ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:9 - Siloṭi Asmani Kitab (Nagri lipi)

⁹ ꠀꠟ꠆ꠟꠣꠄ ꠀꠝꠞꠣꠞ ꠎꠣꠘ ꠛꠣꠌꠣꠁꠍꠂꠘ, ꠀꠞ ꠙꠣꠇ-ꠙꠛꠤꠔ꠆ꠞ ꠅꠁꠀ ꠎꠤꠘ꠆ꠖꠦꠉꠤ ꠇꠣꠐꠣꠘꠤꠞ ꠟꠣꠉꠤ ꠖꠣꠅꠔ ꠖꠤꠍꠂꠘ। ꠁꠔꠣ ꠔ ꠀꠝꠞꠣꠞ ꠇꠥꠘꠥ ꠘꠦꠇ ꠇꠣꠝꠞ ꠉꠥꠘꠦ ꠘꠣꠄ, ꠛꠞꠋ ꠔꠣꠘ ꠝꠞ꠆ꠎꠤ ꠀꠞ ꠞꠢꠝꠔꠞ ꠉꠥꠘꠦꠃ ꠇꠞꠍꠂꠘ। ꠀꠝꠞꠣꠞꠦ ꠁ ꠞꠢꠝꠔ ꠖꠣꠘ ꠇꠞꠍꠂꠘ ꠔ, ꠖꠥꠘꠤꠀ ꠙꠄꠖꠣ ꠇꠞꠣꠞ ꠀꠉꠦ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ।

ছিলটি আছমানি কিতাব (বাংলা লিপি)

⁹ আল্লায় আমরার জান বাচাইছইন, আর পাক-পবিত্র অইয়া জিন্দেগি কাটানির লাগি দাওত দিছইন। ইতা তো আমরার কুনু নেক কামর গুনে নায়, বরং তান মর্জি আর রহমতর গুনেউ করছইন। আমরারে ই রহমত দান করছইন তো, দুনিয়া পয়দা করার আগে হজরত ইছা আল-মসীর উছিলায়।

Siloṭi Asmani Kitab (Latin lipi)

⁹ Allae amrar zan basaisoin, ar fak-fobitro oia zindegi kaṭanir lagi daot disoin. Ita to amrar kunu nek kamor gune nae, borong tan morzi ar rohomotor gune-u ḳorsoin. Amrare i rohomot dan ḳorsoin to, dunia foyda ḳorar age Hozrot Isa al-Mosir usillae.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:9 Iomraidhean Croise

ꠁꠘ꠆ꠎꠤꠟ ১: ꠝꠕꠤ 1:21

ꠔꠥꠝꠤ ꠁ ꠙꠥꠀꠞ ꠘꠣꠝ ꠞꠣꠈꠤꠅ ꠁꠍꠣ। ꠇꠣꠞꠘ ꠁ ꠘꠣꠝꠞ ꠝꠣꠘꠤ ꠔꠞꠣꠘꠦꠀꠟꠣ, ꠄꠁꠘ ꠘꠤꠎꠞ ꠃꠝ꠆ꠝꠔ ꠅꠇꠟꠞꠦ ꠉꠥꠘꠣ ꠕꠣꠇꠤ ꠔꠞꠣꠁꠛꠣ।”

