ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:14 - Siloṭi Asmani Kitab (Nagri lipi)

¹⁴ ꠀꠟ꠆ꠟꠣꠄ ꠎꠦ ꠍꠣꠝꠣꠘꠣ ꠢꠦꠚꠣꠎꠔꠦ ꠞꠣꠈꠣꠞ ꠟꠣꠉꠤ ꠔꠥꠝꠣꠞ ꠎꠤꠝ꠆ꠝꠣꠄ ꠖꠤꠍꠂꠘ, ꠀꠝꠞꠣꠞ ꠖꠤꠟꠞ ꠝꠣꠎꠞ ꠀꠟ꠆ꠟꠣꠁ ꠙꠣꠇ ꠞꠥꠢꠥꠞ ꠛꠟꠦ ꠔꠥꠝꠤ ꠁꠔꠣꠞ ꠢꠦꠚꠣꠎꠔ ꠇꠞꠅ।

ছিলটি আছমানি কিতাব (বাংলা লিপি)

¹⁴ আল্লায় যে ছামানা হেফাজতে রাখার লাগি তুমার জিম্মায় দিছইন, আমরার দিলর মাজর আল্লাই পাক রুহর বলে তুমি ইতার হেফাজত করো।

Siloṭi Asmani Kitab (Latin lipi)

¹⁴ Allae ze samana hefazote raḳar lagi tumar zimmae disoin, amrar dilor mazor Allai Pak Ruhur bole tumi itar hefazot ḳoro.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:14 Iomraidhean Croise

Injil 3: Luk 16:11

ꠔꠦ ꠔꠥꠝꠞꠣ ꠎꠥꠖꠤ ꠖꠥꠘꠤꠀꠛꠤ ꠗꠘ-ꠍꠣꠝꠣꠘꠣꠞ ꠛꠦꠙꠣꠞꠦ ꠢꠇ ꠘꠣ ꠞꠅ, ꠔꠣꠁꠟꠦ ꠇꠦ ꠔꠥꠝꠞꠣꠞꠦ ꠛꠤꠡ꠆ꠛꠣꠡ ꠇꠞꠤꠀ ꠀꠍꠟ ꠗꠘ ꠖꠤꠛ?

Injil 4: Hannan 14:17

ꠅꠃ ꠡꠣꠁꠎ꠆ꠎꠉꠤꠞ ꠅꠁꠟꠣ ꠢꠇ ꠞꠥꠢꠥ। ꠁ ꠖꠥꠘꠤꠀꠞ ꠝꠣꠘꠡꠦ ꠅꠃ ꠢꠇ ꠞꠥꠢꠥꠞꠦ ꠇꠛꠥꠟ ꠇꠞꠦ ꠘꠣ, ꠇꠣꠞꠘ ꠔꠣꠞꠣ ꠄꠞꠦ ꠖꠦꠈꠦꠅ ꠘꠣ, ꠌꠤꠘꠦꠅ ꠘꠣ। ꠅꠁꠟꠦ ꠔꠥꠝꠞꠣ ꠄꠘꠦ ꠌꠤꠘ, ꠄꠁꠘ ꠔ ꠔꠥꠝꠞꠣꠞ ꠟꠉꠦ ꠟꠉꠦ ꠞꠂꠘ ꠀꠞ ꠍꠣꠝꠘꠦꠖꠤ ꠔꠥꠝꠞꠣꠞ ꠖꠤꠟꠞ ꠝꠣꠎꠦ ꠛꠡꠔ ꠇꠞꠛꠣ।

Injil 6: Ruman 3:2

ꠘꠤꠌ꠆ꠌꠄ ꠀꠍꠦ। ꠛꠃꠔ ꠘꠝꠥꠘꠣꠞ ꠚꠣꠄꠖꠣ ꠀꠍꠦ। ꠙꠄꠟꠣ ꠚꠣꠄꠖꠣ: ꠀꠟ꠆ꠟꠣ ꠙꠣꠇꠦ ꠔꠣꠘ ꠢꠇ꠆ꠇꠟ ꠇꠣꠟꠣꠝ ꠘꠣꠎꠤꠟ ꠇꠞꠍꠂꠘ ꠛꠘꠤ ꠁꠍꠞꠣꠁꠟꠞ ꠉꠦꠍꠦ।

