ꠁꠘ꠆ꠎꠤꠟ ২২: ২-ꠙꠤꠔꠞ 3:2 - Siloṭi Asmani Kitab (Nagri lipi)

² ꠀꠝꠤ ꠌꠣꠁꠞꠣꠝ, ꠙꠛꠤꠔ꠆ꠞ ꠘꠛꠤ ꠅꠇꠟꠦ ꠀꠉꠦ ꠎꠔꠔꠣ ꠛꠣꠔꠣꠁꠍꠂꠘ, ꠀꠞ ꠀꠝꠞꠣꠞ ꠔꠞꠣꠘꠦꠀꠟꠣ ꠝꠣꠟꠤꠇꠦ ꠔꠥꠝꠞꠣꠞ ꠉꠦꠍꠞ ꠍꠣꠢꠣꠛꠤ ꠅꠇꠟꠞ ꠝꠣꠎꠖꠤ ꠎꠦ ꠢꠥꠇꠥꠝ ꠖꠤꠍꠂꠘ, ꠅꠔꠣ ꠝꠘꠅ ꠞꠣꠈꠅ।

ছিলটি আছমানি কিতাব (বাংলা লিপি)

² আমি চাইরাম, পবিত্র নবী অকলে আগে যততা বাতাইছইন, আর আমরার তরানেআলা মালিকে তুমরার গেছর সাহাবি অকলর মাজদি যে হুকুম দিছইন, অতা মনো রাখো।

Siloṭi Asmani Kitab (Latin lipi)

² Ami sairam, fobitro nobi oḳole age zotota bataisoin, ar amrar toraneala malike tumrar gesor sahabi oḳlor mazdi ze hukum disoin, ota mono raḳo.

ꠁꠘ꠆ꠎꠤꠟ ২২: ২-ꠙꠤꠔꠞ 3:2 Iomraidhean Croise

Injil 3: Luk 1:70

ꠘꠛꠤ ꠅꠇꠟꠦ ꠎꠛꠣꠘꠖꠤ ꠇꠁꠍꠟꠣ ꠛꠃꠔ ꠀꠉꠦ, ꠔꠣꠁꠘꠃ ꠇꠅꠀꠁꠍꠟꠣ ꠁꠔꠣ ꠘꠛꠤ ꠅꠇꠟꠞ ꠝꠥꠈꠦ, ꠔꠣꠇ꠆ꠇꠔꠤ ꠇꠣꠘ꠆ꠒꠣꠞꠤꠃ ꠅꠁꠛꠣ ꠖꠣꠃꠖ ꠇꠥꠟꠞ ꠛꠟ।

Injil 3: Luk 24:27

ꠛꠣꠖꠦ ꠔꠣꠁꠘ ꠝꠥꠍꠣ ꠘꠛꠤꠞ ꠔꠃꠞꠣꠔ ꠇꠤꠔꠣꠛ ꠕꠣꠇꠤ ꠡꠥꠞꠥ ꠇꠞꠤꠀ, ꠢꠇ꠆ꠇꠟ ꠘꠛꠤꠞ ꠇꠤꠔꠣꠛꠞ ꠝꠣꠎꠦ ꠔꠣꠘ ꠛꠦꠙꠣꠞꠦ ꠎꠔꠔꠣ ꠟꠦꠈꠣ ꠀꠍꠦ, ꠅꠔꠣ ꠔꠣꠞꠣꠞꠦ ꠛꠥꠎꠣꠁꠟꠣ।

