ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:12 - Siloṭi Asmani Kitab (Nagri lipi)

¹² ꠄꠞꠟꠣꠉꠤꠃ ꠀꠝꠤ ꠅꠟꠣ ꠖꠥꠈ-ꠇꠡ꠆ꠐ ꠙꠣꠁꠀꠞ, ꠔꠣ-ꠅ ꠀꠝꠤ ꠡꠞꠝꠤꠘ꠆ꠖꠣ ꠘꠣꠄ। ꠇꠣꠞꠘ ꠀꠝꠤ ꠎꠣꠘꠤ, ꠀꠝꠤ ꠇꠣꠞ ꠃꠙꠞꠦ ꠜꠞꠡꠣ ꠇꠞꠍꠤ। ꠀꠝꠣꠞ ꠙꠥꠞꠣꠙꠥꠞ ꠄꠇꠤꠘ ꠀꠍꠦ, ꠀꠝꠤ ꠔꠣꠘ ꠖꠞꠛꠣꠞꠅ ꠎꠦꠔꠣ ꠎꠝꠣ ꠇꠞꠍꠤ, ꠁꠔꠣꠞꠦ ꠢꠦꠚꠣꠎꠔꠦ ꠞꠣꠈꠣꠞ ꠈꠦꠝꠔꠣ ꠔꠣꠘ ꠀꠍꠦ, ꠀꠟ-ꠝꠍꠤꠄ ꠖꠥꠍꠞꠣꠛꠣꠞ ꠔꠡꠞꠤꠚ ꠀꠘꠣꠞ ꠖꠤꠘ ꠙꠞ꠆ꠎꠘ꠆ꠔ ꠁꠔꠣ ꠞꠁꠛ।

ছিলটি আছমানি কিতাব (বাংলা লিপি)

¹² এরলাগিউ আমি অলা দুখ-কষ্ট পাইয়ার, তা-ও আমি শরমিন্দা নায়। কারন আমি জানি, আমি কার উপরে ভরসা করছি। আমার পুরাপুর একিন আছে, আমি তান দরবারো যেতা জমা করছি, ইতারে হেফাজতে রাখার খেমতা তান আছে, আল-মসীয়ে দুছরা বার তশরিফ আনার দিন পর্যন্ত ইতা রইবো।

Siloṭi Asmani Kitab (Latin lipi)

¹² Erlagi-u ami ola duk-koshṭo faiar, ta-o ami shorminda nae. Ḳaron ami zani, ami kar ufre borosha ḳorsi. Amar furafur ekin ase, ami tan dorbaro zeta zoma ḳorsi, itare hefazote raḳar ḳemota tan ase, al-Mosie dusrabar toshrif anar din forzonto ita roibo.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:12 Iomraidhean Croise

ꠎꠛꠥꠞ ꠡꠞꠤꠚ 25:2

ꠈꠣꠟꠤ ꠔꠥꠝꠣꠞ ꠃꠙꠞꠦꠃ ꠜꠞꠡꠣ ꠇꠞꠤ, ꠅꠉ ꠀꠝꠣꠞ ꠀꠟ꠆ꠟꠣ। ꠡꠞꠝꠤꠘ꠆ꠖꠣ ꠇꠞꠤꠅ ꠘꠣ ꠝꠞꠦ ꠖꠥꠡꠝꠘꠞ ꠍꠣꠝꠘꠦ, ꠛꠣꠢꠣꠖꠥꠞꠤ ꠘꠣ ꠇꠞꠃꠇ ꠔꠣꠞꠣ ꠀꠝꠣꠞ ꠃꠙꠞꠦ।

ꠎꠛꠥꠞ ꠡꠞꠤꠚ 31:5

ꠀꠝꠣꠞ ꠞꠥꠢꠥ ꠔꠥꠝꠣꠞ ꠀꠔꠅ ꠡꠙꠤꠀ ꠖꠤꠟꠣꠁꠟꠣꠝ, ꠅ ꠝꠣꠛꠥꠖ, ꠢꠇ ꠀꠟ꠆ꠟꠣ, ꠛꠣꠌꠣꠁꠍ ꠔ ꠀꠝꠣꠞ ꠎꠣꠘ।

ꠎꠛꠥꠞ ꠡꠞꠤꠚ 9:10

ꠔꠥꠝꠣꠞꠦ ꠌꠤꠘꠦ ꠎꠣꠞꠣ, ꠔꠥꠝꠣꠞ ꠃꠙꠞꠦ ꠜꠞꠡꠣ ꠇꠞꠦ ꠔꠣꠞꠣ, ꠝꠣꠛꠥꠖ ꠉ, ꠔꠥꠝꠣꠞ ꠔꠣꠟ꠆ꠟꠣꠡ ꠇꠞꠞꠣ ꠀꠡꠤꠇꠞ ꠟꠉ ꠔꠥꠝꠤ ꠍꠣꠠꠍ ꠘꠣ।

