ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:8 - Siloṭi Asmani Kitab (Nagri lipi)

⁸ ꠄꠞꠟꠣꠉꠤ ꠀꠝꠞꠣꠞ ꠝꠣꠟꠤꠇ ꠁꠍꠣꠞ ꠛꠦꠙꠣꠞꠦ ꠡꠣꠇ꠆ꠇꠤ ꠖꠤꠔꠦ ꠡꠞꠝꠣꠁꠅ ꠘꠣ, ꠀꠞ ꠔꠣꠘ ꠘꠣꠝꠞ ꠟꠣꠉꠤ ꠀꠝꠤ ꠎꠦꠘ ꠎꠦꠟꠅ ꠛꠘ꠆ꠖꠤ ꠀꠍꠤ, ꠀꠝꠣꠞꠦ ꠟꠁꠀꠅ ꠡꠞꠝꠣꠁꠅ ꠘꠣ। ꠛꠞꠋ ꠀꠟ꠆ꠟꠣꠞ ꠖꠦꠅꠀ ꠛꠟꠦ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠇꠣꠝꠅ ꠀꠝꠣꠞ ꠟꠉꠦ ꠞꠁꠀ ꠖꠥꠈ-ꠇꠡ꠆ꠐ ꠡꠁꠎ꠆ꠎ ꠇꠞꠅ।

ছিলটি আছমানি কিতাব (বাংলা লিপি)

⁸ এরলাগি আমরার মালিক ইছার বেয়াপারে সাক্ষি দিতে শরমাইও না, আর তান নামর লাগি আমি যেন জেলো বন্দি আছি, আমারে লইয়াও শরমাইও না। বরং আল্লার দেওয়া বলে খুশ-খবরি তবলিগর কামো আমার লগে রইয়া দুখ-কষ্ট সইয্য করো।

Siloṭi Asmani Kitab (Latin lipi)

⁸ Erlagi amrar Malik Isar befare shakki dite shormaio na, ar tan namor lagi ami zen zelo bondi asi, amare loia-o shormaio na. Borong Allar deoa bole kush-ḳobri tobligor ḳamo amar loge roia duk-koshṭo shoijjo ḳoro.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:8 Iomraidhean Croise

ꠎꠛꠥꠞ ꠡꠞꠤꠚ 19:7

ꠀꠟ꠆ꠟꠣꠞ ꠖꠦꠅꠀ ꠢꠦꠖꠣꠄꠅꠔ ꠙꠥꠞꠣꠙꠥꠞ ꠘꠤꠈꠥꠔ, ꠛꠘ꠆ꠖꠣꠞ ꠎꠣꠘꠞꠦ ꠇꠞꠦ ꠁꠈꠣꠘ ꠔꠞꠔꠣꠎꠣ ꠝꠎꠛꠥꠔ। ꠀꠟ꠆ꠟꠣꠞ ꠚꠞꠝꠣꠘ ꠢꠇ ꠀꠞ ꠡꠑꠤꠇ ꠌꠤꠞꠇꠣꠟ ꠛꠅꠀꠁꠟ, ꠛꠦꠀꠈꠟ ꠎꠘꠞꠦ ꠛꠣꠘꠣꠄ ꠙꠥꠞꠣꠙꠥꠞ ꠀꠈꠟꠖꠣꠞ।

Injil 2: Markus 8:38

ꠢꠥꠘꠃꠇ꠆ꠇꠣ, ꠁ ꠎꠝꠣꠘꠣꠞ ꠛꠦꠁꠝꠣꠘ ꠀꠞ ꠉꠥꠘꠣꠉꠣꠞ ꠅꠇꠟꠞ ꠝꠣꠎꠦ, ꠇꠦꠃ ꠎꠥꠖꠤ ꠀꠝꠣꠞ ꠟꠣꠉꠤ ꠛꠣ ꠀꠝꠣꠞ ꠔꠣꠟꠤꠝꠞ ꠟꠣꠉꠤꠀ ꠝꠥꠈ ꠟꠥꠇꠣꠄ, ꠔꠦ ꠀꠝꠤ ꠛꠤꠘ-ꠀꠖꠝ ꠎꠦꠛꠟꠣ ꠙꠛꠤꠔ꠆ꠞ ꠚꠤꠞꠤꠡ꠆ꠔꠣ ꠅꠇꠟꠞꠦ ꠟꠉꠦ ꠟꠁꠀ, ꠀꠝꠣꠞ ꠉꠣꠁꠛꠤ ꠛꠣꠚꠞ ꠡꠣꠘ-ꠔꠎꠟ꠆ꠟꠤꠄ ꠎꠉꠔꠅ ꠢꠤꠞꠛꠣꠞ ꠀꠁꠝꠥ, ꠅꠃ ꠡꠝꠄ ꠀꠝꠤꠅ ꠄꠞꠣꠞꠦ ꠖꠦꠈꠟꠦ ꠝꠥꠈ ꠟꠥꠇꠣꠁꠝꠥ।”

