ইঞ্জিল ১৪: ২-থিষল: 1:9 - Siloṭi Asmani Kitab (Nagri lipi)

⁹ ꠝꠣꠟꠤꠇ ꠁꠍꠣꠄ ꠎꠦꠛꠟꠣ ꠔꠡꠞꠤꠚ ꠀꠘꠛꠣ, ꠅꠃ ꠡꠝꠄ ꠔꠣꠞꠣꠞꠦ ꠅꠝꠘ ꠡꠣꠎꠣ ꠖꠦꠅꠀ ꠅꠁꠛ, ꠎꠣꠔꠦ ꠔꠣꠞꠣ ꠔꠣꠘ ꠖꠤꠖꠣꠞꠞ ꠀꠞ ꠝꠢꠣ ꠇꠥꠖꠞꠔꠤꠞ ꠛꠣꠞꠦ ꠙꠠꠤꠀ ꠢꠞ-ꠢꠣꠝꠦꠡꠣ ꠟꠣꠘ꠆ꠘꠔꠤ ꠡꠣꠎꠣ ꠙꠣꠁꠛ।

ছিলটি আছমানি কিতাব (বাংলা লিপি)

⁹ মালিক ইছায় যেবলা তশরিফ আনবা, অউ সময় তারারে অমন সাজা দেওয়া অইবো, যাতে তারা তান দিদারর আর মহা কুদরতির বারে পড়িয়া হর-হামেশা লান্নতি সাজা পাইবো।

Siloṭi Asmani Kitab (Latin lipi)

⁹ Malik Isae zebla toshrif anba, ou shomoy tarare omon shaza deoa oibo, zate tara tan didaror ar moha kudrotir bare foṛia hor-hamesha lannoti shaza faibo.

ইঞ্জিল ১৪: ২-থিষল: 1:9 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 3:8

ꠢꠣꠁꠘ꠆ꠎꠣ ꠛꠣꠟꠣ ꠔꠣꠞꠣ ꠝꠣꠛꠥꠖ ꠀꠟ꠆ꠟꠣꠞ ꠀꠅꠀꠎ ꠢꠥꠘꠟꠣ, ꠔꠣꠁꠘ ꠛꠣꠉꠣꠘꠞ ꠝꠣꠎꠦ ꠙꠣꠇꠣꠘꠤꠔ ꠀꠁꠞꠣ। ꠔꠦꠃ ꠀꠖꠝ ꠀꠞ ꠔꠣꠘ ꠛꠃ ꠝꠣꠛꠥꠖ ꠀꠟ꠆ꠟꠣꠞ ꠍꠣꠝꠘꠦ ꠘꠣ ꠙꠠꠣꠞ ꠟꠣꠉꠤ ꠛꠣꠉꠣꠘꠞ ꠉꠣꠍꠞ ꠀꠅꠠꠦ ꠟꠥꠇꠣꠁꠟꠣ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 4:16

ꠄꠞꠛꠣꠖꠦ ꠇꠣꠛꠤꠟ ꠝꠣꠛꠥꠖꠞ ꠍꠣꠝꠘ ꠕꠣꠇꠤ ꠢꠞꠤꠀ ꠀꠖꠣꠘꠞ ꠙꠥꠛꠦꠖꠤ ꠘꠥꠖ [ꠝꠣꠘꠤ, ꠊꠥꠞꠣ-ꠚꠤꠞꠣ] ꠖꠦꠡꠅ ꠉꠦꠟꠉꠤ।

ꠎꠛꠥꠞ ꠡꠞꠤꠚ 16:11

ꠖꠦꠈꠣꠁꠞꠣꠄ ꠎꠤꠘ꠆ꠖꠦꠉꠤꠞ ꠙꠕ ꠀꠝꠣꠞꠦ ꠔꠥꠝꠤ, ꠔꠥꠝꠣꠞ ꠖꠤꠖꠣꠞꠞ ꠝꠣꠎꠦ ꠀꠍꠦ ꠙꠥꠞꠣꠙꠥꠞ ꠚꠥꠞ꠆ꠔꠤ, ꠔꠥꠝꠣꠞ ꠒꠣꠁꠘ ꠇꠣꠘ꠆ꠖꠣꠔ ꠀꠍꠦ ꠌꠤꠞꠇꠣꠟꠤꠘ ꠡꠥꠈ-ꠡꠣꠘ꠆ꠔꠤ॥