ꠁꠘ꠆ꠎꠤꠟ ১: ꠝꠕꠤ 12:21

ꠖꠥꠘꠤꠀꠞ ꠢꠇꠟ ꠎꠣꠔꠤꠄ ꠔꠣꠘ ꠃꠙꠞꠦꠃ ꠜꠞꠡꠣ ꠇꠞꠛꠣ।

ꠁꠘ꠆ꠎꠤꠟ ১: ꠝꠕꠤ 24:36

“ꠢꠃ ꠖꠤꠘ ꠀꠞ ꠢꠤ ꠡꠝꠄꠅꠞ ꠛꠦꠙꠣꠞꠦ ꠈꠣꠟꠤ ꠀꠝꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠍꠣꠠꠣ ꠀꠞ ꠇꠦꠃ ꠎꠣꠘꠂꠘ ꠘꠣ। ꠀꠍꠝꠣꠘꠤ ꠚꠤꠞꠤꠡ꠆ꠔꠣ ꠛꠣ ꠁꠛꠘꠥꠟ꠆ꠟꠣꠄꠅ ꠎꠣꠘꠂꠘ ꠘꠣ।

ꠁꠘ꠆ꠎꠤꠟ ১: ꠝꠕꠤ 7:22

ꠢꠃ ꠖꠤꠘ ꠀꠁꠟꠦ ꠛꠃꠔꠦ ꠇꠁꠛꠣ, ‘ꠝꠥꠘꠤꠛ, ꠝꠥꠘꠤꠛ, ꠀꠝꠞꠣ ꠔꠥꠝꠣꠞ ꠘꠣꠝꠦ ꠉꠣꠁꠛꠤ ꠈꠛꠞ ꠇꠁꠍꠤ ꠘꠣ ꠘꠤ? ꠔꠥꠝꠣꠞ ꠘꠣꠝꠦ ꠎꠤꠘ-ꠜꠥꠔ ꠍꠣꠠꠣꠁꠍꠤ ꠘꠣ ꠘꠤ? ꠔꠥꠝꠣꠞ ꠘꠣꠝꠦ ꠛꠃꠔ ꠇꠦꠞꠣꠝꠔꠤ ꠖꠦꠈꠣꠁꠍꠤ ꠘꠣ ꠘꠤ?’

Injil 3: Luk 10:12

ꠀꠝꠤ ꠔꠥꠝꠞꠣꠞꠦ ꠇꠁꠞꠣꠝ, ꠇꠤꠀꠝꠔꠞ ꠖꠤꠘ ꠟꠣꠘ꠆ꠘꠔꠤ ꠍꠣꠖꠥꠝ ꠐꠣꠃꠘꠞ ꠖꠡꠣ ꠕꠣꠇꠤ, ꠢꠤ ꠉꠣꠃꠞ ꠖꠡꠣ ꠀꠞꠅ ꠇꠑꠤꠘ ꠅꠁꠛ।

Injil 3: Luk 23:46

ꠢꠦꠡꠦ ꠁꠍꠣꠄ ꠎꠥꠞꠦ ꠀꠅꠀꠎ ꠇꠞꠤꠀ ꠇꠁꠟꠣ, “ꠛꠣꠛꠣ, ꠀꠝꠣꠞ ꠞꠥꠢꠥ ꠔꠥꠝꠣꠞ ꠀꠔꠅ ꠡꠙꠤꠀ ꠖꠤꠟꠣꠁꠟꠣꠝ।” ꠅꠈꠣꠘ ꠇꠁꠀꠃ ꠀꠈꠦꠞꠤ ꠖꠝ ꠚꠣꠟꠣꠁꠀ ꠁꠘ꠆ꠔꠦꠇꠣꠟ ꠇꠞꠟꠣ।

Injil 4: Hannan 17:15

ꠀꠝꠤ ꠔꠥꠝꠣꠞ ꠉꠦꠍꠦ ꠀꠛꠖꠣꠞ ꠇꠞꠞꠣꠝ ꠘꠣ, ꠔꠥꠝꠤ ꠔꠣꠞꠣꠞꠦ ꠖꠥꠘꠤꠀ ꠕꠣꠇꠤ ꠘꠤꠔꠣꠄꠉꠤ, ꠛꠞꠋ ꠅꠃ ꠀꠛꠖꠣꠞ ꠇꠞꠞꠣꠝ, ꠔꠥꠝꠤ ꠔꠣꠞꠣꠞꠦ ꠁꠛꠟꠤꠍꠞ ꠀꠔ ꠕꠣꠇꠤ ꠢꠦꠚꠣꠎꠔ ꠇꠞꠅ।

Injil 4: Hannan 6:44

ꠀꠝꠣꠞ ꠎꠦ ꠉꠣꠁꠛꠤ ꠛꠣꠚꠦ ꠀꠝꠣꠞꠦ ꠙꠣꠑꠣꠁꠍꠂꠘ, ꠔꠣꠁꠘ ꠀꠡꠤꠇ ꠘꠣ ꠛꠣꠘꠣꠁꠟꠦ ꠇꠥꠘꠥ ꠝꠣꠘꠥꠡꠃ ꠀꠝꠣꠞ ꠉꠦꠍꠦ ꠀꠁꠔ ꠙꠣꠞꠦ ꠘꠣ। ꠀꠞ ꠀꠝꠤꠃ ꠔꠣꠞꠦ ꠞꠥꠎ ꠢꠣꠡꠞꠅ ꠎꠤꠘ꠆ꠖꠣ ꠢꠣꠟꠔꠦ ꠔꠥꠟꠝꠥ।