Injil 3: Luk 10:21

ꠅꠃ ꠡꠝꠄ ꠁꠍꠣꠅ ꠙꠣꠇ ꠞꠥꠢꠥꠞ ꠛꠟꠦ ꠈꠥꠡꠤ ꠅꠁꠀ ꠇꠁꠟꠣ, “ꠅ ꠉꠣꠁꠛꠤ ꠛꠣꠛꠣ, ꠔꠥꠝꠤꠃ ꠔ ꠀꠍꠝꠣꠘ-ꠎꠝꠤꠘꠞ ꠝꠣꠟꠤꠇ। ꠀꠝꠤ ꠔꠥꠝꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠞꠣꠝ, ꠇꠣꠞꠘ ꠔꠥꠝꠤ ꠀꠈꠟꠖꠣꠞ-ꠛꠥꠖ꠆ꠖꠤꠝꠣꠘ ꠅꠇꠟꠞ ꠉꠦꠍꠦ ꠁꠔꠣ ꠎꠣꠁꠞ ꠘꠣ ꠇꠞꠤꠀ, ꠛꠦꠛꠥꠎ-ꠢꠥꠞꠥꠔ꠆ꠔꠣꠞ ꠟꠣꠈꠣꠘ ꠝꠣꠘꠡꠞ ꠉꠦꠍꠦ ꠎꠣꠁꠞ ꠇꠞꠍ। ꠛꠣꠛꠣ, ꠀꠍꠟꠦ ꠔ ꠁꠔꠣ ꠢꠇꠟꠔꠣꠃ ꠔꠥꠝꠣꠞ ꠝꠞ꠆ꠎꠤ।

Injil 4: Hannan 17:24

ꠛꠣꠛꠣ, ꠀꠝꠤ ꠌꠣꠁꠞꠣꠝ, ꠔꠥꠝꠤ ꠎꠦꠞꠣꠞꠦ ꠀꠝꠣꠞ ꠀꠔꠅ ꠡꠙꠤꠍ, ꠀꠝꠤ ꠎꠦꠈꠣꠘꠅ ꠀꠍꠤ, ꠔꠣꠞꠣꠅ ꠎꠣꠘꠥ ꠀꠝꠣꠞ ꠟꠉꠦ ꠢꠘꠅ ꠞꠂꠘ ꠀꠞ ꠀꠝꠣꠞ ꠝꠢꠤꠝꠣ ꠖꠦꠈꠂꠘ। ꠁ ꠝꠢꠤꠝꠣ ꠔ ꠔꠥꠝꠤꠃ ꠀꠝꠣꠞꠦ ꠖꠣꠘ ꠇꠞꠍ, ꠇꠣꠞꠘ ꠖꠥꠘꠤꠀ ꠙꠄꠖꠣ ꠇꠞꠣꠞ ꠀꠉ ꠕꠣꠇꠤꠃ ꠔꠥꠝꠤ ꠀꠝꠣꠞꠦ ꠝꠣꠄꠀ ꠇꠞꠍ।

Injil 4: Hannan 17:9

ꠔꠦ ꠀꠝꠤ ꠔ ꠢꠇꠟꠞ ꠟꠣꠉꠤ ꠝꠤꠘꠔ ꠇꠞꠤꠀꠞ ꠘꠣ, ꠈꠣꠟꠤ ꠔꠥꠝꠤ ꠎꠣꠞꠣꠞꠦ ꠀꠝꠣꠞ ꠀꠔꠅ ꠖꠤꠍ, ꠄꠞꠣꠞ ꠟꠣꠉꠤꠃ ꠝꠤꠘꠔ ꠇꠞꠞꠣꠝ, ꠔꠣꠞꠣ ꠔ ꠔꠥꠝꠣꠞꠃ।

Injil 4: Hannan 6:37

ꠀꠝꠣꠞ ꠉꠣꠁꠛꠤ ꠛꠣꠚꠦ ꠎꠦꠞꠣꠞꠦ ꠀꠝꠣꠞ ꠀꠔꠅ ꠖꠦꠁꠘ, ꠔꠣꠞꠣ ꠢꠇꠟꠃ ꠀꠝꠣꠞ ꠉꠦꠍꠦ ꠀꠁꠛ। ꠎꠦ ꠎꠘ ꠀꠝꠣꠞ ꠉꠦꠍꠦ ꠀꠄ, ꠀꠝꠤ ꠇꠥꠘꠥꠝꠘ꠆ꠔꠦꠃ ꠔꠣꠞꠦ ꠛꠣꠞꠦ ꠚꠣꠟꠣꠁꠔꠣꠝ ꠘꠣꠄ।