Injil 3: Luk 9:26

ꠢꠥꠘꠃꠇ꠆ꠇꠣ, ꠇꠦꠃ ꠎꠥꠖꠤ ꠀꠝꠣꠞ ꠟꠣꠉꠤ ꠛꠣ ꠀꠝꠣꠞ ꠔꠣꠟꠤꠝꠞ ꠟꠣꠉꠤꠀ ꠝꠥꠈ ꠟꠥꠇꠣꠄ, ꠔꠦ ꠀꠝꠤ ꠛꠤꠘ-ꠀꠖꠝ ꠎꠦꠛꠟꠣ ꠀꠝꠣꠞ ꠘꠤꠎꠞ, ꠀꠞ ꠙꠛꠤꠔ꠆ꠞ ꠚꠤꠞꠤꠡ꠆ꠔꠣ ꠅꠇꠟꠞ, ꠀꠞ ꠉꠣꠁꠛꠤ ꠛꠣꠚꠞ ꠡꠣꠘ-ꠔꠎꠟ꠆ꠟꠤꠄ ꠖꠥꠘꠤꠀꠔ ꠢꠤꠞꠛꠣꠞ ꠀꠁꠝꠥ, ꠅꠃ ꠡꠝꠄ ꠀꠝꠤꠅ ꠄꠞꠣꠞꠦ ꠖꠦꠈꠟꠦ ꠝꠥꠈ ꠟꠥꠇꠣꠁꠝꠥ।

Injil 4: Hannan 15:27

ꠀꠞ ꠔꠥꠝꠞꠣꠅ ꠀꠝꠣꠞ ꠛꠦꠙꠣꠞꠦ ꠡꠣꠇ꠆ꠇꠤ ꠖꠤꠛꠣꠄ, ꠔꠥꠝꠞꠣ ꠔ ꠙꠄꠟꠣ ꠕꠣꠇꠤꠃ ꠀꠝꠣꠞ ꠟꠉꠦ ꠟꠉꠦ ꠀꠍ।”

Injil 4: Hannan 19:35

ꠎꠦ ꠎꠘꠦ ꠘꠤꠎꠞ ꠌꠃꠈꠦ ꠁ ꠊꠐꠘꠣ ꠖꠦꠈꠍꠂꠘ, ꠔꠣꠁꠘꠃ ꠡꠣꠇ꠆ꠇꠤ ꠖꠤꠍꠂꠘ ꠀꠞ ꠔꠣꠘ ꠡꠣꠇ꠆ꠇꠤ ꠢꠣꠍꠣ। ꠔꠣꠁꠘ ꠎꠣꠘꠂꠘ, ꠔꠣꠁꠘ ꠎꠦꠔꠣ ꠇꠁꠞꠣ ꠁꠔꠣ ꠢꠣꠍꠣ, ꠎꠣꠔꠦ ꠔꠥꠝꠞꠣꠅ ꠄꠇꠤꠘ ꠇꠞ।

Injil 5: Sahabi Nama 5:41

ꠔꠦꠃ ꠍꠣꠢꠣꠛꠤ ꠅꠇꠟꠦ, ꠁꠍꠣꠞ ꠘꠣꠝꠞ ꠟꠣꠉꠤ ꠛꠦꠁꠎ꠆ꠎꠔꠤ ꠇꠣꠝꠣꠘꠤꠞ ꠎꠥꠇꠣ ꠅꠁꠍꠂꠘ ꠉꠔꠤꠇꠦ ꠈꠥꠡꠤ ꠅꠁꠀ ꠚꠥꠞ꠆ꠔꠤ ꠇꠞꠤ ꠇꠞꠤ ꠝꠎꠟꠤꠍ ꠕꠣꠇꠤ ꠛꠣꠞ ꠅꠁꠀ ꠉꠦꠟꠣ।

Injil 6: Ruman 1:16

ꠇꠣꠞꠘ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠛꠦꠙꠣꠞꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠔꠦ ꠀꠝꠤ ꠇꠥꠘꠥ ꠡꠞꠝ ꠝꠘꠅ ꠇꠞꠤ ꠘꠣ, ꠅꠃ ꠈꠥꠡ-ꠈꠛꠞꠤ ꠢꠥꠘꠤꠀ ꠎꠦꠞꠣ ꠁꠝꠣꠘ ꠀꠘꠦ, ꠔꠣꠞꠣꠞ ꠎꠣꠘ ꠛꠣꠌꠣꠘꠤꠞ ꠟꠣꠉꠤ ꠁꠐꠣ ꠅꠁꠟ ꠀꠟ꠆ꠟꠣꠁ ꠛꠟ। ꠙꠄꠟꠣ ꠛꠘꠤ ꠁꠍꠞꠣꠁꠟꠞ ꠟꠣꠉꠤ ꠎꠦꠞꠣ ꠄꠇ ꠀꠟ꠆ꠟꠣ ꠝꠣꠘꠂꠘ, ꠛꠣꠖꠦ ꠛꠦ-ꠖꠤꠘ ꠜꠤꠘ ꠎꠣꠔꠤ ꠅꠇꠟꠞ ꠟꠣꠉꠤ।