Injil 3: Luk 24:44

ꠈꠣꠁꠀ ꠄꠞꠣꠞꠦ ꠇꠁꠟꠣ, “ꠀꠝꠤ ꠎꠦꠛꠟꠣ ꠔꠥꠝꠞꠣꠞ ꠟꠉꠦ ꠀꠍꠟꠣꠝ, ꠢꠃ ꠡꠝꠄ ꠔꠥꠝꠞꠣꠞꠦ ꠇꠁꠍꠟꠣꠝ ꠘꠣ ꠘꠤ, ꠝꠥꠍꠣ ꠘꠛꠤꠞ ꠔꠃꠞꠣꠔ ꠡꠞꠤꠚ, ꠘꠛꠤ ꠅꠇꠟꠞ ꠍꠢꠤꠚꠣ, ꠀꠞ ꠎꠛꠥꠞ ꠡꠞꠤꠚꠞ ꠝꠣꠎꠦ ꠎꠦꠔꠣ ꠟꠦꠈꠣ ꠀꠍꠦ, ꠁꠔꠣ ꠢꠇꠟꠔꠣ ꠘꠤꠌ꠆ꠌꠤꠔ ꠚꠟꠤꠛ।”

Injil 5: Sahabi Nama 10:43

ꠢꠇꠟ ꠘꠛꠤꠄꠅ ꠔꠣꠘ ꠛꠦꠙꠣꠞꠦ ꠅꠃꠟꠣ ꠡꠣꠇ꠆ꠇꠤ ꠖꠤꠍꠂꠘ ꠎꠦꠘ, ꠎꠦꠞꠣ ꠔꠣꠘ ꠃꠙꠞꠦ ꠁꠝꠣꠘ ꠀꠘꠦ, ꠔꠣꠞꠣ ꠢꠇꠟꠦꠃ ꠔꠣꠘ ꠘꠣꠝꠞ ꠃꠍꠤꠟ꠆ꠟꠣꠄ ꠉꠥꠘꠣꠞ ꠝꠣꠚꠤ ꠙꠣꠄ।”

Injil 5: Sahabi Nama 28:23

ꠙꠣꠃꠟꠥꠍꠞ ꠟꠉꠦ ꠢꠤꠞꠛꠣꠞ ꠝꠥꠟꠣꠇꠣꠔ ꠇꠞꠣꠞ ꠟꠣꠉꠤ ꠄꠇ ꠔꠣꠞꠤꠈ ꠑꠤꠇ ꠇꠞꠟꠣ। ꠢꠃ ꠖꠤꠘ ꠔꠣꠞꠣꠞ ꠟꠉꠦ ꠀꠞꠅ ꠛꠃꠔ ꠝꠣꠘꠥꠡ ꠙꠣꠃꠟꠥꠍꠞ ꠊꠞꠅ ꠀꠁꠟꠣ। ꠙꠣꠃꠟꠥꠍꠦ ꠚꠎꠞ ꠕꠣꠇꠤ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠢꠣꠞꠣꠖꠤꠘ ꠀꠟ꠆ꠟꠣꠞ ꠛꠣꠖꠡꠣꠁꠞ ꠇꠕꠣ ꠔꠣꠞꠣꠞ ꠉꠦꠍꠦ ꠜꠣꠋꠉꠤꠀ ꠛꠄꠀꠘ ꠇꠞꠟꠣ। ꠢꠎꠞꠔ ꠝꠥꠍꠣꠞ ꠔꠃꠞꠣꠔ ꠇꠤꠔꠣꠛ ꠀꠞ ꠘꠛꠤ ꠅꠇꠟꠞ ꠇꠤꠔꠣꠛꠞ ꠀꠄꠀꠔ ꠖꠦꠈꠣꠁꠀ, ꠁꠍꠣꠞ ꠛꠦꠙꠣꠞꠦ ꠔꠣꠞꠣꠞ ꠖꠤꠟꠅ ꠄꠇꠤꠘ ꠎꠘꠝꠣꠁꠔꠣ ꠌꠣꠁꠟꠣ।

