ꠁꠘ꠆ꠎꠤꠟ ২২: ২-ꠙꠤꠔꠞ 2:2 - Siloṭi Asmani Kitab (Nagri lipi)

² ꠔꠣꠞꠣꠞ ꠖꠦꠈꠣ-ꠖꠦꠈꠤ ꠛꠃꠔ ꠝꠣꠘꠥꠡ ꠈꠛꠤꠍꠤ ꠙꠕꠦ ꠎꠣꠁꠛ, ꠔꠣꠞꠣꠞ ꠟꠣꠉꠤꠃ ꠁꠍꠣꠄꠁ ꠢꠇ ꠔꠞꠤꠇꠣꠞ ꠛꠖꠘꠣꠝ ꠅꠁꠛ।

ছিলটি আছমানি কিতাব (বাংলা লিপি)

² তারার দেখা-দেখি বউত মানুষ খবিছি পথে যাইবো, তারার লাগিউ ইছায়ী হক তরিকার বদনাম অইবো।

Siloṭi Asmani Kitab (Latin lipi)

² Tarar deḳa-deki bout manush ḳobisi fote zaibo, tarar lagi-u Isayi hok torikar bodnam oibo.

ꠁꠘ꠆ꠎꠤꠟ ২২: ২-ꠙꠤꠔꠞ 2:2 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 19:5

ꠀꠞ ꠟꠥꠔꠞꠦ ꠒꠣꠇꠤꠀ ꠇꠁꠟꠣ, “ꠀꠁꠎ ꠞꠣꠁꠔ ꠎꠦ ꠖꠥꠁꠎꠘ ꠝꠣꠘꠥꠡ ꠔꠞ ꠁꠘꠅ ꠀꠁꠍꠦ, ꠔꠣꠞꠣ ꠇꠁ? ꠅꠔꠣꠞꠦ ꠛꠣꠞ ꠇꠞꠤꠀ ꠀꠝꠞꠣꠞ ꠉꠦꠍꠦ ꠀꠘ। ꠀꠝꠞꠣ ꠅꠔꠣꠞ ꠟꠉꠦ ꠝꠃꠎ ꠇꠞꠔꠣꠝ।”

ꠎꠛꠥꠞ ꠡꠞꠤꠚ 18:21

ꠝꠣꠛꠥꠖꠞ ꠙꠕꠦꠃ ꠌꠟꠍꠤ ꠀꠝꠤ, ꠇꠞꠍꠤ ꠘꠣ ꠘꠣꠚꠞꠝꠣꠘꠤ, ꠁꠟꠣ ꠇꠣꠝ ꠇꠞꠍꠤ ꠘꠣ ꠎꠦꠔꠣꠄ ꠢꠞꠣꠄ ꠀꠟ꠆ꠟꠣꠞ ꠖꠤꠖꠣꠞ ꠕꠣꠇꠤ।

ꠁꠘ꠆ꠎꠤꠟ ১: ꠝꠕꠤ 22:16

ꠔꠦꠃ ꠔꠣꠞꠣ ꠘꠤꠎꠞ ꠇꠄꠎꠘ ꠡꠣꠉꠞꠤꠖ ꠀꠞ ꠞꠣꠎꠣ ꠢꠦꠞꠥꠖꠞ ꠖꠟꠞ ꠇꠤꠍꠥ ꠝꠣꠘꠡꠞꠦ ꠁꠍꠣꠞ ꠉꠦꠍꠦ ꠙꠣꠑꠣꠁꠟꠣ। ꠅꠔꠣꠄ ꠀꠁꠀ ꠇꠁꠟꠣ, “ꠢꠥꠎꠥꠞ, ꠀꠝꠞꠣ ꠔ ꠎꠣꠘꠤ, ꠀꠙꠘꠦ ꠄꠇꠎꠘ ꠢꠇ ꠝꠣꠘꠥꠡ। ꠢꠇ-ꠢꠣꠟꠣꠟ ꠙꠕꠦ ꠝꠣꠘꠡꠞꠦ ꠀꠟ꠆ꠟꠣꠞ ꠞꠣꠡ꠆ꠔꠣ ꠛꠣꠔꠣꠁ ꠖꠤꠞꠣ। ꠇꠦ ꠇꠤꠔꠣ ꠝꠘꠅ ꠇꠞꠦ ꠛꠣ ꠘꠣ ꠇꠞꠦ, ꠁꠔꠣꠄ ꠀꠙꠘꠣꠞ ꠇꠥꠘ꠆ꠔꠣꠃ ꠎꠣꠄ ꠀꠄ ꠘꠣ, ꠀꠙꠘꠦ ꠔ ꠝꠥꠈ ꠌꠣꠁꠀ ꠇꠥꠘ꠆ꠔꠣ ꠇꠞꠂꠘ ꠘꠣ।

