ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:7 - Siloṭi Asmani Kitab (Nagri lipi)

⁷ ꠀꠟ꠆ꠟꠣꠄ ꠔ ꠀꠝꠞꠣꠞꠦ ꠜꠤꠔꠥ-ꠒꠞꠣꠟꠥꠇꠞ ꠝꠘꠜꠣꠛ ꠖꠤꠍꠂꠘ ꠘꠣ। ꠛꠞꠋ ꠛꠟ-ꠡꠇ꠆ꠔꠤ, ꠝꠣꠄꠀ-ꠝꠢꠛ꠆ꠛꠔ ꠀꠞ ꠘꠤꠎꠞꠦ ꠡꠣꠝꠟꠣꠘꠤꠞ ꠈꠦꠝꠔꠣ ꠖꠣꠘ ꠇꠞꠍꠂꠘ।

ছিলটি আছমানি কিতাব (বাংলা লিপি)

⁷ আল্লায় তো আমরারে ভীতু-ডরালোকর মনোভাব দিছইন না। বরং বল-শক্তি, মায়া-মহব্বত আর নিজরে সামলানির খেমতা দান করছইন।

Siloṭi Asmani Kitab (Latin lipi)

⁷ Allae to amrare bitu-ḍoralukor monobab disoin na. Borong bol-shokti, maya-mohobbot ar nizore shamlanir ḳemota dan ḳorsoin.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:7 Iomraidhean Croise

Injil 3: Luk 10:19

ꠔꠦ ꠀꠝꠤ ꠔꠥꠝꠞꠣꠞꠦ ꠢꠣꠚ-ꠛꠤꠌ꠆ꠍꠥꠞ ꠃꠙꠞꠦꠖꠤ ꠀꠐꠣꠞ ꠈꠦꠝꠔꠣ ꠖꠤꠍꠤ, ꠀꠞ ꠔꠥꠝꠞꠣꠞ ꠖꠥꠡꠝꠘ, ꠁꠛꠟꠤꠍꠞ ꠢꠇꠟ ꠡꠇ꠆ꠔꠤꠞ ꠃꠙꠞꠦ ꠔꠥꠝꠞꠣꠞꠦ ꠈꠦꠝꠔꠣ ꠖꠤꠍꠤ। ꠇꠥꠘꠥꠎꠣꠔ ꠇꠥꠘ꠆ꠔꠣꠄꠃ ꠔꠥꠝꠞꠣꠞ ꠈꠦꠔꠤ ꠇꠞꠔ ꠙꠣꠞꠔ ꠘꠣꠄ।

Injil 3: Luk 15:17

“ꠛꠣꠖꠦ ꠀꠈꠔꠣ ꠄꠇꠖꠤꠘ ꠔꠣꠞ ꠢꠥꠡ ꠅꠁꠟ। ꠢꠦ ꠝꠘꠦ ꠝꠘꠦ ꠇꠁꠟ, ꠀꠝꠣꠞ ꠛꠣꠛꠣꠞ ꠛꠣꠠꠤꠔ ꠔ ꠛꠃꠔ ꠌꠣꠇꠞ-ꠛꠣꠇꠞꠦ ꠙꠦꠐ ꠜꠞꠤ ꠜꠣꠔ ꠈꠣꠁꠞꠣ। ꠔꠦ ꠀꠝꠤ ꠅꠘꠅ ꠃꠙꠣꠡꠦ ꠝꠞꠞꠣꠝ ꠇꠦꠘꠦ?

