ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:10 - Siloṭi Asmani Kitab (Nagri lipi)

¹⁰ ꠀꠞ ꠀꠟ꠆ꠟꠣꠄ ꠅꠈꠘ ꠅꠃ ꠞꠢꠝꠔ ꠎꠣꠁꠞ ꠇꠞꠍꠂꠘ, ꠀꠝꠞꠣꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠄ ꠖꠥꠘꠤꠀꠔ ꠔꠡꠞꠤꠚ ꠀꠘꠣꠞ ꠝꠣꠎꠖꠤ। ꠀꠟ-ꠝꠍꠤꠄ ꠔ ꠝꠃꠔꠞ ꠈꠦꠝꠔꠣꠞꠦ ꠌꠥꠞꠝꠣꠞ ꠇꠞꠍꠂꠘ, ꠔꠣꠘ ꠈꠥꠡ-ꠈꠛꠞꠤꠞ ꠝꠣꠎꠖꠤ ꠌꠤꠞꠇꠣꠟꠤꠘ ꠘꠥꠞꠣꠘꠤ ꠎꠤꠘ꠆ꠖꠦꠉꠤꠞ ꠙꠕ ꠈꠥꠟꠣ-ꠝꠦꠟꠣ ꠇꠞꠍꠂꠘ।

ছিলটি আছমানি কিতাব (বাংলা লিপি)

¹⁰ আর আল্লায় অখন অউ রহমত জাইর করছইন, আমরার তরানেআলা ইছা আল-মসীয়ে দুনিয়াত তশরিফ আনার মাজদি। আল-মসীয়ে তো মউতর খেমতারে চুরমার করছইন, তান খুশ-খবরির মাজদি চিরকালিন নুরানি জিন্দেগির পথ খুলা-মেলা করছইন।

Siloṭi Asmani Kitab (Latin lipi)

¹⁰ Ar Allae oḳon ou rohomot zair ḳorsoin, amrar toraneala Isa al-Mosie duniat toshrif anar mazdi. Al-Mosie to moutor ḳemotare surmar ḳorsoin, tan kush-ḳobrir mazdi siroḳalin nurani zindegir fot kula-mela ḳorsoin.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:10 Iomraidhean Croise

Injil 3: Luk 11:36

ꠔꠥꠝꠣꠞ ꠀꠡ꠆ꠔꠣ ꠡꠞꠤꠟꠅ ꠎꠥꠖꠤ ꠚꠞ ꠕꠣꠇꠦ, ꠇꠥꠘꠥ ꠅꠋꠉ ꠀꠘ꠆ꠖꠣꠁꠞ ꠘꠣ ꠕꠣꠇꠦ, ꠔꠦ ꠟꠦꠝꠦ ꠎꠦꠟꠣ ꠔꠣꠞ ꠘꠤꠎꠞ ꠔꠦꠎꠦ ꠔꠥꠝꠣꠞꠦ ꠚꠞ ꠖꠦꠄ, ꠅꠃꠟꠣ ꠁ ꠘꠥꠞꠦꠅ ꠔꠥꠝꠣꠞ ꠀꠡ꠆ꠔꠣ ꠡꠞꠤꠟꠞꠦ ꠚꠞ ꠇꠞꠤꠟꠤꠛ।”

Injil 3: Luk 13:7

ꠘꠣ ꠙꠣꠁꠀ ꠛꠣꠉꠣꠘꠞ ꠝꠣꠟꠤꠞꠦ ꠇꠁꠟꠣ, ꠢꠥꠘꠅ, ꠀꠁꠎ ꠔꠤꠘ ꠛꠍꠞ ꠗꠞꠤ ꠅꠃ ꠒꠥꠝꠥꠞ ꠉꠣꠍꠅ ꠚꠟ ꠔꠥꠇꠣꠁꠞꠣꠝ, ꠅꠁꠟꠦ ꠇꠥꠘ꠆ꠔꠣꠃ ꠙꠣꠁꠞꠣꠝ ꠘꠣ। ꠔꠦ ꠔꠥꠝꠤ ꠉꠣꠍꠉꠥ ꠇꠣꠐꠤꠟꠣꠅ, ꠁꠉꠥꠄ ꠈꠣꠝꠈꠣ ꠎꠝꠤꠘꠞ ꠞꠡ ꠐꠣꠘꠦꠞ।

