ইঞ্জিল ১৪: ২-থিষল: 2:3 - Siloṭi Asmani Kitab (Nagri lipi)

³ ꠇꠦꠃ ꠎꠣꠘꠥ ꠇꠥꠘꠥꠝꠘ꠆ꠔꠦꠃ ꠔꠥꠝꠞꠣꠞꠦ ꠐꠉꠤꠀ ꠁꠝꠣꠘ ꠟꠥꠐꠤꠔ ꠘꠣ ꠙꠣꠞꠦ। ꠇꠣꠞꠘ ꠢꠃ ꠖꠤꠘ ꠀꠅꠀꠞ ꠀꠉꠦ ꠛꠦꠡꠤꠞ ꠜꠣꠉ ꠝꠣꠘꠥꠡ ꠀꠟ꠆ꠟꠣ ꠙꠣꠇꠞ ꠛꠤꠞꠥꠖ꠆ꠖꠦ ꠎꠣꠁꠛ, ꠔꠣꠞꠣ ꠀꠟ꠆ꠟꠣꠞ ꠉꠦꠍ ꠕꠣꠇꠤ ꠖꠥꠞꠁ ꠢꠞꠤꠎꠤꠛ, ꠀꠞ ꠖꠥꠎꠈꠤ ꠎꠘ, ꠢꠃ ꠘꠣꠚꠞꠝꠣꠘ ꠈꠣꠘꠦ-ꠖꠞ꠆ꠎꠣꠟ ꠛꠣꠞ ꠅꠁꠛ।

ছিলটি আছমানি কিতাব (বাংলা লিপি)

³ কেউ যানু কুনুমন্তেউ তুমরারে ঠগিয়া ইমান লুটিতো না পারে। কারন হউ দিন আওয়ার আগে বেশির ভাগ মানুষ আল্লা পাকর বিরুদ্ধে যাইবো, তারা আল্লার গেছ থাকি দুরই হরিযিবো, আর দোজখি জন, হউ নাফরমান খানে-দর্জাল বার অইবো।

Siloṭi Asmani Kitab (Latin lipi)

³ Ḳeu zanu kunumonte-u tumrare ṭogia iman luṭito na fare. Ḳaron hou din aoar age beshir bag manush Alla Pakor birudde zaibo, tara Allar ges taki duroi horizibo, ar duzoki zon, hou naforman Kane-Dorjal bar oibo.

ইঞ্জিল ১৪: ২-থিষল: 2:3 Iomraidhean Croise

Injil 4: Hannan 17:12

ꠀꠝꠤ ꠎꠔꠖꠤꠘ ꠔꠣꠞꠣꠞ ꠟꠉꠦ ꠀꠍꠟꠣꠝ, ꠅꠔꠖꠤꠘ ꠔꠥꠝꠣꠞ ꠖꠦꠅꠀ ꠅꠃ ꠘꠣꠝꠞ ꠉꠥꠘꠦ ꠔꠣꠞꠣꠞꠦ ꠛꠣꠌꠣꠁꠍꠤ। ꠔꠣꠞꠣꠞꠦ ꠙꠣꠞꠣ ꠖꠤꠀ ꠞꠣꠈꠍꠤ, ꠔꠣꠞꠣ ꠇꠦꠃ ꠛꠤꠘꠣꠡ ꠅꠁꠍꠦ ꠘꠣ। ꠈꠣꠟꠤ ꠎꠣꠞ ꠛꠤꠘꠣꠡ ꠅꠀꠞ ꠇꠕꠣ, ꠢꠦ-ꠃ ꠛꠤꠘꠣꠡ ꠅꠁꠍꠦ, ꠎꠣꠔꠦ ꠀꠟ꠆ꠟꠣꠞ ꠇꠣꠟꠣꠝꠞ ꠇꠕꠣ ꠚꠟꠦ।

Injil 7: 1-Korintia 6:9

ꠀꠍꠟꠦ ꠔꠥꠝꠞꠣ ꠎꠣꠘ ꠘꠣ ꠘꠤ, ꠀꠟ꠆ꠟꠣꠞ ꠛꠣꠖꠡꠣꠁꠔ ꠘꠣꠚꠞꠝꠣꠘ ꠈꠛꠤꠍ ꠅꠇꠟꠞ ꠇꠥꠘꠥ ꠑꠣꠁ ꠘꠣꠁ। ꠔꠦ ꠔꠥꠝꠞꠣꠞ ꠜꠥꠟ ꠌꠤꠘ꠆ꠔꠣ ꠖꠥꠞ ꠅꠃꠇ, ꠎꠦꠔꠣ ꠝꠣꠘꠡꠞ ꠡ꠆ꠛꠜꠣꠛ ꠈꠣꠞꠣꠙ, ꠎꠦꠔꠣꠄ ꠎꠤꠘꠣ ꠇꠞꠂꠘ, ꠝꠥꠞ꠆ꠔꠤꠙꠥꠎꠣ ꠇꠞꠂꠘ, ꠉꠣꠐꠥꠀ ꠘꠣꠌꠣꠁꠘ, ꠡꠝꠇꠣꠝꠤ,

Injil 10: Ifisia 5:6

ꠢꠥꠡꠤꠀꠞ ꠞꠁꠅ, ꠝꠤꠍꠣ ꠝꠣꠔ ꠝꠣꠔꠤꠀ ꠇꠦꠃ ꠎꠣꠘꠥ ꠔꠥꠝꠞꠣꠞꠦ ꠛꠦ-ꠙꠕꠦ ꠘꠣ ꠘꠦꠄ, ꠀꠟ꠆ꠟꠣꠞ ꠘꠣꠚꠞꠝꠣꠘ ꠛꠘꠤꠀ ꠎꠦꠞꠣ ꠁꠔꠣ ꠛꠖ ꠇꠣꠝ ꠇꠞꠦ, ꠔꠣꠞꠣꠞ ꠃꠙꠞꠦ ꠀꠟ꠆ꠟꠣꠞ ꠉꠎꠛ ꠟꠣꠝꠦ।