Injil 5: Sahabi Nama 15:18

ꠁꠔꠣ ꠛꠃꠔ ꠖꠤꠘ ꠀꠉ ꠕꠣꠇꠤꠃ ꠔꠣꠘ ꠝꠣꠟꠥꠝ ꠀꠍꠤꠟ।”

Injil 5: Sahabi Nama 2:47

ꠔꠣꠞꠣ ꠀꠟ꠆ꠟꠣꠞ ꠔꠣꠞꠤꠚ ꠇꠞꠣꠔ ꠞꠁꠔꠣ ꠀꠞ ꠢꠇ꠆ꠇꠟ ꠝꠣꠘꠡꠞ ꠝꠢꠛ꠆ꠛꠔꠞ ꠝꠣꠘꠥꠡ ꠅꠁꠟꠣ। ꠎꠦꠞꠣ ꠘꠣꠎꠣꠔ ꠢꠣꠍꠤꠟ ꠇꠞꠔꠣ, ꠀꠟ꠆ꠟꠣꠄ ꠔꠣꠞꠣꠞꠦꠅ ꠀꠘꠤꠀ ꠖꠤꠘꠦ ꠖꠤꠘꠦ ꠄꠞꠣꠞ ꠟꠉꠦ ꠡꠞꠤꠇ ꠇꠞꠔꠣ।

Injil 6: Ruman 11:14

ꠇꠣꠞꠘ, ꠅꠃ ꠇꠣꠝ ꠖꠦꠈꠣꠁꠀ ꠀꠝꠣꠞ ꠘꠤꠎꠞ ꠎꠣꠔꠤ ꠛꠘꠤ ꠁꠍꠞꠣꠁꠟꠞ ꠖꠤꠟꠅ ꠇꠥꠘꠥ ꠎꠣꠟꠣ ꠙꠄꠖꠣ ꠇꠞꠔꠣꠝ ꠙꠣꠞꠤ, ꠀꠞ ꠅꠃ ꠎꠣꠟꠣꠄ ꠔꠣꠞꠣꠞ ꠝꠣꠎꠞ ꠇꠤꠍꠥ ꠝꠣꠘꠡꠞ ꠎꠣꠘ ꠛꠣꠌꠣꠁꠔꠣꠝ ꠙꠣꠞꠤ।

Injil 6: Ruman 11:29

ꠇꠣꠞꠘ ꠀꠟ꠆ꠟꠣꠄ ꠔꠣꠘ ꠞꠢꠝꠔꠞ ꠖꠣꠘ-ꠖꠇ꠆ꠇꠤꠘꠣ ꠀꠞ ꠔꠣꠘ ꠖꠣꠅꠔꠞ ꠇꠕꠣ ꠇꠥꠘꠥꠝꠘ꠆ꠔꠦꠃ ꠝꠔ ꠛꠖꠟꠣꠁꠘ ꠘꠣ।

Injil 6: Ruman 16:25

ꠀꠟꠢꠣꠝꠖꠥꠟꠤꠟ꠆ꠟꠣ, ꠀꠝꠤ ꠙꠣꠃꠟꠥꠍꠦ ꠁꠍꠣ ꠀꠟ-ꠝꠍꠤꠞ ꠛꠦꠙꠣꠞꠦ ꠎꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠤ, ꠀꠟ꠆ꠟꠣ ꠙꠣꠇꠞ ꠈꠦꠝꠔꠣ ꠀꠍꠦ ꠅꠃ ꠈꠥꠡ-ꠈꠛꠞꠤꠞ ꠃꠍꠤꠟ꠆ꠟꠣꠄ ꠔꠥꠝꠞꠣꠞꠦ ꠁꠝꠣꠘꠦ ꠕꠤꠞ ꠞꠣꠈꠣ। ꠝꠘꠅ ꠞꠣꠈꠤꠅ, ꠛꠃꠔ ꠎꠝꠣꠘꠣ ꠗꠞꠤ ꠀꠟ꠆ꠟꠣꠄ ꠔꠣꠘ ꠁ ꠛꠣꠔꠥꠘꠤ ꠝꠥꠘꠡꠣꠞ ꠇꠕꠣ ꠟꠥꠇꠣꠁ ꠞꠣꠈꠍꠤꠟꠣ,