Injil 3: Luk 2:11

ꠢꠥꠘꠅ, ꠔꠥꠝꠞꠣꠞ ꠔꠞꠣꠘꠦꠀꠟꠣ ꠀꠁꠎ ꠖꠣꠃꠖꠞ ꠉꠣꠃꠔ ꠎꠘꠝ ꠟꠁꠍꠂꠘ। ꠔꠣꠁꠘꠃ ꠀꠟ-ꠝꠍꠤ, ꠔꠣꠁꠘꠃ ꠝꠣꠟꠤꠇ।

Injil 4: Hannan 1:9

ꠀꠍꠟ ꠘꠥꠞ ꠅꠁꠟꠣ ꠢꠃ ꠎꠘ, ꠎꠦꠁꠘ ꠢꠇ꠆ꠇꠟ ꠝꠣꠘꠡꠞꠦ ꠘꠥꠞ ꠖꠣꠘ ꠇꠞꠂꠘ, ꠔꠣꠁꠘ ꠖꠥꠘꠤꠀꠔ ꠔꠡꠞꠤꠚ ꠀꠘꠞꠣ।

Injil 4: Hannan 14:6

ꠁꠍꠣꠄ ꠇꠁꠟꠣ, “ꠀꠝꠤꠃ ꠙꠕ, ꠀꠝꠤꠃ ꠢꠇ ꠀꠞ ꠀꠝꠤꠃ ꠎꠤꠘ꠆ꠖꠦꠉꠤ। ꠀꠝꠣꠞ ꠃꠍꠤꠟ꠆ꠟꠣ ꠍꠣꠠꠣ ꠇꠥꠘꠥ ꠝꠣꠘꠥꠡꠃ ꠉꠣꠁꠛꠤ ꠛꠣꠚꠞ ꠉꠦꠍꠦ ꠎꠣꠁꠔ ꠙꠣꠞꠦ ꠘꠣ।

Injil 4: Hannan 20:31

ꠈꠣꠟꠤ ꠅꠃ ꠊꠐꠘꠣ ꠅꠇꠟ ꠟꠦꠈꠣ ꠅꠁꠍꠦ, ꠎꠣꠔꠦ ꠅꠔꠣ ꠔꠤꠟꠣꠅꠔ ꠇꠞꠤꠀ ꠔꠥꠝꠞꠣ ꠁꠝꠣꠘ ꠀꠘ, ꠢꠎꠞꠔ ꠁꠍꠣꠃ ꠀꠟ꠆ꠟꠣ ꠙꠣꠇꠞ ꠅꠀꠖꠣ ꠇꠞꠣ ꠢꠃ ꠀꠟ-ꠝꠍꠤ, ꠔꠣꠁꠘꠃ ꠁꠛꠘꠥꠟ꠆ꠟꠣ, ꠀꠟ꠆ꠟꠣꠞ ꠈꠣꠍ ꠝꠣꠄꠀꠞ ꠎꠘ, ꠀꠞ ꠁꠝꠣꠘ ꠀꠘꠤꠀ ꠎꠣꠔꠦ ꠔꠣꠘ ꠃꠍꠤꠟ꠆ꠟꠣꠄ ꠔꠥꠝꠞꠣ ꠀꠈꠦꠞꠤ ꠎꠤꠘ꠆ꠖꠦꠉꠤ ꠢꠣꠍꠤꠟ ꠇꠞ।

Injil 4: Hannan 4:42

ꠀꠞ ꠉꠣꠃꠞ ꠝꠣꠘꠡꠦ ꠅꠃ ꠛꠦꠐꠤꠞꠦ ꠇꠁꠟꠣ, “ꠔꠥꠝꠣꠞ ꠇꠕꠣꠄ ꠀꠝꠞꠣ ꠁꠝꠣꠘ ꠀꠘꠍꠤ ꠘꠣ, ꠀꠝꠞꠣ ꠘꠤꠎꠦꠃ ꠔꠣꠘ ꠝꠣꠔ ꠢꠥꠘꠤꠀ ꠛꠥꠎꠔꠣꠝ ꠙꠣꠞꠍꠤ, ꠄꠁꠘꠃ ꠎꠉꠔꠞ ꠀꠍꠟ ꠔꠞꠣꠘꠦꠀꠟꠣ।”

Injil 4: Hannan 5:40

ꠄꠞꠛꠣꠖꠦꠅ ꠀꠙꠘꠣꠞꠣ ꠎꠤꠘ꠆ꠖꠦꠉꠤ ꠙꠣꠅꠀꠞ ꠟꠣꠉꠤ ꠀꠝꠣꠞ ꠉꠦꠍꠦ ꠀꠁꠔꠣ ꠌꠣꠁꠘ ꠘꠣ।

Injil 5: Sahabi Nama 13:23

ꠀꠟ꠆ꠟꠣꠄ ꠔꠣꠘ ꠅꠀꠖꠣ ꠝꠣꠚꠤꠇ ꠅꠃ ꠝꠣꠘꠡꠞ ꠅꠀꠞꠤꠡ ꠕꠣꠇꠤ ꠄꠇꠎꠘ ꠔꠞꠣꠘꠦꠀꠟꠣ, ꠝꠣꠘꠤ ꠢꠎꠞꠔ ꠁꠍꠣꠞꠦ ꠛꠘꠤ ꠁꠍꠞꠣꠁꠟ ꠅꠇꠟꠞ ꠉꠦꠍꠦ ꠀꠎꠤꠞ ꠇꠞꠍꠤꠟꠣ;

Injil 5: Sahabi Nama 5:31

ꠀꠟ꠆ꠟꠣꠄ ꠔꠣꠘꠞꠦꠃ ꠔꠞꠣꠘꠦꠀꠟꠣ ꠀꠞ ꠛꠣꠖꠡꠣ ꠛꠣꠘꠣꠁꠀ ꠘꠤꠎꠞ ꠒꠣꠁꠘ ꠉꠣꠟꠣꠔ ꠛꠁꠛꠣꠞ ꠁꠎ꠆ꠎꠔ ꠖꠣꠘ ꠇꠞꠍꠂꠘ, ꠎꠣꠔꠦ ꠔꠣꠁꠘ ꠛꠘꠤ ꠁꠍꠞꠣꠁꠟ ꠅꠇꠟꠞꠦ ꠔꠃꠛꠣ ꠇꠞꠣꠞ ꠡꠥꠎꠥꠉ, ꠀꠞ ꠉꠥꠘꠣꠞ ꠝꠣꠚꠤ ꠖꠤꠔꠣ ꠙꠣꠞꠂꠘ।