Injil 6: Ruman 16:25

ꠀꠟꠢꠣꠝꠖꠥꠟꠤꠟ꠆ꠟꠣ, ꠀꠝꠤ ꠙꠣꠃꠟꠥꠍꠦ ꠁꠍꠣ ꠀꠟ-ꠝꠍꠤꠞ ꠛꠦꠙꠣꠞꠦ ꠎꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠤ, ꠀꠟ꠆ꠟꠣ ꠙꠣꠇꠞ ꠈꠦꠝꠔꠣ ꠀꠍꠦ ꠅꠃ ꠈꠥꠡ-ꠈꠛꠞꠤꠞ ꠃꠍꠤꠟ꠆ꠟꠣꠄ ꠔꠥꠝꠞꠣꠞꠦ ꠁꠝꠣꠘꠦ ꠕꠤꠞ ꠞꠣꠈꠣ। ꠝꠘꠅ ꠞꠣꠈꠤꠅ, ꠛꠃꠔ ꠎꠝꠣꠘꠣ ꠗꠞꠤ ꠀꠟ꠆ꠟꠣꠄ ꠔꠣꠘ ꠁ ꠛꠣꠔꠥꠘꠤ ꠝꠥꠘꠡꠣꠞ ꠇꠕꠣ ꠟꠥꠇꠣꠁ ꠞꠣꠈꠍꠤꠟꠣ,

Injil 6: Ruman 8:36

ꠙꠛꠤꠔ꠆ꠞ ꠎꠛꠥꠞ ꠡꠞꠤꠚꠅ ꠀꠍꠦ, ꠔꠥꠝꠣꠞ ꠘꠣꠝꠞ ꠟꠣꠉꠤ ꠀꠝꠞꠣꠞꠦ ꠢꠞ-ꠢꠣꠝꠦꠡꠣ ꠈꠥꠘ ꠇꠞꠣ ꠅꠞ। ꠝꠣꠘꠡꠞ ꠌꠈꠥꠔ ꠀꠝꠞꠣ ꠅꠁꠟꠣꠝ ꠛꠟꠤꠞ ꠙꠣꠑꠣ।

Injil 6: Ruman 9:33

ꠁ ꠛꠦꠙꠣꠞꠦ ꠀꠍꠝꠣꠘꠤ ꠇꠤꠔꠣꠛꠅ ꠟꠦꠈꠣ ꠀꠍꠦ, ꠢꠥꠘꠅ, ꠀꠝꠤ ꠎꠦꠞꠥꠎꠣꠟꠦꠝꠅ ꠅꠟꠣ ꠄꠇ ꠙꠣꠔ꠆ꠔꠞ ꠛꠅꠀꠁꠍꠤ, ꠎꠦ ꠙꠣꠔ꠆ꠔꠞꠅ ꠝꠣꠘꠡꠦ ꠃꠡ꠆ꠐꠣ ꠈꠣꠁꠀ ꠙꠠꠛ। ꠅꠁꠟꠦ ꠎꠦ ꠎꠘꠦ ꠔꠣꠘ ꠃꠙꠞꠦ ꠁꠝꠣꠘ ꠀꠘꠛ, ꠢꠦ ꠇꠥꠘꠥꠝꠘ꠆ꠔꠦꠃ ꠡꠞꠝꠤꠘ꠆ꠖꠣ ꠅꠁꠔ ꠘꠣꠄ।

Injil 7: 1-Korintia 1:6

ꠅꠈꠘ ꠖꠦꠈꠣ ꠎꠣꠞ, ꠀꠟ-ꠝꠍꠤꠞ ꠛꠦꠙꠣꠞꠦ ꠀꠝꠞꠣ ꠎꠦꠔꠣ ꠔꠣꠟꠤꠝ ꠖꠤꠍꠟꠣꠝ, ꠁꠔꠣ ꠔꠥꠝꠞꠣꠞ ꠖꠤꠟꠅ ꠉꠣꠕꠤꠀ ꠞꠣꠈꠍ।

Injil 8: 2-Korintia 6:7

ꠢꠇ ꠇꠕꠣ ꠇꠅꠀ ꠀꠞ ꠀꠟ꠆ꠟꠣꠞ ꠇꠥꠖꠞꠔꠤ ꠛꠟ, ꠖꠥꠁꠅ ꠀꠔꠦ ꠙꠞꠦꠎꠉꠣꠞꠤꠞ ꠀꠔꠤꠀꠞ ꠛꠦꠛꠢꠣꠞ ꠇꠞꠤꠀꠞ।

Injil 10: Ifisia 3:1

ꠅꠃ ꠇꠣꠞꠘꠦ ꠀꠝꠤ ꠙꠣꠃꠟꠥꠍꠦ ꠀꠟ꠆ꠟꠣꠞ ꠖꠞꠛꠣꠞꠅ ꠖꠥꠀ ꠇꠞꠤꠀꠞ। ꠀꠞ ꠔꠥꠝꠞꠣ ꠎꠣꠞꠣ ꠜꠤꠘ ꠎꠣꠔꠤ, ꠔꠥꠝꠞꠣꠞꠦ ꠁꠍꠣ ꠀꠟ-ꠝꠍꠤꠞ ꠔꠞꠤꠇꠣꠞ ꠖꠣꠅꠔ ꠖꠦꠅꠀꠞ ꠟꠣꠉꠤꠃ ꠀꠝꠤ ꠅꠈꠘ ꠎꠦꠟꠅ ꠛꠘ꠆ꠖꠤ ꠅꠁꠍꠤ।