Injil 5: Sahabi Nama 13:46

ꠔꠦꠃ ꠙꠣꠃꠟꠥꠍ ꠀꠞ ꠛꠣꠞ꠆ꠘꠣꠛꠣꠍꠦ ꠡꠣꠅꠡ ꠇꠞꠤꠀ ꠎꠥꠀꠙ ꠖꠤꠟꠣ, “ꠀꠟ꠆ꠟꠣꠞ ꠇꠣꠟꠣꠝ ꠙꠄꠟꠣ ꠀꠙꠘꠣꠁꠘ꠆ꠔꠞ ꠉꠦꠍꠦ ꠔꠛꠟꠤꠉ ꠇꠞꠣ ꠖꠞꠇꠣꠞ ꠀꠍꠤꠟ; ꠅꠁꠟꠦ ꠀꠙꠘꠣꠞꠣ ꠎꠦꠛꠟꠣ ꠁꠔꠣ ꠑꠦꠟꠤꠀ ꠢꠞꠣꠁ ꠖꠤꠞꠣ, ꠀꠞ ꠀꠈꠦꠞꠤ ꠎꠤꠘ꠆ꠖꠦꠉꠤ ꠇꠣꠝꠣꠁ ꠇꠞꠣ ꠖꠞꠇꠣꠞ ꠝꠘꠅ ꠇꠞꠞꠣ ꠘꠣ, ꠔꠦ ꠀꠝꠞꠣꠅ ꠅ-ꠁꠢꠥꠖꠤ ꠅꠇꠟꠞ ꠛꠣꠄ ꠘꠎꠞ ꠚꠤꠞꠣꠁꠟ꠆ꠟꠣꠝ।

Injil 5: Sahabi Nama 13:50

ꠅꠁꠟꠦ ꠁꠢꠥꠖꠤ ꠅꠇꠟꠦ ꠔꠣꠞꠣꠞ ꠙꠞꠦꠎꠉꠣꠞ ꠈꠣꠘ꠆ꠖꠣꠘꠤ ꠛꠦꠐꠤꠘ꠆ꠔꠞꠦ ꠀꠞ ꠐꠣꠃꠘꠞ ꠛꠠ ꠛꠠ ꠝꠥꠞꠛ꠆ꠛꠤ ꠅꠇꠟꠞꠦ ꠃꠍꠇꠣꠁꠀ ꠖꠤꠟ ꠔꠣꠞꠣ ꠙꠣꠃꠟꠥꠍ ꠀꠞ ꠛꠣꠞ꠆ꠘꠣꠛꠣꠍꠞ ꠃꠙꠞꠦ ꠎꠥꠟꠥꠝ ꠇꠞꠣꠁꠀ, ꠔꠣꠞꠣꠞ ꠡꠤꠝꠣꠘꠣ ꠕꠣꠇꠤ ꠈꠦꠖꠣꠁꠀ ꠛꠣꠞ ꠇꠞꠤ ꠖꠤꠟ।

Injil 5: Sahabi Nama 21:13

ꠙꠣꠃꠟꠥꠍꠦ ꠇꠁꠟꠣ, “ꠔꠥꠝꠞꠣ ꠁꠔꠣ ꠇꠤꠔꠣ ꠟꠣꠉꠣꠁꠟꠣꠄ? ꠇꠣꠘ꠆ꠖꠤꠀ ꠀꠝꠣꠞ ꠝꠘ ꠜꠣꠋꠉꠤ ꠖꠤꠞꠣꠄ ꠇꠦꠘꠦ? ꠢꠎꠞꠔ ꠁꠍꠣꠞ ꠟꠣꠉꠤ ꠀꠝꠤ ꠎꠦꠞꠥꠎꠣꠟꠦꠝꠅ ꠈꠣꠟꠤ ꠛꠘ꠆ꠖꠤ ꠅꠀꠃ ꠘꠣꠄ, ꠝꠞꠔꠦꠅ ꠔꠤꠀꠞ ꠀꠍꠤ।”

Injil 5: Sahabi Nama 7:59

ꠝꠣꠘꠡꠦ ꠎꠦꠛꠟꠣ ꠡ꠆ꠔꠤꠚꠣꠘꠞꠦ ꠙꠣꠔ꠆ꠔꠞ ꠝꠣꠞꠞꠣ, ꠅꠃ ꠡꠝꠄ ꠔꠣꠁꠘ ꠖꠥꠀ ꠇꠞꠤꠀ ꠇꠁꠟꠣ, “ꠅ ꠝꠣꠟꠤꠇ ꠁꠍꠣ, ꠀꠝꠣꠞ ꠞꠥꠢꠥꠞꠦ ꠇꠛꠥꠟ ꠇꠞꠃꠇ꠆ꠇꠣ।”

Injil 5: Sahabi Nama 9:16

ꠀꠝꠤ ꠔꠣꠞꠦ ꠖꠦꠈꠣꠁꠝꠥ, ꠀꠝꠣꠞ ꠘꠣꠝꠞ ꠟꠣꠉꠤ ꠔꠣꠞꠦ ꠇꠔ ꠎꠣꠟꠣ-ꠎꠘꠔ꠆ꠞꠘꠣ ꠡꠁꠎ꠆ꠎ ꠇꠞꠣ ꠟꠣꠉꠛ।”