ꠁꠘ꠆ꠎꠤꠟ ১: ꠝꠕꠤ 24:24

ꠇꠣꠞꠘ ꠀꠟ-ꠝꠍꠤ ꠘꠣꠝ ꠟꠁꠀ ꠛꠃꠔ ꠜꠘ꠆ꠒ ꠀꠁꠛꠣ, ꠘꠛꠤ ꠢꠣꠎꠤꠀꠅ ꠛꠃꠔ ꠜꠘ꠆ꠒ ꠀꠁꠛꠣ। ꠁꠔꠣꠄ ꠛꠃꠔ ꠛꠠ ꠛꠠ ꠀꠌꠣꠘꠇ ꠇꠦꠞꠣꠝꠔꠤ ꠇꠣꠝ ꠖꠦꠈꠣꠁꠛꠣ। ꠔꠣꠞꠣ ꠌꠣꠁꠛꠣ, ꠡꠥꠎꠥꠉ ꠙꠣꠁꠟꠦ ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣꠞꠦ ꠗꠥꠇꠣ ꠖꠤꠀ ꠛꠦ-ꠙꠕꠦ ꠘꠤꠔꠣꠉꠤ।

ꠁꠘ꠆ꠎꠤꠟ ১: ꠝꠕꠤ 7:14

ꠅꠁꠟꠦ ꠎꠦ ꠙꠕꠦ ꠉꠦꠟꠦ ꠎꠤꠘ꠆ꠖꠦꠉꠤ ꠝꠤꠟꠦ, ꠁ ꠙꠕꠞ ꠖꠥꠀꠞ ꠌꠤꠙꠣ, ꠙꠕꠅ ꠢꠥꠞꠥ-ꠝꠥꠞꠥ। ꠈꠥꠛ ꠇꠝ ꠝꠣꠘꠡꠦꠃ ꠁ ꠖꠥꠀꠞꠞ ꠈꠥꠎ ꠙꠣꠁꠘ।

Injil 2: Markus 12:14

ꠔꠣꠞꠣ ꠀꠁꠀ ꠇꠁꠟ, “ꠢꠥꠎꠥꠞ, ꠀꠝꠞꠣ ꠔ ꠎꠣꠘꠤ, ꠀꠙꠘꠦ ꠄꠇꠎꠘ ꠢꠇ ꠝꠣꠘꠥꠡ। ꠝꠣꠘꠡꠦ ꠇꠤꠔꠣ ꠝꠘꠅ ꠇꠞꠦ ꠛꠣ ꠘꠣ ꠇꠞꠦ, ꠁꠔꠣꠄ ꠀꠙꠘꠣꠞ ꠇꠥꠘ꠆ꠔꠣꠃ ꠎꠣꠄ ꠀꠄ ꠘꠣ, ꠀꠙꠘꠦ ꠔ ꠇꠦꠃꠞꠞ ꠝꠥꠈꠞ ꠛꠣꠄ ꠌꠣꠁꠀ ꠇꠥꠘ꠆ꠔꠣ ꠇꠞꠂꠘ ꠘꠣ। ꠢꠇ-ꠢꠣꠟꠣꠟ ꠘꠤꠅꠝꠦ ꠝꠣꠘꠡꠞꠦ ꠀꠟ꠆ꠟꠣꠞ ꠞꠣꠡ꠆ꠔꠣ ꠛꠣꠔꠣꠁ ꠖꠤꠞꠣ। ꠔꠦ ꠀꠝꠞꠣꠞꠦ ꠛꠣꠔꠣꠁ ꠖꠦꠃꠇ꠆ꠇꠣ, ꠢꠎꠞꠔ ꠝꠥꠍꠣꠞ ꠡꠞꠤꠅꠔ ꠝꠣꠚꠤꠇ ꠞꠥꠝꠣꠘ ꠛꠣꠖꠡꠣꠞꠦ ꠈꠣꠎꠘꠣ ꠖꠦꠅꠀ ꠎꠣꠁꠎ ꠘꠤ?

