ইঞ্জিল ১৪: ২-থিষল: 3:3 - Siloṭi Asmani Kitab (Nagri lipi)

³ ꠅꠁꠟꠦ ꠝꠣꠟꠤꠇ ꠁꠍꠣ ꠔ ꠢꠇ ꠀꠞ ꠈꠣꠐꠤ, ꠔꠣꠁꠘꠃ ꠔꠥꠝꠞꠣꠞꠦ ꠁꠝꠣꠘꠦ ꠕꠤꠞ ꠞꠣꠈꠛꠣ ꠀꠞ ꠡꠄꠔꠣꠘꠞ ꠀꠔ ꠕꠣꠇꠤ ꠢꠣꠝꠦꠡꠣ ꠢꠦꠚꠣꠎꠔ ꠇꠞꠛꠣ।

ছিলটি আছমানি কিতাব (বাংলা লিপি)

³ অইলে মালিক ইছা তো হক আর খাটি, তাইনউ তুমরারে ইমানে থির রাখবা আর শয়তানর আত থাকি হামেশা হেফাজত করবা।

Siloṭi Asmani Kitab (Latin lipi)

³ Oile Malik Isa to hok ar ḳaṭi, tain-u tumrare imane tir raḳba ar Shoytanor at taki hamesha hefazot ḳorba.

ইঞ্জিল ১৪: ২-থিষল: 3:3 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 48:16

ꠢꠃ ꠚꠤꠞꠤꠡ꠆ꠔꠣ, ꠎꠦꠁꠘ ꠀꠝꠣꠞꠦ ꠢꠇꠟ ꠝꠍꠤꠛꠔ ꠕꠣꠇꠤ ꠛꠣꠌꠣꠁꠍꠂꠘ, ꠔꠣꠁꠘꠃ ꠅꠃ ꠖꠥꠁꠅ ꠙꠥꠀꠞꠦ ꠛꠞꠇꠔ ꠘꠣꠎꠤꠟ ꠇꠞꠃꠇ꠆ꠇꠣ। ꠄꠞꠣꠞꠦ ꠖꠤꠀꠃ ꠁꠛ꠆ꠞꠣꠢꠤꠝ ꠀꠞ ꠁꠍꠢꠣꠇ ꠀꠞ ꠀꠝꠣꠞ ꠘꠣꠝ ꠎꠤꠘ꠆ꠖꠣ ꠕꠣꠇꠃꠇ। ꠖꠥꠘꠤꠀꠁꠞ ꠝꠣꠎꠦ ꠔꠣꠞꠣꠞ ꠛꠃꠔ ꠉꠥꠡ꠆ꠐꠤ ꠅꠃꠇ।”

ꠎꠛꠥꠞ ꠡꠞꠤꠚ 121:7

ꠢꠇ꠆ꠇꠟ ꠘꠝꠥꠘꠣꠞ ꠛꠤꠙꠖ ꠕꠣꠇꠤ ꠝꠣꠛꠥꠖꠦꠃ ꠛꠣꠌꠣꠁꠛꠣ, ꠔꠣꠁꠘꠃ ꠔꠥꠝꠣꠞ ꠎꠣꠘꠞ ꠢꠦꠚꠣꠎꠔ ꠇꠞꠛꠣ।

ꠎꠛꠥꠞ ꠡꠞꠤꠚ 19:13

ꠝꠘꠞ ꠉꠞꠤꠝꠣꠄ ꠇꠞꠣ ꠉꠥꠘꠣ ꠕꠣꠇꠤ ꠛꠣꠌꠣꠅ ꠀꠝꠣꠞꠦ, ꠁꠔꠣꠄ ꠎꠣꠘꠥ ꠇꠛꠎꠣ ꠇꠞꠔ ꠘꠣ ꠙꠣꠞꠦ ꠝꠞꠦ। ꠔꠦꠃꠉꠤ ꠀꠝꠤ ꠘꠦꠇꠇꠣꠞ ꠛꠘ꠆ꠖꠣ ꠛꠘꠤꠔꠣꠝ ꠙꠣꠞꠝꠥ, ꠛꠠ ꠛꠠ ꠉꠥꠘꠣ ꠕꠣꠇꠤ ꠝꠞ ꠎꠣꠘ ꠛꠣꠌꠣꠁꠝꠥ।