Injil 6: Ruman 8:11

ꠀꠞ ꠢꠃ ꠁꠍꠣꠞꠦ ꠎꠦꠁꠘ ꠝꠥꠞ꠆ꠖꠣ ꠕꠣꠇꠤ ꠎꠤꠘ꠆ꠖꠣ ꠇꠞꠍꠂꠘ, ꠅꠃ ꠀꠟ꠆ꠟꠣꠞ ꠞꠥꠢꠥ ꠎꠦꠛꠟꠣ ꠔꠥꠝꠞꠣꠞ ꠖꠤꠟꠅ ꠛꠡꠔ ꠇꠞꠂꠘ, ꠔꠦ ꠔꠣꠘ ꠅꠃ ꠞꠥꠢꠥꠞ ꠛꠟꠦ ꠝꠃꠔꠞ ꠀꠅꠔꠣꠄ ꠕꠣꠇꠣ ꠔꠥꠝꠞꠣꠞ ꠡꠞꠤꠟꠞꠦꠅ ꠎꠤꠘ꠆ꠖꠦꠉꠤ ꠖꠣꠘ ꠇꠞꠛꠣ।

Injil 6: Ruman 8:13

ꠅꠈꠘ ꠡꠞꠤꠟꠞ ꠛꠖ ꠈꠣꠁꠡꠞ ꠀꠅꠔꠣꠄ ꠌꠟꠟꠦ ꠔ ꠔꠥꠝꠞꠣ ꠌꠤꠞꠇꠣꠟꠞ ꠟꠣꠉꠤ ꠝꠞꠛꠣꠄ, ꠅꠁꠟꠦ ꠙꠣꠇ ꠞꠥꠢꠥꠞ ꠛꠟꠦ ꠡꠞꠤꠟꠞ ꠢꠇꠟ ꠘꠣꠚꠞꠝꠣꠘꠤꠞꠦ ꠛꠤꠘꠣꠡ ꠇꠞꠤꠟ꠆ꠟꠦ ꠌꠤꠞꠇꠣꠟ ꠎꠤꠘ꠆ꠖꠣ ꠞꠁꠛꠣꠄ।

Injil 6: Ruman 8:9

ꠅꠁꠟꠦ ꠔꠥꠝꠞꠣꠞ ꠖꠤꠟꠅ ꠎꠦꠛꠟꠣ ꠀꠟ꠆ꠟꠣꠞ ꠞꠥꠢꠥ ꠛꠡꠔ ꠇꠞꠂꠘ, ꠔꠦ ꠔꠥꠝꠞꠣ ꠔ ꠡꠞꠤꠟꠞ ꠛꠖ ꠈꠣꠁꠡꠞ ꠀꠅꠔꠣꠄ ꠘꠣꠄ, ꠛꠞꠋ ꠙꠣꠇ ꠞꠥꠢꠥꠞ ꠀꠅꠔꠣꠄ। ꠀꠍꠟ ꠇꠕꠣ ꠅꠁꠟ, ꠀꠟ-ꠝꠍꠤꠞ ꠞꠥꠢꠥ ꠎꠣꠞ ꠝꠣꠎꠦ ꠘꠣꠁ, ꠢꠦ ꠀꠟ-ꠝꠍꠤꠞ ꠘꠣꠄ।

Injil 7: 1-Korintia 3:16

ꠔꠥꠝꠞꠣ ꠎꠣꠘ ꠘꠣ ꠘꠤ, ꠔꠥꠝꠞꠣ ꠅꠁꠟꠣꠄ ꠀꠟ꠆ꠟꠣꠞ ꠇꠣꠛꠣ ꠊꠞ, ꠔꠥꠝꠞꠣꠞ ꠝꠣꠎꠦ ꠔꠣꠘ ꠙꠣꠇ ꠞꠥꠢꠥ ꠛꠡꠔ ꠇꠞꠂꠘ?

