ꠞꠢꠝꠔ ꠘꠣꠎꠤꠟ ꠅꠁꠍꠦ, ꠢꠃ ꠞꠢꠝꠔꠞ ꠈꠣꠔꠤꠞꠦ ꠛꠃꠔꠦ ꠀꠞꠅ ꠛꠦꠡꠤ ꠇꠞꠤ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠦ ꠀꠞ ꠀꠟ꠆ꠟꠣꠞ ꠉꠃꠞꠛ ꠅꠄ।

Injil 8: 2-Korintia 4:17

ꠅꠈꠘ ꠀꠝꠞꠣ ꠎꠦ ꠇꠄꠖꠤꠘꠞ ꠟꠣꠉꠤ ꠡꠣꠝꠣꠁꠘ꠆ꠘ ꠇꠡ꠆ꠐ ꠇꠞꠤꠀꠞ, ꠁ ꠇꠡ꠆ꠐꠞ ꠛꠖꠟꠣ ꠀꠝꠞꠣ ꠌꠤꠞꠇꠣꠟꠞ ꠟꠣꠉꠤ ꠅꠚꠥꠞꠘ꠆ꠔ ꠡꠣꠘ-ꠝꠢꠤꠝꠣ ꠟꠣꠜ ꠇꠞꠝꠥ।

Injil 10: Ifisia 3:13

ꠄꠞꠟꠣꠉꠤ ꠀꠝꠤ ꠔꠥꠝꠞꠣꠞꠦ ꠝꠤꠘꠔ ꠇꠞꠤꠀꠞ, ꠀꠝꠤ ꠖꠥꠈ-ꠝꠍꠤꠛꠔ ꠡꠁꠎ꠆ꠎ ꠇꠞꠤꠀꠞ ꠖꠦꠈꠤꠀ ꠔꠥꠝꠞꠣ ꠘꠤꠞꠣꠡ ꠅꠁꠅ ꠘꠣ। ꠁꠔꠣ ꠔ ꠔꠥꠝꠞꠣꠞ ꠟꠣꠉꠤꠃ ꠡꠁꠎ꠆ꠎ ꠇꠞꠤꠀꠞ, ꠄꠞꠟꠣꠉꠤ ꠉꠃꠞꠛ ꠇꠞꠅ।

Injil 12: Kolosia 1:24

ꠔꠥꠝꠞꠣꠞ ꠟꠣꠉꠤ ꠀꠝꠤ ꠖꠥꠈ-ꠝꠍꠤꠛꠔ ꠡꠁꠎ꠆ꠎ ꠇꠞꠣꠄ ꠈꠥꠛ ꠀꠘꠘ꠆ꠖ ꠙꠣꠁꠞꠣꠝ। ꠎꠣꠘ ꠔ, ꠀꠟ-ꠝꠍꠤꠞ ꠡꠞꠤꠟ ꠝꠣꠘꠤ ꠎꠝꠣꠔꠞ ꠟꠣꠉꠤ ꠔꠣꠘ ꠎꠦ ꠖꠥꠈ-ꠝꠍꠤꠛꠔ ꠅꠈꠘꠅ ꠛꠣꠇꠤ ꠀꠍꠦ, ꠁꠔꠣ ꠅꠈꠘ ꠀꠝꠣꠞ ꠡꠞꠤꠟ ꠖꠤꠀ ꠙꠥꠞꠣ ꠇꠞꠤꠀꠞ।

Injil 12: Kolosia 1:27

ꠀꠟ꠆ꠟꠣꠄ ꠌꠣꠁꠍꠂꠘ, ꠜꠤꠘ ꠎꠣꠔꠤ ꠅꠇꠟꠞ ꠉꠦꠍꠦꠅ ꠔꠣꠘ ꠛꠣꠔꠥꠘꠤ ꠝꠥꠘꠡꠣꠞ ꠉꠃꠞꠛ ꠎꠦ ꠇꠤꠔꠣ, ꠁꠔꠣ ꠎꠦꠘꠥ ꠔꠣꠘ ꠢꠇꠟ ꠛꠘ꠆ꠖꠣ ꠅꠇꠟꠦ ꠎꠣꠘꠔꠣ ꠙꠣꠞꠂꠘ। ꠀꠍꠟꠦ ꠀꠟ-ꠝꠍꠤ ꠔꠥꠝꠞꠣꠞ ꠖꠤꠟꠅ ꠀꠍꠂꠘ, ꠉꠔꠤꠇꠦ ꠔꠥꠝꠞꠣ ꠉꠃꠞꠛ ꠙꠣꠅꠀꠞ ꠀꠡꠣ ꠙꠣꠁꠍ।

ইঞ্জিল ১৩: ১-থিষল: 5:9

ꠝꠘꠅ ꠞꠣꠈꠤꠅ, ꠀꠟ꠆ꠟꠣꠄ ꠀꠝꠞꠣꠞꠦ ꠡꠣꠎꠣ ꠖꠤꠛꠣꠞ ꠟꠣꠉꠤ ꠒꠣꠇꠤꠀ ꠀꠘꠍꠂꠘ ꠘꠣ, ꠛꠞꠋ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠘꠣꠎꠣꠔ ꠙꠣꠅꠀꠞ ꠟꠣꠉꠤꠃ ꠒꠣꠇꠤꠍꠂꠘ।