ꠁꠘ꠆ꠎꠤꠟ ১: ꠝꠕꠤ 5:37

ꠔꠥꠝꠞꠣꠞ ꠝꠣꠔꠞ ꠅꠄ ꠈꠣꠘ ꠅꠄ, ꠀꠞ ꠘꠣ ꠈꠣꠘ ꠘꠣ ꠅꠃꠇ। ꠢꠥꠘꠅ, ꠁꠔꠣꠞ ꠛꠣꠞꠦ ꠀꠞ ꠎꠔꠔꠣꠃ ꠅꠄ, ꠁꠔꠣ ꠁꠛꠟꠤꠍ ꠕꠣꠇꠤ ꠅꠄ।

ꠁꠘ꠆ꠎꠤꠟ ১: ꠝꠕꠤ 6:13

ꠚꠣꠟꠣꠁꠅ ꠘꠣ ꠀꠝꠞꠣꠞꠦ ꠙꠞꠤꠇ꠆ꠇꠣꠔ, ꠡꠄꠔꠣꠘꠞ ꠇꠛꠎꠣ ꠕꠣꠇꠤ ꠇꠞꠅ ꠈꠣꠟꠣꠍ॥

Injil 3: Luk 11:4

ꠛꠣꠛꠣ, ꠀꠝꠞꠣꠞ ꠔꠣꠝꠣꠝ ꠉꠥꠘꠣꠞꠦ ꠝꠣꠚ ꠇꠞꠤꠀ ꠖꠤꠟꠣꠅ, ꠎꠦꠟꠣ ꠀꠝꠞꠣꠅ ꠝꠣꠚꠤ ꠖꠤꠟꠣꠁꠍꠤ ꠀꠝꠞꠣꠞ ꠅꠙꠞꠣꠗꠤ ꠅꠇꠟꠞꠦ; ꠀꠞ ꠙꠞꠤꠇ꠆ꠇꠣ ꠕꠣꠇꠤ ꠢꠦꠚꠣꠎꠔ ꠇꠞꠅ ꠀꠝꠞꠣꠞꠦ।”

Injil 4: Hannan 17:15

ꠀꠝꠤ ꠔꠥꠝꠣꠞ ꠉꠦꠍꠦ ꠀꠛꠖꠣꠞ ꠇꠞꠞꠣꠝ ꠘꠣ, ꠔꠥꠝꠤ ꠔꠣꠞꠣꠞꠦ ꠖꠥꠘꠤꠀ ꠕꠣꠇꠤ ꠘꠤꠔꠣꠄꠉꠤ, ꠛꠞꠋ ꠅꠃ ꠀꠛꠖꠣꠞ ꠇꠞꠞꠣꠝ, ꠔꠥꠝꠤ ꠔꠣꠞꠣꠞꠦ ꠁꠛꠟꠤꠍꠞ ꠀꠔ ꠕꠣꠇꠤ ꠢꠦꠚꠣꠎꠔ ꠇꠞꠅ।

Injil 7: 1-Korintia 1:9

ꠀꠟ꠆ꠟꠣ ꠙꠣꠇ ꠔ ꠢꠇ ꠀꠞ ꠈꠣꠐꠤ, ꠔꠣꠁꠘ ꠎꠦꠟꠣ ꠇꠂꠘ ꠅꠟꠣ ꠅꠄ। ꠔꠣꠁꠘ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ, ꠔꠥꠝꠞꠣ ꠎꠣꠘꠥ ꠔꠣꠘ ꠈꠣꠍ ꠝꠣꠄꠀꠞ ꠎꠘ ꠁꠍꠣ ꠁꠛꠘꠥꠟ꠆ꠟꠣꠞ ꠟꠉꠦ ꠈꠣꠔꠤꠞ-ꠡꠝ꠆ꠙꠞ꠆ꠇ ꠞꠣꠈꠅ, ꠄꠁꠘꠃ ꠀꠟ-ꠝꠍꠤ, ꠀꠝꠞꠣꠞ ꠝꠣꠟꠤꠇ।