Injil 6: Ruman 16:26

ꠅꠁꠟꠦ ꠅꠈꠘ ꠁꠔꠣ ꠖꠥꠘꠤꠀꠞ ꠢꠇꠟ ꠎꠣꠔꠤꠞ ꠉꠦꠍꠦ ꠎꠣꠁꠞ ꠅꠞ। ꠌꠤꠞꠇꠣꠟꠤꠘ ꠎꠤꠘ꠆ꠖꠣ ꠀꠟ꠆ꠟꠣꠞ ꠢꠥꠇꠥꠝꠦ, ꠀꠉꠞ ꠎꠝꠣꠘꠣꠞ ꠘꠛꠤ ꠅꠇꠟꠦ ꠎꠦꠔꠣ ꠟꠦꠈꠤꠀ ꠞꠣꠈꠍꠤꠟꠣ, ꠅꠔꠣ ꠎꠣꠁꠞ ꠅꠞ, ꠎꠣꠔꠦ ꠔꠣꠞꠣ ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠤꠀ ꠀꠟ꠆ꠟꠣ ꠙꠣꠇꠞ ꠛꠣꠁꠖ꠆ꠖ ꠅꠁꠘ। ꠄꠞꠟꠣꠉꠤ ꠅꠃ ꠈꠥꠡ-ꠈꠛꠞꠤ ꠅꠈꠘ ꠔꠛꠟꠤꠉ ꠇꠞꠣ ꠅꠞ।

Injil 6: Ruman 2:7

ꠎꠦꠞꠣ ꠗꠂꠎ꠆ꠎ ꠗꠞꠤꠀ ꠘꠦꠇ ꠇꠣꠝꠞ ꠝꠣꠎꠖꠤ ꠀꠟ꠆ꠟꠣꠁ ꠔꠣꠞꠤꠚ, ꠁꠎ꠆ꠎꠔ, ꠀꠞ ꠇ꠆ꠇꠄꠢꠤꠘ ꠎꠤꠘ꠆ꠖꠦꠉꠤ ꠔꠣꠟ꠆ꠟꠣꠡ ꠇꠞꠦ, ꠀꠟ꠆ꠟꠣꠄ ꠔꠣꠞꠣꠞꠦꠃ ꠀꠈꠦꠞꠤ ꠎꠤꠘ꠆ꠖꠦꠉꠤ ꠖꠣꠘ ꠇꠞꠛꠣ।

Injil 6: Ruman 3:31

ꠅꠈꠘ ꠇꠅ ꠌꠣꠁꠘ, ꠁꠝꠣꠘꠞ ꠟꠣꠉꠤ ꠀꠝꠞꠣ ꠡꠞꠤꠅꠔ ꠛꠣꠔꠤꠟ ꠇꠞꠞꠣꠝ ꠘꠤ? ꠘꠣ, ꠝꠥꠐꠦꠃ ꠘꠣ! ꠛꠞꠋ ꠀꠝꠞꠣ ꠡꠞꠤꠅꠔꠞꠦ ꠝꠎꠛꠥꠔ ꠇꠞꠤꠀꠞ।

Injil 6: Ruman 6:6

ꠀꠝꠞꠣ ꠁꠈꠣꠘ ꠎꠣꠘꠤ, ꠀꠝꠞꠣꠞ ꠡꠞꠤꠟꠞ ꠛꠖ ꠈꠣꠁꠡꠞꠦ ꠛꠦꠇꠣꠝꠣ ꠇꠞꠣꠞ ꠘꠤꠅꠔꠦ ꠀꠝꠞꠣꠞ ꠙꠥꠞꠣꠘ ‘ꠀꠝꠤ’ꠞꠦ ꠀꠟ-ꠝꠍꠤꠞ ꠟꠉꠦ ꠍꠟꠤꠛꠞ ꠃꠙꠞꠦ ꠝꠣꠞꠤꠀ ꠚꠣꠟꠣꠁꠟ ꠅꠁꠍꠦ, ꠎꠣꠔꠦ ꠀꠝꠞꠣ ꠀꠞ ꠉꠥꠘꠣꠞ ꠉꠥꠟꠣꠝ ꠘꠣ ꠞꠁ।

