ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:6 - Siloṭi Asmani Kitab (Nagri lipi)

⁶ ꠄꠞꠟꠣꠉꠤ ꠅꠈꠘ ꠔꠥꠝꠣꠞꠦ ꠝꠘꠅ ꠇꠞꠣꠁ ꠖꠤꠞꠣꠝ, ꠀꠝꠤ ꠔꠥꠝꠣꠞ ꠡꠞꠤꠟꠅ ꠀꠔ ꠞꠣꠈꠤꠀ ꠈꠦꠟꠣꠚꠔꠤ ꠖꠦꠅꠀꠄ, ꠀꠟ꠆ꠟꠣꠄ ꠔꠥꠝꠣꠞꠦ ꠎꠦ ꠈꠣꠍ ꠘꠤꠀꠝꠔ ꠖꠣꠘ ꠇꠞꠍꠂꠘ, ꠁ ꠀꠉꠥꠁꠘ ꠎꠣꠟꠣꠁꠀ ꠔꠥꠟꠅ।

ছিলটি আছমানি কিতাব (বাংলা লিপি)

⁶ এরলাগি অখন তুমারে মনো করাই দিরাম, আমি তুমার শরিলো আত রাখিয়া খেলাফতি দেওয়ায়, আল্লায় তুমারে যে খাছ নিয়ামত দান করছইন, ই আগুইন জালাইয়া তুলো।

Siloṭi Asmani Kitab (Latin lipi)

⁶ Erlagi oḳon tumare mono ḳorai diram, ami tumar shorilo at rakia ḳelafoti deoae, Allae tumare ze ḳas niamot dan ḳorsoin, i aguin zalaia tulo.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:6 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 35:26

ꠀꠞ ꠡꠥꠔꠣ ꠛꠣꠘꠣꠅꠞꠣ ꠎꠦꠔꠣ ꠛꠦꠐꠤꠘ꠆ꠔꠞ ꠖꠤꠟꠞ ꠝꠣꠎꠦ ꠄꠡꠇꠤ ꠙꠄꠖꠣ ꠅꠁꠟ, ꠔꠣꠞꠣ ꠍꠣꠉꠟꠞ ꠞꠥꠝꠣ ꠖꠤꠀ ꠡꠥꠔꠣ ꠛꠣꠘꠣꠁꠟꠣ।

ꠔꠃꠞꠣꠔ ২: ꠢꠤꠎꠞꠔ 36:2

ꠅꠃ ꠇꠣꠝ ꠇꠞꠣꠘꠤꠞ ꠟꠣꠉꠤ ꠝꠥꠍꠣꠄ ꠛꠣꠔꠍꠦꠟꠟ ꠀꠞ ꠀꠢꠟꠤꠀꠛꠞꠦ ꠀꠘꠣꠁꠟꠣ। ꠝꠣꠛꠥꠖꠦ ꠎꠦꠔꠣ ꠃꠡ꠆ꠔꠣꠖ ꠇꠣꠞꠤꠉꠞ ꠅꠇꠟꠞꠦ ꠀꠈꠟ-ꠢꠦꠇꠝꠔ ꠖꠤꠍꠂꠘ, ꠀꠞ ꠁ ꠇꠣꠝ ꠇꠞꠣꠞ ꠟꠣꠉꠤ ꠎꠦꠞꠣꠞ ꠖꠤꠟꠅ ꠈꠣꠁꠡ ꠙꠄꠖꠣ ꠅꠁꠍꠦ, ꠝꠥꠍꠣꠄ ꠔꠣꠞꠣꠞꠦꠅ ꠀꠘꠣꠁꠟꠣ।

Injil 3: Luk 19:13

ꠎꠣꠁꠛꠣꠞ ꠀꠉꠦ ꠔꠣꠘ ꠖꠡꠎꠘ ꠉꠥꠟꠣꠝꠞꠦ ꠀꠘꠤꠀ ꠙꠞꠔꠦꠇ ꠎꠘꠞꠦ ꠄꠇꠐꠣ ꠇꠞꠤ ꠡꠥꠘꠣꠞ ꠝꠢꠞ ꠖꠤꠀ ꠇꠁꠟꠣ, ‘ꠀꠝꠤ ꠀꠁꠛꠣꠞ ꠀꠉ ꠙꠞ꠆ꠎꠘ꠆ꠔ ꠅꠉꠥꠁꠘꠖꠤ ꠔꠥꠝꠞꠣ ꠇꠣꠄ-ꠇꠣꠞꠛꠣꠞ ꠇꠞꠅ।’

Injil 5: Sahabi Nama 19:6

ꠛꠣꠖꠦ ꠙꠣꠃꠟꠥꠍꠦ ꠔꠣꠞꠣꠞ ꠃꠙꠞꠦ ꠀꠔ ꠞꠣꠈꠟꠦ ꠔꠣꠞꠣ ꠙꠣꠇ ꠞꠥꠢꠥ ꠙꠣꠁꠟꠣ, ꠔꠦꠃ ꠄꠞꠣ ꠘꠣꠘꠣꠘ ꠉꠣꠁꠛꠤ ꠜꠣꠡꠣꠄ ꠝꠣꠔꠤꠟꠣ ꠀꠞ ꠙꠤꠞꠣꠇꠤ ꠝꠣꠔ ꠝꠣꠔꠣ ꠗꠞꠟꠣ।