Injil 3: Luk 24:49

ꠀꠞ ꠢꠥꠘꠅ, ꠀꠝꠣꠞ ꠛꠣꠔꠥꠘꠤ ꠛꠣꠚꠦ ꠎꠦꠔꠣ ꠖꠣꠘ ꠇꠞꠣꠞ ꠅꠀꠖꠣ ꠇꠞꠍꠂꠘ, ꠀꠝꠤ ꠁꠔꠣ ꠔꠥꠝꠞꠣꠞ ꠉꠦꠍꠦ ꠛꠦꠎꠤꠝꠥ। ꠅꠁꠟꠦ ꠛꠦꠢꠦꠡ꠆ꠔ ꠕꠣꠇꠤ ꠛꠟ-ꠔꠣꠇ꠆ꠇꠔ ꠘꠣ ꠙꠣꠅꠀ ꠙꠞ꠆ꠎꠘ꠆ꠔ, ꠔꠥꠝꠞꠣ ꠅꠃ ꠎꠦꠞꠥꠎꠣꠟꠦꠝꠅ ꠞꠁꠅ।”

Injil 3: Luk 8:35

ꠈꠛꠞ ꠙꠣꠁꠀ ꠌꠣꠁꠞꠅꠛꠣꠄ ꠕꠘꠦ ꠝꠣꠘꠥꠡ ꠀꠁꠟꠣ, ꠀꠁꠀ ꠖꠦꠈꠟꠣ, ꠎꠦ ꠛꠦꠐꠣꠞ ꠟꠉ ꠕꠣꠇꠤ ꠚꠃꠎ ꠙꠣꠟ ꠛꠣꠞ ꠅꠁꠀ ꠉꠦꠍꠂꠘ, ꠢꠦ ꠙꠥꠞꠣꠙꠥꠞ ꠜꠣꠟꠣ ꠅꠁꠀ ꠇꠣꠙꠠ-ꠌꠥꠙꠠ ꠚꠤꠘ꠆ꠖꠤꠀ ꠁꠍꠣꠞ ꠙꠣꠅꠞ ꠇꠣꠘ꠆ꠖꠣꠔ ꠛꠁꠞꠁꠍꠦ। ꠖꠦꠈꠤꠀ ꠔꠣꠞꠣ ꠌꠝꠇꠤ ꠉꠦꠟꠣ।

Injil 4: Hannan 14:27

“ꠀꠝꠤ ꠔꠥꠝꠞꠣꠞ ꠟꠣꠉꠤ ꠡꠣꠘ꠆ꠔꠤ ꠞꠣꠈꠤꠀ ꠎꠣꠁꠀꠞ, ꠀꠝꠣꠞ ꠡꠣꠘ꠆ꠔꠤꠃ ꠀꠝꠤ ꠔꠥꠝꠞꠣꠞꠦ ꠖꠤꠀ ꠎꠣꠁꠀꠞꠉꠤ। ꠁ ꠖꠥꠘꠤꠀꠄ ꠎꠦꠝꠘꠦ ꠡꠣꠘ꠆ꠔꠤ ꠖꠦꠄ, ꠀꠝꠤ ꠁꠟꠣ ꠖꠦꠁ ꠘꠣ। ꠔꠥꠝꠞꠣꠞ ꠖꠤꠟꠅ ꠎꠣꠘꠥ ꠇꠥꠘꠥ ꠙꠦꠞꠦꠡꠣꠘꠤ ꠛꠣ ꠒꠞ-ꠈꠚ ꠘꠣ ꠀꠄ।

Injil 5: Sahabi Nama 1:8

ꠅꠁꠟꠦ ꠙꠣꠇ ꠞꠥꠢꠥ ꠔꠥꠝꠞꠣꠞ ꠃꠙꠞꠦ ꠇꠣꠁꠝ ꠅꠁꠀ ꠢꠣꠞꠟꠦ ꠔꠥꠝꠞꠣ ꠉꠣꠁꠛꠤ ꠛꠟ ꠙꠣꠁꠛꠣꠄ, ꠅꠃ ꠛꠟꠦ ꠎꠦꠞꠥꠎꠣꠟꠦꠝ, ꠀꠡ꠆ꠔꠣ ꠄꠢꠥꠖꠤꠀ ꠀꠞ ꠡꠝꠞꠤꠀ ꠄꠟꠣꠇꠣ, ꠀꠞ ꠖꠥꠘꠤꠀꠞ ꠢꠦꠡ ꠡꠤꠝꠣꠘꠣ ꠙꠞ꠆ꠎꠘ꠆ꠔ ꠀꠝꠣꠞ ꠡꠣꠇ꠆ꠇꠤ ꠅꠁꠛꠣꠄ।”