Injil 6: Ruman 3:20

ꠇꠣꠞꠘ ꠡꠞꠤꠅꠔ ꠀꠝꠟ ꠇꠞꠟꠦꠃ, ꠀꠟ꠆ꠟꠣꠄ ꠝꠣꠘꠡꠞꠦ ꠛꠦ-ꠇꠍꠥꠞ ꠈꠣꠟꠣꠍ ꠇꠁꠀ ꠉꠁꠘ꠆ꠘ ꠇꠞꠤꠟꠤꠛꠣ, ꠁꠟꠣ ꠇꠥꠘ꠆ꠔꠣ ꠘꠣꠄ। ꠅꠁꠟꠦ ꠡꠞꠤꠅꠔꠞ ꠝꠣꠎꠖꠤꠃ ꠝꠣꠘꠥꠡ ꠉꠥꠘꠣꠞ ꠛꠦꠙꠣꠞꠦ ꠢꠥꠡꠤꠀꠞ ꠅꠄ।

Injil 6: Ruman 9:11

ꠄꠞꠣ ꠝꠣʼꠞ ꠙꠦꠐꠅ ꠕꠣꠇꠣ ꠢꠣꠟꠔꠦ ꠎꠦꠛꠟꠣ ꠜꠣꠟꠣ-ꠛꠥꠞꠣ ꠇꠤꠌ꠆ꠍꠥ ꠇꠞꠍꠂꠘ ꠘꠣ, ꠢꠃ ꠡꠝꠄ ꠀꠟ꠆ꠟꠣꠄ ꠞꠦꠛꠦꠇꠣꠞꠦ ꠇꠁꠍꠟꠣ, “ꠔꠥꠝꠣꠞ ꠛꠠ ꠙꠥꠀ ꠔ ꠢꠥꠞꠥ ꠙꠥꠀꠞ ꠉꠥꠟꠣꠝ ꠅꠁꠛ।” ꠅꠘ ꠕꠣꠇꠤ ꠛꠥꠎꠣ ꠎꠣꠄ, ꠀꠟ꠆ꠟꠣꠄ ꠔꠣꠘ ꠝꠥꠘꠡꠣ ꠙꠥꠞꠣ ꠇꠞꠣꠞ ꠈꠤꠀꠟꠦ ꠝꠣꠘꠡꠞꠦ ꠙꠍꠘ꠆ꠖ ꠇꠞꠂꠘ, ꠇꠦꠃꠞꠞ ꠀꠝꠟꠞ ꠛꠣꠄ ꠘꠣ ꠌꠣꠁꠀ, ꠔꠣꠘ ꠘꠤꠎꠞ ꠙꠍꠘ꠆ꠖ ꠝꠣꠚꠤꠇ ꠛꠣꠍꠤꠀ ꠘꠦꠁꠘ।

Injil 6: Ruman 9:24

ꠀꠍꠟꠦ ꠀꠝꠞꠣꠃ ꠅꠁꠟꠣꠝ ꠢꠃ ꠖꠄꠀꠞ ꠎꠘ। ꠀꠝꠞꠣꠞꠦ ꠔꠣꠁꠘ ꠈꠣꠟꠤ ꠛꠘꠤ ꠁꠍꠞꠣꠁꠟꠞ ꠝꠣꠎ ꠕꠣꠇꠤꠃ ꠖꠣꠅꠔ ꠖꠤꠀ ꠀꠘꠍꠂꠘ ꠘꠣ, ꠅꠁꠘ꠆ꠘ ꠎꠣꠔꠤꠞ ꠝꠣꠎ ꠕꠣꠇꠤꠅ ꠔ ꠀꠘꠍꠂꠘ।

