ꠁꠘ꠆ꠎꠤꠟ ২২: ২-ꠙꠤꠔꠞ 3:1 - Siloṭi Asmani Kitab (Nagri lipi)

¹ ꠝꠣꠄꠀꠞ ꠜꠣꠁ ꠅꠇꠟ, ꠁꠈꠣꠘ ꠅꠁꠟ ꠔꠥꠝꠞꠣꠞ ꠉꠦꠍꠦ ꠟꠦꠈꠣ ꠀꠝꠣꠞ ꠖꠥꠁ ꠘꠝ꠆ꠛꠞ ꠌꠤꠑꠤ, ꠁ ꠖꠥꠁꠅ ꠌꠤꠑꠤꠔꠃ ꠀꠝꠤ ꠔꠥꠝꠞꠣꠞꠦ ꠈꠤꠀꠟ ꠇꠞꠣꠁ ꠖꠤꠞꠣꠝ ꠀꠞ ꠔꠥꠝꠞꠣꠞ ꠖꠤꠟꠞꠦ ꠢꠎꠣꠉ ꠇꠞꠞꠣꠝ।

ছিলটি আছমানি কিতাব (বাংলা লিপি)

¹ মায়ার ভাই অকল, ইখান অইলো তুমরার গেছে লেখা আমার দুই নম্বর চিঠি, ই দুইও চিঠিতউ আমি তুমরারে খিয়াল করাই দিরাম আর তুমরার দিলরে হজাগ কররাম।

Siloṭi Asmani Kitab (Latin lipi)

¹ Mayar bai oḳol, ikan oilo tumrar gese leḳa amar dui nombor siṭi, i duio siṭit-u ami tumrare kial ḳorai diram ar tumrar dilre hozag korram.

ꠁꠘ꠆ꠎꠤꠟ ২২: ২-ꠙꠤꠔꠞ 3:1 Iomraidhean Croise

ꠎꠛꠥꠞ ꠡꠞꠤꠚ 24:4

ꠢꠃ ꠎꠘꠃ ꠔ, ꠎꠣꠞ ꠀꠔ ꠘꠤ-ꠅꠙꠞꠣꠗꠤ, ꠎꠣꠞ ꠖꠤꠟ ꠙꠣꠇ-ꠍꠣꠚ; ꠢꠦ ꠎꠉꠔꠞ ꠝꠣꠄꠀ ꠎꠣꠟꠅ ꠛꠘ꠆ꠖꠤ ꠘꠣꠄ, ꠀꠞ ꠐꠉꠣꠐꠉꠤꠞ ꠘꠤꠅꠔꠦ ꠇꠍꠝ ꠈꠣꠄ ꠘꠣ।

ꠁꠘ꠆ꠎꠤꠟ ১: ꠝꠕꠤ 5:8

ꠔꠣꠞꠣꠃ ꠇꠙꠣꠟꠤ ꠎꠣꠞꠣꠞ ꠖꠤꠟ ꠈꠣꠐꠤ, ꠇꠣꠞꠘ ꠔꠣꠞꠣꠃ ꠀꠟ꠆ꠟꠣꠞ ꠖꠤꠖꠣꠞ ꠙꠣꠁꠛꠣ।

Injil 8: 2-Korintia 13:2

ꠔꠦ ꠀꠝꠤ ꠎꠦꠛꠟꠣ ꠖꠥꠍꠞꠣꠛꠣꠞ ꠔꠥꠝꠞꠣꠞ ꠉꠦꠍꠦ ꠉꠦꠍꠟꠣꠝ, ꠢꠃ ꠍꠚꠞꠞ ꠀꠉꠦ ꠎꠦꠞꠣ ꠉꠥꠘꠣ-ꠇꠍꠥꠞꠤ ꠇꠞꠍꠤꠟ, ꠀꠝꠤ ꠔꠣꠞꠣꠞꠦ ꠀꠞ ꠛꠣꠖ-ꠛꠣꠇꠤ ꠢꠇꠟꠞꠦ ꠢꠥꠡꠤꠀꠞ ꠇꠞꠤ ꠖꠤꠍꠟꠣꠝ। ꠀꠞ ꠅꠈꠘ ꠀꠝꠤ ꠘꠤꠎꠦ ꠀꠎꠤꠞ ꠘꠣ ꠅꠁꠟꠦꠅ ꠔꠣꠞꠣꠞꠦ ꠅꠟꠣ ꠢꠥꠡꠤꠀꠞ ꠇꠞꠤ ꠖꠤꠞꠣꠝ, ꠀꠝꠤ ꠀꠞꠇꠛꠣꠞ ꠀꠁꠟꠦ ꠔꠣꠞꠣ ꠇꠦꠃ ꠞꠦꠢꠣꠁ ꠙꠣꠁꠔꠣ ꠘꠣꠄ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:22