ইঞ্জিল ১৪: ২-থিষল: 2:14

ꠀꠝꠞꠣ ꠎꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠍꠤ, ꠄꠞ ꠃꠍꠤꠟ꠆ꠟꠣꠄ ꠘꠣꠎꠣꠔ ꠙꠣꠅꠀꠞ ꠟꠣꠉꠤ ꠀꠟ꠆ꠟꠣꠄ ꠔꠥꠝꠞꠣꠞꠦ ꠙꠍꠘ꠆ꠖ ꠇꠞꠍꠂꠘ, ꠎꠣꠔꠦ ꠔꠥꠝꠞꠣ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠝꠢꠤꠝꠣꠔ ꠡꠞꠤꠇ ꠅꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:1

ꠀꠝꠤ ꠙꠣꠃꠟꠥꠍ ꠔ ꠀꠟ꠆ꠟꠣ ꠙꠣꠇꠞ ꠝꠞ꠆ꠎꠤꠄ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠍꠣꠢꠣꠛꠤ। ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠀꠟ꠆ꠟꠣꠞ ꠅꠀꠖꠣ ꠇꠞꠣ ꠀꠈꠦꠞꠤ ꠎꠤꠘ꠆ꠖꠦꠉꠤꠞ ꠇꠕꠣ ꠔꠛꠟꠤꠉꠞ ꠟꠣꠉꠤ ꠍꠣꠢꠣꠛꠤ ꠙꠖ ꠙꠣꠁꠍꠤ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:1

ꠅ ꠀꠝꠣꠞ ꠀꠅꠟꠣꠖ ꠔꠤꠝꠕꠤ, ꠁꠍꠣ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠙꠣꠅꠀ ꠞꠢꠝꠔꠦ ꠔꠥꠝꠤ ꠛꠟꠛꠣꠘ ꠅꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:3

ꠔꠥꠝꠤ ꠁꠍꠣ ꠀꠟ-ꠝꠍꠤꠞ ꠈꠣꠐꠤ ꠍꠤꠙꠣꠁ ꠅꠁꠀ ꠖꠥꠈ-ꠇꠡ꠆ꠐꠔ ꠡꠞꠤꠇ ꠅꠅ।

Injil 17: Titas 1:1

ꠀꠝꠤ ꠙꠣꠃꠟꠥꠍ ꠔ ꠀꠟ꠆ꠟꠣ ꠙꠣꠇꠞ ꠉꠥꠟꠣꠝ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠄꠇꠎꠘ ꠍꠣꠢꠣꠛꠤ। ꠀꠝꠣꠞ ꠖꠣꠄꠁꠔ꠆ꠔ ꠅꠁꠟ, ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣ ꠅꠇꠟꠞꠦ ꠁꠝꠣꠘꠞ ꠙꠕꠦ ꠀꠘꠣ, ꠀꠞ ꠀꠟ꠆ꠟꠣꠞꠦ ꠝꠣꠘꠤꠀ ꠌꠟꠣꠞ ꠝꠣꠎꠦ ꠎꠦ ꠢꠇꠤꠇꠔ ꠀꠍꠦ, ꠅꠃ ꠢꠇꠤꠇꠔꠞꠦ ꠌꠤꠘꠣꠁ ꠖꠦꠅꠀ।

ꠁꠘ꠆ꠎꠤꠟ ২১: ১-ꠙꠤꠔꠞ 2:10

ꠀꠉꠦ ꠔ ꠔꠥꠝꠞꠣ ꠀꠟ꠆ꠟꠣꠞ ꠙ꠆ꠞꠎꠣ ꠀꠍꠟꠣꠄ ꠘꠣ, ꠅꠁꠟꠦ ꠅꠈꠘ ꠅꠁꠍ। ꠀꠉꠦ ꠔꠣꠘ ꠝꠣꠄꠀ-ꠝꠢꠛ꠆ꠛꠔꠅ ꠙꠣꠁꠍ ꠘꠣ, ꠅꠈꠘ ꠙꠣꠁꠍ।

ꠁꠘ꠆ꠎꠤꠟ ২১: ১-ꠙꠤꠔꠞ 5:10

ꠞꠢꠝꠣꠘꠥꠞ ꠞꠢꠤꠝ ꠀꠟ꠆ꠟꠣ ꠙꠣꠇꠦ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ ꠀꠟ-ꠝꠍꠤꠞ ꠟꠉꠦ ꠅꠁꠀ ꠔꠣꠘ ꠌꠤꠞꠡ꠆ꠕꠣꠄꠁ ꠝꠢꠤꠝꠣꠞ ꠜꠣꠉꠤ ꠅꠀꠞ ꠟꠣꠉꠤ। ꠕꠥꠠꠣ ꠇꠄꠖꠤꠘ ꠖꠥꠈ-ꠇꠡ꠆ꠐ ꠇꠞꠤꠀ ꠢꠣꠞꠟꠦ, ꠔꠣꠁꠘ ꠘꠤꠎꠦꠃ ꠔꠥꠝꠞꠣꠞꠦ ꠑꠤꠇ-ꠑꠣꠇ ꠇꠞꠛꠣ ꠀꠞ ꠕꠤꠞ ꠞꠣꠈꠛꠣ, ꠔꠥꠝꠞꠣꠞꠦ ꠛꠟꠛꠣꠘ ꠇꠞꠤꠀ ꠝꠎꠛꠥꠔ ꠈꠥꠐꠤꠞ ꠃꠙꠞꠦ ꠈꠣꠠꠣ ꠇꠞꠣꠁꠛꠣ।