Injil 7: 1-Korintia 1:18

ꠎꠣꠞꠣ ꠉꠎꠛꠤ ꠙꠕꠦꠖꠤ ꠖꠃꠠꠣꠞ, ꠀꠟ-ꠝꠍꠤꠞ ꠍꠟꠤꠛꠞ ꠃꠙꠞꠞ ꠇꠥꠞꠛꠣꠘꠤ ꠔꠣꠞꠣꠞ ꠉꠦꠍꠦ ꠔ ꠈꠣꠟꠤ ꠛꠦꠀꠈꠟꠤ ꠝꠘꠅ ꠅꠄ, ꠅꠁꠟꠦ ꠀꠝꠞꠣ ꠎꠣꠞꠣ ꠘꠣꠎꠣꠔꠞ ꠙꠕꠦ ꠖꠃꠠꠣꠁꠞꠣꠝ, ꠀꠝꠞꠣꠞ ꠉꠦꠍꠦ ꠁꠔꠣ ꠅꠁꠟ ꠀꠟ꠆ꠟꠣꠁ ꠛꠟ।

Injil 10: Ifisia 1:11

ꠀꠟ꠆ꠟꠣꠄ ꠔꠣꠘ ꠘꠤꠎꠞ ꠀꠈꠟ-ꠁꠘꠍꠣꠚ ꠖꠤꠀ ꠘꠤꠎꠞ ꠝꠞ꠆ꠎꠤ ꠝꠣꠚꠤꠇ ꠢꠇꠟ ꠇꠣꠝ ꠇꠞꠂꠘ। ꠔꠣꠘ ꠝꠥꠘꠡꠣ ꠝꠣꠚꠤꠇ ꠔꠣꠁꠘ ꠀꠉꠦꠃ ꠎꠦꠔꠣ ꠑꠤꠇ ꠇꠞꠤꠀ ꠞꠣꠈꠍꠤꠟꠣ, ꠢꠃ ꠝꠥꠘꠡꠣ ꠝꠣꠚꠤꠇ ꠔꠣꠁꠘ ꠀꠝꠞꠣꠞꠦꠅ ꠙꠍꠘ꠆ꠖ ꠇꠞꠍꠂꠘ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠔꠣꠘ ꠈꠣꠍ ꠛꠘ꠆ꠖꠣ ꠅꠀꠞ ꠟꠣꠉꠤ।

Injil 10: Ifisia 1:9

ꠔꠣꠁꠘ ꠀꠉꠦ ꠕꠣꠇꠤ ꠎꠦꠟꠣꠈꠣꠘ ꠈꠤꠀꠟ ꠇꠞꠍꠟꠣ, ꠀꠟ-ꠝꠍꠤꠞ ꠝꠣꠎꠖꠤ ꠎꠦꠔꠣ ꠇꠞꠣꠞ ꠘꠤꠅꠔ ꠇꠞꠍꠤꠟꠣ, ꠅꠃ ꠈꠤꠀꠟ-ꠈꠥꠡꠤꠞ ꠢꠇ꠆ꠇꠟ ꠛꠣꠔꠥꠘꠤ ꠛꠦꠙꠣꠞ ꠔꠣꠁꠘ ꠀꠝꠞꠣꠞꠦ ꠎꠣꠘꠣꠁꠍꠂꠘ।

Injil 10: Ifisia 2:5

ꠄꠞꠟꠣꠉꠤꠃ ꠘꠣꠚꠞꠝꠣꠘꠤ ꠇꠞꠤꠀ ꠀꠝꠞꠣ ꠎꠦꠛꠟꠣ ꠝꠞꠣ ꠎꠤꠘ꠆ꠖꠦꠉꠤꠞ ꠝꠣꠎꠦ ꠢꠣꠛꠥꠒꠥꠛꠥ ꠈꠣꠁꠍꠟꠣꠝ, ꠢꠃ ꠡꠝꠄ ꠀꠟ-ꠝꠍꠤꠞ ꠟꠉꠦ ꠔꠣꠁꠘ ꠀꠝꠞꠣꠞꠦ ꠎꠤꠘ꠆ꠖꠣ ꠇꠞꠟꠣ। ꠀꠟ꠆ꠟꠣꠞ ꠞꠢꠝꠔꠦ ꠔꠥꠝꠞꠣ ꠞꠦꠢꠣꠁ ꠙꠣꠁꠍ।