Injil 7: 1-Korintia 15:26

ꠀꠞ ꠡꠦꠡ ꠖꠥꠡꠝꠘ ꠝꠃꠔꠞꠦꠅ ꠔꠣꠁꠘ ꠛꠤꠘꠣꠡ ꠇꠞꠛꠣ।

Injil 7: 1-Korintia 4:5

ꠄꠞꠟꠣꠉꠤ ꠡꠑꠤꠇ ꠡꠝꠄꠅꠞ ꠀꠉ ꠙꠞ꠆ꠎꠘ꠆ꠔ, ꠝꠣꠘꠤ ꠝꠣꠟꠤꠇ ꠁꠍꠣ ꠢꠤꠞꠛꠣꠞ ꠘꠣ ꠀꠅꠀ ꠙꠞ꠆ꠎꠘ꠆ꠔ ꠔꠥꠝꠞꠣ ꠇꠥꠘꠥ ꠛꠤꠌꠣꠞ ꠇꠞꠤꠅ ꠘꠣ। ꠀꠘ꠆ꠖꠣꠁꠞꠅ ꠎꠦꠔꠣ ꠟꠥꠇꠣꠁꠟ ꠀꠍꠦ, ꠔꠣꠁꠘ ꠀꠁꠀ ꠁꠔꠣꠞꠦ ꠚꠞꠅ ꠀꠘꠛꠣ ꠀꠞ ꠝꠣꠘꠡꠞ ꠖꠤꠟꠞ ꠉꠥꠙꠘ ꠘꠤꠅꠔ ꠅꠇꠟ ꠎꠣꠁꠞ ꠇꠞꠛꠣ। ꠢꠃ ꠡꠝꠄ ꠀꠟ꠆ꠟꠣꠞ ꠉꠦꠍ ꠕꠣꠇꠤ ꠢꠇꠟꠦ ꠎꠣꠞꠎꠤꠞ ꠙꠣꠅꠘꠣ ꠔꠣꠞꠤꠚ ꠙꠣꠁꠛꠣ।

Injil 8: 2-Korintia 5:4

ꠅꠃ ꠒꠦꠞꠣ-ꠊꠞꠅ ꠞꠁꠀ ꠜꠣꠞ-ꠛꠥꠏꠣ ꠛꠁꠔꠦ ꠛꠁꠔꠦ ꠀꠝꠞꠣ ꠀꠢꠣꠎꠣꠞꠤ ꠇꠞꠤꠀꠞ। ꠄꠞꠛꠣꠖꠦꠅ ꠀꠝꠞꠣ ꠞꠇ꠆ꠔ-ꠝꠣꠋꠡꠞ ꠁ ꠒꠦꠞꠣ-ꠊꠞ ꠍꠣꠠꠔꠣꠝ ꠌꠣꠁ ꠘꠣ, ꠔꠣ-ꠅ ꠜꠣꠟꠣ ꠊꠞꠞ ꠟꠣꠉꠤ ꠛꠣꠞ ꠌꠣꠁꠞꠣꠝ, ꠎꠣꠔꠦ ꠅꠈꠘꠇꠥꠞ ꠅꠃ ꠝꠃꠔꠞ ꠅꠗꠤꠘ ꠒꠦꠞꠣ-ꠊꠞ ꠚꠣꠟꠣꠁꠀ, ꠌꠤꠞꠇꠣꠟ ꠎꠤꠘ꠆ꠖꠣ ꠕꠣꠇꠣꠞ ꠎꠥꠇꠣ ꠊꠞ ꠙꠣꠁ।

Injil 9: Galatia 5:4

ꠔꠥꠝꠞꠣ ꠎꠣꠞꠣ ꠡꠞꠤꠅꠔ ꠀꠝꠟ ꠇꠞꠤꠀ ꠖꠤꠘꠖꠣꠞ ꠛꠘꠔꠣꠄ ꠌꠣꠁꠞꠣꠄ, ꠔꠥꠝꠞꠣ ꠔ ꠀꠟ-ꠝꠍꠤꠞ ꠉꠦꠍ ꠕꠘꠦ ꠀꠟꠉ ꠅꠁꠉꠦꠍ, ꠀꠟ꠆ꠟꠣꠞ ꠞꠢꠝꠔ ꠕꠘꠦ ꠢꠞꠤꠉꠦꠍ।

Injil 10: Ifisia 1:18

ꠀꠝꠤ ꠀꠞꠅ ꠝꠥꠘꠣꠎꠣꠔ ꠇꠞꠤꠀꠞ, ꠀꠙꠘꠣꠞꠣꠞ ꠖꠤꠟꠞ ꠌꠃꠈ ꠈꠥꠟꠤ ꠎꠣꠃꠇ, ꠔꠦꠃ ꠀꠟ꠆ꠟꠣꠁ ꠖꠣꠅꠔ ꠙꠣꠁꠀ ꠀꠙꠘꠣꠞꠣꠞ ꠖꠤꠟꠞ ꠝꠣꠎꠦ ꠎꠦ ꠄꠡꠇꠤ ꠙꠄꠖꠣ ꠅꠁꠍꠦ ꠅꠔꠣ ꠀꠞꠅ ꠜꠣꠟꠣꠝꠘ꠆ꠔꠦ ꠛꠥꠎꠛꠣ। ꠄꠞꠟꠉꠦ ꠄꠅꠈꠣꠘꠅ ꠛꠥꠎꠔꠣ ꠙꠣꠞꠛꠣ, ꠀꠟ꠆ꠟꠣꠞ ꠖꠞꠛꠣꠞꠅ ꠔꠣꠘ ꠙꠣꠇ ꠛꠘ꠆ꠖꠣ ꠅꠇꠟ ꠇꠔ ꠛꠠ ꠡꠝ꠆ꠙꠔ꠆ꠔꠤ।

Injil 10: Ifisia 1:9

ꠔꠣꠁꠘ ꠀꠉꠦ ꠕꠣꠇꠤ ꠎꠦꠟꠣꠈꠣꠘ ꠈꠤꠀꠟ ꠇꠞꠍꠟꠣ, ꠀꠟ-ꠝꠍꠤꠞ ꠝꠣꠎꠖꠤ ꠎꠦꠔꠣ ꠇꠞꠣꠞ ꠘꠤꠅꠔ ꠇꠞꠍꠤꠟꠣ, ꠅꠃ ꠈꠤꠀꠟ-ꠈꠥꠡꠤꠞ ꠢꠇ꠆ꠇꠟ ꠛꠣꠔꠥꠘꠤ ꠛꠦꠙꠣꠞ ꠔꠣꠁꠘ ꠀꠝꠞꠣꠞꠦ ꠎꠣꠘꠣꠁꠍꠂꠘ।