ꠌꠐ ꠇꠞꠤ ꠇꠦꠃꠞꠞꠦ ꠈꠦꠟꠣꠚꠔꠤ ꠖꠤꠀ, ꠇꠥꠘꠥ ꠙꠖꠅ ꠛꠅꠀꠁꠟ ꠇꠞꠤꠅ ꠘꠣ। ꠅꠁꠘ꠆ꠘ ꠝꠣꠘꠡꠦ ꠎꠦꠛꠟꠣ ꠉꠥꠘꠣꠞ ꠇꠣꠝ ꠇꠞꠦ, ꠔꠥꠝꠤ ꠔꠣꠞꠣꠞ ꠟꠉꠦ ꠡꠞꠤꠇ ꠅꠁꠅ ꠘꠣ, ꠘꠤꠎꠞꠦ ꠘꠤꠈꠥꠔ ꠞꠣꠈꠤꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:6

ꠄꠞꠟꠣꠉꠤ ꠅꠈꠘ ꠔꠥꠝꠣꠞꠦ ꠝꠘꠅ ꠇꠞꠣꠁ ꠖꠤꠞꠣꠝ, ꠀꠝꠤ ꠔꠥꠝꠣꠞ ꠡꠞꠤꠟꠅ ꠀꠔ ꠞꠣꠈꠤꠀ ꠈꠦꠟꠣꠚꠔꠤ ꠖꠦꠅꠀꠄ, ꠀꠟ꠆ꠟꠣꠄ ꠔꠥꠝꠣꠞꠦ ꠎꠦ ꠈꠣꠍ ꠘꠤꠀꠝꠔ ꠖꠣꠘ ꠇꠞꠍꠂꠘ, ꠁ ꠀꠉꠥꠁꠘ ꠎꠣꠟꠣꠁꠀ ꠔꠥꠟꠅ।

Injil 19: Ibrani 6:9

ꠅ ꠝꠣꠄꠀꠞ ꠖꠥꠡ꠆ꠔ ꠅꠇꠟ, ꠎꠥꠖꠤꠅ ꠀꠝꠞꠣ ꠁꠟꠣꠈꠣꠘ ꠇꠁꠞꠣꠝ, ꠅꠁꠟꠦ ꠀꠍꠟꠦ ꠀꠝꠞꠣ ꠈꠣꠍ ꠖꠤꠟꠦ ꠝꠘꠅ ꠇꠞꠤ, ꠔꠥꠝꠞꠣꠞ ꠢꠣꠟꠔ ꠄ ꠕꠣꠇꠤ ꠛꠃꠔ ꠜꠣꠟꠣ ꠀꠍꠦ, ꠀꠞ ꠔꠥꠝꠞꠣꠞ ꠎꠤꠘ꠆ꠖꠦꠉꠤꠔ ꠘꠣꠎꠣꠔꠞ ꠚꠟꠅ ꠖꠦꠈꠣ ꠎꠣꠞ।

ꠁꠘ꠆ꠎꠤꠟ ২১: ১-ꠙꠤꠔꠞ 1:22

ꠅꠈꠘ ꠢꠇ-ꠢꠣꠟꠣꠟꠤ ꠝꠣꠘꠤꠀ, ꠔꠥꠝꠞꠣꠞ ꠖꠤꠟꠞꠦ ꠙꠣꠇ-ꠍꠣꠚ ꠇꠞꠍ ꠀꠞ ꠁꠝꠣꠘꠖꠣꠞ ꠜꠣꠁ ꠅꠇꠟ ꠎꠦꠛꠟꠣ ꠔꠥꠝꠞꠣꠞ ꠉꠦꠍꠦ ꠝꠣꠄꠀꠞ ꠝꠣꠘꠥꠡ ꠅꠁꠍꠂꠘ, ꠔꠦ ꠀꠝꠤ ꠇꠁꠞꠣꠝ, ꠔꠥꠝꠞꠣ ꠄꠇꠦ-ꠅꠁꠘ꠆ꠘꠞꠦ ꠖꠤꠟꠦ-ꠎꠣꠘꠦ ꠝꠣꠄꠀ ꠇꠞꠅ।

ꠁꠘ꠆ꠎꠤꠟ ২১: ১-ꠙꠤꠔꠞ 2:11

ꠜꠣꠁ ꠅꠇꠟ, ꠁ ꠖꠥꠘꠤꠀꠔ ꠔꠥꠝꠞꠣ ꠝꠥꠍꠣꠚꠤꠞ ꠢꠤꠡꠣꠛꠦ ꠀꠝꠤ ꠔꠥꠝꠞꠣꠞꠦ ꠝꠤꠘꠔ ꠇꠞꠤ ꠇꠁꠞꠣꠝ, ꠔꠥꠝꠞꠣ ꠡꠞꠤꠟꠞ ꠛꠖ ꠈꠣꠁꠡ ꠕꠣꠇꠤ ꠛꠣꠌꠤꠀ ꠞꠅ, ꠁꠔꠣꠄ ꠔ ꠔꠥꠝꠞꠣꠞ ꠞꠥꠢꠥꠞ ꠛꠤꠙꠇ꠆ꠇꠦ ꠎꠥꠖ꠆ꠖ ꠇꠞꠦ।