Injil 6: Ruman 1:16

ꠇꠣꠞꠘ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠛꠦꠙꠣꠞꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠔꠦ ꠀꠝꠤ ꠇꠥꠘꠥ ꠡꠞꠝ ꠝꠘꠅ ꠇꠞꠤ ꠘꠣ, ꠅꠃ ꠈꠥꠡ-ꠈꠛꠞꠤ ꠢꠥꠘꠤꠀ ꠎꠦꠞꠣ ꠁꠝꠣꠘ ꠀꠘꠦ, ꠔꠣꠞꠣꠞ ꠎꠣꠘ ꠛꠣꠌꠣꠘꠤꠞ ꠟꠣꠉꠤ ꠁꠐꠣ ꠅꠁꠟ ꠀꠟ꠆ꠟꠣꠁ ꠛꠟ। ꠙꠄꠟꠣ ꠛꠘꠤ ꠁꠍꠞꠣꠁꠟꠞ ꠟꠣꠉꠤ ꠎꠦꠞꠣ ꠄꠇ ꠀꠟ꠆ꠟꠣ ꠝꠣꠘꠂꠘ, ꠛꠣꠖꠦ ꠛꠦ-ꠖꠤꠘ ꠜꠤꠘ ꠎꠣꠔꠤ ꠅꠇꠟꠞ ꠟꠣꠉꠤ।

Injil 6: Ruman 9:33

ꠁ ꠛꠦꠙꠣꠞꠦ ꠀꠍꠝꠣꠘꠤ ꠇꠤꠔꠣꠛꠅ ꠟꠦꠈꠣ ꠀꠍꠦ, ꠢꠥꠘꠅ, ꠀꠝꠤ ꠎꠦꠞꠥꠎꠣꠟꠦꠝꠅ ꠅꠟꠣ ꠄꠇ ꠙꠣꠔ꠆ꠔꠞ ꠛꠅꠀꠁꠍꠤ, ꠎꠦ ꠙꠣꠔ꠆ꠔꠞꠅ ꠝꠣꠘꠡꠦ ꠃꠡ꠆ꠐꠣ ꠈꠣꠁꠀ ꠙꠠꠛ। ꠅꠁꠟꠦ ꠎꠦ ꠎꠘꠦ ꠔꠣꠘ ꠃꠙꠞꠦ ꠁꠝꠣꠘ ꠀꠘꠛ, ꠢꠦ ꠇꠥꠘꠥꠝꠘ꠆ꠔꠦꠃ ꠡꠞꠝꠤꠘ꠆ꠖꠣ ꠅꠁꠔ ꠘꠣꠄ।

Injil 7: 1-Korintia 1:8

ꠀꠝꠤ ꠎꠣꠘꠤ, ꠀꠝꠞꠣꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠄ ꠔꠥꠝꠞꠣꠞꠦ ꠀꠈꠦꠞ ꠙꠞ꠆ꠎꠘ꠆ꠔ ꠁꠝꠣꠘꠦ ꠝꠎꠛꠥꠔ ꠞꠣꠈꠛꠣ, ꠎꠣꠔꠦ ꠔꠣꠁꠘ ꠀꠁꠛꠣꠞ ꠀꠉ ꠙꠞ꠆ꠎꠘ꠆ꠔ ꠔꠥꠝꠞꠣ ꠙꠥꠞꠣꠙꠥꠞ ꠘꠤꠈꠥꠔ ꠞꠁꠛꠣꠄ।

Injil 7: 1-Korintia 3:13

ꠔꠦ ꠇꠦ ꠇꠤꠟꠣ ꠛꠣꠘꠣꠁꠍꠂꠘ, ꠁꠔꠣ ꠜꠣꠟꠣ ꠇꠞꠤ ꠖꠦꠈꠣ ꠎꠣꠁꠛ। ꠞꠥꠎ ꠢꠣꠡꠞꠞ ꠖꠤꠘ ꠁꠔꠣ ꠎꠣꠁꠞ ꠅꠁꠛ, ꠢꠃ ꠖꠤꠘ ꠅꠉ꠆ꠘꠤ-ꠙꠞꠤꠇ꠆ꠇꠣꠞ ꠝꠣꠎꠖꠤ ꠁꠔꠣ ꠈꠥꠟꠣ-ꠝꠦꠟꠣ ꠅꠁꠛ।

Injil 11: Filifia 1:20

ꠀꠝꠣꠞ ꠈꠥꠛ ꠝꠎꠛꠥꠔ ꠄꠇꠤꠘ ꠀꠍꠦ, ꠀꠝꠤ ꠇꠥꠘꠥꠝꠘ꠆ꠔꠦꠃ ꠡꠞꠝ ꠙꠣꠁꠔꠣꠝ ꠘꠣꠄ। ꠀꠝꠤ ꠙꠥꠞꠣꠙꠥꠞ ꠡꠣꠅꠡ ꠇꠞꠤꠀ ꠀꠉꠦ ꠎꠦꠟꠣ ꠀꠟ-ꠝꠍꠤꠞ ꠉꠃꠞꠛ ꠎꠣꠁꠞ ꠇꠞꠍꠤ, ꠀꠝꠤ ꠝꠞꠤ ꠛꠣ ꠛꠣꠌꠤ ꠅꠈꠘꠅ ꠅꠟꠣ ꠎꠣꠁꠞ ꠅꠁꠛ।