Injil 2: Markus 13:22

ꠇꠣꠞꠘ ꠛꠃꠔ ꠜꠘ꠆ꠒꠄ ꠀꠁꠀ ꠇꠁꠛ, ꠀꠝꠤꠃ ꠀꠟ-ꠝꠍꠤ, ꠀꠞ ꠛꠃꠔ ꠜꠘ꠆ꠒ ꠘꠛꠤꠅ ꠀꠁꠛꠣ। ꠡꠝ꠆ꠛꠛ ꠅꠁꠟꠦ ꠔꠣꠞꠣ ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣ ꠅꠇꠟꠞꠦꠅ ꠗꠥꠇꠣ ꠖꠤꠀ ꠛꠦ-ꠙꠕꠦ ꠘꠤꠔꠣ ꠇꠞꠤ ꠛꠃꠔ ꠇꠦꠞꠣꠝꠔꠤ-ꠝꠥꠎꠦꠎꠣ ꠖꠦꠈꠣꠁꠛꠣ।

Injil 4: Hannan 14:6

ꠁꠍꠣꠄ ꠇꠁꠟꠣ, “ꠀꠝꠤꠃ ꠙꠕ, ꠀꠝꠤꠃ ꠢꠇ ꠀꠞ ꠀꠝꠤꠃ ꠎꠤꠘ꠆ꠖꠦꠉꠤ। ꠀꠝꠣꠞ ꠃꠍꠤꠟ꠆ꠟꠣ ꠍꠣꠠꠣ ꠇꠥꠘꠥ ꠝꠣꠘꠥꠡꠃ ꠉꠣꠁꠛꠤ ꠛꠣꠚꠞ ꠉꠦꠍꠦ ꠎꠣꠁꠔ ꠙꠣꠞꠦ ꠘꠣ।

Injil 5: Sahabi Nama 13:10

“ꠅ ꠁꠛꠟꠤꠍꠞ ꠛꠣꠁꠌ꠆ꠌꠣ, ꠢꠇꠟ ꠝꠥꠝꠤꠘꠤ ꠇꠣꠝꠞ ꠖꠥꠡꠝꠘ, ꠔꠞ ꠜꠤꠔꠞꠦ ꠢꠇꠟ ꠟꠣꠈꠣꠘ ꠍꠟ-ꠌꠔꠥꠞꠤ ꠀꠞ ꠘꠣꠚꠞꠝꠣꠘꠤꠄ ꠜꠞꠣ, ꠔꠥꠁ ꠝꠣꠛꠥꠖꠞ ꠍꠢꠤ ꠙꠕꠞꠦ ꠔꠦꠠꠣ ꠇꠞꠣꠞ ꠚꠤꠇꠤꠞ ꠛꠣꠖ ꠖꠤꠔꠦ ꠘꠣꠄ ꠘꠤ?

Injil 5: Sahabi Nama 14:2

ꠅꠁꠟꠦ ꠎꠦꠔꠣ ꠁꠢꠥꠖꠤꠄ ꠁꠝꠣꠘ ꠀꠘꠟꠣ ꠘꠣ, ꠔꠣꠞꠣ ꠅ-ꠁꠢꠥꠖꠤ ꠅꠇꠟꠞꠦ ꠃꠍꠇꠣꠁ ꠖꠤꠀ, ꠝꠥꠝꠤꠘ ꠅꠇꠟꠞ ꠛꠣꠄ ꠛꠤꠉꠠꠣꠁꠟꠣ।

Injil 5: Sahabi Nama 16:17

ꠔꠣꠁ ꠀꠝꠞꠣꠞ ꠈꠞꠦ ꠈꠞꠦ ꠀꠁꠀ ꠌꠤꠟ꠆ꠟꠣꠁꠀ ꠇꠁꠟ, “ꠁ ꠝꠣꠘꠥꠡ ꠉꠥꠁꠘ ꠃꠙꠞꠀꠟꠣꠞ ꠡꠦꠛꠇ, ꠄꠞꠣ ꠔꠥꠝꠞꠣꠞꠦ ꠔꠞꠣꠘꠤꠞ ꠙꠕ ꠖꠦꠈꠣꠁ ꠖꠤꠞꠣ।”

Injil 5: Sahabi Nama 18:26

ꠔꠣꠁꠘ ꠈꠥꠛ ꠢꠤꠝ꠆ꠝꠔ ꠇꠞꠤꠀ ꠝꠍꠤꠖꠅ ꠉꠤꠀ ꠅꠀꠎ ꠇꠞꠔꠣ। ꠚꠤꠍꠇꠤꠟꠣ ꠀꠞ ꠀꠇꠤꠟꠦ ꠔꠣꠘ ꠅꠀꠎ ꠢꠥꠘꠤꠀ ꠔꠣꠘꠞꠦ ꠔꠣꠞꠣꠞ ꠛꠣꠠꠤꠔ ꠖꠣꠅꠔ ꠖꠤꠟꠣ, ꠀꠞ ꠀꠟ꠆ꠟꠣꠞ ꠞꠣꠡ꠆ꠔꠣ ꠀꠞꠅ ꠜꠣꠟꠣ ꠇꠞꠤ ꠛꠥꠎꠣꠁꠀ ꠖꠤꠟꠣ।