ꠁꠘ꠆ꠎꠤꠟ ১: ꠝꠕꠤ 16:27

ꠀꠝꠤ ꠛꠤꠘ-ꠀꠖꠝꠦ ꠎꠦꠛꠟꠣ ꠀꠝꠣꠞ ꠚꠤꠞꠤꠡ꠆ꠔꠣ ꠅꠇꠟꠞꠦ ꠟꠉꠦ ꠟꠁꠀ ꠀꠝꠣꠞ ꠉꠣꠁꠛꠤ ꠛꠣꠚꠞ ꠇꠥꠖꠞꠔꠤ ꠝꠢꠤꠝꠣꠄ ꠎꠉꠔꠅ ꠢꠤꠞꠛꠣꠞ ꠀꠁꠝꠥ, ꠅꠃ ꠡꠝꠄ ꠙꠞꠔꠦꠇ ꠝꠣꠘꠡꠞꠦ ꠔꠣꠞ ꠀꠝꠟ ꠝꠣꠚꠤꠇ ꠚꠟ ꠖꠤꠝꠥ।

ꠁꠘ꠆ꠎꠤꠟ ১: ꠝꠕꠤ 22:13

ꠔꠦꠃ ꠛꠣꠖꠡꠣꠄ ꠔꠣꠘ ꠉꠥꠟꠣꠝ ꠅꠇꠟꠞꠦ ꠢꠥꠇꠥꠝ ꠖꠤꠟꠣ, ‘ꠅꠉꠥꠞ ꠀꠔ-ꠙꠣꠅ ꠛꠣꠘ꠆ꠖꠤꠀ ꠛꠣꠞꠦ ꠘꠤꠀ ꠀꠘ꠆ꠖꠣꠁꠞ ꠉꠣꠔꠅ ꠚꠣꠟꠣꠁ ꠖꠦꠅ।’ ꠢꠘꠅ ꠝꠣꠘꠡꠦ ꠇꠣꠘ꠆ꠖꠣ-ꠇꠣꠐꠤ ꠇꠞꠛꠣ ꠀꠞ ꠎꠣꠟꠣ-ꠎꠘꠔ꠆ꠞꠘꠣꠄ ꠖꠣꠔ ꠇꠤꠠꠤꠝꠤꠠꠤ ꠈꠣꠁꠛꠣ।”

ꠁꠘ꠆ꠎꠤꠟ ১: ꠝꠕꠤ 24:30

ꠅꠃ ꠡꠝꠄ ꠀꠍꠝꠣꠘꠞ ꠝꠣꠎꠦ ꠀꠝꠤ ꠛꠤꠘ-ꠀꠖꠝꠞ ꠘꠤꠡꠣꠘꠣ ꠖꠦꠈꠣ ꠎꠣꠁꠛ। ꠖꠥꠘꠤꠀꠞ ꠢꠇꠟ ꠝꠣꠘꠡꠦ ꠀꠢꠣꠎꠣꠞꠤ ꠇꠞꠛꠣ। ꠔꠣꠞꠣ ꠖꠦꠈꠛꠣ, ꠀꠟ꠆ꠟꠣꠞ ꠇꠥꠖꠞꠔꠤ ꠡꠇ꠆ꠔꠤ ꠀꠞ ꠘꠥꠞꠞ ꠝꠢꠤꠝꠣꠄ, ‘ꠝꠦꠊꠞ ꠈꠥꠐꠤꠔ ꠅꠁꠀ ꠛꠤꠘ-ꠀꠖꠝ ꠖꠥꠘꠤꠀꠔ ꠀꠁꠞꠣ।’