Injil 11: Filifia 3:10

ꠔꠦ ꠀꠝꠤ ꠀꠟ-ꠝꠍꠤꠞꠦ ꠌꠤꠘꠔꠣꠝ ꠌꠣꠁ, ꠎꠦ ꠇꠥꠖꠞꠔꠤ ꠛꠟꠦ ꠔꠣꠘꠞꠦ ꠝꠞꠣ ꠕꠣꠇꠤ ꠎꠤꠘ꠆ꠖꠣ ꠇꠞꠣ ꠅꠁꠍꠤꠟ, ꠅꠃ ꠛꠟꠞꠦꠅ ꠌꠤꠘꠔꠣꠝ ꠌꠣꠁ। ꠀꠝꠤ ꠔꠣꠘ ꠖꠥꠈ-ꠝꠍꠤꠛꠔꠞ ꠜꠣꠉꠤ ꠅꠁꠔꠣꠝ ꠌꠣꠁ, ꠔꠣꠁꠘ ꠎꠦꠟꠣ ꠘꠤꠎꠞ ꠎꠣꠘ ꠇꠥꠞꠛꠣꠘꠤ ꠖꠤꠍꠟꠣ, ꠀꠝꠤꠅ ꠅꠃ ꠝꠃꠔꠅ ꠡꠞꠤꠇ ꠅꠁꠔꠣꠝ ꠌꠣꠁ।

Injil 11: Filifia 3:21

ꠔꠣꠁꠘ ꠀꠁꠀ ꠀꠝꠞꠣꠞ ꠅꠃ ꠇꠝꠎꠥꠞ ꠇꠣꠄꠀ ꠛꠖꠟꠣꠁꠀ, ꠔꠣꠘ ꠇꠣꠄꠀꠞ ꠟꠣꠈꠣꠘ ꠈꠦꠝꠔꠣꠀꠟꠣ ꠘꠥꠞꠞ ꠇꠣꠄꠀ ꠖꠤꠛꠣ। ꠎꠦ ꠇꠥꠖꠞꠔꠤ ꠛꠟꠦ ꠔꠣꠁꠘ ꠢꠇ꠆ꠇꠟꠔꠣ ꠇꠞꠔꠣ ꠙꠣꠞꠂꠘ, ꠢꠃ ꠛꠟꠦꠃ ꠔꠣꠁꠘ ꠁꠔꠣ ꠇꠞꠛꠣ।

Injil 11: Filifia 3:8

ꠀꠍꠟꠦ ꠀꠝꠤ ꠎꠣꠞ ꠟꠣꠉꠤ ꠁ ꠈꠦꠔꠤ ꠡ꠆ꠛꠤꠇꠣꠞ ꠇꠞꠤꠀꠞ, ꠄꠁꠘꠃ ꠀꠝꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤ। ꠔꠣꠘꠞꠦ ꠎꠣꠘꠣꠞ ꠝꠣꠎꠦꠃ ꠢꠇꠟ ꠕꠣꠇꠤ ꠛꠠ ꠚꠣꠄꠖꠣ, ꠔꠣꠘ ꠔꠥꠟꠘꠣꠄ ꠛꠣꠖ-ꠛꠣꠇꠤ ꠢꠇ꠆ꠇꠟꠔꠣꠞꠦꠃ ꠀꠝꠤ ꠈꠦꠔꠤ ꠝꠘꠅ ꠇꠞꠤ। ꠀꠝꠤ ꠎꠣꠔꠦ ꠀꠟ-ꠝꠍꠤꠞꠦ ꠙꠣꠁ, ꠀꠞ ꠀꠝꠣꠞꠦ ꠎꠣꠔꠦ ꠀꠟ-ꠝꠍꠤꠞ ꠟꠉꠦ ꠄꠇꠈꠣꠘꠅ ꠝꠤꠟꠣꠁꠟ ꠖꠦꠈꠣ ꠎꠣꠄ, ꠅꠃ ꠘꠤꠅꠔꠦꠃ ꠀꠝꠤ ꠁꠔꠣ ꠢꠇ꠆ꠇꠟꠔꠣꠞꠦ ꠝꠄꠟꠣꠞ ꠟꠣꠈꠣꠘ ꠢꠞꠣꠁꠀ ꠚꠣꠟꠣꠁꠍꠤ।

ইঞ্জিল ১৩: ১-থিষল: 2:16

ꠔꠣꠞꠣ ꠀꠝꠞꠣꠞꠦ ꠘꠤꠡꠦꠗ ꠖꠤꠞꠣ, ꠎꠣꠔꠦ ꠜꠤꠘ-ꠗꠞ꠆ꠝꠤ ꠝꠣꠘꠡꠞ ꠉꠦꠍꠦ ꠀꠝꠞꠣ ꠀꠟ꠆ꠟꠣꠁ ꠘꠣꠎꠣꠔꠞ ꠈꠥꠡ-ꠈꠛꠞꠤ ꠔꠛꠟꠤꠉ ꠘꠣ ꠇꠞꠤ। ꠅꠃ ꠟꠣꠈꠣꠘ ꠔꠣꠞꠣ ꠎꠣꠞꠎꠤꠞ ꠉꠥꠘꠣꠞ ꠛꠥꠏꠣ ꠛꠠ ꠇꠞꠞꠣ। ꠄꠞꠟꠣꠉꠤ ꠔꠣꠞꠣꠞ ꠃꠙꠞꠦ ꠀꠟ꠆ꠟꠣꠞ ꠈꠣꠠꠣ ꠉꠎꠛ ꠟꠣꠝꠍꠦ।

ইঞ্জিল ১৩: ১-থিষল: 5:4

ꠜꠣꠁ ꠅꠇꠟ, ꠔꠥꠝꠞꠣ ꠇꠥꠘꠥ ꠀꠘ꠆ꠖꠣꠞꠤꠞ ꠝꠣꠎꠦ ꠛꠡꠔ ꠇꠞꠞꠣꠄ ꠘꠤ ꠎꠦꠘ, ꠢꠃ ꠖꠤꠘ ꠀꠈꠔꠣꠃ ꠌꠥꠞꠞ ꠟꠣꠈꠣꠘ ꠔꠥꠝꠞꠣꠞ ꠃꠙꠞꠦ ꠀꠁꠔ?