Injil 23: 1-Hannan 2:18

ꠛꠣꠛꠣ ꠅꠇꠟꠞꠦ, ꠇꠤꠀꠝꠔ ꠗꠣꠞꠅ ꠀꠁꠌ꠆ꠍꠦ। ꠔꠦ ꠔꠥꠝꠞꠣ ꠘꠤꠌ꠆ꠌꠄ ꠢꠥꠘꠍ, ꠈꠣꠘꠦ-ꠖꠞ꠆ꠎꠣꠟ ꠀꠅꠀꠞ ꠡꠝꠄ ꠅꠁꠉꠦꠍꠦ। ꠀꠞ ꠀꠍꠟ ꠇꠕꠣ ꠅꠁꠟ, ꠄꠞꠝꠣꠎꠦ ꠛꠃꠔ ꠖꠞ꠆ꠎꠣꠟ ꠀꠁꠀ ꠢꠣꠞꠍꠂꠘ। ꠅꠔꠣ ꠖꠦꠈꠤꠀ ꠀꠝꠞꠣ ꠛꠥꠎꠤꠀꠞ, ꠢꠣꠍꠣꠃ ꠇꠤꠀꠝꠔ ꠗꠣꠞꠅ ꠀꠁꠌ꠆ꠍꠦ।

Injil 23: 1-Hannan 4:3

ꠅꠁꠟꠦ ꠎꠦ ꠞꠥꠢꠦ ꠅꠃ ꠁꠍꠣꠞꠦ ꠡ꠆ꠛꠤꠇꠣꠞ ꠇꠞꠦ ꠘꠣ, ꠁ ꠞꠥꠢꠥ ꠀꠟ꠆ꠟꠣꠞ ꠉꠦꠍ ꠕꠣꠇꠤ ꠀꠁꠍꠦ ꠘꠣ। ꠁꠔꠣ ꠅꠁꠟ ꠈꠣꠘꠦ-ꠖꠞ꠆ꠎꠣꠟꠞ ꠞꠥꠢꠥ, ꠅꠃ ꠖꠞ꠆ꠎꠣꠟꠞ ꠞꠥꠢꠥ ꠀꠁꠛꠣꠞ ꠇꠕꠣ ꠔꠥꠝꠞꠣ ꠀꠉꠦ ꠢꠥꠘꠍ, ꠀꠞ ꠅꠈꠘꠅ ꠢꠦ ꠅꠃ ꠎꠉꠔꠅ ꠀꠍꠦ।

Injil 27: Zaira Kalam 17:11

ꠢꠃ ꠎꠦ ꠎꠣꠘꠥꠀꠞ ꠀꠉꠦ ꠀꠍꠤꠟ ꠅꠈꠘ ꠘꠣꠁ, ꠢꠦ ꠡꠣꠔꠎꠘꠞ ꠝꠣꠎꠞ ꠄꠇꠎꠘ ꠅꠁꠟꠦꠅ, ꠢꠦ ꠀꠍꠟꠦ ꠀꠐ ꠘꠝ꠆ꠛꠞ ꠞꠣꠎꠣ। ꠛꠣꠖꠦ ꠢꠦ ꠢꠞ-ꠢꠣꠝꠦꠡꠣ ꠌꠤꠞꠇꠣꠟ ꠡꠣꠎꠣ ꠙꠣꠁꠛ।

Injil 27: Zaira Kalam 17:8

ꠔꠥꠝꠤ ꠎꠦ ꠎꠣꠘꠥꠀꠞ ꠖꠦꠈꠍꠤꠟꠣꠄ, ꠁꠉꠥ ꠀꠉꠦ ꠀꠍꠤꠟ, ꠅꠈꠘ ꠘꠣꠁ, ꠛꠣꠖꠦ ꠢꠦ ꠢꠣꠛꠤꠀ ꠖꠥꠎꠈ ꠕꠣꠇꠤ ꠃꠑꠤꠀ ꠀꠁꠀ ꠌꠤꠞꠇꠣꠟꠞ ꠟꠣꠉꠤ ꠡꠣꠎꠣ ꠙꠣꠁꠛ। ꠢꠃ ꠎꠦꠞꠣ ꠅꠃ ꠎꠉꠔꠞ ꠝꠣꠘꠥꠡ, ꠎꠦꠔꠣꠞ ꠘꠣꠝ ꠖꠥꠘꠤꠀꠞ ꠙꠄꠟꠣ ꠕꠣꠇꠤꠃ ꠀꠟ꠆ꠟꠣꠞ ꠎꠤꠘ꠆ꠖꠦꠉꠤ ꠈꠣꠔꠣꠔ ꠟꠦꠈꠣ ꠘꠣꠁ, ꠔꠣꠞꠣ ꠅꠃ ꠎꠣꠘꠥꠀꠞꠞꠦ ꠖꠦꠈꠤꠀ ꠔꠣꠁꠎ꠆ꠎꠥꠛ ꠅꠁꠎꠤꠛꠣ, ꠇꠣꠞꠘ ꠁꠉꠥ ꠀꠉꠦ ꠀꠍꠤꠟ, ꠅꠈꠘ ꠘꠣꠁ, ꠅꠕꠌ ꠢꠤꠞꠛꠣꠞ ꠖꠦꠈꠣ ꠖꠤꠛ।