ꠁꠘ꠆ꠎꠤꠟ ১: ꠝꠕꠤ 25:41

“ꠛꠣꠖꠦ ꠛꠣꠖꠡꠣꠄ ꠔꠣꠘ ꠛꠣꠃ ꠉꠣꠟꠣꠞ ꠝꠣꠘꠡꠞꠦ ꠇꠁꠛꠣ, ‘ꠅ ꠟꠣꠘ꠆ꠘꠔꠤꠞ ꠖꠟ, ꠀꠝꠣꠞ ꠍꠣꠝꠘ ꠕꠣꠇꠤ ꠜꠣꠉꠅ। ꠁꠛꠟꠤꠍ-ꠡꠄꠔꠣꠘ ꠀꠞ ꠔꠣꠞ ꠌꠣꠝꠌꠣ ꠎꠤꠘ꠆ꠘꠣꠔ ꠅꠇꠟꠞ ꠟꠣꠉꠤ ꠖꠥꠎꠈꠞ ꠎꠦ ꠀꠉꠥꠁꠘ ꠔꠤꠀꠞ ꠇꠞꠣ ꠅꠁꠍꠦ, ꠢꠘꠅ ꠎꠣꠅ।

ꠁꠘ꠆ꠎꠤꠟ ১: ꠝꠕꠤ 25:46

ꠢꠦꠡꠦ ꠁꠍꠣꠄ ꠇꠁꠟꠣ, “ꠅꠃ ꠘꠣꠚꠞꠝꠣꠘ ꠅꠇꠟꠦ ꠀꠈꠦꠞꠣꠔꠅ ꠌꠤꠞꠇꠣꠟ ꠡꠣꠎꠣ ꠙꠣꠁꠛꠣ, ꠅꠁꠟꠦ ꠀꠟ꠆ꠟꠣꠅꠀꠟꠣ ꠝꠣꠘꠡꠦ ꠀꠈꠦꠞꠤ ꠎꠤꠘ꠆ꠖꠦꠉꠤ ꠙꠣꠁꠛꠣ।”

ꠁꠘ꠆ꠎꠤꠟ ১: ꠝꠕꠤ 26:24

ꠀꠝꠤ ꠛꠤꠘ-ꠀꠖꠝꠞ ꠝꠃꠔꠞ ꠛꠦꠙꠣꠞꠦ ꠀꠍꠝꠣꠘꠤ ꠇꠤꠔꠣꠛꠅ ꠎꠦꠟꠣ ꠟꠦꠈꠣ ꠀꠍꠦ, ꠀꠝꠣꠞ ꠝꠃꠔ ꠔ ꠅꠃꠟꠣꠃ ꠅꠁꠛ। ꠅꠁꠟꠦ ꠀꠚꠍꠥꠍ ꠢꠃ ꠎꠘꠞ ꠟꠣꠉꠤ, ꠎꠦꠉꠤꠄ ꠀꠝꠣꠞꠦ ꠗꠞꠣꠁꠀ ꠖꠤꠛ। ꠖꠥꠘꠤꠀꠔ ꠔꠣꠞ ꠎꠘꠝ ꠘꠣ ꠅꠀꠃ, ꠔꠣꠞ ꠟꠣꠉꠤ ꠛꠃꠔ ꠜꠣꠟꠣ ꠀꠍꠤꠟ।”

ꠁꠘ꠆ꠎꠤꠟ ১: ꠝꠕꠤ 7:23

ꠅꠁꠟꠦ ꠀꠝꠤ ꠔꠣꠞꠣꠞꠦ ꠎꠥꠀꠙ ꠖꠤꠝꠥ, ‘ꠗꠥꠞ, ꠁꠛꠟꠤꠍꠞ ꠖꠟ! ꠀꠝꠤ ꠔ ꠔꠥꠝꠞꠣꠞꠦ ꠌꠤꠘꠤꠃ ꠘꠣ, ꠀꠝꠣꠞ ꠉꠦꠍ ꠕꠣꠇꠤ ꠜꠣꠉꠅ।’

