ইঞ্জিল ১৪: ২-থিষল: 1:4 - Siloṭi Asmani Kitab (Nagri lipi)

⁴ ꠀꠝꠞꠣ ꠔ ꠀꠟ꠆ꠟꠣꠞ ꠎꠝꠣꠔ ꠅꠇꠟꠞ ꠍꠣꠝꠘꠦ ꠔꠥꠝꠞꠣꠞꠦ ꠟꠁꠀ ꠛꠠꠣꠁ ꠇꠞꠤꠀꠞ, ꠇꠣꠞꠘ ꠅꠔ ꠎꠥꠟꠥꠝ-ꠝꠍꠤꠛꠔ ꠀꠞ ꠖꠥꠈ-ꠇꠡ꠆ꠐ ꠙꠣꠁꠀꠅ ꠔꠥꠝꠞꠣ ꠍꠛꠞ ꠇꠞꠍ ꠀꠞ ꠁꠝꠣꠘꠦ ꠐꠤꠇꠤꠀ ꠞꠁꠍ।

ছিলটি আছমানি কিতাব (বাংলা লিপি)

⁴ আমরা তো আল্লার জমাত অকলর ছামনে তুমরারে লইয়া বড়াই করিয়ার, কারন অতো জুলুম-মছিবত আর দুখ-কষ্ট পাইয়াও তুমরা ছবর করছো আর ইমানে টিকিয়া রইছো।

Siloṭi Asmani Kitab (Latin lipi)

⁴ Amra to Allar zomat oḳlor samne tumrare loia boṛai koriar, ḳaron oto zulum-mosibot ar duk-koshṭo faia-o tumra sobor ḳorso ar imane ṭikia roiso.

ইঞ্জিল ১৪: ২-থিষল: 1:4 Iomraidhean Croise

Injil 6: Ruman 12:12

ꠍꠣꠝꠘꠞ ꠙꠥꠞꠥꠡ꠆ꠇꠣꠞꠞ ꠀꠡꠣꠄ ꠢꠣꠝꠦꠡꠣ ꠈꠥꠡꠤ-ꠛꠣꠡꠤ ꠇꠞꠅ, ꠖꠥꠈ-ꠝꠍꠤꠛꠔꠅ ꠍꠛꠞ ꠇꠞꠅ, ꠢꠞ-ꠢꠣꠝꠦꠡꠣ ꠝꠥꠘꠣꠎꠣꠔ ꠇꠞꠣꠔ ꠞꠅ।

Injil 6: Ruman 2:7

ꠎꠦꠞꠣ ꠗꠂꠎ꠆ꠎ ꠗꠞꠤꠀ ꠘꠦꠇ ꠇꠣꠝꠞ ꠝꠣꠎꠖꠤ ꠀꠟ꠆ꠟꠣꠁ ꠔꠣꠞꠤꠚ, ꠁꠎ꠆ꠎꠔ, ꠀꠞ ꠇ꠆ꠇꠄꠢꠤꠘ ꠎꠤꠘ꠆ꠖꠦꠉꠤ ꠔꠣꠟ꠆ꠟꠣꠡ ꠇꠞꠦ, ꠀꠟ꠆ꠟꠣꠄ ꠔꠣꠞꠣꠞꠦꠃ ꠀꠈꠦꠞꠤ ꠎꠤꠘ꠆ꠖꠦꠉꠤ ꠖꠣꠘ ꠇꠞꠛꠣ।