Injil 10: Ifisia 3:13

ꠄꠞꠟꠣꠉꠤ ꠀꠝꠤ ꠔꠥꠝꠞꠣꠞꠦ ꠝꠤꠘꠔ ꠇꠞꠤꠀꠞ, ꠀꠝꠤ ꠖꠥꠈ-ꠝꠍꠤꠛꠔ ꠡꠁꠎ꠆ꠎ ꠇꠞꠤꠀꠞ ꠖꠦꠈꠤꠀ ꠔꠥꠝꠞꠣ ꠘꠤꠞꠣꠡ ꠅꠁꠅ ꠘꠣ। ꠁꠔꠣ ꠔ ꠔꠥꠝꠞꠣꠞ ꠟꠣꠉꠤꠃ ꠡꠁꠎ꠆ꠎ ꠇꠞꠤꠀꠞ, ꠄꠞꠟꠣꠉꠤ ꠉꠃꠞꠛ ꠇꠞꠅ।

Injil 10: Ifisia 4:1

ꠀꠝꠣꠞ ꠝꠣꠟꠤꠇ ꠀꠟ-ꠝꠍꠤꠞ ꠟꠣꠉꠤ ꠀꠝꠤ ꠎꠦꠟꠅ ꠛꠘ꠆ꠖꠤ ꠀꠍꠤ। ꠅꠃ ꠛꠘ꠆ꠖꠤ ꠢꠣꠟꠔꠦ ꠀꠝꠤ ꠔꠥꠝꠞꠣꠞꠦ ꠝꠤꠘꠔ ꠇꠞꠤꠀꠞ, ꠎꠦ ꠇꠣꠝꠞ ꠟꠣꠉꠤ ꠀꠟ꠆ꠟꠣꠄ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ, ꠔꠥꠝꠞꠣ ꠄꠞ ꠃꠙꠎꠥꠇ꠆ꠔ ꠅꠁꠀ ꠌꠟ।

Injil 10: Ifisia 4:17

ꠄꠞꠟꠣꠉꠤ ꠀꠝꠤ ꠀꠝꠣꠞ ꠝꠣꠟꠤꠇꠞ ꠘꠣꠝꠦ ꠔꠥꠝꠞꠣꠞꠦ ꠢꠥꠡꠤꠀꠞ ꠇꠞꠤ ꠖꠤꠀꠞ, ꠜꠤꠘ ꠗꠞ꠆ꠝꠞ ꠝꠣꠘꠡꠦ ꠎꠦꠟꠣ ꠛꠣꠎꠦ ꠌꠤꠘ꠆ꠔꠣ ꠇꠞꠤꠀ ꠎꠤꠘ꠆ꠖꠦꠉꠤ ꠇꠣꠐꠣꠁꠘ, ꠔꠥꠝꠞꠣ ꠀꠞ ꠁꠟꠣ ꠎꠤꠘ꠆ꠖꠦꠉꠤ ꠇꠣꠐꠣꠁꠅ ꠘꠣ।

Injil 11: Filifia 1:7

ꠔꠥꠝꠞꠣ ꠔ ꠀꠝꠣꠞ ꠝꠣꠄꠀꠞ ꠝꠣꠘꠥꠡ, ꠄꠞꠟꠣꠉꠤ ꠔꠥꠝꠞꠣꠞ ꠛꠦꠙꠣꠞꠦ ꠀꠝꠣꠞ ꠝꠘꠞ ꠜꠣꠛ ꠅꠟꠣ ꠅꠀ ꠃꠌꠤꠔ। ꠀꠝꠤ ꠎꠦꠟꠅ ꠛꠘ꠆ꠖꠤ ꠢꠣꠟꠔꠦ ꠛꠣ ꠈꠥꠡ-ꠈꠛꠞꠤꠞ ꠢꠇ ꠇꠕꠣ ꠎꠦꠘꠅꠃ ꠔꠛꠟꠤꠉ ꠇꠞꠤ ꠘꠣ ꠇꠦꠘꠦ, ꠔꠥꠝꠞꠣꠅ ꠀꠝꠣꠞ ꠟꠉꠞ ꠞꠢꠝꠔꠞ ꠜꠣꠉꠤ।

Injil 11: Filifia 3:10

ꠔꠦ ꠀꠝꠤ ꠀꠟ-ꠝꠍꠤꠞꠦ ꠌꠤꠘꠔꠣꠝ ꠌꠣꠁ, ꠎꠦ ꠇꠥꠖꠞꠔꠤ ꠛꠟꠦ ꠔꠣꠘꠞꠦ ꠝꠞꠣ ꠕꠣꠇꠤ ꠎꠤꠘ꠆ꠖꠣ ꠇꠞꠣ ꠅꠁꠍꠤꠟ, ꠅꠃ ꠛꠟꠞꠦꠅ ꠌꠤꠘꠔꠣꠝ ꠌꠣꠁ। ꠀꠝꠤ ꠔꠣꠘ ꠖꠥꠈ-ꠝꠍꠤꠛꠔꠞ ꠜꠣꠉꠤ ꠅꠁꠔꠣꠝ ꠌꠣꠁ, ꠔꠣꠁꠘ ꠎꠦꠟꠣ ꠘꠤꠎꠞ ꠎꠣꠘ ꠇꠥꠞꠛꠣꠘꠤ ꠖꠤꠍꠟꠣ, ꠀꠝꠤꠅ ꠅꠃ ꠝꠃꠔꠅ ꠡꠞꠤꠇ ꠅꠁꠔꠣꠝ ꠌꠣꠁ।