ইঞ্জিল ১৪: ২-থিষল: 2:8

ꠔꠣꠁꠘ ꠢꠞꠤ ꠉꠦꠟꠦ ꠢꠃ ꠘꠣꠚꠞꠝꠣꠘ ꠈꠣꠘꠦ-ꠖꠞ꠆ꠎꠣꠟ ꠛꠣꠞ ꠅꠁꠛ। ꠢꠎꠞꠔ ꠁꠍꠣꠄ ꠝꠥꠈꠖꠤ ꠚꠥ ꠖꠤꠀ ꠔꠣꠞꠦ ꠛꠤꠘꠣꠡ ꠇꠞꠛꠣ, ꠀꠞ ꠔꠣꠘ ꠇꠥꠖꠞꠔꠤ ꠝꠢꠤꠝꠣꠄ ꠀꠎꠤꠞ ꠅꠁꠀ ꠔꠣꠞ ꠛꠟ-ꠡꠇ꠆ꠔꠤꠞꠦ ꠈꠔꠝ ꠇꠞꠛꠣ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:1

ꠀꠝꠤ ꠙꠣꠃꠟꠥꠍ ꠔ ꠀꠟ꠆ꠟꠣ ꠙꠣꠇꠞ ꠝꠞ꠆ꠎꠤꠄ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠍꠣꠢꠣꠛꠤ। ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠀꠟ꠆ꠟꠣꠞ ꠅꠀꠖꠣ ꠇꠞꠣ ꠀꠈꠦꠞꠤ ꠎꠤꠘ꠆ꠖꠦꠉꠤꠞ ꠇꠕꠣ ꠔꠛꠟꠤꠉꠞ ꠟꠣꠉꠤ ꠍꠣꠢꠣꠛꠤ ꠙꠖ ꠙꠣꠁꠍꠤ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:8

ꠄꠞꠟꠣꠉꠤ ꠀꠝꠞꠣꠞ ꠝꠣꠟꠤꠇ ꠁꠍꠣꠞ ꠛꠦꠙꠣꠞꠦ ꠡꠣꠇ꠆ꠇꠤ ꠖꠤꠔꠦ ꠡꠞꠝꠣꠁꠅ ꠘꠣ, ꠀꠞ ꠔꠣꠘ ꠘꠣꠝꠞ ꠟꠣꠉꠤ ꠀꠝꠤ ꠎꠦꠘ ꠎꠦꠟꠅ ꠛꠘ꠆ꠖꠤ ꠀꠍꠤ, ꠀꠝꠣꠞꠦ ꠟꠁꠀꠅ ꠡꠞꠝꠣꠁꠅ ꠘꠣ। ꠛꠞꠋ ꠀꠟ꠆ꠟꠣꠞ ꠖꠦꠅꠀ ꠛꠟꠦ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠇꠣꠝꠅ ꠀꠝꠣꠞ ꠟꠉꠦ ꠞꠁꠀ ꠖꠥꠈ-ꠇꠡ꠆ꠐ ꠡꠁꠎ꠆ꠎ ꠇꠞꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:1

ꠀꠝꠤ ꠀꠟ꠆ꠟꠣ ꠙꠣꠇꠞꠦ ꠡꠣꠇ꠆ꠇꠤ ꠞꠣꠈꠤꠀ, ꠀꠞ ꠎꠦꠁꠘ ꠔꠣꠝꠣꠝ ꠎꠤꠘ꠆ꠖꠣ-ꠝꠥꠞ꠆ꠖꠣꠞ ꠛꠤꠌꠣꠞ ꠇꠞꠛꠣ, ꠢꠃ ꠁꠍꠣ ꠀꠟ-ꠝꠍꠤꠞꠦ ꠡꠣꠇ꠆ꠇꠤ ꠞꠣꠈꠤꠀ, ꠖꠥꠘꠤꠀꠔ ꠔꠣꠘ ꠖꠥꠍꠞꠣꠛꠣꠞꠞ ꠔꠡꠞꠤꠚ ꠀꠘꠣ ꠀꠞ ꠔꠣꠘ ꠛꠣꠖꠡꠣꠁꠞ ꠖꠥꠀꠁ ꠖꠤꠀ ꠔꠥꠝꠣꠞꠦ ꠅꠃ ꠇꠠꠣ ꠢꠥꠇꠥꠝ ꠖꠤꠀꠞ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:8

ꠔꠦ ꠀꠝꠣꠞ ꠙꠞꠦꠎꠉꠣꠞꠤꠞ ꠙꠥꠞꠥꠡ꠆ꠇꠣꠞ ꠔ ꠎꠝꠣ ꠀꠍꠦ, ꠢꠃ ꠢꠇ-ꠁꠘꠍꠣꠚꠇꠣꠞꠤ ꠝꠣꠟꠤꠇꠦ ꠞꠥꠎ ꠢꠣꠡꠞꠞ ꠖꠤꠘ ꠀꠝꠣꠞꠦ ꠎꠄꠅꠞ ꠝꠣꠟꠣ ꠙꠥꠞꠥꠡ꠆ꠇꠣꠞ ꠖꠤꠛꠣ। ꠁꠔꠣ ꠈꠣꠟꠤ ꠀꠝꠣꠞꠦ ꠘꠣꠄ, ꠎꠔ ꠝꠣꠘꠥꠡ ꠀꠡꠤꠇ ꠅꠁꠀ ꠔꠣꠘ ꠟꠣꠉꠤ ꠛꠣꠞ ꠌꠣꠁꠞꠣ, ꠔꠣꠞꠣ ꠢꠇꠟꠞꠦꠃ ꠖꠤꠛꠣ।