Injil 6: Ruman 8:25

ꠅꠁꠟꠦ ꠘꠣ ꠖꠦꠈꠣ ꠎꠤꠘꠤꠡꠞꠦ ꠖꠦꠈꠣꠞ ꠟꠣꠉꠤ ꠀꠝꠞꠣ ꠗꠂꠎ꠆ꠎ ꠗꠞꠤꠀ ꠛꠣꠞ ꠌꠣꠁ।

Injil 7: 1-Korintia 7:17

ꠎꠣꠁ ꠅꠃꠇ, ꠝꠣꠟꠤꠇ ꠁꠍꠣꠄ ꠎꠣꠞꠦ ꠎꠦꠟꠣ ꠞꠣꠈꠍꠂꠘ, ꠀꠟ꠆ꠟꠣꠄ ꠎꠣꠞꠦ ꠎꠦꠟꠣ ꠖꠣꠅꠔ ꠖꠤꠍꠂꠘ, ꠢꠦ ꠅꠟꠣ ꠌꠟꠃꠇ। ꠢꠇꠟ ꠁꠍꠣꠄꠁ ꠎꠝꠣꠔꠞꠦ ꠀꠝꠤ ꠅꠃ ꠄꠇꠁ ꠢꠥꠇꠥꠝ ꠖꠤꠀꠞ।

Injil 8: 2-Korintia 12:10

ꠔꠦ ꠀꠟ-ꠝꠍꠤꠞ ꠘꠣꠝꠞ ꠟꠣꠉꠤ ꠘꠣꠘꠣꠘ ꠟꠣꠈꠣꠘ ꠇꠝꠎꠥꠞꠤ, ꠛꠦꠁꠎ꠆ꠎꠔꠤ, ꠅꠜꠣꠛ-ꠅꠘꠐꠘ, ꠎꠥꠟꠥꠝ-ꠝꠍꠤꠛꠔ, ꠀꠞ ꠛꠦꠚꠣꠘꠣꠔ ꠙꠠꠟꠦꠅ ꠀꠝꠤ ꠈꠥꠡꠤ ꠅꠁ। ꠇꠣꠞꠘ ꠇꠝꠎꠥꠞ ꠢꠣꠟꠔꠦꠃ ꠀꠝꠤ ꠛꠟꠛꠣꠘ ꠅꠁ।

Injil 8: 2-Korintia 7:14

ꠀꠍꠟꠦ ꠀꠝꠤ ꠔꠥꠝꠞꠣꠞꠦ ꠟꠁꠀ ꠔꠣꠘ ꠉꠦꠍꠦ ꠛꠠꠣꠁ ꠇꠞꠍꠟꠣꠝ, ꠄꠔꠦ ꠇꠥꠘꠥ ꠡꠞꠝꠤꠘ꠆ꠖꠣꠅ ꠅꠁꠍꠤ ꠘꠣ। ꠔꠥꠝꠞꠣꠞ ꠉꠦꠍꠦ ꠀꠝꠞꠣꠞ ꠛꠣꠔꠣꠁꠟ ꠢꠇꠟ ꠇꠕꠣ ꠎꠦꠟꠣ ꠢꠣꠍꠣ ꠀꠍꠤꠟ, ꠅꠃꠟꠣ ꠔꠥꠝꠞꠣꠞꠦ ꠟꠁꠀ ꠀꠝꠞꠣꠞ ꠛꠠꠣꠁ ꠇꠞꠣꠈꠣꠘꠅ ꠔꠣꠘ ꠉꠦꠍꠦ ꠢꠣꠍꠣ ꠙꠞꠝꠣꠘ ꠅꠁꠍꠦ।

Injil 8: 2-Korintia 7:4

ꠔꠥꠝꠞꠣꠞ ꠃꠙꠞꠦ ꠀꠝꠤ ꠈꠥꠛ ꠜꠞꠡꠣ ꠇꠞꠤ, ꠔꠥꠝꠞꠣꠞꠦ ꠟꠁꠀ ꠛꠠꠣꠁ ꠇꠞꠤ। ꠄꠞꠟꠣꠉꠤ ꠅꠔ ꠖꠥꠈ-ꠝꠍꠤꠛꠔꠞ ꠝꠣꠎꠦ ꠞꠁꠀꠅ ꠀꠝꠣꠞ ꠎꠣꠘꠅ ꠡꠣꠘ꠆ꠔꠤ ꠀꠍꠤꠟ, ꠀꠝꠣꠞ ꠝꠘ ꠈꠥꠡꠤ-ꠛꠣꠡꠤꠄ ꠜꠞꠣ।