Injil 11: Filifia 4:13

ꠀꠍꠟꠦ ꠎꠦꠁꠘ ꠀꠝꠣꠞꠦ ꠛꠟ-ꠡꠇ꠆ꠔꠤ ꠎꠥꠉꠣꠁꠀ ꠖꠦꠁꠘ, ꠔꠣꠘ ꠛꠟꠦꠃ ꠀꠝꠤ ꠢꠇ꠆ꠇꠟꠔꠣ ꠇꠞꠔꠣꠝ ꠙꠣꠞꠤ।

Injil 12: Kolosia 1:11

ꠀꠟ꠆ꠟꠣꠄ ꠔꠣꠘ ꠝꠢꠣ ꠇꠥꠖꠞꠔꠤ ꠛꠟꠦ ꠢꠇꠟ ꠘꠝꠥꠘꠣꠞ ꠛꠟ ꠖꠤꠀ ꠔꠥꠝꠞꠣꠞꠦ ꠛꠟꠛꠣꠘ ꠇꠞꠃꠇ꠆ꠇꠣ। ꠛꠣꠟꠣ-ꠝꠍꠤꠛꠔꠅ ꠙꠠꠟꠦꠅ ꠈꠥꠡꠤ-ꠛꠣꠡꠤ ꠞꠁꠀ ꠍꠛꠞ ꠇꠞꠣꠞ ꠔꠚꠤꠇ ꠖꠦꠃꠇ꠆ꠇꠣ।

Injil 12: Kolosia 1:24

ꠔꠥꠝꠞꠣꠞ ꠟꠣꠉꠤ ꠀꠝꠤ ꠖꠥꠈ-ꠝꠍꠤꠛꠔ ꠡꠁꠎ꠆ꠎ ꠇꠞꠣꠄ ꠈꠥꠛ ꠀꠘꠘ꠆ꠖ ꠙꠣꠁꠞꠣꠝ। ꠎꠣꠘ ꠔ, ꠀꠟ-ꠝꠍꠤꠞ ꠡꠞꠤꠟ ꠝꠣꠘꠤ ꠎꠝꠣꠔꠞ ꠟꠣꠉꠤ ꠔꠣꠘ ꠎꠦ ꠖꠥꠈ-ꠝꠍꠤꠛꠔ ꠅꠈꠘꠅ ꠛꠣꠇꠤ ꠀꠍꠦ, ꠁꠔꠣ ꠅꠈꠘ ꠀꠝꠣꠞ ꠡꠞꠤꠟ ꠖꠤꠀ ꠙꠥꠞꠣ ꠇꠞꠤꠀꠞ।

ইঞ্জিল ১৩: ১-থিষল: 3:4

ꠀꠝꠤ ꠀꠉꠦ ꠎꠦꠛꠟꠣ ꠔꠥꠝꠞꠣꠞ ꠟꠉꠦ ꠀꠍꠟꠣꠝ, ꠢꠃ ꠡꠝꠄ ꠔꠥꠝꠞꠣꠞꠦ ꠇꠁꠍꠤ, ꠖꠥꠈ-ꠝꠍꠤꠛꠔ ꠀꠝꠞꠣꠞ ꠃꠙꠞꠦ ꠀꠁꠛꠃ, ꠀꠞ ꠑꠤꠇꠃ ꠅꠟꠣꠈꠣꠘ ꠀꠁꠍꠦ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:6

ꠖꠥꠘꠤꠀꠞ ꠢꠇꠟ ꠝꠣꠘꠡꠞ ꠎꠣꠘꠞ ꠛꠖꠟꠣ ꠢꠤꠡꠣꠛꠦ, ꠔꠣꠁꠘ ꠘꠤꠎꠞ ꠎꠣꠘ ꠇꠥꠞꠛꠣꠘꠤ ꠖꠤꠍꠂꠘ। ꠅꠃ ꠛꠦꠙꠣꠞꠦ ꠔ ꠀꠟ꠆ꠟꠣꠞ ꠑꠤꠇ ꠇꠞꠣ ꠡꠝꠄꠄ ꠡꠣꠇ꠆ꠇꠤ ꠖꠦꠅꠀ ꠅꠁꠍꠦ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:10

ꠀꠞ ꠀꠟ꠆ꠟꠣꠄ ꠅꠈꠘ ꠅꠃ ꠞꠢꠝꠔ ꠎꠣꠁꠞ ꠇꠞꠍꠂꠘ, ꠀꠝꠞꠣꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠄ ꠖꠥꠘꠤꠀꠔ ꠔꠡꠞꠤꠚ ꠀꠘꠣꠞ ꠝꠣꠎꠖꠤ। ꠀꠟ-ꠝꠍꠤꠄ ꠔ ꠝꠃꠔꠞ ꠈꠦꠝꠔꠣꠞꠦ ꠌꠥꠞꠝꠣꠞ ꠇꠞꠍꠂꠘ, ꠔꠣꠘ ꠈꠥꠡ-ꠈꠛꠞꠤꠞ ꠝꠣꠎꠖꠤ ꠌꠤꠞꠇꠣꠟꠤꠘ ꠘꠥꠞꠣꠘꠤ ꠎꠤꠘ꠆ꠖꠦꠉꠤꠞ ꠙꠕ ꠈꠥꠟꠣ-ꠝꠦꠟꠣ ꠇꠞꠍꠂꠘ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:12

