ইঞ্জিল ১৪: ২-থিষল: 1:6 - Siloṭi Asmani Kitab (Nagri lipi)

⁶ ꠔꠣꠘ ꠢꠇ-ꠁꠘꠍꠣꠚ ꠅꠁꠟ, ꠎꠦꠔꠣꠄ ꠔꠥꠝꠞꠣꠞꠦ ꠇꠡ꠆ꠐ ꠖꠦꠁꠘ, ꠔꠣꠁꠘ ꠁꠔꠣꠞꠦ ꠇꠡ꠆ꠐ ꠖꠤꠛꠣ।

ছিলটি আছমানি কিতাব (বাংলা লিপি)

⁶ তান হক-ইনছাফ অইলো, যেতায় তুমরারে কষ্ট দেইন, তাইন ইতারে কষ্ট দিবা।

Siloṭi Asmani Kitab (Latin lipi)

⁶ tan hok-insaf oilo, zetae tumrare ḳoshṭo dein, tain itare ḳoshṭo diba.

ইঞ্জিল ১৪: ২-থিষল: 1:6 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 23:22

ꠅꠁꠟꠦ ꠔꠥꠝꠞꠣ ꠎꠥꠖꠤ ꠄꠘ ꠢꠥꠇꠥꠝ ꠝꠣꠘꠅ, ꠀꠞ ꠀꠝꠤ ꠎꠦꠟꠣ ꠇꠁꠍꠤ ꠅꠃꠟꠣ ꠌꠟꠅ, ꠔꠣꠁꠟꠦ ꠔꠥꠝꠞꠣꠞ ꠖꠥꠡꠝꠘꠞ ꠟꠉꠦ ꠀꠝꠤ ꠖꠥꠡꠝꠘꠤ ꠇꠞꠝꠥ, ꠎꠦꠞꠣ ꠔꠥꠝꠞꠣꠞ ꠛꠤꠞꠥꠖ꠆ꠖꠦ ꠟꠣꠉꠛ, ꠀꠝꠤ ꠔꠣꠞꠣꠞ ꠛꠤꠞꠥꠖ꠆ꠖꠦ ꠟꠣꠉꠝꠥ।

Injil 12: Kolosia 3:25

ꠀꠞ ꠎꠦ ꠎꠘꠦ ꠘꠣꠚꠞꠝꠣꠘꠤ ꠇꠞꠦ, ꠢꠦ ꠔ ꠔꠣꠞ ꠇꠣꠝꠞ ꠚꠟ ꠙꠣꠁꠛ। ꠝꠘꠅ ꠞꠣꠈꠤꠅ, ꠝꠣꠟꠤꠇꠦ ꠇꠦꠃꠞꠞ ꠝꠥꠈ ꠌꠣꠁꠀ ꠛꠤꠌꠣꠞ ꠇꠞꠂꠘ ꠘꠣ।

Injil 19: Ibrani 6:10

ꠀꠟ꠆ꠟꠣ ꠔ ꠢꠇ-ꠁꠘꠍꠣꠚꠇꠣꠞꠤ, ꠔꠥꠝꠞꠣ ꠔꠣꠘ ꠟꠣꠉꠤ ꠎꠦ ꠝꠢꠛ꠆ꠛꠔ ꠖꠦꠈꠣꠁꠞꠣꠄ, ꠔꠣꠘ ꠟꠣꠉꠤ ꠎꠦꠔꠣ ꠇꠣꠝ-ꠇꠣꠎ ꠇꠞꠞꠣꠄ, ꠔꠣꠘ ꠙꠣꠇ ꠛꠘ꠆ꠖꠣ ꠅꠇꠟꠞ ꠈꠦꠎꠝꠔ ꠇꠞꠤꠀ ꠀꠁꠞꠣꠄ, ꠁꠔꠣ ꠔ ꠔꠣꠁꠘ ꠚꠣꠃꠞꠤꠔꠣ ꠘꠣꠄ।