Injil 8: 2-Korintia 9:2

ꠅꠃ ꠛꠦꠙꠣꠞꠦ ꠔꠥꠝꠞꠣꠞ ꠝꠘꠞ ꠈꠤꠀꠟ ꠔ ꠀꠝꠣꠞ ꠎꠣꠘꠣ ꠀꠍꠦ। ꠝꠣꠇꠤꠖꠘꠤꠀꠞ ꠝꠣꠘꠡꠞ ꠉꠦꠍꠦ ꠀꠝꠤ ꠔꠥꠝꠞꠣꠞ ꠡꠥꠘꠣꠝ ꠉꠣꠁꠀ ꠇꠁꠞꠣꠝ, ꠉ꠆ꠞꠤꠍ ꠖꠦꠡꠞ ꠝꠣꠘꠥꠡ ꠝꠣꠘꠤ ꠔꠥꠝꠞꠣ, ꠉꠔ ꠛꠍꠞ ꠕꠣꠇꠤꠃ ꠖꠣꠘ-ꠈꠄꠞꠣꠔ ꠟꠁꠀ ꠎꠥꠁꠔ ꠀꠍ। ꠔꠥꠝꠞꠣꠞ ꠁ ꠄꠡꠇꠤ ꠖꠦꠈꠤꠀ, ꠝꠣꠇꠤꠖꠘꠤꠀꠞ ꠛꠃꠔ ꠝꠣꠘꠥꠡ ꠢꠎꠣꠉ ꠅꠁꠍꠂꠘ।

Injil 8: 2-Korintia 9:4

ꠀꠞꠘꠣꠄ ꠀꠝꠣꠞ ꠟꠉꠦ ꠅꠁꠀ ꠝꠣꠇꠤꠖꠘꠤꠀꠞ ꠇꠥꠘꠥ ꠜꠣꠁꠀꠁꠘ ꠉꠤꠀ ꠎꠥꠖꠤ ꠖꠦꠈꠂꠘ ꠔꠥꠝꠞꠣ ꠎꠥꠁꠔ ꠘꠣꠄ, ꠔꠦ ꠔꠥꠝꠞꠣꠞ ꠃꠙꠞꠦ ꠅꠔ ꠛꠠ ꠜꠞꠡꠣ ꠇꠞꠣꠄ, ꠀꠝꠞꠣ ꠡꠞꠝ ꠙꠣꠁꠝꠥ ꠀꠞ ꠔꠥꠝꠞꠣꠅ ꠡꠞꠝꠤꠘ꠆ꠖꠣ ꠅꠁꠛꠣꠄ।

ইঞ্জিল ১৩: ১-থিষল: 1:3

ꠁꠝꠣꠘꠞ ꠟꠣꠉꠤ ꠔꠥꠝꠞꠣ ꠎꠦ ꠇꠣꠝ ꠇꠞꠞꠣꠄ, ꠝꠢꠛ꠆ꠛꠔꠞ ꠟꠣꠉꠤ ꠔꠥꠝꠞꠣ ꠎꠦ ꠝꠦꠘꠔ ꠇꠞꠞꠣꠄ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠃꠙꠞꠦ ꠀꠡꠣ-ꠜꠞꠡꠣ ꠇꠞꠤꠀ ꠔꠥꠝꠞꠣ ꠎꠦ ꠍꠛꠞ ꠇꠞꠞꠣꠄ, ꠁꠔꠣ ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣꠞ ꠖꠞꠛꠣꠞꠅ ꠖꠥꠀ ꠇꠞꠣꠞ ꠡꠝꠄ ꠢꠣꠝꠦꠡꠣ ꠝꠘꠅ ꠇꠞꠤ।