Injil 3: Luk 13:27

ꠅꠁꠟꠦ ꠔꠣꠁꠘ ꠇꠁꠛꠣ, ‘ꠢꠣꠄꠞꠦ ꠘꠣꠚꠞꠝꠣꠘ ꠅꠇꠟ, ꠀꠝꠣꠞ ꠉꠦꠍ ꠕꠣꠇꠤ ꠜꠣꠉꠅ। ꠔꠥꠝꠞꠣ ꠇꠥꠀꠁ ꠕꠣꠇꠤ ꠀꠁꠍ, ꠀꠝꠤ ꠔ ꠌꠤꠘꠤꠃ ꠘꠣ।’

Injil 4: Hannan 5:14

ꠛꠣꠖꠦ ꠁꠍꠣꠄ ꠅꠃ ꠛꠦꠐꠣꠞꠦ ꠛꠣꠄꠔꠥꠟ-ꠝꠥꠇꠣꠖ꠆ꠖꠍꠅ ꠙꠣꠁꠀ ꠇꠁꠟꠣ, “ꠢꠥꠘꠅ, ꠔꠥꠝꠤ ꠔ ꠛꠦꠝꠣꠞ ꠕꠣꠇꠤ ꠜꠣꠟꠣ ꠅꠁꠉꠦꠍ। ꠔꠦ ꠀꠞ ꠇꠥꠘꠥ ꠉꠥꠘꠣ ꠇꠞꠤꠅ ꠘꠣ, ꠎꠣꠔꠦ ꠔꠥꠝꠣꠞ ꠡꠞ꠆ꠛꠘꠣꠡ ꠘꠣ ꠅꠄ।”

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 33:2

ꠔꠡꠞꠤꠚ ꠀꠘꠟꠣ ꠝꠣꠛꠥꠖ ꠀꠟ꠆ꠟꠣꠄ ꠔꠥꠞ ꠙꠣꠠ ꠕꠣꠇꠤ, ꠀꠝꠞꠣ ꠢꠇꠟꠦ ꠖꠦꠈꠣ ꠙꠣꠁꠟꠣꠝ ꠘꠥꠞꠦ ꠄꠟꠣꠢꠤ। ꠍꠦꠁꠞ ꠀꠞ ꠚꠣꠞꠣꠘ ꠙꠣꠠ ꠕꠣꠇꠤ ꠖꠦꠈꠣꠁꠘ ꠘꠥꠞꠞ ꠔꠦꠎ, ꠟꠣꠈꠅ ꠟꠣꠈꠅ ꠚꠤꠞꠤꠡ꠆ꠔꠣ ꠇꠤꠛꠣ ꠀꠞꠅ ꠛꠦꠡ। ꠖꠤꠖꠣꠞ ꠖꠤꠟꠣ ꠝꠣꠛꠥꠖꠦ ꠄꠞꠣꠞ ꠝꠣꠎ ꠕꠘꠦ, ꠒꠣꠁꠘ ꠀꠔꠅ ꠜꠞꠣ ꠀꠍꠤꠟ ꠘꠥꠞꠞ ꠀꠉꠥꠁꠘꠦ।

Injil 11: Filifia 3:19

ꠔꠣꠞꠣꠞ ꠇꠙꠣꠟꠅ ꠀꠍꠦ ꠛꠤꠘꠣꠡ। ꠔꠣꠞꠣꠞ ꠙꠦꠐꠃ ꠔꠣꠞꠣꠞ ꠀꠟ꠆ꠟꠣ। ꠘꠣꠚꠞꠝꠣꠘꠤ ꠇꠣꠝ ꠟꠁꠀ ꠔꠣꠞꠣ ꠛꠠꠣꠁ ꠇꠞꠦ, ꠈꠣꠟꠤ ꠖꠥꠘꠤꠀꠞ ꠗꠣꠘ꠆ꠖꠣꠄ ꠙꠣꠉꠟ।