Injil 17: Titas 2:11

ꠎꠣꠘ ꠔ, ꠀꠟ꠆ꠟꠣꠞ ꠎꠦ ꠞꠢꠝꠔꠞ ꠃꠍꠤꠟ꠆ꠟꠣꠄ ꠢꠇꠟꠞ ꠘꠣꠎꠣꠔ ꠝꠤꠟꠦ, ꠁꠔꠣ ꠅꠈꠘ ꠖꠥꠘꠤꠀꠔ ꠎꠣꠁꠞ ꠅꠁꠉꠦꠍꠦ।

Injil 17: Titas 2:13

ꠄꠞꠟꠉꠦ ꠀꠝꠞꠣꠞ ꠖꠤꠟꠞ ꠙꠞꠝ ꠀꠡꠣ ꠙꠥꠞꠘꠞ ꠟꠣꠉꠤ ꠛꠣꠞ ꠌꠣꠁ, ꠀꠟ꠆ꠟꠣꠔꠣꠟꠣ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠡꠣꠘ-ꠝꠢꠤꠝꠣ ꠎꠣꠁꠞ ꠅꠀꠞ ꠈꠥꠡꠤ-ꠛꠣꠡꠤ ꠙꠥꠞꠘꠞ ꠟꠣꠉꠤ ꠛꠣꠞ ꠌꠣꠁ।

Injil 17: Titas 3:4

ꠅꠁꠟꠦ ꠀꠝꠞꠣꠞ ꠔꠞꠣꠘꠦꠀꠟꠣ ꠀꠟ꠆ꠟꠣꠞ ꠞꠢꠝꠔ ꠀꠞ ꠝꠢꠛ꠆ꠛꠔ ꠎꠦꠛꠟꠣ ꠎꠣꠁꠞ ꠅꠁꠟ,

Injil 19: Ibrani 10:32

ꠔꠥꠝꠞꠣ ꠢꠃ ꠖꠤꠘꠞ ꠇꠕꠣ ꠁꠀꠖ ꠇꠞꠅ, ꠎꠦꠛꠟꠣ ꠁꠍꠣꠞ ꠔꠞꠤꠇꠣꠞ ꠘꠥꠞꠞ ꠙꠕ ꠙꠣꠁꠀ ꠢꠣꠞꠤ, ꠛꠃꠔ ꠘꠝꠥꠘꠣꠞ ꠎꠥꠟꠥꠝ-ꠝꠍꠤꠛꠔꠞ ꠝꠣꠎꠦꠅ ꠝꠎꠛꠥꠔ ꠞꠁꠍꠟꠣꠄ।

ꠁꠘ꠆ꠎꠤꠟ ২২: ২-ꠙꠤꠔꠞ 1:1

ꠀꠝꠤ ꠍꠣꠁꠝꠘ-ꠙꠤꠔꠞ, ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠄꠇꠎꠘ ꠉꠥꠟꠣꠝ ꠀꠞ ꠍꠣꠢꠣꠛꠤ। ꠔꠥꠝꠞꠣ ꠎꠦꠞꠣ ꠀꠝꠞꠣꠞ ꠟꠣꠈꠣꠘ, ꠀꠝꠞꠣꠞ ꠀꠟ꠆ꠟꠣ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠙꠣꠇ-ꠙꠞꠦꠎꠉꠣꠞꠤꠄ ꠄꠇꠁ ꠟꠣꠈꠣꠘ ꠝꠢꠣ ꠖꠣꠝꠤ ꠁꠝꠣꠘ ꠢꠣꠍꠤꠟ ꠇꠞꠍ, ꠀꠝꠤ ꠔꠥꠝꠞꠣꠞ ꠉꠦꠍꠦ ꠟꠦꠈꠞꠣꠝ।

ꠁꠘ꠆ꠎꠤꠟ ২২: ২-ꠙꠤꠔꠞ 1:11

ꠀꠞ ꠀꠝꠞꠣꠞ ꠝꠣꠟꠤꠇ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠢꠣꠝꠦꠡꠣꠇꠥꠞ ꠛꠣꠖꠡꠣꠁꠔ ꠔꠥꠝꠞꠣꠞꠦ ꠀꠖꠞ ꠇꠞꠤ ꠢꠣꠞꠣꠁꠟ ꠅꠁꠛ।