Injil 5: Sahabi Nama 19:9

ꠄꠞꠣꠞ ꠝꠣꠎꠦ ꠇꠄꠎꠘꠞ ꠖꠤꠟ ꠘꠣ-ꠢꠥꠝꠣꠞ ꠅꠀꠄ ꠔꠣꠞꠣ ꠁꠝꠣꠘ ꠀꠘꠟꠣ ꠘꠣ, ꠔꠣꠞꠣ ꠢꠇꠟꠞ ꠉꠦꠍꠦ ꠁꠍꠣꠞ ꠔꠞꠤꠇꠣꠞ ꠉꠤꠛꠔ ꠉꠣꠁꠔꠣ। ꠔꠦꠃ ꠙꠣꠃꠟꠥꠍꠦ ꠄꠞꠣꠞ ꠉꠦꠍ ꠕꠣꠇꠤ ꠢꠞꠤꠀ ꠃꠝ꠆ꠝꠔ ꠅꠇꠟꠞꠦ ꠀꠟꠉꠣꠁꠀ ꠔꠣꠘ ꠟꠉꠦ ꠞꠣꠈꠟꠣ, ꠀꠞ ꠙꠞꠔꠦꠇ ꠖꠤꠘ ꠔꠥꠞꠣꠘ꠆ꠘ ꠘꠣꠝꠞ ꠄꠇ ꠃꠡ꠆ꠔꠣꠖꠞ ꠐꠋꠉꠤꠔ ꠉꠤꠀ ꠔꠣꠞꠣꠞꠦ ꠔꠣꠟꠤꠝ ꠖꠤꠟꠣ।

Injil 5: Sahabi Nama 22:4

ꠀꠝꠤ ꠁꠍꠣꠞ ꠙꠕꠤ ꠅꠇꠟꠞꠦ ꠎꠣꠘ-ꠙꠞꠣꠘ ꠡꠙꠤꠀ ꠎꠥꠟꠥꠝ ꠀꠞ ꠎꠣꠘꠦ ꠝꠣꠞꠔꠣꠝ, ꠛꠦꠐꠣꠁꠘ-ꠛꠦꠐꠤꠘꠞꠦ ꠛꠣꠘ꠆ꠖꠤꠀ ꠘꠤꠀ ꠎꠦꠟ ꠈꠣꠘꠣꠔ ꠢꠣꠞꠣꠁꠔꠣꠝ।

Injil 5: Sahabi Nama 24:14

ꠅꠁꠟꠦ ꠀꠝꠤ ꠀꠙꠘꠣꠞ ꠉꠦꠍꠦ ꠡ꠆ꠛꠤꠇꠣꠞ ꠇꠞꠞꠣꠝ, ꠄꠞꠣ ꠎꠦꠇꠐꠣꠞꠦ ꠛꠤꠗꠞ꠆ꠝꠤ ꠖꠟ ꠇꠁꠞꠣ, ꠢꠃ ꠁꠍꠣ ꠀꠟ-ꠝꠍꠤꠞ ꠔꠞꠤꠇꠣꠄ ꠀꠝꠤ ꠀꠝꠣꠞ ꠝꠄ-ꠝꠥꠞꠛ꠆ꠛꠤ ꠅꠇꠟꠞ ꠀꠟ꠆ꠟꠣꠞ ꠄꠛꠣꠖꠔ ꠇꠞꠤ। ꠔꠃꠞꠣꠔ ꠇꠤꠔꠣꠛꠞ ꠛꠣꠔꠣꠁꠟ ꠢꠇꠟ ꠢꠥꠇꠥꠝ-ꠀꠢꠇꠣꠝ ꠀꠞ ꠔꠣꠝꠣꠝ ꠘꠛꠤ ꠅꠇꠟꠞ ꠇꠤꠔꠣꠛꠞꠦ ꠀꠝꠤ ꠄꠇꠤꠘ ꠇꠞꠤ।