ইঞ্জিল ১৩: ১-থিষল: 5:3

ꠁ ꠎꠉꠔꠞ ꠝꠣꠘꠡꠦ ꠎꠦꠛꠟꠣ ꠇꠁꠛꠣ, “ꠢꠇꠟꠔꠣ ꠡꠣꠘ꠆ꠔꠤ ꠅꠁꠉꠦꠍꠦ, ꠇꠥꠘꠥ ꠒꠞ-ꠜꠄ ꠘꠣꠁ,” ꠅꠃ ꠡꠝꠄ, ꠛꠦꠐꠤꠘ꠆ꠔꠞ ꠢꠥꠞꠥꠔ꠆ꠔꠣ ꠅꠀꠞ ꠛꠦꠖꠘꠣ ꠎꠦꠟꠣ ꠀꠈꠔꠣꠃ ꠗꠞꠦ, ꠅꠃꠟꠣ ꠅꠔꠣ ꠝꠣꠘꠡꠞ ꠡꠞ꠆ꠛꠘꠣꠡ ꠀꠈꠔꠣꠃ ꠅꠁꠛ। ꠔꠣꠞꠣ ꠇꠥꠘꠥꠝꠘ꠆ꠔꠦꠃ ꠞꠦꠢꠣꠁ ꠙꠣꠁꠔ ꠘꠣꠄ।

ইঞ্জিল ১৪: ২-থিষল: 2:8

ꠔꠣꠁꠘ ꠢꠞꠤ ꠉꠦꠟꠦ ꠢꠃ ꠘꠣꠚꠞꠝꠣꠘ ꠈꠣꠘꠦ-ꠖꠞ꠆ꠎꠣꠟ ꠛꠣꠞ ꠅꠁꠛ। ꠢꠎꠞꠔ ꠁꠍꠣꠄ ꠝꠥꠈꠖꠤ ꠚꠥ ꠖꠤꠀ ꠔꠣꠞꠦ ꠛꠤꠘꠣꠡ ꠇꠞꠛꠣ, ꠀꠞ ꠔꠣꠘ ꠇꠥꠖꠞꠔꠤ ꠝꠢꠤꠝꠣꠄ ꠀꠎꠤꠞ ꠅꠁꠀ ꠔꠣꠞ ꠛꠟ-ꠡꠇ꠆ꠔꠤꠞꠦ ꠈꠔꠝ ꠇꠞꠛꠣ।

Injil 17: Titas 2:13

ꠄꠞꠟꠉꠦ ꠀꠝꠞꠣꠞ ꠖꠤꠟꠞ ꠙꠞꠝ ꠀꠡꠣ ꠙꠥꠞꠘꠞ ꠟꠣꠉꠤ ꠛꠣꠞ ꠌꠣꠁ, ꠀꠟ꠆ꠟꠣꠔꠣꠟꠣ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠡꠣꠘ-ꠝꠢꠤꠝꠣ ꠎꠣꠁꠞ ꠅꠀꠞ ꠈꠥꠡꠤ-ꠛꠣꠡꠤ ꠙꠥꠞꠘꠞ ꠟꠣꠉꠤ ꠛꠣꠞ ꠌꠣꠁ।

Injil 19: Ibrani 10:29

ꠔꠦ ꠌꠤꠘ꠆ꠔꠣ ꠇꠞꠤ ꠖꠦꠈꠃꠇ꠆ꠇꠣ, ꠎꠦ ꠎꠘꠦ ꠀꠟ꠆ꠟꠣꠞ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣꠞꠦ ꠊꠤꠘ ꠇꠞꠦ, ꠢꠦ ꠀꠞꠅ ꠇꠔ ꠛꠠ ꠀꠎꠣꠛꠞ ꠜꠣꠉꠤ ꠅꠁꠍꠦ! ꠎꠦ ꠟꠃꠞ ꠃꠍꠤꠟ꠆ꠟꠣꠄ ꠢꠦ ꠙꠣꠇ-ꠍꠣꠚ ꠅꠁꠍꠦ, ꠀꠟ꠆ꠟꠣꠁ ꠢꠃ ꠃꠍꠤꠟ꠆ꠟꠣꠞ ꠟꠃꠞꠦ ꠢꠦ ꠄꠟꠣꠝꠤ ꠇꠞꠍꠦ, ꠀꠞ ꠎꠦ ꠙꠣꠇ ꠞꠥꠢꠦ ꠞꠢꠝꠔ ꠛꠈꠡꠤꠀ ꠖꠦꠁꠘ, ꠢꠃ ꠞꠥꠢꠥꠞꠦꠅ ꠛꠦꠁꠎ꠆ꠎꠔ ꠇꠞꠍꠦ।