ꠁꠘ꠆ꠎꠤꠟ ২২: ২-ꠙꠤꠔꠞ 1:3

ꠎꠦꠁꠘ ꠔꠣꠘ ꠘꠤꠎꠞ ꠝꠢꠤꠝꠣ ꠀꠞ ꠉꠥꠘꠦ ꠀꠝꠞꠣꠞꠦ ꠖꠣꠅꠔ ꠖꠤꠍꠂꠘ, ꠔꠣꠘꠞꠦ ꠙꠥꠞꠣꠙꠥꠞ ꠌꠤꠘꠣꠞ ꠝꠣꠎꠖꠤ ꠔꠣꠘ ꠇꠥꠖꠞꠔꠦ ꠀꠝꠞꠣ ꠅꠟꠣ ꠘꠤꠀꠝꠔ ꠙꠣꠁꠍꠤ, ꠎꠣꠔꠦ ꠀꠝꠞꠣ ꠙꠞꠦꠎꠉꠣꠞ ꠛꠘꠤꠀ ꠎꠤꠘ꠆ꠖꠦꠉꠤ ꠇꠣꠐꠣꠁ।

ꠁꠘ꠆ꠎꠤꠟ ২২: ২-ꠙꠤꠔꠞ 2:20

ꠔꠦ ꠀꠝꠞꠣꠞ ꠝꠣꠟꠤꠇ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞꠦ ꠌꠤꠘꠤꠀ ꠢꠣꠞꠤ ꠎꠉꠔꠞ ꠈꠣꠞꠣꠙꠤ ꠕꠣꠇꠤ ꠢꠞꠤꠀ ꠀꠁꠀꠅ, ꠇꠦꠃ ꠎꠥꠖꠤ ꠢꠤꠞꠛꠣꠞ ꠉꠤꠀ ꠅꠃ ꠈꠣꠞꠣꠙꠤꠞ ꠎꠣꠟꠅ ꠀꠐꠇꠣꠄ, ꠔꠦ ꠔꠣꠞꠣꠞ ꠙꠄꠟꠣ ꠖꠡꠣ ꠕꠣꠇꠤ ꠢꠦꠡ ꠖꠡꠣ ꠀꠞꠅ ꠝꠘ꠆ꠖ।

ꠁꠘ꠆ꠎꠤꠟ ২২: ২-ꠙꠤꠔꠞ 3:18

ꠔꠥꠝꠞꠣ ꠀꠝꠞꠣꠞ ꠝꠣꠟꠤꠇ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠞꠢꠝꠔꠦ ꠀꠞ ꠔꠣꠘꠞꠦ ꠌꠤꠘꠣꠞ ꠔꠣꠇ꠆ꠇꠔꠦ ꠛꠣꠠꠤꠀ ꠃꠑꠅ। ꠅꠈꠘ ꠀꠞ ꠢꠞ-ꠢꠣꠝꠦꠡꠣ ꠔꠣꠘ ꠝꠢꠤꠝꠣ ꠎꠣꠞꠤ ꠞꠃꠇ। ꠀꠝꠤꠘ॥

ꠁꠘ꠆ꠎꠤꠟ ২২: ২-ꠙꠤꠔꠞ 3:2

ꠀꠝꠤ ꠌꠣꠁꠞꠣꠝ, ꠙꠛꠤꠔ꠆ꠞ ꠘꠛꠤ ꠅꠇꠟꠦ ꠀꠉꠦ ꠎꠔꠔꠣ ꠛꠣꠔꠣꠁꠍꠂꠘ, ꠀꠞ ꠀꠝꠞꠣꠞ ꠔꠞꠣꠘꠦꠀꠟꠣ ꠝꠣꠟꠤꠇꠦ ꠔꠥꠝꠞꠣꠞ ꠉꠦꠍꠞ ꠍꠣꠢꠣꠛꠤ ꠅꠇꠟꠞ ꠝꠣꠎꠖꠤ ꠎꠦ ꠢꠥꠇꠥꠝ ꠖꠤꠍꠂꠘ, ꠅꠔꠣ ꠝꠘꠅ ꠞꠣꠈꠅ।

Injil 23: 1-Hannan 1:2

ꠅꠃ ꠎꠤꠘ꠆ꠖꠦꠉꠤ ꠔ ꠁ ꠖꠥꠘꠤꠀꠔ ꠎꠣꠁꠞ ꠅꠁꠍꠟꠣ, ꠀꠝꠞꠣꠞ ꠘꠤꠎꠞ ꠌꠃꠈꠦ ꠁ ꠎꠤꠘ꠆ꠖꠦꠉꠤꠞꠦ ꠖꠦꠈꠍꠤ, ꠖꠦꠈꠤꠀ ꠢꠣꠞꠤ ꠔꠣꠘ ꠛꠦꠙꠣꠞꠦ ꠡꠣꠇ꠆ꠇꠤ ꠖꠤꠞꠣꠝ। ꠛꠦꠢꠦꠡ꠆ꠔꠤ ꠛꠣꠚ ꠀꠟ꠆ꠟꠣ ꠙꠣꠇꠞ ꠉꠦꠍꠦ ꠎꠦꠁꠘ ꠀꠍꠟꠣ ꠀꠞ ꠀꠝꠞꠣꠞ ꠝꠣꠎꠦ ꠎꠣꠁꠞ ꠅꠁꠍꠟꠣ, ꠀꠈꠦꠞꠤ ꠅꠃ ꠎꠤꠘ꠆ꠖꠦꠉꠣꠘꠤꠞ ꠇꠕꠣꠃ ꠔꠥꠝꠞꠣꠞꠦ ꠎꠣꠘꠣꠁꠞꠣꠝ।