Injil 27: Zaira Kalam 11:18

ꠢꠇ꠆ꠇꠟ ꠎꠣꠔꠤꠄ ꠉꠥꠍꠣ ꠇꠞꠤꠀ ꠌꠤꠟ꠆ꠟꠣꠁꠍꠦ, ꠔꠦ ꠅꠈꠘ ꠔꠥꠝꠣꠞ ꠉꠎꠛ ꠓꠣꠟꠤꠛꠣꠞ ꠡꠝꠄ ꠅꠁꠉꠦꠍꠦ। ꠝꠥꠞ꠆ꠖꠣ ꠅꠇꠟꠞ ꠛꠤꠌꠣꠞꠞ ꠡꠝꠄ ꠀꠁꠍꠦ, ꠀꠞ ꠔꠥꠝꠣꠞ ꠀꠙꠘ ꠉꠥꠟꠣꠝ ꠘꠛꠤ ꠅꠇꠟꠞ, ꠔꠥꠝꠣꠞ ꠙꠣꠇ ꠛꠘ꠆ꠖꠣ ꠅꠇꠟꠞ, ꠢꠥꠞꠥ-ꠛꠠ ꠎꠔꠎꠘꠦ ꠔꠥꠝꠣꠞꠦ ꠒꠞꠣꠁꠘ, ꠔꠣꠞꠣꠞꠦ ꠙꠥꠞꠥꠡ꠆ꠇꠣꠞ ꠖꠤꠛꠣꠞ ꠡꠝꠄ ꠀꠁꠍꠦ। ꠀꠞ ꠎꠦꠞꠣ ꠖꠥꠘꠤꠀꠞ ꠈꠦꠔꠤ ꠇꠞꠍꠦ, ꠔꠣꠞꠣꠞꠦ ꠛꠤꠘꠣꠡ ꠇꠞꠣꠞ ꠡꠝꠄꠅ ꠀꠁꠍꠦ।”

Injil 27: Zaira Kalam 15:4

ꠅ ꠝꠣꠛꠥꠖ, ꠔꠥꠝꠣꠞꠦ ꠒꠞꠣꠁꠔ ꠘꠣꠄ ꠇꠥꠘ ꠎꠘꠦ? ꠇꠥꠘ ꠎꠘꠦ ꠔꠥꠝꠣꠞ ꠘꠣꠝꠞ ꠔꠣꠞꠤꠚ ꠇꠞꠔ ꠘꠣꠄ? ꠈꠣꠟꠤ ꠔꠥꠝꠤꠃ ꠔ ꠙꠣꠇ-ꠙꠛꠤꠔ꠆ꠞ, ꠔꠣꠝꠣꠝ ꠎꠣꠔꠤꠃ ꠀꠁꠛ ꠔꠥꠝꠣꠞ ꠖꠞꠛꠣꠞꠅ, ꠢꠇ꠆ꠇꠟꠦꠃ ꠔꠥꠝꠣꠞ ꠄꠛꠣꠖꠔ ꠇꠞꠛ, ꠔꠥꠝꠣꠞ ꠢꠇ ꠛꠤꠌꠣꠞ ꠔ ꠎꠣꠁꠞ ꠅꠁꠉꠦꠍꠦ।”