ꠁꠘ꠆ꠎꠤꠟ ২২: ২-ꠙꠤꠔꠞ 2:17

ꠁꠔꠣ ꠝꠣꠘꠥꠡ ꠔ ꠙꠣꠘꠤꠞ ꠢꠥꠇꠘꠣ ꠇꠥꠀꠞ ꠟꠣꠈꠣꠘ ꠀꠞ ꠛꠣꠔꠣꠡꠞ ꠇꠥꠠꠥꠟ꠆ꠟꠣꠞ ꠟꠣꠈꠣꠘ। ꠔꠣꠞꠣꠞ ꠟꠣꠉꠤ ꠉꠁꠘ ꠀꠘ꠆ꠖꠣꠁꠞ ꠎꠝꠣ ꠞꠣꠈꠣ ꠀꠍꠦ।

ꠁꠘ꠆ꠎꠤꠟ ২২: ২-ꠙꠤꠔꠞ 3:7

ꠀꠞ ꠢꠃ ꠇꠣꠟꠣꠝꠞ ꠛꠟꠦ, ꠅꠈꠘꠇꠥꠞ ꠀꠍꠝꠣꠘ-ꠎꠝꠤꠘꠞꠦ ꠀꠉꠥꠁꠘꠖꠤ ꠎꠣꠟꠣꠁꠛꠣꠞ ꠟꠣꠉꠤ ꠞꠣꠈꠣ ꠅꠞ। ꠀꠈꠦꠞꠤ ꠛꠤꠌꠣꠞ ꠖꠤꠘ ꠙꠞ꠆ꠎꠘ꠆ꠔ ꠁꠔꠣꠞꠦ ꠅꠟꠣ ꠞꠇ꠆ꠇꠣ ꠇꠞꠣ ꠅꠞ, ꠢꠃ ꠖꠤꠘ ꠛꠦ-ꠖꠤꠘ ꠅꠇꠟꠞ ꠡꠞ꠆ꠛꠘꠣꠡ ꠅꠁꠛ।

Injil 26: Ehuda 1:13

ꠀꠞ ꠔꠣꠞꠣ ꠅꠁꠟꠣ ꠔꠥꠚꠣꠘꠞ ꠇꠣꠟꠞ ꠖꠞꠤꠀꠞ ꠓꠦꠃꠞ ꠟꠣꠈꠣꠘ, ꠖꠞꠤꠀꠞ ꠓꠦꠃꠄ ꠎꠦꠟꠣ ꠚꠦꠘꠣꠞꠦ ꠜꠣꠡꠣꠁꠀ ꠔꠥꠟꠦ, ꠔꠣꠞꠣꠞ ꠛꠖ ꠇꠣꠝꠞ ꠡꠞꠝꠅ ꠅꠟꠣ ꠜꠣꠡꠤꠀ ꠃꠑꠦ। ꠔꠣꠞꠣ ꠅꠁꠟꠣ ꠌꠣꠁꠞꠅꠛꠣꠄ ꠌꠇ꠆ꠇꠞ ꠖꠦꠅꠞꠣ ꠔꠦꠞꠣꠞ ꠟꠣꠈꠣꠘ, ꠁꠔꠣꠞ ꠢꠦꠡ ꠖꠡꠣ ꠅꠁꠟ ꠢꠞ-ꠢꠣꠝꠦꠡꠣꠇꠥꠞ ꠟꠣꠉꠤ ꠎꠝꠣ ꠞꠣꠈꠣ ꠉꠁꠘ ꠀꠘ꠆ꠖꠣꠁꠞ।