Injil 5: Sahabi Nama 6:6

ꠛꠣꠖꠦ ꠔꠣꠞꠣ ꠅꠃ ꠡꠣꠔ ꠎꠘꠞꠦ ꠍꠣꠢꠣꠛꠤ ꠅꠇꠟꠞ ꠉꠦꠍꠦ ꠟꠁꠀ ꠀꠁꠟꠦ, ꠍꠣꠢꠣꠛꠤ ꠅꠇꠟꠦ ꠖꠥꠀ ꠇꠞꠤꠀ ꠔꠣꠞꠣꠞ ꠃꠙꠞꠦ ꠀꠔ ꠞꠣꠈꠟꠣ।

ইঞ্জিল ১৩: ১-থিষল: 5:19

ꠙꠣꠇ ꠞꠥꠢꠥꠞꠦ ꠖꠤꠟꠞ ꠜꠤꠔꠞ ꠕꠣꠇꠤ ꠘꠤꠜꠣꠁꠅ ꠘꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:14

ꠝꠘꠅ ꠞꠣꠈꠤꠅ, ꠎꠝꠣꠔꠞ ꠝꠥꠞꠛ꠆ꠛꠤ ꠅꠇꠟꠦ ꠔꠥꠝꠣꠞ ꠃꠙꠞꠦ ꠀꠔ ꠞꠣꠈꠤꠀ, ꠘꠛꠤꠞ ꠟꠣꠈꠣꠘ ꠉꠣꠁꠛꠤ ꠛꠥꠟꠤ ꠝꠣꠔꠤꠀ ꠔꠥꠝꠣꠞꠦ ꠈꠦꠟꠣꠚꠔꠤ ꠖꠤꠍꠂꠘ, ꠔꠦ ꠔꠥꠝꠤ ꠁ ꠘꠤꠀꠝꠔꠞꠦ ꠄꠟꠣꠝꠤ ꠇꠞꠤꠅ ꠘꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:6

ꠅ ꠔꠤꠝꠕꠤ, ꠔꠥꠝꠤ ꠎꠥꠖꠤ ꠅꠃ ꠔꠣꠟꠤꠝ ꠅꠇꠟ ꠝꠥꠝꠤꠘ ꠜꠣꠁꠀꠁꠘꠞꠦ ꠛꠥꠎꠣꠁꠀ ꠖꠦꠅ, ꠔꠦ ꠁꠍꠣꠄꠁ ꠁꠝꠣꠘꠞ ꠎꠦ ꠢꠇ ꠀꠞ ꠘꠤꠞꠜꠥꠟ ꠔꠣꠟꠤꠝ ꠝꠣꠘꠤꠀ ꠌꠟꠞꠣꠄ, ꠁ ꠛꠦꠙꠣꠞꠦ ꠔꠥꠝꠤ ꠙꠣꠇꠣ-ꠙꠥꠇ꠆ꠔ ꠅꠁꠀ ꠀꠟ-ꠝꠍꠤꠞ ꠄꠇꠎꠘ ꠃꠙꠎꠥꠇ꠆ꠔ ꠈꠣꠖꠤꠝ ꠅꠁꠛꠣꠄ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:14

ꠅ ꠔꠤꠝꠕꠤ, ꠔꠥꠝꠤ ꠝꠥꠝꠤꠘ ꠅꠇꠟꠞꠦ ꠀꠝꠣꠞ ꠅꠃ ꠔꠣꠟꠤꠝꠈꠣꠘ ꠝꠘꠅ ꠇꠞꠣꠁ ꠖꠦꠅ। ꠀꠟ꠆ꠟꠣꠞ ꠍꠣꠝꠘꠦ ꠔꠣꠞꠣꠞꠦ ꠢꠥꠡꠤꠀꠞ ꠇꠞꠅ, ꠎꠣꠔꠦ ꠀꠎꠦ-ꠛꠣꠎꠦ ꠝꠣꠔ ꠟꠁꠀ ꠔꠞ꠆ꠇꠣ-ꠔꠞ꠆ꠇꠤ ꠘꠣ ꠇꠞꠂꠘ, ꠁꠔꠣ ꠝꠣꠔꠞ ꠔ ꠇꠥꠘꠥ ꠖꠣꠝ ꠘꠣꠁ, ꠁꠔꠣ ꠎꠦꠞꠣ ꠢꠥꠘꠦ, ꠔꠣꠞꠣꠞ ꠡꠞ꠆ꠛꠘꠣꠡ ꠅꠄ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:2