Injil 7: 1-Korintia 10:13

ꠝꠣꠘꠡꠞ ꠎꠤꠘ꠆ꠖꠦꠉꠤꠔ ꠎꠦꠟꠣꠈꠣꠘ ꠙꠞꠤꠇ꠆ꠇꠣ ꠀꠄ, ꠅꠔꠣꠞ ꠛꠣꠁꠞꠣ ꠘꠄꠀ ꠇꠥꠘꠥ ꠙꠞꠤꠇ꠆ꠇꠣ ꠔ ꠔꠥꠝꠞꠣꠞ ꠃꠙꠞꠦ ꠅꠞ ꠘꠣ। ꠀꠟ꠆ꠟꠣ ꠙꠣꠇ ꠔ ꠢꠇ-ꠢꠣꠟꠣꠟ, ꠔꠣꠁꠘ ꠔꠥꠝꠞꠣꠞꠦ ꠡꠁꠎ꠆ꠎꠞ ꠅꠔꠤꠞꠤꠇ꠆ꠔ ꠇꠥꠘꠥ ꠙꠞꠤꠇ꠆ꠇꠣꠔ ꠚꠣꠟꠣꠁꠔꠣ ꠘꠣꠄ, ꠛꠞꠋ ꠙꠞꠤꠇ꠆ꠇꠣ ꠕꠣꠇꠤ ꠛꠣꠌꠤꠛꠣꠞ ꠙꠕꠅ ꠛꠣꠔꠣꠁ ꠖꠤꠛꠣ, ꠎꠣꠔꠦ ꠔꠥꠝꠞꠣ ꠁꠔꠣ ꠡꠁꠎ꠆ꠎ ꠇꠞꠔꠣꠄ ꠙꠣꠞ।

ইঞ্জিল ১৩: ১-থিষল: 5:24

ꠀꠞ ꠔꠣꠁꠘ ꠘꠤꠌ꠆ꠌꠤꠔ ꠅꠟꠣꠃ ꠇꠞꠛꠣ। ꠎꠣꠘ ꠔ, ꠎꠦꠁꠘ ꠔꠥꠝꠞꠣꠞꠦ ꠖꠣꠅꠔ ꠇꠞꠤ ꠀꠘꠍꠂꠘ, ꠔꠣꠘ ꠃꠙꠞꠦ ꠙꠥꠞꠣꠙꠥꠞ ꠜꠞꠡꠣ ꠇꠞꠣ ꠎꠣꠄ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:18

ꠅꠃ ꠝꠣꠟꠤꠇ ꠁꠍꠣꠄ ꠢꠇꠟ ꠘꠝꠥꠘꠣꠞ ꠛꠖ ꠇꠣꠝ ꠕꠣꠇꠤꠅ ꠀꠝꠣꠞꠦ ꠢꠦꠚꠣꠎꠔꠦ ꠞꠣꠈꠛꠣ ꠀꠞ ꠍꠢꠤ-ꠍꠣꠟꠣꠝꠔꠦ ꠛꠦꠢꠦꠡ꠆ꠔꠤ ꠛꠣꠖꠡꠣꠁꠔ ꠙꠣꠞ ꠇꠞꠛꠣ। ꠎꠥꠉꠦ ꠎꠥꠉꠦ ꠌꠤꠞꠇꠣꠟ ꠔꠣꠘ ꠔꠣꠞꠤꠚ ꠅꠃꠇ। ꠀꠝꠤꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 5:10