Injil 7: 1-Korintia 6:19

ꠔꠥꠝꠞꠣ ꠛꠥꠎ ꠘꠣ ꠘꠤ, ꠔꠥꠝꠞꠣꠞ ꠡꠞꠤꠟ ꠅꠁꠟ ꠀꠟ꠆ꠟꠣꠁ ꠙꠣꠇ ꠞꠥꠢꠥꠞ ꠇꠣꠛꠣ ꠊꠞ, ꠅꠃ ꠞꠥꠢꠥꠞꠦ ꠔꠥꠝꠞꠣ ꠀꠟ꠆ꠟꠣꠞ ꠉꠦꠍ ꠕꠣꠇꠤ ꠙꠣꠁꠍ, ꠄꠁꠘ ꠔꠥꠝꠞꠣꠞ ꠖꠤꠟꠅ ꠛꠡꠔ ꠇꠞꠂꠘ। ꠔꠥꠝꠣꠞ ꠡꠞꠤꠟ ꠔ ꠔꠥꠝꠣꠞ ꠘꠤꠎꠞ ꠡꠝ꠆ꠙꠖ ꠘꠣꠄ।

Injil 7: 1-Korintia 9:17

ꠅꠁꠟꠦ ꠀꠝꠤ ꠎꠥꠖꠤ ꠈꠥꠡꠤ ꠝꠘꠦ ꠔꠛꠟꠤꠉ ꠇꠞꠤ, ꠔꠦ ꠔ ꠀꠝꠣꠞ ꠙꠥꠞꠥꠡ꠆ꠇꠣꠞ ꠀꠍꠦ, ꠀꠞ ꠎꠥꠖꠤ ꠘꠤꠎꠞ ꠈꠥꠡꠤꠄ ꠘꠣ-ꠅ ꠇꠞꠤ, ꠔꠦ ꠝꠣꠟꠤꠇꠞ ꠖꠦꠅꠀ ꠎꠤꠝ꠆ꠝꠣꠖꠣꠞ ꠢꠤꠡꠣꠛꠦ ꠔ ꠇꠞꠤꠀꠞ।

Injil 8: 2-Korintia 5:16

ꠄꠞꠟꠣꠉꠤ ꠅꠈꠘ ꠕꠣꠇꠤ ꠀꠝꠞꠣ ꠀꠞ ꠝꠣꠘꠡꠞ ꠛꠣꠁꠞꠞ ꠍꠥꠞꠔ ꠖꠦꠈꠤꠀ ꠛꠤꠌꠣꠞ ꠇꠞꠤ ꠘꠣ। ꠀꠝꠞꠣ ꠔ ꠀꠉꠦ ꠀꠟ-ꠝꠍꠤꠞꠦ ꠅꠟꠣꠈꠣꠘ ꠝꠘꠅ ꠇꠞꠍꠟꠣꠝ, ꠅꠁꠟꠦ ꠅꠈꠘ ꠀꠞ ꠁꠟꠣ ꠇꠞꠤ ꠘꠣ।

Injil 9: Galatia 2:7

ꠛꠞꠋ ꠔꠣꠞꠣ ꠛꠥꠎꠤꠟꠤꠟꠣ, ꠁꠢꠥꠖꠤ ꠡꠝꠣꠎꠞ ꠉꠦꠍꠦ ꠈꠥꠡ-ꠈꠛꠞꠤ ꠔꠛꠟꠤꠉꠅ ꠙꠤꠔꠞꠞꠦ ꠎꠦꠟꠣ ꠖꠣꠄꠁꠔ꠆ꠔ ꠖꠦꠅꠀ ꠅꠁꠍꠤꠟ, ꠅꠃ ꠟꠣꠈꠣꠘ ꠅꠁꠘ꠆ꠘꠣꠁꠘ꠆ꠘ ꠎꠣꠔꠤꠞ ꠉꠦꠍꠦ ꠔꠛꠟꠤꠉꠞ ꠖꠣꠄꠁꠔ꠆ꠔ ꠀꠝꠣꠞꠦ ꠖꠦꠅꠀ ꠅꠁꠍꠦ।