Injil 10: Ifisia 3:11

ꠔꠣꠘ ꠘꠤꠎꠞ ꠌꠤꠞꠇꠣꠟꠞ ꠝꠥꠘꠡꠣ ꠝꠣꠚꠤꠇ ꠁꠔꠣ ꠅꠁꠍꠦ, ꠀꠞ ꠅꠃ ꠝꠥꠘꠡꠣ-ꠝꠞ꠆ꠎꠤ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠝꠣꠎꠖꠤ ꠙꠥꠞꠣ ꠇꠞꠍꠂꠘ।

Injil 11: Filifia 3:14

ꠖꠃꠠꠣꠁ ꠖꠃꠠꠣꠁ ꠌꠦꠡ꠆ꠐꠣ ꠇꠞꠤꠀꠞ, ꠁꠍꠣ ꠀꠟ-ꠝꠍꠤꠞ ꠎꠞꠤꠀꠄ ꠀꠟ꠆ꠟꠣ ꠙꠣꠇꠞ ꠎꠦ ꠛꠦꠢꠦꠡ꠆ꠔꠤ ꠖꠣꠅꠔ ꠀꠍꠦ, ꠙꠥꠞꠥꠡ꠆ꠇꠣꠞ ꠢꠤꠡꠣꠛꠦ ꠅꠃ ꠖꠣꠅꠔꠅ ꠢꠣꠝꠣꠁꠔꠣꠝ ꠙꠣꠞꠤ।

ইঞ্জিল ১৩: ১-থিষল: 4:7

ꠀꠟ꠆ꠟꠣꠄ ꠇꠥꠘꠥ ꠀꠝꠞꠣꠞꠦ ꠖꠣꠅꠔ ꠖꠤꠍꠂꠘ ꠘꠤ ꠘꠣꠚꠞꠝꠣꠘꠤꠞ ꠙꠕꠦ ꠌꠟꠣꠞ ꠟꠣꠉꠤ? ꠔꠣꠁꠘ ꠔ ꠀꠝꠞꠣꠞꠦ ꠙꠣꠇ-ꠙꠛꠤꠔ꠆ꠞ ꠅꠁꠀ ꠌꠟꠣꠞ ꠟꠣꠉꠤ ꠇꠁꠍꠂꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:1

ꠀꠝꠤ ꠙꠣꠃꠟꠥꠍ ꠔ ꠀꠝꠞꠣꠞ ꠔꠞꠣꠘꠦꠀꠟꠣ ꠀꠟ꠆ꠟꠣ ꠙꠣꠇ ꠀꠞ ꠀꠝꠞꠣꠞ ꠀꠡꠣ-ꠜꠞꠡꠣ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠢꠥꠇꠥꠝꠦ ꠔꠣꠘ ꠍꠣꠢꠣꠛꠤ ꠅꠁꠍꠤ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:1

ꠀꠝꠤ ꠙꠣꠃꠟꠥꠍ ꠔ ꠀꠟ꠆ꠟꠣ ꠙꠣꠇꠞ ꠝꠞ꠆ꠎꠤꠄ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠍꠣꠢꠣꠛꠤ। ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠀꠟ꠆ꠟꠣꠞ ꠅꠀꠖꠣ ꠇꠞꠣ ꠀꠈꠦꠞꠤ ꠎꠤꠘ꠆ꠖꠦꠉꠤꠞ ꠇꠕꠣ ꠔꠛꠟꠤꠉꠞ ꠟꠣꠉꠤ ꠍꠣꠢꠣꠛꠤ ꠙꠖ ꠙꠣꠁꠍꠤ।