ইঞ্জিল ১৩: ১-থিষল: 2:14

ꠜꠣꠁ ꠅꠇꠟ, ꠢꠎꠞꠔ ꠁꠍꠣꠞ ꠔꠞꠤꠇꠣꠄ ꠌꠟꠞꠣ ꠀꠟ꠆ꠟꠣꠞ ꠎꠔ ꠎꠝꠣꠔ ꠅꠇꠟ ꠄꠢꠥꠖꠤꠀ ꠎꠤꠟꠣꠔ ꠀꠍꠦ, ꠔꠥꠝꠞꠣꠞ ꠢꠣꠟ-ꠢꠇꠤꠇꠔ ꠔ ꠔꠣꠞꠣꠞ ꠟꠣꠈꠣꠘꠃ। ꠇꠣꠞꠘ ꠔꠣꠞꠣ ꠎꠦꠟꠣ ꠘꠤꠎꠞ ꠁꠢꠥꠖꠤ ꠎꠣꠔꠤꠞ ꠀꠔꠅ ꠖꠥꠈ-ꠝꠍꠤꠛꠔ ꠙꠣꠁꠍꠂꠘ, ꠔꠥꠝꠞꠣꠅ ꠅꠃꠟꠣ ꠘꠤꠎꠞ ꠎꠣꠔꠤꠞ ꠝꠣꠘꠡꠞ ꠉꠦꠍ ꠕꠣꠇꠤ ꠖꠥꠈ-ꠝꠍꠤꠛꠔ ꠙꠣꠁꠍ।

ইঞ্জিল ১৩: ১-থিষল: 2:19

ꠢꠣꠍꠣꠃ ꠀꠝꠞꠣꠞ ꠝꠣꠟꠤꠇ ꠁꠍꠣꠄ ꠎꠦꠛꠟꠣ ꠔꠡꠞꠤꠚ ꠀꠘꠛꠣ, ꠅꠃ ꠡꠝꠄ ꠔꠣꠘ ꠍꠣꠝꠘꠦ ꠀꠝꠞꠣꠞ ꠀꠡꠣ, ꠀꠘꠘ꠆ꠖ ꠀꠞ ꠉꠃꠞꠛꠞ ꠎꠄꠅꠞ ꠝꠣꠟꠣ ꠢꠤꠡꠣꠛꠦ ꠇꠤꠔꠣ ꠙꠣꠁꠝꠥ? ꠁꠔꠣ ꠔ ꠔꠥꠝꠞꠣꠃ ꠘꠣꠄ ꠘꠤ?

ইঞ্জিল ১৪: ২-থিষল: 3:5

ꠝꠣꠟꠤꠇ ꠁꠍꠣꠄ ꠎꠣꠘꠥ ꠔꠥꠝꠞꠣꠞ ꠖꠤꠟꠞꠦ ꠀꠟ꠆ꠟꠣꠞ ꠝꠢꠛ꠆ꠛꠔꠞ ꠙꠕꠦ ꠀꠞ ꠀꠟ-ꠝꠍꠤꠞ ꠍꠛꠞꠞ ꠙꠕꠦ ꠌꠣꠟꠥ ꠞꠣꠈꠂꠘ।

Injil 19: Ibrani 10:36

ꠔꠥꠝꠞꠣ ꠝꠎꠛꠥꠔ ꠞꠅꠀ ꠖꠞꠇꠣꠞ, ꠎꠣꠔꠦ ꠀꠟ꠆ꠟꠣꠄ ꠎꠦ ꠙꠥꠞꠥꠡ꠆ꠇꠣꠞ ꠖꠤꠛꠣ ꠇꠞꠤ ꠅꠀꠖꠣ ꠇꠞꠍꠂꠘ, ꠔꠣꠘ ꠝꠞ꠆ꠎꠤ ꠝꠣꠚꠤꠇ ꠌꠟꠤꠀ ꠔꠥꠝꠞꠣꠅ ꠢꠃ ꠙꠥꠞꠥꠡ꠆ꠇꠣꠞ ꠙꠣꠅ।