ꠞꠢꠝꠣꠘꠥꠞ ꠞꠢꠤꠝ ꠀꠟ꠆ꠟꠣ ꠙꠣꠇꠦ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ ꠀꠟ-ꠝꠍꠤꠞ ꠟꠉꠦ ꠅꠁꠀ ꠔꠣꠘ ꠌꠤꠞꠡ꠆ꠕꠣꠄꠁ ꠝꠢꠤꠝꠣꠞ ꠜꠣꠉꠤ ꠅꠀꠞ ꠟꠣꠉꠤ। ꠕꠥꠠꠣ ꠇꠄꠖꠤꠘ ꠖꠥꠈ-ꠇꠡ꠆ꠐ ꠇꠞꠤꠀ ꠢꠣꠞꠟꠦ, ꠔꠣꠁꠘ ꠘꠤꠎꠦꠃ ꠔꠥꠝꠞꠣꠞꠦ ꠑꠤꠇ-ꠑꠣꠇ ꠇꠞꠛꠣ ꠀꠞ ꠕꠤꠞ ꠞꠣꠈꠛꠣ, ꠔꠥꠝꠞꠣꠞꠦ ꠛꠟꠛꠣꠘ ꠇꠞꠤꠀ ꠝꠎꠛꠥꠔ ꠈꠥꠐꠤꠞ ꠃꠙꠞꠦ ꠈꠣꠠꠣ ꠇꠞꠣꠁꠛꠣ।

ꠁꠘ꠆ꠎꠤꠟ ২২: ২-ꠙꠤꠔꠞ 2:9

ꠅꠔꠣ ꠕꠣꠇꠤ ꠖꠦꠈꠣ ꠎꠣꠞ, ꠀꠟ꠆ꠟꠣꠄ ꠔ ꠙꠞꠦꠎꠉꠣꠞ ꠝꠣꠘꠡꠞꠦ ꠙꠞꠤꠇ꠆ꠇꠣꠞ ꠝꠣꠎ ꠕꠣꠇꠤꠅ ꠛꠣꠌꠣꠁꠔꠣ ꠙꠣꠞꠂꠘ। ꠅꠁꠟꠦ ꠎꠦꠞꠣ ꠛꠦ-ꠖꠤꠘꠤ ꠇꠣꠝ ꠇꠞꠦ, ꠈꠣꠍ ꠇꠞꠤ ꠎꠦꠞꠣ ꠈꠛꠤꠍꠤ ꠇꠞꠦ, ꠇꠥꠘꠥ ꠡꠣꠡꠘ ꠝꠣꠘꠦ ꠘꠣ, ꠔꠣꠞꠣꠞꠦ ꠡꠣꠎꠣ ꠖꠦꠅꠀꠐꠣ ꠇꠤꠀꠝꠔ ꠙꠞ꠆ꠎꠘ꠆ꠔ ꠞꠣꠈꠔꠣꠅ ꠙꠣꠞꠂꠘ। ꠁ ꠜꠘ꠆ꠒ ꠃꠡ꠆ꠔꠣꠖ ꠅꠇꠟ ꠈꠥꠛ ꠛꠖ-ꠡꠣꠅꠡꠤ। ꠔꠣꠞꠣ ꠘꠤꠎꠞ ꠁꠌ꠆ꠍꠣꠝꠔ ꠌꠟꠦ ꠀꠞ ꠛꠣꠔꠥꠘꠤ ꠡꠞ꠆ꠖꠣꠞ ꠅꠇꠟꠞ ꠛꠖꠘꠣꠝ ꠉꠣꠁꠔꠦ ꠒꠞꠣꠄ ꠘꠣ।

Injil 26: Ehuda 1:24

ꠀꠞ ꠎꠦ ꠀꠟ꠆ꠟꠣꠄ ꠔꠥꠝꠞꠣꠞꠦ ꠃꠡ꠆ꠐꠣ ꠈꠣꠅꠀ ꠕꠣꠇꠤ ꠛꠣꠌꠣꠁꠘ, ꠎꠦꠁꠘ ꠘꠤꠈꠥꠔ ꠢꠣꠟꠔꠦ ꠔꠥꠝꠞꠣꠞꠦ ꠈꠥꠡꠤ-ꠛꠣꠡꠤꠄ ꠔꠣꠘ ꠡꠣꠘ-ꠔꠎꠟ꠆ꠟꠤꠞ ꠍꠣꠝꠘꠦ ꠀꠎꠤꠞ ꠇꠞꠔꠣ ꠙꠣꠞꠂꠘ,