ꠄꠞꠟꠣꠉꠤꠃ ꠀꠝꠤ ꠅꠟꠣ ꠖꠥꠈ-ꠇꠡ꠆ꠐ ꠙꠣꠁꠀꠞ, ꠔꠣ-ꠅ ꠀꠝꠤ ꠡꠞꠝꠤꠘ꠆ꠖꠣ ꠘꠣꠄ। ꠇꠣꠞꠘ ꠀꠝꠤ ꠎꠣꠘꠤ, ꠀꠝꠤ ꠇꠣꠞ ꠃꠙꠞꠦ ꠜꠞꠡꠣ ꠇꠞꠍꠤ। ꠀꠝꠣꠞ ꠙꠥꠞꠣꠙꠥꠞ ꠄꠇꠤꠘ ꠀꠍꠦ, ꠀꠝꠤ ꠔꠣꠘ ꠖꠞꠛꠣꠞꠅ ꠎꠦꠔꠣ ꠎꠝꠣ ꠇꠞꠍꠤ, ꠁꠔꠣꠞꠦ ꠢꠦꠚꠣꠎꠔꠦ ꠞꠣꠈꠣꠞ ꠈꠦꠝꠔꠣ ꠔꠣꠘ ꠀꠍꠦ, ꠀꠟ-ꠝꠍꠤꠄ ꠖꠥꠍꠞꠣꠛꠣꠞ ꠔꠡꠞꠤꠚ ꠀꠘꠣꠞ ꠖꠤꠘ ꠙꠞ꠆ꠎꠘ꠆ꠔ ꠁꠔꠣ ꠞꠁꠛ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:16

ꠜꠣꠁ ꠀꠘꠤꠍꠞ ꠙꠞꠤꠛꠣꠞꠞ ꠃꠙꠞꠦ ꠝꠣꠟꠤꠇ ꠁꠍꠣꠄ ꠞꠢꠝ-ꠛꠞꠇꠔ ꠖꠦꠃꠇ꠆ꠇꠣ। ꠄꠁꠘ ꠛꠃꠔ ꠛꠣꠞ ꠀꠝꠣꠞ ꠎꠣꠘꠅ ꠀꠞꠣꠝ ꠖꠤꠍꠂꠘ, ꠀꠝꠤ ꠎꠦꠟꠅ ꠢꠣꠝꠣꠁꠟꠦꠅ ꠔꠣꠁꠘ ꠇꠥꠘꠥ ꠡꠞꠝ ꠝꠘꠅ ꠇꠞꠍꠂꠘ ꠘꠣ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:3

ꠔꠥꠝꠤ ꠁꠍꠣ ꠀꠟ-ꠝꠍꠤꠞ ꠈꠣꠐꠤ ꠍꠤꠙꠣꠁ ꠅꠁꠀ ꠖꠥꠈ-ꠇꠡ꠆ꠐꠔ ꠡꠞꠤꠇ ꠅꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:8

ꠁꠍꠣ ꠀꠟ-ꠝꠍꠤꠞ ꠛꠦꠙꠣꠞꠦ ꠔꠥꠝꠤ ꠅꠈꠣꠘ ꠝꠘꠅ ꠞꠣꠈꠤꠅ, ꠔꠣꠘꠞꠦ ꠝꠥꠞ꠆ꠖꠣ ꠕꠣꠇꠤ ꠎꠤꠘ꠆ꠖꠣ ꠇꠞꠣ ꠅꠁꠍꠤꠟ, ꠔꠣꠁꠘ ꠅꠁꠟꠣ ꠛꠣꠖꠡꠣ ꠖꠣꠃꠖ ꠘꠛꠤꠞ ꠛꠋꠡꠗꠞ, ꠀꠝꠣꠞ ꠇꠅꠀ ꠈꠥꠡ-ꠈꠛꠞꠤꠞ ꠝꠣꠎꠦꠅ ꠁꠈꠣꠘ ꠀꠍꠦ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:9

ꠀꠞ ꠅꠃ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣꠄꠃ ꠀꠝꠤ ꠖꠥꠈ-ꠇꠡ꠆ꠐ ꠙꠣꠁꠀꠞ। ꠖꠣꠉꠤ ꠀꠡꠣꠝꠤꠞ ꠟꠣꠈꠣꠘ ꠀꠝꠣꠞꠦ ꠛꠘ꠆ꠖꠤ ꠞꠣꠈꠣ ꠅꠁꠍꠦ, ꠅꠁꠟꠦ ꠀꠟ꠆ꠟꠣꠞ ꠇꠣꠟꠣꠝ ꠔ ꠛꠘ꠆ꠖꠤ ꠅꠁꠍꠦ ꠘꠣ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:17

