ইঞ্জিল ১৪: ২-থিষল: 1:12 - Siloṭi Asmani Kitab (Nagri lipi)

¹² ꠔꠦꠃ ꠀꠝꠞꠣꠞ ꠀꠟ꠆ꠟꠣ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠞꠢꠝꠔꠞ ꠟꠣꠉꠤ, ꠔꠥꠝꠞꠣꠞ ꠝꠣꠎꠖꠤ ꠀꠝꠞꠣꠞ ꠝꠣꠟꠤꠇ ꠁꠍꠣꠞ ꠉꠃꠞꠛ ꠎꠣꠁꠞ ꠅꠁꠛ, ꠀꠞ ꠔꠣꠘ ꠝꠣꠎꠖꠤ ꠔꠥꠝꠞꠣꠅ ꠉꠃꠞꠛꠞ ꠜꠣꠉꠤ ꠅꠁꠛꠣꠄ।

ছিলটি আছমানি কিতাব (বাংলা লিপি)

¹² তেউ আমরার আল্লা আর হজরত ইছা আল-মসীর রহমতর লাগি, তুমরার মাজদি আমরার মালিক ইছার গৌরব জাইর অইবো, আর তান মাজদি তুমরাও গৌরবর ভাগি অইবায়।

Siloṭi Asmani Kitab (Latin lipi)

¹² Teu amrar Alla ar Hozrot Isa al-Mosir rohomotor lagi, tumrar mazdi amrar Malik Isar gourob zair oibo, ar tan mazdi tumra-o gourobor bagi oibae.

ইঞ্জিল ১৪: ২-থিষল: 1:12 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 18:18

ꠁꠛ꠆ꠞꠣꠢꠤꠝ ꠕꠣꠇꠤꠀꠃ ꠔ ꠀꠝꠤ ꠄꠇ ꠝꠢꠣꠘ ꠢꠤꠝ꠆ꠝꠔꠀꠟꠣ ꠎꠣꠔꠤ ꠙꠄꠖꠣ ꠇꠞꠝꠥ, ꠖꠥꠘꠤꠀꠁꠞ ꠢꠇꠟ ꠎꠣꠔꠤꠄ ꠅꠘ ꠕꠘꠦ ꠛꠞꠇꠔ ꠇꠣꠝꠣꠁꠛꠣ।

Injil 4: Hannan 17:10

ꠀꠝꠣꠞ ꠎꠔꠔꠣ ꠀꠍꠦ ꠢꠇ꠆ꠇꠟꠔꠣꠃ ꠔꠥꠝꠣꠞ, ꠀꠞ ꠔꠥꠝꠣꠞ ꠢꠇ꠆ꠇꠟꠔꠣꠃ ꠀꠝꠣꠞ। ꠄꠞꠣꠞ ꠝꠣꠎꠖꠤꠃ ꠀꠝꠣꠞ ꠝꠢꠤꠝꠣ ꠎꠣꠁꠞ ꠅꠞ।

Injil 6: Ruman 1:7

ꠔꠦ ꠅꠃ ꠞꠥꠝ ꠐꠣꠃꠘꠅ ꠀꠟ꠆ꠟꠣꠞ ꠎꠔ ꠝꠣꠄꠀꠞ ꠛꠘ꠆ꠖꠣ ꠅꠇꠟ ꠀꠍꠂꠘ, ꠀꠟ꠆ꠟꠣꠄ ꠔꠣꠘ ꠙꠣꠇ ꠛꠘ꠆ꠖꠣ ꠅꠀꠞ ꠟꠣꠉꠤ ꠎꠦꠞꠣꠞꠦ ꠖꠣꠅꠔ ꠇꠞꠤꠀ ꠀꠘꠍꠂꠘ, ꠔꠥꠝꠞꠣ ꠢꠇꠟꠞ ꠉꠦꠍꠦ ꠀꠝꠤ ꠅꠃ ꠌꠤꠑꠤꠈꠣꠘ ꠟꠦꠈꠞꠣꠝ। ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠄ ꠔꠥꠝꠞꠣꠞꠦ ꠞꠢꠝꠔ ꠀꠞ ꠡꠣꠘ꠆ꠔꠤ ꠖꠣꠘ ꠇꠞꠃꠇ꠆ꠇꠣ।

Injil 7: 1-Korintia 1:4

ꠀꠝꠤ ꠢꠣꠝꠦꠡꠣ ꠔꠥꠝꠞꠣꠞ ꠟꠣꠉꠤ ꠀꠝꠣꠞ ꠀꠟ꠆ꠟꠣꠞ ꠖꠞꠛꠣꠞꠅ ꠡꠥꠇꠞꠤꠀ ꠀꠖꠣꠄ ꠇꠞꠤ, ꠇꠣꠞꠘ ꠁꠍꠣ ꠀꠟ-ꠝꠍꠤꠞ ꠔꠞꠤꠇꠣ ꠇꠛꠥꠟ ꠇꠞꠣꠄ ꠔꠥꠝꠞꠣ ꠀꠟ꠆ꠟꠣꠞ ꠞꠢꠝꠔꠞ ꠔꠟꠦ ꠀꠁꠍ।

