ইঞ্জিল ১৪: ২-থিষল: 1:1 - Siloṭi Asmani Kitab (Nagri lipi)

¹ ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠟꠉꠦ ꠡꠞꠤꠇ, ꠕꠤꠡꠟꠘꠤꠇꠤ ꠐꠣꠃꠘꠞ ꠎꠝꠣꠔꠞ ꠉꠦꠍꠦ ꠀꠝꠤ ꠙꠣꠃꠟꠥꠍ, ꠜꠣꠁ ꠍꠤꠟꠣꠍ ꠀꠞ ꠔꠤꠝꠕꠤꠄ ꠅꠃ ꠍꠢꠤꠚꠣꠈꠣꠘ ꠟꠦꠈꠞꠣꠝ।

ছিলটি আছমানি কিতাব (বাংলা লিপি)

¹ আমরার গাইবি বাফ আল্লা পাক আর হজরত ইছা আল-মসীর লগে শরিক, থিষলনিকি টাউনর জমাতর গেছে আমি পাউলুছ, ভাই সিলাছ আর তিমথিয়ে অউ ছহিফা খান লেখরাম।

Siloṭi Asmani Kitab (Latin lipi)

¹ Amrar gaibi baf Alla Pak ar Hozrot Isa al-Mosir loge shorik, Tisholoniki ṭaunor zomator gese ami Paulus, bai Silas ar Timotie ou sohifaḳan leḳram.

ইঞ্জিল ১৪: ২-থিষল: 1:1 Iomraidhean Croise

Injil 5: Sahabi Nama 15:22

ꠔꠦꠃ ꠍꠣꠢꠣꠛꠤ ꠅꠇꠟ, ꠎꠝꠣꠔꠞ ꠝꠥꠞꠛ꠆ꠛꠤ ꠅꠇꠟ, ꠀꠞ ꠎꠝꠣꠔꠞ ꠢꠇꠟ ꠀꠝ ꠝꠣꠘꠡꠦ ꠄꠇꠝꠔ ꠅꠁꠟꠣ, ꠔꠣꠞꠣꠞ ꠘꠤꠎꠞ ꠝꠣꠎ ꠕꠣꠇꠤ ꠇꠄꠎꠘꠞꠦ ꠙꠍꠘ꠆ꠖ ꠇꠞꠤꠀ ꠙꠣꠃꠟꠥꠍ ꠀꠞ ꠛꠣꠞ꠆ꠘꠣꠛꠣꠍꠞ ꠟꠉꠦ ꠀꠘ꠆ꠔꠤꠅꠈꠤꠀꠔ ꠙꠣꠑꠣꠁ ꠖꠤꠛꠣ। ꠅꠃ ꠔꠣꠞꠣ ꠍꠤꠟꠣꠍ ꠀꠞ ꠄꠢꠥꠖꠣ ꠃꠞꠚꠦ ꠛꠣꠞ꠆ꠡꠣꠛ꠆ꠛꠣ ꠘꠣꠝꠞ ꠅꠃ ꠖꠥꠁ ꠝꠥꠞꠛ꠆ꠛꠤꠞꠦ ꠙꠍꠘ꠆ꠖ ꠇꠞꠟꠣ।

Injil 5: Sahabi Nama 16:1

ꠢꠎꠞꠔ ꠙꠣꠃꠟꠥꠍ ꠙꠄꠟꠣ ꠖꠞ꠆ꠛꠤ ꠀꠞ ꠛꠣꠖꠦ ꠟꠥꠡ꠆ꠞꠣ ꠐꠣꠃꠘꠅ ꠉꠤꠀ ꠀꠎꠤꠟꠣ। ꠟꠥꠡ꠆ꠞꠣꠔ ꠔꠤꠝꠕꠤ ꠘꠣꠝꠦ ꠄꠇꠎꠘ ꠃꠝ꠆ꠝꠔ ꠀꠍꠟꠣ, ꠔꠣꠘ ꠝꠣ ꠁꠝꠣꠘꠖꠣꠞ, ꠝꠣ ꠔ ꠁꠢꠥꠖꠤ ꠎꠣꠔꠞ, ꠅꠁꠟꠦ ꠛꠣꠚ ꠁꠃꠘꠣꠘꠤ ꠎꠣꠔꠞ।

Injil 5: Sahabi Nama 17:1

ꠢꠎꠞꠔ ꠙꠣꠃꠟꠥꠍ ꠀꠞ ꠍꠤꠟꠣꠍ ꠀꠝꠚꠤꠙꠥꠟꠤ ꠀꠞ ꠀꠙꠟ꠆ꠟꠥꠘꠤꠀ ꠐꠣꠃꠘꠞ ꠝꠣꠎꠦꠖꠤ ꠉꠤꠀ ꠕꠤꠡꠟꠘꠤꠇꠤꠔ ꠀꠁꠟꠣ। ꠢꠤꠘꠅ ꠁꠢꠥꠖꠤ ꠅꠇꠟꠞ ꠄꠇꠈꠣꠘ ꠝꠍꠤꠖ ꠀꠍꠤꠟ;

Injil 8: 2-Korintia 1:19

ꠀꠝꠤ, ꠍꠤꠟꠣꠍ, ꠀꠞ ꠜꠣꠁ ꠔꠤꠝꠕꠤꠄ ꠔꠥꠝꠞꠣꠞ ꠉꠦꠍꠦ ꠎꠣꠞ ꠇꠕꠣ ꠔꠛꠟꠤꠉ ꠇꠞꠍꠤ, ꠢꠃ ꠁꠍꠣ ꠀꠟ-ꠝꠍꠤꠃ ꠅꠁꠟꠣ ꠀꠟ꠆ꠟꠣꠞ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣ, ꠔꠣꠁꠘ ꠄꠇꠛꠣꠞ “ꠅꠄ” ꠀꠞ ꠄꠇꠛꠣꠞ “ꠘꠣ” ꠘꠣꠄ, ꠔꠣꠁꠘ ꠔ ꠢꠇꠟ ꠡꠝꠄꠃ “ꠅꠄ।”