ꠈꠣꠟꠤ ꠝꠣꠟꠤꠇ ꠁꠍꠣ ꠀꠝꠣꠞ ꠙꠇ꠆ꠇꠦ ꠃꠛꠣꠁꠟꠣ, ꠔꠣꠁꠘ ꠀꠝꠣꠞꠦ ꠛꠟ ꠎꠥꠉꠣꠁꠟꠣ। ꠄꠞꠟꠣꠉꠤ ꠀꠝꠤ ꠜꠤꠘ ꠎꠣꠔꠤꠞ ꠍꠣꠝꠘꠦ ꠡꠥꠟ꠆ꠟꠀꠘꠣ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣꠞ ꠡꠥꠎꠥꠉ ꠙꠣꠁꠍꠤ, ꠔꠣꠞꠣ ꠢꠇꠟꠦ ꠁꠔꠣ ꠢꠥꠘꠍꠦ। ꠅꠃ ꠛꠤꠌꠣꠞꠅ ꠔꠣꠞꠣꠞ ꠡꠤꠋꠢꠞ ꠝꠥꠈꠞ ꠈꠥꠞꠣꠇ ꠅꠀ ꠕꠣꠇꠤ ꠀꠟ꠆ꠟꠣꠄ ꠀꠝꠣꠞꠦ ꠛꠣꠌꠣꠁꠍꠂꠘ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:5

ꠅꠁꠟꠦ ꠔꠥꠝꠤ ꠢꠇꠟ ꠛꠦꠙꠣꠞꠦ ꠘꠤꠎꠞꠦ ꠡꠣꠝꠟꠣꠁꠀ ꠞꠣꠈꠅ, ꠖꠥꠈ-ꠇꠡ꠆ꠐ ꠡꠁꠎ꠆ꠎ ꠇꠞꠅ, ꠀꠟ-ꠝꠍꠤꠞ ꠛꠦꠙꠣꠞꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣꠔ ꠞꠅ, ꠀꠟ꠆ꠟꠣꠞ ꠖꠦꠅꠀ ꠖꠣꠄꠁꠔ꠆ꠔ ꠀꠖꠣꠄ ꠇꠞꠅ।

ꠁꠘ꠆ꠎꠤꠟ ২১: ১-ꠙꠤꠔꠞ 1:5

ꠔꠥꠝꠞꠣ ꠙꠥꠞꠣꠙꠥꠞ ꠘꠣꠎꠣꠔ ꠘꠣ ꠙꠣꠅꠀ ꠙꠞ꠆ꠎꠘ꠆ꠔ, ꠀꠟ꠆ꠟꠣꠁ ꠡꠇ꠆ꠔꠤꠄ ꠁꠝꠣꠘꠞ ꠝꠣꠎꠖꠤ ꠔꠥꠝꠞꠣꠞꠦ ꠢꠦꠚꠣꠎꠔꠦ ꠞꠣꠈꠣ ꠅꠁꠍꠦ। ꠅꠃ ꠘꠣꠎꠣꠔ ꠑꠤꠇ ꠇꠞꠣ ꠅꠁꠍꠦ, ꠀꠈꠦꠞꠣꠔꠞ ꠡꠝꠄ ꠎꠣꠁꠞ ꠅꠀꠞ ꠟꠣꠉꠤ।

Injil 23: 1-Hannan 4:14

ꠀꠝꠞꠣ ꠘꠤꠎꠦ ꠖꠦꠈꠍꠤ, ꠖꠦꠈꠤꠀ ꠢꠣꠞꠤ ꠅꠃ ꠡꠣꠇ꠆ꠇꠤ ꠖꠤꠞꠣꠝ, ꠎꠉꠔꠞ ꠔꠞꠣꠘꠦꠀꠟꠣ ꠇꠣꠘ꠆ꠒꠣꠞꠤ ꠢꠤꠡꠣꠛꠦ, ꠉꠣꠁꠛꠤ ꠛꠣꠚꠦ ꠔꠣꠘ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣꠞꠦ ꠛꠦꠎꠤꠍꠂꠘ।

Injil 26: Ehuda 1:24

ꠀꠞ ꠎꠦ ꠀꠟ꠆ꠟꠣꠄ ꠔꠥꠝꠞꠣꠞꠦ ꠃꠡ꠆ꠐꠣ ꠈꠣꠅꠀ ꠕꠣꠇꠤ ꠛꠣꠌꠣꠁꠘ, ꠎꠦꠁꠘ ꠘꠤꠈꠥꠔ ꠢꠣꠟꠔꠦ ꠔꠥꠝꠞꠣꠞꠦ ꠈꠥꠡꠤ-ꠛꠣꠡꠤꠄ ꠔꠣꠘ ꠡꠣꠘ-ꠔꠎꠟ꠆ꠟꠤꠞ ꠍꠣꠝꠘꠦ ꠀꠎꠤꠞ ꠇꠞꠔꠣ ꠙꠣꠞꠂꠘ,