ꠔꠥꠝꠤ ꠀꠟ꠆ꠟꠣꠞ ꠇꠣꠟꠣꠝ ꠔꠛꠟꠤꠉ ꠇꠞꠅ, ꠡꠝꠄ-ꠅꠡꠝꠄ ꠇꠥꠘ꠆ꠔꠣ ꠘꠣꠁ, ꠢꠣꠝꠦꠡꠣ ꠔꠛꠟꠤꠉ ꠇꠞꠅ, ꠈꠥꠛ ꠛꠦꠡꠤ ꠗꠂꠎ꠆ꠎ ꠗꠞꠤꠀ ꠔꠣꠟꠤꠝ ꠖꠦꠅ ꠀꠞ ꠝꠣꠘꠡꠞ ꠅꠙꠞꠣꠗ ꠖꠦꠈꠣꠁ ꠖꠦꠅ, ꠔꠣꠞꠣꠞꠦ ꠢꠥꠡꠤꠀꠞ ꠇꠞꠅ ꠀꠞ ꠛꠥꠎꠣꠅ।

Injil 19: Ibrani 6:2

ꠘꠣꠘꠣꠘ ꠘꠝꠥꠘꠣꠞ ꠉꠥꠍꠟ, ꠖꠥꠀ ꠘꠤꠛꠣꠞ ꠡꠝꠄ ꠀꠔꠣꠁ ꠖꠦꠅꠀ, ꠝꠃꠔꠞ ꠛꠣꠖꠦ ꠎꠤꠘ꠆ꠖꠣ ꠅꠁꠀ ꠃꠑꠣ, ꠀꠞ ꠀꠈꠦꠞꠣꠔꠞ ꠛꠤꠌꠣꠞ।

ꠁꠘ꠆ꠎꠤꠟ ২২: ২-ꠙꠤꠔꠞ 1:12

ꠄꠞꠟꠣꠉꠤ, ꠀꠝꠤ ꠢꠣꠝꠦꠡꠣ ꠔꠥꠝꠞꠣꠞꠦ ꠅꠔꠣ ꠛꠦꠙꠣꠞꠦ ꠝꠘꠅ ꠇꠞꠣꠁ ꠖꠤꠞꠣꠝ, ꠎꠥꠖꠤꠅ ꠁꠔꠣ ꠔꠥꠝꠞꠣꠞ ꠎꠣꠘꠣ ꠀꠍꠦ ꠀꠞ ꠔꠥꠝꠞꠣꠞ ꠉꠦꠍꠦ ꠎꠦ ꠢꠇꠤꠇꠔ ꠀꠁꠍꠦ, ꠁꠔꠣꠔ ꠕꠤꠞꠅ ꠀꠍ।

ꠁꠘ꠆ꠎꠤꠟ ২২: ২-ꠙꠤꠔꠞ 3:1

ꠝꠣꠄꠀꠞ ꠜꠣꠁ ꠅꠇꠟ, ꠁꠈꠣꠘ ꠅꠁꠟ ꠔꠥꠝꠞꠣꠞ ꠉꠦꠍꠦ ꠟꠦꠈꠣ ꠀꠝꠣꠞ ꠖꠥꠁ ꠘꠝ꠆ꠛꠞ ꠌꠤꠑꠤ, ꠁ ꠖꠥꠁꠅ ꠌꠤꠑꠤꠔꠃ ꠀꠝꠤ ꠔꠥꠝꠞꠣꠞꠦ ꠈꠤꠀꠟ ꠇꠞꠣꠁ ꠖꠤꠞꠣꠝ ꠀꠞ ꠔꠥꠝꠞꠣꠞ ꠖꠤꠟꠞꠦ ꠢꠎꠣꠉ ꠇꠞꠞꠣꠝ।

Injil 26: Ehuda 1:5

ꠔꠦ ꠅꠃ ꠛꠦꠙꠣꠞ ꠔ ꠔꠥꠝꠞꠣ ꠈꠥꠛ ꠜꠣꠟꠣ ꠇꠞꠤꠃ ꠎꠣꠘ, ꠔꠣ-ꠅ ꠀꠝꠤ ꠈꠣꠟꠤ ꠅꠈꠣꠘ ꠝꠘꠅ ꠇꠞꠣꠁ ꠖꠤꠞꠣꠝ, ꠝꠤꠡꠞ ꠖꠦꠡ ꠕꠣꠇꠤ ꠛꠘꠤ ꠁꠍꠞꠣꠁꠟꠞꠦ ꠀꠎꠣꠖ ꠇꠞꠤꠀ ꠀꠘꠣꠞ ꠛꠣꠖꠦ, ꠔꠣꠞꠣꠞ ꠝꠣꠎꠞ ꠎꠦꠔꠣꠄ ꠁꠝꠣꠘ ꠀꠘꠍꠤꠟ ꠘꠣ, ꠝꠣꠟꠤꠇꠦ ꠔꠣꠞꠣꠞꠦ ꠛꠤꠘꠣꠡ ꠇꠞꠍꠟꠣ।