Injil 17: Titas 1:2

ꠀꠝꠤ ꠀꠟ-ꠝꠍꠤꠞ ꠈꠦꠎꠝꠔ ꠇꠞꠤꠀꠞ, ꠀꠈꠦꠞꠤ ꠎꠤꠘ꠆ꠖꠦꠉꠤ ꠙꠣꠅꠀꠞ ꠀꠡꠣꠄ। ꠎꠦ ꠀꠟ꠆ꠟꠣꠄ ꠇꠥꠘꠥ ꠝꠤꠍꠣ ꠝꠣꠔꠂꠘ ꠘꠣ, ꠢꠃ ꠀꠟ꠆ꠟꠣꠄ ꠁ ꠎꠤꠘ꠆ꠖꠦꠉꠤ ꠖꠦꠅꠀꠞ ꠅꠀꠖꠣ ꠇꠞꠍꠂꠘ, ꠖꠥꠘꠤꠀ ꠙꠄꠖꠣ ꠅꠀꠞ ꠀꠉꠦꠃ।

Injil 19: Ibrani 3:1

ꠄꠞꠟꠣꠉꠤ ꠅ ꠀꠝꠣꠞ ꠙꠣꠇ-ꠙꠞꠦꠎꠉꠣꠞ ꠜꠣꠁ ꠅꠇꠟ, ꠔꠥꠝꠞꠣ ꠎꠦꠞꠣ ꠛꠦꠢꠦꠡ꠆ꠔꠤ ꠖꠣꠅꠔꠅ ꠡꠞꠤꠇ ꠅꠁꠍ, ꠔꠥꠝꠞꠣ ꠙꠞꠔꠦꠇꠦꠃ ꠁꠍꠣꠞ ꠛꠣꠄ ꠌꠃꠈ ꠞꠣꠈꠅ। ꠀꠟ꠆ꠟꠣ ꠙꠣꠇꠦ ꠔꠣꠘ ꠁ ꠈꠣꠍ ꠈꠟꠤꠚꠣꠞꠦ ꠛꠦꠎꠤꠍꠂꠘ, ꠔꠣꠁꠘꠃ ꠔ ꠢꠃ ꠙꠞꠗꠣꠘ ꠁꠝꠣꠝ, ꠁꠈꠣꠘ ꠀꠝꠞꠣ ꠝꠣꠘꠍꠤ।

ꠁꠘ꠆ꠎꠤꠟ ২১: ১-ꠙꠤꠔꠞ 1:20

ꠖꠥꠘꠤꠀ ꠙꠄꠖꠣ ꠅꠀꠞ ꠀꠉꠦꠃ ꠀꠟ꠆ꠟꠣꠄ ꠔꠣꠘꠞꠦ ꠑꠤꠇ ꠇꠞꠤ ꠞꠣꠈꠍꠂꠘ, ꠅꠁꠟꠦ ꠅꠃ ꠢꠦꠡ-ꠝꠦꠡ ꠡꠝꠄ ꠔꠣꠁꠘ ꠔꠥꠝꠞꠣꠞ ꠟꠣꠉꠤꠃ ꠎꠣꠁꠞ ꠅꠁꠍꠂꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 2:9