Injil 10: Ifisia 2:22

ꠔꠥꠝꠞꠣꠅ ꠀꠁꠀ ꠔꠣꠘ ꠟꠉꠦ ꠎꠥꠠꠣ ꠟꠣꠉꠍ, ꠝꠣꠘꠤ ꠔꠣꠘ ꠃꠝ꠆ꠝꠔ ꠅꠁꠍ, ꠄꠞꠟꠣꠉꠤ ꠔꠥꠝꠞꠣꠞꠦꠅ ꠄꠇꠟꠉꠦ ꠉꠠꠤꠀ ꠔꠥꠟꠣ ꠅꠞ, ꠎꠣꠔꠦ ꠙꠣꠇ ꠞꠥꠢꠥꠞ ꠝꠣꠎꠖꠤ ꠁ ꠊꠞꠞ ꠝꠣꠎꠦ ꠀꠟ꠆ꠟꠣꠞ ꠛꠡꠔ ꠈꠣꠘꠣ ꠅꠄ।

Injil 10: Ifisia 5:18

ꠝꠖꠞ ꠘꠤꠡꠣꠄ ꠐꠣꠟ ꠅꠁꠅ ꠘꠣ, ꠁꠔꠣꠄ ꠎꠤꠘ꠆ꠖꠦꠉꠤ ꠘꠡ꠆ꠐ ꠇꠞꠤꠟꠣꠄ। ꠛꠞꠋ ꠙꠥꠞꠣꠙꠥꠞ ꠙꠣꠇ ꠞꠥꠢꠥꠞ ꠛꠡꠦ ꠞꠅ,

Injil 12: Kolosia 4:11

ꠀꠞ ꠁꠍꠣ ꠃꠞꠚꠦ ꠁꠃꠍꠔꠥꠍꠦꠅ ꠔꠥꠝꠞꠣꠞꠦ ꠍꠣꠟꠣꠝ ꠖꠤꠍꠂꠘ। ꠀꠟ꠆ꠟꠣꠞ ꠛꠣꠖꠡꠣꠁꠞ ꠟꠣꠉꠤ ꠁꠢꠥꠖꠤ ꠅꠇꠟꠞ ꠝꠣꠎꠦ ꠈꠣꠟꠤ ꠅꠃ ꠔꠤꠘ ꠎꠘꠦꠃ ꠀꠝꠣꠞ ꠟꠉꠦ ꠇꠣꠝ ꠇꠞꠂꠘ, ꠔꠣꠞꠣ ꠀꠝꠣꠞꠦ ꠛꠃꠔ ꠡꠣꠅꠡ ꠖꠤꠍꠂꠘ।

ইঞ্জিল ১৩: ১-থিষল: 5:19

ꠙꠣꠇ ꠞꠥꠢꠥꠞꠦ ꠖꠤꠟꠞ ꠜꠤꠔꠞ ꠕꠣꠇꠤ ꠘꠤꠜꠣꠁꠅ ꠘꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:20

ꠅ ꠔꠤꠝꠕꠤ, ꠔꠥꠝꠣꠞ ꠎꠤꠝ꠆ꠝꠣꠄ ꠎꠦ ꠡꠝ꠆ꠙꠖ ꠖꠦꠅꠀ ꠅꠁꠍꠦ, ꠁ ꠡꠝ꠆ꠙꠖ ꠔꠥꠝꠤ ꠜꠣꠟꠣꠝꠘ꠆ꠔꠦ ꠢꠦꠚꠣꠎꠔ ꠇꠞꠅ। ꠀꠎꠦ-ꠛꠣꠎꠦ ꠀꠈꠟꠞ ꠛꠦꠇꠣꠝꠣ ꠛꠤꠖ꠆ꠖꠣꠞ ꠛꠥꠟꠤꠞ ꠖꠥ-ꠘꠍꠟꠣ ꠔꠣꠟꠤꠝ ꠕꠣꠇꠤ ꠢꠞꠤꠀ ꠞꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:12