Injil 5: Sahabi Nama 3:18

ꠅꠁꠟꠦ ꠀꠟ꠆ꠟꠣꠄ ꠔꠣꠘ ꠔꠣꠝꠣꠝ ꠘꠛꠤ ꠅꠇꠟꠞ ꠝꠣꠎꠖꠤ ꠀꠟ-ꠝꠍꠤꠞ ꠔꠇꠟꠤꠚꠞ ꠛꠦꠙꠣꠞꠦ ꠀꠉꠦ ꠎꠔꠔꠣ ꠎꠣꠘꠣꠁꠍꠂꠘ, ꠁ ꠢꠇ꠆ꠇꠟꠔꠣ ꠅꠃ ꠟꠣꠈꠣꠘ ꠇꠞꠤ ꠙꠥꠞꠣ ꠇꠞꠍꠂꠘ।

Injil 5: Sahabi Nama 3:21

ꠀꠟ꠆ꠟꠣꠄ ꠢꠇꠟꠔꠣꠞꠦ ꠀꠉꠞ ꠢꠣꠟꠔꠅ ꠚꠤꠞꠣꠁꠛꠣ, ꠁꠔꠣ ꠛꠃꠔ ꠖꠤꠘ ꠀꠉꠦꠃ ꠙꠣꠇ ꠘꠛꠤ ꠅꠇꠟꠞ ꠎꠛꠣꠘ ꠖꠤꠀ ꠇꠁꠍꠂꠘ। ꠎꠔꠖꠤꠘ ꠔꠣꠘ ꠁ ꠅꠀꠖꠣ ꠙꠥꠞꠣ ꠘꠣ ꠇꠞꠛꠣ, ꠅꠔ ꠖꠤꠘ ꠁꠍꠣꠅ ꠛꠦꠢꠦꠡ꠆ꠔꠞ ꠝꠣꠎꠦ ꠞꠁꠛꠣ।

Injil 9: Galatia 6:2

ꠔꠥꠝꠞꠣ ꠄꠇꠦ-ꠅꠁꠘ꠆ꠘꠞ ꠜꠣꠞ ꠛꠅ, ꠔꠦꠃ ꠀꠟ-ꠝꠍꠤꠞ ꠘꠤꠅꠝ ꠙꠥꠞꠣꠙꠥꠞ ꠝꠣꠘꠣ ꠅꠁꠛ।

Injil 10: Ifisia 2:20

ꠍꠣꠢꠣꠛꠤ ꠀꠞ ꠘꠛꠤ ꠅꠇꠟ ꠅꠁꠟꠣ ꠔꠣꠘ ꠊꠞꠞ ꠈꠥꠐꠤ, ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤ ꠅꠁꠟꠣ ꠝꠥꠟ ꠁꠀꠘ ꠈꠥꠐꠤ। ꠅꠃ ꠈꠥꠐꠤꠞ ꠃꠙꠞꠦꠃ ꠔꠥꠝꠞꠣꠞꠦ ꠉꠠꠣ ꠅꠁꠍꠦ।

Injil 10: Ifisia 3:5

ꠁ ꠛꠣꠔꠥꠘꠤ ꠛꠦꠙꠣꠞꠈꠣꠘ ꠍꠣꠢꠣꠛꠤ ꠀꠞ ꠘꠛꠤ ꠅꠇꠟꠞ ꠉꠦꠍꠦ ꠎꠦꠟꠣ ꠙꠣꠇ ꠞꠥꠢꠥꠞ ꠝꠣꠎꠖꠤ ꠅꠈꠘ ꠎꠣꠁꠞ ꠅꠞ, ꠀꠉꠞ ꠎꠝꠣꠘꠣꠞ ꠇꠥꠘꠥ ꠝꠣꠘꠡꠞ ꠉꠦꠍꠦꠃ ꠁꠟꠣ ꠎꠣꠁꠞ ꠅꠁꠍꠦ ꠘꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:14

ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤ ꠎꠣꠁꠞ ꠅꠀꠞ ꠀꠉ ꠙꠞ꠆ꠎꠘ꠆ꠔ ꠔꠥꠝꠤ ꠙꠥꠞꠣꠙꠥꠞ ꠘꠤꠈꠥꠔ ꠀꠞ ꠛꠖꠘꠣꠝ ꠍꠣꠠꠣ ꠞꠁꠀ ꠢꠥꠇꠥꠝ ꠀꠖꠣꠄ ꠇꠞꠅ।

ꠁꠘ꠆ꠎꠤꠟ ২২: ২-ꠙꠤꠔꠞ 2:21

ꠙꠞꠦꠎꠉꠣꠞꠤꠞ ꠙꠕ ꠌꠤꠘꠣꠞ ꠛꠣꠖꠦꠅ ꠔꠣꠞꠣꠞ ꠉꠦꠍꠦ ꠡꠝꠎꠣꠁꠟ ꠅꠃ ꠙꠛꠤꠔ꠆ꠞ ꠢꠥꠇꠥꠝꠞ ꠃꠟꠐꠣ ꠉꠦꠍꠦ, ꠄꠞ ꠕꠣꠇꠤ ꠀꠞꠅ ꠜꠣꠟꠣ ꠀꠍꠤꠟ ꠁ ꠙꠕ ꠘꠣ ꠌꠤꠘꠣ।

ꠁꠘ꠆ꠎꠤꠟ ২২: ২-ꠙꠤꠔꠞ 3:15

ꠀꠞ ꠀꠝꠞꠣꠞ ꠝꠣꠟꠤꠇꠞ ꠟꠣꠝ꠆ꠛꠣ ꠍꠛꠞꠉꠣꠞꠤꠞꠦ ꠝꠣꠘꠡꠞ ꠎꠣꠘ ꠛꠣꠌꠣꠘꠤꠞ ꠡꠥꠎꠥꠉ ꠝꠘꠅ ꠇꠞꠤꠅ। ꠅꠃ ꠄꠇꠁ ꠇꠕꠣ ꠀꠟ꠆ꠟꠣꠞ ꠖꠦꠅꠀ ꠀꠈꠟꠦ ꠀꠝꠞꠣꠞ ꠝꠣꠄꠀꠞ ꠜꠣꠁ ꠙꠣꠃꠟꠥꠍꠦꠅ ꠔꠥꠝꠞꠣꠞ ꠉꠦꠍꠦ ꠟꠦꠈꠍꠂꠘ।

ꠁꠘ꠆ꠎꠤꠟ ২২: ২-ꠙꠤꠔꠞ 3:16

ꠔꠣꠘ ꠢꠇ꠆ꠇꠟ ꠌꠤꠑꠤꠔꠃ ꠅꠃ ꠛꠦꠙꠣꠞꠦ ꠟꠦꠈꠂꠘ। ꠄꠞ ꠝꠣꠎꠦ ꠇꠤꠍꠥ ꠛꠦꠙꠣꠞ ꠀꠍꠦ ꠎꠦꠔꠣ ꠛꠥꠎꠣ ꠇꠑꠤꠘ, ꠈꠣꠟꠤ ꠛꠦꠀꠈꠟ ꠀꠞ ꠛꠦꠖꠤꠡꠣ ꠎꠘꠦ ꠅꠁꠘ꠆ꠘꠣꠁꠘ꠆ꠘ ꠇꠤꠔꠣꠛꠞ ꠟꠣꠈꠣꠘ ꠁꠔꠣꠞ ꠝꠣꠘꠤꠅ ꠛꠖꠟꠣꠁꠀ, ꠘꠤꠎꠞ ꠡꠞ꠆ꠛꠘꠣꠡ ꠒꠣꠇꠤꠀ ꠀꠘꠦ।