Injil 6: Ruman 2:24

ꠀꠟ꠆ꠟꠣꠞ ꠇꠣꠟꠣꠝꠅ ꠀꠍꠦ, “ꠔꠥꠝꠞꠣꠞ ꠌꠣꠟ-ꠌꠟꠘ ꠖꠦꠈꠤꠀ ꠜꠤꠘ ꠎꠣꠔꠤ ꠅꠇꠟꠦ ꠀꠟ꠆ꠟꠣꠞ ꠘꠣꠝꠞꠦ ꠛꠦꠁꠎ꠆ꠎꠔ ꠇꠞꠦꠞ।”

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:14

ꠄꠞꠟꠣꠉꠤ ꠀꠝꠤ ꠅꠃ ꠘꠍꠤꠅꠔ ꠇꠞꠤꠀꠞ, ꠎꠥꠀꠘ ꠠꠣꠠꠤ ꠛꠦꠐꠤꠘ꠆ꠔꠦ ꠛꠤꠀ-ꠡꠣꠖꠤ ꠇꠞꠣꠃ ꠜꠣꠟꠣ, ꠔꠣꠞꠣ ꠢꠥꠞꠥꠔ꠆ꠔꠣꠞ ꠝꠣ ꠅꠃꠇ, ꠘꠤꠎꠞ ꠡꠋꠡꠣꠞꠞ ꠖꠦꠈꠣ-ꠢꠥꠘꠣ ꠇꠞꠃꠇ, ꠀꠞ ꠖꠥꠡꠝꠘꠞꠦ ꠇꠥꠘꠥ ꠟꠣꠈꠣꠘ ꠛꠖꠘꠣꠝ ꠉꠣꠅꠀꠞ ꠡꠥꠎꠥꠉ ꠘꠣ ꠖꠦꠃꠇ।

Injil 17: Titas 2:5

ꠘꠤꠎꠞꠦ ꠡꠣꠝꠟꠣꠁꠀ ꠞꠣꠈꠂꠘ, ꠡꠔꠤ ꠞꠂꠘ, ꠜꠣꠟꠣ ꠡꠋꠡꠣꠞꠤ ꠅꠁꠘ, ꠖꠄꠀꠟꠥ ꠅꠁꠘ, ꠀꠞ ꠎꠣꠝꠣꠁꠞ ꠛꠣꠁꠖ꠆ꠖ ꠕꠣꠇꠂꠘ। ꠔꠦꠃ ꠀꠟ꠆ꠟꠣꠞ ꠇꠣꠟꠣꠝꠞ ꠛꠖꠘꠣꠝ ꠇꠞꠣꠞ ꠡꠥꠎꠥꠉ ꠇꠦꠃ ꠙꠣꠁꠔ ꠘꠣꠄ।

Injil 17: Titas 2:8

ꠇꠦꠃ ꠎꠣꠘꠥ ꠔꠥꠝꠣꠞ ꠎꠛꠣꠘꠞ ꠇꠥꠘꠥ ꠖꠥꠡ ꠘꠣ ꠙꠣꠄ। ꠔꠥꠝꠣꠞ ꠅꠃꠟꠣ ꠌꠣꠟ-ꠌꠟꠘ ꠖꠦꠈꠤꠀ ꠖꠥꠡꠝꠘ ꠅꠇꠟ ꠡꠞꠝꠤꠘ꠆ꠖꠣ ꠅꠁꠛꠣ ꠀꠞ ꠀꠝꠞꠣꠞ ꠛꠖꠘꠣꠝ ꠇꠞꠣꠞ ꠇꠥꠘꠥ ꠈꠥꠔ ꠙꠣꠁꠔꠣ ꠘꠣꠄ।

ꠁꠘ꠆ꠎꠤꠟ ২১: ১-ꠙꠤꠔꠞ 2:12

ꠎꠦꠞꠣ ꠀꠟ꠆ꠟꠣꠞꠦ ꠌꠤꠘꠦ ꠘꠣ, ꠔꠣꠞꠣꠞ ꠝꠣꠎꠦ ꠔꠥꠝꠞꠣ ꠢꠇ ꠙꠕꠦ ꠌꠟꠅ। ꠔꠦꠃ ꠔꠣꠞꠣ ꠔꠥꠝꠞꠣꠞꠦ ꠖꠥꠡꠤ ꠇꠁꠀ ꠘꠤꠘ꠆ꠖꠣ ꠇꠞꠟꠦꠅ, ꠔꠥꠝꠞꠣꠞ ꠢꠇꠟ ꠜꠣꠟꠣ ꠇꠣꠝ ꠖꠦꠈꠤꠀ ꠇꠤꠀꠝꠔꠞ ꠖꠤꠘ ꠀꠟ꠆ꠟꠣꠞ ꠉꠃꠞꠛ ꠇꠞꠛ।