Injil 8: 2-Korintia 13:4

ꠎꠥꠖꠤꠅ ꠔꠣꠘꠞꠦ ꠇꠝꠎꠥꠞ ꠢꠣꠟꠔꠦ ꠍꠟꠤꠛꠞ ꠃꠙꠞꠦ ꠟꠐꠇꠣꠁꠀ ꠎꠣꠘꠦ ꠝꠣꠞꠣ ꠅꠁꠍꠤꠟ, ꠔꠣ-ꠅ ꠀꠟ꠆ꠟꠣꠞ ꠇꠥꠖꠞꠔꠤ ꠛꠟꠦ ꠔꠣꠁꠘ ꠅꠈꠘ ꠎꠤꠘ꠆ꠖꠣ ꠀꠍꠂꠘ। ꠀꠞ ꠀꠝꠞꠣꠅ ꠅꠟꠣ ꠔꠣꠘ ꠟꠣꠈꠣꠘ ꠇꠝꠎꠥꠞ ꠀꠍꠤ, ꠅꠁꠟꠦ ꠔꠣꠘ ꠟꠉꠦ ꠎꠤꠘ꠆ꠖꠣ ꠞꠅꠀꠄ ꠀꠟ꠆ꠟꠣꠁ ꠇꠥꠖꠞꠔꠤ ꠛꠟꠦ ꠔꠥꠝꠞꠣꠞ ꠉꠦꠍꠦ ꠀꠁꠀ ꠝꠥꠇꠣꠛꠤꠟꠣ ꠅꠁꠝꠥ।

Injil 8: 2-Korintia 8:9

ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠞꠢꠝ-ꠘꠤꠀꠝꠔꠞ ꠇꠕꠣ ꠔ ꠔꠥꠝꠞꠣ ꠎꠣꠘꠃ, ꠔꠣꠁꠘ ꠔ ꠀꠟ꠆ꠟꠣꠁ ꠗꠘꠦ ꠗꠘꠤ ꠀꠍꠟꠣ, ꠅꠁꠟꠦ ꠔꠥꠝꠞꠣꠞ ꠟꠣꠉꠤ ꠉꠞꠤꠛ ꠛꠘꠟꠣ, ꠎꠣꠔꠦ ꠔꠣꠁꠘ ꠉꠞꠤꠛ ꠛꠘꠣꠞ ꠇꠣꠞꠘꠦ ꠔꠥꠝꠞꠣ ꠗꠘꠤ ꠅꠁꠔꠣꠄ ꠙꠣꠞ।

Injil 11: Filifia 3:9

ꠔꠦ ꠡꠞꠤꠅꠔ ꠝꠣꠘꠣꠄ ꠀꠝꠤ ꠎꠦ ꠙꠞꠦꠎꠉꠣꠞ ꠛꠘꠤꠉꠦꠍꠤ, ꠁꠈꠣꠘ ꠘꠣꠄ, ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠣꠄꠃ ꠀꠟ꠆ꠟꠣꠄ ꠀꠝꠣꠞꠦ ꠙꠞꠦꠎꠉꠣꠞ ꠢꠤꠡꠣꠛꠦ ꠇꠛꠥꠟ ꠇꠞꠍꠂꠘ। ꠁ ꠙꠞꠦꠎꠉꠣꠞꠤ ꠈꠣꠟꠤ ꠀꠟ꠆ꠟꠣ ꠕꠣꠇꠤꠃ ꠝꠤꠟꠦ, ꠁꠐꠣ ꠔ ꠁꠝꠣꠘꠞ ꠃꠙꠞꠦ ꠘꠤꠞꠜꠞ ꠇꠞꠦ। ꠀꠟ-ꠝꠍꠤꠞ ꠟꠉꠦ ꠝꠤꠟꠣꠞ ꠛꠣꠖꠦꠃ ꠀꠝꠣꠞ ꠅꠃ ꠢꠣꠟꠔ ꠅꠁꠍꠦ।

ইঞ্জিল ১৪: ২-থিষল: 1:10

ꠢꠃ ꠖꠤꠘ ꠔꠣꠘ ꠘꠤꠎꠞ ꠙꠣꠇ ꠛꠘ꠆ꠖꠣ ꠅꠇꠟ, ꠎꠦꠞꠣ ꠔꠣꠘ ꠃꠙꠞꠦ ꠁꠝꠣꠘ ꠀꠘꠍꠦ ꠔꠣꠞꠣꠞ ꠝꠣꠎꠖꠤ, ꠔꠣꠘ ꠉꠃꠞꠛ-ꠝꠢꠤꠝꠣ ꠎꠣꠁꠞ ꠅꠁꠛ। ꠄꠞꠣꠞ ꠝꠣꠎꠦ ꠔꠥꠝꠞꠣꠅ ꠀꠍ, ꠇꠣꠞꠘ ꠀꠝꠞꠣꠞ ꠔꠛꠟꠤꠉ ꠢꠥꠘꠤꠀ ꠔꠥꠝꠞꠣ ꠁꠝꠣꠘ ꠀꠘꠍ।