Injil 5: Sahabi Nama 10:38

ꠀꠟ꠆ꠟꠣꠄ ꠘꠣꠍꠣꠞꠔꠞ ꠁꠍꠣꠞꠦ ꠙꠣꠇ ꠞꠥꠢꠥ ꠀꠞ ꠇꠥꠖꠞꠔꠦ ꠇꠤꠟꠣ ꠈꠣꠍ ꠈꠟꠤꠚꠣ ꠛꠣꠘꠣꠁꠍꠟꠣ; ꠔꠣꠁꠘ ꠜꠣꠟꠣ ꠇꠣꠝ ꠇꠞꠤ ꠇꠞꠤ ꠍꠚꠞ ꠇꠞꠔꠣ, ꠀꠞ ꠎꠤꠘꠦ ꠗꠞꠣ ꠛꠦꠝꠣꠞꠤ ꠅꠇꠟꠞꠦ ꠜꠣꠟꠣ ꠇꠞꠔꠣ, ꠀꠟ꠆ꠟꠣ ꠙꠣꠇ ꠔ ꠔꠣꠘ ꠟꠉꠦ ꠀꠍꠟꠣ।

Injil 5: Sahabi Nama 20:24

ꠅꠁꠟꠦꠅ ꠀꠝꠣꠞ ꠘꠤꠎꠞ ꠎꠣꠘꠞ ꠙꠞꠥꠀ ꠇꠞꠤ ꠘꠣ, ꠀꠝꠣꠞ ꠎꠣꠘꠞꠦ ꠅꠔ ꠝꠥꠟ꠆ꠟꠛꠣꠘ ꠝꠘꠅ ꠇꠞꠤ ꠘꠣ। ꠀꠝꠤ ꠁꠞꠣꠖꠣ ꠇꠞꠣ ꠙꠕꠞ ꠢꠦꠡ ꠑꠤꠇꠣꠘꠣ ꠙꠞ꠆ꠎꠘ꠆ꠔ ꠖꠃꠠꠣꠁꠔꠣꠝ ꠌꠣꠁꠞꠣꠝ। ꠀꠟ꠆ꠟꠣꠞ ꠞꠢꠝꠔꠞ ꠈꠥꠡ-ꠈꠛꠞꠤꠞ ꠔꠛꠟꠤꠉ ꠀꠞ ꠈꠦꠎꠝꠔꠞ ꠅꠃ ꠎꠦ ꠜꠣꠞ ꠢꠎꠞꠔ ꠁꠍꠣꠞ ꠉꠦꠍ ꠕꠣꠇꠤ ꠙꠣꠁꠍꠤ, ꠄꠞ ꠁꠘ꠆ꠎꠣꠝ ꠖꠤꠔꠣꠝ ꠌꠣꠁꠞꠣꠝ।

Injil 5: Sahabi Nama 21:13

ꠙꠣꠃꠟꠥꠍꠦ ꠇꠁꠟꠣ, “ꠔꠥꠝꠞꠣ ꠁꠔꠣ ꠇꠤꠔꠣ ꠟꠣꠉꠣꠁꠟꠣꠄ? ꠇꠣꠘ꠆ꠖꠤꠀ ꠀꠝꠣꠞ ꠝꠘ ꠜꠣꠋꠉꠤ ꠖꠤꠞꠣꠄ ꠇꠦꠘꠦ? ꠢꠎꠞꠔ ꠁꠍꠣꠞ ꠟꠣꠉꠤ ꠀꠝꠤ ꠎꠦꠞꠥꠎꠣꠟꠦꠝꠅ ꠈꠣꠟꠤ ꠛꠘ꠆ꠖꠤ ꠅꠀꠃ ꠘꠣꠄ, ꠝꠞꠔꠦꠅ ꠔꠤꠀꠞ ꠀꠍꠤ।”