Injil 19: Ibrani 6:12

ꠅꠃ ꠟꠣꠈꠣꠘ ꠇꠣꠝꠅ ꠀꠉꠥꠀꠁꠔꠦ ꠔꠥꠝꠞꠣꠞ ꠀꠟꠡꠤ ꠘꠣ ꠀꠄ; ꠛꠞꠋ ꠁꠝꠣꠘꠦ ꠀꠞ ꠍꠛꠞꠦ ꠎꠦꠞꠣ ꠀꠟ꠆ꠟꠣꠞ ꠅꠀꠖꠣ ꠇꠞꠣ ꠛꠞꠇꠔ ꠢꠣꠍꠤꠟ ꠇꠞꠍꠂꠘ, ꠔꠥꠝꠞꠣꠅ ꠔꠣꠞꠣꠞ ꠟꠣꠈꠣꠘ ꠅꠁꠎꠣꠅ।

Injil 19: Ibrani 6:15

ꠁꠛ꠆ꠞꠣꠢꠤꠝꠦ ꠅꠃꠟꠣ ꠛꠃꠔ ꠟꠣꠝ꠆ꠛꠣ ꠡꠝꠄ ꠍꠛꠞ ꠇꠞꠤꠀ ꠀꠟ꠆ꠟꠣꠞ ꠅꠀꠖꠣꠞ ꠚꠟ ꠙꠣꠁꠟꠣ।

Injil 20: Iakub 5:11

ꠔꠣꠞꠣ ꠔ ꠇꠡ꠆ꠐ ꠙꠣꠁꠀꠅ ꠕꠤꠞ ꠞꠁꠍꠂꠘ, ꠄꠞꠟꠣꠉꠤ ꠀꠝꠞꠣ ꠔꠣꠞꠣꠞ ꠉꠥꠘꠉꠣꠘ ꠉꠣꠁ। ꠔꠥꠝꠞꠣ ꠔ ꠀꠁꠃꠛ ꠘꠛꠤꠞ ꠍꠛꠞꠞ ꠇꠕꠣ ꠜꠣꠟꠣ ꠇꠞꠤ ꠎꠣꠘ, ꠀꠞ ꠄꠅꠈꠣꠘ ꠎꠣꠘ, ꠀꠟ꠆ꠟꠣꠄ ꠛꠣꠖꠦ ꠔꠣꠘꠞꠦ ꠇꠤꠟꠣ ꠞꠢꠝ ꠇꠞꠍꠟꠣ। ꠀꠟ꠆ꠟꠣ ꠔ ꠖꠄꠀ-ꠝꠣꠄꠀꠞ ꠡꠣꠉꠞ।

ꠁꠘ꠆ꠎꠤꠟ ২২: ২-ꠙꠤꠔꠞ 1:6

ꠁ ꠀꠈꠟꠞ ꠟꠉꠦ ꠘꠤꠎꠞꠦ ꠡꠣꠝꠟꠣꠘꠤ, ꠡꠣꠝꠟꠣꠘꠤꠞ ꠟꠉꠦ ꠗꠂꠎ꠆ꠎ ꠀꠞ ꠗꠂꠎ꠆ꠎꠞ ꠟꠉꠦ ꠙꠞꠦꠎꠉꠣꠞꠤ,

Injil 27: Zaira Kalam 14:12

ꠄꠞꠟꠣꠉꠤ ꠎꠦꠞꠣ ꠀꠟ꠆ꠟꠣꠞ ꠢꠥꠇꠥꠝ ꠝꠣꠘꠦ ꠀꠞ ꠢꠎꠞꠔ ꠁꠍꠣꠞ ꠔꠞꠤꠇꠣꠞ ꠁꠝꠣꠘꠦ ꠝꠎꠛꠥꠔ ꠞꠄ, ꠀꠟ꠆ꠟꠣꠞ ꠅꠃ ꠙꠣꠇ ꠛꠘ꠆ꠖꠣ ꠅꠇꠟꠦ ꠁ ꠢꠣꠟꠔꠞ ꠝꠣꠎꠦ ꠍꠛꠞ ꠕꠣꠇꠣ ꠎꠞꠥꠞ।