Injil 27: Zaira Kalam 1:2

ꠍꠣꠢꠣꠛꠤ ꠢꠣꠘ꠆ꠘꠣꠘꠦ ꠀꠟ꠆ꠟꠣꠞ ꠇꠣꠟꠣꠝ ꠀꠞ ꠁꠍꠣ ꠀꠟ-ꠝꠍꠤꠞ ꠡꠣꠇ꠆ꠇꠤꠞ ꠛꠦꠙꠣꠞꠦ ꠎꠔ ꠖꠞꠡꠘ ꠖꠦꠈꠟꠣ, ꠅꠃ ꠖꠞꠡꠘꠞ ꠛꠦꠙꠣꠞꠦꠃ ꠔꠣꠁꠘ ꠎꠛꠣꠘꠛꠘ꠆ꠖꠤ ꠖꠤꠟꠣ।

Injil 27: Zaira Kalam 1:9

ꠀꠝꠤ ꠔ ꠔꠥꠝꠞꠣꠞ ꠜꠣꠁ ꠢꠣꠘ꠆ꠘꠣꠘ, ꠢꠎꠞꠔ ꠁꠍꠣꠞ ꠃꠝ꠆ꠝꠔ ꠅꠀꠄ ꠀꠝꠤꠅ ꠔꠥꠝꠞꠣꠞ ꠟꠣꠈꠣꠘ ꠄꠇꠁ ꠇꠡ꠆ꠐ, ꠄꠇꠁ ꠛꠣꠖꠡꠣꠁ ꠀꠞ ꠄꠇꠁ ꠍꠛꠞꠞ ꠜꠣꠉꠤ ꠅꠁꠍꠤ। ꠀꠟ꠆ꠟꠣꠞ ꠇꠣꠟꠣꠝ ꠔꠛꠟꠤꠉ ꠇꠞꠣꠄ ꠀꠞ ꠁꠍꠣꠞ ꠙꠇ꠆ꠇꠦ ꠎꠛꠣꠘꠛꠘ꠆ꠖꠤ ꠖꠦꠅꠀꠄ ꠀꠝꠣꠞꠦ ꠙꠣꠔꠝꠥꠍ ꠘꠣꠝꠞ ꠖꠤꠙꠅ ꠘꠤꠀ ꠛꠘꠛꠣꠡ ꠖꠦꠅꠀ ꠅꠁꠍꠤꠟ।

Injil 27: Zaira Kalam 12:11

ꠝꠦꠠꠣ-ꠛꠣꠁꠌ꠆ꠌꠣꠞ ꠟꠃ ꠀꠞ ꠎꠣꠞꠎꠤꠞ ꠔꠛꠟꠤꠉꠤ ꠎꠛꠣꠘꠛꠘ꠆ꠖꠤꠞ ꠛꠟꠦ ꠔꠣꠞꠣ ꠁꠛꠟꠤꠍꠞꠦ ꠀꠞꠣꠁꠍꠂꠘ। ꠔꠣꠞꠣ ꠘꠤꠎꠞ ꠇꠣꠄꠀꠞꠦ ꠛꠦꠡꠤ ꠝꠣꠄꠀ ꠘꠣ ꠇꠞꠤꠀ, ꠎꠣꠘ ꠖꠤꠔꠦꠅ ꠎꠥꠁꠔ ꠀꠍꠟꠣ।

Injil 27: Zaira Kalam 19:10

ꠔꠦꠃ ꠀꠝꠤ ꠅꠃ ꠚꠤꠞꠤꠡ꠆ꠔꠣꠞꠦ ꠍꠁꠎꠖꠣ ꠇꠞꠣꠞ ꠘꠤꠅꠔꠦ ꠔꠣꠘ ꠙꠣꠅ-ꠅ ꠙꠠꠟꠣꠝ, ꠅꠁꠟꠦ ꠔꠣꠁꠘ ꠀꠝꠣꠞꠦ ꠇꠁꠟꠣ, “ꠢꠣꠄ, ꠢꠣꠄ! ꠁꠔꠣ ꠇꠤꠔꠣ ꠇꠞꠞꠣꠄ, ꠀꠝꠤꠅ ꠔ ꠔꠥꠝꠣꠞ ꠟꠣꠈꠣꠘ ꠉꠥꠟꠣꠝ, ꠀꠞ ꠔꠥꠝꠣꠞ ꠎꠦ ꠝꠥꠝꠤꠘ ꠜꠣꠁ ꠅꠇꠟꠦ ꠢꠎꠞꠔ ꠁꠍꠣꠞ ꠙꠇ꠆ꠇꠦ ꠎꠛꠣꠘꠛꠘ꠆ꠖꠤ ꠖꠦꠅꠀꠔ ꠞꠄ, ꠀꠝꠤ ꠔꠣꠞꠣꠞ ꠟꠣꠈꠣꠘꠅ ꠉꠥꠟꠣꠝ। ꠔꠦ ꠈꠣꠟꠤ ꠀꠟ꠆ꠟꠣꠞꠦ ꠍꠁꠎꠖꠣ ꠇꠞꠅ। ꠅꠃ ꠁꠍꠣꠞ ꠎꠛꠣꠘꠛꠘ꠆ꠖꠤꠃ ꠅꠁꠟ, ꠘꠛꠤ-ꠞꠍꠥꠟ ꠅꠇꠟꠞ ꠎꠛꠣꠘꠛꠘ꠆ꠖꠤꠞ ꠝꠥꠟ ꠈꠥꠐꠤ।”