Injil 27: Zaira Kalam 18:20

ꠅꠃ ꠡꠝꠄ ꠢꠃ ꠚꠤꠞꠤꠡ꠆ꠔꠣꠄ ꠇꠁꠟꠣ, “ꠅ ꠛꠦꠢꠦꠡ꠆ꠔ, ꠔꠥꠝꠤ ꠚꠥꠞ꠆ꠔꠤ ꠇꠞꠅ, ꠅꠃ ꠐꠣꠃꠘꠞꠦ ꠛꠤꠘꠣꠡ ꠇꠞꠣꠄ ꠈꠥꠡꠤ ꠇꠞꠅ। ꠅ ꠀꠟ꠆ꠟꠣꠞ ꠙꠣꠇ ꠛꠘ꠆ꠖꠣ ꠅꠇꠟ, ꠘꠛꠤ-ꠞꠍꠥꠟ ꠅꠇꠟ ꠀꠞ ꠍꠣꠢꠣꠛꠤ ꠅꠇꠟ, ꠚꠥꠞ꠆ꠔꠤ ꠇꠞꠅ। ꠅꠉꠤꠄ ꠔꠥꠝꠞꠣꠞ ꠛꠤꠞꠥꠖ꠆ꠖꠦ ꠎꠔꠔꠣ ꠇꠞꠍꠤꠟ, ꠅꠈꠘ ꠀꠟ꠆ꠟꠣꠄ ꠔꠣꠁꠞ ꠛꠤꠌꠣꠞ ꠇꠞꠍꠂꠘ।”

Injil 27: Zaira Kalam 18:24

ꠀꠞ ꠘꠛꠤ-ꠞꠍꠥꠟ ꠅꠇꠟꠞꠦ, ꠀꠟ꠆ꠟꠣꠞ ꠙꠣꠇ ꠛꠘ꠆ꠖꠣ ꠅꠇꠟꠞꠦ, ꠀꠞ ꠎꠔ ꠝꠣꠘꠡꠞꠦ ꠁ ꠎꠉꠔꠅ ꠈꠥꠘ ꠇꠞꠣ ꠅꠁꠍꠦ, ꠔꠣꠞꠣꠞ ꠟꠃ ꠔ ꠔꠥꠝꠣꠞ ꠅꠃ ꠛꠣꠛꠤꠟ ꠐꠣꠃꠘꠅ ꠝꠤꠟꠍꠦ।”

Injil 27: Zaira Kalam 19:2

ꠔꠣꠘ ꠛꠤꠌꠣꠞ ꠔ ꠢꠇ ꠀꠞ ꠡꠑꠤꠇ। ꠎꠦ ꠐꠣꠃꠘꠦ ꠘꠤꠎꠞ ꠎꠤꠘꠣꠞ ꠇꠣꠝ ꠖꠤꠀ ꠀꠡ꠆ꠔꠣ ꠖꠥꠘꠤꠀꠞꠦ ꠘꠣꠙꠣꠇ ꠛꠣꠘꠣꠁꠍꠤꠟ, ꠢꠃ ꠝꠢꠣ-ꠛꠖꠝꠣꠁꠡꠘꠤꠞꠦ ꠀꠟ꠆ꠟꠣꠄ ꠡꠣꠎꠣ ꠖꠤꠍꠂꠘ। ꠔꠣꠘ ꠝꠣꠄꠀꠞ ꠉꠥꠟꠣꠝ ꠅꠇꠟꠞ ꠟꠃꠞ ꠛꠖꠟꠣ, ꠔꠣꠁꠘ ꠅꠉꠥꠞ ꠉꠦꠍ ꠕꠣꠇꠤ ꠟꠁꠍꠂꠘ।”

Injil 27: Zaira Kalam 6:10

ꠄꠞꠣ ꠎꠥꠞꠦ ꠎꠥꠞꠦ ꠇꠁꠟꠣ, “ꠅ ꠙꠣꠇ-ꠙꠛꠤꠔ꠆ꠞ ꠢꠇ꠆ꠇꠣꠘꠤ ꠝꠃꠟꠣ, ꠀꠝꠞꠣꠞꠦ ꠈꠥꠘ ꠇꠞꠣꠞ ꠛꠤꠌꠣꠞ ꠇꠞꠔꠦ ꠀꠞ ꠛꠖꠟꠣ ꠟꠁꠔꠦ, ꠔꠥꠝꠤ ꠖꠥꠘꠤꠀꠞ ꠝꠣꠘꠡꠞꠦ ꠀꠞ ꠇꠔꠖꠤꠘ ꠡꠝꠄ ꠖꠤꠔꠣꠄ?”