Injil 5: Sahabi Nama 26:11

ꠀꠝꠤ ꠢꠇꠟ ꠝꠍꠤꠖꠣꠁꠘ꠆ꠔꠅ ꠉꠤꠀ ꠛꠣꠞꠦ ꠛꠣꠞꠦ ꠔꠣꠞꠣꠞꠦ ꠡꠣꠎꠣ ꠖꠤꠔꠣꠝ। ꠁꠍꠣꠞ ꠔꠞꠤꠇꠣ ꠕꠣꠇꠤ ꠔꠣꠞꠣꠞꠦ ꠚꠤꠞꠣꠁꠀ, ꠁꠍꠣꠞ ꠘꠣꠝꠦ ꠟꠣꠘ꠆ꠘꠔ ꠖꠤꠔꠣ ꠇꠞꠤ ꠔꠣꠞꠣꠞ ꠃꠙꠞꠦ ꠎꠥꠞ-ꠎꠥꠟꠥꠝ ꠇꠞꠔꠣꠝ। ꠄꠞꠣꠞ ꠃꠙꠞꠦ ꠀꠝꠣꠞ ꠅꠔ ꠉꠥꠍꠣ ꠀꠍꠤꠟ ꠎꠦꠘ, ꠄꠞꠣꠞꠦ ꠎꠥꠟꠥꠝ ꠇꠞꠣꠞ ꠟꠣꠉꠤ ꠀꠝꠤ ꠛꠣꠞꠣ ꠖꠦꠡꠞ ꠐꠣꠃꠘꠅ-ꠅ ꠎꠣꠁꠔꠣꠝ।

Injil 5: Sahabi Nama 26:25

ꠙꠣꠃꠟꠥꠍꠦ ꠎꠥꠀꠙ ꠖꠤꠟꠣ, “ꠎꠤ ꠘꠣ, ꠢꠣꠇꠤꠝ ꠍꠣꠛ, ꠀꠝꠤ ꠙꠣꠉꠟ ꠘꠣꠄ। ꠀꠝꠤ ꠔ ꠢꠇ ꠀꠞ ꠎꠥꠇ꠆ꠔꠤꠞ ꠝꠣꠔ ꠝꠣꠔꠞꠣꠝ।

Injil 5: Sahabi Nama 6:8

ꠡ꠆ꠔꠤꠚꠣꠘ ꠀꠟ꠆ꠟꠣꠞ ꠞꠢꠝꠔ ꠀꠞ ꠢꠤꠝ꠆ꠝꠔꠦ ꠇꠣꠝꠤꠟ ꠅꠁꠀ, ꠝꠣꠘꠡꠞ ꠝꠣꠎꠦ ꠛꠃꠔ ꠇꠦꠞꠣꠝꠔꠤ ꠀꠞ ꠝꠥꠎꠦꠎꠣ ꠇꠣꠝ ꠇꠞꠔꠣ ꠟꠣꠉꠟꠣ।

Injil 5: Sahabi Nama 9:22

ꠅꠁꠟꠦ ꠡꠃꠟ ꠖꠤꠘ ꠖꠤꠘ ꠀꠞꠅ ꠢꠤꠝ꠆ꠝꠔ ꠀꠟꠣ ꠅꠁꠟꠣ, ꠀꠞ ꠖꠣꠝꠦꠡ꠆ꠇꠞ ꠁꠢꠥꠖꠤ ꠅꠇꠟꠞꠦ ꠟꠣ-ꠎꠥꠀꠙ ꠛꠣꠘꠣꠁꠔꠣ ꠟꠣꠉꠟꠣ, ꠔꠣꠁꠘ ꠙꠞꠝꠣꠘ ꠖꠦꠈꠣꠁꠟꠣ, ꠅꠃ ꠁꠍꠣꠃ ꠢꠤ ꠀꠟ-ꠝꠍꠤ।