ꠅꠁꠟꠦ ꠔꠥꠝꠞꠣ ꠔ ꠁꠟꠣ ꠘꠣꠄ, ꠔꠥꠝꠞꠣ ꠅꠁꠟꠣꠄ ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠈꠣꠘ꠆ꠖꠣꠘ, ꠛꠣꠖꠡꠣꠁ ꠁꠝꠣꠝꠞ ꠖꠟ, ꠙꠛꠤꠔ꠆ꠞ ꠎꠣꠔꠤ, ꠔꠣꠘ ꠀꠙꠘ ꠙ꠆ꠞꠎꠣ। ꠔꠣꠁꠘ ꠔꠥꠝꠞꠣꠞꠦ ꠀꠘ꠆ꠖꠣꠁꠞ ꠕꠣꠇꠤ ꠘꠤꠎꠞ ꠘꠥꠞꠞ ꠚꠞꠅ ꠖꠣꠅꠔ ꠇꠞꠤ ꠀꠘꠍꠂꠘ, ꠔꠣꠘ ꠉꠥꠘꠉꠣꠘ ꠇꠞꠣꠞ ꠟꠣꠉꠤ।

Injil 27: Zaira Kalam 13:8

ꠁꠔꠣ ꠖꠦꠈꠤꠀ ꠖꠥꠘꠤꠀꠛꠤ ꠢꠇꠟ ꠝꠣꠘꠡꠦ ꠔꠣꠞꠦ ꠍꠁꠎꠖꠣ ꠇꠞꠛ। ꠎꠉꠔ ꠙꠄꠖꠣ ꠇꠞꠣꠞ ꠀꠉꠦ ꠎꠦ ꠝꠦꠠꠣ-ꠛꠣꠁꠌ꠆ꠌꠣꠞꠦ ꠎꠛ ꠇꠞꠣꠞ ꠇꠕꠣ ꠡꠣꠁꠛꠡ꠆ꠔ ꠇꠞꠣ ꠅꠁꠍꠦ, ꠢꠃ ꠝꠦꠠꠣ-ꠛꠣꠁꠌ꠆ꠌꠣꠞ ꠎꠤꠘ꠆ꠖꠦꠉꠤ ꠈꠣꠔꠣꠔ ꠎꠦꠞꠣꠞ ꠘꠣꠝ ꠘꠣꠁ, ꠄꠞꠣ ꠙꠞꠔꠦꠇꠦ ꠔꠣꠞꠦ ꠍꠁꠎꠖꠣ ꠇꠞꠛ।

Injil 27: Zaira Kalam 17:8

ꠔꠥꠝꠤ ꠎꠦ ꠎꠣꠘꠥꠀꠞ ꠖꠦꠈꠍꠤꠟꠣꠄ, ꠁꠉꠥ ꠀꠉꠦ ꠀꠍꠤꠟ, ꠅꠈꠘ ꠘꠣꠁ, ꠛꠣꠖꠦ ꠢꠦ ꠢꠣꠛꠤꠀ ꠖꠥꠎꠈ ꠕꠣꠇꠤ ꠃꠑꠤꠀ ꠀꠁꠀ ꠌꠤꠞꠇꠣꠟꠞ ꠟꠣꠉꠤ ꠡꠣꠎꠣ ꠙꠣꠁꠛ। ꠢꠃ ꠎꠦꠞꠣ ꠅꠃ ꠎꠉꠔꠞ ꠝꠣꠘꠥꠡ, ꠎꠦꠔꠣꠞ ꠘꠣꠝ ꠖꠥꠘꠤꠀꠞ ꠙꠄꠟꠣ ꠕꠣꠇꠤꠃ ꠀꠟ꠆ꠟꠣꠞ ꠎꠤꠘ꠆ꠖꠦꠉꠤ ꠈꠣꠔꠣꠔ ꠟꠦꠈꠣ ꠘꠣꠁ, ꠔꠣꠞꠣ ꠅꠃ ꠎꠣꠘꠥꠀꠞꠞꠦ ꠖꠦꠈꠤꠀ ꠔꠣꠁꠎ꠆ꠎꠥꠛ ꠅꠁꠎꠤꠛꠣ, ꠇꠣꠞꠘ ꠁꠉꠥ ꠀꠉꠦ ꠀꠍꠤꠟ, ꠅꠈꠘ ꠘꠣꠁ, ꠅꠕꠌ ꠢꠤꠞꠛꠣꠞ ꠖꠦꠈꠣ ꠖꠤꠛ।