Injil 27: Zaira Kalam 20:11

ꠛꠣꠖꠦ ꠀꠝꠤ ꠖꠦꠈꠟꠣꠝ, ꠛꠠ ꠄꠇꠈꠣꠘ ꠗꠟꠣ ꠔꠈ꠆ꠔ, ꠅꠃ ꠔꠈ꠆ꠔꠅ ꠄꠇꠎꠘ ꠛꠅꠀꠔ ꠀꠍꠂꠘ। ꠔꠣꠘ ꠍꠣꠝꠘꠣ ꠕꠣꠇꠤ ꠀꠍꠝꠣꠘ ꠀꠞ ꠖꠥꠘꠤꠀ ꠜꠣꠉꠤ ꠉꠦꠟ, ꠇꠥꠘꠥꠈꠣꠘꠅ ꠄꠞꠣꠞ ꠎꠣꠉꠣ ꠞꠁꠟ ꠘꠣ।

Injil 27: Zaira Kalam 20:14

ꠢꠦꠡꠦ ꠝꠃꠔ ꠀꠞ ꠇꠄꠛꠞꠞꠦꠅ ꠀꠉꠥꠘꠤꠞ ꠉꠣꠔꠅ ꠚꠣꠟꠣꠁꠟ ꠅꠁꠟ। ꠅꠃ ꠀꠉꠥꠘꠤꠞ ꠉꠣꠔꠅ ꠙꠠꠣꠃ ꠅꠁꠟ ꠖꠥꠍꠞꠣꠛꠣꠞ ꠝꠃꠔ ꠝꠣꠘꠤ, ꠀꠈꠦꠞꠤ ꠝꠃꠔ।

Injil 27: Zaira Kalam 21:8

ꠅꠁꠟꠦ ꠇꠣ-ꠙꠥꠞꠥꠡ, ꠛꠦꠁꠝꠣꠘ, ꠢꠣꠞꠣꠝꠈꠥꠞ, ꠈꠥꠘꠤ, ꠎꠤꠘꠣꠇꠥꠞ, ꠎꠣꠖꠥꠉꠤꠞ, ꠝꠥꠞ꠆ꠔꠤꠙꠥꠎꠣ ꠇꠞꠞꠣ, ꠀꠞ ꠢꠇꠟ ꠘꠝꠥꠘꠣꠞ ꠝꠤꠍꠣ ꠝꠣꠔꠞꠣ ꠅꠇꠟ ꠎꠣꠟꠣꠁꠟ ꠀꠉꠥꠁꠘ ꠀꠞ ꠉꠘ꠆ꠖꠇꠞ ꠉꠣꠔꠅ ꠞꠁꠛꠣ। ꠄꠞ ꠘꠣꠝꠃ ꠅꠁꠟ ꠖꠥꠍꠞꠣꠛꠣꠞꠞ ꠝꠃꠔ।”

Injil 27: Zaira Kalam 22:15

ꠇꠥꠇꠞꠞ ꠟꠣꠈꠣꠘ ꠎꠊꠁꠘ꠆ꠘ ꠝꠣꠘꠥꠡ, ꠎꠣꠖꠥꠉꠤꠞ, ꠎꠤꠘꠣꠇꠥꠞ, ꠈꠥꠘꠤ, ꠝꠥꠞ꠆ꠔꠤꠙꠥꠎꠣ ꠇꠞꠞꠣ, ꠀꠞ ꠎꠦꠔꠣꠄ ꠝꠤꠍꠣ ꠝꠣꠔ ꠙꠍꠘ꠆ꠖ ꠇꠞꠦ, ꠝꠤꠍꠣꠞ ꠝꠣꠎꠦ ꠌꠟꠦ, ꠁꠔꠣ ꠢꠇ꠆ꠇꠟꠐꠤ ꠛꠣꠞꠦ ꠙꠠꠤ ꠞꠁꠍꠦ।