Injil 17: Titas 2:11

ꠎꠣꠘ ꠔ, ꠀꠟ꠆ꠟꠣꠞ ꠎꠦ ꠞꠢꠝꠔꠞ ꠃꠍꠤꠟ꠆ꠟꠣꠄ ꠢꠇꠟꠞ ꠘꠣꠎꠣꠔ ꠝꠤꠟꠦ, ꠁꠔꠣ ꠅꠈꠘ ꠖꠥꠘꠤꠀꠔ ꠎꠣꠁꠞ ꠅꠁꠉꠦꠍꠦ।

ꠁꠘ꠆ꠎꠤꠟ ২১: ১-ꠙꠤꠔꠞ 4:14

ꠀꠟ-ꠝꠍꠤꠞ ꠘꠣꠝꠞ ꠟꠣꠉꠤ ꠔꠥꠝꠞꠣ ꠎꠥꠖꠤ ꠛꠦꠁꠎ꠆ꠎꠔ ꠅꠅ, ꠔꠦ ꠔꠥꠝꠞꠣ ꠘꠦꠇ-ꠇꠙꠣꠟꠤ। ꠇꠣꠞꠘ ꠀꠟ꠆ꠟꠣꠞ ꠝꠢꠤꠝꠣ-ꠀꠟꠣ ꠙꠣꠇ ꠞꠥꠢꠥ ꠔꠥꠝꠞꠣꠞ ꠃꠙꠞꠦ ꠀꠍꠦ।

Injil 27: Zaira Kalam 1:4

ꠔꠦ ꠀꠝꠤ ꠢꠣꠘ꠆ꠘꠣꠘꠦ ꠞꠥꠝꠣꠘ ꠛꠣꠖꠡꠣꠁꠞ ꠀꠍꠤꠀ ꠖꠦꠡꠞ ꠡꠣꠔꠅ ꠎꠝꠣꠔꠞ ꠉꠦꠍꠦ ꠅꠃ ꠎꠛꠣꠘꠛꠘ꠆ꠖꠤ ꠟꠦꠈꠞꠣꠝ। ꠎꠦꠁꠘ ꠀꠍꠟꠣ, ꠎꠦꠁꠘ ꠀꠍꠂꠘ ꠀꠞ ꠎꠦꠁꠘ ꠢꠣꠝꠦꠡꠣ ꠞꠁꠛꠣ ꠢꠃ ꠀꠟ꠆ꠟꠣ ꠙꠣꠇ, ꠀꠞ ꠔꠣꠘ ꠔꠈ꠆ꠔꠞ ꠍꠣꠝꠘꠦ ꠎꠦ ꠡꠣꠔ ꠘꠝꠥꠘꠣꠞ ꠞꠥꠢꠥ ꠕꠣꠇꠂꠘ, ꠄꠞꠣ ꠀꠞ ꠎꠦꠁꠘ ꠢꠇ-ꠢꠣꠟꠣꠟ ꠡꠣꠇ꠆ꠇꠤ ꠢꠃ ꠁꠍꠣ ꠀꠟ-ꠝꠍꠤꠄ ꠔꠥꠝꠞꠣꠞꠦ ꠞꠢꠝꠔ ꠀꠞ ꠡꠣꠘ꠆ꠔꠤ ꠖꠣꠘ ꠇꠞꠃꠇ꠆ꠇꠣ। ꠔꠣꠁꠘ ꠔ ꠝꠥꠞ꠆ꠖꠣ ꠅꠇꠟꠞ ꠝꠣꠎ ꠕꠣꠇꠤ ꠙꠄꠟꠣ ꠎꠤꠘ꠆ꠖꠣ ꠅꠁꠀ ꠃꠑꠤꠍꠂꠘ, ꠔꠣꠁꠘꠃ ꠖꠥꠘꠤꠀꠞ ꠞꠣꠎꠣ ꠅꠇꠟꠞ ꠛꠣꠖꠡꠣ। ꠔꠣꠁꠘ ꠀꠝꠞꠣꠞꠦ ꠝꠢꠛ꠆ꠛꠔ ꠇꠞꠂꠘ, ꠄꠞꠟꠣꠉꠤ ꠘꠤꠎꠞ ꠎꠣꠘ ꠇꠥꠞꠛꠣꠘꠤ ꠖꠤꠀ, ꠀꠝꠞꠣꠞꠦ ꠉꠥꠘꠣꠞ ꠡꠣꠎꠣ ꠕꠣꠇꠤ ꠛꠣꠌꠣꠁꠍꠂꠘ।