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:20

ꠅ ꠔꠤꠝꠕꠤ, ꠔꠥꠝꠣꠞ ꠎꠤꠝ꠆ꠝꠣꠄ ꠎꠦ ꠡꠝ꠆ꠙꠖ ꠖꠦꠅꠀ ꠅꠁꠍꠦ, ꠁ ꠡꠝ꠆ꠙꠖ ꠔꠥꠝꠤ ꠜꠣꠟꠣꠝꠘ꠆ꠔꠦ ꠢꠦꠚꠣꠎꠔ ꠇꠞꠅ। ꠀꠎꠦ-ꠛꠣꠎꠦ ꠀꠈꠟꠞ ꠛꠦꠇꠣꠝꠣ ꠛꠤꠖ꠆ꠖꠣꠞ ꠛꠥꠟꠤꠞ ꠖꠥ-ꠘꠍꠟꠣ ꠔꠣꠟꠤꠝ ꠕꠣꠇꠤ ꠢꠞꠤꠀ ꠞꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:14

ꠀꠟ꠆ꠟꠣꠄ ꠎꠦ ꠍꠣꠝꠣꠘꠣ ꠢꠦꠚꠣꠎꠔꠦ ꠞꠣꠈꠣꠞ ꠟꠣꠉꠤ ꠔꠥꠝꠣꠞ ꠎꠤꠝ꠆ꠝꠣꠄ ꠖꠤꠍꠂꠘ, ꠀꠝꠞꠣꠞ ꠖꠤꠟꠞ ꠝꠣꠎꠞ ꠀꠟ꠆ꠟꠣꠁ ꠙꠣꠇ ꠞꠥꠢꠥꠞ ꠛꠟꠦ ꠔꠥꠝꠤ ꠁꠔꠣꠞ ꠢꠦꠚꠣꠎꠔ ꠇꠞꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:16

ꠜꠣꠁ ꠀꠘꠤꠍꠞ ꠙꠞꠤꠛꠣꠞꠞ ꠃꠙꠞꠦ ꠝꠣꠟꠤꠇ ꠁꠍꠣꠄ ꠞꠢꠝ-ꠛꠞꠇꠔ ꠖꠦꠃꠇ꠆ꠇꠣ। ꠄꠁꠘ ꠛꠃꠔ ꠛꠣꠞ ꠀꠝꠣꠞ ꠎꠣꠘꠅ ꠀꠞꠣꠝ ꠖꠤꠍꠂꠘ, ꠀꠝꠤ ꠎꠦꠟꠅ ꠢꠣꠝꠣꠁꠟꠦꠅ ꠔꠣꠁꠘ ꠇꠥꠘꠥ ꠡꠞꠝ ꠝꠘꠅ ꠇꠞꠍꠂꠘ ꠘꠣ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:18

ꠀꠝꠤ ꠁꠚꠤꠍ ꠐꠣꠃꠘꠅ ꠕꠣꠇꠔꠦ ꠔꠣꠁꠘ ꠇꠤꠟꠣ ꠀꠝꠣꠞ ꠈꠦꠎꠝꠔ ꠇꠞꠍꠟꠣ, ꠁꠔꠣ ꠔ ꠔꠥꠝꠤ ꠜꠣꠟꠣꠝꠘ꠆ꠔꠦꠃ ꠎꠣꠘ। ꠝꠣꠟꠤꠇ ꠁꠍꠣꠄ ꠅꠟꠣ ꠇꠞꠃꠇ꠆ꠇꠣ, ꠎꠣꠔꠦ ꠔꠣꠘ ꠔꠡꠞꠤꠚ ꠀꠘꠣꠞ ꠖꠤꠘ ꠄꠁꠘ ꠝꠦꠢꠦꠞꠛꠣꠘꠤ ꠙꠣꠁꠘ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:8

ꠄꠞꠟꠣꠉꠤ ꠀꠝꠞꠣꠞ ꠝꠣꠟꠤꠇ ꠁꠍꠣꠞ ꠛꠦꠙꠣꠞꠦ ꠡꠣꠇ꠆ꠇꠤ ꠖꠤꠔꠦ ꠡꠞꠝꠣꠁꠅ ꠘꠣ, ꠀꠞ ꠔꠣꠘ ꠘꠣꠝꠞ ꠟꠣꠉꠤ ꠀꠝꠤ ꠎꠦꠘ ꠎꠦꠟꠅ ꠛꠘ꠆ꠖꠤ ꠀꠍꠤ, ꠀꠝꠣꠞꠦ ꠟꠁꠀꠅ ꠡꠞꠝꠣꠁꠅ ꠘꠣ। ꠛꠞꠋ ꠀꠟ꠆ꠟꠣꠞ ꠖꠦꠅꠀ ꠛꠟꠦ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠇꠣꠝꠅ ꠀꠝꠣꠞ ꠟꠉꠦ ꠞꠁꠀ ꠖꠥꠈ-ꠇꠡ꠆ꠐ ꠡꠁꠎ꠆ꠎ ꠇꠞꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:9