ꠁꠘ꠆ꠎꠤꠟ ২২: ২-ꠙꠤꠔꠞ 2:12

ꠛꠦꠀꠈꠟ ꠎꠋꠟꠤ ꠎꠣꠘꠥꠀꠞ ꠅꠇꠟꠦ ꠘꠣ ꠛꠥꠎꠤꠀ ꠎꠦꠟꠣ ꠘꠤꠎꠞ ꠈꠥꠡꠤꠄ ꠌꠟꠦ ꠀꠞ ꠗꠞꠣ ꠈꠣꠁꠀ ꠝꠞꠦ, ꠅꠃ ꠜꠘ꠆ꠒ ꠃꠡ꠆ꠔꠣꠖ ꠅꠇꠟꠅ ꠅꠔꠣꠞ ꠟꠣꠈꠣꠘ। ꠔꠣꠞꠣ ꠎꠦꠔꠣ ꠛꠥꠎꠦ ꠘꠣ, ꠅꠔꠣꠞꠅ ꠛꠖꠘꠣꠝ ꠉꠣꠄ। ꠄꠞꠟꠣꠉꠤ ꠅꠃ ꠎꠋꠟꠤ ꠎꠣꠘꠥꠀꠞꠞ ꠟꠣꠈꠣꠘ ꠔꠣꠞꠣꠞ ꠛꠤꠘꠣꠡ ꠀꠍꠦ,

ꠁꠘ꠆ꠎꠤꠟ ২২: ২-ꠙꠤꠔꠞ 2:15

ꠔꠣꠞꠣ ꠛꠣꠟꠣꠝ ꠛꠤꠘ ꠛꠣꠃꠞꠞ ꠟꠣꠈꠣꠘ ꠍꠢꠤ ꠙꠕ ꠍꠣꠠꠤꠀ ꠛꠦ-ꠙꠕꠦ ꠉꠦꠍꠦꠉꠤ। ꠅꠃ ꠜꠘ꠆ꠒ ꠙꠤꠞ ꠛꠣꠟꠣꠝ ꠔ ꠢꠣꠞꠣꠝ ꠇꠣꠝꠣꠁ-ꠞꠥꠎꠉꠣꠞꠞ ꠙꠣꠉꠟ ꠀꠍꠤꠟ,

ꠁꠘ꠆ꠎꠤꠟ ২২: ২-ꠙꠤꠔꠞ 2:18

ꠔꠣꠞꠣ ꠛꠠ ꠛꠠ ꠛꠦꠇꠣꠝꠣ ꠝꠣꠔ ꠝꠣꠔꠦ। ꠀꠞ ꠎꠦꠞꠣ ꠕꠥꠠꠣ ꠀꠉꠦ ꠇꠥ-ꠙꠕ ꠍꠣꠠꠤꠀ ꠎꠣꠘ ꠛꠣꠌꠣꠘꠤꠞ ꠟꠣꠉꠤ ꠜꠣꠉꠤꠍꠂꠘ, ꠅꠔꠣ ꠝꠣꠘꠡꠞꠦ ꠡꠞꠤꠟꠞ ꠈꠣꠁꠡꠦ ꠌꠟꠤꠀ ꠛꠖꠝꠣꠁꠡꠤ ꠇꠞꠣꠞ ꠁꠘ꠆ꠗꠘ ꠖꠦꠄ।

ꠁꠘ꠆ꠎꠤꠟ ২২: ২-ꠙꠤꠔꠞ 2:21

ꠙꠞꠦꠎꠉꠣꠞꠤꠞ ꠙꠕ ꠌꠤꠘꠣꠞ ꠛꠣꠖꠦꠅ ꠔꠣꠞꠣꠞ ꠉꠦꠍꠦ ꠡꠝꠎꠣꠁꠟ ꠅꠃ ꠙꠛꠤꠔ꠆ꠞ ꠢꠥꠇꠥꠝꠞ ꠃꠟꠐꠣ ꠉꠦꠍꠦ, ꠄꠞ ꠕꠣꠇꠤ ꠀꠞꠅ ꠜꠣꠟꠣ ꠀꠍꠤꠟ ꠁ ꠙꠕ ꠘꠣ ꠌꠤꠘꠣ।