Injil 23: 1-Hannan 4:6

ꠀꠞ ꠀꠝꠞꠣ ꠅꠁꠟꠣꠝ ꠀꠟ꠆ꠟꠣꠞ ꠝꠣꠘꠥꠡ। ꠀꠟ꠆ꠟꠣꠞꠦ ꠎꠦꠞꠣ ꠌꠤꠘꠦ, ꠔꠣꠞꠣ ꠀꠝꠞꠣꠞ ꠛꠥꠟꠤ ꠝꠣꠘꠦ। ꠅꠁꠟꠦ ꠎꠦꠞꠣ ꠀꠟ꠆ꠟꠣꠞ ꠘꠣꠄ, ꠔꠣꠞꠣ ꠀꠝꠞꠣꠞ ꠇꠕꠣ ꠢꠥꠘꠦ ꠘꠣ। ꠅꠃ ꠘꠝꠥꠘꠣꠄ ꠀꠝꠞꠣ ꠗꠥꠇꠣꠛꠣꠎ ꠞꠥꠢꠥ ꠀꠞ ꠀꠟ꠆ꠟꠣꠁ ꠢꠇ ꠞꠥꠢꠥꠞꠦ ꠌꠤꠘꠤ।

Injil 26: Ehuda 1:17

ꠅꠁꠟꠦ ꠅ ꠝꠣꠄꠀꠞ ꠖꠥꠡ꠆ꠔ ꠅꠇꠟ, ꠀꠝꠤ ꠔꠥꠝꠞꠣꠞꠦ ꠇꠁꠞꠣꠝ, ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠍꠣꠢꠣꠛꠤ ꠅꠇꠟꠦ ꠀꠉꠦ ꠎꠦꠔꠣ ꠛꠣꠔꠣꠁꠍꠂꠘ, ꠁꠔꠣ ꠝꠘꠅ ꠞꠣꠈꠤꠅ।

Injil 27: Zaira Kalam 19:10

ꠔꠦꠃ ꠀꠝꠤ ꠅꠃ ꠚꠤꠞꠤꠡ꠆ꠔꠣꠞꠦ ꠍꠁꠎꠖꠣ ꠇꠞꠣꠞ ꠘꠤꠅꠔꠦ ꠔꠣꠘ ꠙꠣꠅ-ꠅ ꠙꠠꠟꠣꠝ, ꠅꠁꠟꠦ ꠔꠣꠁꠘ ꠀꠝꠣꠞꠦ ꠇꠁꠟꠣ, “ꠢꠣꠄ, ꠢꠣꠄ! ꠁꠔꠣ ꠇꠤꠔꠣ ꠇꠞꠞꠣꠄ, ꠀꠝꠤꠅ ꠔ ꠔꠥꠝꠣꠞ ꠟꠣꠈꠣꠘ ꠉꠥꠟꠣꠝ, ꠀꠞ ꠔꠥꠝꠣꠞ ꠎꠦ ꠝꠥꠝꠤꠘ ꠜꠣꠁ ꠅꠇꠟꠦ ꠢꠎꠞꠔ ꠁꠍꠣꠞ ꠙꠇ꠆ꠇꠦ ꠎꠛꠣꠘꠛꠘ꠆ꠖꠤ ꠖꠦꠅꠀꠔ ꠞꠄ, ꠀꠝꠤ ꠔꠣꠞꠣꠞ ꠟꠣꠈꠣꠘꠅ ꠉꠥꠟꠣꠝ। ꠔꠦ ꠈꠣꠟꠤ ꠀꠟ꠆ꠟꠣꠞꠦ ꠍꠁꠎꠖꠣ ꠇꠞꠅ। ꠅꠃ ꠁꠍꠣꠞ ꠎꠛꠣꠘꠛꠘ꠆ꠖꠤꠃ ꠅꠁꠟ, ꠘꠛꠤ-ꠞꠍꠥꠟ ꠅꠇꠟꠞ ꠎꠛꠣꠘꠛꠘ꠆ꠖꠤꠞ ꠝꠥꠟ ꠈꠥꠐꠤ।”