Injil 6: Ruman 5:5

ꠀꠞ ꠅꠃ ꠀꠡꠣ-ꠜꠞꠡꠣ ꠛꠦꠇꠣꠝꠣ ꠎꠣꠄ ꠘꠣ। ꠇꠣꠞꠘ ꠀꠟ꠆ꠟꠣꠄ ꠀꠝꠞꠣꠞꠦ ꠎꠦ ꠙꠣꠇ ꠞꠥꠢꠥ ꠖꠤꠍꠂꠘ, ꠁ ꠙꠣꠇ ꠞꠥꠢꠦ ꠀꠝꠞꠣꠞ ꠖꠤꠟꠞ ꠝꠣꠎꠦ ꠀꠟ꠆ꠟꠣꠁ ꠝꠢꠛ꠆ꠛꠔ ꠎꠘꠝꠣꠄ।

Injil 6: Ruman 8:15

ꠔꠥꠝꠞꠣ ꠔ ꠉꠥꠟꠣꠝꠤꠞ ꠞꠥꠢꠥ ꠙꠣꠁꠍ ꠘꠣ, ꠔꠦ ꠀꠞ ꠒꠞꠣꠁꠔꠣꠄ ꠇꠦꠘꠦ? ꠔꠥꠝꠞꠣ ꠈꠣꠟꠤ ꠢꠃ ꠀꠟ꠆ꠟꠣꠞ ꠞꠥꠢꠥ ꠙꠣꠁꠍ, ꠎꠦꠁꠘ ꠔꠥꠝꠞꠣꠞꠦ ꠀꠅꠟꠣꠖ ꠅꠀꠞ ꠄꠈꠔꠤꠀꠞ ꠖꠤꠍꠂꠘ। ꠄꠞꠟꠣꠉꠤꠃ ꠀꠟ꠆ꠟꠣ ꠙꠣꠇꠞꠦ ꠀꠝꠞꠣ ꠞꠥꠢꠣꠘꠤ ꠀꠛ꠆ꠛꠣ, ꠙꠛꠤꠔ꠆ꠞ ꠛꠣꠛꠣ ꠇꠁꠀ ꠒꠣꠇꠤ।

Injil 7: 1-Korintia 2:4

ꠀꠝꠣꠞ ꠔꠛꠟꠤꠉ ꠀꠞ ꠀꠝꠣꠞ ꠛꠄꠀꠘꠞ ꠝꠣꠎꠦ ꠝꠣꠘꠡꠞ ꠝꠘ ꠎꠄ ꠇꠞꠣꠞ ꠝꠔ ꠇꠥꠘꠥ ꠀꠈꠟ-ꠢꠦꠇꠝꠔ ꠀꠞ ꠎꠥꠇ꠆ꠔꠤ ꠀꠍꠤꠟ ꠘꠣ, ꠈꠣꠟꠤ ꠀꠟ꠆ꠟꠣꠁ ꠙꠣꠇ ꠞꠥꠢꠥ ꠀꠞ ꠇꠥꠖꠞꠔꠤ ꠛꠟ ꠖꠦꠈꠣ ꠉꠦꠍꠤꠟ।

Injil 9: Galatia 5:22

ꠅꠁꠟꠦ ꠙꠣꠇ ꠞꠥꠢꠦ ꠌꠟꠣ ꠎꠤꠘ꠆ꠖꠦꠉꠤꠞ ꠚꠟ ꠅꠁꠟ ꠝꠢꠛ꠆ꠛꠔ, ꠈꠥꠡꠤ-ꠛꠣꠡꠤ, ꠡꠣꠘ꠆ꠔꠤ, ꠍꠛꠞ ꠇꠞꠣ, ꠖꠄꠀꠟꠥ ꠜꠣꠛ, ꠜꠣꠟꠣ-ꠝꠣꠘꠡꠤ ꠇꠞꠣ, ꠢꠇ-ꠢꠣꠟꠣꠟꠤ ꠞꠅꠀ,