ꠁꠘ꠆ꠎꠤꠟ ২২: ২-ꠙꠤꠔꠞ 2:7

ꠔꠣ-ꠅ ꠟꠥꠔ ꠘꠛꠤꠞꠦ ꠔꠣꠁꠘ ꠛꠣꠌꠣꠁꠍꠂꠘ। ꠄꠁꠘ ꠔ ꠙꠞꠦꠎꠉꠣꠞ ꠝꠣꠘꠥꠡ ꠀꠍꠟꠣ, ꠢꠤꠘꠞ ꠘꠣꠚꠞꠝꠣꠘ ꠅꠇꠟꠞ ꠛꠦꠡꠣꠝꠣꠟ ꠜꠣꠛ ꠖꠦꠈꠤꠀ ꠔꠣꠁꠘ ꠈꠥꠛ ꠇꠡ꠆ꠐ ꠙꠣꠁꠔꠣ।

Injil 26: Ehuda 1:10

ꠅꠁꠟꠦ ꠅꠃ ꠜꠘ꠆ꠒ ꠃꠡ꠆ꠔꠣꠖ ꠅꠇꠟꠦ ꠎꠦꠔꠣ ꠛꠥꠎꠦ ꠘꠣ ꠅꠔꠣꠞ ꠛꠖꠘꠣꠝ ꠉꠣꠄ, ꠀꠞ ꠎꠋꠟꠤ ꠎꠣꠘꠥꠀꠞꠞ ꠟꠣꠈꠣꠘ ꠘꠤꠎꠞ ꠀꠈꠟꠦ ꠘꠤꠎꠞ ꠡꠞ꠆ꠛꠘꠣꠡ ꠊꠐꠣꠄ।

Injil 26: Ehuda 1:15

ꠎꠦꠔꠣꠄ ꠛꠦ-ꠖꠤꠘꠤ ꠇꠣꠝ ꠇꠞꠍꠂꠘ ꠀꠞ ꠔꠣꠘ ꠛꠤꠞꠥꠖ꠆ꠖꠦ ꠟꠣꠘ꠆ꠘꠔꠤ ꠝꠣꠔ ꠝꠣꠔꠤꠍꠂꠘ, ꠅꠈꠘ ꠅꠃ ꠛꠦ-ꠖꠤꠘ ꠉꠥꠘꠣꠉꠣꠞ ꠅꠇꠟꠞ ꠙꠣꠅꠘꠣ ꠢꠤꠡꠣꠛꠦ ꠔꠣꠁꠘ ꠁꠔꠣꠞꠦ ꠙꠥꠞꠣꠙꠥꠞ ꠖꠥꠡꠤ ꠡꠣꠁꠛꠡ꠆ꠔ ꠇꠞꠣꠔ ꠀꠁꠞꠣ।”

Injil 26: Ehuda 1:4

ꠁꠔꠣꠞ ꠎꠞꠥꠞ ꠅꠁꠍꠦ, ꠇꠣꠞꠘ ꠎꠦꠔꠣ ꠝꠣꠘꠡꠦ ꠛꠦ-ꠖꠤꠘꠤ ꠇꠣꠝꠞ ꠡꠣꠎꠣ ꠙꠣꠁꠛꠣꠞ ꠇꠕꠣ ꠀꠉ ꠕꠣꠇꠤꠃ ꠟꠦꠈꠣ ꠀꠍꠤꠟ, ꠔꠟꠦ ꠔꠟꠦ ꠅꠔꠣ ꠝꠣꠘꠥꠡ ꠀꠁꠀ ꠔꠥꠝꠞꠣꠞ ꠖꠟꠅ ꠢꠣꠝꠣꠁ ꠉꠦꠍꠦ। ꠀꠝꠞꠣꠞ ꠀꠟ꠆ꠟꠣꠞ ꠞꠢꠝꠔꠞꠦ ꠔꠣꠞꠣꠞ ꠛꠖ ꠈꠣꠁꠡ ꠝꠤꠐꠣꠘꠤꠞ ꠀꠔꠤꠀꠞ ꠛꠣꠘꠣꠁꠍꠦ, ꠀꠞ ꠀꠝꠞꠣꠞ ꠄꠇꠝꠣꠔ꠆ꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠃꠟꠐꠣ ꠌꠟꠦ।

Injil 26: Ehuda 1:7

ꠅꠃ ꠟꠣꠈꠣꠘ ꠢꠎꠞꠔ ꠟꠥꠔ ꠘꠛꠤꠞ ꠎꠝꠣꠘꠣꠞ ꠍꠣꠖꠥꠝ, ꠀꠝꠥꠞꠣ ꠀꠞ ꠇꠣꠘ꠆ꠖꠣ-ꠇꠣꠍꠣꠞ ꠢꠇꠟ ꠐꠣꠃꠘꠞ ꠝꠣꠘꠡꠦ ꠅꠔꠣꠞ ꠟꠣꠈꠣꠘ ꠎꠤꠘꠣ ꠇꠞꠍꠤꠟ, ꠈꠣꠟꠤ ꠎꠤꠘꠣ ꠘꠣꠄ, ꠔꠣꠞꠣ ꠈꠥꠛ ꠈꠛꠤꠍꠤ ꠎꠤꠘꠣ ꠇꠞꠣꠄ ꠌꠤꠞꠇꠣꠟ ꠗꠞꠤ ꠖꠥꠎꠈꠅ ꠎꠟꠛ, ꠁꠔꠣ ꠅꠁꠟ ꠄꠇꠐꠣ ꠘꠤꠡꠣꠘꠣ।