Injil 23: 1-Hannan 4:14

ꠀꠝꠞꠣ ꠘꠤꠎꠦ ꠖꠦꠈꠍꠤ, ꠖꠦꠈꠤꠀ ꠢꠣꠞꠤ ꠅꠃ ꠡꠣꠇ꠆ꠇꠤ ꠖꠤꠞꠣꠝ, ꠎꠉꠔꠞ ꠔꠞꠣꠘꠦꠀꠟꠣ ꠇꠣꠘ꠆ꠒꠣꠞꠤ ꠢꠤꠡꠣꠛꠦ, ꠉꠣꠁꠛꠤ ꠛꠣꠚꠦ ꠔꠣꠘ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣꠞꠦ ꠛꠦꠎꠤꠍꠂꠘ।

Injil 27: Zaira Kalam 18:1

ꠁꠔꠣꠞ ꠛꠣꠖꠦ ꠀꠝꠤ ꠀꠞꠇ ꠎꠘ ꠚꠤꠞꠤꠡ꠆ꠔꠣꠞꠦ ꠖꠦꠈꠟꠣꠝ, ꠔꠣꠁꠘ ꠛꠦꠢꠦꠡ꠆ꠔ ꠕꠣꠇꠤ ꠟꠣꠝꠤꠀ ꠀꠁꠞꠣ। ꠔꠣꠘ ꠛꠃꠔ ꠛꠠ ꠈꠦꠝꠔꠣ ꠀꠍꠦ, ꠔꠣꠘ ꠝꠢꠤꠝꠣꠞ ꠛꠟꠦ ꠀꠡ꠆ꠔꠣ ꠖꠥꠘꠤꠀꠄ ꠏꠟꠝꠟ ꠇꠞꠟ।

Injil 27: Zaira Kalam 2:7

“ꠎꠣꠞ ꠇꠣꠘ ꠀꠍꠦ ꠢꠦ ꠢꠥꠘꠃꠇ, ꠙꠣꠇ ꠞꠥꠢꠦ ꠎꠝꠣꠔ ꠅꠇꠟꠞꠦ ꠇꠤꠔꠣ ꠛꠣꠔꠣꠁꠞꠣ। ꠎꠦ ꠎꠘ ꠎꠄꠁ ꠅꠁꠛ ꠔꠣꠞꠦ ꠀꠝꠤ ꠀꠟ꠆ꠟꠣ ꠙꠣꠇꠞ ꠎꠣꠘ꠆ꠘꠣꠔꠥꠟ-ꠚꠦꠞꠖꠃꠍꠞ ꠎꠤꠘ꠆ꠖꠦꠉꠤ-ꠉꠣꠍꠞ ꠚꠟ ꠈꠣꠁꠔꠦ ꠖꠤꠝꠥ।

Injil 27: Zaira Kalam 20:14

ꠢꠦꠡꠦ ꠝꠃꠔ ꠀꠞ ꠇꠄꠛꠞꠞꠦꠅ ꠀꠉꠥꠘꠤꠞ ꠉꠣꠔꠅ ꠚꠣꠟꠣꠁꠟ ꠅꠁꠟ। ꠅꠃ ꠀꠉꠥꠘꠤꠞ ꠉꠣꠔꠅ ꠙꠠꠣꠃ ꠅꠁꠟ ꠖꠥꠍꠞꠣꠛꠣꠞ ꠝꠃꠔ ꠝꠣꠘꠤ, ꠀꠈꠦꠞꠤ ꠝꠃꠔ।

Injil 27: Zaira Kalam 22:14

“ꠔꠣꠞꠣꠃ ꠘꠦꠇ-ꠇꠙꠣꠟꠤ, ꠎꠦꠞꠣ ꠘꠤꠎꠞ ꠇꠣꠙꠠ-ꠌꠥꠙꠠ ꠗꠁꠀ ꠙꠞꠤꠡ꠆ꠇꠣꠞ ꠇꠞꠦ, ꠎꠣꠔꠦ ꠎꠤꠘ꠆ꠖꠦꠉꠤ-ꠉꠣꠍꠞ ꠚꠟ ꠈꠣꠅꠀꠞ ꠅꠗꠤꠇꠣꠞ ꠙꠣꠄ, ꠀꠞ ꠉꠦꠁꠐꠦꠖꠤ ꠉꠤꠀ ꠙꠛꠤꠔ꠆ꠞ ꠐꠣꠃꠘꠅ ꠢꠣꠝꠣꠄ।

Injil 27: Zaira Kalam 22:17

ꠙꠣꠇ ꠞꠥꠢꠦ ꠀꠞ ꠇꠁꠘꠣꠄ ꠇꠁꠞꠣ, “ꠀꠅ।” ꠀꠞ ꠎꠦ ꠎꠘꠦ ꠅꠃ ꠇꠕꠣ ꠢꠥꠘꠦꠞ, ꠢꠦ-ꠅ ꠇꠃꠇ, “ꠀꠅ।” ꠙꠣꠘꠤꠞ ꠙꠤꠀꠍꠦ ꠎꠣꠞꠦ ꠗꠞꠍꠦ, ꠢꠦ ꠀꠃꠇ। ꠎꠦ ꠎꠘꠦ ꠙꠣꠘꠤ ꠈꠣꠁꠔ ꠌꠣꠄ, ꠢꠦ ꠛꠤꠘꠣ ꠙꠄꠡꠣꠄ ꠎꠤꠘ꠆ꠖꠦꠉꠤ-ꠙꠣꠘꠤ ꠈꠣꠃꠇ।