ꠀꠞ ꠅꠃ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣꠄꠃ ꠀꠝꠤ ꠖꠥꠈ-ꠇꠡ꠆ꠐ ꠙꠣꠁꠀꠞ। ꠖꠣꠉꠤ ꠀꠡꠣꠝꠤꠞ ꠟꠣꠈꠣꠘ ꠀꠝꠣꠞꠦ ꠛꠘ꠆ꠖꠤ ꠞꠣꠈꠣ ꠅꠁꠍꠦ, ꠅꠁꠟꠦ ꠀꠟ꠆ꠟꠣꠞ ꠇꠣꠟꠣꠝ ꠔ ꠛꠘ꠆ꠖꠤ ꠅꠁꠍꠦ ꠘꠣ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:8

ꠔꠦ ꠀꠝꠣꠞ ꠙꠞꠦꠎꠉꠣꠞꠤꠞ ꠙꠥꠞꠥꠡ꠆ꠇꠣꠞ ꠔ ꠎꠝꠣ ꠀꠍꠦ, ꠢꠃ ꠢꠇ-ꠁꠘꠍꠣꠚꠇꠣꠞꠤ ꠝꠣꠟꠤꠇꠦ ꠞꠥꠎ ꠢꠣꠡꠞꠞ ꠖꠤꠘ ꠀꠝꠣꠞꠦ ꠎꠄꠅꠞ ꠝꠣꠟꠣ ꠙꠥꠞꠥꠡ꠆ꠇꠣꠞ ꠖꠤꠛꠣ। ꠁꠔꠣ ꠈꠣꠟꠤ ꠀꠝꠣꠞꠦ ꠘꠣꠄ, ꠎꠔ ꠝꠣꠘꠥꠡ ꠀꠡꠤꠇ ꠅꠁꠀ ꠔꠣꠘ ꠟꠣꠉꠤ ꠛꠣꠞ ꠌꠣꠁꠞꠣ, ꠔꠣꠞꠣ ꠢꠇꠟꠞꠦꠃ ꠖꠤꠛꠣ।

Injil 17: Titas 3:8

ꠁꠈꠣꠘ ꠔ ꠙꠥꠞꠣꠙꠥꠞ ꠢꠣꠍꠣ। ꠀꠝꠤ ꠌꠣꠁꠀꠞ, ꠔꠥꠝꠤ ꠅꠃ ꠛꠦꠙꠣꠞꠦ ꠙꠥꠞꠣꠙꠥꠞ ꠎꠥꠞ ꠖꠦꠅ, ꠎꠣꠔꠦ ꠀꠟ꠆ꠟꠣꠞ ꠃꠙꠞꠦ ꠎꠦꠞꠣ ꠁꠝꠣꠘ ꠀꠘꠍꠦ, ꠔꠣꠞꠣ ꠘꠦꠇ ꠇꠣꠝ ꠇꠞꠣꠞ ꠈꠤꠀꠟꠤ ꠅꠄ। ꠁꠟꠣ ꠘꠦꠇ ꠇꠣꠝ ꠇꠞꠣ ꠔ ꠢꠇꠟꠞ ꠟꠣꠉꠤ ꠜꠣꠟꠣ ꠀꠞ ꠃꠙꠇꠣꠞꠤ।

Injil 19: Ibrani 12:2

ꠀꠃꠇ꠆ꠇꠣ, ꠀꠝꠞꠣꠞ ꠘꠎꠞ ꠞꠣꠈꠤ ꠝꠣꠟꠤꠇ ꠁꠍꠣꠞ ꠛꠣꠄ, ꠀꠃꠀꠟ ꠕꠣꠇꠤ ꠀꠈꠦꠞ ꠙꠞ꠆ꠎꠘ꠆ꠔ ꠔꠣꠁꠘ ꠅꠁꠟꠣ ꠀꠝꠞꠣꠞ ꠁꠝꠣꠘꠞ ꠝꠥꠟ ꠈꠥꠐꠤ। ꠔꠣꠘ ꠟꠣꠉꠤ ꠎꠦ ꠈꠥꠡꠤ ꠞꠣꠈꠣ ꠅꠁꠍꠦ, ꠅꠃ ꠈꠥꠡꠤꠞ ꠛꠣꠄꠖꠤ ꠌꠣꠁꠀ, ꠖꠥꠈ-ꠇꠡ꠆ꠐꠞ ꠍꠟꠤꠛꠞ ꠃꠙꠞꠞ ꠝꠃꠔꠞꠦꠅ ꠇꠛꠥꠟ ꠇꠞꠟꠣ, ꠁ ꠛꠦꠁꠎ꠆ꠎꠔꠤꠞꠦ ꠇꠥꠘꠥ ꠖꠣꠝ ꠖꠤꠟꠣ ꠘꠣ। ꠀꠞ ꠅꠈꠘ ꠀꠞꠡꠦ-ꠀꠎꠤꠝꠅ ꠀꠟ꠆ꠟꠣꠞ ꠒꠣꠁꠘꠞ ꠔꠈ꠆ꠔꠅ ꠔꠣꠁꠘ ꠔꠡꠞꠤꠚ ꠞꠣꠈꠍꠂꠘ।