ꠁꠘ꠆ꠎꠤꠟ ২২: ২-ꠙꠤꠔꠞ 3:14

ꠄꠞꠟꠣꠉꠤ ꠜꠣꠁ ꠅꠇꠟ, ꠔꠥꠝꠞꠣ ꠎꠦꠛꠟꠣ ꠅꠃ ꠖꠤꠘꠞ ꠟꠣꠉꠤ ꠛꠣꠞ ꠌꠣꠅꠀꠔ ꠀꠍ, ꠔꠦ ꠈꠥꠛ ꠈꠤꠀꠟ ꠇꠞꠅ, ꠅꠃ ꠖꠤꠘ ꠔꠣꠁꠘ ꠎꠣꠘꠥ ꠔꠥꠝꠞꠣꠞꠦ ꠘꠤꠈꠥꠔ-ꠘꠤꠡ꠆ꠇꠟꠋꠇ ꠢꠣꠟꠔꠦ ꠡꠣꠘ꠆ꠔꠤꠞ ꠝꠣꠎꠦ ꠖꠦꠈꠂꠘ।

ꠁꠘ꠆ꠎꠤꠟ ২২: ২-ꠙꠤꠔꠞ 3:17

ꠜꠣꠁ ꠅꠇꠟ, ꠅꠃ ꠇꠕꠣ ꠅꠇꠟ ꠔꠥꠝꠞꠣ ꠀꠉꠦꠃ ꠎꠣꠘꠍ, ꠄꠞꠟꠣꠉꠤ ꠢꠥꠡꠤꠀꠞ ꠅꠅ ꠎꠣꠔꠦ ꠅꠃ ꠘꠣꠚꠞꠝꠣꠘ ꠝꠣꠘꠡꠞ ꠜꠥꠟꠦ ꠔꠥꠝꠞꠣꠞꠦ ꠜꠥꠟ ꠙꠕꠦ ꠘꠣ ꠘꠦꠄ, ꠀꠞ ꠁꠝꠣꠘꠤ ꠜꠤꠔ ꠕꠣꠇꠤ ꠘꠣ ꠢꠞꠣꠄ।

ꠁꠘ꠆ꠎꠤꠟ ২২: ২-ꠙꠤꠔꠞ 3:8

ꠔꠣ-ꠅ ꠜꠣꠁ ꠅꠇꠟ, ꠔꠥꠝꠞꠣ ꠁꠈꠣꠘ ꠚꠣꠃꠞꠤꠅ ꠘꠣ, ꠝꠣꠟꠤꠇꠞ ꠉꠦꠍꠦ ꠄꠇ ꠖꠤꠘ ꠄꠇ ꠀꠎꠣꠞ ꠛꠍꠞꠞ ꠢꠝꠣꠘ ꠀꠞ ꠄꠇ ꠀꠎꠣꠞ ꠛꠍꠞ ꠄꠇ ꠖꠤꠘꠞ ꠢꠝꠣꠘ।

Injil 26: Ehuda 1:5

ꠔꠦ ꠅꠃ ꠛꠦꠙꠣꠞ ꠔ ꠔꠥꠝꠞꠣ ꠈꠥꠛ ꠜꠣꠟꠣ ꠇꠞꠤꠃ ꠎꠣꠘ, ꠔꠣ-ꠅ ꠀꠝꠤ ꠈꠣꠟꠤ ꠅꠈꠣꠘ ꠝꠘꠅ ꠇꠞꠣꠁ ꠖꠤꠞꠣꠝ, ꠝꠤꠡꠞ ꠖꠦꠡ ꠕꠣꠇꠤ ꠛꠘꠤ ꠁꠍꠞꠣꠁꠟꠞꠦ ꠀꠎꠣꠖ ꠇꠞꠤꠀ ꠀꠘꠣꠞ ꠛꠣꠖꠦ, ꠔꠣꠞꠣꠞ ꠝꠣꠎꠞ ꠎꠦꠔꠣꠄ ꠁꠝꠣꠘ ꠀꠘꠍꠤꠟ ꠘꠣ, ꠝꠣꠟꠤꠇꠦ ꠔꠣꠞꠣꠞꠦ ꠛꠤꠘꠣꠡ ꠇꠞꠍꠟꠣ।