Injil 12: Kolosia 1:8

ꠙꠣꠇ ꠞꠥꠢꠥꠞ ꠛꠟꠦ ꠔꠥꠝꠞꠣꠞ ꠖꠤꠟꠞ ꠝꠣꠎꠦ ꠎꠦ ꠝꠣꠄꠀ ꠙꠄꠖꠣ ꠅꠁꠍꠦ, ꠅꠃ ꠛꠦꠙꠣꠞꠦ ꠀꠛꠥ-ꠚꠣꠞꠣꠍꠦ ꠀꠝꠞꠣꠞꠦ ꠎꠣꠘꠣꠁꠍꠂꠘ।

Injil 19: Ibrani 2:15

ꠀꠞ ꠝꠞꠘꠞ ꠒꠞꠦ ꠎꠦꠞꠣ ꠢꠣꠞꠣ ꠎꠤꠘ꠆ꠖꠦꠉꠤ ꠝꠃꠔꠞ ꠉꠥꠟꠣꠝꠞ ꠟꠣꠈꠣꠘ ꠇꠣꠐꠣꠁꠞꠣ, ꠔꠣꠞꠣꠞꠦꠅ ꠀꠎꠣꠖ ꠇꠞꠔꠣ ꠙꠣꠞꠂꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 1:22

ꠅꠈꠘ ꠢꠇ-ꠢꠣꠟꠣꠟꠤ ꠝꠣꠘꠤꠀ, ꠔꠥꠝꠞꠣꠞ ꠖꠤꠟꠞꠦ ꠙꠣꠇ-ꠍꠣꠚ ꠇꠞꠍ ꠀꠞ ꠁꠝꠣꠘꠖꠣꠞ ꠜꠣꠁ ꠅꠇꠟ ꠎꠦꠛꠟꠣ ꠔꠥꠝꠞꠣꠞ ꠉꠦꠍꠦ ꠝꠣꠄꠀꠞ ꠝꠣꠘꠥꠡ ꠅꠁꠍꠂꠘ, ꠔꠦ ꠀꠝꠤ ꠇꠁꠞꠣꠝ, ꠔꠥꠝꠞꠣ ꠄꠇꠦ-ꠅꠁꠘ꠆ꠘꠞꠦ ꠖꠤꠟꠦ-ꠎꠣꠘꠦ ꠝꠣꠄꠀ ꠇꠞꠅ।

Injil 23: 1-Hannan 4:18

ꠝꠢꠛ꠆ꠛꠔꠞ ꠝꠣꠎꠦ ꠇꠥꠘꠥ ꠒꠞ-ꠜꠄ ꠘꠣꠁ, ꠡꠥꠟ꠆ꠟꠀꠘꠣ ꠝꠢꠛ꠆ꠛꠔꠦ ꠛꠞꠋ ꠒꠞ-ꠜꠄꠞꠦ ꠈꠦꠖꠣꠁ ꠖꠦꠄ। ꠒꠞ-ꠜꠄꠞ ꠝꠣꠎꠦ ꠔ ꠡꠣꠎꠣ ꠙꠣꠅꠀꠞ ꠜꠣꠛ-ꠡꠣꠛ ꠀꠍꠦ, ꠄꠞꠟꠣꠉꠤ ꠒꠞ-ꠜꠄ ꠎꠣꠞ ꠜꠤꠔꠞꠦ, ꠢꠦ ꠝꠢꠛ꠆ꠛꠔꠞ ꠡꠥꠟ꠆ꠟꠀꠘꠣ ꠚꠟ ꠗꠞꠍꠦ ꠘꠣ।