Injil 27: Zaira Kalam 12:9

ꠢꠃ ꠖꠣꠘꠛꠞꠦ ꠀꠞ ꠔꠣꠞ ꠌꠦꠟꠣ-ꠌꠣꠝꠌꠣ ꠅꠇꠟꠞꠦ ꠖꠥꠘꠤꠀꠔ ꠚꠣꠟꠣꠁ ꠖꠦꠅꠀ ꠅꠁꠟ। ꠅꠃ ꠖꠣꠘꠛ ꠅꠁꠟ ꠢꠃ ꠙꠥꠞꠣꠘꠣ ꠢꠣꠚ, ꠎꠦꠉꠥꠞ ꠘꠣꠝ ꠁꠛꠟꠤꠍ-ꠡꠄꠔꠣꠘ, ꠢꠦ ꠖꠥꠘꠤꠀꠞ ꠢꠇꠟ ꠝꠣꠘꠡꠞꠦ ꠛꠦ-ꠙꠕꠤ ꠛꠣꠘꠣꠄ।

Injil 27: Zaira Kalam 13:14

ꠢꠃ ꠙꠄꠟꠣ ꠎꠣꠘꠥꠀꠞꠞ ꠟꠣꠉꠤ ꠎꠔ ꠟꠣꠈꠣꠘ ꠇꠦꠞꠣꠝꠔꠤ ꠖꠦꠈꠣꠘꠤꠞ ꠈꠦꠝꠔꠣ ꠔꠣꠞꠦ ꠖꠦꠅꠀ ꠅꠁꠍꠤꠟ, ꠅꠔꠣ ꠖꠦꠈꠣꠁꠀ ꠢꠦ ꠝꠣꠘꠡꠞꠦ ꠛꠦ-ꠙꠕꠤ ꠛꠣꠘꠣꠁꠟ। ꠙꠄꠟꠣ ꠎꠦ ꠎꠣꠘꠥꠀꠞ ꠔꠟꠥꠀꠞꠞ ꠍꠦꠖ ꠈꠣꠁꠀꠅ ꠛꠣꠌꠤ ꠉꠦꠍꠤꠟ, ꠔꠣꠞ ꠄꠇꠐꠣ ꠝꠥꠞ꠆ꠔꠤ ꠛꠣꠘꠣꠘꠤꠞ ꠟꠣꠉꠤ ꠖꠥꠍꠞꠣ ꠎꠣꠘꠥꠀꠞꠦ ꠝꠣꠘꠡꠞꠦ ꠙꠞꠣꠝꠤꠡ ꠖꠤꠟ।

Injil 27: Zaira Kalam 13:8

ꠁꠔꠣ ꠖꠦꠈꠤꠀ ꠖꠥꠘꠤꠀꠛꠤ ꠢꠇꠟ ꠝꠣꠘꠡꠦ ꠔꠣꠞꠦ ꠍꠁꠎꠖꠣ ꠇꠞꠛ। ꠎꠉꠔ ꠙꠄꠖꠣ ꠇꠞꠣꠞ ꠀꠉꠦ ꠎꠦ ꠝꠦꠠꠣ-ꠛꠣꠁꠌ꠆ꠌꠣꠞꠦ ꠎꠛ ꠇꠞꠣꠞ ꠇꠕꠣ ꠡꠣꠁꠛꠡ꠆ꠔ ꠇꠞꠣ ꠅꠁꠍꠦ, ꠢꠃ ꠝꠦꠠꠣ-ꠛꠣꠁꠌ꠆ꠌꠣꠞ ꠎꠤꠘ꠆ꠖꠦꠉꠤ ꠈꠣꠔꠣꠔ ꠎꠦꠞꠣꠞ ꠘꠣꠝ ꠘꠣꠁ, ꠄꠞꠣ ꠙꠞꠔꠦꠇꠦ ꠔꠣꠞꠦ ꠍꠁꠎꠖꠣ ꠇꠞꠛ।