Injil 19: Ibrani 2:18

ꠔꠣꠁꠘ ꠘꠤꠎꠦ ꠙꠞꠤꠇ꠆ꠇꠣꠔ ꠙꠠꠤꠀ ꠖꠥꠈ-ꠇꠡ꠆ꠐ ꠡꠁꠎ꠆ꠎ ꠇꠞꠍꠂꠘ, ꠄꠞꠟꠣꠉꠤꠃ ꠎꠦꠞꠣ ꠙꠞꠤꠇ꠆ꠇꠣꠔ ꠙꠠꠂꠘ ꠔꠣꠞꠣꠞꠦꠅ ꠔꠣꠁꠘ ꠡꠣꠁꠎ꠆ꠎ ꠇꠞꠔꠣ ꠙꠣꠞꠂꠘ।

Injil 19: Ibrani 7:25

ꠄꠞꠟꠣꠉꠤꠃ ꠎꠦꠞꠣ ꠔꠣꠘ ꠃꠍꠤꠟ꠆ꠟꠣ ꠟꠁꠀ ꠀꠟ꠆ꠟꠣꠞ ꠇꠣꠍꠣꠔ ꠀꠄ, ꠀꠟ꠆ꠟꠣꠄ ꠔꠣꠞꠣꠞꠦ ꠙꠥꠞꠣꠙꠥꠞ ꠘꠣꠎꠣꠔ ꠖꠣꠘ ꠇꠞꠂꠘ, ꠇꠣꠞꠘ ꠔꠣꠞꠣꠞ ꠙꠇ꠆ꠇꠦ ꠡꠥꠙꠣꠞꠤꠡ ꠇꠞꠣꠞ ꠟꠣꠉꠤ ꠔꠣꠁꠘ ꠢꠣꠝꠦꠡꠣ ꠎꠤꠘ꠆ꠖꠣ ꠀꠍꠂꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 1:5

ꠔꠥꠝꠞꠣ ꠙꠥꠞꠣꠙꠥꠞ ꠘꠣꠎꠣꠔ ꠘꠣ ꠙꠣꠅꠀ ꠙꠞ꠆ꠎꠘ꠆ꠔ, ꠀꠟ꠆ꠟꠣꠁ ꠡꠇ꠆ꠔꠤꠄ ꠁꠝꠣꠘꠞ ꠝꠣꠎꠖꠤ ꠔꠥꠝꠞꠣꠞꠦ ꠢꠦꠚꠣꠎꠔꠦ ꠞꠣꠈꠣ ꠅꠁꠍꠦ। ꠅꠃ ꠘꠣꠎꠣꠔ ꠑꠤꠇ ꠇꠞꠣ ꠅꠁꠍꠦ, ꠀꠈꠦꠞꠣꠔꠞ ꠡꠝꠄ ꠎꠣꠁꠞ ꠅꠀꠞ ꠟꠣꠉꠤ।

ꠁꠘ꠆ꠎꠤꠟ ২১: ১-ꠙꠤꠔꠞ 4:16

ꠅꠁꠟꠦ ꠇꠦꠃ ꠎꠥꠖꠤ ꠁꠍꠣꠄꠁ ꠁꠝꠣꠘꠖꠣꠞ ꠢꠤꠡꠣꠛꠦ ꠖꠥꠈ-ꠇꠡ꠆ꠐ ꠇꠞꠦ, ꠔꠦ ꠢꠦ ꠡꠞꠝꠤꠘ꠆ꠖꠣ ꠘꠣ ꠅꠃꠇ, ꠛꠞꠋ ꠁꠍꠣꠄꠁ ꠙꠞꠤꠌꠄꠞ ꠟꠣꠉꠤ ꠀꠟ꠆ꠟꠣꠞ ꠔꠣꠞꠤꠚ ꠇꠞꠃꠇ।

ꠁꠘ꠆ꠎꠤꠟ ২১: ১-ꠙꠤꠔꠞ 4:19

ꠅꠁꠟꠦ ꠀꠟ꠆ꠟꠣꠞ ꠝꠞ꠆ꠎꠤꠄ ꠎꠦꠞꠣ ꠖꠥꠈ-ꠇꠡ꠆ꠐ ꠇꠞꠦꠞ, ꠔꠣꠞꠣ ꠘꠦꠇ ꠇꠣꠝ ꠇꠞꠤ ꠇꠞꠤ ꠘꠤꠎꠞ ꠎꠣꠘꠞꠦ ꠢꠃ ꠢꠇ-ꠢꠣꠟꠣꠟ ꠙꠄꠖꠣ ꠇꠞꠞꠣꠞ ꠀꠔꠅ ꠡꠙꠤ ꠖꠦꠃꠇ।

Injil 26: Ehuda 1:24

ꠀꠞ ꠎꠦ ꠀꠟ꠆ꠟꠣꠄ ꠔꠥꠝꠞꠣꠞꠦ ꠃꠡ꠆ꠐꠣ ꠈꠣꠅꠀ ꠕꠣꠇꠤ ꠛꠣꠌꠣꠁꠘ, ꠎꠦꠁꠘ ꠘꠤꠈꠥꠔ ꠢꠣꠟꠔꠦ ꠔꠥꠝꠞꠣꠞꠦ ꠈꠥꠡꠤ-ꠛꠣꠡꠤꠄ ꠔꠣꠘ ꠡꠣꠘ-ꠔꠎꠟ꠆ꠟꠤꠞ ꠍꠣꠝꠘꠦ ꠀꠎꠤꠞ ꠇꠞꠔꠣ ꠙꠣꠞꠂꠘ,