ꠄꠞꠟꠣꠉꠤꠃ ꠀꠝꠤ ꠅꠟꠣ ꠖꠥꠈ-ꠇꠡ꠆ꠐ ꠙꠣꠁꠀꠞ, ꠔꠣ-ꠅ ꠀꠝꠤ ꠡꠞꠝꠤꠘ꠆ꠖꠣ ꠘꠣꠄ। ꠇꠣꠞꠘ ꠀꠝꠤ ꠎꠣꠘꠤ, ꠀꠝꠤ ꠇꠣꠞ ꠃꠙꠞꠦ ꠜꠞꠡꠣ ꠇꠞꠍꠤ। ꠀꠝꠣꠞ ꠙꠥꠞꠣꠙꠥꠞ ꠄꠇꠤꠘ ꠀꠍꠦ, ꠀꠝꠤ ꠔꠣꠘ ꠖꠞꠛꠣꠞꠅ ꠎꠦꠔꠣ ꠎꠝꠣ ꠇꠞꠍꠤ, ꠁꠔꠣꠞꠦ ꠢꠦꠚꠣꠎꠔꠦ ꠞꠣꠈꠣꠞ ꠈꠦꠝꠔꠣ ꠔꠣꠘ ꠀꠍꠦ, ꠀꠟ-ꠝꠍꠤꠄ ꠖꠥꠍꠞꠣꠛꠣꠞ ꠔꠡꠞꠤꠚ ꠀꠘꠣꠞ ꠖꠤꠘ ꠙꠞ꠆ꠎꠘ꠆ꠔ ꠁꠔꠣ ꠞꠁꠛ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:2

ꠀꠞ ꠛꠃꠔ ꠡꠣꠇ꠆ꠇꠤꠞ ꠍꠣꠝꠘꠦ ꠀꠝꠣꠞ ꠝꠥꠈꠞ ꠎꠦꠔꠣ ꠔꠣꠟꠤꠝ ꠢꠥꠘꠍ, ꠅꠃ ꠔꠣꠟꠤꠝꠞꠦ ꠅꠟꠣꠈꠣꠘ ꠢꠇ-ꠢꠣꠟꠣꠟ ꠝꠣꠘꠡꠞ ꠀꠔꠅ ꠖꠦꠅ, ꠎꠦꠞꠣ ꠅꠁꠘ꠆ꠘ ꠝꠣꠘꠡꠞꠦꠅ ꠔꠣꠟꠤꠝ ꠖꠦꠅꠀꠞ ꠃꠙꠎꠥꠇ꠆ꠔ।

ꠁꠘ꠆ꠎꠤꠟ ২১: ১-ꠙꠤꠔꠞ 1:22

ꠅꠈꠘ ꠢꠇ-ꠢꠣꠟꠣꠟꠤ ꠝꠣꠘꠤꠀ, ꠔꠥꠝꠞꠣꠞ ꠖꠤꠟꠞꠦ ꠙꠣꠇ-ꠍꠣꠚ ꠇꠞꠍ ꠀꠞ ꠁꠝꠣꠘꠖꠣꠞ ꠜꠣꠁ ꠅꠇꠟ ꠎꠦꠛꠟꠣ ꠔꠥꠝꠞꠣꠞ ꠉꠦꠍꠦ ꠝꠣꠄꠀꠞ ꠝꠣꠘꠥꠡ ꠅꠁꠍꠂꠘ, ꠔꠦ ꠀꠝꠤ ꠇꠁꠞꠣꠝ, ꠔꠥꠝꠞꠣ ꠄꠇꠦ-ꠅꠁꠘ꠆ꠘꠞꠦ ꠖꠤꠟꠦ-ꠎꠣꠘꠦ ꠝꠣꠄꠀ ꠇꠞꠅ।